|
|
|
 Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بدر الدين الأمير)
|
إتحزم الليلة يا العريبي اب سريويل ..
نحنا .. ندفع جزية ؟؟ أفووووو ..
غايتو الليلة دي إلا يمرقنك كريعاتك المكلوجات ديل ..
يا زول يا فرنكوش .
هو زاتو عزام الجن ده جايب لينا الكلام ..
إنت يا عزام البيوديك سقيفة بنو سليقة دي شنو ؟؟
إر ياخي تولينتورين مناوري ياخي ؟؟
تر أربين تود مقس ميني .. إلاهي ربونا مييللللللللللللوسكون .
آخر الكلام . دي أهزوجة نوبية بيقولوها الشفع لما يجينا عريب راكب جملو و داخل الحلة ..
الشفع يسكوهو ليك زي الورد :
( أربيٍ تود نورتي .. تن برتيٍ تود توسطّي ) .
أبيت اللعن .
| |
 
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بدر الدين الأمير)
|
ود الأمير
سيبك مِن الدقسه دي ... شوف جدك دايِر يِدقِس جدي ...
لامِن قابل جدي الملِك كابيل ، عُبَيدالله بِن مروان الحمار أمير مِصر بعد ما هرب مِنها بعد إنْتِقال الخِلافة إلى بني لعباس في زمن عبدالله السفاح عام 750م ، قال ليك نعوم شُقير في كِتابو [ تاريخ السودان ] الحققو د. محمد إبراهيم أبو سليم ، زولك عُبَيدالله بِن مُروان الحِمار ، خم ليك القِدر عليهو مِن ذهب بيت المال وهرب جِهة بِلادنا ، وقابل رسول جدي الملِك ، وسألو :
- أمحاربًا جئت أم مُستجير؟
- مُستجير مِن عدو يُريد قتلي
قام جدي جاهو عديل كَدي ومعاهو 10 ألف رجل بِحِرابُمْ وأحاطو بِالمكان ... هيييع ... قام جدي أبا يِقنِب في الفرش الفاخِر هيل ود مُروان الحِمار ... زحا غادي وصنقر في الواطا وإتْفرجخ
- لِم لا تقعد في تلك المرتبة التي وضعناها لك
- كل ملِك لا يكون مُتواضِعًا لله فهَو جبار عنيد مُتكبِر
سألو جَدي : كَيف سُلِبْتُم مُلْككُم وأُخِذ مِنْكُم وأنتُم أقرب الناس إلى نبِِيكُمْ
- إن الذي سلبنا مُلْكنا أقرب إلى نبِيِنا مِنا
- فكَيف أنْتُمْ تلوذون إلى نبِيكُم بِقرابة وأنتُم تشربون ما حُرِم علَيكُم مِن الخُمور وتلبسون الديباج وهو مُحرم علَيكُم وتركبون في سُروج الذهب والفِضة وهي مُحرمةٌ علَيكُم ولم يفعل نبيكُم شيئًا مِن هذا وبلغنا أنك لما وُلِيت على مِصر كُنت تخرُج إلى الصعيد وتُكلِف أهل القُرى ما لا يطيقون وتفسِد الزرع على الناس وتروم الهدايا والتقادم مِن أهل القُرى وكُل هذا مكِن أجل كركي تصيدهُ قيمته سبعة أنصاف أو ثمانِية.
فصار جَدي يُعدِد على الأمير عُبَيدالله جُملة الذنوب والأمير ساكِت لا يتكلم بِحرف واحِد ، ثُم قال له جَدي :
- فلما إسْتحللتُم ما حرمه الله علَيكُم سُلِبْتُمْ مُلْككُمْ وأُخِذ مِنكُم وأوقع الله بِكُم نقمة لم تبلُغ غايتها مِنكُم وأنا أخاف على نفسي إن أنزلتُك عِندي أن تحِل بي تلك النقمة التي أخلت بِكُم والبلاء عام والرحمةِ مخصوصة ... إرحل مِن أرضي بعد ثلاثة أيام وإلا أخذت جميع ما معك وقتلتُك شر قتله هييييع ، فلما سمِع الأمير عُبَيدالله ذلِك خرج مِن أرضِنا ورجع إلى مِصر فقُبِض علَيهِ وبعثوا بِهِ إلى بغداد فسجنه المنصور حتى مات في السجن ... وذكر القِزْويني هذِهِ القِصة فعزاها إلى مُحمد بِم مُروان الحِمار
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بدر الدين الأمير)
|
محمد المُختار الزيادي
Quote: يا عزام انا نفسى اعرف اسم جدك المو عربى ده
عزام000 اسم عربى
حسن ... اسم عربى
فرح.... اسم عربى |
وبِلال بِن رباح إسم حبشي؟ ولا الصمغ العربي أكان بِلقِطو في شِدر مكة ... ياخ أغلب الأسماء العربِية الحفظت ونشرت ودرست اللُغة العربِية والقُرآن الكريم ما عرب ... ده كلام ده يا ود مُختار ... معقول تفكِر كِده ياخ ... وبعدين جدي الجا مِن لحِجاز بِدون زَوجة ، قبل 400 سنة لِدار المحس ، وعرس حبوبتي بخليني ألبس عُقال يعني ، وااااحد يِغَير خشم بيت أو حِله أو قرية!
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: عزام حسن فرح)
|
| Quote: وبِلال بِن رباح إسم حبشي؟ ولا الصمغ العربي أكان بِلقِطو في شِدر مكة ... ياخ أغلب الأسماء العربِية الحفظت ونشرت ودرست اللُغة العربِية والقُرآن الكريم ما عرب ... ده كلام ده يا ود مُختار ... معقول تفكِر كِده ياخ ... وبعدين جدي الجا مِن لحِجاز بِدون زَوجة ، قبل 400 سنة لِدار المحس ، وعرس حبوبتي بخليني ألبس عُقال يعني ، وااااحد يِغَير خشم بيت أو حِله أو قرية! |
لو فهمت كلامك صح, انت يا عزام اصولك ما نوبية, اصولك عربية
ولو ما فهمتا صح فهمنى
تحياتى
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: محمد المرتضى حامد)
|
عِماد عبدالله
Quote: مرة عزمنا قال كوارع .. و عاملا براهو قال ..
إتخمخمنا يا عزام و مشينا غنينا و نقنقنا ( ده كلووووووووووووو و هو لابس العولاق السروال داك الإسمو برمودا قال و داخل مارق لمن لاوز بينا ..
و الفنلة الكط .. و السيجار و القيامة الرابطة .. غايتو الخلقة بس الزوحي الزمان داك ..
المهم يا سيدي شيلك ختك جابوا العشا و العريبي ينبح : كوارعي ما كوارعي .. و ظابط ليكم كوارع خروفين إتدلعوا فيها يا بجم )
و لسانو كعب يا هذا العريبي .. غايتو تفتح خشمك بغم بيصرف ليك عادي كرررررررررررر .. كمية من الكلام اب صامولة و ميطي .. |
ياخ بدرالدين ده التقول " تاريخ " والله مِن شِده ما بِعيد نفسو ، أنا قايلك كُنت معانا أمِس في لَيلة ذات الكوارِع ... والله يا عُمده أمِس دي ، مرق لينا بِبرمودو وبِقى والله بِرازي بين التُكُلْ والديوان ، وكُل ما يُمْرُق نِتْزحزح ليهو ، يِدْخُل نضاير ، والكان بِنْضُم يِسْكُت ، ما راجيهو يِصنقِر ... وهو عاد بِرَيِح ليهو مُتحدِث ... تلقاهو صنقر في طرف المقعد ، التقول نازِل المحطة الجاية ... بس سطرين ننضُم في ذات الإهتِمام المُشترك ، تااااني العِريبي يِنْفزِر يِتْلفت يمين شِمال ويِبقى مارِق وهو عاض بِنواجذو السيكار والله لامِن مرقنا مِنو ما فِهمنا شي في النضمي الكان دايِر ... وأكان سألتو ده شنو المِطفِح ده ، تسمعو [ده سمن يا بجم] ومالو غليد كَدي؟ [لأنو أصلي يا مُتْخلِف] ... أنا شخصِيًا إتعَودت مِن ربي أضوق ضنك المعيشة لامِن أتقاعس عن وِردي وراتْبي ... أها بدرالدين ده نصيبي مِن ها الضنك ... نان كَدي صابِر ومُحْتسِب ...
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بدر الدين الأمير)
|
(وحتى انتو ياناس مسقط محمد المرتضى وستاذنا فضيلى
الفيكم اتعرفت بس خلون ارحب بضيفنا العزيز الروائى
والشاعر والباحث الدكتور ابكر ادم اسماعيل الذى شرف
الدوحة قبل قليل)..
ألحقني يا مولانا محمد المرتضى..الشلاقة عمرها ما تجيب خير.. الحشرنا شنو في بلاوي ناس الدوحة؟ ضيافة الناظر هشام هباني اتقلبت شكلة ليها ضل. فتناكم بعافية!
تخريمة: تحيات عطرات للطبيب والروائي الخلوق ابكر آدم اسماعيل. ويا ابكر يا خوي خشمك واقدر عليه. نصيحة لله !!
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: Emad Abdulla)
|
Quote: Quote: شيخنا فضيلي ياخي ما تشكر لينا الراكوبة في الخريف ..
أيامو المضيفك ديك كان بيجيب العضة من الفندق ..
أحمد سيدك .. الله مرقك ساكت . |
يجازي محنك يا عمدة. أول مرة أعرف إنو فرشاة الفنان الناعمة ممكن تبقى سكين. ياعمدة صدقني أنا ما بشكر الراكوبة في الخريف.. والعربي رغم حكاية (الضلافين بالفرن) العملت منها إنت وقريبك عزام فيلم كوميدي ورغم (محشي التفاح).. رغم كل القصص المن حقي ماأصدقها دي ..لكن بقول الحق وبمرق الذمة: العربي ود أربجي كريم بالحيل. وأيام ضيافتي (صحيح السيجار في الخشم حتى وكت بنشرب في شاهي الصباح داك) .. لكن الراجل عداه اللوم ما بنعاب في الضيافة. ومالو محشي التفاح ياعمدة؟ يعني الفرق شنو بين الخياراية والتفاحة؟ ما كلو عند العرب صابون! إ نت بس إتعودت على المحشي بتاع المطبخ السوداني. الراجل كتر ألف خيرو عايز يبتكر حاجة جديدة (محشي تفاح) تقوموا تعملوا منها فيلم كوميدي يعني؟1 |
| |
|
|
|
|
|
|
|
|
 Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: عزام حسن فرح)
|
السلام والتحايا للجميع
من حضر ومن لم يحضر
ولهشام هباني بركه الشوفه
اما عن اللمه في ذات نفسها ..ففعلا كانت من الليالي المابتتنسي .. سعدنا بلقاء بلول وكمال وعادل ، وقابلت لاول مره الهادي هباني وعزام فشكرا ياود الامير .. يجعله عامر ومليان دايما بالاخيار والاحباب ..
اما عن زنقتك .. فارى دفاعاتك امام جيوش الغزو مازالت ضعيفه .. فشد حيلك وعارفك قدره .. غايتو في الشرك ده بله ذاتو كان فكه البيرق ناس عزام ديل شكلهم قعدوا ليك ..
تحت تحت :
يا عزام انا غايتو واحد من الناس الشهدوا لي صالح الكوارع .. اشهد بي انها كانت من النوع البلصق الاصابعين .. بس انشاء الله شهادتي دي ما تجيب لي الهوا..
لكم الود جميعا ..
والف مرحب دكتورابكر.. الى لقاء
ــــــــــــــــــــــــــــ
ايمن تابر
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: عماد الشبلي)
|
ود الامير
انا حتى هذه اللحظات لا استطيع التحدث الى امى عقب عودتي منذ تلكم الليلة (الكوارعية) العجيبة
وصار كل كلامي معها بالاشارات والرموز وعنما شرحت الامر كتابة الى خالي الذي كان منزعجا جدا وقد وصفت له ما دار من تفاصيل
تلكم الليلة (ذات الاظالف) وحينها اخبرنى ان في الامر مؤامرة حيث استخدم مضيفكم لحاجة في نفس (الاربجاوي) (صباع امير) في هذه الطبخة العجيبة ولذلك عندما هم الاعجمى (عزام) بتقديم الجزية عبرت له عن سروري ورضائي بالاشارات فقط وانتم يبدو حينهالم تلاحظوا الامر بسبب ما عطل عقولكم من حالة كادت ان توصلكم الى غيبوبة زمن (الانقاذ)!
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: هشام هباني)
|
أخونا هشام .. يمسيك بالخير ياخ .
أول شي بختك بوجودك في الدوحة ..
و بختك بعادل سالم و كمال ديل .. و بقية الرهط الدوحابي المجيه ..
إنت وكت الله جابك الدوحة .. الموديك بيت النمل شنو ؟؟ | Quote: استخدم مضيفكم لحاجة في نفس (الاربجاوي) (صباع امير) في هذه الطبخة العجيبة |
الله شافك ساي يا هشام ..
أخونا الفاضل جعفر - أدخله الله في التجربة - ذلك من بعد أمسية كوارعية عند بدر .. الصباح شلناهو مستشفى حمد دوغري ..
الدكتور حلف بي راس أبوهو قال : دي أمراض مناطق حارة .. ما تخصصي . شيلو الفطيس بتاعكم ده ..
قعدنا نحوم في الأخصائيين و جارين زولنا بالكرسي .. من اول بتاعين الفك و الأسنان مروراً ببتاعين النسا و الولادة لغاية ناس المسالك .. بلا فايدة ، الكضمة في حالها .
آخر شي المسكين داك تهموه بـ إعاقة مركبة نتيجة تهتك في سقف الحلق و تلصق في الحبال الصوتية .. و حرنان في اللهاة ..
يا ربي ليك الحمد هسه بقى كويس ما شا الله ..
لكن شلاليفو لغاية تاني يوم إلا فكيناهم عند ( بابكر الطهّار ) في حي الريان .
منور الدوحة ياخينا .
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: عماد الشبلي)
|
أرسل التحايا من على البعد للناظر هشام هباني ـ خال العيال ـ
والتحايا لود الأمير ود حي الأمراء الأمدرماني ـ لكن الكوارع بالفرن دي جديدة لنج ـ وسئوال محير .. إين ذهبت الشوربة!!?
أما عزام حسن فرح (الرتاني) والمطالب بإرث النوبة ـ ولي جدة محسية تشترك في الجد فرح وهو إسم شهير في مناطق النوبة رحم الله الجدة فاطمة أبوالحسن فرح المحسية المقاصرية .. ولكن من أين أتت ثقافة أكل كبدة للجمل للنوبي الخال عزام! وحسب علمي أن النوبيون لا يأكلون لحم الجمل ومشتقاته فتلك ثقافة عربية .. التحايا للخال عزام.
وتحية خاصة أرسلها للأديب القاص إيمن تابر والله ليهو وحشة..
وفي الختام أسأل الناظر هشام هباني بالإسراع في مغادرة دولة قطر خشية من إصدار أوامر قبض بواسطة الإنتربول بحجة تهديد و تقويض الأمن القومى السوداني ـ أي حاجة متوقعة من الجماعة ديل ـ والعودة ألى تكساس فورآ والإحتماء بالخال أوباما.
ودمتم
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: فضيلي جماع)
|
عادِل نجيلة
| Quote: ولكن من أين أتت ثقافة أكل كبدة للجمل للنوبي الخال عزام! وحسب علمي أن النوبيون لا يأكلون لحم الجمل ومشتقاته فتلك ثقافة عربية .. التحايا للخال عزام. |
والله يا ود أُخْتي ، نِحنا ناس الله خلقنا أصحاب رِسالة ... والتكليف الرباني ده بِكون فوق جيناتنا ... العرب الغُزاة ديل لامِن سوو معنا إتْفاقِية البقط ... بعد 600 سنة مِن الإتْفاقِية رِضينا نعرِس ليهُم بناتنا ، قامت إتْلَونت أشكالنا ... لامِن دَولتُمْ أصبحت قَوِية بِتحالُفُم مع الفونج ، عملو فوقا أسياد بلد ، وجابو عوايِد جزيرة العرب المُتخلِفة ، ناس الود لِبِت عمو ... أها يا سيدي الآمنت ليك ، ظلو في حِكاية الود لِبِت عمو دي مِن خراب سوبا لِغاية زمني البلغت فوقو وأصبحت مُستطيع الباء ... جاني هاتِف [عزااام ما خُلِقت لِهذا] الخُلعه أكانت دايرا تكْتلني يا زول ... بعد كمين يوم ، تاني جاني الهاتِف
- قُم لِلبُطانا
- ودي وين كمان؟
- مَوطِن عطانا * الأرض المطرانا * حَيثُ نَسينا هُناك مَن نسانا
- وأسوو شنو هِناك عاد؟
- قد تكَعْوجت العِربان * وأصبحو كالفِئران * أخوانٌ عِرسان * ونُطفٌ وغِرسان
- أها ... يعني أمشي أحسِن ليهُم السُلالة وكِده
المُهِم ، بِفضل الرِعاية الربانِية والأنوار الشعشعانِية ، عِرفت البكان العانيهو الهاتِف ... ومِن حله كوكو لِلبُطانة عديل ... مِن نزلت قُلت أخير أطمِن العرب ديل إني بشري ، فأكلت الطعام ومشَيت في الأسواق ... عرست بِت عمك إبراهيم ود الضواها الكاهلي وأُمها بِت الشيخ جعلِية عوضية ... مُش قُلت ليك نحنا ناس رِسالة وكِده
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: عمر دفع الله)
|
والله البيسمع كلام بدالدين عن الكوارع البيعملا ...... أتقّول بيلبسا جزمه أديداس قبُل تقديما للناس....
(أو كما قال صديقي قَسِم ود العباسيه): والله كوارع كلتوم العاملاها دي من شدة ما نشفانا تقول أكلت هي الكوارع ورمت لينا البايظ!
رمضان كريم والله احب الرطانه عماد وعزام..... ديل كلامهم سمح شديد
رمضان كريم
بالجنبه كدا يا عماد: الطريقه الوصف بيها عزام كوارع صديقي العريبي ... ما فضل ليهو الا يقول طابخا بزيت فرامل....
.....
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بهاء بكري)
|
الف تحيه للناظر هباني
وللاربجي الاصيل بدر الدين
ولصديقي النوبي عزام
والف للفنان عماد عبد الله
اكثر ما يحز في نفسي ويحزنني بحق
البشتنه اللقتا الكوارع
يا اخوانا كمية الكولاجين والغراء والمتعه التي منحتنا اياها الكوارع طيلة العقود الماضية
تحتم علينا احترامها ومعاملتها معاملة كريمة تليق بالمقادم
الا تعلمون ان المقادم هي التي تحمل اجسامنا وتتحمل وزر اعمالنا
لو ما كانت حتكون شينه كان ختوها لينا فوق الريسين
يا بدر الدين ياخي انت راجل خبره مما جميعو
شنو شية الكوارع دي ؟؟؟
وكمان لي ناس نظار وعمد وشيوخ قبايل زي ناس عزام وعماد عبدالله؟؟؟؟
والله لو ماشايفا شينه كنت قلت ليك شرطت عينا
وقووووول شويت الكوارع زي ما قال نجيله وين وديت الشوربه
اوع يكون اتيممتوا ؟؟؟
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: Emad Abdulla)
|
أخ من الرطانة المابطمر فيهم خير
عماد عبدالله غادر هذه المدينة مصاب بمرض (الملوك) أي القاوت
وكان ذلك بسبب نفيستو الساقطة يوم بعد يوم ود الامير الله يرضى عليك
مشتهى قوارع بقر بطرقتك العجيبة ديك وانا بجب صلاح عبدالله ونبجيب
العود ونغنى ليك كل النسفك فيه حتى الله خلق للنعجة ضنب اما الرجرة
عزام فرح مجرد ما اتصل به ود الامير اكيد عندك عيزومة اها عامل شنو
من طبايخك العجيبة ياخى انا بسببك بقيت مابطيق طبيخ بت ابراهم ..
ياايها الرطانة اننا اطعمناكم من جوع وآمناكم من خوف وبرضو مافيش فايدة
اما باقى المطبلاتية للرطانة جايكم ايها المستلبن وعاش الملك النوبى بشاشة
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: بدر الدين الأمير)
|
ود الناظِر
| Quote: لكن في النهاية انما الكوارع بالنيات وربما اهلنا الارابجة يطهونها على هذه الشاكلة |
يا زول كوارِع شنو البِعرفوها ناس أربجي ... حرم ديل عِلا الشاي الما بِلايقوهو ، تقوم تقول جِنسْ ده ، يا زول ما تقول كَدي ، الكوارِع دي أكِل ناس مُدُن ، بعرفو فوايِد الجيلاتين ... بِعرفو يِمَيِزو شِني البِدْخُل في بطن الفُرُن وشِني البعْتلي ضهر البتوجاز ويِبقْبِقْ فوقو ... أها مِتِل بدرالدين ده عُمرو ما يِتْعلم ، ما بِسأل يا خوي ، قايِل الشي ساااي كَدي ... إنسان غريب ، البِعجبو كلو بِندرِع فوقو دون تمييز ... تعجبو كوارِع يِسيها كيفما كان ... يعجبو " كاسترو " يِغرِز في فاهو سيكار ... يِقرا كِتاب لِمنصور خالِد ، يِقوم يِخْنِق رقبتو بِدِكه مُلَونة بِموية شرافا ... هسِع في ذُمْتك يا ود هباني ، كِرعين بدرالدين الشفتها عيان وبيان دي ، بِلْبسولا " برمودا " ويِقْدِل بيها بيناتنا ، التقول نِعامة ، في داعي لهكذا لبسه تِضَرِص أحاسيسنا ... معليش يا بدرالدين يا خوي ، أنا بعد ده أكان ما عِرفت قائِمة الطعام وطريقة الطبخ ما بجي سقيفتك دي نوهائي ، مالي ، أفوت البعرفو وأنشبِكلي فوق ني
| |
|
|
|
|
|
|
|
|
|
Re: هشام هبانى يستلم الجزية من الرطانى عزام فرح بحضور اولاد سالم كمال وعادل بسقيفتنا (Re: محمد عبدالرحمن)
|
يا ود الأمير
لو هباني كان أديتو ه شاي سادة سخن جدا كان رطن مع أمو بالعربي
لمن كانت تنهرو و تقول ليه يا جنى ها...
كدى سيبونا من حكاية هباني دي...
تيراب الجرجير عملتوا لي فيه شنو?
بعدين أهلنا النوبيين ديل ناس راقين جدا و ناس متحضرين و ساهموا في تطوير ثقافتنا و نحن البقولوا علينا عرب ديل طلعنا ناس شنبات ساكت و حا نكون سبب في تشتيت و تدمير ما بقى من البلد الإسمها السودان دي.
قلت لي كوارع بالفرن???
فضحتنا ياخ
دي زي النبيذ بالطحنية
| |
|
|
|
|
|
|
| |
بدر الدين الأمير
Emad Abdulla
nabielo
عزام حسن فرح
عماد الشبلي
هاشم محمد الحسن عبدالله
محمد المختار الزيادى
سلمى الشيخ سلامة
Deng
محمد المرتضى حامد
saadeldin abdelrahman
فايزودالقاضي
فضيلي جماع
بكري عباس علي
ايمن التاج
هشام هباني
عمر دفع الله
ibrahim kojan
بهاء بكري
أبو الحسين
محمد عبدالرحمن
Kostawi
khalid abuahmed
فيس بوك
تويتر
انستقرام
يوتيوب
بنتيريست