|
|
 معقولة بس يا رجال يا سودانين؟
|
البوست دا لدرش الرجال قاطبة من الحتة الاسمها السودان
وسببوا قرفة قدر الليلة وباكر..
قل كم يوم اتصلت بنا اخت تريد ان تجد لها تدريب لمدة 6 اشهر
في ماليزيا..
ارسلت لها ايميلي طالبتها ان ترسل لي السيرة الذاتية
ورسالة المصلحة الباعثة.
بالفعل وصلني ايميل يحمل المطلوب لكن باللغة العربية
رديت عليها قلت ليها لو سمحتي ترجمي الاوراق الى اللغة الانجليزية
الى هنا الموضوع عادي ودائماالناس بترسل لينا اوراق بالعربي بنكلمها تترجم
لكن الما عادي
انه وصلني الرد
"الاف ورد" بالانجليزي مكتوبة كتابة صوتية غير متقيدة بالاملاء
طبعا اتخلعت جدا جدا كيف زول يرسل لزول كلام ذي دا في شغل رسمي
والزول دا امرأة..
كلمت الاخت بان هناك من رد على الايميل الذي ارسلته
بكلمة بذيئة..
وكان الرد منها كالاتي
Quote:
السلام عليكم ورحمة الله انا اسفة جدا جدا الرد ليك موظف فى الوزارة كلفته بارسال الاميل لاننى كنت فى اجازة ارجو ان تقبلى اعتزارى سارسل لكى المطلوب باذن الله وتقبلى تحياتى واسفى |
الموظف دا يا سادة شغال في وزارة الشؤون الاجتماعية في عهد التمكين
لا اخلاق لا معرفة لا احترام..
الموظف اسمه رمضان عيسي
رايكم شنو في الاخلاقيات العجيبة دي يا رجال؟
ولو في زول من ناس الحكومة عايزة اعرف وجهة نظرهم في سلوكيات
الموظف دا..
وللاخوات بالله شايفين الحاصل دا؟
|
|
 
|
|
|
|
|
|
|
 Re: معقولة بس يا رجال يا سودانين؟ (Re: د.نجاة محمود)
|
امشي يا بيان يا مستهبله
بقيتي الزول اسمه مهمش قولتي تقومي العالم عليه
Quote: الموظف اسمه رمضان عيسي
|
حسه لو اسمه كان هيثم
ولا حماده
كان بلعتيها وقلتي ولد مطرطش!(هههههههه)
يا زوله روقي المنقه
انتهت الاخلاق في ظل المشروع الحضاري.
وهانت عندك الدليل.
| |
|
|
|
|
|
|
|
|
Re: معقولة بس يا رجال يا سودانين؟ (Re: Tragie Mustafa)
|
إذا كان دباباً فأكيد لم يدرس لأنه كان في أحراش الجنوب يجاهد بسبيله في السبيل .
وإن كان مجاهداً فأكيد لم يفرغ حتى يفتح الله عليه بفك الخط ...تحمدي ربك أنه يحسن الكتابة وشيء من محو الأمية التقنية ..
غالب الإنتاج يا دكتورة ( حصاد الهشيم ) ..كما تكونوا يولى عليكم ...لا يتحمل الحكام وحدهم الرداءة فللمجتمع النصيب الأكبر في تزيين الفساد .
تحيات
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote: امشي يا بيان يا مستهبله
بقيتي الزول اسمه مهمش قولتي تقومي العالم عليه
Quote: الموظف اسمه رمضان عيسي
حسه لو اسمه كان هيثم
ولا حماده
كان بلعتيها وقلتي ولد مطرطش!(هههههههه)
يا زوله روقي المنقه
انتهت الاخلاق في ظل المشروع الحضاري.
وهانت عندك الدليل |
قرقررقر يا مطففة يعني عشان مهمش يشتم من طرف؟
تعرفي يا تراجي انت زولة مسكينة ساي
شايفة الدنيا من قد ابرة مهمش وغير مهمش...
لا يحق لهذا الرجل الموظف ان يكتب في رسالة رسمية شتائم
لو مهمش ولا مسنتر
نشوف ناس المشروع الحضاري وجهة نظرهم شنو..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote:
الموظف دا يا سادة شغال في وزارة الشؤون الاجتماعية في عهد التمكين
لا اخلاق لا معرفة لا احترام..
الموظف اسمه رمضان عيسي
رايكم شنو في الاخلاقيات العجيبة دي يا رجال؟ |
عادي جداً في عهد التمكين...لا اخلاق لا معرفه لا احترام
رأيي ان الرجل المحترم لا يكتب كلام بذيء الي اي انسان كان رجل ام امرأه......ادين مثل هذه الاخلاق
=====
ما كان تكتبي اسمو......اصبري لحدي ما يتم التأكد التام.......ومادايرين نحكها وينو الايميل واتاكدت كبف انو السيده صاحبه المعامله صادقه
بعدين ما يمكن يكون هكر او شخص اخر.....او او.......التريث فقط الي حين الاثبات ومقاضاته.....ومن ستر مؤمناً.
تحياتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: محمد زكريا)
|
سلامات يا محمد زكريا
ما هاكر دا موظف في حكومة صقر الجديان
والمراسلات الى الان جارية مع الاخت المعنية وهي
شخصية حقيقية ... قالت ان من ارسل الرسالة موظف
الرسالة مرسلة من بريد هذا الشخص بها السيرة الذاتية ورسالة الوزارة
شوف الدليل الصورة الفوق
شكرا للادانة..
وتعيش كثير تشوف كثير
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
| Quote: غالب الإنتاج يا دكتورة ( حصاد الهشيم ) ..كما تكونوا يولى عليكم ...لا يتحمل الحكام وحدهم الرداءة فللمجتمع النصيب الأكبر في تزيين الفساد . |
عليك نور يا الحلاوي..
انا بنت موظف ومن عائلة موظفين عشت من ولدوني الى ان تزوجت في حلة الموظفين
دائما ناس محترمين نوارات...ما اظن واحد يكتب في رسالة رسمية كلام ذي دا
عايزين نشوفوجهة نظر الناس في امثال هذا التافه..
اول ما تجي حكومة ديمقراطية يجب غسل وكنس الخدمة العامة
من اثارالتمكين
مع التحية
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
الحاجات دي بتحصللي دائمافي وقت
ناس بتشوف انه الناس في شنو والحسانية في شنو
سنة 1985 قدمت لمصلحة الثقافة
كتب نصار الله يطراه بالخير لا يوصى بتعينها لاكتظاظ المصلحة بالعنصر النسائي
حيث كانت هناك وظائف في مجلة الثقافة وقسم السينما
ولا يخفى على احد ان نصار قد اهرق حقي الدستوري في التعين بشهادتي
(جيد جدا) حيث يجب الا يفرق بين النساء والرجال في التوظيف لاسباب نوعية
اها لما عايزة اولعها نار
اي زول شاف انه السودان بحرق وانا بنظر وانه الناس في شنو والحسانية في شنو
كان ايام الانتفاضة التي ابليت فيها بلا حسنا
اها موضوع الرجل دا ما بخليه لو السودان عدم الراجل..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: محمد زكريا)
|
والله الشىء الذى لم استطع فهمه هو موقف الاخت تراجى من هذا الموضوع .. ياتراجى انا افهم انك عندك مواقف ضدية مع الحكومة القائمة ودا شىء يمكن النظر اليه بإعتبار حريتك الشخصية ولكن داير افهم ياتراجى هل تدافعى عن الباطل بس لأنو صدر من واحد اسمه يدل على عرق معين؟ يعنى بصريح العبارة لو اى واحد من جماعتك اللى بتقولى عليهم مهمشين عمل اى جريمة بتعتبرى انو دا شىء طبيعى لأنو من الهامش كما تقولين؟
انا قبل كدة تابعت واحد من المحسوبين عن ناس الهامش بتاعينك وقال كلام فاحش عن نساء الشمالية وانو رجالهم فحول وكلام من هذا القبيل ولدهشتى الشديدة انتى كنتى من المدافعين عن مثل هذا الانفلات ..
يا أخت تراجى ارجو ان توضحى هل انت ضد الحكومة ام ضد الناس العاديين خاصة اذا كانوا شماليين ..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: عابدون محمد عابدون)
|
Quote:
الرسالة مرسلة من بريد هذا الشخص بها السيرة الذاتية ورسالة الوزارة
شوف الدليل الصورة الفوق |
يعني بالاضافه لعدم الاخلاق ايضاً الغباء الكامل
===
ملاحظه من الصوره انه رمضان عيسي عاوز يتونس ...chat ...يكون عشان ما اشتغلتي بيهو قام سب ليك
| |
|
|
|
|
|
|
|
|
|
Re: معقولة بس يا رجال يا سودانين؟ (Re: عابدون محمد عابدون)
|
دكتورة نجاة:
Quote:
كلمت الاخت بان هناك من رد على الايميل الذي ارسلته
بكلمة بذيئة..
الموظف دا يا سادة شغال في وزارة الشؤون الاجتماعية في عهد التمكين
لا اخلاق لا معرفة لا احترام..
الموظف اسمه رمضان عيسي
|
هذا الموظف الصغير رمضان عيسي أكيد تعلم البذاءة من الموظف الكبير .. عمر حسن البشير ..
ليه ما فتحتي بوست في البذئ الكبير الذي علمهم السحر و البذاءة .. و هو يعتدي بلسانه علي كل نساء الغرب .. الغرباويات ...
كلهم مدانين ... من أصغر موظف في حكومة الفحشاء و المنكر الي أكبر واحد ...
و أنت مدانة أيضا .. لإنتقائيتك في فتح بوستات الإدانة ..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: mayada kamal)
|
المحترمه مياده كمال
Quote:
Quote:
رأيي ان الرجل المحترم لا يكتب كلام بذيء الي اي انسان كان رجل ام امرأه......ادين مثل هذه الاخلاق
|
!!!!!!!!!!!!!!!!!!!!!!!!!!!!!!!!!!!!!!!!
لم تقولون ما لا تفعلون |
نعم لست بمحترم ان وجدت لي كلمه واحده بذيئه في هذا المنبر ....اما اذا وجدت مني { اف ورد} فاوصفيني كما تشأئين......سبحان الله
يا د.نجاه ...................عليك الله سجلي عندك وشوفي المحرقاه روحوا والبفتش لي شقاهو منو؟ عشان تاني ما تلوميني................اللهم طولك ياروح
=====
الله يكون في العون
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
سلام يا نجاة ...
اثار انتباهي العنوان كوني من صنف الرجال بالاضافة الي سودانيتي ..
كيف تثق صديقتك في موظف وتعطيه عنوانها البريدي وهو يتصرف هكذا ؟؟؟
وزارة الشئون الاجتماعية وزارة سيادية لنظام الانقاذ كما تعلميين وكان علي راسها قياديين مهميين من الجبهة الاسلامية بطرفيها علي الحاج وعلي عثمان ...والان علي راسها امراة نافذه .. اي ان العنوان لو كان " يارجال ونساء الانقاذ " لعفيتينا من "خلعة الصباح"
مودتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: abubakr)
|
سلامات يا ابو بكر
الاخت ادت الورق للزول دا الموظف كما يبدوا تحتها ليرسل لي الارواق المطلوية
استخدم ايميله الخاص وحين طالبت المرسل ارسال الاوراق مترجمة
كان الرد العجيب دا...
عايزين نعرف سايكولوجية الرجل السوداني يا ابوبكر
اي راجل كوز ولا غيره..
مع المودة
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote: هذا الموظف الصغير رمضان عيسي أكيد تعلم البذاءة من الموظف الكبير .. عمر حسن البشير ..
ليه ما فتحتي بوست في البذئ الكبير الذي علمهم السحر و البذاءة .. و هو يعتدي بلسانه علي كل نساء الغرب .. الغرباويات ...
كلهم مدانين ... من أصغر موظف في حكومة الفحشاء و المنكر الي أكبر واحد ...
و أنت مدانة أيضا .. لإنتقائيتك في فتح بوستات الإدانة .. |
يا التلوث الضوضائي الموظف الصغير دا غلطان ان يكتب في مكاتبات رسمية كلام ذي
دا. واكيد الزول المنحط دا اختار يبقى كدا..
ما تقولي عمر البشير لولا ديالو
برضو عشان اسمو بتفتش ليه في الاعذار؟
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
معقولة يا دكتورة ونحن في العام 2010 ويا دوبكـ إكتشفتي إنو ممكن يكون في أخلاق زي دي وسط الموظفين في بلدنــا ؟؟
شكلكـ ما داومتي في وظيفة بالبلاد 
يا دكتورة لو نحكي كل آهاتنا فسيصل بنا ( القنع ) حد اللاشي من الأمل ، ( ده لو ما وصل بدون حكي ) !!!!
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
شكرا نجاه للتوضيح
Quote: عايزين نعرف سايكولوجية الرجل السوداني يا ابوبكر
اي راجل كوز ولا غيره.. |
اشارتي للوزارة والانقاذ لا تعني رجلا كوزا او غيره انما ادارة للبلاد والعباد وغياب للنظام مما ادي الي تسيب مع يقيني باننا مثلنا مثل شعوب الارض فينا طالح وفينا صالح ... هذا النظام الانقاذي يصر علي انه يقيم "الدولة الدينية" ويتحجج بها وهنا المشكلة ...؟؟اذا كان مثل هذا الموظف في اهم وزارات هذا النظام الانقاذي هو الناتج بعد قيام دولتهم الدينية باكثر من عقديين اذن فالامر ليس فس سايكلوجية الرجال السودانيين وانما في تخريب مقنن للدولة والنظام باسم الدين ؟؟
سايكلوجيبة الرجل او المراة السودانية هي نتاج عام مشترك لموروثات وتصرفات مجتمع وادارات وانظمة سياسية واقتصادية ....
مودتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: almulaomar)
|
سلامات يا ابو بكر
االزول المنحط دا اختار انه يكون منحط
دا خياروا الشخصي..
دا سلوك موظف يجب المحاسبة عليه اداريا واجتماعيا
حركة الانقاذ شنو والبتاع شنو
ما داخلة هنا
دا زول عرف ايميلي من زميلته الطلبته في خدمة يقدم الخدمة وخلاص
لكن هو ما بعرفني ما يشتمني بدون سبب
اختار انه يكون وسخ ومنحط..نشوف ما هي وجهة وزارته
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote: معقولة يا دكتورة ونحن في العام 2010 ويا دوبكـ إكتشفتي إنو ممكن يكون في أخلاق زي دي وسط الموظفين في بلدنــا ؟؟
شكلكـ ما داومتي في وظيفة بالبلاد
يا دكتورة لو نحكي كل آهاتنا فسيصل بنا ( القنع ) حد اللاشي من الأمل ، ( ده لو ما وصل بدون حكي ) !!!! |
تصدق يا عمران
ما قادرة اصدق انه موظف يكتب كلام ذي دا في مكاتبة رسمية...
معقولة بس؟؟!!!
انا عمري ما اشتغلت في السودان لكن ما بقدر اصدق انه الناس بقت كدا..
تعيش كثير تشوف كثير
| |
|
|
|
|
|
|
|
|
|
Re: معقولة بس يا رجال يا سودانين؟ (Re: abubakr)
|
أولا بالنسبة لكلام تراجي واضح يا جماعة إنها حبت تهزر مع أختها د. بيان و تلطف الجو... أي نعم هي مرات بتشتر الكلام لكن ظاهر جدا الموضموع هنا مجرد ممازحة.
بالنسبة لموضوع البوست يا د. بيان عندي إحساس كبير جدا إنه إيميل الزول دا اتهكر. الزول ممكن يكون سفيه لكن ما ممكن يمارس السفاهة دي من إيميلو بالوضوح دا. أنا شايف تتأكدي من الموضوع أول و لو بقى فعلا كتب الكلام دا يتم تصعيد الموضوع بصورة رسمية و ما بنعدم أولاد الحلال البحلوها معاهو بأسلوبو و بصورة غير رسمية.
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Elawad)
|
عايزين نعرف سايكولوجية الرجل السوداني يا ابوبكر
اي راجل كوز ولا غيره..
________________________________________________
من حقه يعمل اي شي ويقول اي شئ لانو راجل
(دي السايكولوجيه بتعتو )
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Dalal Ezzaldin)
|
سلامات يا دكتورة
دا صعلوق وقليل الأدب، وبي مقاييس الرجولة السودانية الأصيلة مافي رجل محترم ممكن يوجه كلمة زي دي لي امرأة، بس بعاتبك يا دكتورة انك شملتي كل الرجال السودانيين في زعلتك دي، هسع نحنا ذنبنا شنو تدخلينا مع الزول الصعلوق دا في حتة واحدة؟
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Mohammed Elhaj)
|
| Quote: بالنسبة لموضوع البوست يا د. بيان عندي إحساس كبير جدا إنه إيميل الزول دا اتهكر. الزول ممكن يكون سفيه لكن ما ممكن يمارس السفاهة دي من إيميلو بالوضوح دا. أنا شايف تتأكدي من الموضوع أول و لو بقى فعلا كتب الكلام دا يتم تصعيد الموضوع بصورة رسمية و ما بنعدم أولاد الحلال البحلوها معاهو بأسلوبو و بصورة غير رسمية. |
سلامات يا العوض
الزول دا ايملوا ما اتهكر وقد سالت الاخت عن انه ق وصل لي رد بذئ
وردت على ان من كتب ذلك زميلها
واعتذرت عن ذلك كما هو موضح...
يبقى بس فال اولاد الحلال ديل ياريت واحد يصعد الموضوع دا للست الوزيرة..
وليك التحية
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Mohammed Elhaj)
|
Quote: اول ما تجي حكومة ديمقراطية يجب غسل وكنس الخدمة العامة
من اثارالتمكين |
أها يا دكتورة إذا تحقق الشرط الأول ( عشم إبليس في الجنة ) فأكيد الشرط الثاني ( ناتج ) وفي هذه الحالة سيكون مجتمع مدني معافى ...والبذي ليس له وطن أو عنوان ( كل إناء بما فيه ينضح ) ..من الشمال أو أية جهة من الجهات الجغرافية .
بعدين
نحن نستهجن ونشجب وندين ونقف ضد أية موظف عام يستغل وظيفته العامة لإذلال الآخرين أو استفزازهم أو التلفظ بألفاظ نابية ...في دول متقدمة يترجل رجل المرور لخدمة المواطن !! وفي دول أخرى كدولتنا تسمع من رجل المرور ما يند له الجبين ..الشعب في خدمة الموظف العام .
سلمت
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote: سلامات يا دكتورة
دا صعلوق وقليل الأدب، وبي مقاييس الرجولة السودانية الأصيلة مافي رجل محترم ممكن يوجه كلمة زي دي لي امرأة، بس بعاتبك يا دكتورة انك شملتي كل الرجال السودانيين في زعلتك دي، هسع نحنا ذنبنا شنو تدخلينا مع الزول الصعلوق دا في حتة واحدة؟ |
يا محمد الزول دا البديه القرين الاخضر لفعل هذه الفعايل شنو؟
ما ياهو الحرية الشاملة للذكر في بلد صقر الجديان هي البتدي
الحق لزول قليل ادب ذي دا كتب باميلو الاصلي الكلام دا..
مفتكر بس ازعل واسكت ..
مودتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
تحياتي يا نجاة
بلا شك هذا السلوك مرفوض ومدان ، لكن التحرش بالنساء يحدث بصورة متكررة سواء كان داخل السايبر أو في باقي مناحي الحياة الأخرى ، وفي دواوين وأروقة الدولة المختلفة فحدث ولا حرج السلوك والأخلاق صفر كبير كثير من المتقدمات للوظائف قد يساومن وماخفي أعظم .. أرجو ألا اكون قد خرجت من لب الموضوع ولكن هذا واقعنا الذي لا مفر منه ..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: جعفر محي الدين)
|
Quote: الموظف دا يا سادة شغال في وزارة الشؤون الاجتماعية في عهد التمكين
لا اخلاق لا معرفة لا احترام..
الموظف اسمه رمضان عيسي
رايكم شنو في الاخلاقيات العجيبة دي يا رجال؟ |
شخصيا وبما عهدنا من تلفيق للأكاذيب وتبرير لكل جرائم الحكومه تقوم به الدكتوره (الناكره لشيخها) نجاه فأنني انظر لهذا الأمر كنوع من تسويق لذاتها لتذر الرماد في العيون خصوصا لمن لم يطلعوا على موقفها المخزي في تبرير حديث البشير عن نساء الغرب .
أنت لا تملكين حق (اخلاقي) لتديني هذا الأيميل (أن كان صحيحا) لأنك لم تمتلكي الجرأه لتديني ماتفوه به (رئيسك) و (رمز سيادتك) في حق نساء الغرب .
دي معركه في غير معترك ومحاوله رخيصه لأظهار البائسه نجاه محمود المدافعه عن القتل والأغتصاب كمدافع عن القيم والأخلاق .
عالم ما تختشيش
| |
|
|
|
|
|
|
|
|
|
Re: معقولة بس يا رجال يا سودانين؟ (Re: جعفر محي الدين)
|
| Quote: بلا شك هذا السلوك مرفوض ومدان ، لكن التحرش بالنساء يحدث بصورة متكررة سواء كان داخل السايبر أو في باقي مناحي الحياة الأخرى ، وفي دواوين وأروقة الدولة المختلفة فحدث ولا حرج السلوك والأخلاق صفر كبير كثير من المتقدمات للوظائف قد يساومن وماخفي أعظم .. أرجو ألا اكون قد خرجت من لب الموضوع ولكن هذا واقعنا الذي لا مفر منه |
..
سلامات يا اخي الكريم
تعرف دا الحاصل يا حليل زمن المامون على بنوت فريقو
لكن في طريقة لايقاف القيح دا بسن قوانين صارمة تنجضهم نجاض قبورة
مع المودة
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Dalal Ezzaldin)
|
Quote: من حقه يعمل اي شي ويقول اي شئ لانو راجل
(دي السايكولوجيه بتعتو ) |
ليس من حقه مطلقا وكونه ذكر او راجل لا يعطيه حقا ليس له..والركون الي ان ذلك من حقه او ان سايكلوجيته كذلك هو ازعان لفكر ذكوري ممعن اضر بكثير من المجتمعات وجعلها تعمل بكفاءة اقل من النصف او تصير مقعدة وهكذا فالمردود السلبي يصيب الرجل سواء بسواء ....
موقن بانك فقط تعبريين عما يدور في خلد بعض من الرجال في مجتمعاتناذات الارث الذكوري او ما يقومون به كانه حق مكتسب عنوة لكن هذا يجب ان يقاوم قولا وفعلا ...
| |
|
|
|
|
|
|
|
|
|
Re: معقولة بس يا رجال يا سودانين؟ (Re: abubakr)
|
.
يا نجاة يا أختي كيف حالك؟
إنت الزول السجم دة شفتيهو رجل سوداني و بس لييييه؟
هو عندي كوز من موظفي وزارة الكيزان في حكومة الكيزان!!
و سبب بذاءته هو فشل التنظيم في التربية..
و سبب إحباطه الشخصي هو مؤامرات التنظيم في منحه فرصة للثراء الحرام!!
دحين خلي الرجال (المساكيييين) ديل في حالهم..وش مستهبل..
و قولي في الكوز مالم يقله أو لعله قاله مالك في الخمر المحلي ..
تحياتي ليك
.
| |
|
|
|
|
|
|
|
|
|
Re: معقولة بس يا رجال يا سودانين؟ (Re: الطيب بشير)
|
لا لا
دي حالة صعبة يا نجاة
اجوز قايل الكلمة دي معناها
احبك ولا سلامات
ولا احتمال الراجل مجنون
لا بحب لغة الامريكان ..
ولا يهمك اخلاقو دي راجعة ليه
لكن بس الزولة دي كمان مريبة
كيف تقول لزوول اكتب لي اميل
خاصة انسان بالبذاءة دي ..
يلا الجاتك في اميلك سامحتك
النوعيةدي الحمد لله الواحد ما
بلاقيها كتير ،،
| |
|
|
|
|
|
|
|
|
|
Re: معقولة بس يا رجال يا سودانين؟ (Re: الطيب بشير)
|
Quote: يا نجاة يا أختي كيف حالك؟
إنت الزول السجم دة شفتيهو رجل سوداني و بس لييييه؟
هو عندي كوز من موظفي وزارة الكيزان في حكومة الكيزان!!
و سبب بذاءته هو فشل التنظيم في التربية..
و سبب إحباطه الشخصي هو مؤامرات التنظيم في منحه فرصة للثراء الحرام!!
دحين خلي الرجال (المساكيييين) ديل في حالهم..وش مستهبل..
و قولي في الكوز مالم يقله أو لعله قاله مالك في الخمر المحلي .. |
سلامات يا الطيب
مخروبة فوق وتحت يازول
السودان يحتضر..
لا يوج رجل مسكين ياخي (وش ما بتخيل في رجال مساكين)
بس لو عرفت البديهم قوة العين دي كنت ارتحت..
مودتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: abubakr)
|
د. نجاة
تحياتى
أولا ده ما راجل !
وهذا سلوك جبان ومرفوض !
ثانيا:
| Quote: السلام عليكم ورحمة الله انا اسفة جدا جدا الرد ليك موظف فى الوزارة كلفته بارسال الاميل لاننى كنت فى اجازة ارجو ان تقبلى اعتزارى سارسل لكى المطلوب باذن الله وتقبلى تحياتى واسفى |
أول مرة أسمع إنو الواحد عشان يرسل إيميل لازم يكون فى الخدمة أو فى الدوام يعنى !!
هل تمنع الإجازة إرسال الإيميلات !
فى كل ركن من أحياء السودان يوجد إنترنيت كافى أو مكان لإستخدام الإنترنيت وترجمة كمان !!
ده لو ما كان فى كل بيت إنترنيت وكمبيوتر ثابت ولاب توب !
عذر صديقتك واهن !
وإختيارها لهذا الموظف فيه عدم توفيق لو أحسنا الظن بها !
ويجب عليها إتخاذ إجراءات قانونية ضد هذا الموظف وإن لم تفعل ..
وجب عليك إنت أيضا إتخاذ إجراءت ضدها لتمرير إيميلك لشخص غير محترم دون إذن منك وتساهلها معه !!
ولك التحية والإحترام !
| |
|
|
|
|
|
|
|
|
|
Re: معقولة بس يا رجال يا سودانين؟ (Re: Dalal Ezzaldin)
|
سلامات يا دكتورة
دا صعلوق وقليل الأدب، وبي مقاييس الرجولة السودانية الأصيلة مافي رجل محترم ممكن يوجه كلمة زي دي لي امرأة، بس بعاتبك يا دكتورة انك شملتي كل الرجال السودانيين في زعلتك دي، هسع نحنا ذنبنا شنو تدخلينا مع الزول الصعلوق دا في حتة واحدة؟
| |
|
|
|
|
|
|
|
|
 Re: معقولة بس يا رجال يا سودانين؟ (Re: عمر صديق)
|
Quote: سلامات يا العوض
الزول دا ايملوا ما اتهكر وقد سالت الاخت عن انه ق وصل لي رد بذئ
وردت على ان من كتب ذلك زميلها
واعتذرت عن ذلك كما هو موضح...
يبقى بس فال اولاد الحلال ديل ياريت واحد يصعد الموضوع دا للست الوزيرة..
وليك التحية |
والله يا دكتورة إذا اتأكد إنه الزول الكتب الكلام دا فعلا موظف نبقى بالجد حنكون محتاجين لقاموس جديد لأنه كلمات زي صعلوق و قليل أدب و منحط و أمثالها ما بتكفي لوصف الزول دا. البتذكرو عن السودان (أو في الحقيقة البلد الكان اسمه السودان) إنه الصعاليق ديل ما ممكن يرفعو عينهم على واحدة بعرفوها أو بتعرفهم أو حتى بتعرف زول بعرفهم و كانوا بقطعوا الفيافي عشان يشاغلوا البنات في حتات متأكدين مافي فيها واحدة عندهم بيها أي صلة. غايتو زي ما قلت الموضوع لازم يتصعد بصورة رسمية و دا ما بغني من الصورة التانية الأنا قاصد بيها طريقة أولاد الحلة الزمان ديك لمن زول يقل أدبه على واحدة من سيدات الحلة أو بناتها.... بقت عندي قناعة لغاية ما البلد دي يكون فيها قوانين رادعة و قضاء عادل مافي حل غير الناس تحسم بعض أمورها بيدها و دا شي مؤسف جدا.
| |
|
|
|
|
|
|
|
|
 Re: معقولة بس يا رجال يا سودانين؟ (Re: Elawad)
|
أصعب حاجة يا دكتورة ان الزول يكتب في حالة انعفال
زي ما تابعت في البوست بأكد على كلام أي زول قال ان التعميم هنا مخل
السلوك دا موجود في كل الدنيا في الصالح والطالح وكمان الزول دا من وراء الشاشة ممكن يقول اي شي طالما التربية والوازع الديني مافي
لكن كمان الادانه تكون لسلوك الشخص المعني فقط
بعدين انتي شكلك اسفزيته او حس بنبرة استعلاء في طلب لترجمة الاوراق ( وش بهزر ما اكتر)
الزول دا سلوكه ما تمام وانا معاك في انك تتخذي معاه الاجراءات اللازمة عشان يتعلم يتعامل مع الناس باخلاق
| |
|
|
|
|
|
|
|
|
|
Re: معقولة بس يا رجال يا سودانين؟ (Re: وجن)
|
سلامات يا وجن
انا مازعلانة ولا اي اي حاجة عايزة اعرف فقط السلوكيات العجيبة دي شنو غند الرجال...
البدي راجل الحق قدر دا شنو؟
| Quote: بعدين انتي شكلك اسفزيته او حس بنبرة استعلاء في طلب لترجمة الاوراق ( وش بهزر ما اكتر) |
انا ما استفزيتو ردينا* ليه رد عادي جدا
بينكتب لاي زول يرسل لينا ورق بالعربي . شغالة لي 6 سنة في الحاجة دي
ما حصل جاتني رسالة الا دي.ولا في زول قال استفيتزوا..
_______
الايميل دا بتفتحوا مساعدتنا وهي ابنة شريكتي عشان تطلع المرفقات شوفتي كميةالحرج
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
ألاخت المكرمة/ د.نجاة محمود ,,,
هذا عهد الانحطاط في كل شيئ ,,,
Quote: اول ما تجي حكومة ديمقراطية يجب غسل وكنس الخدمة العامة
من اثارالتمكين |
الا ان الفجر قريب ,,,
تحياتي ,,,
| |
|
|
|
|
|
|
|
|
|
Re: معقولة بس يا رجال يا سودانين؟ (Re: عمر صديق)
|
| Quote: هذا السلوك القبيح لا يعبر عن كل السودانيين وهو لايرتبط الا بصاحبه الذي اوضح تدني مستوي اخلاقه |
يا عمر صديق انت صحافي ومؤتمر وطني
الزول دا من نتائج ممارسة التمكين حقت حكومتكم
ممكن تساعدنا لايصاال صوتنا للوزيرة؟
| |
|
|
|
|
|
|
|
|
|
Re: معقولة بس يا رجال يا سودانين؟ (Re: صديق مهدى على)
|
| Quote: والله يا دكتورة إذا اتأكد إنه الزول الكتب الكلام دا فعلا موظف نبقى بالجد حنكون محتاجين لقاموس جديد لأنه كلمات زي صعلوق و قليل أدب و منحط و أمثالها ما بتكفي لوصف الزول دا. البتذكرو عن السودان (أو في الحقيقة البلد الكان اسمه السودان) إنه الصعاليق ديل ما ممكن يرفعو عينهم على واحدة بعرفوها أو بتعرفهم أو حتى بتعرف زول بعرفهم و كانوا بقطعوا الفيافي عشان يشاغلوا البنات في حتات متأكدين مافي فيها واحدة عندهم بيها أي صلة. غايتو زي ما قلت الموضوع لازم يتصعد بصورة رسمية و دا ما بغني من الصورة التانية الأنا قاصد بيها طريقة أولاد الحلة الزمان ديك لمن زول يقل أدبه على واحدة من سيدات الحلة أو بناتها.... بقت عندي قناعة لغاية ما البلد دي يكون فيها قوانين رادعة و قضاء عادل مافي حل غير الناس تحسم بعض أمورها بيدها و دا شي مؤسف جدا. |
موش بالله؟
تعرف المشكلة الزول دا اسع بفتكر عمل حاجة كويسة
ةتأكد اسع اشتكيه مستعد يجي يحلف في المصحف ويقول دا ما هو..
البلد يا العوض انتهت الخدمة المدنية انتهت
وماتت اسطورة المأمون على بنوت فريقه مدرج العاطلات
باذن الله ان ما بخليه كلو كلو لمانشوف موضوع الموظفين ديل شنو؟
وليك المودة الدائمة المقيمة
| |
|
|
|
|
|
|
|
|
|
Re: معقولة بس يا رجال يا سودانين؟ (Re: هشام هباني)
|
الاخت الفاضلة الدكتورة نجاة
لك التحية
أعتقد ان الاخلاق التى اوصت بها كافة الدينات السماوية و التى تقرها و تنادى بها كافة
النظم الاجتماعية لم تعد لها وجود بين كثير من ابناء و بنات السودان ...
سمعت بام أذنى ما يندى له الجبن بذاءة و قبح فى الكلام من من اناس فى مراكز كبيرة فى السودان
و بالامس القريب طالعنا المعهتوه المسمى الترابى بحديث بذئى و دنى نقله عن شخص لا أخلاق له
و ...
و الله يا أختى الفاضلة و صلنى ايميل يحمل كلاما مثل الذى ارسل اليك بسبب مقال لى نشرته
من قارئ سودانى جبان لا أخلاق له ...
مثل هذه الرسائل صارت عادية .... !!!!!
و اصبحت سمة الكثيرين اللا اخلاق و الا قيم فى السودان ....!!!!
| |
|
|
|
|
|
|
|
|
|
Re: معقولة بس يا رجال يا سودانين؟ (Re: الطيب رحمه قريمان)
|
| Quote: دا صعلوق وقليل الأدب، وبي مقاييس الرجولة السودانية الأصيلة مافي رجل محترم ممكن يوجه كلمة زي دي لي امرأة، بس بعاتبك يا دكتورة انك شملتي كل الرجال السودانيين في زعلتك دي، هسع نحنا ذنبنا شنو تدخلينا مع الزول الصعلوق دا في حتة واحدة؟ |
يا محمد موش شاملة الرجال كلهم
لكن بسأل عن الحقوق الكثيرة البتخلي راجل يكتب كلام ذي دا
في مراسلة عمل..
بس مستغربة والله
مودتي
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
Quote: و الله يا أختى الفاضلة و صلنى ايميل يحمل كلاما مثل الذى ارسل اليك بسبب مقال لى نشرته
من قارئ سودانى جبان لا أخلاق له ...
مثل هذه الرسائل صارت عادية .... !!!!! |
اخي الكريم
طوالي مثل هذه الرسائل لا يذهب يوم دون ان تصلني رسالة من زول زعلان
لكن الزعلني في دي انه دا موظف دولة بكتب باسمو في مكاتبات رسمية
قال كلام قلة ادب بدون سبب ظاهر..
| |
|
|
|
|
|
|
|
|
 Re: معقولة بس يا رجال يا سودانين؟ (Re: د.نجاة محمود)
|
د/ نجـاة والمتداخلين
أولاً: تسجيل إدانة لهذا السلوك غير السوي وغير المحترم.
ثانياً: الزول ده ممكن يكون نتاج إفرازات التعليم الكمي الخلق (كمية) من الخريجين بدون أي فهم ويكون قال الكلمه دي بفهم غلط.
كلامي ده مع استحضار قصة حكاها لي أخوي عمر عضو المنبر ده ممكن يكون عذر للزول ده،،،
عمر اخوي قال أول ماكانوا برالمة في الجامعة وطبعا كل واحد بيحاول يقشر بكم حاجة بيتميز بيها عن التانيين وخاصة لما يكون في جنس آخر موجود.
المهم هم كانوا شله بيتناقشوا نقاش جاد بين طلبة جامعة محترمين في موضوع مهم، قام واحد منهم (شليق) اختلف مع واحدة من البنات في وجهة نظر، قام قال ليها كلمة زولك دي ذاااااتها.
أها الجماعة بقوا في مضايرات وحرج لغاية ما رجعوا الداخلية وصاحبهم ولا على بالو. أها لما دوروا ليك فيهو شكل قال ليهم:((الكلمة دي مافيها أي شي وانا بستخدمها عادي وهي معناها (تباً لك) حسب ماقاعد أقراها في ترجمة الأفلام الأجنبية)).
يكون زولك ده قال ليك: تباً لك لأنك تعبتيهو وطلبتي منه الترجمة.
تبــاً لأنيس عبيد ولمن دمر التعليم في وطني
| |
|
|
|
|
|
|
|
|
|
Re: معقولة بس يا رجال يا سودانين؟ (Re: ياسر عبدالعزيز الطيب)
|
ياشباب ما ملاحظين الموضوع مشى لمناحى تانيه . يعنى لو قدرنا نحصر النقاش وبناءا على ما اثارته الدكتوره فى شكل المضايقات البتلقاها المرأه العامله من الرجل فى مكان العمل ومعرفة الجذور الاجتماعيه والثقافيه للحكايه دى ووضع الحلول ليها بكون احسن . لانه مثلا فى الغرب القانون صارم جدا فى قضايا التحرش الجنسى فى حين عندنا الموضوع بتاع( ستر مؤمنا) ده مدور شديد طبعا فى حالة الدكتوره الموضوع مختلف ومعقد والتحقق منه صعب لكنه ما بطلع من اطار المضايقات اللى بتتعرض ليها المرأه فى المجتمعات التقليديه وتقليديه دى يا جماعه هى اسم الدلع لمتخلفه او هكذا اردت.
اما عن موضوع علاقة الكيزان بالوضوع ده فدى قويه. الجماعه ديل مسئولين عن بلاوى الدنيا فى السودان لكن عندنا مشاكل قديمه ومتجذره ولابد من مواجهتها وبشجاعه مثلا قضايا التحرش والاعتداء على الاطفال. قضايا الاعتصاب وزنا المحارم .قضية الشذوذ بين الذكور والاناث وانتشار المخدرات فى مدارسنا وجامعاتنا. اين علماء الاجتماع ولماذا هذا الاسترخاء ام انه جزء من الاسترخاء الذى عرفت به الصفوه السودانيه وهو فعل اقرب الى الخيانه . الدكتوره روت لنا حادثه شخصيه لكنها ان لم تشحذ عقولنا ولم تستفز العلماء والمتخصصين فعلى البلاد السلام.
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.محمد بابكر)
|
| Quote: روت لنا حادثه شخصيه لكنها ان لم تشحذ عقولنا ولم تستفز العلماء والمتخصصين فعلى البلاد السلام. |
العلماء ديل منو؟
ما نحنااسع بنتلكم عن الظاهرة دي واي ززول بكتب في وجهة نظره..
بالنسبة لي انا عايزة اشوف السبب البخلي راجل مابعرفو في رسالة رسمية يكتب لي كدا..
| |
|
|
|
|
|
|
|
|
|
Re: معقولة بس يا رجال يا سودانين؟ (Re: د.نجاة محمود)
|
الاخــت الكريمة نجــاة ...
سؤال :
هل قبلتـى الاعتـذار مــن الموظفــة ؟
لماذا قمتــى بنسبــة هــذا الرجـل الى ( البرنامج الفكرى للمؤتمر الوطنـــى ) ؟
هــل علمتـى ان المذكور من المنتمين الى المؤتمر الوطنــى ؟
بعــد داك مــا هــو المطلــوب بالضبـــط ( غير الحوار / النقاش ) ؟
الاجراء المطلوب ( ادارى / قانونـى / جوديــه / ... ) ؟
| |
|
|
|
|
|
|
| |
Tragie Mustafa
قاسم المهداوى
عبدالرحمن الحلاوي
محمد زكريا
عابدون محمد عابدون
Mohamed Suleiman
mayada kamal
abubakr
عمران حسن صالح
almulaomar
Elawad
Dalal Ezzaldin
Mohammed Elhaj
Abdelrahim Elamin
جعفر محي الدين
مجدى محمد مصطفى
الطيب بشير
عشة بت فاطنة
صلاح أبودية
عمر صديق
وجن
Haytham Mansour
صديق مهدى على
هشام هباني
الطيب رحمه قريمان
ياسر عبدالعزيز الطيب
د.محمد بابكر
بدر الدين اسحاق احمد
فيس بوك
تويتر
انستقرام
يوتيوب
بنتيريست