|
|
 قواديس بشري الفاضل
|
 ضامي حزني علي قليبي و مترمي
شابك الليل في الصباح
حاسي جسمي انا زي قواديس في الطمي
منها النيل ولي راح
يا حبيبة الله عليك لو تفهمي
تدي محبوبك جناح
كان يطير فوق للكوارث يحتمي
من الاعاصير و الرياح
يا حبيبتي و طوق نجاتي و بلسمي
انت معني الإنشراح
شوفي كيف الهم بياكل من دمي
كتري القول الصراح
يلا هاك نطير سواء و إتبسمي
سوي من الغيم وشاح و اهدي محبوبك جناح
______
شِعر بشري الفاضل
لحن و غناء طارق ابوعبيدة (مارس 2010)
|
|
  
|
|
|
|
|
|
|
|
Re: قواديس بشري الفاضل (Re: داليا الكباشى)
|
Quote: حاسي جسمي انا زي قواديس في الطمي
منها النيل ولي راح
|
الله ...الله
يا سلام يا د. ويا سلام يا طارق
.
.
.
.
انت يا الشقي مالك ما بتجينا طاير جوز لي بروكسل الجن دي ...؟!!
| |
|
|
|
|
|
|
|
|
|
Re: قواديس بشري الفاضل (Re: البدري عبد الله)
|
داليا مرْة تمبس
حنينة انت يا الهميمة
كيف اخبار بعلك اب صلعة !!
البدري
ياخي انا ما بمّر شهر ما بكون عبرت فيهو أجوائكم
براَ او جواَ .. وين بلدك هناك !
مبدئياَ انت معزوم تجينا و لمن ترجع نقدمك و نرجع معاك
ادينا تلفون يا فنان
| |
|
|
|
|
|
|
|
|
|
Re: قواديس بشري الفاضل (Re: خدر)
|
خدر يا فنان
عمل جميل ومستف بالجمال والاحاسيس
ياخ ما تلبدو انتجوا ووصلا الناس انتاجكم باي شكل
خلونا نمرق من دائرة القبح والركاكه الماليا البلد لانو بقينا نسمع حاجات كل يوم تشككنا في سودانيتنا واضنينا زاتن صنن
لك التحايا وللدكتور بشري الفاضل
| |
|
|
|
|
|
|
|
|
|
Re: قواديس بشري الفاضل (Re: باسط المكي)
|
شكرا يا صلاح اسمعيل
تصدق لمن إتكيفت لمن قلت لينا مبروك
علي الوعد بالتواصل يا صديق
و ربما قريبا جدا بين ظهرانيكم
باسط
شكرا كتير يا فنان
منتظر مواطن منبري يمدني بي
فورمات رابط الحفظ
| |
|
|
|
|
|
|
|
|
|
Re: قواديس بشري الفاضل (Re: الصادق سلفاب)
|
اسامة فضل الله
الرابط في الطريق .. طول البال
و الكمبيوتر خليهو في محلو
ما تسوينا في مشاكل
الصادق
والله ما واقفين و أبشرك
معانا فنانيين كتار في كل
جوانب الفن ده بصّوروا في الحاصل
بي كاميراتهم و اقلامهم و ريشهم
ما تخاف , حواء السودانية ما عقرت لسه يا فنان
| |
|
|
|
|
|
|
|
|
|
Re: قواديس بشري الفاضل (Re: Isa)
|
تسلم يا غالي
كلمات واداء مافيهو كلام
ابداع جد
ماعندي علاقة بعلم الموسيقى او الاصوات
لكن حاسي انو فكرة اللحن لو بقت زي الفكرة البنلقاها
في لحن
الاغنية بتاعت الاستاذ مصطفى سيد احمد
لو مني مستني الملام....... يا سلام عليك ياسلام
(الفكرة ومسحة الحزن في الاداء...وليس اللحن نفسه بالتاكيد)
حايكون لها مابعدها
ملاحظة من مستمع ليس الا
| |
|
|
|
|
|
|
|
|
|
Re: قواديس بشري الفاضل (Re: معاذ الهادي)
|
نزار
النعام بي جلالة قدرو ؟
الله يجبر بخاطرك ياخ
عيسي يا صاحب
شكرا علي اللنك و الكلمات الجميلات
فضل ليك الزيارة الموعودة بس
معاذ الهادي
انت عارف انا بنزل شغلي هنا اصلا عشان اسمع زي مقترحاتك دي
و ياريت برضو اسمع نقد عديل و ياريت برضو اسمع اصوات بتقول
ما عجبتني لانها كده و كده او ما عجبتني ساي مزاج
صدقني ده ما كلام إستهلاك , فعلا الآراء الزي دي بتفيدني كتير
اقلو بعرف المزاج السماعي العام كيف و ماشي وين
شكرا كتير يا معاذ
| |
|
|
|
|
|
|
|
|
|
Re: قواديس بشري الفاضل (Re: خدر)
|
Quote: نزار
النعام بي جلالة قدرو ؟
الله يجبر بخاطرك ياخ |
ويجبر بخاطر وخاطر اهلك زاتو...يا خدر...
كل مرة تنكت ليك حاجة ...تمسخ علي باقي
مواضيع البورد...واسكن...اسكن...اسكن..
لامن ينهروني ناس الشغل بي ورق...
ممكن اجامل في عرس...في مولود جديد..الا في اضاني دي ما بجامل...
الغنية دي ...ما كانت بتقبل غير اللحن دا...لكمية الشجن الفيها..
بقت عندي زي الغنا الببكي طلب متحصل بنطون شندي (مهاجر شمالي عاذب)
استقر نهائيا بشندي...عشان قليبو دا زاتو؟
اذكر انني اسمعته...الفجر نبحن بوابيرا دي الرايقة شتيلة قريرا
ونحن في نص النيل متجهين الي الضفة الاخري..وكانت عندي في شريط
كاسيت في عربية معدية بنفس البنطون...فبكي باعلي صوته...وترك
امر التحصيل...
دحين انا هسي تارك البوستات دي كلها وساكن هنا...
وربنا يديك الفي مرادك...يا خدر...(دا نوع الغنا البخلي
الروح شاربة اكتفيد)
| |
|
|
|
|
|
|
|
|
|
Re: قواديس بشري الفاضل (Re: سيف النصر محي الدين محمد أحمد)
|
Quote: يا حبيبة الله عليك لو تفهمي
تدي محبوبك جناح
كان يطير فوق للكوارث يحتمي
من الاعاصير و الرياح
|
يا خدر...مش قلت ليك انا ساكن هنا سكون...
لغرض الراحة والاتصال في الاداء...حا اتجرأ واعدل
البيت دا...ان شاء الله الدكتور بشري الفاضل يركب
ويجيني يقشطني فرق اضني زي قشط الحمير...
الاضافة دي طلعت من الحمام...وبقيت استحم في اليوم تلاتة مرات
عشان غنيتك دي يا خدر...اها انا براي غنيتا كدي...
يا حبيبة الله عليك لو تفهمي
تدي محبوبك جناحك وتلهمي
كان يطير فوق الكوارث ويحتمي
من الاعاصير والرياح
(التصرف دا معني للحن فقط...ومعني النص ما دخلي بيه)
انا غايتو في حمامي حا اغنيها كدي...
| |
|
|
|
|
|
|
|
|
|
Re: قواديس بشري الفاضل (Re: nazar hussien)
|
| Quote: محي الدين/ محمد احمد: كان قال ليك ما شايقي بتصدقه؟؟؟ |
والله يا نزار
والله جنس تعليقاتك دي هي البتربطنا بالمنبر ده بقت
___
تصدق انو سيف النصر ده انا بعرفو من الابتدائية و دي اول مره افكر انو جنسو شنو ؟
| |
|
|
|
|
|
|
|
|
|
Re: قواديس بشري الفاضل (Re: ابوعسل السيد احمد)
|
يا طارق اسة عليك الله الغنية دي أنا شن لٍيْ فيها؟اللحن لحنك؛ والصوت صوتك والغنا غناك.كانت كلماتها لابدة من زمن ماكنت أنا في موسكو ماسمعوا بيها إلا بعض الأصحاب .إنت بي تلحينك ليها مشكور أهو سمعتها المئات ولسة...
تعرف أنا دائماً بفتكر لو ما كنت ببالغ وأشطح إنو الشعر الذي يغنى له خاصية مثل الجبص يمكن للملحن أن يستخدمه في لحظة تأليف اللحن والإنفعال بمعانيه في تلك اللحظة المخصوصة فقط بعدين ممكن يفك جبص الشعر دا من عامود لحنه ويملاه بأي كلمات من عنده يعني بدل
يا حبيبة الله عليك لو تفهمي
ممكن يا طارق تملا كلام من عندك وإنت قادر عليه على وزن:
تن ترن تن تن ترن... تن تن ترن
الأغنيات حقوق المؤلفين الموسيقيين والمؤدين فيها يجب أن تتجاوز حقوق مؤلفي كلماتها بمراحل.
وبرضو تقول قواديس مين ما عارف ؟ دي قواديسك براك.
أهنيك علي لحنها وأدائك يا طارق وأسجل إعجابي بصوتك.
| |
|
|
|
|
|
|
|
|
 Re: قواديس بشري الفاضل (Re: Bushra Elfadil)
|
Quote: معاذ الهادي
انت عارف انا بنزل شغلي هنا اصلا عشان اسمع زي مقترحاتك دي
و ياريت برضو اسمع نقد عديل و ياريت برضو اسمع اصوات بتقول
ما عجبتني لانها كده و كده او ما عجبتني ساي مزاج
صدقني ده ما كلام إستهلاك , فعلا الآراء الزي دي بتفيدني كتير
اقلو بعرف المزاج السماعي العام كيف و ماشي وين
|
إطمن خالص يافنان... أداءك فوق مستوي الشبهات... يديكم العافية..وعزيزنا دكتور بشري
في البوست ما ظاهر أي شي عشان نستمتع بالغنوة.. (عزبنا الماك).. نلحق دكتور بشري يسمعنا ليها...
آها سمعنابيك جاي علينا وكدا ..
متفائلين غيتو بين مصدق وغير...
| |
|
|
|
|
|
|
|
|
|
Re: قواديس بشري الفاضل (Re: الشفيع محمد صادق)
|
Quote: لو ما كنت ببالغ وأشطح إنو الشعر الذي يغنى له خاصية مثل الجبص يمكن للملحن أن يستخدمه في لحظة تأليف اللحن والإنفعال بمعانيه في تلك اللحظة المخصوصة فقط بعدين ممكن يفك جبص الشعر دا من عامود لحنه ويملاه بأي كلمات من عنده يعني بدل
يا حبيبة الله عليك لو تفهمي
ممكن يا طارق تملا كلام من عندك وإنت قادر عليه على وزن:
تن ترن تن تن ترن... تن تن ترن
|
كان ماك مكجني ساكت يا استاذ بشري كان علقت علي الكلام المليتو من عندي...
ولسة كل...دش بي كلمة.. الي ان ثبتّ نهايات الغنية كلها آآآآآح
وفي النص بدلت الآح بي (مي)...
| |
|
|
|
|
|
|
|
|
|
Re: قواديس بشري الفاضل (Re: nazar hussien)
|
لا والله يا نزار عارفك وبقرا ليك من زمان. بدل في النص زي ما عايز المهم أن تحصل على موافقة صاحب الأغنية لا صاحب الجبص. بس لكن لابد أن يكون استبدالك للجبص باحجار كريمة! لك تحياتي.
| |
|
|
|
|
|
|
|
|
|
Re: قواديس بشري الفاضل (Re: Bushra Elfadil)
|
Quote: لا والله يا نزار عارفك وبقرا ليك من زمان. بدل في النص زي ما
عايز المهم أن تحصل على موافقة صاحب الأغنية لا صاحب الجبص.
بس لكن لابد أن يكون استبدالك للجبص باحجار كريمة! لك تحياتي |
دي ياها زاتا يا دكتور...حكاية وودعول القالوا ليه
صلي بي الجماعة...ولما اتلفت لقي فيهم اكابر القوم علما وقروشا
وهو مفلس ومنتف
...وبعد ما كبر....قر...قر..قر.. فقعا
ضحكه...ورجع آخر الصفوف..وتقدم آخر وتم الصلاة...
بعد ما انتهت الصلاة...الجماعة سألوه...يا زول مالك
قال ليهم...هسي كان صليت بي الجماعة ديل...انتو بتريحوني؟؟؟
دحين انا تعديلاتي دي حدها حمامي بس...
| |
|
|
|
|
|
|
|
|
|
Re: قواديس بشري الفاضل (Re: rosemen osman)
|
ابوعسل
جميل انو القواديس عجبتك يا صاحبي
و سعيد بي طلتك هنا
الشفيع
الله يجبر خاترك يا شفيع ياخي
و بالمناسبة انا ذاتي بقيت ما سامع
حقو الحق اسمع معاك عند بشري
روزمين
شكرا كتير يا سِتنا
و عقبال نبارك ليك ديوانك المليون
| |
|
|
|
|
|
|
|
|
|
Re: قواديس بشري الفاضل (Re: Bushra Elfadil)
|
شكرا دكتور بشري علي الشهادة الكريمة, و شكرا علي القواديس و علي الجبص كمان
و يا بشري انت ما سمعت بإقتسام الثروة !! لو ما كان الراحل محمد جعفر عثمان كتب و
زيدان ابراهيم لّحن و عبدالعزيز المبارك غني ما كنا بكينا مع (ما كنت عارف)
السنين ضاعت وا حسرتي
لا الطيبة أجدت لا دمعتي
فيا دكتور المثلث ده زواج كاثوليكي , ما بفك شفرتو إلا قانون المصنفات الفنية الجديد
فشكرا ياخي علي كرمك و اهدائك لي القواديس دون قيد او شرط و شكرا علي كل حّنان القواديس
و شكرا لفترة روسيا التي اهدتنا الكثير من شعر بشري الفاضل و تمنياتي بتواصل التعاون
و الاشتراك في المذيد من الاعمال.
| |
|
|
|
|
|
|
|
|
 Re: قواديس بشري الفاضل (Re: خدر)
|
| Quote: تصدق انو سيف النصر ده انا بعرفو من الابتدائية و دي اول مره افكر انو جنسو شنو ؟ |
طارق اوع الذاكرة تكون اتلخلخت يا اخوي.
تركب البنطون من مشرعكم في العبيدية و تعدي بالغرب تلقى اهل الوالدة..اما اهل الوالد فهناك في ديار المحس..رطانة يا رسول الله. بس لو كنت شايقي برضو ما اظن حيكون عندي مانع.
| |
|
|
|
|
|
|
|
|
|
Re: قواديس بشري الفاضل (Re: سيف النصر محي الدين محمد أحمد)
|
| Quote: طارق اوع الذاكرة تكون اتلخلخت يا اخوي. |
علي قول نزار , اسه لو قلت ليك ما إتلخلخت بتصدقني ؟
عارف يا دكتور , قبيل سألتك عشان قلت الشوايقة ديل
إيقاعهم ده اصلو ما بفضلوهو علي إيقاع تاني ,خاصة انو دكتور
بشري ما خلي للملحنين و المغنين اي فرصة تانية يسّوروا بيها
القواديس إلا بالدليب . بشري كتب كلمة(انا) بين جسمي و زي قواديس
و ورطنا نحن بيها و دي اسمها (انا) البتفتح باب الدليب قبلها و بعدها
و جاني راجع في البوست قال لي العمل كلو حقك
في ذمتك حقي بي وين يا سيف مع (انا) دي
ولا شنو يا دكتور بشري ؟
نزار حسين
فيما يخص حمام الهنا و ملاحقة بوليس حماية حقوق الشاعر و المغني ليك
النص بقرر لحنو و إيقاعو , كلام بشري عن الجبص ممكن لكن بشيل
نكهة العمل كلو .
مثلا القواديس ممكن تطويع لحنها علي إيقاع الجيرك الامريكي الشهير بتاع السبعبنات داك
ساهل جدا و سلس و منساب خالص لكن هل كل كلمة في النص حاتقعد في علبها ؟
و هل سيكون لها نفس الدوي في أذن المستمع ؟
طبعا لا
إذن انصحك ما تطلع من حمامك بالبشكير لانو حا يكون شكلك في القسم ما شكل زول جابوهو في قصيدة رغم شهادتنا انا و دكتور بشري لصالحك في نفس القسم.
| |
|
|
|
|
|
|
| |
خدر
محمد المرتضى حامد
عمران حسن صالح
داليا الكباشى
البدري عبد الله
osama fadlalla
الصادق سلفاب
salah ismail
باسط المكي
حسبو عكاشة
nazar hussien
معاذ الهادي
مرتضى احمد عبد القادر
ابوعسل السيد احمد
Bushra Elfadil
rosemen osman
فيس بوك
تويتر
انستقرام
يوتيوب
بنتيريست