|
|
|
 Re: أين اختفـت صور الشهيدة التاية ابو عاقلة؟؟!! (Re: هشام هباني)
|
| Quote: اتصلت بالأسرة ووضحت لهم حقيقة ما حدث هنا ... تعذر على الوصول إلى بقية الأهل في قرية نور الجليل بالدندر لعدم توفر هاتف .. غدا إن شاء الله سأتصل بمن هم على معرفة ودراية ومعاصرة للحدث داخل محيط الأسرة لاعكس لهم عن ما دار في هذا المكان .. حتى ذلك الحين .. نرى كيف يتحذلق هذا الهشام هباني ويتفنن في التشهير مدعياً ممارسة النضال .. مغلفا اسقاطاته حتى بالتلاعب بصور الشهداء .. حتى وإن كانت في ابشع صورة لها كما فعل بالسابق.. |
ـــــــــــــــــــــــــــــــــــ
وحمدت الله فرحا ذات مرة من المرات حين التقيت صدفة باول واحد من اقاربها اهل الدم( الشرفاء) فاستبشرت خيرا بقول الفارس اعلاه حين كان يزود عن قريبته الشهيدة في مواجهة شخصي الضعيف وحسبت حينهاان البطل بالفعل يعتمل في داخله لهيب الثأر الموار لاجل قريبته الشهيدة الماجدة وقطعا سيأخذ بثأرها من قاتليها اي طغمة (الانقاذ) ويبدو انه كان على مقربة من يوم الثأر بركانا ينتظر الانفجار ليكسح قاتليها كسحا من هذه البسيطة وبالفعل كان ما توقعته من هذا الصنديد حين اوفى بعهده وشرفه الاسري ان يثأر لقريبته الخالدة وبالفعل كان ال اكتســااااح ]
| |
 
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: عبدالوهاب علي الحاج)
|
عزيزى القاريء
من احط الاشياء التي جلبتها سيئة الذكر( الانقاذ) انها قتلت في الانسان السودانى العظيم صاحب الكرامة والنخوة والثار
والذي حقق اعظم الانتصارات العظيمة في سبيل الزود عن هذه القيم بتضحيات جمة حتى صار له صيتا في العالم ولكن اليوم ما عاد هذا الانسان السوداني هو ذاك الرائع الذي نعتز به حيث انضربت منظومة قيمه واخلاقه وصار يعيش بسبب هذه الاوضاع القاهرة جدا غيبوبة غريبة ما عادت فيها ردود افعاله طبيعية حيث ما عاد ينفعل لاي حدث كبير حتى لو يمس شرفه وكرامته بذات درجة الانفعال المطلوبة كردة فعل لمواجهة هذا الفعل الظالم وهنا الكارثة!
فمن السهل ذات يوم لو بقى السودان كما هو ان نستعيد الاقتصاد والتعليم والصحة وكل بنيات الدولة المعطوبة ولكن من الصعب ان نستعيدالقيم والاخلاق فالامم الاخلاق ما بقيت فان هم ذهبت اخلاقهم ذهبوا!
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
واكثر ما يحز في النفس ان الحركة الوطنية النسوية السودانية المعارضة بمنظماتها السياسية المختلفة داخل وخارج الوطن اثبتت انها غير وفية ابدا تجاه هذه الشهيدة الخالدة والتي هي رمز شامخ يشرف الحركة الوطنية النسوية كرمز لها واول شهيدة في تاريخاحيث لم ار ولم اسمع بمناسبةوطنية داخل او خارج الوطن لتخليد ذكرى هذه الشهيدة الخالدة وهو اليوم الذي يصادف يوم استشهادها و هي اول انثى سودانية استشهدت في الحركة الوطنية النسوية المعاصرة وذلك مما يجعلها رائدة الاستشهاد النسوى السوداني....ولكم تمنيت ان ارى صور الشهيدة الخالدة تزين صدور بناتنا واولادنا وتزين حيطان بيوتناوسياراتنا ونحن نفاخر بها العالم ونحن نزور اهلها وقريتها وقبرها الطاهر.... ولكن من اين لنا بمثل هذا المسلك الوفائي النبيل وقد اثبتنا انا امةلا تحسن الوفاء ونحن الامة التي لم تخلد حتى اعظم قائد تحريري لها اي قائد الثورة الوطنية السودانية بل القائد التحريري العالمي الامام البطل محمد احمد المهدى صانع وحدتنا واستقلالنا وصائن عزتناوالذي يعتبره احرار العالم واحدا من اعظم قادة التحرير الوطني في العصر الحديث ضد الاستعمارابينما يعتبره الكثيرون منا مجرد درويش او مهووس لم ينجز غير دولة للهوس والمظالم بل لم نجد حتى اليوم في البحث عن قبر البطل العظيم المك نمر ومسيرة خروجه من الوطن مهاجرا الى الحبشة الجارة بعد ان صان كرامتنا في اعظم الملاحم الوطنية...و ايضاالبطل الوطني الخالد على عبد اللطيف لايدرى جل السودانيين اين قبره وقد مات وحيدا يشكو ضيم اهله وعدم وفائهم ودفن بمقبرة حقيرة بمصر الجارة ولا احد حتى اليوم يفكر بتخليده واعادة رفاته مشيعا كبطل قومي ليدفن في الارض التي ضحى لاجلها ونفي بسببها..والشهيد احمدالقرشي الشهيد الاول لاول ثورة وطنية في اكتوبر 64 ضد الطغيان المحلي لا يعلم جل السودانيين اين يوجد قبره ومن هم اهله وقريته وتمر ذكرى اكتوبر تباعا كل عام ولم اسمع بمواكب واحتفالات تقام في مسقط راسه تكرم اسرته وقريته وتضع الزهور والاوسمة حول قبره الطاهر.... وهنالك كثير من الشهداء والابطال لم نفكر في تخليدهم اكراما لبذلهم الكريم وهو بذل الروح والجسد لاجل الوطن العظيم بينما الوطن يعج باللؤم واللئام وهم يحسدون الشهيد حتى في موته لاجلنا لانهم ببساطة منحدرون من امة ينقصها الوفاء وهو امر مسيء الينالانه امر يمس جوهر القيم الاخلاق والامم الاخلاق ما بقيت فان هم ذهبت اخلاقهم ذهبوا!!
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
تعجبت في حال (البلوم) الذي يهوى التصوير حد العشق ولم يشرفنا حتى اليوم بلقطة لقريبته الشهيدة الخالدة يوم استشهادها او تشييعها لقبرها الطاهر او بصورة عائلية لها مع الاهل ومنهم السيد ( البلوم) مثبتا اياها باعزاز في بروفايله الشخصي مباهيا ومعتزا بها وهو ذات البروفايل الذي كان بلا استحياء يتباهى( البلوم) حين يضع عليه صورة قاتل قريبته الشهيدة اي السفاح البشير وهو بلا استحياء يعلن تاييده له وهو تعبير نذل و######## عن اهدار صريح لدم قريبته الشهيدة وان ما فعل بها من فعل غادر لهو امر يؤيده....وهل بعد ذلك المثال يمكن ان نتحدث عن الوفاء والاخلاق في هذه الامة العجيبةالتي تعج بهؤلاء اللئام والانذال!؟
| |
|
|
|
|
|
|
|
|
|
Re: الهروب الكبيــــر .. (Re: HAIDER ALZAIN)
|
ما راي المناضل (الوطني) حيدر الزين في هذا البوست فيما يخص وطنية صديقه (البلوم) المتورط جدا في هذا الخيط
( القلوبية) هل ستدينه على هذا الموقف وبناء عليه ستحدد علاقتك به ام ستؤيده باعتباره موقفا وطنيا سليما وبالتاكيد اجابتك على هذا السؤال ستحدد مقدار وطنيتك ومصداقيتك ايها السيدالوطني الهميم وبالتاكيد الحكم للجمهور!؟
| |
|
|
|
|
|
|
|
|
 Re: الهروب الكبيــــر .. (Re: هشام هباني)
|
نعيدو من اول وجديد تااااااني :
Quote: المناضل الوطني حيدر الزين
يا اخينا هشام هباني .. ما تبطل خرمجة يآخ شنو جايي جايب لي صورة تمبس ورأيك وقرعتك ..!
إنت فوووق هنا كتبت لي معلقة طويلة عريضة بدؤها الاحترام ونهايتها المودة وشبكتني اني اتجنيت عليك
وإنك مناضل منحاز للشعب وحقوقه وإني نبذتك نبذ شخصي بدون وجه أي حق ..
وعشان نضمينا يكون مؤسس نقطة نقطة انا اقتبست ليك سطر من اول ستة كلمات وقلت ليك ابدن ابدن يا هباني ما تقول انك قبل كدة ما اسات لي شخصياً ولا نبذتني ببذاءة ..
ومصداقاً لي كلامي وعشان ما يبقي نضم مطلوق ساي مشيت جبت ليك كوت ورابط ليهو الإنت بديتني فيهو بالنبذ
رغم إني كلامي الاول ما كان فيهو أي تحامل علي شخصك الضعيف بعد ما فتحت ليك بوست هنا دا عنونته باسم كلاب تمارس الفاحشة في الجامع الكبير وهو عبارة عن اسامي شركات للكيزان .. ورغم انه موضوع البوست دا تحديداً وبنفس الصيغة والكيفية انت فاتح بيهو اربعتاشر بوست بعناوين مختلفة بالمنبر العام وزي عشرين عضو اخرين فاتحين نفس الموضوع بعناوين مختلفة لكن بوستك دا كان شاذ وغير موضوعي في عنوانه وبيعبر عن كذبه لخداع الناس .. كتبنا ليك النضم دا يا هشام هباني بوصفك من القلائل الطارحين نفسهم هنا اوصياء علي الوطن والوطنية والوطنيين وانهم ممكن بكل بساطة يوزعوا ليك صك وطنيتك او خيانتك للامــة
كسبت شنو من كلامي معاك ..؟!
مش كسبت نبذتك وبذاءتك دي معاي واريتك كان تميتها للآخر بتنبذ وتشتم وتزوغ ..
وهسع بكل قوة عين بتجي تقول لي نبذتك او اساءت ليك متين ؟؟!
أها جبت ليك نبذتني واساءت لي متين وبرابطها .. طواااالي تكبر اللفة يا عمك وتمشي تسألني من رائي في تمبس ؟!
كدي جاوبني علي تاكيدي ليك الفوق دا عن تدليسك وانا جاييك لكل النقاط الطرحتها انت في مداخلتك
واساساً كنت بعد الغدوة الكاربة دي جاييك ليها لاني مفتكرك تكون رديت لي بس ما قايلك ماشي تشتت الكورة
وقيــل مش تشتت الكورة بس تشيلها في عضمها وتجري بيها برة الميدان ..
| |
|
|
|
|
|
|
|
|
|
Re: الهروب الكبيــــر .. (Re: HAIDER ALZAIN)
|
وبرضو اعادة :
أنا قبييل فوق قلت لمنعم بيجو سجم خشمك لو بيقيمك هشام هباني ..
وسجم خشم ام الوطنية لو القيّم عليها إنت ..
وهسع بتصدق كلامي وقت تقعد تقسم ليك شهادات الوطنية والقدح فيها بزناد النضال بتاعك
يا زول انت طاير ليك كتاب مطالعة في راسك والا شنو عاوز تشبكني اقدح في وطنيتك واقتنع انك مناضل وطني غيور ..
ثم عشان كلامك ما يبقي كلام جرائد ساي .. تعال جيب لي مداخلة وااااحدة هنا لعبد الوهاب علي الحاج دا بذات كيبوردو قال فيها انا بؤيد نظام القتلة بتاع الكيزان دا ..
جيب لي كلمة واحدة قال فيها انا مع السفاح والسرقة ديل .. عشان ما تتبلى فوق الناس ساي
وخليك فاهم ما تجي تقول لي الزول دا ما كتب بوست وقال طـظ في عمر البشير معناها مؤيد نظامو
ولا تجي تقول لي الزول دا ما قال حريقة في الكيزان معناها مؤيد نظامو لانو الشئ البعرفها الشجب شئ والتأييد شئ وإني ما قعدت انتقد الحكومة من طرف ما معناهو مؤيدها وبدافع عنها طالما خشمي عندي..
اما مكنة تجي تقول لي والله هو بيطارد في المواطنيين الشرفاء والمناضلين الجسورين والشايليين روحهم علي كف الراحة في بلاد العم سام دعماً لقضية الناس البتعاني في السودان واقول ليك طيب والمناضلين الشرفاء ديل منو .؟
تقوم تقول لي ديل ما هشام هباني وصديق مهدي علي وبشاشا رد الله غيبته ومحمد سليمان العنصري
أوعك تقول كلام زي دا لانه ما انت ولا صديق ولا امثالكم انتم مقاس النضال والوطنية في الخرمجة البتعملوا فيها دي
ولا لو في زول عندو معاكم موقف شخصي ورأي فيكم معناها خلاص طلع من مظلة الوطنية والشرف لاانو داس علي طرف من ذواتكم الشريفة الطاهرة الوطنية المقدسة ..
| |
|
|
|
|
|
|
|
|
|
Re: الهروب الكبيــــر .. (Re: HAIDER ALZAIN)
|
Quote: Quote: والف مبروك لاختنا العروس عضوة المنبر داليا كباشي
وبالرفاء والبنين وموفور الصحة والعافية ومزيدا من التقدم
والنجاح.
هشام هباني والاسرة
عيدية للاخ علاء الدين تمبس وصافية لبن يا عريس!
|
فليه وقت انت عارف تمبس صبي نظام وزول واقف مع نظام القتل والتشريد والابادة زي ما سألتني فوق وما عاوز تكون لي معاهم اي علاقــة اجتماعية
ليه انت هسسع عامل ليهو تهنيئة هو والاسرة .. وكمان عاملها هشام هباني والاسرة..
وعاوزها عيدية وصافية لبن علي شنو؟
هل سقط نظام الانقاذ عشان تصافي تمبس عميل نظام الانقاذ ؟؟!
هل انقطعوا الكيزان والا انت فترت من النضال والا بقيت وطني غير جدير بالاحترام ويُقدح بوطنيتك؟
ممكن اجابة بس ؟!
| |
|
|
|
|
|
|
|
|
|
Re: الهروب الكبيــــر .. (Re: HAIDER ALZAIN)
|
وملاحظ انك برضو يا هباني بتدق طناش من الكيزان الفي المنبر دا يجو يرقصو ويعرضو
ويغنو وواحدين يقولوا ليك البشير دا رسول الا حبة وواحدين يكضبوا باسم الحكومة
وووو باقي الناس من المعارضة بيتصدوا لنشاط الكيزان المتزايد في المنبر
وانت ولا علي بالك شغال فيديوهات وبذاءة وكضب وعمرك دا كلو ما وقفت ضد بوست
هنا بالمنبر العام دا وقلت غلط
وعمرو ما قامت حملة او مشروع لدعم وحدة او تقرير مصير شاركت فيها ان شاء بتوقيع بس..
لا لا كل همك تمشي تنط تسرق افكار ومواقف الآخرين وتفتح ليك بوست .. وآخر اليوم
تقعد تجرد عدد بوستاتك الفتحتها وتضرب ليك صحنين بيرجر وتمسح كرشك وانت تغط
في النوم العميــق .. وتداعب خيالك احلام انك بقيت اشهر من مشي بقدمين
في ارض النضال السوداني
وأعتقد انه دا واحد من اسباب انك بتجي تملأ الصفحة الاولي كلها بوستات بتفتكر
إنك خلاص الولد حايبقي مشهور لدرجة إنه راكب الحمار في صحراء الدمازين
صاحب مامون التلب حا يكون سمع بيك واول ما يسقط نظام الانقاذ وانت تجي
داخل الخرطوم دخول المنتصرين حا يقابلك صاحبنا دا بي حماره علي سلم الطائرة ..
أو كمان في سبب تاني .. بجيك ليهو بعد شوية
| |
|
|
|
|
|
|
|
|
|
Re: الهروب الكبيــــر .. (Re: HAIDER ALZAIN)
|
السبب التاني يا هباني بعد فرضيــة انك زول ضايعة ليك شهرة ساي
وبتشوف انه ادعاء حق ملكية النضال وحصر الوطنيين اقرب طريق لتحقيقها
هو غنك لا تتداخل في بوستات الكيزان مباشرة لتفضحهم وتعريهم وتنافحهم الحجة بالحجة
هي انو البيعملوهو دا عاجبك وساري بالك لانو خطكم واحد وانك مدفوع واجيــر
لتشويه صورة المعارضة والغوص في اعماق خطابها لتفريغه من مفرداته النضالية الثورية
بلغة لا تُقال الا في المواخيــــر ..
وهذا يصدق تماماً مع قولنا انك ما اتيت الا للحط من قيمة الخطاب بإدخال مفردات مثل لغة
( فنــقس ) ( وضاجع ) و ( ####### ) و(######) التي تمتلئ بها عناوين بوستاتك
وفي البدء كاد خطك ان يمر علي الكثيرين هنا لكنك بكل غباء كشفت نفسك بحاجة واحدة
إنك مقاطع لكل البوستات الوطنية والجادة التي تناقش ازمة السياسة السودانية
وكشفتها بغباء ايضاً انك تبارك ولا تتداخل لتفضح وتعري اي كوز في فكرة خاطئة افترع لها بوستاً
واكتفيت فقط بإنزال فيديوهات من اليوتيوب كل حين مع تغيير العنوان مرة الي كلاب تمارس الفاحشة
بالمسجد الكبير .. الي تمساح يهاجم المواطنين بالخرطوم .. الي بوست يقول ان القمر قد انشقّ
وسقط نصفه بابوروف .. الي .. الي .. وغيرها من الاكاضيب ....
| |
|
|
|
|
|
|
|
|
 Re: الهروب الكبيــــر .. (Re: HAIDER ALZAIN)
|
طالما البوست رجع لمساره الاساسي يبقي نوجه فيهو ( حزمة ) من الاسئلة للأخ العزيز
هشام هباني :
1/ هل تقرأ كل المداخلات بالبوست والا بتصحي من نومك وتجي تكتب ما رأيته بالمنام ؟!
2/ إذا كنت بتقرأ المداخلات بتلبس رواحات مالك وتعمل فيها ما شايف ؟!
3/ لماذا دوماً تفترع بوستات جديدة لمواضيع مكررة او اساساً بالمنبر العام ؟!
4/ لماذا راخي طرف الخيط للكيزان واذنابهم بالمنبر العام ولا تعمل علي فضحهم ببوستاتهم؟!
5/ لماذا لا تتداخل في بوستات المناضلين الآخرين وتشيد بجهدهم في تعرية الطغمة الحاكمة؟!
6/ لماذا درست اللغة العبرية ؟!
7/ لماذا تخاف من الاخوة الشيوعيين بالمنبر العام ولم تقل رأيك في نقد وتتعامل بحدة تجاه الصادق والميرغني ؟!
8/ هل انت باحث عن الشهرة ؟!
9/ هل انت غواصة إنقاذية ؟!
10/ ماهو لونك المفضل ؟!
11/ موقف محرج تعرضت له في حياتك ؟!
12/ من هو قدوتك في الحياة ؟!
ـــــــ
وثانكيو مقدماً
| |
|
|
|
|
|
|
|
|
 Re: الهروب الكبيــــر .. (Re: HAIDER ALZAIN)
|
العــم العزيز المناضل الطكاسي ظاطوووو
معليش يا ايها البطل .. أرجو الا تهتم لما يقوم به الانقاذيين عبد الوهـاب وحيدر الزين .. فلهم يوم سوف نجتثهم من جذورهم .. فيدي معاك ايها المناضل المظلوم..
عذرا ايها البطل .. إنت ما قادر (تقح) .. البخليك (تفتح) بوست يوديك الشارع شنو..؟
شكرا للزملاء في التنظيم الذين أخبروني بهذا البوست ..
| |
|
|
|
|
|
|
|
|
|
Re: الهروب الكبيــــر .. (Re: Faisal Mohammed Abdalla)
|
Quote: Quote: والف مبروك لاختنا العروس عضوة المنبر داليا كباشي
وبالرفاء والبنين وموفور الصحة والعافية ومزيدا من التقدم
والنجاح.
هشام هباني والاسرة
عيدية للاخ علاء الدين تمبس وصافية لبن يا عريس! |
فليه وقت انت عارف تمبس صبي نظام وزول واقف مع نظام القتل والتشريد والابادة زي ما سألتني فوق وما عاوز تكون لي معاهم اي علاقــة اجتماعية
ليه انت هسسع عامل ليهو تهنيئة هو والاسرة .. وكمان عاملها هشام هباني والاسرة..
وعاوزها عيدية وصافية لبن علي شنو؟
هل سقط نظام الانقاذ عشان تصافي تمبس عميل نظام الانقاذ ؟؟!
هل انقطعوا الكيزان والا انت فترت من النضال والا بقيت وطني غير جدير بالاحترام ويُقدح بوطنيتك؟ |
لا شك ان صديقي اللدود وملطشة المنبر العام الناظر هباني
سيعاني كثيرا بعد مداخلة ود الزين الفوق دي وسيدفن دقن كعادته حتى لو بالدس 
| |
|
|
|
|
|
|
|
|
 Re: الهروب الكبيــــر .. (Re: عبدالوهاب علي الحاج)
|
خلاص إتلميتو عاوزين تخربوا لينا بوستينا انا والمناضل القدّاح الاعظم دا والا كيف ؟!
ولا يهمك يا عمو هباني .. جلي الجماعة ديل وجاوب اسئلتي بس ..!!
ولو كنت بتختشي من الناس دي ابلغك اني بقبل الاجابات علي الماسنجر .. من الساعة سبعة صباحاً
وحتي السادسة و59 دقيقة صباحاً برضو ..!!
كما أفيدك بانه الاخ المناضل تمبس يمثل وجهة نظرو فقط بهذا البوست والاسرة لا دخل لها بما يقول ..
فواصل في تهانيك زي ما عايز خاصة وانه عيد رمضان قرب وبرضو الضحية وبعدهم المولد ..
دمت مع جزيل الشكر والتقدير ..
وشكراً لحسن تعاونكم معنا ..
| |
|
|
|
|
|
|
|
|
|
Re: الهروب الكبيــــر .. (Re: عبدالوهاب علي الحاج)
|
Quote: لا شك ان صديقي اللدود وملطشة المنبر العام الناظر هباني
سيعاني كثيرا بعد مداخلة ود الزين الفوق دي وسيدفن دقن كعادته |
والله يا وهبة الزول دا حيرنا عدييل كدة ..
قدر ما نلقاهو دافن دقن ونبحتو من جوة حفرة .. يديها كوريكتين كدة وتاني يلبد ..
ذكرني واحد في حلتنا كان مسمينو قفة
قفة دا بتاع طشمة بعد يبيعو خدارهم يمشو يغشو الوحدة وهاك يا طشم لغاية بعد المغرب ..
اها قفة كرعيو ما بيشيلنو الجماعة يحنو عليهو بدل ينوم ليهو في خور بيقوموا يشيلهو
في قفة من قفاف الخدار الكبيرة ديلك يتشولبوهو ويمشو ..
أها طالما هم شايلنو في القفة يقعد يورجغ وينضم نضمي كتير .. بعد شوية يقول ليهم
يا جماعة يىخ ما تختوني في الواطة إرتاح شوية
فهباني دا يا حبيب ندور بيهو البلد دا وشوية كدة نختو يرتاح وتاني نفسحو ..
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
عزيزي القاريء الفطن
| Quote: Quote: اتصلت بالأسرة ووضحت لهم حقيقة ما حدث هنا ... تعذر على الوصول إلى بقية الأهل في قرية نور الجليل بالدندر لعدم توفر هاتف .. غدا إن شاء الله سأتصل بمن هم على معرفة ودراية ومعاصرة للحدث داخل محيط الأسرة لاعكس لهم عن ما دار في هذا المكان .. حتى ذلك الحين .. نرى كيف يتحذلق هذا الهشام هباني ويتفنن في التشهير مدعياً ممارسة النضال .. مغلفا اسقاطاته حتى بالتلاعب بصور الشهداء .. حتى وإن كانت في ابشع صورة لها كما فعل بالسابق.. |
ـــــــــــــــــــــــــــــــــــــ
اعتقدان هذا الخيط قد ادى دوره المرسوم له بنجاح للذين لم يتعرفوا جيدا على طبيعة هذا الكائن المستهدف بالخيط وهو يتعرى تماما من الاخلاق والصدقية بعد ان اعدنا استدراجه لنتأكد من حقيقة استمراره في اصراره مدافعا عن سفاح السودان البشير قاتل قريبته الشهيدة الخالدة التاية ابوعاقلة وانه بعد هذه المداخلة الفضيحة والتي لا زال يعتز فيها قريب الشهيدة التاية السيد علاء الدين المشهور ب( تمبس) باثم موقفه في دعم ومساندة قاتل قريبته السفاح البشير وهو موقف نذل و######## لا ينم عن وطنية ولا اي وازع اخلاقي يردع فيه هذا الكائن الشرير الذي يؤيد بدم بارد وبلا استحياء قتل قريبته امام العالمين وفى ذات الوقت بكل انفصام يباهي باستشهادهاكانما استشهدت الشهيدة في (غزة) او في جبال افغانستان متناسيا انها شهيدة سودانية استشهدت في مواجهة طغمة الهوس والفساد والاجرام بقيادة قاتلها وهو ذات السفاح الذي يتباهى المدعو (تمبس) بوضع صورته في ( بروفايله) وهنا قمة النذالة والخسة والجبن ان تكون مباركا قتل اهلك بهكذا بجاحة ووقاحة ونذالةوانت صاحب الدم والثأر والمطالب ان تكون اول المقاتلين والمناضلين لهذه الطغمةالمجرمة ثارا لدم الاهل المسفوح عل ايدى الطغاة
وهو موقف يتعدى السياسي في اخلاق اهل السودان الى مفهوم عدم النخوة والكرامة بل عدم ( الرجالة)!!
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
عزيزى القاريء
ومن هذا الخيط اسجل صوت لـــــــــــوم كبير لاسر هؤلاء الشهداء الخالدين ( التاية وسليم وبشير وطارق) وايضا اللوم يمتد لزملاء دراستهم من المناضلين وهم يضنون عليهم بالتكريم والتخليد المستحق مقابل العمل البطولي الخالد الذي قدموه لوطنهم في قمة البذل والعطاء ولا بذل ما بعد تقديم الروح وهو امر يشرفهم ويشرف كل الوطن ....فلماذا لا نتحدث عن سيرتهم الذاتية وتفاصيل عن ايام استشهادهم وكل ملابساتها وندعم ذلك بالصور واللوحات الممجدة لهؤلاء الابطال الاماجد
حيث من البديهي لكل شهيد من هؤلاء الخالدين صديق وبينهم ذكريات مشتركة يمكن ان تقدم كافادات وشهادت تاريخية من قبل هؤلاء الاصدقاء لو كانوا يحملون ذرة من الوفاء..... ولكن للاسف اننا عدمنا هذا الصنف من البشر الاوفياء والتحية فقط لاسر شهداء رمضان هم وحدهم من لا زال يخلد سيرة الابطال من ذويهم اي اولئك الشهداء من خلال برامج ومعارض وتظاهرات مشهودة داخل وخارج الوطن اقامتها منظمة باسمهم.... والتحيةلكل شهداء السودان وابطاله من فدونا ولا زالوا يقدمون الكثير والكثير لاجل عزة الوطن وكرامته.
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: عبدالوهاب علي الحاج)
|
| Quote: وهو يتعرى تماما من الاخلاق والصدقية بعد ان اعدنا استدراجه |
.. | Quote: وانه بعد هذه المداخلة الفضيحة |
.. .. | Quote: ولا اي وازع اخلاقي يردع فيه هذا الكائن الشرير |
.. .. | Quote: يتباهى المدعو (تمبس) بوضع صورته في ( بروفايله) وهنا قمة النذالة والخسة |
.. ... | Quote: وهو موقف يتعدى السياسي في اخلاق اهل السودان الى مفهوم عدم النخوة والكرامة بل عدم ( الرجالة)!! |
..
جدو هشام أرجل واحد في سودانيزاونلاين ..
الكلام الكتبتو دا إنت واعي ليهو ..؟ بس عشان بعدين ما تمشي تبكي زي المرة الفاتت ..
المرة الفاتت قاليك تمبس الشرير دا ما تقرب ليهو .. عشان كدا اديناها صنة طيلة الفترة الفاتت وخليناك احتراما لي حاجات كتيرة جدا من ضمنها احتراما لي سنك .. لانو الزيك ديل يا راجل .. والله الواحد لما يعمل ليها فرش متاع بيحس بي حسرة كدا ..
لكن يازول خير عوجه ماف .. نعمل ليك فرش متاع من دقنو وافتلو .. اصلك قلت اليومين دي اسم تمبس دا مشهور في قضية اداب لافه في المنبر دا الوقت المناسب .. إنك تشتري ليك كاميرا وتجي تتبسم جمبي وتضحك عشان تتصور ..
يللا ان خسران حاجة ..
بس عندي طلب .. ما تقوم تبكي كويس معاك .. من ناحية أخرى ما تكتب لينا كلام يشلخو السيرفر بتاع بكري .. كدا بزعل منك يا راجل ..
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: tmbis)
|
| Quote: ومن هذا الخيط اسجل صوت لـــــــــــوم كبير لاسر هؤلاء الشهداء الخالدين |
.. سجل يا راجل . سجل ساااي في سودانيزاونلاين دي .. ضارب الطراوة دي وتسجل خسران حاجة ..؟
الزولة الفوق دي منو يا راجل .. كدي تعال وري الناس ديل .. علشان نجيب ليك باقي الصور وعدة الشغل ..
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: tmbis)
|
بالله لو عرف صورة الزولة الفوق دي .. خليهو بالمرة معاك يا تمبس .. يعرف لينا صورة المناضل دا
وهو يتجلي في لحظة نضالية كدة ويهتف .. يسقط الفول .. يسقط الجيش..
المناضل والقدّاح الأعظم في لحظة نضال يهتف لتسقط السُلطة لتسقط السَلطْة ..
| |
|
|
|
|
|
|
|
|
 Re: أين اختفـت صور الشهيدة التاية ابو عاقلة؟؟!! (Re: عبدالوهاب علي الحاج)
|
يا عمك ..
والله بي صراحة كدا الراجل دا يخجل عديل كدا والله .. القدرو ديل في البلد .. حسع الناس كانو بيجو مهاجرين ليهم هجرة .. يحلو ويربطو .. الواحد فوقم راجل ضو ..
لكن
الراجل دا .. قاعد هنـا زي التخته بتاعت الجبخانه كل يومين تلاتة مغيرنه من التقدقد... بقى لو ما اخد على راسو ما بقدر يعيش ويتنفس ..
مسكين الراجل ظاطوووو
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: tmbis)
|
إنتو الراجل دا ما عايز يجي يورينا دي صورة منـو ..؟
لو خايف .. يا زعلان .. ممكن نعلن عن جائزة كبرى لمن يتعرف على الصورة ..
مع الملاحظة إنو لحدت الآن انا ما جبت صورة الرئيس القائد جعفر محمد نميري .. ولا صورة رئيس تاني كدا .. 
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
ايها الجد الطكاسي الراجــل ظاطووو..
إنت جاي براك مالك ما عندك شيالين عشان يشيلوك ..عشان يشيلوك ..؟
وين زولك داك الكان شابكنا سنزلزل الأرض تحت اقدامهم وسنصليهم بالرصاص .. ولهم يوم سنعمل ليهم شنو كدا ما عارف ..
الكلام دا حسع دي كاتبو بي الكمبيوتر الرشاش حقك واللا كاتبو بي الكمبيوتر الطبنجـة ..؟
المرا دي منو يا راجل شايفك كبرت الملف ..
قول لينا المرا دي منو عشان نشوف شغلنا .. والمرة دي ما معانا بكا كويس معاك ..؟
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: tmbis)
|
الجد الطكاسي .. الراجــل ..
اصبحت من طائفة المنبوذين في المنبر .. تاكل براك .. تكتب براك .. ترفع بوستاتك بي نقطة براك .. تتدق براك .. تبكي بس عين قطرة وعين مس.
المنبوذين في الهند الواحد فيهم لو جا ماشي جم زول ساي .. الزول بيجري يستحمى ...
والصراصير قالو لما تحتك ليها بي بشر .. الصرصار بيجري بسرعة شديدة لي جحرو .. ويقعد ينكرش بي ليفة بتاعت سلك ..
وطالما إنك مصر تجي تتلصق في الناس وتستدرجنا في صمة خشمنا .. فمن الأجدر بك ان تشوف ليك ليفة سلك على الاقل تنضف ليك الطبقة الخارجية بتاعت النضال حقك دا .. وتبقى لينا بالطبقة الفوقانية.
ولو حبيت اي مساعدة ما عندك مشكلة .. ممكن عادي جدا (اصلخك) هنـا دا سلخ الشــاهـ التي لا تتضرر من السلخ بعد الضبح ..
ملحوظة:
بلاي تاني يا راجل لما تجي تستدرج ليك واحد حقو تكلمو عشان ما يسترج ليك بالساهل كدا
ملحوظة:
ماذا تعرف عن هذه المرآة الفي الصورة دي ومن هي ..؟
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: أحمد الصديق)
|
يا بئس القيم والاخلاق ان يبيع الانسان دم اهله بل لا يستحى ان ينصر قاتلهم
عليهم وهو يفاخر بذلك الخزي بكل اعتـــــــــــــــــــزاز!!
فالشهيدة الخالدة التاية ابو عاقلة هي بنت كل السودان لانها فدت السودان بدمها
الطاهر واما من لم يناصرها من اهلها ويرفض التفاخر بها فالخزي والعار عليه سيلاحقاه دنيا واخرة!
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
Quote: ..فلماذا لا نتحدث عن سيرتهم الذاتية وتفاصيل عن ايام استشهادهم وكل ملابساتها وندعم ذلك بالصور واللوحات الممجدة لهؤلاء الابطال الاماجد
حيث من البديهي لكل شهيد من هؤلاء الخالدين صديق وبينهم ذكريات مشتركة يمكن ان تقدم كافادات وشهادت تاريخية من قبل هؤلاء الاصدقاء لو كانوا يحملون ذرة من الوفاء. |
المناضل الجهبذ
تأمل مداخلتك أعلاه , لماذ لا تتحدث أنت عن العقيد الأممي معمر القذافي وعن تنظيم اللجان الثورية الليبية الذراع الأمني للنظام الليبي , خاصة أن
عزيزك القارئ متشوق لمعرفة الاسرار والخبايا عن هذا التنظيم وهو بنفس درجة تشوقك لرؤية صورة الشهيدة التاية.
أرجو أن تحترم رغبة أسرتها فهي كما يبدو واضحا لا ترغب في انتهاك خصوصياته وواضح أيضا انها لا ترغب في أن تعطيك أنت بصفة
خاصة أي صورة لها , ولعلك تعلم السبب في ذلك .
أنا أقدر اصرارك المستميت في تكرار هذا البوست الذي مل التكرار من تكرارك , عليه أرجو أن تترك أمر صورة التاية وتبدأ في البحث عن
صور شهداء النظام الليبي الذين نكل بهم العقيد القذافي وتنظيم اللجان الثورية , الذي عذب الطلاب والمعارضين وشردهم وشرد أسرهم .
لن يصدقك عزيزك القارئ اذا ما قلت انك لا تعرف أي شهيد ليبي لأنك قضيت خمسة عشر عاما عاملا في اللجان الثورية الليبية وهم كلاب
أمن النظام الليبي. ولأني أعلم ولعك الشديد بالصور , وحيث أن أسرة الشهيدة التاية لا ترغب في اجابة طلبك فكان لا بد لي أن اشارك بهذه
الصورة علها تشعرك بالراحة والاستكانة الشديدة فأرجو أن تنال رضاك.
عزيزو القارئ أرجو أن تسأل المناضل الجهبذ عن أي معلومات عن هذه الصورة بالاتصال برقم تلفون السيد المناضل الجهبذ الظاهر علي
الشاشة :اقصد البروفايل"
ومع الصورة:
أرجو أن تكون هذه الصورة بلسما يهدئ من "دودة" صورة التاية التي تتاورك من حين لآخر , أرجو أن تفيدنا اذا ما رغبت في مزيد من الصور.
أبقي معنا يا عزيزو القارئ عشان السهرة هنا حتكون صباحي , وآآآآآآآآآآآآدي قعدة!!
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: Mohamed Abdelmotalib Hassan)
|
سلام ود الناظر
سلام تمبس
وجدت نفسي كنت متداخل في نفس او مثل هدا البوست 3 اعوام مضت للكاتب ود هباني
ومشاركتي بالغه الانجليزيه! وليس السراليه
ربما كانت برطمه او قد اعتبرتموها كذلك
ولكن بعد مرور 3 اعوام من مشاركتي في ذاك البوست
والان وانا اكتب رغم اغلالي في الكتايه
اود ان اسجل صوت شكر واجلال لود هباني والذي اختلفت معه عده من المرات
علي مواقفه المبدئيه في بعض او كثير من القضابا المبدئيه التي لا تقبل فيها القسمه علي الرغم 2
والتي ظل ابن الناظر امين عليها
وفي ظرف ال 3 اعوام الاخيره اخي .. باع من باع ,, وغبر جلده من غير
فانت لست عليهم بوكيل او مسيطر
ولكن سيظل شهداء الحركه الطلابيه وكل الشهداء نبراس ونجوم تضي الطريق
واللعنه علي كل متكسب يتخز منهم سلم ليحصد بعض من الدنانير
وانا هنا لا اهمز او المز احد .. فقط اذكر والذكري قد تكون مفيده
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
اتصلت بالأسرة ووضحت لهم حقيقة ما حدث هنا ... تعذر على الوصول إلى بقية الأهل في قرية نور الجليل بالدندر لعدم توفر هاتف .. غدا إن شاء الله سأتصل بمن هم على معرفة ودراية ومعاصرة للحدث داخل محيط الأسرة لاعكس لهم عن ما دار في هذا المكان .. حتى ذلك الحين .. نرى كيف يتحذلق هذا الهشام هباني ويتفنن في التشهير مدعياً ممارسة النضال .. مغلفا اسقاطاته حتى بالتلاعب بصور الشهداء .. حتى وإن كانت في ابشع صورة لها كما فعل بالسابق..
ـــــــــــــــــ
طبعا اخونا (هيثم الخلا) ورط روحو روطة (بت ######) من بوست ( الصومالية) وهوالشرك الذي نصبناه كمحاولة اخيرة للعثور على صورة حقيقية للشهيدة التاية بعد ان نستفز ايا من معارفها زملاء او اهل حين يتداخل لينفى حقيقة هذه الصورة المضللة وهو امر بديهي انها صورة مضللة وليست حقيقية لكل من يعرف الشهيدة وخصوصا اهلها وزملاء الدراسة ولكن بحمدا الله ان الشرك قد اتي الينا ب( دباسة) كبيرة ( هيثم الخلا) بعد ما طلع انو بالجد بالجد قريب الشهيدة الخالدة التاية بل على صلة بالاسرة بقريتها نور الجليل....
طيب اذا افترضنا انه اتصل على الاهل وخبرهم باكذوبة هباني وتجنيه على الشهيدة الراحلة وادان الاهل هذه الفرية الهبانية
بجلبه صورة مضللة ليست للشهيدة.. ماذا سيفعل (التمبوشي) اذا رد عليه احد الاهل وقال له بصراحة: اها يا دخرى الحوبة يا مقنع الكاشفات ياهجام فريق ام زين يا زينة الرجال ..نعم قول هباني كضاب وتلاعب بصورة الشهيدة..انت بتبرر شنو موقفك المساند لقاتل الشهيدة قريبتك وكمان بلا خجلة معلق صورتو على ملفك الشخصي..دحين الكبيرةكضبة هباني
ولا وقفتك المخزية مع كاتل قريبتك!؟
| |
|
|
|
|
|
|
|
|
|
Re: أين اختفـت صور الشهيدة التاية ابو عاقلة؟؟!! (Re: هشام هباني)
|
| Quote: طبعا اخونا (هيثم الخلا) ورط روحو روطة (بت ######) من بوست ( الصومالية) وهوالشرك الذي نصبناه كمحاولة اخيرة للعثور على صورة حقيقية للشهيدة التاية بعد ان نستفز ايا من معارفها زملاء او اهل حين يتداخل لينفى حقيقة هذه الصورة المضللة وهو امر بديهي انها صورة مضللة وليست حقيقية لكل من يعرف الشهيدة وخصوصا اهلها وزملاء الدراسة ولكن بحمدا الله ان الشرك قد اتي الينا ب( دباسة) كبيرة ( هيثم الخلا) بعد ما طلع انو بالجد بالجد قريب الشهيدة الخالدة التاية بل على صلة بالاسرة بقريتها نور الجليل... |
غايتو إذا كان هدفك هو الحصول على صورة فقط فلا اعتقد ان هذا الاسلوب سليم.
والتاية استشهدت ومعها ملايين الشهداء، ولا نحتاج أن نرى صورهم لإلهامنا معاني التضحية.
أقرباء التاية وأقرباءك لهم كامل الحق في الوقوف في أي جانب هم يؤمنون به.
بالنسبة لتمبس فهذا موقفه المعلن، يعنى لم نكن بحاجة لهذا البوست فقط لفضح تمبس فهو وضع صورة البشير في بروفايله، ويمكن ان تدير معه حوار حول موقفه لماذا وما هي مبررات تأييده للبشير ومن ثمّ تفنيد هذه المبرارات.
اعتقد أن كتابتك حول هذا الموضوع استنفذت اغراضها منذ البوست الاول وهذا البوست سيكون عبارة عن حوار الطرشان، فأنت ستلف وتدور حول الاقتباس أعلاه، وتمبس سيعيد ما كتبه في البوست الاول مع بعض الإضافات كسؤاله لك عن من في الصورة. في النهاية هو وقت ضايع في معترك غير حقيقى لن يخدم قضيتك او قضيته.
قوموا الى بلدكم فهو يكاد ان يصبح اشلاء فهذا أهم ميت مرة من هذا الحوار غير المجدي.
| |
|
|
|
|
|
|
| |
هشام هباني
معاوية عبيد الصائم
اشرف السر
عبدالوهاب علي الحاج
HAIDER ALZAIN
tmbis
Faisal Mohammed Abdalla
عبد الحي علي موسى
Mohammed Awad
على محمد على بشير
ABUHUSSEIN
أحمد الصديق
Mohamed Abdelmotalib Hassan
الصادق اسماعيل
فيس بوك
تويتر
انستقرام
يوتيوب
بنتيريست