|
|
 الكأس مـجـراهـا ..... الهـلال (الدخول للهلالاب والمهنئين فقط)
|
هلالابي
وحاتكم انتو هلالابي
وشنو لو كنت غرابي
ولو من واو
ولو من بارا
وشنو لو كنت جلابي
وشنو لو كنت رباطابي
ده ما بفيد
البيفيد
أنا أكون هلالابي
وحاتكم انتو هلالابي
شمال وجنوب
شرق وغرب
هلال بيوحد الاوطان
وبيجمعنا في الميدان
عشان ما نوحد السودان
هلالنا بلد
ومليون ميل
هلال تكبير
هلال تهليل
هلال بنحبو جد بالحيل
هلالنا تمام
هلال كاسات
هلال بجمعنا
في الساحات
هلالنا غنانا في الأعياد
هلال تاريخ
هلال جكسا
هلال طاشين
هلال بنشيلو
جوه العين
ويفرحو أهلنا الطيبين
أهل حارة
هلالنا قسم
ما بضارة
هلالنا عظيم
ونور أزرق
يبقبق بق
عود مليان
محال في يوم
يطقطق طق
هلالنا كبير
هلالنا عريس في امدرمان
و يشيل شبال في نيجيريا
هلال بيضوي أي مكان
هلالنا عريس في صبحية
هلالنا الفوق
هلال الذوق
هلالنا كريم
بدون تحكيم
بعشي ضيوفو ثلاثية
...
..
.
جمال السنوسي
|
|
 
|
|
|
|
|
|
|
|
Re: الكأس مـجـراهـا ..... الهـلال (الدخول للهلالاب والمهنئين فقط) (Re: محمد عادل)
|
جمال السنوسى
الهلالى الحماسى
الازرق يحب الدواسى
فى استادو غلبو قاسى
شعار ... العرس
الهلال .. الشرس
دئما... مفترس
لا عجل لا ترس
الخصم...منهرس
قلع... الضرس
وقال للشمات هس
فكان النصر
ويم العرس..
@@@@@@@@@@@@
المدرب اموكاشى
يبرطع زى الحاشى
يحكى زى ود نفاشى
بهزم الزعيم على الماشى
ويطير زى الفراشى
حلمك ياراعى المواشى
كنت لاعب حريف
تصريحاتك مفرقعات قماشى
هاك البرينس ومساوى
ووقودون كلاتشى...
| |
|
|
|
|
|
|
|
|
|
Re: الكأس مـجـراهـا ..... الهـلال (الدخول للهلالاب والمهنئين فقط) (Re: abuguta)
|
ده هلال العزة هل
وفي سمانا الليلة طلة
يا هلالنا ويا هلالنا!
يللا يا جمهور نشجع ..
للهلال الديمة مبدع..
يا هلالنا ويا هلالنا!
لي خصوموا ديمة مفزع..
وفي الملاعب تيمو مبدع.
يا هلالنا ويا هلالنا!
في دفاعو نمور مخيفة
بتعرف اللعبة النضيفة
يا هلالنا ويا هلالنا!
وفي هجومك أسود عنيدة
تفترس أتيام تصيدا
يا هلالنا ويا هلالنا!
وده هلال العزة هل..
وفي سمانا الليلة طلة!!!!
خالد الطيب .
| |
|
|
|
|
|
|
|
|
|
Re: الكأس مـجـراهـا ..... الهـلال (الدخول للهلالاب والمهنئين فقط) (Re: ALGARADABI)
|
من غيرهم؟؟
.. يطوع النصر البعيد..
يقدمه ترياقا للقلب..
لحونا للشمس.. و ملح
الأرض.. و الوطن الأمجد..
.. بين الأوطان؟؟
..إنهم عشاق المستحيل..
.. السباع الزرق..
كاتبوا توايخ النصر..
ماسحوا آلام الحزانى..
.. غزلان الرصافة..
.. هواة الجسور إلى..
السموات البعيدة..
..أخوان سيدا
تحية و تهنئة لك السنوسي
للقرضابي ..
..لعباس..
لتمبس..
.. لود الريح..
.. للفاروق..
.. لحاتم إبراهيم..
.. لياسر عبد القادر..
.. لكيكي..
.. لمحمد عادل..
.. لتاج السر..
و قبل كل هؤلاء..
.. التحية لكل..
أخوات سيدا الماجدات؛
أم وضاح..
.. إيمان صالح..
.. ملكة سبأ..
.. بنت الأحفاد..
وكل الجميلين و الجميلات
الزرق في العالمين
| |
|
|
|
|
|
|
|
|
|
Re: الكأس مـجـراهـا ..... الهـلال (الدخول للهلالاب والمهنئين فقط) (Re: yasir Abdelgadir)
|
الهلالاب الاعزاء
محمد عادل
السماني
خالد الطيب
الجردابي
ابوعسل
اسعد ابراهيم
دز سعيد
النصري امين
اسماعيل عباس
ياسر عبدالقادر
تحياتي لكم ولجمهور الهلال العظيم
وشكرا لمداخلاتكم الجميلة
اما الاخ راكوبة
معلومة واحدة لك يا راكوبة وهي ان الفرق الثمانيةالمهزومة في دوري الـ 16 من الاندية الأبطال سوف تنتقل للعب في دوري الكونفدرالية مع فريق المريخ يعني ممكن يتلاقى المريخ مع ناسارو النيجيري وبعدين نشوف المريخ حيعمل شنو
وبصراحة المعلومة دي بتبين بطولة الابطال وين وبطولة الكونفدرالية وين
تحياتي للمريخاب بروح رياضية (سؤال بسيط لو القطن التشادي والشلف الجزائري قدرو يهزو شباك المريخ طيب ناسارو النيجيري ده لو قابل المريخ حيحرز كم قون) الله يستر من الجايات
| |
|
|
|
|
|
|
| |
جمال السنوسي
محمد عادل
abuguta
Elsamani A.Malik
ALGARADABI
ابوعسل السيد احمد
Rakoba
ASAAD IBRAHIM
Dr.Saeed Zakarya Saeed
ismeil abbas
فيس بوك
تويتر
انستقرام
يوتيوب
بنتيريست