|
|
|
 Re: أما آن لشتـــــات أن يجتمع ؟؟ (Re: garjah)
|
الراحل المقيم البروفسير عبد الله الطيب رحمه الله .. في مقدمة إحدى محاضراته .. قال لسامعيه وهم يشيدون به ويصفقون قال فيما معناه :
(تحسبوني خطيبا مفوها .. مؤلفا يؤلف الكتب .. محاضرا يلقي المحاضرات في الجامعات والمؤتمرات .. ولكنني أقف اليوم أمامكم عاجزا عن الكلام .. فكم وددت أن أخاطب تلاميذي فقط فحسب الألفة ترفع الكلفة ..)
وهذا عبدالله الطيب من تعرفون ..
صاحب أعظم بيت في الوفاء قالته العرب "حسب تقديري الشخصي الضعيف"
اذ قال وفاءا لزوجته الانجليزية بعد أن بلغت من العمر عتيا :
أحبها والشيبُ شاملٌ فرعَهـــــا .. كعهدي به إذ كان وهو بهيمُ
يا قرجة حرام عليك ..
اذا عجز عبدالله الطيب عن الرد وفاءا لهتاف محبيه .. فماذا تراني أنا فاعل؟
وأنا لست عبدالله االطيب حتى أقول بيتا في الوفاء كذاك ..
أعمل ليك شنو؟
ياخي حرام عليك ..
مالك علي يا قرجة ..
والله طول عمري لا أحب الشهرة والبريق ..
احب أن أعيش بسيطا وأموت بسيطا واحشر في زمرة البسطاء ..
ان جسدي الرهيف لا يقوى على احتمال الثناء ..
ان عظامي النحيلة لا تقوى على الوقوف أمام التصفيق ..
ان عيوني تخاف الأضواء ..
يا قرجة مالك علي ..
يا قرجة انا والله احب أن أدفع مد الحب والأمل من خلف الستائر ..
وزي حبيبي المطر أرجو ألا أكون العريس بس أكون في الجوقة التى تصنع الفرح ..
يا قرجة الله يديك العافية ..
وينور دربك .. ويديك الفي مرادك .. وانشاء الله يا قرجة كان الله مد في العمر بنتلاقى ..
ليتني كنت عبدالله الطيب حتى أوفيك حقك على هذا الجميل ..
ليتني كنت السمؤءل ..
ليتني كنت حرفا في كل كلمة قيلت في الوفاء .. حتى أضعها بين يديك طائعا شاكرا ..
ويا اخوانا العندو لي معزة يشكر معاي الزول دا ..
ويا اخوانا انا قرجة دا والله لا بعرفوا لا شوفتو وفي البورد ما اتلاقينا في بوست واحد الا قبل اسبوع ..
يا قرجة ليك منى كل كلمة شكر قلتها أو سمعتها في حياتي
وليك مني وفاء كل من أوفي في هذه الدنيا ..
ونتلاقي باذن الله في زمن تاني وزمن جايي وزمن لسه ..
صلاح / شتات
| |
 
|
|
|
|
|
|
|
|
Re: أما آن لشتـــــات أن يجتمع ؟؟ (Re: garjah)
|
شتات
أما أنا، فإنى أعرف هذا الإنسان البهى
هذا ال "قرجة" التى تتوكأ عليها كل سماحة أهلنا فى السودان
هو فتى جميل المحيا، بهى الطلعة، ترى حسن الفأل أول ما تراه، وإن أنت قربت ناحيته، يفاجئك الإبتسام وهو يضوع عطرا ويشع سنا
ما من إنسان يحب الجمال ويهواه، وإلا كانت دواخله ايضا عامرة بكل حشود الجمال والحس الصافى
وما من إنسان يكرم ويهب الحب وسامى المشاعر فى أنبل إنسانيتها، إلا ووجدته يمور كرما ويفيض إنسانية وسمو أخلاق
الليلة لقيت إيدى فيك يا قرجة، أصلى كنت لابد ليك، ولسه لابد
رأيك شنو يا شتات الزول ده نتآمر عليهو و "نربط" ليهو تحت القش، ونبهدلو برضه زى ما بهدلنا
| |
|
|
|
|
|
|
|
|
 Re: أما آن لشتـــــات أن يجتمع ؟؟ (Re: THE RAIN)
|
(يارباطيـة) الجمـال و(ياهمباتة) الدهشـة
سلاااام
هيـا افضحوا تلك الروائع (وعروها) للناظريـن
ونحن هاهنا من المنتظرين
قرجة
لك كل نجمات المساء
ونسمات الصباح
لك اغاريد البلابل
وأزاهيـر الريـاض
لك ثنـاء لاتطيـق حملـه ابجديـات الحـروف
لك كل هـذا وأكثـر مـن أجـل ما تغرقنـا بـه من روعـة
وعلشـان خاطـر معـزة صـلاح
لك كـل مايهطـل به المطـر
وكل تحـف جـورج الدعـاش
ومــدد ...
مـــدد
ياشيوخــي مـــدد
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: ملكة سبأ)
|
نعزِّك في السمح والشين ..
نجيك جارين ..
نلقاك فراشة بين فرعين ..
تداعب في رحيق وردة ..
شربت من ربانا حنين ..
نشيلك خاطرة ترعانا ..
يطول بالفرحة لقيانا ..
نعيش الماضي والجايي ..
يزيد عمرنا سنين وسنين ..
ويا عزة ..
ألف سلام ..
ونلقاك ..
قرجة ..
هارب من بريقك ..
عشان احتمي بضياك ..
هارب من أمامك ..
عشان أبقى وراك ..
صلاح / شتات
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: جورج بنيوتي)
|
رجاء انتي ممن يمشون بيننا بالحب والخير فلا تعبت خطاك ولا فتر الخير فيك ملكة سبا اشهد انك مالكة لناصية قوية في النضم الجميل انتي من ياتينا بالمدد ... رشي عبيرك فينا يا شبه القمرا جورج ان لم تجد ماء فتيمم ..فتراب هذا الحوش طهور طهور حباب الجميل اما انتما المطر وشتات يا رباطية النضم الجميل ويا صعاليك الكلمة الحلوة فصبرا ان موعدكما ابداعا لا ينضب
(عدل بواسطة garjah on 04-27-2004, 08:07 AM)
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: Raja)
|
رجاء ..
نجمع ليك السمح وعديل
نفرح بيك ..
نلاقيك وردا نداهو يسيل
نخت كل الأماني في ايديك ..
تزغرد ليك قماري النيل ..
نجيك ومعانا أشواقنا ..
نشوف جمال يومك ..
نطرب نسامر نجوم الليل ..
ويا عزة ..
ألف سلام ..
ويا قرجة حيَّاك الغمــام ..
صلاح / شتات
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: خالد الحاج)
|
خالد الحاج .. أيها الراقي النبيل
يمتد فرحنا بك ظلا ..
نلتقيك تحت أفيائه .. ونضع على يديك قرنفلة بيضاء ووردة حمراء ..
ونلاعب عصافير الأشواق وهي ترفرف فوق المكان ..
ونرتشف طعم الشاي بعمق الألفة ..
ونغني للأحباب ..
لك كل ما جادت به كف هذا اليوم من ندى ..
لك المحبة ..
ونلتقي ..
صلاح / شتات
قرجة ..
من خريفك المشبَّع بالندى .. يأتي الهديل ..
صوتا نحتفظ به في دفتر الأوفيــاء ...
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: garjah)
|
قــــــرجة سلمت..
انه التوثيق لمسار الكلمة المعبرة....
ترى كيف يكون شتات السحر وهو مجتمع ؟ ...وكيف يكون فيض الجمال عندما يكسح مساحات من الالفة بتلك القوة....?
شتات ..التقيته مرة ..والتقيت ادبه الرفيع عدة مرات بهرت من
ذلك التجانس بين قسمات وجهه وروعة حروفه حتى خلتهم توأمين من
فرط الشبه..
قرجة... ها قد بدأ الانسياب...
نهفوــــــــــــــــــ
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: walid taha)
|
وليد طه ..
غازلتك حمائم الود ..
وسرحت في واديك غزلان المحبة ..
يا وليد .. والله ما أنا إلا ضوء خافت في حزمة متوهجة من نور .. تضيء أركان هذا المنبر ..
وما الضوء إلا مجموعة من أشعة تتشكل في حدائق الضياء ..
المطر .. الأيادي البيضاء .. البنفسج .. التفاح .. وكثير من الفراشات ..
كل هذه أسماء هنا ومن بينها شعاع يسمى وليد طه ..
وهكذا تتألق الأضواء في مدينة الليل ..
فنعانق أماسي اللقاء ..
تفيض الرؤى ..
تنعتق الأحلام ..
يطل وهج الصباح الوليد بانبهار ..
ويشهد الضحي ميلاد الغيوم ..
عميق ودي ..
صلاح / شتات
قرجة ..
لك إطلالة الصباح .. همس الشواطيء ..
و"سوناتا ضوء القمر" تمشي سيقانها الكريستالية إليك ..
وتهش رنَّاتها حبات الرمل بين يديك ..
وألتقيك
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: شتات)
|
ونحن ننتظر الجمال تحت هذه الخيمة ونرشف عبير الامكنة في ما ينزله علينا شتات من سماء نضمه الحلو وكلما دخل الخيمة شخص قام له بالاحضان اخي وليد طه حبابك وحباب ادب شتات ان يتنزل مطرا بفضل قعادكم معنا خالد الحاج حباب الطلة البهية طلة الزول الحلو شتات كتب يوما نزار حسين ونحن جلوس في خيمة حلمنتيش العكاز مرق يا قرجة دائما حاقبو عن قلبك كمان دايرلو واحدة تواجبو؟ شعرك يلعب المسكيته في الريح ام عصارا لاجبو وكرعيك سنجر الترزي المقافي العيد وقاطب حاجبو ان درت النواعم يدخلن لا عندك زح عكازك الدائما مقالد زندك واكسل في مشيك بل راعي حرمة سنك وما تنسي الشعر يا قرجة طائر منك رقدو بي مهل بي بريل كريم او زيت وخت عطرا سمح كاريرا او كاشيت وامرق بي العصر وانده بآل البيت يديك الفي المراد ما بعرف يقولها ابيت وكتبت دخول السمحة رزينة سلام تعظيم كيف نضربلو طناش قعادا معانا شرف نفرحبو نرقدلو دراش الطلة وسيمة والكلام موزون والعلام باين حقنة وشاش طبي الجرح داوي عيان ما تقولي كبرت لسة سغير طاش الزلال نضمك حلو مقرمش فهمك ما بتدي اضانك واش وكتب يازول يازول يا سنتى الظريف شوف قرجة طنش كيف لا رد الكلام لا سوى جبنة وكيف من جاتو البنية خلت كلامو ظريف وطنش صحبتو خلانا درقة وسيف يتكبكب كتير ودموعو ما بتقيف من كتر المحبة زى المطر فى خريف تمساح ام كبلو واقف فى طرف القيف مما يلقى صيده ما بخلى راس النيف قبال أنسى يا سنتى بدور أقول مبروك انت الشعر سيدو جبت الكلام مصكوك يسلم لى ضراعك يا الغالى يا المبروك يا شاعر البطانة الحاشاك ما صعلوك يا بردة حشا ابواتك ولدوك فى التبروك ورضعت الشهامة فى البامية والمفروك كى بوردك فتر والحكمة بقى محكوك من كترة نضالك وسط البنات ملصوق حليل سنتمنتال ليته يعود
اول مرة اسمع انو الريد عندو اكسبيري ديت
وتلومني يا ابوحميد تقول ياخي اتس توو ليت
الريد مفتحة ابوابو كلما انقفل باب انفتح مليون قيت
لا تلومني على تسطير غناي دي السمحة ممكن املا شانا كمين شيت
اصلو الريد بدا معاي من قولة تيت ...تيت دي انجليزي ما تقولو لي شذيت
| |
|
|
|
|
|
|
|
|
 Re: أما آن لشتـــــات أن يجتمع ؟؟ (Re: garjah)
|
Quote: وأظنكم تتفقون معي أن الرجل يستحق ذلك
فلقد عهدناه خجولا في ظهوره جريئا في ابداعه |
نعم يا قرجه لم تقل الا الحق فشتات انسان مبدع بحق و ذو حس مرهف أتمنى أن أقرأ له أكثر.
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: ملكة سبأ)
|
في حضرة من أهوى عبثت بي الأشواق ..
حدقت بلا وجه ورقصت بلا ساق ..
الآن أعود أحبتي بعد إنقطاع عن المنبر رغم أنفي ..
أعود لألحق بموكب الفرح الجميل ..
كيف لا وبقيادته قرجة الحبيب ..
والمطر ينثر حباته درراً تطوق جيدنا بالجمال ..
وهناك جورج العزيز وكفه يحتضن شتات وغيمته ..
والخال خالد الحاج وجدته يوزع الفرح في كل مكان ..
وأبو جهينة الحبيب بجواره حاضراً به يزدان المكان .. وكذلك العزيز وليد طه ..
ويكتمل الموكب بوجود الملكة بلقيس والعزيزة ندى أمين والعزيزة رجاء العباسي ..
بلابل الدوح حين تنوح في في دوحة الحب الكبير ..
الآن أعود وفي راحتي الشوق والحب لكل من سطر حرفاً جميلاً لشتات ..
فشهادتي في صلاح مجروحة .. مجروحة ..
شكراً أخي قرجة وصدقت حين قلت ..
صلاح خجولاً في ظهوره جريئاً في إبداعه ..
فلكم جميعاً أحبتي كل الشكر .. كل التقدير ..
وسوف أمدكم بما أحتفظ به من أشعار وكتابات ذلكم الرائع شتات ..
بس أنتظروني وشيلوا الصبر ..
ولك يا ندى أمين بعض مشاركات صلاح في المنبر ..
عندما كانت الديناصورات تحكم العالم
جورج -- دى كفك ولا غيمه
ولكم جميعاً هذا الإهداء ..
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: معتصم دفع الله)
|
الاعزاء
ليس لدي ما اقوله في حضرة هؤلاء الجميلين لان في الصمت ابلغ التعبير ، اتابع بشغف و اندهاش هذه الروعة ، منتظرين في الكراسي الامامية وزودونا حبة حبة من شجي الحديث.
ده كل منك يا شتات بالله عليك كل هذه الروعة وانا اخر من يعلم.
لك ودي
الصادق خليفة
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: الصادق خليفة)
|
الصادق خليفة ..
Quote: ليتني أتجاوز الغروب ..
أسافر في عيون البحر ..
أعبر فواصل الاتجاه ..
وألقاك غابة من ود .. |
لك الرحيق والندي ..
وعميق الود والتقدير
وكل الشكر على الكلمات الرطبة
صلاح / شتات
ويا قرجة ..
ضياءك أنار مهجتي .. حتى الخجل ..
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: garjah)
|
عزيزى قرجة
يحكي ان رجالا كان من محبي
النوم في سينما الوطنبة
وفي ذات ليلة سأله صديق
له عن خبر الفلم اليوم
فرد عليه ان الليله البطل
من كتر الرصاص لم اخد ولا غمده
انا حالي كحاله الرجال
من فرط اعجبي بالرجل
وصحبه الاجلاء (المطر-جورج)ادخل
ديارهم على استحياء
واخرج دون اترك اثر ظاهر
من خجلى
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: كبسيبة)
|
يا شفع نحن جرح ...جورج كفك ولا غيمة..لى هسع ما اندمل مالكم دايرين تفتحوا لينا جروح جديده.
الله يزيدكم فرح كلما اغدقتم علينا الجمال...وبقول ليكم يا اولاد عشرين والايام مقبلة ماذا تريدون من موعود خمسين؟؟؟؟بورك فيكم.ولشتات الرائع دوما مودتنا فهو حقيق او احق باللملمة.
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: صديق الموج)
|
يا قرجة ما تزعل من الموج ..
هذا رجل ممزوج صفاءه بنقاء الضياء ..
كنفحات البرم .. ورائحة الطين ..
وما بقول الشين ..
عشت أيها الموج بحرا .. ودمت زخرا ..
ونلتقيك ..
صلاح / شتات
ويا قرجة ..
بحرك فاض .. عم السهول والعوالي .. أغرقني ..
أني أغرق .. أغرق
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: garjah)
|
قرجة الحبيب
والأعزاء فى حلقة الذكر الشجى
كدى النحاول اوصف ليكم الجنا دا، ودى مربعات نهديها ليهو نيابة عن كل وديان "بطانة أب على" الرويانة بالمحبة، وكان ما كفا، تانى بنديهو هين هينين
صلاح بطر الموج وكتين يهابش القيف
صلاح فكة ريقا بايته ومرحباب بالضيف
صلاح عِينه نديه جايه خريف
صلاح مسداراً مهيد فينا تم الكيف
صلاح ودار الشقا عز الطشيش والغربه
صلاح الفى القليب ساكن انبساط ومحبه
صلاح موية جدولاً حاضنه الخدار منسربه
صلاح نيماتنا الحنان جاتا الطيور منكربه
صلاح مخلاية الزواده البيهو فكة ريقنا
صلاح يا شتلة جروفنا الخدرا ضاوى فريقنا
صلاح هداي النفوس ياكا العدلتا طريقنا
صلاح ريدك فى الفواد مكمون اياهو رفيقنا
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: THE RAIN)
|
| Quote: بعدين الحقونا .. قرجة دا ما بهدلنا |
ياجماعـة .. يـارباطيـة الروائــع
ممكن طلـب ؟؟
اتوصـوا بشتـات دا كمـان وكمـان
وزيدونـا بهدلـة .. ونحـن قاعديـن طـرف الحـوش ومتابعيـن..
Quote: صلاح بطر الموج وكتين يهابش القيف
صلاح فكة ريقا بايته ومرحباب بالضيف
صلاح عِينه نديه جايه خريف
صلاح مسداراً مهيد فينا تم الكيف |
نحـن بنقـدر علـي جنـس دا !!(الواصـف والموصـوف)
** عوافـي ياقرجـة **
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: ملكة سبأ)
|
بلقيس ..
معاك ما بنخاف ..
نتبهدل .. نتوه من مرفأ لي مرفأ ..
بي كتير من شوق ..
نهديهو لي الجايين ولي الرايحين ..
معاك أحلي نتوه ..
صلاح / شتات
ويا قرجة ..
معاك نفرح ..
تلقانا بالمرصاد ..
نجيك بي حنان الود ..
تجينا فرحة وذاد ..
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: THE RAIN)
|
أبا ذر .. أيها المطر
رزاز الموج .. شواطينا الخريفية ..
في بحورك وعطشانين ليك ..
ايدينا تتشابي باللهفة ..
تجينا غمام ..
تجينا مطر .. نسمة عافية صيفية ..
نهديك من جداولنا زهرة ..
من خاطرنا كلمة ..
ما بتكفي ..
بس توقيع محبة ..
في كراس فرحتنا بيك ..
ونلتقيك ..
صلاح / شتات
وعوافي يا قرجة ..
| |
|
|
|
|
|
|
|
|
|
Re: أما آن لشتـــــات أن يجتمع ؟؟ (Re: ملكة سبأ)
|
ياااااااااااااااااااااااااااااه ..
يا لفرحتي ..
ويا لتعاستي ..
كل هذا الجمال ..
كل هذا الرحيق ..
من أين لي؟
من أين لي حرف يأوينى؟
من أين لي قافية تحميني؟
من أين لي جبل يعصمني من هذه الأمواج .. هذا الهديل؟
يا ملائكتي .. ويا شياطيني ..
يا فرحي .. ويا جنوني .. أسعفوني ..
بكم أستجير ..
وأنا .. أحتمي بك منك ..
من ضيائك .. أتدثر بنور عينيك ..
وليتني آتيك في صهوة شعاع ..
أو قطرة ندى ..
أو عصفور يهبط بين يديك ..
ليتني كنت الصدى .. أتردد أغنية في أذنيك ..
أو قافلة من ربيع ترسو في شاطئيك ..
راحل أنا منك .. إليك ..
مكتوب في صفحة النيل .. أتهادى في مياه الرحيل ..
تحملنا نسماتك حمامة تهفو للضفاف ..
آتيك من فجر العصور السومرية ..
من روابي الحدائق البابلية ..
من عيون القصائد "العبقرية" ..
أسافر بلهيب الشوق .. ونداوة الذكري ..
أعبر جسدي وما وراءه من فكرة ..
أتلفَّـح المدى ..
وفي يميني غمامة لهفى ..
ونسمة صديقة ..
قادم اليك ..
رحلة من أزمان سحيقة ..
وحتما سألقاك ..
صلاح / شتات
| |
|
|
|
|
|
|
| |
garjah
ابو جهينة
شتات
THE RAIN
ملكة سبأ
Raja
walid taha
معتصم دفع الله
الصادق خليفة
almohndis
صديق الموج
Frankly
فيس بوك
تويتر
انستقرام
يوتيوب
بنتيريست