|
|
 امحمد ود الطاهر ( ال بت عمو ابتو )
|
امحمد ود الطاهر البت عمو ابتو واخدت الغريب
نص قطع اخدر من راسي دا
شان لوفي زول الطاقية دي بقت قدرو انا ما مسعول
اها نمشي علي قصة زولنا دا
امحمد ودالطاهر دا جنايا شليق خلاس من قام هو مشاتر
وكان في المدر شااااااطر خلاص ديمة يجي اللول
علا ما تماها امتحن للعالي وخت للقراية ام دي القدرا
دخل السوق بدأ بالعتالة وشوية شوية سوالو قريشات وبقي يهبش في التجارة
مرة يشيلو جريد يوديهو وادي حلفا ومرة يشحنلو لوري حمص ويقعبو البقعة
ومرات يمشي يجيبلو عيش من القضارف . المهم من جاي لي جاي لقط وساوالو لوري
وحكايتو مشت لاقدام .
اها من زمن المدرسة عندو اصحبا ليهو تمو قرايتم ودخلوا الجامعة وبقوا شيوعيين
يحمدو سيدم وجيت لي اماتم . اها عدم القراية دي داخلة علي صاحبنا دخلة شديدة بقي كلما
يجيهم في الخرتوم اب ينزل عند زول غيرم مع انو اهلو في الخرتوم كتااااااااار لكن هو اب يلقي
راحتو الا في بيتم
اها نزلتو من البص وللا اللوري يجري عليهم اول شي يكربو العشاء والقعدة
واهم شي وكت يمشي منهم لازم يكون محمل بالكتب
شي سغافة وشي سياسة وشي فكر
واكتر كتب كان بيحبها كتب ناس لينين وماركس
وكت سعلتو العاجبك شنو فيها
قال لي ياخي ديل عندهم نضمي سمح سماحة
لكن فيهو حاجات اب بفهمها
قلت ليهو زي شنو ...؟
قال لي مرة لقيت كلمة حنطة ماعرفلها صرفا ولا عدلا
.......
المهم من جاي لي جاي اقطلو شوية نضمي الليل سغافة
وبقي قدر ما يجي مسعول في البلد يروح ناطي ليهو في حلقو
نواصل
|
|
  
|
|
|
|
ياسر بيناوي
فيس بوك
تويتر
انستقرام
يوتيوب
بنتيريست