|
هشام عبادي عضو جديد لنج .. هل من مرحب ..
|
أتيتكم والروح تهفو إلى لقاءكم أيها الأحبة اهل المنبر الحر سودانيز اونلاين دوت كوم .. أتيتكم والقلم يستعد ليسكب بعض المداد على صفحات هذا البحر الإسفيري الذي حباه الله ببعض الأقلام الوضاءة التي تنير بعض ليالي الغربة الكئيبة وتمسح عنا معاناتها ..
الشكر - بعد شكر الله - لأخي بكري أبو بكر الذي وقفت ببابه ولم يبخل علي بمنحي شرف الإنتماء إلى أسرة هذا المنبر الحر ولكي أكون احد الأقلام التي تسكب مدادها عبر فضاءات سودانيز أونلاين دوت كوم.
لك الشكر والتقدير أخي أبابكر ..
******
يا ناس المنبر .. جاكم برلوم بس سنونو .. هل من مرحب :) .
|
|
|
|
|
|
|
|
Re: هشام عبادي عضو جديد لنج .. هل من مرحب .. (Re: ALZOLZATOO)
|
Quote: الف مبروك العضوية
بس اسم هشام عبادي قريب لي اسم هشام هباني اي نيران جاتك عن طريق الخطا اعتبرها نيران صديقة عشان في ناس بيقرو الاسم الاول واخر حرف من الاسم التاني وبرشو طوالي هههههه
تحياتي وان شاء الله يطيب بيك المقام
زاتوووو
|
ياهو زااااتو .. تعرف دي حاجة بسيطة .. الرش في الفاضي والمليان مرات بيكون مكسب . بس المشكلة الناس ورمانة من شنو لحد ما تقوم ترش طوالي .. دي عايزة ليها تفسير يا زاتووو .
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: ALZOLZATOO)
|
Quote: بس اسم هشام عبادي قريب لي اسم هشام هباني اي نيران جاتك عن طريق الخطا اعتبرها نيران صديقة عشان في ناس بيقرو الاسم الاول واخر حرف من الاسم التاني وبرشو طوالي هههههه |
تقصد شنو ؟؟؟؟؟
أهلاً بيك هشام و مليون مرحب
و بالتوفيق إن شاء الله
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: د.محمد بابكر)
|
Quote: (برق عبادى سوى الهول: بصدق افعالو ما بالقول: روى اليابس على المبلول :قلب فرح الحرازه زهول) حبابك يا عبادى وانشاء الدار ترحب بيك مع انك جيتنا( فى ظروف بالغة التعقيد) زى ما بقولوا ناس البى بى سى. |
تسلم يا دكتور .. وربنا يديم الود .. وترحيبك ادخل السرور في نفسي .. وربنا يصلح الحال .. المرحلة الجاية دي عايز مننا نكران ذات.. والتفكير في مصلحة البلد ..
لك الود..
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: صديق الموج)
|
Quote: حباب البرق الشلع عبادى
منور المنبر
اختا ود الصايم الحبه ما بتجيك
ودعتك الله
خال البورد صديق الموج،،،، |
خال البورد .. لي الشرف ان تكون انت ممن يرحب بي . ولي الشرف ان اكون بينكم اخا ومحبا لكم ..
بعد السلام.. قلت ليك اختى منو .. ههههههه انت عارف الزول ده .. بيشوت ضفاري ساكت .. الله يدينا خيرو ..
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: salah almaleeh)
|
Quote: مليون مرحب بيك هشام كمال عبادي
نورت المنبر .. وبإذن الله تكون إضافة قوية
صلاح المليح
|
والله انا السعيد بي وجودي بينكم وان شاء الله اكون عند حسن الظن بي.
Quote: الأخ هشام هل أنت من سكان مدينة الصحافة ؟ وهل درست بمدرسة الصحافة غرب 18 ؟ |
اي يا منقة .. أنا من سكان الصحافة مربع 18 ودرست المرحلة الابتدائية هناك ودرست المرحلة المتوسطة في مربع 17 (القدس حاليا) وجدي كان مؤذن مسجد 19 الكبير .. يا ربي انت منو ؟؟ كدي بالله قول لي وراسلني على البريد
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: محمد سنى دفع الله)
|
Quote: هشام تحياتنا ادخل واتوهط في دارك ومطرحك مودتي |
استاذ السني شخصيا .. والله دي مفخرة لي .. تعرف يا أستاذ .. انا من المتابعين لي نشاطاتك المستمر .. خاصة في الجالية السودانية في قطر .. ومن اشد المعجبين . ولا انسي انك كنت احد الذين يرسمون البسمة في قرية أطفال السودان SOS في اوائل الثمانينيات .. ولا أنسى اني كنت ازورها وانا صغير فأجدك وانت تحاول تخفيف معاناتهم .. متعك الله بالصحة والعافية .. وتقبل فائق حبي واحترامي وتقديري ..
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: هشام هباني)
|
Quote: العزيز هشام عبادى
الف مراحب بيك في هذا الفضاء الديموقراطي الوسيع وارجو ان يطيب لك فيه المقام. وتحيات لاهلى (عبابدة الدويم) وحدسي يقول انك واحد منهم اعمامنا المرحوم كرار عبادى والعم بابكر عبادى وبقية العقد الفريد من عبابدة الزمن الجميل |
هشام هباني شخصيا مهنئا بمقدمي .. انه لشرف لا يدانيه شرف .. شكرا ليك هذا الكلام الطيب عن أهلنا العبابدة .. ولك الود ..
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: عادل الباهي عبدالرازق)
|
Quote: أووو حبيبنا ودعبادي يأخي مشتاقين مع أني برلوم زيك لكن مع ده كلو بقول ليك زارتنا البركه ونسأل الله أن يطيب لك ولنا المقام . حبابك الف |
منو ؟؟ ود الباهي زول هولندا بنفسو بي هنا .. والله يا معلم دوري الدرجة الاولى عندكم والله ..
تاني "نهيي" مافي سنتر ليق ..
بس الشوت الضفاري اخبارو شنو هنا ..
| |
|
|
|
|
|
|
Re: هشام عبادي عضو جديد لنج .. هل من مرحب .. (Re: الفاضل يسن عثمان)
|
Quote: مرحب يا هشام
ترحيبي الشديد، بدخولك عوالم المنبر ونتمني ان تدلق مداد القلم بلاحدود او قيود ونعلم شفافية القلم والكلم.
مرحب مجددا بك. ودعبادي. |
والله يا ود ياسين المداد زاتو من كترة ما شفنا في المنابر التانية "نشف" صدقني شوية والواحد كان كسر قلمو وطلق الكتابة في المنابر اى غير رجعة .. بس صدقني .. حسيت بالالفة من اول يوم دخلت هنا ..
عميق تحياتي ..
| |
|
|
|
|
|
|
|