|
Re: يا بورداب جدة تعالوا ننظم حفل إفطار (Re: Asim Fageary)
|
الأخ عاصم تحيّاتي وكل عام وأنتم بخير
أُمبارح عملتا مُداخلة في بوست إفطار بورداب الرياض بتحسَّر فيها على غياب حفل إفطار بورداب جدة معقول ياخ؟.. لقاء بيحصل مرّة واحدة في السنة الناس ما قادرة عليهو؟ هو نِحنا قاعدين نِتلمّا متين تاني غير في إفطار رمضان اليتيم؟ عُذراً للإطالة.. لو الإفطار فيهو خمسة أنا حضور بإذن الله
لا بُدَّ مما ليس منه بُد
| |
|
|
|
|
|
|
يا بورداب جدة تعالوا ننظم حفل إفطار (Re: عصام دهب)
|
تحدثت إلى جاري العزيز فقيري و تناقشت معه حول مكان الإفطار ، و بناء على بعض الإتصالات فإن هناك عدة أماكن مقترحة نأمل الأتفاق على أي منها وهي :
1 ) فندق المريديان
2 ) فندق الحمراء سوفتيل
3 ) قرية النخيل السياحية
4 ) فندق قصر المدينة
| |
|
|
|
|
|
|
Re: يا بورداب جدة تعالوا ننظم حفل إفطار (Re: عصام دهب)
|
Quote: 1 ) فندق المريديان
2 ) فندق الحمراء سوفتيل
3 ) قرية النخيل السياحية
4 ) فندق قصر المدينة |
يا جماعة ماتفكونا من الفنادق دي وخلوها في استراحة ولا حديقة عامة والناس تجيب حاجاتها ياعصام والله رمضان الفات الذ حاجة كانت قهوتك الانت جبتا متاخر من البيت ديك
| |
|
|
|
|
|
|
Re: يا بورداب جدة تعالوا ننظم حفل إفطار (Re: عصام دهب)
|
Quote: وزي ما انت شايف برضو الناس ماوصلت لحاجة على العموم رمضان لسة في العشرة الاوائل والفطور حيقوم انشاء الله بس خلي اخينا القاطع اشارة ده يروق شوية
|
أها جِنس الكلام دة هو البيخلّينا نقطع الإشارات زاااااتو.. يا دكتور جمال، أنا خايف نصل الصفحة التالتة في البوست والناس تجي تقول ما مُشكلة.. رمضان لِسّة باقي فيهو كم يوم.
النجيضة: الإفطار يا يقوم خلال الأسبوع الجاي علينا دة (من السبت للخميس).. يا صدِّقوني الشغلة حتموت عنقَريبيّاً.. (على وزن سريريّاً).
| |
|
|
|
|
|
|
Re: يا بورداب جدة تعالوا ننظم حفل إفطار (Re: علاء الدين صالح)
|
Quote: باعتِباري أصغر البورداب سِنّاً |
اوووو الطفل المعجزة
يا عاصم والله لو تكلتوا الموضوع دا علي اصغرنا سنا دي بجيهو ليكم تمام انا اقترح انه تعملوا الفطور دا باي طريقة واسرع طريقة بالله مع الرطوبة والسخانة الالف دي ما دايرين زي اقتراحات عاصم ودكتور جمال بتاعة الشوارع والمطار القديم والاستراحات فندق من الفنادق ( ابو الرخا) اربعين ريال النفر بوفيه مفتوح ولو لقيتو جهة تتبني الافطار دا تكونوا ما قصرتوا يعني دايرين الراعي الرسمي لافطار بورداب جدة فطور واحد في الشارع ما بنجيهو
فنادق زي المحمل قصر المدينة ..الخ حنينة علينا وعلي جيوبنا
| |
|
|
|
|
|
|
Re: يا بورداب جدة تعالوا ننظم حفل إفطار (Re: اساسي)
|
Quote: فندق من الفنادق ( ابو الرخا) اربعين ريال النفر بوفيه مفتوح ولو لقيتو جهة تتبني الافطار دا تكونوا ما قصرتوا يعني دايرين الراعي الرسمي لافطار بورداب جدة |
أساسي هو نحنا بنفطر كم مرة في السنة ؟؟ ياخي أربعين ريالك دي يلا يلا تجيب ليها كيلو جبنة مضفرة ..
Quote: فطور واحد في الشارع ما بنجيهو |
يا جماعة شاعه شنو و تحت كوبري شنو .. أنا شخصياً عايز حتة مجيهة تمام و مكندشة صاح و يكون فيها شيشة و معسل تفاحتين كمان و غير كدة أعفو لي ..
| |
|
|
|
|
|
|
Re: يا بورداب جدة تعالوا ننظم حفل إفطار (Re: اساسي)
|
Quote: اوووو الطفل المعجزة
يا عاصم والله لو تكلتوا الموضوع دا علي اصغرنا سنا دي بجيهو ليكم تمام انا اقترح انه تعملوا الفطور دا باي طريقة واسرع طريقة
|
وووين يا Basic حمداً لله على السلامة ورمضان كريم
أنا غايتو ثنّيت إقتراح الخميس.. كان إنتو مُستعجلين وكِدا وتضامُناً معك من أجل (إفطار عالي السُرعة).. مُمكن نخلّيهو يا الأربِع فطور.. أو الثلاثا غدا
| |
|
|
|
|
|
|
Re: يا بورداب جدة تعالوا ننظم حفل إفطار (Re: Asim Fageary)
|
Quote: يا جماعة آرائكم بخصوص إقتراح صلاح عثمان يسرعة ختى تنجز المهمة
|
الأخ صلاح تحيّاتي وتقديري ورمضان مُبارك عليكم فندق الرمال من الفنادق الفخمة والراقية جداً طبعاً.. لكن حسب علمي إنو فندق الرمال بيقع في منطقة الحمرا وتحديداً خلف شارع التحلية.. هل له فرع آخر في أُبحُر الشمالية؟
| |
|
|
|
|
|
|
Re: يا بورداب جدة تعالوا ننظم حفل إفطار (Re: صلاح عثمان)
|
Quote: الأخ علاء الدين صالح رمضان كريم صحيح فندق الرمال يقع خلف شارع التحليه بجوار سوبرماركت الدانوب فرع التحليه و ما قصدته بأبحر الشماليه هو مطعم سقاله الذي يوجد به جلسات حلوه ممتده داخل البحر لكن المطعم زحمه ( شوام بالكوم ) |
الأخ الأرباب صلاح تحيّاتي وتقديري واحتراماتي حسب خبرتك في هذا المجال، لكَ أن تُحدِّد لنا أيُّهما أفضل وأهدأ ويتوافق مع الشيرينق المُحدَّد بمائة ر.س.. وفي الحالتين ستجدني داعِماً لإقتراحك بشِدّة.
Quote: اتضلت على الأخ وليد عبد اللطيف للمشاركه بالبوست و الإعداد معكم و الأخ عصام دهب لما معروف عن الأخ وليد من نشاط و حيويه مع تحياتي لكم |
مشكور أخي صلاح وكويِّس إنَّك لمّيت لينا فيهو، فهو فاكِهة إفطارنا.
| |
|
|
|
|
|
|
Re: يا بورداب جدة تعالوا ننظم حفل إفطار (Re: فايزودالقاضي)
|
علاء الدين صالح
Quote: الأخ والصديق العزيز وليد عبد اللطيف حضورك في هذا البوست ضروري وهام وعاجِل إتصلت على تلفونك المسجَّل عندي، ردَّ عليْ واحِد سعودي (تقول أنا ناقِص) من رأى مِنكُم وليداً في بوست ود العباسية.. فليلكِزه بكلمتان |
اووووووو الشاعر المرهف الاستاذ علاء الدين صالح يازول اخبارك وعلومك طمنا عنك يازول انا اساسي اكتر من اساسي زاتو بالله اهم شيء تسمعنا الجديد او لم نحضر .. اها ردي ياعلاء الدين بيثبت كلام عصام فقيري
Quote: شايف الناس ديل شكلهم بيقرو البوست لكن ما بردوا علينا
بوست زي دا كمان داير ليهو شلليات يعني ولا شنو |
ود فقيري لما نتقابل بشرح ليك ولكن ضعوا الاخ الارباب (صلاح عثمان) في اللجنه المنظمة لانه رجل اداري ومنظم من الدرجة الاولي ويعتبر اضافة حقيقية الى بورداب جدة
-------------- تحياتي لكل بورداب جدة
| |
|
|
|
|
|
|
Re: يا بورداب جدة تعالوا ننظم حفل إفطار (Re: وليد عبد اللطيف)
|
دهب يقود انقلابا
ويحدد ساعة الصفر والتمويل
واللجنة الانتقالية الشرعية تذهب شمار ف سحور ؟؟
والله يا مولانا حدى معاك القانون ؟؟
يعنى الواحد ما يطلع مصاريف من المسالة ؟؟
مؤقتا كد رمضان كريم والفيك اتضحت ؟
عالم تجى متاخرة تقعد تكابس ؟
| |
|
|
|
|
|
|
Re: يا بورداب جدة تعالوا ننظم حفل إفطار (Re: معاوية عبيد الصائم)
|
الاستاذ عصام دهب وباقي الاخوان
Quote: طيب يا شباب .. أتفقنا ؟ يلا ورونا نسلم الشرتيت لي منو و بتين ؟؟ |
كلامك جميل وعشان نكون عمليين افضل مكان هو فندق ( الرمال ) لانسهل الوصول اليه في حي الحمرا اتفقنا ياجماعة المكان فندق : الرمال الزمان : الخميس القادم 16 رمضان الراس : 100 ريال ياجماعة اتفقنا عشان نعمل اعلان
| |
|
|
|
|
|
|
Re: يا بورداب جدة تعالوا ننظم حفل إفطار (Re: وليد عبد اللطيف)
|
الاعزاء معاوية ، وليد ، صلاح ، علاء الدين .. و قطعاً سيد البوست
و كل الناس المهتمة ..
أرى أن يكلف الأخ / صلاح بالحجز و التنسيق إن تم الإتفاق على فندق الرمال ..
و إن لم يتم الإتفاق فنحن في إنتظارك يا معاوية ..
أرى أن يتم نشر قائمة بأسماء المشاركين و تخصيص أيميل أو رقم هاتف لإستقبال مشاركات القراء من غير الأعضاء ..
الله يوفقكم ..
| |
|
|
|
|
|
|
Re: يا بورداب جدة تعالوا ننظم حفل إفطار (Re: وليد عبد اللطيف)
|
Quote: كلامك جميل وعشان نكون عمليين افضل مكان هو فندق ( الرمال ) لانسهل الوصول اليه في حي الحمرا اتفقنا ياجماعة المكان فندق : الرمال الزمان : الخميس القادم 16 رمضان الراس : 100 ريال ياجماعة اتفقنا عشان نعمل اعلان |
Agreed & Accepted
| |
|
|
|
|
|
|
Re: يا بورداب جدة تعالوا ننظم حفل إفطار (Re: وليد عبد اللطيف)
|
Quote: اووووووو الشاعر المرهف الاستاذ علاء الدين صالح يازول اخبارك وعلومك طمنا عنك يازول انا اساسي اكتر من اساسي زاتو بالله اهم شيء تسمعنا الجديد او لم نحضر .. اها ردي ياعلاء الدين بيثبت كلام عصام فقيري
|
الأخ وليد تحيّاتي وأشواقي وكل سنة وإنتَ والأُسرة الكريمة بألف خير يا رب كدى إتّصِل عليْ عشان ننسِّق ونعرف أخبارك ونكمِّل ونستنا قبل حفل الإفطار.. تلفوني: 0543050919
| |
|
|
|
|
|
|
Re: يا بورداب جدة تعالوا ننظم حفل إفطار (Re: علاء الدين صالح)
|
الأخ فقيري وكل الأخوة المتداخلين رمضان كريم
اتفقنا على الموقع والمبلغ لكن الأهم هو إثبات الحضور للإتفاق مع الفندق يعني أي زول يؤكد حضوره ويلتزم بالمبلغ حتى لو غاب لأي ظرف ..
ان شاء الله حاضرين وهاتفي 0501945990
يا فقيري ويا اساسي ويامعاويه أكرر تأكيد الحضور مهم جدا حتى نستفيد من تجاربناالسابقة ..
| |
|
|
|
|
|
|
Re: يا بورداب جدة تعالوا ننظم حفل إفطار (Re: معاوية عبيد الصائم)
|
معاوية عبيد .. انت سيد اللجنة زاتها ياخ .. سلامات ياطيب
Quote: هسى انا وضعى القانونى شنو ؟
لجنة شرعية ولا لجنة مقالة و لاكيف ؟
لانى ناوى اطلب حق اللجؤ الافطارى
عند بورداب الرياض ؟ا |
ياجماعة عشان نكون جادين ذهبنا الى فندق (الرمال ) انا والارباب ( صلاح عثمان) واتفنا معهم وبعد وساطات ومداولات توصلنا تكلفة النفر 110 ريال بعد التخفيض والمراعاة ولكن مكان نضيف وواسع واهم شيء مريح للعوائل ايضا رايكم شنو ولازم نحصر العددية لان بكرة سوف نعطيهم الرد نعمل بوست عشان نحصر العددية وللا رايكم شنو .. شوية جدية منكم ياشباب
علاء الدين اتصلت عليك ولم ترد
------------------- معاوية سجل تلفونك
| |
|
|
|
|
|
|
Re: يا بورداب جدة تعالوا ننظم حفل إفطار (Re: وليد عبد اللطيف)
|
Quote: ياجماعة عشان نكون جادين ذهبنا الى فندق (الرمال ) انا والارباب ( صلاح عثمان) واتفنا معهم وبعد وساطات ومداولات توصلنا تكلفة النفر 110 ريال بعد التخفيض والمراعاة ولكن مكان نضيف وواسع واهم شيء مريح للعوائل ايضا رايكم شنو ولازم نحصر العددية لان بكرة سوف نعطيهم الرد نعمل بوست عشان نحصر العددية وللا رايكم شنو .. شوية جدية منكم ياشباب
|
وليد دة كلام نجيض.. أنا في رأيي عشان نكون عمليين، وكسباً للوقت.. يتفتح بوست تاني بإسم: إفطار بورداب جدة الخميس 16 رمضان - فندق الرمال ونطلب من الباشمهندس بكري يرفعوا لينا..
| |
|
|
|
|
|
|
Re: يا بورداب جدة تعالوا ننظم حفل إفطار (Re: معاوية عبيد الصائم)
|
خالد العطا
من بوردراب مكة المكرمة
ممكن اشارك كضيف ومن ثم اعلن اضمامي لكم
وانسلاخي من بوردراب مكة القدر ماحاولنا نجمعهم فشلنا
وبدل الشيرنق بجيب ليك معاي موية زمزم
ولوفي عوائل ارجو الافادة عشان اجيب معاي ابني علي وام علي
خالد العطا مكة المكرمة جوال 0555507740
| |
|
|
|
|
|
|
|