إخواني وأخواتي في الحوش لكم مني العتبى حتى ترضو ، شاء القدر أن أكون في محك دون قصد ولم أشأ أن أكون في يوم في مثل هذا الوضع ولكن هي مشيئة الله فعزرا للزين فهمو قولي إساءة ،، لا والله ما كانت هي كذلك بل مزحة وليس إلا ، لأني لا أعرف حقيقي الأخت مناهل ولكن عنوان البوست هو الضللني بأن هناك صورة ل( مهيرة ) فهي من دمي ويكفي أن أجد لها صورة ، وعموما أنا من المهتمين بالصور التاريخية و الفلكلورية و الشعبية القديمة وكان قولي هو للضحك فقط و أسبقتها ب هههههه ولكن ليس لإهانت شخص وربي يعلم .. لكم حق العتاب ولي عليكم ولمناهل الإعتزار فوالله يابت البلد ليس قصدي الإهانة ، فأنا أيضا ممن يحبون الوطن بل أعشق ترابه بثمالة ، ومن منا لا يخطىء ، شكرا لكم
جيت أتمتم في الكلام *** وأزيل قرح كل الجـراح ماقصدي إيلام الشعور *** بل ضحكة في طي المزاح لكني جايي وبعتزر *** منكم وطالب للسمـــاح وما بصح كسر الخواطر *** عمر الغلط ما ببقى صاح
مع خالص ودي للجميع بدون فرز تمتام
08-28-2010, 07:03 AM
تولوس تولوس
تاريخ التسجيل: 06-06-2004
مجموع المشاركات: 4132
أصيل كما عهدناك الاعتذار من شيم الكبار، وخلقٌ من أخلاق الأقوياء، وعلامةٌ من علامات الثقة بالنفس التي لا يتِّصف بها إلا الكبار الذين لديهم القدرة على مواجهة الآخرين بكل قوةٍ وشجاعةٍ وأدبٍ.
رمضان كريم وتصوم وتفطر بخير
تحياتي اللاخ الفاضل نادر
08-28-2010, 08:01 AM
osman righeem osman righeem
تاريخ التسجيل: 06-21-2007
مجموع المشاركات: 10872
أنا والله يا عثمان لمن إعتزرت عشان خاطر البنية فقط لأني غلط عليها ، موش عشان زول يجي يقول لي كلامي بطريقتو هو والله ما من خوف أنا وضحت الحاصل بكل صراحة ووضوح
وبرضو شكرا للمرور
08-28-2010, 09:39 AM
osman righeem osman righeem
تاريخ التسجيل: 06-21-2007
مجموع المشاركات: 10872
الغناء لو يشرح صدوركم **** كل يوم أنا ليك بغني إلا بس في التانية لا لا **** ما بجييك ولا بهـــني أمسك العندك أمــــانة **** خليك من باقي التمني مهما عملت محالة تعـدل **** دي النصيحة وشيلا مني
شكرا لمرورك وعفوا للجميع محبتي ،،
08-28-2010, 09:11 AM
سيف الدولة كامل سيف الدولة كامل
تاريخ التسجيل: 03-29-2009
مجموع المشاركات: 4349
الجميل سيف شكرا لي إتصالك وللأخ فيصل وكل الطيبين الإتصلو فيّ و الكتبو وآمل دايما أن أكون عند حسن ظن الجميع وللزعلان مني لسةالله يجبر بخاطر الجميع وخاصة الأحباب
شكرا ليك إحتراماتي ،،
08-28-2010, 09:53 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: جيت أتمتم في الكلام *** وأزيل قرح كل الجـراح ماقصدي إيلام الشعور *** بل ضحكة في طي المزاح لكني جايي وبعتزر *** منكم وطالب للسمـــاح وما بصح كسر الخواطر *** عمر الغلط ما ببقى صاح
مع خالص ودي للجميع بدون فرز
ياخي انت زول راقي حتى في اعتذارك ولكن سؤال هل الغلط يعالج بغلط وانا بطالب كل الناس الخاطبتك بكلام ما في محلة ان تجي وتعتذر لك هنا لان الكلام ده ما صاح منهم ويوجد ستين الف طريقة لمعالجة الغلط و من شاطي النيل الخصيب بقول ليك (مهما اقول فيك كيت وكيت الوصف موجز ومختصر )
Quote: ولكن عنوان البوست هو الضللني بأن هناك صورة ل( مهيرة ) فهي من دمي ويكفي أن أجد لها صورة ، وعموما أنا من المهتمين بالصور التاريخية و الفلكلورية و الشعبية القديمة
التاريخ المهتمي بيهو ده ما قاليك الحرب
الشاركت فيها مهيرة كانت سنة 1821 عشان تجي
تكوس ليها صورة .... ما تكون كنت متوقعة كلرد كمان
ربنا يقدرك علي اهتمامك بالصور التاريخية
و الفلكلورية و الشعبية القديمة
08-28-2010, 10:08 AM
yasir tamtam yasir tamtam
تاريخ التسجيل: 11-27-2008
مجموع المشاركات: 459
سؤال : زول دعى لإسقاط حزب سياسي ( أياً كان ذلك الحزب ) ... ألا تتوقعون أن يواجه بنقد ومآسي ومصاعب وكلام فارغ ؟؟؟؟؟
السؤال دا طبعا أنا محتاج إجابة له لأخذ رأيكم في شخص درع الحبل بنفسه في رقبته كان من الأجدر لهذه الفتاة أن تعرض برنامجها فقط لا أن تدعو لإسقاط حزب الامة او الاتحادي او أي حزب طالما أنها جرت نفسها لذلك فلتتحمل نتيجة ما تشدقت به
لكن برضو دائر إجابة على السؤال
08-28-2010, 12:11 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
Quote: زول دعى لإسقاط حزب سياسي ( أياً كان ذلك الحزب ) ... ألا تتوقعون أن يواجه بنقد ومآسي ومصاعب وكلام فارغ ؟؟؟؟؟
السؤال دا طبعا أنا محتاج إجابة له لأخذ رأيكم في شخص درع الحبل بنفسه في رقبته كان من الأجدر لهذه الفتاة أن تعرض برنامجها فقط لا أن تدعو لإسقاط حزب الامة او الاتحادي او أي حزب طالما أنها جرت نفسها لذلك فلتتحمل نتيجة ما تشدقت به لكن برضو دائر إجابة على السؤال
Quote: لكن برضو دائر إجابة على السؤال
أخوناالمكاشفي الخضر الطاهر تقبل الله منا ومنكم وسائر العباد .. ياخى كدى بالتبادى السؤال وينو؟؟ بالتانى وتالى ياخى هل نفهم من وصف التمتام لدعوة الفتاة ونضالاتها بعد أن رمز لأداتها ومنضمنتها بأن خشمها زى المطبقة هو من سبيل النقد والمآسى والمصاعب والكلام الفارغ الإنت أكدتوا؟ مما يؤكد لنا بأن التمتام ساق ما ساق وفق دفاعه دون إسقاط حزبه الأياً كان مما يعد من النضالات المضادة ؟ ثالتاً .. إنت رأيك شنو وموقفك شنو إن حلعنا عن مناهل برنامجهاالنضالى وألبسناها كفتاة من حيث هى ، ووضعناها وما وصفها به التمتام تحت منظور الإنسانية والإجتماعية .. ياخى لقد تضرر منك التمتام من حيث لا يرغب .. دعك من محاولات نصب مشانق لهذه الفتاة بإستغلال خطأ التمتام فى حقها كمناضلة صاحبة طرح أولاً وكأنثى أولاً أيضاً.. بذا أنت تفرغ إعتذار التمتام عن محتواه وتشتت نبل مقصد الإعتذار .. عاشت نضالات المرأة السودانية
08-28-2010, 11:42 PM
yasir tamtam yasir tamtam
تاريخ التسجيل: 11-27-2008
مجموع المشاركات: 459
الحبيب ياسر قد كنت حزينا ولكن باعتذارك قد انشرح قلبي ====== في الحقيقه المره ياذوق دي المناهل خجلتنا شفنا كيف قيمة البلد في العيون القدرتنا نادت الوطن الموحد بالحقيقه الالمتنا برضو كايسالنا الامان في الدروب الودرتنا ================= تسلم ياذوق حبيبنا عثمان رغيم عليك الله براحه على ياسر
يا جماعة ، استخدموا العقل ، ووفروا حسن النية.. كدي شوفو صورة ( مـنـاهـل ) دي!! امانة في ذمتكم البت ما جميلة عديل كده ؟؟ يعني هل بتفتكروا إنو تمتام ده عميان ، ما بيشوف؟؟ ما ياها دي قدامو بت زي الليل !! وينو خشمها الزي المطبقة ده ؟؟ غايتو أنا حاسي إنو الناس دي كأنها كانت منتظرة وكايسة سبب للهجوم على تمتام!! (الذي لا تربطني به أية علاقة)
يا رغيم ياخي الراجل اعتذر ، خلاص الموضوع انتهى هسي لو قال ليك أيوه قلت وما بعتذر ؟ الحيحصل شنو يعني.؟
-----
عدلنا الإسم من نجلاء (قبل الفطور) الى مناهل (بعد الفطور) وتنبيه القرداني وتراجي ، وشرب كباية موية باااااردة..
الاخ ياسر تمتام رمضان كريم الكلام دا كلو من وحي اللحظة ولا مريت علي واحدة من قصايدي وعملتا كوبي بست بدون قصد ؟
أنا ما داير اعتذار بل توضيح استاذ .. ياسر تمتام
Quote:
جيت أتمتم في الكلام *** وأزيل قرح كل الجـراح ماقصدي إيلام الشعور *** بل ضحكة في طي المزاح لكني جايي وبعتزر *** منكم وطالب للسمـــاح وما بصح كسر الخواطر *** عمر الغلط ما ببقى صاح
ودي المقاطع بتاعتي في نصوص شعرية كتبتها قبل كم اسبوع يا استاذ ياسر تمتام
لاحظ لوجه الشبه و الفكرة والكلمات والقافية والاسبقية أنا ما عايز اعتذار الان !!!
Quote: اجري ما بجري عند الله بس أجري أجري ما بَجري ما خايف الهَجري لابدا لا بدا لو هاجت الاشواق لو طالت المُـدة اَخر الطريق أرضك علي أرضك أتمدي لازمنا يوم نضحك مهما الحُزن إجتاح وفجاءة اشتدي عمرو القلط ما بكون من غير سكاتـك صاح ما لم ضميركـ يموت
الفوق دي كلماتي
والتحت دا كـلامك انتا الكاتبو والمقطع ما داير توضيح
Quote: جيت أتمتم في الكلام *** وأزيل قرح كل الجـراح ماقصدي إيلام الشعور *** بل ضحكة في طي المزاح لكني جايي وبعتزر *** منكم وطالب للسمـــاح وما بصح كسر الخواطر *** عمر الغلط ما ببقى صاح
مع خالص ودي للجميع بدون فرز تمتام
08-28-2010, 07:27 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: Quote: اجري ما بجري عند الله بس أجري أجري ما بَجري ما خايف الهَجري لابدا لا بدا لو هاجت الاشواق لو طالت المُـدة اَخر الطريق أرضك علي أرضك أتمدي لازمنا يوم نضحك مهما الحُزن إجتاح وفجاءة اشتدي عمرو القلط ما بكون من غير سكاتـك صاح ما لم ضميركـ يموت
وياسر بقول
Quote: جيت أتمتم في الكلام *** وأزيل قرح كل الجـراح ماقصدي إيلام الشعور *** بل ضحكة في طي المزاح لكني جايي وبعتزر *** منكم وطالب للسمـــاح وما بصح كسر الخواطر *** عمر الغلط ما ببقى صاح
يامحمد اولا اسمح لي اشيد بقصيدتك واتصلبت فيها بعد اصلح الكلمه دي (القلط) اظنك بتقصد الغلط هذه واحدة ثانيا لا ارى تشابها في القصيدتين ولا مراميهما تلاته هسع بالمقياس بتاعك ده بجيب ليكم قصيدة هات لينا صباح ولا لحظك الجراح نلقاكم ملامين لكن دي ما الفكرة مئات القصائد العربية تشترك وتتشابك في الكثير من القوافي ترتيبيا او غير ذلك ودونك المجاراة في الشعر الغنائي القديم انما العبره بالفكرة والمضمون وموضع الكلمة اها ودعناك الله وان شاء الله سمحت لينا بالسلبطة في قصيدتك ذات الفكره الحلوه يمكن الله يوفقنا وتطلع اغنيه حلوه كل الود لكما
08-29-2010, 05:47 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
ما قريت أبدا حروفك **** لا نثر أو مطلع قصيدة حروفي من إلهام خيالي **** جات مع البوستات وليدة لم تشابة لي كلامك **** و المعاني كمان بعيدة إنت تقصد حاجة تانية **** شوف قصيدك وتاني عيدة
قصدي أجبر للخواطر **** و إنت قولك في التراب لا سرقت ولا إختبست **** و إتهامك لي ســــراب يا محمد إنت قاصد **** تشعل النار في الصحاب قولي وين وجه الشبه**** و إنت ما تزيد العزاب
مافي حق تكتب كلامك **** وخايفك إنت تتعزر لا شبه بين القصايد **** والمضامين باعدة إكثر أرجو إنو خلاص كلامي **** ليك وضّح وبان و فسّر الغلط ماببقى صاح **** حتى كان رأيك تجسّر !!!!!!!!!!!!!!!!!!!!!!!!!!!!!!!!!!!!!! أرجو منك الرد لي بي قصيدة ولو شفت إني سرقت فللخير كانت ولك مني العتبى
مودتي تمتام،،
08-29-2010, 06:39 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
Quote: قصدي أجبر للخواطر **** و إنت قولك في التراب لا سرقت ولا إختبست **** و إتهامك لي ســــراب يا محمد إنت قاصد **** تشعل النار في الصحاب قولي وين وجه الشبه**** و إنت ما تزيد العزاب
والله ما كـان القَصد **** أشعل النار في الصحاب
لو قًصدي يا ياسر حريق *** في جيبي وين عود الثقاب
لكلني جيت شايل قصايدي **** ووجه الشبه بين الكِتاب
ما كنتا قايل ألف شاعر *** بمرقوا من نَفس الجُراب
كيف أكون أعمي و مفتِح **** و ما أشوف في الجابرة غير زرات تراب
تخريمة حقو الفنان لما يتحول لي شاعر ... ما يزاحمنـــــــــــــــا
وبجيك للمقاطع الثانية باذن الكريم
08-28-2010, 11:27 PM
الهادي محمد علي الهادي محمد علي
تاريخ التسجيل: 10-11-2009
مجموع المشاركات: 153
عندما قرآت مداخله الاستاذ الفنان ياسر تمتام كنت اعلم بان الامر لايتعدي نطاق المداعبة الاسفيرية ويتاتي هذا الفهم من نافذة المعرفة والظروف التي جمعتني بالاخ/ياسر فوجدت فية الاخ والفنان والانسان الذي تجمعت فية كل خصال السوداني العفيف. ففضلت عدم المداخلة احتراماً للاخوة المتحاملين والمطالبين باعتزار حتي قرآنا ردة الشافي وتوضيحه للملابسات التي احاطت بالتعليق. وعلية اعتقد بان القارئ الحصيف يمكنة التمييز بسهولة بان التعليق لايتناغم والصورة او الفيديو للاستاذة مناهل والتي اعتقد بانها جميلة شكلاً ومضموناً .. وهذا يدل بان الامر مداعبة ليس المقصود بة الاخت الكريمة .. ولكن عنوان البوست من تلك التي اشتهر بها الاخ/هباني تنم عن الاثارة والترويع ... والمتابع لتلك البوستات يدرك تماماً بان الموضوع في جهة والعنوان بتاع البوست في جهة تانية... فالاخ ياسر علي مااعتقد وحسب ماجاء بردة الاعتزاري كانت تدفعة الاثارة والفضول الاسفيري لرؤية صورة حقيقية لمهيرة ... ثم جاءت مداخلتة موجهة لكاتب البوست تحكي وقوعة فى المصيدة ومسبوغة بقهقههه مطالباً بايراد الصورة الحقيقة ان وجدت . وعندما اتانا الاخ/ قمربوبا بخبر البوست وتوالت التعليقات ادرك الاخ تمتام ان التعليق تم تحميلة في غير موضعة. فقام بدون تردد في توضيح الملابسات وقدم اعتزار صريح للاستاذة مناهل بشجاعة احسدة عليها كثيراً.
فعلية اقول: الاستاذة/مناهل..انت جميلة وروحك ايضاً..صورة وصوت. السادة المتحاملون:الاعتزار ومطارحة الانتقاد هي من شيم الرجال وليس في الاعتزار ضعف او مهانة او منقصة .. الا لمن استكبر وتكبروهي صفات زميمة لا يتصف بها اخونا ياسر .. فالاعتزار هو جواز المرور بدون تاشيرة لعلاقات اسمي واطيب بين المتخاصمين.. والاعتزار من انبل الصفات الانسانية فهويعكس صفاء الروح واشراقة الحق وعفاف المقصد. وايضاً قد قيل في هذا المذهب: طالب الحق يكفية دليلاً واحداً....وطالب الهوي لايكفية مليون دليل الاخ/تمتام:..دعني ابارزك بنفس سلاحك ولكني استرقها عنوة من مرقد الاسد وشاعر الملايين محجوب شريف لتتهادي سفنها علي مرافئ شخصكم، نسآلك انت وانت ورينا الاجابة علمنا الرماية والحجا والقراية والمشي بي مهابه في الضحي والظلام. ياملهم رماحك سناها الصدام امدر والطوابي في صدرك وسام ويا ودتمتام ... تفج الدنيا ياما وتطلع من زحامها زي بدر التمام.. وتدي النخلة طولها والغابات طبولها والايام فصولها والبذرة الغمام وقدرك عالي قدرك ياسامي المقام
هذا شهر التسامح وسعة الصدر والعفو... وأخى ياسر ليس هذا فعله ولا بشبهه... ولذلك يستحق قبول الإعتذار منا جميعا... ولك كل الأمانى بالجميلة بالعيد السعيد...
ىاأخى ياسر أنت أنسان جميل بكل ماتحمل هـذه الكلمه من معنى اذا اعتذرت أم لا, وشايف الاخت مناهـل ظهـرليهـا كده الف محامى فى حين انو الاخت قادرة تماما فى اخذ حقهـا حتى ولو كان داخل فى فك ديناصور, لكن تعمل شنو مع الناس متلقين الحجج ديل
08-29-2010, 00:37 AM
بكري عباس علي بكري عباس علي
تاريخ التسجيل: 10-26-2009
مجموع المشاركات: 2264
الأخ عثمان سلامات و رمضان كريم مافي زول معصوم من الخطأ , و اخونا ياسر اعتذر و اعترف بغلطه, و ما خلى تاني كلام يتقال , يبقى تفنيدك لي كلامه على كيفك انت و اصرارك على تعقبه و رفض اعتذاره شيئ ما مقبول منك على الإطلاق و يبقى انت اللازمك اعتذار , و الإعتذار عمره ما كان منقصه , الناقص هو البصر على خطئه و ما بعتذر .. ياسر يا اخوي اعتذارك مقبول و مشكور عليه و طالما اعتذرت ما يهمك شي موقفك سليم.
08-29-2010, 01:22 AM
ناصر المحسى ناصر المحسى
تاريخ التسجيل: 12-30-2009
مجموع المشاركات: 7262
شكرا جزيلا لاعتذارك اتمنى ان يتم قبوله من الجميع التحية للاخت مناهل ولكم على شجاعة الاعتذار غايتو ما دام انت مطرب البت طالباك حفلة كاربة.. عفوا ان كنا قد اغلظنا عليك امس فحقيقة كلامك كان بيزعل وقبيح جدا . رمضان كريم لكم وللجميع.
08-29-2010, 02:26 AM
Dania Elmaki Dania Elmaki
تاريخ التسجيل: 08-16-2007
مجموع المشاركات: 1503
Quote: امانة في ذمتكم البت ما جميلة عديل كده ؟؟ يعني هل بتفتكروا إنو تمتام ده عميان ، ما بيشوف؟؟ ما ياها دي قدامو بت زي الليل !! وينو خشمها الزي المطبقة ده ؟؟
غايتو عالم عجيبة !!! .. زي ما قال أخونا صلاح عبدالله - واضح جداً أن الأخ ياسر تمتام لم يقصد سوي الدعابة - ولا أستبعد إعجابه بجمال هذه الشابة الحسناء المكافحة التي تساوي شجاعنها أطنان من المناضلين الذين لا يجرؤون علي مواجهة الخطر كما تفعل هي ..
وشكراً لهذه السانحة التي جعلتني لأول مرة أشاهد شباب قرفنا هؤلاء الذين أشعروني بأن حواء مازالت تلد الأولاد والبنات ذوي/ذوات القلب الحار الما جروا وسابوا عروضهم همَّلوا وقعدوا يطقعوا في الأسافير ..
بس تمتام يستاهل .. البيخليهو يمشي يكابس في بوستات الكضب منو؟؟ وكمان داير يهظر !!! .. أها دي آخرتها ..
إنت يا ياسر ما سمعت بأن نافخ الكير إما أن يؤذيك، وإما أن يحرق ثيابك وإما أن تجد منه ريحاَ منتَّنة؟؟
08-29-2010, 07:47 AM
yasir tamtam yasir tamtam
تاريخ التسجيل: 11-27-2008
مجموع المشاركات: 459
·خير الخطاؤن التوابون . ألا يعرفون هؤلاء فضيلة الاعتذار و مالها من آثار إيجابية أهمها كسب حب و مودة الآخرين . هؤلاء يجهلون فضيلة الاعتذار و أنها من مكارم الأخلاق و الاعتراف بالخطأ و الاعتذار قد تكون سببا في نجاحك بان تكبر في أعين الناس و يزيد حبهم لك بصدقك و أمانتك و سمو أخلاقك العالية اخطأ فلان بحق فلان وإن كان يعلم انه اخطأ يحق أخيه ولا يهتم بالاعتراف له لان تفكيره يملي عليه بان الاعتراف بالخطأ يقلل من الهيبة و قوة الشخصية . فالأخطاء واردة لا محالة و الإنسان غير معصوم من الخطأ لكن الأفضل من يعترف بخطئه و يعتذر ، و ممكن أن يكون الخطأالذي ترتكبه سببا في جرح شخص آخر و عدم اعتذارك عمدا سيكون سببا في كسبك للخطيئة لكن بالمقابل لو قمت بالاعتذار ستبرئ هذا الجرح و تكسب الأجر و الحسنات و أيضا تكسب المودة . لكن البعض يخاف من الاعتذار و الاعتراف بالخطأ لئلا يقف موقفا حرجا أو التأنيب أو السخرية أو ربما المعاقبة التي ستطوله . و عدم الاعتذار ممكن أن يكون مردودة عكسي على المخطئ بان تكثر أخطاؤه بسبب عدم المبالاة . التنبيه بان الاعتذار يرفع من قدر المعتذر و تعلى مكانته لاهتمامه بمشاعر الآخرين و حسن خلقه ، القراءة في سيرة السلف الصالح و تواضعهم عند الخطأ و الاعتذار ممن اخطئؤا في حقهم ، ضع نفسك مكان الشخص المخطئ عليه و اشعر بموقفه . موقف نبيل يضاف الي رصيدك اخي ياسر تمتام
08-29-2010, 10:36 PM
yasir tamtam yasir tamtam
تاريخ التسجيل: 11-27-2008
مجموع المشاركات: 459
ياسر رمضان كريم وتصوم وتفطر على خير .. الاعتذار كقيمة انسانية يتيح للمتضرر الشعور بانسانيته ويتيح لك فرصة للتعرف على قيمة الضرر الذي اوقعته في نفس المتضرر .... لم يدانين اي شك من انك سوف تعتذر لأنني وكما عرفتك واعرفك انسان شهم محب للخير ومحب لاسعاد البشر فعلى الرغم من وضعك الاكاديمي المميز لا زلت تصر على ان (تمارس هوايتك المفضلة ) بمشاركة الناس افراحهم وجلب البهجة والسرور بما تؤديه من اغاني وبدون من ولا فشخرة .... وبعدين يا جماعة ياسر ده عادي ممكن يغني بدون مقابل (مجاني ) في زمن ردئ زي الانحنا عايشين فيهو ده ...هل من الممكن ان يكون ظالم ؟ ..هي زلة لسان واعتذر عنها فله الشكر وقد علم بما فعله واعتذر واظنه وعد بعدم تكرارها وهو المطلوب .....
اذا كان القردابي داير كباية موية باردة ... ناصر المحسي ده داير شنو ؟
08-30-2010, 02:57 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: قصدي أجبر للخواطر **** و إنت قولك في التراب لا سرقت ولا إختبست **** و إتهامك لي ســــراب يا محمد إنت قاصد **** تشعل النار في الصحاب قولي وين وجه الشبه**** و إنت ما تزيد العزاب
وايضا العنوان:
Quote: ليس لي غير الإعتزار منك ولكم
والصحيح هو:
Quote: قصدي أجبر للخواطر **** و إنت قولك في التراب لا سرقت ولا إقتبست **** و إتهامك لي ســــراب يا محمد إنت قاصد **** تشعل النار في الصحاب قولي وين وجه الشبه**** و إنت ما تزيد العذاب
وفي العنوان اخطأت في كتابة اعتذار بالزاي وليس بالذاء
Quote: ليس لي غير الإعتذار منك ولكم
القافيه جميله وكذلك المعاني و الموسيقى الداخليه للقصيده فقط بعض الحروف.اتمنى قبول تصويبي بروح اخويه فانت لك موهب واضحه في الشعر تحتاج لتطويرها لغويا فقط.
Quote: إخواني وأخواتي في الحوش لكم مني العتبى حتى ترضو ، شاء القدر أن أكون في محك دون قصد ولم أشأ أن أكون في يوم في مثل هذا الوضع ولكن هي مشيئة الله فعزرا للزين فهمو قولي إساءة ،، لا والله ما كانت هي كذلك بل مزحة وليس إلا ، لأني لا أعرف حقيقي الأخت مناهل ولكن عنوان البوست هو الضللني بأن هناك صورة ل( مهيرة ) فهي من دمي ويكفي أن أجد لها صورة ، وعموما أنا من المهتمين بالصور التاريخية و الفلكلورية و الشعبية القديمة وكان قولي هو للضحك فقط و أسبقتها ب هههههه ولكن ليس لإهانت شخص وربي يعلم .. لكم حق العتاب ولي عليكم ولمناهل الإعتزار فوالله يابت البلد ليس قصدي الإهانة ، فأنا أيضا ممن يحبون الوطن بل أعشق ترابه بثمالة ، ومن منا لا يخطىء ، شكرا لكم
الأخ ياسر
يكفى هنا ما كتبته من كلمات.. تثقل على الكثيرين أن ينطقوها.. بهذا أثبت نقاء معدنك وأصالة اخلاقك.. وبجد أنت زول رائع في فنك.. ورائع في تعاملك وثقافة الاعتذار هذه معدومة لدينا كسودانيين الا من رحم ربك.. لك كل التقدير والاجلال والمحبة
08-30-2010, 08:02 AM
yasir tamtam yasir tamtam
تاريخ التسجيل: 11-27-2008
مجموع المشاركات: 459
شكرا ليك على المداخلة إلا سرعتي في الكتابة هي السبب و لأن القصيدة من الراس للكيبورد طوالي وتاني هو بالإنجليزي مافيه حروف عربية لكن ما جئتي به هو عين الصواب وعرفته ولكن بعد ما رسلتها ،، عموما شكرا ليكم على كل شي وكونو بخير قدر المستطاع
08-30-2010, 07:13 AM
Hassan Bakri Nugud Hassan Bakri Nugud
تاريخ التسجيل: 11-24-2009
مجموع المشاركات: 922
Quote: إخواني وأخواتي في الحوش لكم مني العتبى حتى ترضو ، شاء القدر أن أكون في محك دون قصد ولم أشأ أن أكون في يوم في مثل هذا الوضع ولكن هي مشيئة الله فعزرا للزين فهمو قولي إساءة ،، لا والله ما كانت هي كذلك بل مزحة وليس إلا ، لأني لا أعرف حقيقي الأخت مناهل ولكن عنوان البوست هو الضللني بأن هناك صورة ل( مهيرة ) فهي من دمي ويكفي أن أجد لها صورة ، وعموما أنا من المهتمين بالصور التاريخية و الفلكلورية و الشعبية القديمة وكان قولي هو للضحك فقط و أسبقتها ب هههههه ولكن ليس لإهانت شخص وربي يعلم .. لكم حق العتاب ولي عليكم ولمناهل الإعتزار فوالله يابت البلد ليس قصدي الإهانة ، فأنا أيضا ممن يحبون الوطن بل أعشق ترابه بثمالة ، ومن منا لا يخطىء ، شكرا لكم
08-30-2010, 08:12 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
أظن باب العذاب سديت *** وحتى اللي بجيب الريح ما خوف كانت أعذاري *** ما بصح إلا كل صحــيح علشان ترضي إنت ضمير *** وما يصبح وراك جــريح راجعت الحروف مــرات *** خلى كلامي دون تجــريح وأرضيت روحي وأحبابي *** دا الحاصل بمعنى صريح
شكرا بكل سرور بالكلمة والمرور لك الود
08-30-2010, 11:34 AM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: أظن باب العذاب سديت *** وحتى اللي بجيب الريح ما خوف كانت أعذاري *** ما بصح إلا كل صحــيح علشان ترضي إنت ضمير *** وما يصبح وراك جــريح راجعت الحروف مــرات *** خلى كلامي دون تجــريح وأرضيت روحي وأحبابي *** دا الحاصل بمعنى صريح
لك التحية أستاذ
أصل الرجوع للحق فضيلة
والاعتذار مافيش مثيلا
مهما ترضي الناس عديلا
في ناس تقول ليك يا حليلا
--
إنت ما تمتام حقيقة
إنت للعافية التمام
في أغانيك الأصيلة
قدلة زي جوز الحمام
08-30-2010, 11:38 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
. الأستاذ ياسر تمتام: رمضان كريم ومرحباً بك فى الولايات المتحدة على أمل اللقاء بنيويورك لتعطر ليالينا بفنك قريباً إنشاء الله.
تسلم يافنان فالإعتزار من شيم الكبار وذوى الأصل الطيب الذين لديهم القدرة على مواجهة أخطائهم والسعى لإصلاح مابدر منهم والخطاء وارد لأننا بشر نخطىء ونصيب . وقبول الأخت مناهل إبراهيم لإعتزارك خلقٌ من أخلاق الأقوياء وذوى الأصل الطيب ولها منا أسمى آيات التقدير والإحترام.
والكلام كمل..
أشرف الباقر .
08-31-2010, 05:01 AM
yasir tamtam yasir tamtam
تاريخ التسجيل: 11-27-2008
مجموع المشاركات: 459
(عموما انا لمن نزلت العمل العام مدخلى ما كان انو انا بت جميله ولا لا وشكرا لكل من دافع عنى واعتزارك مقبول)
مناهل إبراهيم
شكرا تقبلك إعتذاري *** من غير رياء أو حتى كلفة حقيقي كلماتك حوتني *** و خلّـدت في قلـــبي إلفة المقادير لينا ناصبة *** شباكا راجية تملي صـدفة إلا جـوانا المــحنة *** هي إحساس الكل بالعــرفة نرجو دروب الريد تخضّر*** ويمشي الشر في طرق مختلفة
ألف شكر أختي مناهل لقلبك الأبيض ،
فالجمال مقياس مقسّم بين شمايلنا وصفاتنا،، وكل جذء جمالو باين ديمة يتحكّم في ذاتنا ،، وأصلو لو شين في طباعك وريني كيف تطعم حلاتما ،،
شكرا لكل المتداخلين وعفا الله عما سلف
لك العتبى مناهل بقدر ما يرضك وكل الود و الإحترام وبالتوفيق فيما تقومين ياسر تمتام
08-31-2010, 03:57 AM
خالد العطا خالد العطا
تاريخ التسجيل: 12-12-2005
مجموع المشاركات: 2293
(عموما انا لمن نزلت العمل العام مدخلى ما كان انو انا بت جميله ولا لا وشكرا لكل من دافع عنى واعتزارك مقبول)
مناهل إبراهيم
شكرا تقبلك إعتذاري *** من غير رياء أو حتى كلفة حقيقي كلماتك حوتني *** و خلّـدت في قلـــبي إلفة المقادير لينا ناصبة *** شباكا راجية تملي صـدفة إلا جـوانا المــحنة *** هي إحساس الكل بالعــرفة نرجو دروب الريد تخضّر*** ويمشي الشر في طرق مختلفة
ألف شكر أختي مناهل لقلبك الأبيض ،
فالجمال مقياس مقسّم بين شمايلنا وصفاتنا،، وكل جذء جمالو باين ديمة يتحكّم في ذاتنا ،، وأصلو لو شين في طباعك وريني كيف تطعم حلاتما ،،
لك العتبى بقدر ما يرضك وكل الود و الإحترام وبالتوفيق فيما تقومين ياسر تمتام
08-31-2010, 06:57 AM
Ismail Yasin Ismail Yasin
تاريخ التسجيل: 02-16-2005
مجموع المشاركات: 54
Quote: إخواني وأخواتي في الحوش لكم مني العتبى حتى ترضو ، شاء القدر أن أكون في محك دون قصد ولم أشأ أن أكون في يوم في مثل هذا الوضع ولكن هي مشيئة الله فعزرا للزين فهمو قولي إساءة ،، لا والله ما كانت هي كذلك بل مزحة وليس إلا ، لأني لا أعرف حقيقي الأخت مناهل ولكن عنوان البوست هو الضللني بأن هناك صورة ل( مهيرة ) فهي من دمي ويكفي أن أجد لها صورة ، وعموما أنا من المهتمين بالصور التاريخية و الفلكلورية و الشعبية القديمة وكان قولي هو للضحك فقط و أسبقتها ب هههههه ولكن ليس لإهانت شخص وربي يعلم .. لكم حق العتاب ولي عليكم ولمناهل الإعتزار فوالله يابت البلد ليس قصدي الإهانة ، فأنا أيضا ممن يحبون الوطن بل أعشق ترابه بثمالة ، ومن منا لا يخطىء ، شكرا لكم
وكتبت صاحبة القلب الذي يحمل هموم وطن باكمله
Quote: عموما انا لمن نزلت العمل العام مدخلى ما كان انو انا بت جميله ولا لا وشكرا لكل من دافع عنى واعتزارك مقبول
08-31-2010, 08:05 AM
ود العجمى ود العجمى
تاريخ التسجيل: 09-21-2002
مجموع المشاركات: 1595
وتشكر على هذا الموقف النبيل وانت تصحح نفسك بهذا المسلك الحضاري وكلنا خطاؤون وخيرالخطائين التوابون!
:لكن دعنا نرجع للفيديو وقصة مهيرة الاخرى التى رايتها مجسدة في هذه الشابة الوطنية المناضلة (مناهل) واريدك بصراحة وشفافية المبدع الفنان باعتبارك كائنا جماليا مفعما بقيم الخير والجمال كفنان صاحب رسالة لا يمكن ابدا ان يتعايش مع القبح والشر في دواخله حيث الفنان الحقيقي يرفض القبح الشر لانها امور لا تتسق مع روحه الجميلة الخيرة ما رايك في هذا الفيديو الذي ظهرت فيه اختنا مناهل وما رايك فيما كانت تقدمه للجمهور من مادة تتوخى فيها خير كل السودانيين وهي تحضهم كي يكونوا حقانيين وان لا يتنازلوا عن حقوقهم لظالميهم....هل تؤيدها في مثل هذه الدعوة الخيرة وهل هى على حق في موقفها المناهض لمظالم الوطن البائنة و جرائم مفسديه!؟
09-01-2010, 01:52 AM
Mutwali Malik Mutwali Malik
تاريخ التسجيل: 12-08-2005
مجموع المشاركات: 2720
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
yasir tamtam
تولوس
haroon diyab
سيف الدولة كامل
أسامة عبد الجليل
Faisal Habiballa
osman righeem
جمال محمود
معاذ الهادي
mohmed khalail
وليد عبد اللطيف
خضر حسين خليل
حامد محمد حامد
ALGARADABI
محمد عبد الماجد الصايم
المكاشفي الخضر الطاهر
Hisham Amin
السمؤال بدرالدين
Elmosley
Dr.Elsadig Abdalla
BAKTASH
الشامي الحبر عبدالوهاب
عبد الخالق امن الله
محمد الفاتح خالد حسون
Tragie Mustafa
Elawad
Mohamed Foto7li
الهادي محمد علي
أسامة خلف الله مصطفى
بكري عباس علي
سناء عبد السيد
ناصر المحسى
نيازي مصطفى
Dania Elmaki
حسبو عكاشة
Munir
ياسر السر
Mutwali Malik
Osama Mohammed
اشرف السر
Hassan Bakri Nugud
أيمن الطيب
عبدالفتاح أبوشيمة
انعام عبد الحفيظ
وليد محمد المبارك
الملك
عبدالعزيز الفاضلابى
أشرف محمد الباقر
Ismail Yasin
ود العجمى
هشام هباني
Amani Al Ajab
فيس بوك
تويتر
انستقرام
يوتيوب
بنتيريست