|
|
 تكتل الهوس الدين..تكتل المستنيرين...تكتل الجلابة...تكتل اولاد الهند
|
راسى لفة
وجاتنى دوارة
بقيت مجنون
لافى فى الحارة
قاطع اشارة
بوست منور
بوست ظلامى
بوست جلابى
بويت اولاد الهند المنارة...
لو سمحت ولع لى سجارة
وقرب معاك السيارة
عاوز اسافر
عاوز اطير
متل الطيارة...
روقوها شوية ياجماعة...كل زول كرهان الثانى ليش كدا
وكل واحداختلف مع التانى وصفه بابشع النعوت
كل واحد وافق الثانى فى راى..وصفه باجمل العبارات وقدم له ناعم الورود
ياعالم فوقو حبة...
شوفو الخلاف الكان بين الحركة والحكومة...حرب لدرجة الموت
الليلة بقو ياصلو gبعض...
شوف الود الكان بين الترابى وعلى عثمان...الليلة بقى كره زى بتاع ثابت البطل
اها كدى ناقشو معاى الموضوع دا
وبعد كدا تكتلو وتجمعو وتفرقو
ولقدام
|
|
 
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: معتز تروتسكى)
|
Quote: قوته الجميل..
ياعزيزى انا لم اجد نفسى فى ايى من المكونات دى
شوف ليناهويه او تكتل نتلمى عليها.. |
معتز كبير ...وكبير دى يعنى فى المنبر مش الكورة
انت ياعمى
الرابط والبريق الضوء والمخرج والامل كل الناس لو حملت فهمك كان ما اختلفنا اصلا
لكن هنالك تكتل بضمك...تكتل اولاد الهند انت يامعتز طارق النور مش جابلك قبول ..لكن انفتحت ليك طاقات اخرى..كان ممكن تكون معنا فى بونا ومدراس...اسى تعرف هذا البدر كمال عباس انا اختلف معه فى التنظيم...لكن هنالك قواسم تجمعنا وتتركنا نحترم بعضنا لدرجة الوله...الشريف مثلا...من كودار الجبه الديمقراطية..ادريس اخوه من كودار الاخوان المسلمين...مع انو اغلب وقتى تجدنى مع ادريس اكثرالاوقات م...لكنى احترم ذلك الهرم متولى بقدر احترامى لادريس...
اذكر مرة من المرات احد الشباب قال امام ادريس ..متولى الشيوعى دا...فادريس قال له هذا شقيقى...فالشاب انتفض..واعتذر لادريس لكن ادريس قال: له انت لم تقل شىء..يسىء هذا تنظيمه وانا احترم وجهة نظره...هذا قيض من فيض لتلك النجوم التى برقت فى ارض المهاتما..فازدات حبا واحتراما ووطنية...فشع نورها فى البقاع..وكم احلم يوما.. ان تسلم مقاليد السطلة ل مجموعة وطنية منهم...فانى المح فيهم الصلابة والدراية.والخير.ونكران الذات
ودمت
ولقدام
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: زول ساكت)
|
| Quote: اين تكتل اهل العوض |
تعرف يازول مش ساهل
كنا طلبة فى الهند اهل العوض لهم اربعة روابط
رابطة ابناء مدنى...رابطة ابناء الجزيرة...رابطة ابناء شرق الجزيرة رابطة اولاد فداسى
انا بتكيف لناس مدنى لانهم لا يرضون...الا بامدرمان غريما وخصما ومنازعا..لانهم وجهنا المشرق
على العالم الخارجى...اما نحن ناس غربالكنار كنا فى الرابطة الام..التى تحمل تقاليد القرية
وسرابات الحواشة..
فالجزيرة هى الاصل والفصل والراية والشاية والسقدة واللقدة والتقدة
نهر جرى.. بقرة جعرت..عنزة حلبت..حواشة انتجت...جائع اكل ..نسيم هب..خير كب
قميص ملبوس...وعروس ملاينة خروس..دلوكة دقت..وانداية شكلتها دورت...
تكنلوجياعمت الفضاء..صحونا علقت فى ضهر البيوت...تصور اختى الصغيرة ما بتابع المسلس مع
الناس قالت ليهم دا بجيبوه فى l.b.c الساعة 12 وانا الصبح ما وراى حاجة بنوم لعشرة
قالت عاوزة كوميوتر...اشتريت ليها بانتيم 4...قالت لى دى صعب احركه من الصالة للمطبخ
عاوزة محمول...يابت انا ما عندى محمول...تصور ديل اهل العوض...انا بعرف 20 من شباب الجزيرة
عندهم جوالات اخر موضة....مش اهل العوض
شفت اهل العوض تسللو فى كل شىء
خلاص مودتى
ولقدام
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: kamalabas)
|
| Quote: أنديا أدمي كيا مشكل ? |
الريس كمال كله دا برضو كيا مشكل
صدك وهجر فعل لى بهوت مشكل
انا ما عارف الناس دى فاهم غلط ولا شنو
هنالك راى وراى مخالف
حكومة ومعارضة
موافق وغير موافق ....ليش موافق؟؟؟ وليش غير موافق؟؟؟
ما فى دا للتكتل والكلمة التى تحرر الفرقة..تحرر دى عكس تبرد
هنالك فرقة ولكن هنالك كلام بزيدها اكتر..
متل عنصرى جهوى جلابى...غرابى,,وهلما جرا
عاويزن نتعلم ..من بعض ..نقبل بعض فى حدود المعقول
نعزر بعضنا بعض فى عدم الفهم...
نجد العزر لبعض...
وتحياتى لك
ولقدام
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: kamalabas)
|
Quote: زمان كانت كوادر التنظيمات السياسية تقدم لها محاضرات داخلية وندوات
داخل التنظيم وتتم المشاركة والتفاعل ومن ثم التأهيل والتدريب
بعدها يتابع الكادرات أركان النقاش والنداوت ويتعلم كيفية السجال
ثم يرجع للكتب والمصادر وممن يكبره في التجربة حتي تتكامل معلوماته في موضوع الندوة ..بعدها يبدأ في المشاركة في هامش الاركان
ويتعرض في خضم ذلك لسيل من الاسئلة والقضايا الشائكة التي لم يذاكرها
ليعود للاطلاع من جديد وهكذا حتي يعجم عوده... |
ليت الراقبين فى الصعود الى سلالم الشهرة السياسية
ان يدخلو من هذا المنحى المستقيم
شكرا كمال
ولقدام
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: Tumadir)
|
شجرة كبيرة وضليلة برة قدام اوض التكتلات...
تماضر
ياخبز البنادر
زهجنا من لمة عساكر
الفكرة حلوة وانا سوف اهديها لاخونا نصر الدين هو باقى لى طالب كتلة
لكن قلتى لى لما الشمس تضضم...طيب ما بقو طلامية
ولو قعدو فيها الى الصباح والشمس شرقت ببقوا مستنيرين
بس ثابت البطل دا نخليه ينوم مع الفجر...
ههههههههههههههههههههه والله دى فكرة حلوة وملعوبة
شكرا على الطلة
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: Gafar Bashir)
|
زمات لما اجى اقول شعر علاء الدين فداسى باجرنى
عشان ادخل فداسى جوا القصيدة
بقول لى عشاك على...لكن ياجفر...انا لاتقيت بكوكبة منهم
لكن مثل د.محمد كمال..والولد المعرس هندية دا مالقونى
يازول ديل من ابقوتة الحى الجنوبى جوار النقطة..
هنالك حوش عشكوب...وعشكوب دا اسم عائلتى..حلوة دى مش
شوقى ليك طال..
يالساكن الروضة
وبتجمع فى الريال..
ختنا مرة فى البال
وتعال غبيرا
جوار سوق الحبال..
ولقدام
| |
|
|
|
|
|
|
|
|
|
Re: تكتل الهوس الدين..تكتل المستنيرين...تكتل الجلابة...تكتل اولاد الهند (Re: abuguta)
|
و الله فكره صدق
انا يا حبيب بحب قعاد الضل و الله
بس فى مشكله صغيره كده
داير لى عوير اعملوا لى كبير و أمشى وراهو انا زى الاهبل
و اقعد اكورك زى المجنون انو الزول ده انا بحترمو شديد
و انو ده استازى و ده زول كبير و فهمو متقدم و انو
من رواد الفكر فى البلد ديك و انو بس الناس ما فهمتوا
و انو الكبير بتاعى ده مبالغة وزول كده خليهو ساى بس
و انو البلد دى ما حتتقدم الا اذا الناس مشوا وراى
اللهو انا الاهبل القبيل فى بداية الكلام قلت ماشى ورا عوير
و عليك الله يا ابقوته اتخيل ليك منظر
واحد عوير عنده نظريه فى راسو
امشى وراهو اناالاهبل
وورانا الاتنين يمشوا الباقين
و اذا فى زول نصيح قال انتو غلطانين
نجووووووط كده و نقوُم الواطه كلها كيييييف
الزول ده يقول انحنا غلط
و لما نفتر
من النبيح
نجى نقعد فى ضل الشجره الكبيره دييييييييك.. هى هى هىىىىىىىىىى
ابقوته ... تحياتي لك و فائق احترامى يا رائع ابدا احبك من كل قلبى خوةٍ فى الله لا لشئ اخر
تحياتي ... ناصر البطل
| |
|
|
|
|
|
|
| |
abuguta
kamalabas
معتز تروتسكى
زول ساكت
nasiradin
Tumadir
خدر
فيس بوك
تويتر
انستقرام
يوتيوب
بنتيريست