|
|
|
 Re: البورد. البورد.. ياليلة.. قرب يجوط.. ياليلة (Re: abuguta)
|
أبو قوتة الرايق يا ليلة
زولاً مو ضايق يا ليلة
اتحكر سايق يا ليلة
في البوست اللايق يا ليلة
لي قلمو بسن يا ليلة
وجرسو برن يا ليلة
وراكبو الجن يا ليلة
ولي هشو بحن يا ليلة
ود شيخ الدين يا ليلة
أصفر وسمين يا ليلة
كلامو متين يا ليلة
وحافظ الدين يا ليلة
وبكرة نواصل ياليلة
| |
 
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: عبد الباقي الجيلي)
|
لى عبد الباقى...ياليلة
النيلو سواقى...ياليلة
بجر انشادى.....ياليلة
وعنى يكون راضى...ياليلة
يا ود الجيلى....ياليلة
وقف السيلى....ياليلة
خليك معاى ديلى...ياليلة
البورد مايصيبو طفيلى...ياليلة
ابقوتة جنو خفيف...ياليلة
مو حارس الرصيف...ياليلة
انت زول نضيف....ياليلة
وبتاكل رغيف.....ياليلة
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
استاذ الجيل...ياليلة
وزنو تقيل....ياليلة
للشعر ازميل... ياليلة
كتيابى عديل...ياليلة
البورد البورد...ياليلة
قرب يجوط.....ياليلة
للبورد دليل...ياليلة
فى نص الليل...ياليلة
فنو اصيل...ياليلة
ابوك ياهديل ...ياليلة
البورد البورد...ياليلة
قرب يجوط.....ياليلة
انا بجر غنوات...ياليلة
وماسنجر جات ...ياليلة
لاخو البنات ...ياليلة
صلاح شتات ...ياليلة
البورد البورد...ياليلة
قرب يجوط.....ياليلة
وليد طه ...ياليلة
ماكل تفاحة ...ياليلة
بطل الساحة ...ياليلة
يلقى الراحة...ياليلة
البورد البورد...ياليلة
قرب يجوط.....ياليلة
بقول يالله ...ياليلة
تديها قلا ...ياليلة
يلقى الفلا ...ياليلة
معتصم دفع الله...ياليلة
البورد البورد...ياليلة
قرب يجوط.....ياليلة
| |
|
|
|
|
|
|
|
|
 Re: البورد. البورد.. ياليلة.. قرب يجوط.. ياليلة (Re: abuguta)
|
محسن مستهبل ، يا ابقوته
وعامل مستعجل ، يا ابقوته
بوستاتو هديكا ، يا ابقوته
فى ضل الحيطه ، يا ابقوته
دى حركات منو ، يا ابقوته
اهلو منعمنو ، يا ابقوته
هو بشارك فيكم ، يا ابقوته
الله يعافيكم ، يا ابقوته
أهو أى كلام ، ياخوانا
ومعاهو سلام ، ياخوانا
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
ماسنجر جات....لهشام
تماضر جاءت .... ياهشام
تانى مافيش فوات...ياهشام
ياخو البنات....ياهشام
سيب الزهج...ياهشام
انزل الدرج...ياهشام
ما تلقى حرج...ياهشام
بكرة الفرج....ياهشام
رسالة مفتوحة...من عادل
لعمدة منفوحة....من عادل
قلوبنا مشروحة...ياعادل
عمدتنا النصوحا...وين خالد
ارسل عسكوري...ياعمدة
للبت شيــرى...ياعمدة
تركت الظهورى...ياعمدة
والبورد ممطورى ..ياعمدة
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
الناس كيمان ...... يا هشام
فيها الوسخان ..... يا هشام
قدر الإنسان ....... يا هشام
يلقى ############ ..... يا هشام
في أي فرمان ..... يا هشام
بس الله يعين ...... يا هشام
نحفظ للدين ..... يا هشام
وعادلنا يلين .... يا هشام
أبقوته كمان ..... يا هشام
أطيب إنسان ..... يا هشام
ومليان إيمان ... يا هشام
وحكمة كمان ... يا هشام
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
بداية سلام.............ياابقوته
ما بنتلام.............ياابقوته
فى البورد زمان.............يازول
شكل كيمان.............يازول
وبدون بمبان.............يازول
بداية القصه.............ياابقوته
ادونا حصه.............ياابقوته
مافهمنا لسه.............ياابقوته
وقبل ما نفهم.............يازول
واحد اتفلهم.............يازول
وقالولنا غنم.............يازول
ما ادونا الفرصه.............ياابقوته
واخر الجرسه.............ياابقوته
باعونا فى بورصه.............ياابقوته
الامر شين.............يازول
ودى قوة عين.............يازول
اساءة ميه.............ياابقوته
اكبر كمية.............ياابقوته
اهديتهم ورده.............يازول
صنفونى معارضه.............يازول
ده كلام يا فرده.............يازول
اشتكيت ياادارة.............ياابقوته
من حبفا لبارا.............ياابقوته
نائمين يا خساره.............ياابقوته
انتظرنا سنين.............يازول
نشكى لمين.............يازول
والمسعولين.............يازول
دوما نائمين.............يازول
مابنجامل.............ياابقوته
واحد خامل.............ياابقوته
واى شتيمة.............يازول
نردها قيمه.............يازول
بكرى وبكرين.............ياابقوته
لسع نايمين.............ياابقوته
قالو معارضين.............ياابقوته
احسنها قرار.............يازول
من البورد فرار.............يازول
وبعد سنتين.............ياابقوته
واخر الليل.............ياابقوته
رجعنا تانى.............يازول
للبورد الهانى.............يازول
لقينا اغانى..هدوء وامانى.............يازول
عملت بحوث.............ياابقوته
بوستاتى اكوث.............ياابقوته
اعدادها خرافى.............يازول
يارب ياشافى.............يازول
ولا واحد مافى.............يازول
والسيد بكرى.............ياابقوته
لاجوابا شافى.............ياابقوته
اسمع يا جديد.............يادينق
خليك بعيد.............يادينق
طول فى بالك.............يادينق
وخليك فى حالك.............يادينق
يادينق اخير.............يادينق
تنام فى سرير.............يادينق
ولو كت هلالابى.............يادينق
اخطى الصلاحابى.............يادينق
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: mohsin_alsla7aby)
|
ضربنا البورى ، لى محسن
جاب سلام جمهورى ، لى محسن
بوستاتو ضرورى ، لى محسن
ترجع بالفورى ، لى محسن
عشان يتم سرورى ، لى محسن
بالعربى وكورى ، لى محسن
شلت كاس الدورى ، لى محسن
ذكرتنا حمورى ، يا محسن
دينق مالك ومالو ، يا محسن
ياخى سيبو فى حالو ، يا محسن
الناس قبالو ، يا محسن
قالوا فيه وقالوا ، يا محسن
طعنوا فى نضالو ، يا محسن
والسلام راسمالو ، يا محسن
كل زول شال شبالو ، يا محسن
ومحسن عقبالو ، يا محسن
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
ناس رائعين زز والله
مشتاقة سنين... والله
عاوزين نرتاح.. والله
من كل خصام... والله
يا زول يا زول... والله
احسنت القول ..... والله
لميت الناس .... والله
بجميل احساس ... والله
الكانو بعاد... والله
الليلة قراب.... والله
اخير نتلم ... ياناس
ونزيل الهم... يا ناس
اخوان اخوات...يا ناس
من غير شتات .. يا ناس
مافينا حردان.. يا ناس
ولا زعلان.... يا ناس
للوطن الغالي.. يا ناس
بنهم طوالي .... يا ناس
افرجها يا رب ... يا رب
لي كل من هب ودب..يا رب
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: أم سهى)
|
ام سهى بى جاى ، يا ابقوته
جابت دوباى ، فى ابقوته
زى عازف الناى ، يا ابقوته
بتجارى حكاى ، (وحكى ابقوته)
يا سلام يا ناس ، لو تتفقوا
وكل زول وناس ، يجبيب طبقوا
شوفوا بت الناس ، قولها لبق
نمتوا بعد نعاس ، لمتين تفقوا
هو ده الصحانا ، ابقوته
وبى جاى لمانا ، ابقوته
فى صباحنا مسانا ، ابقوته
الشيطان ما يغشانا ، ويغشى ابقوتة
| |
|
|
|
|
|
|
|
|
 Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
اذا عاوز الصاح ..... يا ابقوته
والليالي الملاح ...... يا ابقوته
والبلد ترتاح ........ يا ابقوته
نرمي السلاح ...... يا ابقوته
ونوقف التاح تراح .. يا ابقوته
ويازول ينداح ..... يا ابقوته
وكل الناس افراح ... يا ابقوته
وقاعدين بانشراح .... يا ابقوته
وكل يوم في الصباح .. يا ابقوته
ام سهى في فلاح ..... يا ابقوته
والجميع مرتاح ....... يا ابقوته
وود العمدة خلاص قلبو راح ... يا حليلو
وبريقو باباح ..... يا حليلو
ويا ريت يرتاح ... يا حليلو
ويسيب النياح ..... يا حليلو
كان قلبو يرتاح ... يا حليلو
ويحقق نجاح .... يا ريتو ( امين يا رب العالمين )
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
ود العمدة اخوي .. يا ليلة
ود امي وابوي .... يا ليلة
كلامك تام... يا ليلة
يسر الصاحي ونام... يا ليلة
يازول يا زول.... يا ليلة
يا خاتي القول.... يا ليلة
الراجينا كثير.... يا ليلة
اخير نسوي نفير.... يا ليلة
نتلم اصحاب اصحاب .... يا ليلة
نصحح كل كضاب..... يا ليلة
بي نفسا بارد... يا ليلة
نقبض الشارد..... يا ليلة
نقولو تعال..... يا ليلة
وهدي البال..... يا ليلة
يرتاح هو كثير.... يا ليلة
ويقول معليش كنت عوير.. يا ليلة
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
فوق ..فوق ... يام سهى
كلك.. زوق.....يام سهى
البورد سيروق...يام سهى
وانت فى الشروق...يام سهى
فى ناس عاوزة طايوق.يام سهى
نايل جاكم لحوق...يام سهى
كوستا غائب عن السوق..يام سهى
سلام من ابقوتة اللايوق...لكوستا
بكرة دمه يروق......اخوى كوستا
ابقوتة مايكون ممحوق..يالله
ومن الغربة يبقى مروق...يالله
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
فوق فوق ، لى ابقوته
حربه وسفروق ، لى ابقوته
حتة طايوق ، لى ابقوته
وملاح لايوق ، لى ابقوته
وين ود شاموق؟ يا ابقوته
مافيش فى السوق ، يا ابقوته
أصدق صدوق ، يا ابقوته
ماهو الصعلوق ، يا ابقوته
بناديها يفوق ، يا ابقوته
كل ناس السوق ، يا ابقوته
ود عازة يروق ، يا ابقوته
ويرجع معشوق ، يا ابقوته
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: معتصم دفع الله)
|
فليتواصل الابداع الشعري ابداع مدرسة ما بعد الحداثة اللاشعورية طبعا الاسم الطويل دا عشان ما يجينا واحد ناطي ويقول المدرسة محجوزة دي مدرسة خاصة وجديدة لنج وخاصة بالمشاركين بالبوست دا ويمكن نفتح التسجيل بعد وضع اللوائح والقوانين
ولا رايكم شنو يا رواد المدرسة ؟؟؟
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: محمد حسن العمدة)
|
شوفهم لبسوا الهدوم يالعمدة
وقائلين ليهم بدوم يالعمده
واحدين ربواالجضوم يالعمدة
واحدين صلبهم ردوم يالعمدة
خلوا المخزن خراب يالعمدة
خموا المال بالجراب يالعمدة
نحن نسف التراب يالعمدة
وهم في العود والشراب يالعمدة
ضوقنا الخمستاشر العجاف يالعمدة
جعنا ووادينا جاف يالعمدة
حزا ارجلنا الكتاف يالعمدة
والهول بي راسنا جاف يالعمدة
قالوا بدوروا الولا يالعمدة
فوق الجوع والغلا يالعمدة
الله يزح البلا يالعمدة
عاد لعبوبنا الكمبلا يالعمده
هذا الحال مابمش يالعمدة
تدخل تغني وتمش يالعمده
جوزها الرامي النمش يالعمدة
عاد يكبس زول التبش يالعمدة
سيف ال ليك جاب يالعمدة
وانت راجلا ماك كضاب يالعمدة
وقتا تقيف دولاب يالعمدة
نقاتل بالسيف والحراب يالعمدة
ابو قوته الكريم يالعمدة
عمل بوستا عظيم يالعمدة
سوانا الليم يالعمدة
نجيب فوقو نظيم يالعمدة
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: saif massad ali)
|
| Quote: فليتواصل الابداع الشعري ابداع مدرسة ما بعد الحداثة اللاشعورية |
اسم.. حلو... ياعمدة
وانا بقبلو ياعمدة
خلى يجيك ..هشام...ياعمده
دا عامل ابى تمام.. ياعمدة
وممكن نعمل ليها بحور..ياعمدة
ونطلق فيها البخور...ياعمدة
نسمى بحر الهنفولى.. ياعمدة
وبختص بالشعر الفضولى..ياعمدة
ونسمى بحر الهكر...ياعمدة
ودا بغرق فى البحر ياعمدة
ونسمى بحر النضال....ياعمدة
حتى لو الزول اكل دال ...ياعمدة ( الدال بالهندى هو العدس)
نسوى بحر الحرد...ياعمدة
لو الزول اكل قرض...ياعمدة
ونسوى بحر السليم...ياعمدة
لو الزول اكل نيم...ياعمدة
ونسوى بحر الكروش..ياعمدة
لو الزول اخد شاكوش...ياعمدة
وهنالك بحر الركشة...ياعمدة
لو الزول جابتو الكشة...ياعمدة
ونسوى بحر الصهيل...ياعمدة
لو الزول شرد من الكفيل...ياعمدة
ونسوى بحر اللورد...ياعمدة
ونضال الكى بورد...ياعمدة
ونسوى بحر السهرة...ياعمدة
لو الزول طلب الشهرة...ياعمدة
ونسوى بحر الموز....ياعمدة
لو الزول اتهموه كوز...ياعمدة
شفت بحر المنكرب...ياعمدة
عند ودعوج الدرب...ياعمدة
وبحر الجوطة.....ياعمدة
والراوى ابقوتة....ياعمدة
وبحر التمكين....ياعمدة
ود شيخ الدين...ياعمدة
وعصائر بنده....ياسيف
الولد عمدة....ياسيف
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
| Quote: ابداع مدرسة ما بعد الحداثة اللاشعورية |
البحور عندك يا ضنين ، يا ابقوته
أكل الدال خلاك سمين ، يا ابقوته
ابى تمام يطلع مين؟ ، يا ابقوته
مع الزول ود شيخ الدين ، يا ابقوته
سيف مسعد قال كلمتين ، يا ابقوته
فى البحر الاسمو المتين ، يا ابقوته
ود العمده السيف السنين ، يا ابقوتة
جاب لينا الاسم الحنين ، يا ابقوته
زى عصيدة الصاج ام طحين ، يا ابقوته
توصل اهلنا لحدى الضعين ، يا ابقوته
بالشعر السهل أب رنين ، يا ابقوته
بدل الدال ناكل سمكتين ، يا ابقوته
وفطورنا يكون باللحم السمين ، شان ابقوته
شاحد الله بى جاه سيدى الحسين، يا ابقوته
كل بحور شعرك تستبين ، سيدى ابقوته
ويشار اليك وفى الفن تستكين ، داك ابقوته
ويقولوا صاحبوا الشاعر الفطين ، صاحب ابقوته
وكل اصحابو رجال أو عوين ، ناس ابقوته
يسوو ليك باكر قبتين ، شيخ ابقوته
يزوروا فيك كل المساكين ، شوف ابقوته
وتبقى بركاتك بيت شعرن سنين ، قالو ابقوته
وكل من عاداك يا الحنين ، حلاة ابقوته
يبكى باكر بالدمعتين ، سببوا ابقوته
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: مهاجر)
|
البريد اللحسو الهوا
للمهاجر جيبو الدوا
تعالوا كلنا نقعد سوا ، نسأل الله يعود البريد
البريد راح كيف يا ولد؟
أمشى بره فى شارع الزلط
كلم الناس ، ده كلام غلط ، لأنو لازم يعود البريد
حاجة صعبة ضياع البريد
كان هكر كان جنن عنيد
من دروسك لازم تستفيد ، شان يعود ليك بكره البريد
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
وين قصائد ...يامهاجر
انسى برائد..يامهاجر
ياحليل زمانكم..يامهاجر
فى بونا دياركم...يامهاجر
زمنا كان جميل..يامهاجر
والليلة دمعنا يسيل...يامهاجر
انا مشتاق..للاصحاب...يامهاجر
فى فداسى الحلماب...يامهاجر
البورد فيه صادقوكضاب...يامهاجر
ما مشكلة لو فطرنا كباب...يامهاجر
ابقوتة يلبس كاب..يامهاجر
وتختاه الحراب ..يامهاجر
لو بريدك على شركتنا اول نت الان ترجع ليك
رسائلك مع من اتحذف..ولو على شركة تانية
تاكل نيم...ممكن تكلمنى على المجان
لو دومينك اول نت
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: حمزاوي)
|
بحورك تمام يا ابوقوته
مافيها كلام ياابوقوته
سائل لك العلام ياابوقوته
لاتنضر وتنضام يا ابوقوته
الراوي النشيد يا ابوقوته
بيك بيشيد يا ابوقوته
ياصاحب التجديد يا ابوقوتة
وي فعلك رشيد ياابوقوته
اقبل الهديه ياابوقوته
بنفس رضيه ياابوقوته
من غير وصيه ياابوقوته
فيك محريه ياابوقوته
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: حمزاوي)
|
لى اخو حمازوى ..ياليلة
قمرنا الضاوى .ياليلة
بجر حكاوى...ياليلة
الولد فنجراوى..ياليلة
كنت غائب يومين..ياحمزاوى
قلت اريح الاضنين...ياحمزاوى
من الصباح جيت مشتاق...ياليلة
والبورد مرياق....ياليلة
خائف من الفراق...ياليلة
ويجينا هكر سراق...ياليلة
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
لى اخوى دكين ...ياليلة
عاودنى الحنين...ياليلة
الولد مسكين.....ياليلة
برى لى جمال الشين...ياليلة
اسبوع مو كتير..يادكين
والادارة فيهاالخير...يادكين
اختى لى خدر.....يادكين
وبحيرى الشهير...يادكين
انت ما زول شدائد...يادكين
انا بقول فيك قصائد...يادكين
انت زول حقائق....يادكين
وفى ناس بتشعل حرائق...يادكين
الاسبوع خلاص كمل.....يادارة
وخلو دكين يدخل....يادارة
دا زول متمكن ....يادارة
الا حظو مدخن...يادارة
زعلان من البنات...اخوى دكين
ما دخلن فى الجات...دا دكين
عاملات حملات.......يادكين
عشان الانتخابات....يادكين
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: محمد حسن العمدة)
|
شوفو العمدة الولد الظريف
نكت الخيط من ضهر الصريف
ما زمان قالو اللورى بيقيف
فى الخبوب العملو الخريف إلا ذات الترس التقيل
شوف ولاد المنبر واقفين
كل واحد زعلان حزين
ديل بكوركو وديل حردانين
شان عقوبة الزول الدكين خوفى باكر اقوم أستقيل
يا سلام لو نقعد سوا
وبى محبة نشم الهوا
شوفة الأحباب تبقالنا الدوا
غير قيود أو ايد اتلوى حتى لو كان عادل عديل
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
ما عارف اقول ..ياهشام
قلت اخير الهول..ياهشام
امس عمى مات ..ياهشام
كان فى بلد الشتات..ياهشام
19 سنة فى الحمنة...ياهشام
بين مكة والمدينة..ياهشام
كان فى الحقل الطبى...ياهشام
وتركنا ورحل لربى...ياهشام
قبل سنة قرر سفر نهائى...ياهشام
قال كفاية دواهى...ياهشام
قالو عنده سرطان كبد..ياهشام
الله يكفينا شر الحقد....ياهشام
سافر مصر للعلاج.. ياهشام
مات ودفن فى سوهاج...ياهشام
الدنيا العجيبة....ياهشام
كل يوم جايبالى مصيبة...ياهشام
ياربى ارحمه....كان زول كويس
والجنة تكون مسكنة..كان فى بلدنا ريس
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: abuguta)
|
الله يرحم يا ابقوته عمك
ويجعل البركة فى ابوك وأمك
موتة الغربة بالحيل تهمك
من فراق الزول لحمك ودمك
لو ما ايمانك بيجرى فى دمك
كان مشيت للشيطان يلمك
كتّر الدعاء متواصل يعمك
واذكر الموت الشالو بيضمك
بكره فى جنات تلقاه عمك
يقبّلن فيه الحور فمك لفمك
واحده جمب كرعيك والتانية بتشمك
وواحده بغرانه منتظرة لمك
لا هموم عندو ولا سماً يسمك
لا حكومة انقاذ جيبك تخمك
لا مدارس لا مصاريف لا يهمك
لا عيال دايرين حتى دمك
رحمة الله تغشاه وتعمك
توصل أولادو واخوانك وعمك
والبركة فيكم
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
ما شفت يا ابقوته الحاصل علينا؟
كنا ملمومين حارسين الجنينه
قالو مجلس حكماء بيقود السفينه
وجانا بكرى بى موسو السنينه
قطع أوصالنا وللصقر اترمينا
وكان جزاء سنمار من فعل ايدينا
هو افترى ، وقايلنا افترينا
فى لحظه باعنا ، وقايلنا اشترينا
ياريتو لو شاف التعب الشقينا
ولا شاف النبز اللقينا
مافى زول ساى كان قبّل علينا
بقينا شماعة للاساءات والضغينه
وكل زول حاقد تف فى وشينا
وينها يا ابقوته الناس الحنينه
وكل صديق كل زول مشتهينا
صاحب امبارح ، الليلة معادينا
وكلو شان السلطة فى يدينا
نحن نستاهل ، جينا بكرعينا
لما شاتونا اليوم كر علينا
هل جزاء الاحسان يصبح ضغينه
يقطع البوردات ويقطع سنينه
البهدلت عادل وخربت علينا
قرشو زعلان قال مافاضى لينا
حتى نصار كان قائد السفينه
معاه انور والبت الحزينه
ايه لقوا؟ غير نبزة شينه
لا فى زول جانا يواسينا
لا لقينا شكرنا ومشينا
لا قعدنا معاكم بكينا
اصلو يا ابقوته الناس ملطشونا
الا حالف ارد الضغينه
عندى سيف موروث سيف سنينه
كنت داخرو لى تور عفينه
هادا وقتو ، يا ابقوتا جينا
حمسوا الدلوكه ، وغنوا الكنينه
وقول لأعدانا نحن ابتدينا
الحقوق ناخدها بى ايدينا
زى زمان ما اهلنا ادوها لينا
ما بنفرط ، وكل واحد اضينا
يقعد يعرض فى دار ابونا
البدور العدا تبقالو شينا
نحن فى يوم ابدن ما افترينا
ارجو يوم باكر يا العفينه
يوم نقطع كل كرشن سمينه
والبدورنا اليجى يقعد معانا
ما بيسمع ابدن كلمه شينه
وفى ختام القصة الحزينه
ليك سلامى يا ابقوته زينه
يبقى فى بابك مستكينه
يحرسك من كل شر وشينه
ونحن نعرض ، بس غنوا الكنينه
| |
|
|
|
|
|
|
|
|
|
Re: البورد. البورد.. ياليلة.. قرب يجوط.. ياليلة (Re: يازولyazoalيازول)
|
قال ابو قوته في دوامه :
المنبر ميل يا لطيف
وعادل قيل يا لطيف
واقول له
في المنبر جوطه يا لطيف
عاوزالا فوطه يا لطيف
فوطة بكري ؟ يا لطيف
ما بتنقدري يا لطيف
فوطة عادل يا لطيف
جايبالا مشاكل يا لطيف
ولو جبنا ابو قوته يا لطيف
مافي زول بيسوطه يا لطيف
معليش المداخلة دي نزلت فوق بالغلط والمفروض تكون هنا ازيك يا هشام
| |
|
|
|
|
|
|
| |
abuguta
يازولyazoalيازول
تولوس
ودقاسم
ABUHUSSEIN
saif massad ali
عبد الباقي الجيلي
نيازي مصطفى
walid taha
mohsin_alsla7aby
sari_alail
HOPEFUL
معتصم دفع الله
مهاجر
nasiradin
فيس بوك
تويتر
انستقرام
يوتيوب
بنتيريست