|
Re: الـوطــن ضـد الـحـريــة (Re: محمد سنى دفع الله)
|
كان القانون الذي ينظم الأسماء والإعلانات في السودان
يمنع استخدام الأسماء الدينية
وأظن ذلك سليما في كل ما يهدف للربح أو التنافس
يعني لا يستقيم أن تقول
سقوط حزب الله في الإنتخابات
أو
محاكمة فساد البنك الإسلامي
أو
هزيمة فريق الصحابة
لكن الكتابة جميلة
من راسك ياسني
وللا من كراسك
مع خالص الود
الباقر موسى
| |
|
|
|
|
|
|
Re: الـوطــن ضـد الـحـريــة (Re: محمد سنى دفع الله)
|
اخوي طارق ميرعني لك المودة والأشواق قلت لي :يا سني من شدة الاسماء عندنا مامجوبكه
كبريتنا الورده
وريحتنا الصاروخ قلت كلامك لي امير جنكيز قال لي لازم تجيب صاحبك ده لينا عند الشاطئ اها انبسط يا عزيز ايامنا حيكون ليك سهرة مع جنكيز
| |
|
|
|
|
|
|
Re: الـوطــن ضـد الـحـريــة (Re: محمد سنى دفع الله)
|
كلامك زين يا ابو الفن التشكيلي اخوي الباقر موسى ليك وحشةالسنين كان القانون الذي ينظم الأسماء والإعلانات في السودان
يمنع استخدام الأسماء الدينية
وأظن ذلك سليما في كل ما يهدف للربح أو التنافس
يعني لا يستقيم أن تقول
سقوط حزب الله في الإنتخابات
أو
محاكمة فساد البنك الإسلامي
أو
هزيمة فريق الصحابة
لكن الكتابة جميلة
من راسك ياسني
وللا من كراسك من كراسي مع خالص الود
| |
|
|
|
|
|
|
Re: الـوطــن ضـد الـحـريــة (Re: محمد سنى دفع الله)
|
سنى صحبى فى يوم من ايام سنة 2005 لقيت فى اعلان عن ندوة فى دار الحزب الاتحادى الديمقراطى قمت مشيت للمكتب او الدار بتاع الحزب الاتحادى الديمقراطى قمت ما لقيت الندوة فى الدار ، قال الغفير ـ دى فى الدار التانية "بالمناسبة كان صديقى الراحل الجميل نجم الدين نصر الدين المحامى " لمن يجينى عشان نمشى دار السودانيين فى ايوا بقول عليها "الدار الاخرة " قمنا مشينا كان معاى "حسن السمح" ولد المعهد والمسرح بعد داك لقينا ليك ناس تانيين خالس ما ناسى البعرفهم من القاهرة ولا فى السودان حتى ـ يا اخ بنسال عن ندوة فى دار الحزب الاتحادى الديمقراطى ـ هنا دا الندوة .. ـ طيب وين ناس فلان وعلان ؟ قال ـ لا ديل فى الحزب التانى ـ اجى ـ لا ماتجى طبعا الحزب بقى عنده كم اسم تحت اسم الاتحادى كنت الوكت داك شغالة فى جريدة الخرطوم وعارفة انه ناس الخرطوم معظم طاقمها اتحادى سالت الباقر فما رد على الا اجابة مبهمة كدا معناها "ياخ حلى عن سماى " طيب اسال منو ؟ سكت ولقيت ليك انه الحزب بقى احزاب يا سنى وكل الاحزاب بقت كيمان متذكر ياسنى لمن عملنا الحزب الجمالى ؟ ياخ تعال نعمله جد جد ونوثقه ونرشح لينا زول ياخ لزوم الجكس النضيف والحياة المافيها تعقيدات نرجع الريفيرا زى زمان وحديقة الموردة ويجونا الكوفنجية بالشنط المعلقة والجكس يتطاقش والمعهد يعلن عن بداية الحفلات للتخريج ويجو جماعة سوزى ونحنا ندقدق الخشب للديكور وعم احمد والترزية واقفين الف احمر ناس كرم والمسرح زاتو يكون فرحان والبورد والامتحانات الشباب مكسر فى المعهد من الصباح ناس كلية الفنون والمعهد روح واحدة فى جسدين تقوم تجى جماعة تجاوز والشعر ينداح محمد مدنى وعادل عبدالرحمن والقدال قول للزمان يا سنى
| |
|
|
|
|
|
|
Re: الـوطــن ضـد الـحـريــة (Re: سلمى الشيخ سلامة)
|
Quote: ـ لا ديل فى الحزب التانى ـ اجى
|
دراما سنية وسلمية وحديث عجيب خلاص..
وبجيك يا السني وبرواقة لحكاية الشترة والاصرار علي الاحادية في التسمية وضرورة نقلها من جغرافيا لجغرافيا وكماهي..
ياخ ديل ممكن يسمو فنان في كوستي وبغني علي طريقة حيدر بورتسودان
حيدر بورتسودان كوستي
| |
|
|
|
|
|
|
Re: الـوطــن ضـد الـحـريــة (Re: مامون أحمد إبراهيم)
|
والكمراتا
وإرهاص
والسديم
و"الجمالية الرعوية"
(كدا بس ما تشرحوا لأي زول)
ونواصل السربعة مع الأسماء
بداها زمان عزالدين بكاريكاتير "الجنسية قبل الجواز!؟"
و لاحظ ناس الخرطوم أنو كبري "الحرية" بودي "السجانة"
الباقر
| |
|
|
|
|
|
|
Re: الـوطــن ضـد الـحـريــة (Re: Elbagir Osman)
|
Quote: والكمراتا
وإرهاص
والسديم
و"الجمالية الرعوية" |
تعرف يا باقر لقيت ليك القصة بتاعة الكوفنجية دى والى اخر التسميات ما وقفا علينا برانا لقيتا فى مصر ، فى اليونان ، فى امريكا هنا صحيح الاسماء بتختلف بطبيعة الحال لكن الفكرة واحدة الشنط "الخرتايات "والبناطلين الوسخانة والتفف الما منسقة معليش ياسنى سرحت فى البوست لكن واجعانى حاجات كتار دايرة اتخلص منها خاصة يوم السبت فى وسط البلدتلاقى الجماعة الهيبز ديل ماليين المكان غنا وموسيقى ومعارض وعالم عجيب عشان ما يقولو اننا برانا الوسخانين بعدين ما قلت لى رايك فى الحزب الجمالى ؟
| |
|
|
|
|
|
|
Re: الـوطــن ضـد الـحـريــة (Re: مامون أحمد إبراهيم)
|
ـ هنا دا الندوة .. ـ طيب وين ناس فلان وعلان ؟ قال ـ لا ديل فى الحزب التانى ـ اجى ـ لا ماتجى طبعا الحزب بقى عنده كم اسم تحت نفس الاسم بعدين يا سلمى الاسامي لمن ترصيها وتقوليها بسرعة بتجيك حالة بتاعة ضحك جنوني ربنا يسلمنا من الجنون وخاصة جنون العظمة لانو واضحانو حكاية كل زول يعمل حزب دي مربوطة بالشخصنة وليست المبادئ تقبلي سلام جنكيز
| |
|
|
|
|
|
|
Re: الـوطــن ضـد الـحـريــة (Re: محمد سنى دفع الله)
|
ابو الريش قلت لي في كم حزب 3؟؟ انت ماطيب ولا عقلك ما حلو ؟؟؟ سلام استاذ السنى..
اليوم العمل ضـد الوطن.
يا السنى فعلا فى 3 أحزاب فى الســودان، بالإضافـة لأحزاب الإستثمار..
وأحزاب أحفظ مالك... ده كلامك 3 احزاب يازول بي جدك كده اذكروم لي !!!!
| |
|
|
|
|
|
|
Re: الـوطــن ضـد الـحـريــة (Re: محمد سنى دفع الله)
|
العزيز السني:
الكتابة غواية. تجرفنا أحيانا إليها عبر روح سحرية غامضة. أتحين من وقتها العودة بمزاج صاف لهذا البوست الجميل. لكنني على بعد أيام قليلة من مغادرة كندا نهائيا وسط تفصيلات جمة كثيرة. ومع ذلك، لا تزال موضوعة الوطن والحرية تشغل حيزا كبيرا من دماغي. لكأن المواطن بِن يستأجر غرفة للحياكة هناك على بابها كُتبت هذه العبارة: (حيث لا حرية فهناك وطني). كن بألف خير.
| |
|
|
|
|
|
|
Re: الـوطــن ضـد الـحـريــة (Re: عبد الحميد البرنس)
|
Quote: ده كلامك 3 احزاب يازول بي جدك كده اذكروم لي !!!! |
باللاى استازنا السنى خلينا فى الجد..
دحين بدل تتفنن لينا هنا فى الخليج انا أوريك طريقـة تعمل قروش كتيرة بدون مجهود يزكر.
تعمل حزب، ودا بالنسبـة ليك أبدا ما شيتا صعب.. أضمن ليك ناس الدوحة ديل براهم توقيعاتهم
تعديك النصاب القانونى.. بعد داك تمشى تتضـرع فى الســودان، وتلبس ليك جلابيـة سكروتة
وجيبوها منفوخـة إن شـاء الله جرايـد. تخت واحد فى كل مدينة ومنطقـة يكون متحدث لبق وبارع
وفى كل مناسبـة بكا والله فرح يرمى ليك إسـم الحزب التشكيلى وشعاره (تشكيل السـودان من جديد)،
وتكلم بكرى أصلو ما يرد ليك طلب.. (معؤولة دى!) تخليه يدى الشبيبـة باسويردات، ياخى إنت قاعد فوق كنز ماك عارفو..
وبس...
بعد اسبوعين واللا كدا تتصل بالمؤتمـر الوطنى، وأوع تدقس تقترح عليهم سعـر، كل ما تتخيل هم حيدوك أكتر
منو وكمان حيشكروك على توحيـد كلمة الســودانيين.. تطبق مخلايتك وتراجع الكفيل هنا، وجماعتك هناك يتصرفوا..
يللا أديناك السـر.. أسـرع وبرصـة احزاب الإستثمار دى بعد الإنتخابات سوقهـا حيقع واطاة.
| |
|
|
|
|
|
|
Re: الـوطــن ضـد الـحـريــة (Re: Abureesh)
|
حاولنا نقوم بتطبيق فكرتك وكان الواحد عايز يشوف هل عندو معجبين ولا لا؟؟ لكن صاحبك ( امير جنكيز ) قال لي مافي طريقة يا خي ديل سموا اي اسم ممكن تطلقوا على حزب ممكن تلقاهو في السودان تخيل قلت ليهو ايه رايك في الحزب الشراني الاديمقراطي واختصاروا شر قال لي فكرت فيهو سلمى الشيخ شوفت كيف ؟؟ لكن بحاول اقنعوا ونعمل حزب
| |
|
|
|
|
|
|
|