|
|
|
 Re: أها.. كُنا واقفين وين؟ (Re: mohmed khalail)
|
عزام حسن فرح
ياخ عام سعيد والقابلة تتحقق الامنيات
كنت متخيل انك ح تجى (بنيو لوك ) ولكن
لقيتك بذات صناعتنا المحلية (نلبس مما نصنع )
بالنسبة لى كنا واقفين وين
اخر مرة كان موضوع
( الشاب ) بتاع عرض الازياء وزجاجة الكلونيا الما معروف ليها ماركة
عموما الف مرحب بيك
وعايد عايد يا ...... الباقى تمو خيال !!!!
قاسم المهداوى
| |
  
|
|
|
|
|
|
|
|
Re: أها.. كُنا واقفين وين؟ (Re: قاسم المهداوى)
|
osman abdaha
علاء الدين صالِح
د. نجاة محمود
mohmed khalail
هجو الأقرع
ـــــــــــ
قاسم مهداوي
Quote: كنت متخيل انك ح تجى (بنيو لوك ) ولكن
لقيتك بذات صناعتنا المحلية (نلبس مما نصنع ) |
يا خوي < ... إِنَّ اللهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ ... > الرعد 11
كتر خيركُم.. وكُل عام وأنتُم بألف خير وعافية يا رب
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
هشام هباني
| Quote: كنا واقفين عند خطاب البشير (كراع في القضارف وكراع في الحلفاية)! |
الخِطاب ده ناوي أفتح ليهو عمود أتنرجس فوقو، أظِن حأسميهو "زَينت صحيفة أجراس الحرية مقالٌ لي" عاوزك تِتْأمل فوقو قدٌر ما تقدر وتسمح ظُروفك
ـــــــــــــــ
| Quote: مع تحياتي لصديقي ناجي شلبي |
يوصِل تاب أنا أخوك
ـــــــــــــــ
بِمُناسبة (كراع) دي إتْخَيل يا ود الناظِر، أمْبارِح تااااني مشيت لِلعِريبي بدرالدين ود الأمير في سقيفتو.. الزول ده يا ربي يِكون عامِل لينا "عمل" ولا شنو؟!
| |
|
|
|
|
|
|
|
|
|
Re: أها.. كُنا واقفين وين؟ (Re: عزالدين محمد عثمان)
|
- عبدالعزيز حُسَين عبدالرحيم (توصل شُباك النبي إن شاء الله)
- ود الباوقة (أردُم شنو يا زول.. دحين شايِفني فاتِح لي مطمورة؟!)
- سيف الدَولة كامِل (تحضُر إتْ مع الذين أنابوا)
كتر خيركم.. (وحسب التوجه العام لِلدَولة، جزاكم الله خَيرًا.. وأحسب أن)
| |
|
|
|
|
|
|
|
|
|
Re: أها.. كُنا واقفين وين؟ (Re: عبدالله ابوشوارب)
|
د. نجاة
Quote: جيتا جيت يا ملك
كل سنة وانت طيب لعيد الاضحية وكل سنة وانت طيب للسنة الجديدة.. |
تمْلُكي الدُنيا إن شاءالله.. والله عيد الضحِية الفات بِت إبراهيم إتْلَومت فوقو معاي لوم الحسن والحُسين.. قالتْلي:
- جيبِنْ إتْنين
- شِني ديل؟
- الخِرْفان!
- سببي شنو؟
- دايرا واحِد أقضي بيهو نذُرْ
- نذُر شنو يا ولَيه؟
- أجي أجي.. ما حدثتك.. الشموم بِت عَوض الكريم، ما نذرت ليها بهيمة أكان وِلْدت..
- وأنا دخلي ايه في الحِكاية دي يا بِت إبراهيم.. الله؟
- سجمي يا راجِل! مالك دايِر تِتْلَوم عاد
- أتْلَوم ايه.. الناس تَوْلِد وأنا أكَرِم ليها.. ايه ده.. ايه ده؟!
جبت خروف وااااحد، وكَيْتًا فوقي أبت تمشي معانا ناس أُختي! والله غايتو
| |
|
|
|
|
|
|
|
|
|
Re: أها.. كُنا واقفين وين؟ (Re: صلاح عباس فقير)
|
أنا زمان قلت ليك أبوك حسن فرح مسك محل الوزير لفترة بسيطة و طول لسانو علي نمبري و نميري أحالو للمعاش و انت ماشي في دربو نسوي ليك شنو؟
القصة يا جماعة تتلخص في المحادثة التالية:
رن التلفون في مكتب حسن فرح و كان حينها يتولى مهام الوزير و دارت المحادثة التالية:
ررررررن رررررررن
حسن فرح : أيوه حسن زفت
نمبري: معاك جعفر نميري
حسن فرح: برضو معاك حسن زفت
نميري قفل الخط و قرر احالة حسن فرح للمعاش.
عزام مرحبا و عام سعيد لك و للأسرة الكريمة و قول لي بت ابراهيم جبنة مظبوطة بمناسبة العودة.
| |
|
|
|
|
|
|
|
|
|
Re: أها.. كُنا واقفين وين؟ (Re: وليد عبد اللطيف)
|
الحاج حمد الحاج
| Quote: و قول لي بت ابراهيم جبنة مظبوطة بمناسبة العودة. |
والله قبل يومين كَدي زارني الأُسْتاذ / الأمين كاكوم ومعاهو حبيبي أحمد عبدالمنعم، أها هسِع حضرتنا "الجبنه" والله يا ود حمد، لامِن كملنا "البِكِر" وتنيناها، وبقينا فوق "التِلِت" ومع أول جُغْمه أكانت إتزامنت مع حديث للأُسْتاذ / كاكوم في صوفِية التيجاني يوسُف بشير وقام سوو كَدي وجاب عوايدو السمحه ومِن شِده الزول وصاف ونضام التقول التيجاني يوسُف بشير معانا، أخوك تشوفو هسِع شعَود تاااب وقنبت أسوو في ورووووك ورووووك الليلة أمبارِح باكِر وروووك الليلة أمبارح باكِر.. أخير أنا حرم، حبيبنا أحمد عبدالمنعم بقى مِغَبي تااب أنا أخوك، أكان دايِر يِقولو "أحسنت" قالو "صدق الله العظيم" الجبنه دي سرها باتِع
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
أجــمــل صــباح ،
أخي عزام ،
الف حمد لله علي السلامة ،
و مرحـب بيك ،
قلم واعد ،
والله مشتاقيـن كثير ،
لك جمهور واســــــع ،
والف مبروك علي العودة ،،،
عزالدين عباس الفحل
ابوظبي
| |
|
|
|
|
|
|
|
|
|
Re: أها.. كُنا واقفين وين؟ (Re: عبدالمجيد الكونت)
|
- محمد عبدالماجد الصايم (زمان كنا بناديك ود الصايم، هسع بقيتو إتْنين، أخير نفرُز)
- HAIDER ALZAIN (الرأي شنو في الفيس؟ أنا بقول أخير ما نخسرو)
- وليد عبداللطيف (يا زول أنا ما مقَيد.. إتْ شِن أسبابك؟ خَوتكُم.. غايتو!)
- عزالدين عباس الفحل
- منتصر محمد زكي
- محمد عمر جبريل (والله بقينا شغالين ساتِر.. عليك الله رسِل لي مسِج، خليني أعتمِد رقمك)
- معاوية عِبيد الصائِم
- عبدالمجيد الكونت
كتر خيركُم... تسلمو إن شاءالله
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
حمدلا على السلامة يا عزام ...
| Quote: ... إلخ ، بس علشان أجدِد معلومات الكراسة ... عملت المَوضوع " شخصي " جِدًا جِدًا ... وبجي اليَوم البخلص فيهو حقي بايدي دي مِنهُم واحِد واحِد .. |
ذكرتني بي واحد من أولاد حلتنا .. كان ضعيف ونحيف وكنا بندقو طوالي ونحقر بيهو خاصة بعد التمرين .. وبالليل لمن نجي نتعشى في الدكان بنشيل منو الشيرنق ونتفق عليو .. نخت صحت البوش وهو قبل ما يدخل إيدو نقوم نتخاتف الأكل ونكون أكلنا برانا وهو ما أكل حاجة .. الزول دا حقارتنا بيهو فاتت الحد لحدي ما جا اليوم العائلتو إغتربت وهو سافر السعودية معاهم .. بعد خمسة سنوات جا راجع ...سمعنا بي جيتو والوكت دا أنحن كبرنا وعقلنا قلنا نمشي نسلم عليو قابلناهو الزول إتغير بقى ضخم وطويل سلمنا عليهو أبى يسلم علينا .. قال أنا رجعت ليكم مخصوص عشان أخلص حقي منكم .. الخمسة سنين الفاتو ديل باكل في اليوم عشرة وجبات عشان ابقى تخين كدة وما أقابلكم في الشارع والله إلا تقوموا جارين .. الزول قايلنو بيهظر لكن كان جادي جدا جدا لدرجة إنو طردنا من بيتم ..
بعد كم يوم لم في واحد فينا جمب الفرن مسكو دقاهو دق العيش فش فيهو غبائن السنين .. كلنا شعرنا بالخطر من التور الهائج دا .. غايتو يعد الحادثة دي بي كم يوم أنا سافرت برة السودان للدراسة وبي وراي سمعت إنو لمة في واحد تاني لحقو أمات طه ... جيت راجع بعد سنتين بتلبد من المطار لحدي ما دخلت جوة بيتنا وحمدت الله لمن عرفت إنو رجع السعودية ..
هسي مرت قريب الحداشر سنة من الحادثة ديك وأنا لا هسي بتلبد خايفو يلم فيني ..!!
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
حبابك عزام .. حبابك 1000 والله
وشوق من لفان لى جوعان ....
وحرم متقريف لى ونستك الدقاقة دى
وتب مانى فايت ضل نيمتك دى
اما الوقوف كان وين .. كنا واقفين
فى الهاوية تب .. والحين باقى طفرنة
لى تحت .. والله يستر
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
| Quote: - وليد عبداللطيف (يا زول أنا ما مقَيد.. إتْ شِن أسبابك؟ خَوتكُم.. غايتو!) |
بقيت تقول الريدة خوه
خوه ايه بتبكي سيدا
خوه بتسهر ليالي وللا دي الخوه الجديده
.
.
علي بالايمان فاقدنك وقلنا استراحة محارب وكدا
والله زي ماقال الحاج حمد
| Quote: أنا زمان قلت ليك أبوك حسن فرح مسك محل الوزير لفترة بسيطة و طول لسانو علي نميري و نميري أحالو للمعاشو انت ماشي في دربو نسوي ليك شنو؟ |
| |
|
|
|
|
|
|
|
|
|
Re: أها.. كُنا واقفين وين؟ (Re: محمد عبدالرحمن محمد)
|
ناذر محمد الخليفة
Quote: ذكرتني بي واحد من أولاد حلتنا .. كان ضعيف ونحيف وكنا بندقو طوالي ونحقر بيهو خاصة بعد التمرين .. وبالليل لمن نجي نتعشى في الدكان بنشيل منو الشيرنق ونتفق عليو .. نخت صحت البوش وهو قبل ما يدخل إيدو نقوم نتخاتف الأكل ونكون أكلنا برانا وهو ما أكل حاجة .. الزول دا حقارتنا بيهو فاتت الحد لحدي ما جا اليوم العائلتو إغتربت وهو سافر السعودية معاهم .. بعد خمسة سنوات جا راجع ...سمعنا بي جيتو والوكت دا أنحن كبرنا وعقلنا قلنا نمشي نسلم عليو قابلناهو الزول إتغير بقى ضخم وطويل سلمنا عليهو أبى يسلم علينا .. قال أنا رجعت ليكم مخصوص عشان أخلص حقي منكم .. الخمسة سنين الفاتو ديل باكل في اليوم عشرة وجبات عشان ابقى تخين كدة وما أقابلكم في الشارع والله إلا تقوموا جارين .. الزول قايلنو بيهظر لكن كان جادي جدا جدا لدرجة إنو طردنا من بيتم ..
بعد كم يوم لم في واحد فينا جمب الفرن مسكو دقاهو دق العيش فش فيهو غبائن السنين .. كلنا شعرنا بالخطر من التور الهائج دا .. غايتو يعد الحادثة دي بي كم يوم أنا سافرت برة السودان للدراسة وبي وراي سمعت إنو لمة في واحد تاني لحقو أمات طه ... جيت راجع بعد سنتين بتلبد من المطار لحدي ما دخلت جوة بيتنا وحمدت الله لمن عرفت إنو رجع السعودية ..
هسي مرت قريب الحداشر سنة من الحادثة ديك وأنا لا هسي بتلبد خايفو يلم فيني ..!! |
مُبالغة لكِن يا ناذر ياخ.. والله أنا هسع الضحك ما مخليني أعرف أكتب.. ياخ ده زول فريد جدًا.. وإنت عاقِل جِدًا.. أنا بنصح إنك ترتب علاقة مع صديق مشترك بيناتكم، يوريك أول بأول تحرُكانو، لأنو زي ده مُمكِن بالغبينه الفوقو دي وبعد ما نال من أغلبكُم، تكون إنت الباقي ليهو.. والتور ده مُمكن تتوقع منو أي حاجة ياخ
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
الحاج حمد الحاج
وليد ود عم عبداللطيف
| Quote: أنا زمان قلت ليك أبوك حسن فرح مسك محل الوزير لفترة بسيطة و طول لسانو علي نميري و نميري أحالو للمعاشو انت ماشي في دربو نسوي ليك شنو؟ |
ما تْحاولو ما يكون في الجُوار "نميري" مُش يِمْكن ده الحل
| |
|
|
|
|
|
|
|
|
|
Re: أها.. كُنا واقفين وين؟ (Re: أحمد محمد عمر)
|
أحمد محمد عمر
كيف حالك؟ علك طَيِب
الكائِن المُتحرك ده أنا خِلِصت مِنو بدري خالص.. وهو مِتْل اللبلاب، لو ما لقى ليهو شيتًا ينْدرِع فوقو ما بِنْقل مِن واطاطو المَلَيَس فوقا.. وما بِتفرِق معاي "هَوْهَوْتو" عاد فرقت مع الجمل الماش في شنو؟ حرم الحبه ما فرقت معاهو.. الأنا مُتْأكِد منو حاجة واحدة بس، الزِويل البِجيبلو مُقْتبس ويحجِب رابطو، بِكون دايِر يِوظِف النص لِصالِح أجِندتو.. أها مِتِل ها الزِويل أنا ما بضَيِع زمني معاهو.. مُمْكِن لو إسْتجد أمر أمرُق ليهو، لكِن أقنِب أكرِر في رقبتي وأعيد وأزيد وقال لي وقُلت ليهو.. ده ضياع زمن ساي حرم..وأنا كاتِب لي كذا ألف حاجة بين عمود ومداخلة، وما عِندي مكتبة أحتفِظ فوقا بِكِتاباتي، علشان كِده ما بقدر أقنِب أفتِش إرشيف البورد مِن أغسطس 2008م (تاريخ إشْتِراكي) وبعدين أقرأ كُل أعمِدة الكائِن المُتحرِك ده، مُداخلة مُداخلة، لِغاية اليوم علشان أشوف هو جاب الإقْتِباس مِن وين! المفروض البِقْتبِس نص يِجيب رابطو علشان الناس تشوف سياق النص ورد في شنو؟
كدي شوف إنْتاج الكائِن المُتحرِك ده مِن أدوهو العضوِية لِغاية يومنا ده، شوف فوقو أي إنْتاج.. ماف .. كلو البِسويهو، يقتبِس نص ويِقنِب يسأل ويِسأل ويِسأل وعُمرو ما قِدِر يِجاوِب ليهو عن سؤال.. وأغلب خرْمجتو فوق أنا عربي وحبوبتي شعر راسا لِنُص ضهرا وخيلاني أكانو بِموتو فوقي -حلاتك إتْ- وكانو طُوال.. وعُمْدتو دايمًا "موسوعة ويكيبيديا" إتْخَيل.. مره جاب ليهو حاجة مِن الموسوعة دي، قلت ليهو دي ما مرجع، غالطني، قمت نزلت ليهو معني إسمو حسب ما ورد في موسوعة د. عَون الشريف قاسِم، الفحواه إنو إسمو [حديدة يُرْبط فيها حِمار] وجلبت رابِط ويكيبيديا..
يا زول إنت جبت المُفيد
| Quote: قطع الكلام من النص |
| |
|
|
|
|
|
|
|
|
 Re: أها.. كُنا واقفين وين؟ (Re: عزام حسن فرح)
|
تحياتى اخى عزام،،
بركة العودة... افتقدنا قلمك السيف...ومعلوماتك الموثقة... وحججك القوية...وخطك المشكل...عودا حميدا...لا ادرى لماذا تزامنت عودتك مع انتهاء العد التنازلى للانفصال...
عودا حميدا وان شاءلله اخر غياب ,,,
| |
|
|
|
|
|
|
|
|
|
Re: أها.. كُنا واقفين وين؟ (Re: عبد الرحيم حسب الرسول)
|
علي محمد الخير
كيف حالك؟ علك طَيِب
تسلم إنت.. كتر خيرك
ـــــــــــ
| Quote: لا ادرى لماذا تزامنت عودتك مع انتهاء العد التنازلى للانفصال... |
والله ما عارِف! يِمْكن يا ربي علشان الجنوب إنْتهينا مِنو خلاص، والمُهِمة الجديدة إنو نسانِد أي شَتَمْ بِطُقُ أغنِية <تقرير المصير> ما عارف والله.. لكِن العارفو حاجْتين إتْنين:
(1) إنو صوتي جميل ولو غنيت مع ناس دارفور أُغنِية <تقرير المصير> بئـفيد.
(2) إني ولووف بِشكل غريب ياخ، لو ناس دارفور في مرحلةٍ ما تَوقفوا عن الغِناء، لن أتَوقف أنا.
تفتكِر ده يِكون السبب يا "علي" يا خوي؟!
جنوب السودان قد فرِغنا منهُ ، ماذا هُناك بعد؟ نعم .. ه...ودان ... فاليكُن إذن
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
الاخ عزام
حمدلنا ليكم السلامة بهناك في بوست عربي جوبا
اها تاني حمدالله علي السلامة
واقين وين يا نازك ....واقفين وين!
غير موضوع الانفصال دا اظن في موضوع كان منتظرك كان ما مشا الارشيف وهو بوست القرضاوي ضد الحدود على ما اظن بس جيب معاك هشام ادم لانو
الون- تو بتاعتكم هي المخليانا قاعدين في البورد لانو بنشجع اللعبة الحلوة
| |
|
|
|
|
|
|
|
|
|
Re: أها.. كُنا واقفين وين؟ (Re: Yassir Tayfour)
|
عوده مباركه بعيدا عن المشاكسات والمشاكل ,,
لكن نفسى كان أعرف مادار بين التوقيف وحتى العوده ؟
وهل صحيح الناس البوقفوهم ديل قاعدين يجننوا بكرى
بالتلفونات والماسنجر ؟؟!!
أرجو أن لا تكون منهم ,, حيث إن هذه الشنبات وذلك السديرى
لا يسمحان بالإستجداء .
مشتاقين ياعزام ,, وكان المفروض أن أحضر مع كاكوم بالرغم
من إنك ما عزمتنى ,, لكن كاكوم لم يؤكد لى موعد الذهاب ,,
ثم إننا لا نمشى لناس مابيجونا .
| |
|
|
|
|
|
|
|
|
|
Re: أها.. كُنا واقفين وين؟ (Re: عزام حسن فرح)
|
الاخ عزام استميحك عذراً
Quote: عوده مباركه بعيدا عن المشاكسات والمشاكل ,,
لكن نفسى كان أعرف مادار بين التوقيف وحتى العوده ؟
وهل صحيح الناس البوقفوهم ديل قاعدين يجننوا بكرى
بالتلفونات والماسنجر ؟؟!!
أرجو أن لا تكون منهم ,, حيث إن هذه الشنبات وذلك السديرى
لا يسمحان بالإستجداء . |
الأخ كمال سلامات
من متابعاتى لكتابات الاخ عزام ولفترة ليست بالقصيرة لم يكن البادئ مع أى شخص بأى مشاكسات أو مشاكل
ولكن رده على من تعدى الحدود يكون باسلحة الدمار الشامل
ليس من العدل دعوته البعد عن المشاكسات والمشاكل وهو المدافع وحسبك محاولات المشاكسة فى هذا البوست
والتى ارجو أن يتجاهلها الأخ عزام حتى نستفيد ويستفيد قراءه بالمنبر من وجوده وبلا شك هم كثر
أما حكاية تجنن بكرى بالتلفونات والاستجداء هذا مالم يقم به الأخ عزام اطلاقاً بالتأكيد فى هذه العودة
أكرر عذرى للأخ عزام وأضم صوتى لصوتك أخى كمال مرحباً بالأخ عزام
| |
|
|
|
|
|
|
| |
عزام حسن فرح
osman abdala
علاء الدين صالح
mohmed khalail
هجو الأقرع
قاسم المهداوى
ABUHUSSEIN
عثمان نواي
هشام هباني
عبدالكريم أحمد الامين
محمد إبراهيم علي
سيف الدولة كامل
عزالدين محمد عثمان
بريمة محمد
عبدالفتاح أبوشيمة
Hassan Makkawi
الحاج حمد الحاج
حسن حماد محمد
محمد عبد الماجد الصايم
HAIDER ALZAIN
وليد عبد اللطيف
عزالدين عباس الفحل
منتصرمحمد زكى
محمد عمر جبريل
معاوية عبيد الصائم
ابو جهينة
ناذر محمد الخليفة
عوض حمزة
محمد عبدالرحمن محمد
بدر الدين الأمير
محمد أبوالعزائم أبوالريش
Safia Mohamed
مزمل خيرى
الخير محمد عوض
عبد الرحيم حسب الرسول
Nazik Eltayeb
Yassir Tayfour
كمال سالم
بدر الدين اسحاق احمد
كمبورة
فيس بوك
تويتر
انستقرام
يوتيوب
بنتيريست