|
|
 إلى بدرالدين التيجاني ، وعادل الأمير ! رمضان كريم
|
ولا خير فينا إن لم نقلها في هذا الشهر الكريم !
لا خير فينا إن لم نفعلها ، ( لإصلاح ذات البين ) بين الأشقاء الحميمين ،
الروحم واحدة وإتقسمت قسمين ! وشى عجيب في غرامكم ( يا فروع ياسمين ! )
عشان كدة أنا فصّلت الإسمين وقسمتهم على إتنين ! لأنو بدرالدين التيجاني هو
عادل الأمير ! وعادل التيجاني ، هو بدرالدين الأمير !
أول مرة ألتقي فيها ببدرالدين الأمير، كان يوم الإحتفاء ( بآلام ظهر حادة )
للأديب القاص عبدالغني كرم الله ، بالقاعة الداخلية لمركز أصدقاء البيئة ..
وسط لفيف من كبار الإخوات والإخوان والنقاد والأصدقاء .. وفي حضور الأستاذة،
أسماء محمود و د. أحمد المصطفى الحسين ، ولفيف من الشخصيات البارزة من
أعمدة وزعامات ( سودانيز أو لاين ) .
وكان عريفا الجلسة ومقدماها : بدر الدين الأمير - ومحمد السني دفع الله .
وكنت في حينها ( حديث عهد بهم ) ، حينما تداخلت بالعرض مقاطعاً بدرالدين ،
ومتداخلاً بلا مقدمات ! لألدلو بدلوي في شأن صديقي عبدالغني ، ومقحماً نفسي
في الندوة ! بمشاركة خارج نطاق الموضوع ! ( لقافة وشتارة ! ) .
فما كان من بدر الدين ، بصراحته تلك المعهودة ، إلا إن إنبرى قائلاً لي :
( لكن كده إنت حتطلعنا برة من الموضوع ! ) .
وما كان لي بالطبع إلا أن أتقبل إسكاته لي ، صاغراً راضياً، قانعاً ومقتنعاً،
بحنكته تلك ، وإدارته المتميزة المعتبرة !
والحق يقال ، فلقد كان بدرالدين يومها ، شعلة في الإضاءة والتقديم ! معطياً،
لتلك الجلسة زخماً فريداً ! ورونقاً وبهاءً !
كان تقديماً مهولاً رائعاً .. وكانت جلسة ضافية، تحدثت فيها الأستاذةأسماء محمود
ود. أحمد المصطفى الحسين ، وتحدث فيها الأقطاب :أبوساندرا ، والمهندس الشاعر
معتصم الطاهر ، ونادوس ، وليلى أبنوسة . والناقد المبدع : فيصل عباس .
وغنا فيها عادل التيجاني كما لم يغني من قبل! فأبدع وأشجى الجميع . علاوة على
شدوه الأكبر ، بترتيب ذاك اللقاء ، وتهيأة المكان ، وجمع ذاك النفر الكريم من
الناس ، للإحتفاء بدرة من درر الأدب السوداني الحديث : (عبدالغني كرم الله !)
أها نمشى لى قدام .... وقبل مانمشى لى قدام يا بدر وعادل ، رمضانكم كريم .
والحصل اليوم داك كالآتي : ومن غير زيادة ولا نقصان :
بدرالدين ده يا عادل ببساطة زول ( جُبٍل على التجويد ! ) عاوز حاجاتو مكتملة !
لكن هو في النهاية عاوز شنو ؟! عاوز لينا الحاجة السمحة المكتملة ! يازول ده
الحمد لله الما حضرني أنا ده ،( وأنا بغني للكاشف وعثمان حسين ! ) ولا حضر يوم
جُطنا غُنا الشفيع ! المهم الزول ده ياعادل شارب ( عصارة عصير أهلو السمحين ! )
وياريت لو شرابنا يكون زى شرابو! ده كان يكون العالم كلو منتشى بالسلام الداخلي
وبالمودة ، والروح الجميلة ! (العاوزة) للناس الخير والكمال والجمال المكتمل !
ولعمري ياعادل ، من غير زيادة ولا نقصان :لعمري وطول ماأنا في الدوحة دي ماشفت
غير أنو زول ( متسق ووقور ومهندم ومتزن الخطا والشعور ! ) .
وبعدين يابدر ، من غير زيادة ولا نقصان :
أها عادل ده ( ود كاري ) وأنا بعرفو كويس ( زي جوع بطني ! ) .. قلبو سميناً تربة !
ومابتكماهو الغربة !
صافي زي الحليب ! والفي قلبو دايماً في لسانو ! ... وأنا عارف ومتأكد أنو كان بهظر!
وما كان من قلبو ! ................ الزول الفنان ده أنا بعرفو كويس قاصد شنو ؟!
يازول أولاد العباسية ديل أسألني منهم أنا ! ( عباسية موردة بانت ! ) كدى أسأل منهم
عمر سعد ده ! ............ طبعاً نحن عارفين عادل ده زول حلو ومهزار إلى درجة تجعل
( الفسيخ شربات ! )
أها يا أخوانا أنا الفيني كملت .. وقلتها !
وأجمل هدية : قالها ( السني دفع الله ) : خفيفة في اللسان تقيلة في الميزان
العفو
والعافية
[/]DodgerBlue]
|
|
 
|
|
|
|
|
|
|
|
Re: إلى بدرالدين التيجاني ، وعادل الأمير ! رمضان كريم (Re: مامون أحمد إبراهيم)
|
يا حبيب يا أبو الطيب
تحياتي
لك ولبدر الدين
بالأمس القريب فطرت والأخ بدر الدين في صينية واحدة مائدة الأستاذ / عبد الإله زمراوي
وده حالنا دائماً نختلف ويظل الود كما هو
لا أحمل في نفسي ضغينة تجاهه ولا أظنه يحملها تجاهي
ولا أريد أن يأخذ هذا الموضوع أكثر مما يحتمل
والبيناتنا عامره
وعموماً شكراً لك
ولكن ما أريد أن أؤكده لك هنا أن الموضوع من طرفي لم يكن أبداً (هزار)
أما مسالة أن الأخ بدر الدين بيحب يجود حاجاتو (يخليهو يجود حاجاتو) ما في مشكلة
ونحن بنجود حاجاتنا أطمن تماماً
لك وله كل المحبة والسلام
عادل
| |
|
|
|
|
|
|
|
|
|
Re: إلى بدرالدين التيجاني ، وعادل الأمير ! رمضان كريم (Re: عادل التجانى)
|
Quote: وده حالنا دائماً نختلف ويظل الود كما هو
لا أحمل في نفسي ضغينة تجاهه ولا أظنه يحملها تجاهي
ولا أريد أن يأخذ هذا الموضوع أكثر مما يحتمل
والبيناتنا عامره |
شكراً ياحبيب ،
وهذا ماأردنا التأكيد عليه ، والتأكد منه ،
ولا يحتمل إلا الخير وما يعتمل في الضمير، من
حب وتقدير .
رمضان كريم
والعفو
والعافية
| |
|
|
|
|
|
|
| |
مامون أحمد إبراهيم
عادل التجانى
محمد فضل الله المكى
فيس بوك
تويتر
انستقرام
يوتيوب
بنتيريست