|
|
 أستأذن الدخول إلى رحاب فضائكم
|
أعزائي..
أخيراً ها أناذا بينكم .. أتضمخ بعطر عوالمكم .. أستشرف آفاق المعرفة في مخزون إمكاناتكم و أمل أن أنهل من ينابيع عطائكم ..
الشكر و الإمتنان للربان و ا لباشمهندس بكري أبوبكر الذي جعل حلم وجودي بينكم حقيقة ..
|
|
 
|
|
|
|
|
|
|
 Re: أستأذن الدخول إلى رحاب فضائكم (Re: abubakr)
|
هكدا يستعيد المنبر جماله
وهكدا بشرى للقراء صوت وصوت وجمال
وقتها كنا نقول بان احسان عبد المتعال
اقدم مديعة سودانية..
وقتها المنصف منا من كان يتدكر برامج الاطفال
وكان الكثيرون يتعاملون مع هده الاحسان بالعمر!!
ويعادلون دلك باعمارهم ولايعرفون
بان احسان سوف تأتى دائما..
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: تاج السر حسن)
|
تاج السر
الف مرحب وممنونه لك اضعاف ترحيبك لي
اتنمني ان نلتقي جميعا هذه المره ليس بالامارات ولكن بالوطن الحب وفي اكبر مهرجان تسوق بالعالم
حينها نلتقي الاعلاميه المتطوره دوما استاذتي ايمان احمد دفع الله
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: خالد سند)
|
العزيز ود البلد خالد سند
الان نقلتني من نيويورك الي وطني وبلد احبابي الي مدينتي الجميله التي تحيطها المياه والحقول الي شمبات العريقه
سلامي لكل فرد تلتقيه اشواقي لكل اهلي السمر حبي لكم بلا حدود
سلام خاص يا خالد لاستاذي العظيم مفخرة ودرة الاعلام السوداني عوض بابكر امنياتي لك وله بالصحة والعافيه والسعادة والهناء
وسنلتقي
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: بكرى ابوبكر)
|
الاخ العزيز البشمهندس بكري ابو بكر
تراني عاجزه عن التعبير عما احسه الان- لولا ان ادركني كل الاعزاء مرحبين بولوجي عالمهم الجميل
فقد اعدت لي العافية بمنحك لي هذه الفرصه
لآطل عبر فضائك الاسفيري التقي الاعزاء اتحاور واتفاكر معهم اعدتني الي مهنتي التي احبها
الان ارتشفت من سليل فراديسك ماء عذبااروي ظمأي وتعطشي لمهنتي - والان فقط اينعت حدائقي التي كادت ان تذبل وتموت لولا ان مد لي لي الاعزاء هنا اكفهم مرحبين
شكرا لك بكري وتقديري لكل عزيز رحب بي
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: Moawia Mohammed)
|
معاويه
اقصد هنا المتميز جدا والشفاف معاويه
اشكرك كثيرا علي هذا اللحن الجميل والخالد كنوز محبه فهي من احب الاغنيات الي نفسي وكذلك يعشقها غناء وطربا الفنان زيدان ويكون مزاجه عاليا ان استهل بها الحوارات كذلك دنيا المحبه
اعدكم بسهره مميزه مع الفنان زيدان عبر هذاالفضاء الرحيب
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: إحسان عبدالمتعال أحمد)
|
بسمك اللهم
فاكهة الإذاعة كما يحلو لناس الحوش ،،،
بنت دفعة بمعهد الموسيقي قبل أن أتركه
مشاكسة بجامعة القاهرة الفرع ( النليين )
لك التحية وأنا من خارج المنبر استعين بالأصدقاء خاصة
ابو يسرا ...
والتحية لعلي تروس إن كان يذكرني ...
معز أحمد عبد القادر
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: ابو يسرا)
|
معز
ازيك
سنوات ولم نلتقي اتمني ان تكون بخير
خلينا علي فاكهة الحوش فقط وما في داعي لذكر ايام المشاكسات (الايام الخالدة والجميله ) التي لن تنمحي من الذاكره ا بدا ما حيينا
سلامي لكل الاعزاء الذين تلتقيهم
مع معزتي لك وللعزيز ابو يسرا الذي هيأ لنا فرصة التلاقي هنا
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: إحسان عبدالمتعال أحمد)
|
| Quote: والتحيه عبرك لآهلي اهل النخيل والنيل وفي الذاكرة برنامجي الاذاعي ريحة الجروف والذي كثيرا ما اسجل حلقاته من دار ابناء اوسلي بالموردة |
انتقلت دارهم الان لود البشير على مشارف امبده
وانتقلت معها ذكريات حضورك المميز
ذكر لى الاخ احمد عبد الوهاب
انهم بصدد منحك الجنسيه
وانت اهل لها
تحياتى وتحايا اهلك باوسلى
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: osly2)
|
osly2
نتسامح نكون طيبين
نمد حبل الولف سكه
نشر الغيمه طول يومين
ومجموعه كبيره ورائعه من اعظم واجمل ما كتبه شعراء
الشمال
تحياتي للموسوعه احمد عبد الوهاب واسامه حمزه واسامه معاوية (العريس الف مبروك ) والشاعرين الجميلين خالد شقوري وابراهيم بشير
وكل تقديري وحبي الكثير للشاعر والانسان السر عثمان الطيب واسرته الكريمه
وان شاء الله ستكون اشعار واغنيات الطمبور احد محطاتي القادمه
كل مودتي لك اوسلي
انتظروني
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: khaleel)
|
بتنا احسان
ما اروع الفاتح ابراهيم بشير وهو يقول
لمن قمت وجيت البندر
كنت تظن الحال بتصلح
وكنت بتحلم بى مستقبل
فيه ابواب الخير تتفتح
الا لقيت الواقع امر
زيك ناس شقيانه وتكدح
اسامه معاويه الطيب زميل لك فى هذا المنبر
جمعتكما زمالة الابداع صوتا وها انتما تتلاقيا فى عالم الكتابه
احمد عبد الوهاب كما هو ذلك المعتكف فى معابد الشعر والجمال
كنت وستظلين سامقة كنخيل بلادى
وعشمى ان تنزلى لنا حلقات من برنامجك الناجح ( ريحة الجروف )
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: osly2)
|
osly2
شكرا لمداخلاتك التي اسعدتني حقا
وانا كلي سرور بالتواصل الحميم مع اهل النخيل والنيل
مااجمل نهر الكلمات التي اهدانا لها الفاتح ابراهيم بشير
انا هكذا دوما اقف مندهشه مع اشعار اهل الشمال
انتظر بكل الشوق اطلالة اسامه معاوية
وارسل سلامي الكثير للعزيز احمد عبد الوهاب
اتمني ان لاينساني اهل الطمبور لغيابي عنهم لاني لن انساهم فهم جزء اصيل داخل وجداني
اوسلي
اكرر شكري لك - واعدك بالاستماع هنا لبعض حلقاتي من ريحة الجروف
كن في الانتظار
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: osly2)
|
يوم الناس قالولك لالا وإترجوك ماتفوت الدار ..
ضرب بكلامن عرض الحايط وشلتا شنيطتك بي إصرار
قلتا بسافر يعني بسافر ..كل الناس بتقوم تسافر
فعلاً قمتا ومشيت رايك وإتصرفتا بدون ماتشاور ..
جيت البندر بي آمالك ..علا لقيت الوضع مغاير ..
خاب الأمل الجيتا عشانو وقمتا تلوم الزمن الجاير ..
كنتا هناك بالجد متريّح فوق واطاتك طالع ونازل
تاكل وتشرب من نخلاتك تصرف وتنفق من غير فايل
آخر اليوم لي بيتك ترجع لافي مدافرة لافي مشاكل
لابتقيف في باص شمّاعة دمّك فاير وعرقك سايل
لانشّال ينشل ماهيتك لاكمساري معاك متثاقل
لا بتأشّر للملاكي سوقني معاك ياعم لو واصل
تحرج نفسك وإنتا بتعرف إنو الطيبة أنصارا قلايل
إنتا براك البدري إخترتا إنو تعوم عكس التيار ..
ليه ياقلبي تنوح تتبكّى ..وتندب حظك ليل ونهار ..
Quote: لمن قمت وجيت البندر
كنت تظن الحال بتصلح
وكنت بتحلم بى مستقبل
فيه ابواب الخير تتفتح
الا لقيت الواقع امر
زيك ناس شقيانه وتكدح |
وناساً عايشي معيشةً راقية
بي تلفونا بتخسر وتربح..
وناساً عايشي على الماهيي
من يوم خمسة الجيب إتقمّح
وناساً عايشي علي خلق الله
يمّن شحدة ويمّن تلفح
غايتو الحالة معادلة صعبة
كأنو الناس قاعدين في مسرح..
عندي سؤال بالجد حيّرني
ونشّف ريقي وراهو نشاف..
ليل ونهار شاغل تفكيري ..
لمّا بقيت أنا منو أخاف ..
عن الزول القالوا موظف ..وراتبو الشهري شوية آلاف !
لو عديت مصروفو الشهري أكيد تلقاو أضعاف أضعاف..
حلو معايا المسألة دية
وساعدوا معاي العم الزين..
زول محمول وعندو أطفال ..شان ماياكلوا يجيب من وين ؟؟
يسرق ؟؟ ينهب ؟؟ يشحدوا الله ؟؟ ولا كمان يغرق في الدين ؟؟
عندو محمّد وأحمد وسارة ..خمسة أطفال فوقم تومين ..
لازماً يقرو وياكلوا كويس لازماً يلبسوا لبساً زين ..
قولوا معايا يسوِّي شنو ؟؟ شان مايعيش ويجيب من وين؟؟
عم الزين يعلمبو المافي ديمة عليهو البيت محروس ..
كان في الماضي ركازة الحلة ..
أسع وين ياحليلو التايه ودّر وأصبح جنو كلام..
يصرف عربي مبالغ فيهو ..وناس الحي سمّو النضّام..
مرّات إضحك لامن تشفق مرّات إبكي بكا الأيتام
عندو عبارة تملي يقولا ( أوعاك تحسبا بالأرقام ! )
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: تماضر الخنساء حمزه)
|
العزيزه الغاليه تماضر الخنساء
ارد علي حلل البريق التي ارسلتيها لي بدموع ازرفها حري
والدموع السايله مني ياما سالت وارهقتني
وقفت مع كل حرف خطه يراعك اتأمل جمال المعني وقيم المفردات فوجدت نفسي تائه تتجاذبني امواج الهجير العاتيه
ليتني في وطني الان اتدفأ بطيبة اهله من برد الشتاء هنا - ليتني في بلدي الان وغدا وبعد العد حتي اكدح مع اهله الميامين
ابكي الان فقدا بكاني قبل ايام الفنان الكبير حمد الريح عندما خصاني في احدي الحفلات هنا برائعة الشاعر الكبير اسحق الحلنقي حمام الوادي
بلادك حلوه ارجع ليها دار الغربه ما بترحم
ونحن عائدون وان طال السفر
| |
|
|
|
|
|
|
|
|
|
مرحبا بالأخت احسان ..... (Re: إحسان عبدالمتعال أحمد)
|
يا هلا ومراحب بلا حدود بالأستاذة احسان
ونورت المنبر ونحن متأكدون إننا سنسعد
بوجودك بيننا عطاء.. وابداعا.. وبذلا.. ومشاركة بشؤون
الوطن الجميل وشجونه.........
وبسبب الاغتراب الإقصائي لم أشهد مع جيلكم زمنكم
الجميل ولكني أجزم أن زمنا أجمل سيأتي قريبا جدا
ليعم الوطن الرائع من أقصاه الى أقصاه ... لتعود معه
الابتسامة والأمن والأمان وكل القيم الخيّرة التي افتقدناها
طويلا .. وتعود لنا دهشة روعة الوطن وأهله ودفء سماحتهم
المطبوعةالتي كلما استدعيتها من الذاكرة غرقت دهشة ... وذهولا ...
ذلك إني لم أجد لها مثيلا في كل الدنيا .......
| |
|
|
|
|
|
|
|
|
|
Re: مرحبا بالأخت احسان ..... (Re: فاروق حامد محمد)
|
فاروق حامد محمد
بكم تهل الانوار
ومعا نبني وطنا اساسه الجمال
وسقفه المحبه والحنان
وطنا البي اسمك هتفنا ورطنا
نحبك نحبك
ومتي نشد الرحال في هجرة عكسيه لأرض الجدود والاحباب؟
حينها نسترد كل شيء اصيل افتقدناه في لجة عذاباتنا واغترابنا
شكرا لك
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: إحسان عبدالمتعال أحمد)
|
يانخلة
باسقة وجميلة
ياحنينة
ضلك غمرنى
وذكريات
كانت أمينة
لما بشتاق للأمانى
وصحبتها
عامرة زي وسط المدينة
شوقى ليك و للأهل
حليلا
شمباتنا وسنينا
بتذكرك..
والبسمة فيك
ضواية زالت الكان مبتلينا
ياواحة
يالطيبة البتطلع من سماحة
يامساحة
ياباحة
ياغصنة البان للعشق فن الفلاحة
والصراحة
الحسن فيك وما التعالى
لكنى سادر فى سؤالى
إنت بالصح إحسان عبد المتعال؟
.......................................................................
والله الشوق بحر
تقبلى تحيات الأهل بالحلفاية
محمد السيد فضل
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: Eng. Mohammed al sayed)
|
الاخ العزيز محمد السيد فضل
كيف احيك بقلبي ام بيدي ؟
سنوات طوال لم ارك فيها
اتمني ان تكونوا كما ارجو لكم
بالله عليك ارسل لي دفقه ماء من بحر السماحه لعلي اروي ظما اشواقي وحنيني للحلفايه ولشمبات
تحياتي لاماني وامال والوالد والوالدة
مع تقديري لنداوة الحروف
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: altahir_2)
|
Quote: عندي سؤال بالجد حيّرني
ونشّف ريقي وراهو نشاف..
ليل ونهار شاغل تفكيري ..
لمّا بقيت أنا منو أخاف ..
عن الزول القالوا موظف ..
وراتبو الشهري شوية آلاف !
لو عديت مصروفو الشهري
أكيد تلقاهو أضعاف أضعاف.. |
شكرا الخنساء
فحروف الفاتح ابراهيم لا تقاوم
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: altahir_2)
|
الاخ الفاضل ضياء الدين
كم سعدت عندما استمعت لأصواتكم النديه انت والعزيز طارق ابوعبيدة المسكون بالابداع وكذلك الفنان ذو الصوت الفخم عبد العزيز خطاب والزميل الغالي ابدا الاعلامي محمد عبدواسماعيل - حاءتني اصواتكم الدافئه من هولندا تنقل لي اسعد خبر كنا ننتظره طويلا وهو زواج الاخ (النادر ابدا) الفنان ومهندس الايقاع اسامه مليجي من اميرة الحسان سمر
حينها لم استطع ان اتمالك نفسي لأن اسامه مليجي كان وما يزال رقما في دنيا الفن هو واشقاؤه حفظهم الله بما يمتازون به من طيبةالا خلاق وحسن الزماله
عريس الامس الاخ اسامه مليجي يستحق ان يفرح به اهله وزملاؤه ومعجبوه اينما كانوا
وتظل محطته الاولي مع قرقة عقد الجلاد وهو احد مؤسسيها بصمة مضيئه غي تاريح ريادة الاغنيه الجماعيه
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: إحسان عبدالمتعال أحمد)
|
بت عبد المتعال
والله قصة....
طيب كلمونا بالحيطة.....
عشان نكون فى الباب......
وقديما قالوا:
الجيران آخر من يعلموا....
وما تسألينى القال كده منو....
واوعك تنفذى طلب أخوى بكرى ده:
| Quote: مرحب بيك وخلى دكتور وليد يرسل لى عشان اسجله |
أخير واحد فيكم بس يساهر....
كنا فرشنا السكة ورود ....
لو كلمتينى متين الجيه....
خطه عزيزه.....
ويوم كله ورود....
أخوك
أسامه خلف
| |
|
|
|
|
|
|
|
|
|
Re: أستأذن الدخول إلى رحاب فضائكم (Re: أسامة خلف الله مصطفى)
|
Quote: أعزائي..
أخيراً ها أناذا بينكم .. أتضمخ بعطر عوالمكم .. أستشرف آفاق المعرفة في مخزون إمكاناتكم و أمل أن أنهل من ينابيع عطائكم ..
|
ونحن نقدم لك وردة هذا الصباح
احتفالا بمقدمك الميمون
مرحبتين حبابك
الاستاذة احسان عبد المتعال
| |
|
|
|
|
|
|
| |
إحسان عبدالمتعال أحمد
abubakr
عبدالمنعم الرزوقي
osly2
على عمر على
كمال علي الزين
معاذ حسن
أبو الحسين
محمد المختار الزيادى
ابو جهينة
ماجدة عوض خوجلى
عواطف ادريس اسماعيل
jini
Hussein Mallasi
هشام هباني
محمد فرح
Mustafa Mahmoud
Salah Waspa
علوبه
Haydar Badawi Sadig
Muna Khugali
عبدالرازق نقد
نصار
Moawia Mohammed
خالد سند
بكرى ابوبكر
محمد الطيب محمد
ناذر محمد الخليفة
عبدالكريم الامين احمد
ابو يسرا
Shaker Hamid
khaleel
الطاهر ساتي
د.محمد حسن
فاروق حامد محمد
ابراهيم برسي
altahir_2
أسامة خلف الله مصطفى
عبد المنعم سيد احمد
فيس بوك
تويتر
انستقرام
يوتيوب
بنتيريست