|
|
 قد لا يصعد الهلال لدوري الاربعة الله يكضب الشينة
|
تراودني هذه الايام كوابيس بان الهلال قد لا يصعد لدوري الاربعة
وهذه الافكار الهدامة كالاتي
يخسر الهلال مباراة اسيك في ابيدجان
ويخسر مباراة الترجي في تونس
ويتعادل مع الاهلي او يخسر في امدرمان فيصبح ستة او سبعة نقاط
ويكسب اسيك مبارياته الثلاث ويصبح عشرة نقاط قيصعد
او يكسب الترجي مبارياته الثلاث فيصعد
الله يستر وانا عارف السودانيين شاربيين وعينهم حارة
وهلالنا دائما بخذلنا في اللفة
ويا ساتر من الدعاتر
|
|
 
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: khaleel)
|
خليل, اسيك ابيدجان العاجى يلعب خارج ارضه مع الاهلي المصري ونسبة الخسارة 90%. اسيك ابيدجان العاجى يلعب في ارضه مع الهلال السوداني ونسبة التعادل او خسارة اسيك وارده خاصة بعد ايقاف مهاجم اسيك العاجى المحترف ادريسو . اما الترجي فهو انهار تماما وفقد امل الصعود و كل المؤشرات تدل ان الهلال صاعد باذن الله .
أنور أحمد
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: Anwar Ahmed)
|
Quote: خليل, اسيك ابيدجان العاجى يلعب خارج ارضه مع الاهلي المصري ونسبة الخسارة 90%. اسيك ابيدجان العاجى يلعب في ارضه مع الهلال السوداني ونسبة التعادل او خسارة اسيك وارده خاصة بعد ايقاف مهاجم اسيك العاجى المحترف ادريسو . اما الترجي فهو انهار تماما وفقد امل الصعود و كل المؤشرات تدل ان الهلال صاعد باذن الله .
|
انور احمد
ولكن كل الفرق مصيرها بيد الاهلي القاهري فاذا تعرض الاهلي للشتائم من جمهور الهلال
قد يتلاعب في نتيجة مباراته مع اسيك
غايتو من غير ما تشرح انا قلبي ملاوز
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: khaleel)
|
خليل قريبي
سلااااام
الوداعية قالت : انا برميهو والمكاشفي بصدقو
أسيك عندو نقطة واحدة وباقي ليهو ثلاث مباريات
أسيك ح يكسب ستة نقاط من الهلال والترجي
إحتمال نقطة لأسيك في القاهرة ضعيف جداً
يعني الوداعية بتقول أسيك ( 7 ) نقاط
الهلال عند ستة نقاط وباقي ليهو ثلاث مباريات
الهلال ح يخسر من الترجي وأسيك وربما يتعادل مع الأهلى
الوداعية بتقول برضو الهالا ( 7 ) نقاط
الترجي انساهو الوداعية قالت ده عاملين ليهو عمل وبلف في الفاضي
شوف الوداعية دي من زماااااان بتقول في شنو ؟؟
وحاااة المكاشفي لي هسي ما غلطت
مسـيرة .. المريـخ والهـلال في الكونفدرالية والأبطال
دحين شوف ليك حل في سبع نقاط لكل فريق دي
لو عملو مباراة فاصلة حقكم راااح
وأمنياتنا عاوزين الهلال يتاهل
مودتي
| |
|
|
|
|
|
|
|
|
 Re: قد لا يصعد الهلال لدوري الاربعة الله يكضب الشينة (Re: khaleel)
|
فال الله ولا فالك يا خليل ..
ياخي بعد ما بدأت تدب فينا روح الإنتصارات ..
والفرح دخل حيشانا ..
جايي مالك تهزمنا بي كلامك دا ..
تعرف يا خليل أنا متفائل جداً بأن الهلال سيكون له شأن كبير في هذه البطولة لأن الروح التي تسود الفريق كبيرة والمعنويات أكبر والكل همه أن يرى الهلال مكتملاً في بطولة أندية أفريقيا ..
عليك الله احساسك دا أجلو شوية بعد ما تنتهي البطولة دي 
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: معتصم دفع الله)
|
Quote: تعرف يا خليل أنا متفائل جداً بأن الهلال سيكون له شأن كبير في هذه البطولة لأن الروح التي تسود الفريق كبيرة والمعنويات أكبر والكل همه أن يرى الهلال مكتملاً في بطولة أندية أفريقيا ..
|
معتصم يا فردة
والله لو ربك رب الخير استجاب دعواتنا وانتصرنا يوم الاحد علي اسيك نكون صعدنا من الجولة
الرابعة ونلعب باقي المباريات بناس زرياب والاحتياطي
اقسم بالله اضبخ خروف وانتو شيتك تجيك في محلك
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: khaleel)
|
.
| Quote: تراودني هذه الايام كوابيس بان الهلال قد لا يصعد لدوري الاربعة |
اهو كويس برااك سسميتها ( كوابيس ) يا خليل
الهلال صاعد باذن الله
والسيناريو حيكون كالتالي : تعادل في ابيدجان / تعادل أو انتصار في تونس / انتصار في ام درمان
يعني من عندي هاك 11 نقطة
أولادنا ديل ما ساهلين ومتأهبين للنهائي ان شاء الله
ومستواهم بيؤهلهم يشيلوا البطولة
خليك متفائل.
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: hatim ibrahim)
|
خليل بصراحة كده انا زاتتي خايف من هذا السيناريو ، فالهلال له الان سته نقاط ، وخسارته واردة لمبارياته ، اعتقد ان المباراة المهمة جدا ، هي لقاء اسيك والترجي ، يعني اذا حصل وتعادلوا ح تكون دي افضل هدية للهلال ، والهلال عليه التعادل مع اسيك في بلده واعتقد ان الهلال لو لعب بحداشر مدافع من اجل هذه النقطة فله الحق ، لان التعادل يحرم اسيك من نقطتين ، وباالتالي يصبح حده الاعلي من النقاط هو ثمانية نقاط .
لابد للهلال من التعادل علي الاقل في ساحل العاج ....
عارف المزعلني انو انا الكورة دي لي سنين خليتها عديل كده ، انتصارات الفين وسبعه دي رجعتنا تاني ، واغايتو لو خذلونا الزول تاني الدوري الاسباني ما يتابعه.
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: رقم صفر)
|
خليل
كلمتك قلت ليك المرة دى جلت منك ياخليل
الهلال صاعد صاعد بأذن الله ...وماعايز اقول
ليك حايتصدر زى ماقال الرشيد المهدية
يوم الجمعه لكن بقول ليك انو الهلال لاعب
النهائى ان شاء الله ...
يازول هلال زى دا اصلو ماشفنا ..هلال
يتغلب ثلاثة فى نيجريا ويجى يعادل ويهزم
فى الخرطوم ..هلال يبادل الزمالك هدف بهدف
فى قلب القاهرة ..هلال يهزم اسيك فى الزمن
الضائع ..هلال بالاصرار دا وبالروح دى نراهن
عليه ولانخاف ...
| |
|
|
|
|
|
|
|
|
|
Re: قد لا يصعد الهلال لدوري الاربعة الله يكضب الشينة (Re: رقم صفر)
|
رقم صفر
سلامات
ودرملية الأيام دي ساكي الحديد وبس، والتويوتا اهم من الكونفيدرالية والأبطال.
الرشاشات بغيروا قناعاتهم سريع عارف ليه؟ لأنهم اصلا لم يتذوقوا لا كونفيدرالية لا سيكافا لا كأس عرب ، لا كأس صداقة، لا كأس ذهبي محمول، لا كأس الكؤوس الأفريقية، لا كأس الاتحاد الأفريقي، لا كأس الأندية الأفريقية.
سبعون عاماً من الخدمة، ماسكين في فرمالة واحدة " لاراش الحكم البكاش"!! 
| |
|
|
|
|
|
|
| |
khaleel
عبدالكريم الامين احمد
ثابت محمد
معتصم دفع الله
رقم صفر
محمد عبدالرحمن
Rakoba
Ahmed musa
abuguta
nazar hussien
فيس بوك
تويتر
انستقرام
يوتيوب
بنتيريست