حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 كيزان مابعد الحداثة...(الدباب هابرماس)
|
...عرض حال لكيزان الالفية الثالثة
الذين يجسدون قمة تآكل المشروع الحضارى
وبلوغه قمه سقوفه الأخلاقيةو التأريخية...
كيزان مابعد الحداثة مجموعة سرديات مقتبسة
من الواقع السودانى,,تكشف تناقضات سدنة المشروع
الإسلاموى على المستوى السلوكى والمعرفى والفكرى...
وبطل هذه السرديات (الدباب هابرماس) فى مزاوجة لفظية
ساخرة لكنها توصف الواقع(واقعهم) بتجريد صادق,,يرصد
مآلات كوادر الجبهة الإسلامية فى اللحظة الحضارية الراهنة
المهم....إلى سرديات المجاهد دودى أو الدباب هابرماس...
*ملحوظة
بطل هذه السرديات دودى(الدباب هابرماس)شخصية
حقيقية موجودة فى الجامعات السودانية.....
|
|
  
|
|
|
|
|
|
|
|
Re: كيزان مابعد الحداثة...(الدباب هابرماس) (Re: خالد خليل محمد بحر)
|
...كعادته لا يصحو باكرا هذا الدباب
فى ذلك اليوم وبعد أن إنتصفت الشمس فى
كبد السماء تماما,,حضرت والدته إلى غرفته
وهى تخاطبه:
الوالدة: يادودى ياولدى قوم صلى الصُبح شكلك الليلة ماصليتو حاضر
دودى: (وهو ينفض النعاس من عينيه بتكاسل) والله ياحاجة صليتو حاضر وكمان فى الصفوف
الأولى...
الوالدة: والله عافية منك يالهدى يالرضى
دودى: (يردد فى سره) والله الحاجة دى زولة طيبة خلاص هسى عليكم الله ناس سوسو ديل بخلو
الزول يصلى الصبح حاضر,,الواحدة تقطعو معاها فى الجامعة وتزلها تجى تتلصص عليك فى أحلامك
وتجيك فى أنصاص الليالى ذى الحرامية...
الوالدة: خلاص قوم أتسوك وأستحمى عشان تشرب الشاى وتمشى تحصل محاضراتك,,قوم ياعشايه الله يرضى عليك..
بعد أن خرجت الوالدة من الغرفة,,رفع دودى المخدة وإنتزع كيس التمباك وووضع سفة بعد أن دس أنفه
فى كيس التمباك وقال عبارته التى ظل يرددها عند كل صباح وبعد كل سفة صاعوت: والله لو ما عمك الدقيل* ده الواحد كان شوطن عديل كده,ماعارفين البلد كان ممكن الواحد يعيش فيها كيف لو ما التمباك ده....
وبعد داك قام إستحمى ولبس ليهو بنطلون جينز وتى شيرت (أدينى حٌقنة) ولم ينسى أن يتعطر, بيد أنه نسيى
أن يغير سرواله الداخلى (الملبك والملطخ بغزوة سوسو الليلية)..لم يتذكر ذلك إلا وهو يعبر من باب الجامعه,,وحينها ردد فى سِره(الأعمال بالنيات وأنا والله العظيم ماقاصد أجى الجامعة بسروال نجس) عندما إنتهى من التحاور مع نفسه,,كان ساعتها يقف أمام عمك محمد بتاع القهوة.....
| |
|
|
|
|
|
|
|
|
|
Re: كيزان مابعد الحداثة...(الدباب هابرماس) (Re: خالد خليل محمد بحر)
|
وهو يقف أمام عمك محمد بتاع القهوة قال:
دودى: ياعم محمد صباح الخير
عمك محمد: صباح النور يادودى
دودى:عليك الله أدينى جبنة مظبوطة كده,,عشان الواحد يقدر يشوت باقى اليوم ده برواقة
عمك محمد: يادودى كدى خلينى من الجبنة دحين أنت ليك شهر بتشرب منى وتزوق,تقول أنا الجبنة دى بدونى ليها مجان,,يادودى ياخ انا عندى عيال بربى فيهم..
دودى: ياعم محمد على الطلاق قاعد أنسى بس,,وإنت براك عارف انا مشغول قدر شنو,,لكن الليلة دى بديك القديم والجديد اها قصرت معاك...؟
عمك محمد: (فى سره) الود ده أمور الإحتيال دى أصلو مابخليها الله ينعلو ياخ...هاك أتسمم
دودى: تشكر ياعمنا والله يخليك لينا....
مع أخر رشفة من كباية القهوة,,لاحظ دودى إنو عمك محمد بتناقش ليهو ماشباب فى الباقى وما الباقى
طوالى إغتنم الفرصة وبقى مارق..
| |
|
|
|
|
|
|
|
|
|
Re: كيزان مابعد الحداثة...(الدباب هابرماس) (Re: Nasr)
|
...أها دودى (الدباب هابرماس) بعد ما إتخارج من عمك محمد بتاع
القهوه وركبو ماسورة جديدة لنج,,نظر لساعة الموبايل ووجدها تشير إلى
الساعة إتناشر,,,وقال: ياخ الزمن ده أصلو مابمشى هسى الساعة إتناشر والركن
بتاع النقاش المفروض أفكك فيهو الخطاب العلمانى الساعة إتنين,,فى تلك اللحظة
وقع نظره على مجموعة من الشباب وهم يتجمهرون أمام طربيزة البلياردو تكنش تنكش تنكش
مشى وعندما وصل قال: شباب حلوييين يومكم كيف...؟
الشباب: والله لحدى هسى تمام
دودى:طيب ياخ ماتدونى معاكم فرصة
الشباب: يادودى إلا تستنى الدور بتاعك,,فى كم نفر كده قِدامك
دودى: لا لا لا والله ماعندى طريقة أستنى بلعب لى شوتة شوتين كده وبتخارج لأنو عندى (تايم) مع الديدمونة
بتاعتى ,,,وطوالى راح إستلم العصاية....
المهم قعد ليهو ساعة كده وبقى مارق عشان يلاقى (توتا) الديدمونة بتاعتو فى مدرج تسعة
تنكش تنكش تنكش طلع السلم ودخل المدرج الخالى تماما من الطلبة,,ولقى (توتا) قاعده ومتمحنة فى إنتظارو....
دودى: كدى قومى خشى لأنى مشتاق ليك والله
توتا: لو ما خشيت ليك أخش لمنو...؟
بعد أن أدى كل طقوس السلام جلس بجوارها.....
توتا: شنو أمبارح بالليل بضرب ليك وتلفونك يدينى مشغول مشغول...!؟
دودى: الشبكة,,انت ماعارفة الشبكة الايامات دى عاملة كيف...المهم اها البرمجة قايمة الليلية
توتا: برمجة شنو يادوى...!؟
دودى: يابت موش متفقين إنو نمشى مشوار مع بعض نهاية اليوم,,عشان نشبع حاجاتنامع بعض...؟
توتا: والله يادودى انا خايفة.
دودى: خايفة من شنو...!؟ الترتيبات كلها تمام التمام
توتا: والله يادودى أصلو الحركات دى ماقاعده أعملها,,وانا لو ماحبيتك بصدق ماكنت عملتها معاك
دودى:(فى سره) البت ال.... داير تعمل لى فيها الشريف الرضى.
توتا: خلاص ماتزعل حنمشى..نهاية اليوم.
دودى: (وهو يبتسم) ايوا خليك زولة محتسبة وحربية,وخلى الخوف ده إنت بتحبى ليك زول دباب..حرم يأكل النار......
فى تلك اللحظة رن جرس تلفونه,,وبعدها قال لتوتا:
انا ماشى عندنا ركن نقاش بعد شوية عن تفكيك الخطاب العلمانى,,اها جاو جاو,,وأبقى تعالى أحضرى المد الإيمانى ده....تنكش تنكش تنكش نزل من السلم وإتجه صوب النشاط الذى من المفترض أن يقام فيه ركن نقاش
الطلاب الإسلاميين الوطنيين,,والذى سيكون فيه المتحدث الأساسى هو دودى(الدباب هابرماس).
| |
|
|
|
|
|
|
|
|
|
Re: كيزان مابعد الحداثة...(الدباب هابرماس) (Re: عيسي ابراهيم)
|
سلام يا بحر
وانا عند وعدى بالتواصل انشاء الله برغم المشغوليات القاهرة
طبعا مفردة دباب (وهى تعنى القهر والقمع) تتناقض مع مفردة (هابرماس ) لان الرجل يهتم اساسا بالحوار والاجماع فى جو معافى خالى من الارهاب الديتى وكل اشكال الارهاب ما خفى منه وما ظهر .. لا يعنى ذلك انه يتجاهل القيم واهميتها وذلك بشكل مباشر مثل ما فعل فلاسفة الحداثة العظام من امثال ماركس .. للرجل خطاب مهم اسمه خطاب الاخلاق discourse ethics سوف اتعرض له انشاء الله اذا ما توفر الوقت ..
لدى يا خالد ثلاثة مشاريع فكرية متصلة وهى ترجمة وتقديم لاعمال الرجل الثلاثة المهمة (دراسته فى الرى العام او المجال العام Public Sphere، ثم التواصل العقلانى الجزء الاول theory of Communicative action volume 1 ، نظرية التواصل العقلانى (الجزء الثانى )
اعتقد بان هذا العمل سيكون مهم جدا اذا تمت سودنته ( بسودنته اعنى الاستعانة بتجارب سودانية كامثلة لتوصيح المفاهيم العظيمة التى وردت فى هذا الاعمال الثلاثة ) .. اتمنى ان استطيع انجاز ذلك ونشره على اوسع نظاق
لك ولضيوفك التحايا
| |
|
|
|
|
|
|
|
|
|
Re: كيزان مابعد الحداثة...(الدباب هابرماس) (Re: طلعت الطيب)
|
الاستاذ/طلت
سلام وتحية وسعيد بمرورك
| Quote: طبعا مفردة دباب (وهى تعنى القهر والقمع) تتناقض مع مفردة (هابرماس ) لان الرجل يهتم اساسا بالحوار والاجماع فى جو معافى خالى من الارهاب الديتى وكل اشكال الارهاب ما خفى منه وما ظهر . |
والمزواجبة بين لفظة دباب وهابرماس هى مزاوجة ساخرة
لأنى الثيمة الأساسية من الحكاية هى إلقاء الضواء على التناقضات
السلوكية والمعرفية والفكرية لبعض المتأسلمين...ففى الوقت الذى
يحبرون الورق بالكتابات التى تدعوا للتأصيل والأسلامة تجدهم على المستوى
الشخصى يعيشون الحداثة بكل تفاصيلها,,وهو محض إستهبال وفهلوة منهم....
Quote:
لا يعنى ذلك انه يتجاهل القيم واهميتها وذلك بشكل مباشر مثل ما فعل فلاسفة الحداثة العظام من امثال ماركس .. للرجل خطاب مهم اسمه خطاب الاخلاق discourse ethics |
نعم لهابرماس خطاب قيمى مميز..ولكن الموضوع(موضوع البوست)هو محاولة ساخرة
اكثر من إنه تجريح لموقف هابرماس من الأخلاق...
Quote: لدى يا خالد ثلاثة مشاريع فكرية متصلة وهى ترجمة وتقديم لاعمال الرجل الثلاثة المهمة (دراسته فى الرى العام او المجال العام Public Sphere، ثم التواصل العقلانى الجزء الاول theory of Communicative action volume 1 ، نظرية التواصل العقلانى (الجزء الثانى )
اعتقد بان هذا العمل سيكون مهم جدا اذا تمت سودنته ( بسودنته اعنى الاستعانة بتجارب سودانية كامثلة لتوصيح المفاهيم العظيمة التى وردت فى هذا الاعمال الثلاثة ) .. اتمنى ان استطيع انجاز ذلك ونشره على اوسع نظاق
لك ولضيوفك التحايا |
فى ظنى أن المتبة السودانية تعانى من فقر واضح لمثل هذه الكتابات
وخاصة ان معظم المفكرين السودانيين ليس لديهم وقت لمثل هذه الكتابات
التى تحتاج لزمن وتأنى ومراجع...المهم أعتقد إنو واحد من مكاسب هذا البوست
هذا الخبر السعيد.................
| |
|
|
|
|
|
|
|
|
|
Re: كيزان مابعد الحداثة...(الدباب هابرماس) (Re: خالد خليل محمد بحر)
|
عزيزى خالد
لك تحياتى
لم انتقد البوست اطلاقا واعلم انها مزاوجة ساخرة منذ البداية
لكننى انتهز الفرصة لتوصيح ما قد يكون غائب عن البعض
دراسة هابرماس مثلا حول المجال العام ربما تعطى تفسير مقنع حول مسألة الصعود الاصولى
الدينى فى السودان تحديدا ولماذا كانت شعوبه هى الضحية
ربما توضح مثلا انتشار المساجد ليس من اجل نشر القيم السمحة انما من اجل تربية عقلية القطيع واكتمال عملية
اغتيال المجال العام (صحف ، مكاتب، اندية ، مؤسسات تعليمية الخ ) واستبداله بخطاب المساجد
ولذلك تصبح المساجد مجال الفعل السياسى بدلا عن القيم مما اخرج المجال العام من نطاق التجارب اليومية
الى اجماع نظرى ماضوى لا علاقة له بتجارب اليوم (الجنوب، دارفور ، المرأة الخ)
ربما توضح الدراسة مثلا كراهية منتسبى الاسلام السياسى لسودانيز اون لاين وشبيهاتها من اشكال المجال العام الذى
يستطيع خلق اجماع حقيقى يقوم على الحقائق والحوار وليس على التلقين من خلف المنبر يعتمد على قداسة المكان اكثر من
اعتماده على الموضوعية
-انها فرصة لتوضيح الاعمال الهامة لهذا العملاق
مع تقديرى لك ولفكرة البوست الساخرة
| |
|
|
|
|
|
|
| |
خالد خليل محمد بحر
Nasr
مازن عادل عبدالغني
محمد مكى محمد
بشير أحمد
باسط المكي
عيسي ابراهيم
طلعت الطيب
ذواليد سليمان مصطفى
فيس بوك
تويتر
انستقرام
يوتيوب
بنتيريست