30 يناير ثورة الشباب ولا صوت لقيادات الاحزاب سنخرج بدونهم

Quote: وعشان أطفالنا الجايين.. والطالع ماشى الورديّه وحياه الشعب السودانى فى وش المدفع تلقانى قدام السونكى حتلقانى وانا بهتف تحت السكين الثوره طريقى وايامى معدوده وتحيا الحرّيه

Quote:

Quote: عفارم عليك لكم الإنحناءة والتجلة

Quote: صالح عام هديمك يا وليد مقدود وصابحنا الفقر و الجوع صبح جلد البطن مشدود * * شن بتسو و اخيك من شهر مرفود قالو .. صالح عام عشان قال العُوج في العود حمدّ يارب اخير من قول هديك البغلة في الإبريق كان ودوهو بيت الأشباح و كان دوقو زول هلفوت * *

Quote: والله بالفعل مناضلي كي بورد بس انتم من نوع آخر متواجدين خارج السودان ... والايده في الموية مش زي الايده في النار ونحن موجودين وانتم .... فثورة الكي بورد بتاعتكم لا تعدو حدودها النت وبس ........ وشوية في الفيس بوك لان ثقافتنا في الفيس بوك ... يادوب ثقافة شاتات ومنتديات اغلبها لا جدوى منه ..... حتى ثقافتنا في المنتديات هي ثقافة سخيفة في النقاش الوحد يفتح بوست بعنوان متيمز ولمن تدخل داخله تجده لا يحتوي على اي مضمون او كلمة واحدة فقط ..... والان الذي ينظر الى الصفحة الاولى من المنتدى يجد اكثر من 30 بوست بنفس المضمون وان كتاب هذه البوستات هم مجموعة بعينها لا يزيد عددهم عن الخمس من المعروفين ..... وان باقي المستحدين ..... فهم مستجدين ..... وفتحين بوستات فقط للتعريف بانفسهم وليس الا ويوم الاحد قريب ونشوف منو من فاتحي البوستات يتقدم المسيرات ويدق صدره ...... واحتمال سيناريو كبير ..... بانه يطلع من يقول بان المسيرة قد تأجلت .... وهو سينارينو انا اتوقعه وكل الدلائل تدل على ذلك ودليل الكبير بان اغلب من في الخرطوم لا يعلمون حتى عن هذه الدعوة للمسيرة ..... وان الباقي غير مقتنع بها ... اذن لنسمى هذه المسيرة بمسيرة مناضلي الكي بورد ......

Quote: الإعتصامات ومنهج العصيان هو اللذي سيسقط هذه الحكومة , ولابد أن يكون التظاهر مفتوح ومستمر حتي يجبر الظالم علي التنحي, وترك هذا البلد العظيم ليحكمه ابناءه, وليحكمنا اي شخص ما عدي هؤلاء الإنقاذيين اللذين اللذين أفسدوا و نهبوا خيرات هذا البلد لمصالحهم الخاصة.

Quote: هديمك يا وليد مقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار