من فتره وأنا في خاطري كتابة البوست ده عن بنات البورد لأني مبهوره بيهم شديد ..
بالجد بنات يسدوا عين الشمس ..
من الكتابه في البورد حبيتهم وحبيت النقاش معاهم ومواضيعهم المتميزه, مرات بحس بيهم بيضيعوا وسط زحمة المشاكل في البورد والشتيمه والنقاش الحار, لكن ظني بيخيب لما أشوفهم في بوستاتهم بينجّضوا مواضيعهم تمام, وأسلوبهم كلو رقه ولطافه .. وقوه وشراسه كمان اذا لزم الأمر ..
لما صاحبتهم في الفيس بوك قربت منّهم وشفت صور جميله للماشفتهم منّهم,
قابلت بعضهم واحتكيت بيهم وبتمني ألاقي الباقين في أقرب فرصه ..
في البوست ده عايزه أسجل أعجاب غير محدود بيكم يابنات..
سمحات خلقه وأخلاق,
ذوق ولطافه واهتمام بالأصحاب,
واعيات ومتفتحات ومحتّكات حقيقي بالدنيا,
مثقفات بكل اللي بيهّم صحتكم وأسركم ووطنكم,
نشيطات في التفاعل مع قضايانا والتعبير عنها..
ستات بيوت من الطراز الفريد ..
طبّاخات وبوست مريم بت الحسين يشهد ..
ناجحات في حياتكم العمليه ومقبلات علي الحياه بقلب قوي ..
ماعندكم فكره قدر شنو معجبه بيكم, وسعيده بمعرفتكم, حقيقي البورد لامّي مجموعه من البنات المتميزات جدا, واللي صعب الواحده تقابل بنات غير تقليديات زيّهم في الحقيقه ..
مريم بت الحسين .. سناء خالد .. دانيه المكي .. اقبال المرضي .. سمارت .. دلال عز الدين .. سناء جعفر .. الداليتين .. نجوان (رغم اختلافي معاها لكن بحبها ومعجبه بيها) :) حنين .. ساره علي .. انعام حيموره .. انعام حفيظ .. فاديه اليمني .. وجن .. د. مريم .. وبت الهنا .. وبت قضيم ..
يا سلام عليك انتي يا امانى يا عسل ياراقية ورزينه .. دائما الانسان الجميل بشوف وين بكمن الجمال .. وعيونه غير الجما ما بتشوف .. ولانك انتي الجمال .. كنتي هنا ..
انا مع ديييييييل :-
Quote: وكللللل البقيه ..
02-10-2010, 09:03 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
لكن ما قدرت .. محبتي ليهم بتخليني أكتب أسامي, ولسه حأكتب أسامي كتيره ..
عفاف الصادق .. البت الواعيه ملاذ حسين خوجلي .. ناديه عثمان .. غاده خالد .. هاله حسن حبيبتي .. وبقية فطاحلة البورد اشراقه مصطفي و سميه الحسن .. د. ناهد محمد الحسن .. . سلمي الشيخ .. ولسسسسسسه في أسامي وأسامي ...
لبنات كل واحده منهم ليها نكهتها وبتتحبه بطريقه مختلفه :)
02-10-2010, 09:49 AM
عفاف الصادق بابكر عفاف الصادق بابكر
تاريخ التسجيل: 08-10-2009
مجموع المشاركات: 4188
شكرا علي مرورك الكريم .. ومشاركتي محبتي لبنات البورد ..
Quote: دا السبب الخلانا نقيف معاكم ونحامى ليكم كمان لمن شتمكم (راغب علآمة ) ..
والله في دي ماليك حق ... راغب علامه ده منو عشان يشتمنا ؟ الزول ده هو المحتاج لمن يحامي ليهو ويدافع عنه , نحن بناتنا جمالهن ما مستنين فيهو شهاده من أشباه الرجال زي المذكور أعلاه,
هو بس زي ما قال ليهو الكاتب جعفر عباس :
Quote: فـ «خليك في اللي انت فيه» وربنا يأخد بإيدك أو .. ياخدك.
طبعا خجلانه جدا من الغلطه .. في ناس كتير نبهوني لانه الجندريه من شابات البورد ,, هم كلهم شابات علي فكره ياعاطف, ماما دوما دي الشباب زاتو, ود. نجاة براها متهمه نفسها بانها خاله زورا وبهتانا ..
Quote: مريم بت الحسين .. سناء خالد .. دانيه المكي .. اقبال المرضي .. سمارت .. دلال عز الدين .. سناء جعفر .. الداليتين .. نجوان (رغم اختلافي معاها لكن بحبها ومعجبه بيها) :) حنين .. ساره علي .. انعام حيموره .. انعام حفيظ .. فاديه اليمني .. وجن .. د. مريم .. وبت الهنا .. وبت قضيم ..
وكللللل البقيه ..
بحبــــكم ومبسوطه بيكم شديد يابنات ..
بنشترك معاك في حبهن
وما بننسى كمان
د. إشراقة مصطفى د. مهيرة لنا مهدي روزمين عثمان د. إيمان أحمد عزاز شامي سلمى الشيخ سلامة ملاذ حسين خوجلي تراجي مصطفى نادية عثمان بنات خوجلي (ماجدة ومنى) رجاء العباسي أسماء الجنيد 0سوما) ندى علي ندي أمين نور تاور د. سعاد إبراهيم أحمد غادة عبد العزيز خالد ريهان الريح الشاذلي د. شذى بله (إيزابيلا) صباح حسين تماضر الخنساء حمزة سودانية بنت الأحفاد القلب النابض شيري سحر عبد الرحمن سارة عيسى
أماني الامين... ما حأشكّرك عشان ما يكون رد فعل، واهلنا البقولوا الشكّروا قدّامه نبّذوه (ما في زول يضحك لو المثل ده غلط بالله)....
انا عايزه أشاركك الاعجاب بالنموذج المطروح.... وهو زي ما ذكرتي نموذج ما موجود بكثره في الحياة الواقعية.. من زمان وانا بحب المرأة البتسوق (دي دلالة إستقلالية عندي)، وفي نفس الوقت جميلة بدون تكلّف... وطبااااااااخه.... ومتعلمه ومثقفه.... والاخيره دي قلتها في النهاية، رغم انها سبب الباقيات كلهم.... التعليم هو البخلي المرأة تكون أم واعية لأطفالها، وزوجه فاهمه لاحتياجات زوجها، وطبّاخه ماهره.... المرأة عليها عبء إثبات ده كله... لكن هي قدرها.... موش بقولوا ليك انه المرأة عندها إمكانية الmultitasking...(مازن أخوي بقول، الراجل عنده نفس الإمكانية، لكن ما عايز هههههههه)....
فديل عسل صافي .. بيحملوا كل صفات الأمهات من شده ولين, حنان ومحبه .. وراي سديد وعقل موزون .. وخبره وحكمه وعلم ..
ربنا يجمعنا بيهم في ساعة خير ..
اماني الامين انا ماعايز اذكر اسماء خوفا من سقوط بعضها ولكن يظهر الباشمهندس ابوبكر بيعمل انترفيو للبنات وبعد ذلك يسجلهم في سودانيز وفعلا كما قلتي يوجد بنات وحريم هنا يسدوا عين الشمس و فعلا لاحظنا من خلال مشاركاتهم مستوى تعليمهم وادبهم وطريقة مناقشاتهم لبعض المواضيع
Quote: تعرفي يا أماني كنت عاوز أقول ليكـ شيلي الأسامي عشان ما تخشي في إحراجات مع بقية البنات زي ناس عفاف ديل!
ردت صاحبة البوست :
Quote: ولسه حأكتب أسامي كتيره ..
عفاف الصادق .. البت الواعيه ملاذ حسين خوجلي .. ناديه عثمان .. غاده خالد .. هاله حسن حبيبتي .. وبقية فطاحلة البورد اشراقه مصطفي و سميه الحسن .. د. ناهد محمد الحسن .. . سلمي الشيخ .. ولسسسسسسه في أسامي وأسامي ...
واصل أخونا ود الصايم السؤال في نفس الحتة الفوق طبعاً..:
Quote: النجيضة: دينا خالد وضعها شنو في الموضوع دا؟
فكان رد صاحبة البوست :
تخريمة : ياخ عالم البنات ده والله مااا سائل في عالم زين وكلكم عارفين زييين عاااااااالمون جميل العندها الدكتوراة والبتمشي الجزر كل صباح وااااااااااحد سيم سيم صديق
02-10-2010, 11:11 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا بت يا موني يا عسل انتي سجمي ما انتهيت من دكتوره بيان والجندريه وباقي السمحات الختيتيهن معاي ديل لانه مافي اي شئ بلمني عليهن لا عمرا لا علما لا ثقافه لا غيرو . اسع يكون عاطف عمر دا احتج عشان لقي اسمي معاهن
02-10-2010, 10:42 AM
Faris Mohamed Faris Mohamed
تاريخ التسجيل: 11-16-2009
مجموع المشاركات: 380
Quote: اسع يكون عاطف عمر دا احتج عشان لقي اسمي معاهن
إنتي إسمك ينور أى محفل يا ستهم وأى مجموعة تتمنى تواجدك ضمنها لكن بالجد أماني دي ...... لا .. لا كتيرة شوية أقول ليك حاجة يا دومة أنا صديق أخوانها كلهم وصديق شقيقتها بتول وصديق أقربائها وقريباتها ( حتى الـ جنريشنس الأصغر مننا ) وبيتهم العامر كان تقريباً من مراتع صبانا
عشان كدا بقول لو اعتبرتوها من ( الخالات )
نلحق نفسنا ساااكت
02-10-2010, 11:23 AM
نجوان نجوان
تاريخ التسجيل: 04-01-2006
مجموع المشاركات: 2641
Quote: ازيك يا أماني وتسلمي على الإحتفاء بأخواتك من النساء المتميّزات ومميّزات هنا.. والقائمة طوووويلة .. وجميلة للغاية..
هن فعلا متميزات ومميزات, معقوله في القائمه الطويله دي أنسي نجلاء سيد أحمد ,, نجلاء مدرسه في البورد فريده وقائمه بذاتها .. ليها ألف تحيه ..
Quote: بس وين ومتين كان اختلافك معاي؟
بقصد اختلاف الاراء في القضايا المطروحه .. دايما بحس انك نظرتك للمواضيع بتختلف عني, مثال موضوع الشباب السجدوا للفنان محمود, ماحبيت أدخل هناك لكن كمثال حسيت رايك مختلف عني .. ده ما بيمنع محبتي ليك ولوعيك وارائك في كتير من المواضيع التانيه ..
بالمناسبه تحيه لشمائل البت اللذيذه برضو مع اختلافها عني لكن ليها ألف تحيه ..
شكرا يانجوان :)
02-10-2010, 01:02 PM
doma doma
تاريخ التسجيل: 02-04-2002
مجموع المشاركات: 15970
Quote: إنتي إسمك ينور أى محفل يا ستهم وأى مجموعة تتمنى تواجدك ضمنها لكن بالجد أماني دي ...... لا .. لا كتيرة شوية أقول ليك حاجة يا دومة أنا صديق أخوانها كلهم وصديق شقيقتها بتول وصديق أقربائها وقريباتها ( حتى الـ جنريشنس الأصغر مننا ) وبيتهم العامر كان تقريباً من مراتع صبانا
عشان كدا بقول لو اعتبرتوها من ( الخالات )
نلحق نفسنا ساااكت
يا عاطف يا وليدي انا والله ما اعتبرتها من الخالات بل استنكرت وضعهن معي في كاتقوري واحده وقطعا ما قصدت انه اماني عبد الجليل قدري سجمي يا ولدي معقول بس اكون بفكر كدي والله لا الجندريه لا دكتوره نجاه لا فتحيه شامي قدري ا لا في زول قدري هنا انا ما شكيت في كلامك بس قلت لاماني الامين ما معقول تختي البنيات ديل معاي . اما حكايه تلحق روحك دي ما فهمتها ؟؟!! يعني الحق نفسي عشان كبرت ؟؟!! اها وريني الحقها كيف
Quote: انا ماعايز اذكر اسماء خوفا من سقوط بعضها ولكن يظهر الباشمهندس ابوبكر بيعمل انترفيو للبنات وبعد ذلك يسجلهم في سودانيز وفعلا كما قلتي يوجد بنات وحريم هنا يسدوا عين الشمس و فعلا لاحظنا من خلال مشاركاتهم مستوى تعليمهم وادبهم وطريقة مناقشاتهم لبعض المواضيع
موضوع الأسماء تشجيع لكل من يري أسماء سقطت سهوا لاضافتها .. ومازلت في بنات في البورد ما بعرفهم ..
العتبي لكل من لم تجد اسمها .. وبتمني أتعرف بيكم كلكم ..
Quote: انا عايزه أشاركك الاعجاب بالنموذج المطروح.... وهو زي ما ذكرتي نموذج ما موجود بكثره في الحياة الواقعية.. من زمان وانا بحب المرأة البتسوق (دي دلالة إستقلالية عندي)، وفي نفس الوقت جميلة بدون تكلّف... وطبااااااااخه.... ومتعلمه ومثقفه.... والاخيره دي قلتها في النهاية، رغم انها سبب الباقيات كلهم.... التعليم هو البخلي المرأة تكون أم واعية لأطفالها، وزوجه فاهمه لاحتياجات زوجها، وطبّاخه ماهره....
هي دي بالضبط فكرة البوست ..
النماذج الموجوده في البورد نماذج حقيقي متفرده .. وبتجمع بين حاجات كتيره جميله, بتمني كل بنات السودان يكونوا كده ..
بس التعليم (للأسف) ما دايما بيضيف للانسان :( وفي أمثله كتيره متاحه في الشارع السوداني, لسيدات وبنات التعليم ما أضاف ليهم مثقال ذره, ومحبوسات مع سبق الاصرار والترصد في دائرة المظهر المتكلف والاهتمامات الضعيفه وعدم الاطلاع :(
نماذج البورد علي اختلافها الا انها نماذج متفرده وقدوه .. شخصيا في نماذج هنا بتمني لما ربنا يرزقني ببنات انشاء الله يكونوا في ثقافتهم وشخصيتهم المتفرده :)
Quote: د. إشراقة مصطفى د. مهيرة لنا مهدي روزمين عثمان د. إيمان أحمد عزاز شامي سلمى الشيخ سلامة ملاذ حسين خوجلي تراجي مصطفى نادية عثمان بنات خوجلي (ماجدة ومنى) رجاء العباسي أسماء الجنيد 0سوما) ندى علي ندي أمين نور تاور د. سعاد إبراهيم أحمد غادة عبد العزيز خالد ريهان الريح الشاذلي د. شذى بله (إيزابيلا) صباح حسين تماضر الخنساء حمزة سودانية بنت الأحفاد القلب النابض شيري سحر عبد الرحمن سارة عيسى
Quote: مابتعرف كما أتوقع , فممكن تمارس حب البرمجه بالناس والضحك عليهم أو بيهم في بوستاتك الخاصه ..
والله لو إسمو المنبر الخاااص كنت مارست في بوستاتي الخاصة .. حكمة الله إسمو المنبر العام .. وبما إنك توقعتي وانا جني وجن اخزل زول في توقعه فهو ذاك هو ذاك يا صاحبة البوست .. شوفي يا اماني وبما إنك قلتي هو بوست محبة فياخ انا أحسن زول بيعرف يقرا نوايا الناس وخليني أتهجم عليك في كلامك .. لو كان بوست محبة كنتي إتناسيتي موضوع بوست لبنى الشهير بتاع دينا وكيف إنها قدرت تثبت للناس ضيق أفق تفكيرك وقتها وهجتي وموجتي بينما احتفظت هي بكل الهدوء ومن يومها ويبدو إنك شايلة ليك عداوة خفية عن البت دينا .. عشان كده أسة يا زولة جيتي عملتي حركات النسوان تماااااماً ووالله ووالله يا اماني لو كان الرد في البوست فيهو امكانية توضيح صورة الزول وهو بيرد على البوست انا متأكد إنك وإنتي بتقري في كلام ود الصيام وعايزة تردي عليهو بتكوني كلوجتي خشمك يمين وشمال مع صوت صرير كده وإنتي ترددي : دينا ؟؟؟؟ثم تواصلي كلوجة الخشم (صراحة ما عارف إنتو الحركة دي بتسموها شنو ..) لو كان بوست محبة كما تدعي أسة كنتي بكل شجاعة قلتي لي ود الصايم دينا تستاااهل وهي فعلاً فاكهة ونوارة البورد أو أقلاه كنتي إتواضعتي وختيتها في اللستة بتاعتك أو اقلاه كنتي عبرتي ود الناس ده بي أي كلام إن شاء الله ياااخ ماااا بتستاااهل .. لكن انتي عملتي حركات هي فعلاً حصرية على النسوان تمااماً لا تخلو من شئ في القلب ودفن تقيييل وشايلة من زولة ما سوت ليك شي غير إنهاا حددها معاك وكشفت طريقة تفكيرك وقتها .. شوفتي كيف انا فعلاً ببرمج بي الناس ؟؟ أها لقيتيني كيف وانا ما بخزلك ؟؟ أجننن وانا ما بخزلك مش؟
تخريمة : دينا خالد بعدين خمسة حتات فاضية بعد داك عزاز شامي بعدها زي 742 حتة فاضية بعد داك شمايل النور (شمايل نكف بيك العين عشان ما كمان أسويها ظاااهرة يعني)
Quote: ووالله ووالله يا اماني لو كان الرد في البوست فيهو امكانية توضيح صورة الزول وهو بيرد على البوست انا متأكد إنك وإنتي بتقري في كلام ود الصيام وعايزة تردي عليهو بتكوني كلوجتي خشمك يمين وشمال مع صوت صرير كده وإنتي ترددي : دينا ؟؟؟؟ثم تواصلي كلوجة الخشم
طيب عشان أثبت ليك انسان مريض .. والمصحف الشريف, وكتاب الله العزيز الما بحلف بيهو باطل, الحصل كما يلي: لما رديت لود الصايم انتبهت اني ما رديت علي جزئية دينا خالد, وكنت ناويه أكتب ليهو كما يلي: "دينا خالد؟ قلنا بنــــــــــــــــــات البورد ياود الصايم, لو متأكد انها بت نضيفها ليك ومالو" والكلام واضح ومامحتاج لشرح, المهم لما اتذكرت اني ما رديت قلت خلاص حأرد في مداخله منفصله, اتشغلت في المكتب وكنت أول ما حأرجع حأرد عليهو .. لما فضيت عملت ريفيش قريت مداخلتك, استئت وحسيت انه البوست حينحرف وهو أصلا بوست محبه ما بوست نقاش .. فاعرضت عن الرد واكتفيت بردي عليك ..
والله العظيم المافي شئ بيخليني أحلف بيهو ليك ده الحصل .. وزي ما شايفني مشغوله بقرأ البوست وبرد كل ما ألقي فرقه, ولسه في ناس كتيره ما رديت عليها ..
انت استعجلت وداخل البوست زول تهكم وعايز تورينا انك عالم ببواطن الناس وده شئ ما جديد عليك ياها عادتك,
Quote: لو كان بوست محبة كما تدعي أسة كنتي بكل شجاعة قلتي لي ود الصايم دينا تستاااهل وهي فعلاً فاكهة ونوارة البورد أو أقلاه كنتي إتواضعتي وختيتها في اللستة بتاعتك أو اقلاه كنتي عبرتي ود الناس ده بي أي كلام إن شاء الله ياااخ ماااا بتستاااهل ..
من حقك تضيف دينا خالد للقائمه, غيرك كتير أضاف بس بمحبه ..
باقي كلامك ولبني وماعارفه شنو اعتبره مشي الخور, ده مكان مبذول لمحبه بتعرف اتفضل .. ما بتعرف كما وضح تماما مع السلامه,
هو تاني فضل منو يا أماني ؟ ما قالوهم كللللللللللهم .. ما تعمليني سبب كده كده البوست قفل.. خولنا نلحق دينا خالد السوق ونضيفها لي لستة البنات قبل ما كمان يتفتح بوست أولاد المنبر ونلقى إسمها بهناك.. أوافق وبشدة ان نكتفي بهذا القدر وننتقل الان لأستديوهاتنا الرئيسية بامدرمان .. تخريمة : شمايل يا نور شوفتي حبك لي محمود نقلك كيف عليك الله ؟ اهو ابسط يا عم ختيناك في لستة بنات البورد
يحق لصاحب البوست الطلب من الإدارة حذف البوست وإغلاقه.. عشان كده يستحسن ودي نصيحة مني ليك لو جادة فعلاً في كلامك إنك ترسلي لي بكري يشيلو عشان لو ما عملتي كده صدقيني حا يبقا كلو تحانيس وعليك الله لأ وسيبك من عمر الفاروق وإنه وحيث أن وصدقيني الموضوع حا يطلع من يدك ويستلموهو غيرك .. عليه إرجو إنك تتخذي الإجراء المناسب ومخاطبة بكري .. هذا والله أعلم..
02-10-2010, 02:57 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
بصراحة يا أماني دي اخر حاجة اتوقعتها نحن نمشي وين؟ يكون قريتي اسمي اخره( دال) ما هو إلا كدى! وفي ناس مارسوا ثقافة الحسادة عينك عينك ( ما لكزوك!!) ومع كدى تسلمي وتسعدي
الأخت العزيزة أماني لك ولهن التحية والتجلة وعاطر الفل والياسمين دائماً أقول: بنات بلدي أطهر وأنقى وأذكى وأجمل وأعف وأنبل (واي فعل تفضيل في الدنيا) بنات الأرض جميعاَ، وبلداً أنتن بناته ما بتجيها عوجة مع خالص تحياتي د. صلاح البشير
02-10-2010, 06:09 PM
الجندرية الجندرية
تاريخ التسجيل: 10-02-2002
مجموع المشاركات: 9450
أماني سلام يا ختي مالك علينا بنوع الكلام البكلوج دا على قول عماد عبد الله ومافي اييييي غلطة اقول ليك سر : بعد كم يوم حادخل على سنتي الـ 45 في عين العدو ويا عاطف كتر خيرك ياخ طبعاً كلامك عن بت امبارح دا خلاني انا اتلفت وانا بشوف شنب يسار ختا لووووول يا عاطف فضل فيها صغرة هي يا حليلنا فيها لكن بيني وبينك انا كنت مبسووطة باللبده وراء صورة الحاجة اول ما اشتركت في المنبر وهسي كان ما خايفة افتل لي اماني بوستها دا كان دخلنا ليك في البحث عن اوضاع النساء بحسب فئاتهن العمرية والامتيازات التي يمكنهن الحصول عليها بموجات السن داخل البنية البطريكية للمجتمع ويا دومه زي ما قال ليك عاطف تشرفي اي لستة اسمك يجي فيها
ما تابعت بدقة كل المداخلات لكن خلوني اخت اسم اوت كاست وغربة واعبر عن محبتي وافتقادي ليهن
كلكن عزيزات وننتهز الفرصه وكده لالقاء التحيه على شخصية تراجى الاعتباريه , ولدوما وكذلك الاميره منى خوجلى وأحلاهن إشراقه مصطفى وأميره الحبر وأسمهان وثروت همت وامل كرار وماهيتاب والغائبه هبه الحسين والعائده سناء خالد وأميمه الفرجونى وتماضر الخنساء و إنعام ( عبدالحفيظ وحيموره ) و هند محمد.. و هند جعفر .. والصفوه أميره الشيخ وللابنوسه ليلى ورندا حاتم وشيراز و .. و .. والجميلات هن الجميلات كما قال درويش
02-11-2010, 10:24 AM
SHIBKA SHIBKA
تاريخ التسجيل: 01-14-2009
مجموع المشاركات: 5759
امانى..... انا اسمى مكتوب هنا ??? طيب* ************************************* عمر الفاروق ... شنو شابكنا " حركات نسوان" دى فى كل جملة و التانية? انت النسوان بتاعات الحركات البتوصف فيها ديل لقيتهم وين? و الله كل بنات البورد ديل ما فيهم واحده بتاعة حركات ذى دى. هسى انت عاوز تثبت شنو من نقتك دى كلها. ان امانى زعلانة من دينا خالد عشان - انت شايف- انها ختتها ليها ? طيب و انت حركاتك البتعمل فيها هسى دى نسميها حركات شنو? "حركات عيال" ? و انت شايف انك بتعمل فى الحركات دى لامانى ليه ? هى عرفناها -دينا خالد ختتها ليها .انت ...ما لك مع امانى??? ختت ليك برضو قبل كده ? بالجد انا ما عارفه انت مالك! ح اعمل ليك حركات ذاتها و ح اقول ليك....{عارف يا عمر انك زول مخك "شويه كده" كويس. ممكن تكون ظريف. لكن شكلك عارف الموضوع ده ...او بالاصح فاكر روحك اذكى و اظرف مما انت فعلا. و ده هو اللى بيبقى شكل " ما ياهو"}. وصية اخيرة...قلل العيار شوية. ح تقول لى حركتى دى برضو بتاعة نسوان ? مالو ? انا "نسوان" . اسيب حركات النسوان واعمل حركات رجال? اعوز بالله.
و ...ايوه....انا بدافع لامانى عشان صحبتى.
_______________________ *على راى عادل امام فى "شاهد ماشافش حاجه."
02-10-2010, 07:25 PM
Dania Elmaki Dania Elmaki
تاريخ التسجيل: 08-16-2007
مجموع المشاركات: 1503
Quote: دينا خالد بعدين خمسة حتات فاضية بعد داك عزاز شامي
يا راااااجل؟؟
معقولة تخت عزاز في الدرجة دي؟؟ السادسة؟؟ (طبعا دة كسير تلج مني لي عزاز ..عارفا هي سببو)
نجي للجد..عمر الفاروق كترتها شددددديد..ياخ انتا دخلك شنو في القصة دي.؟؟ حركات الغياظة دي ما داير توقفا..صحي بقيت عامل زي الزول الببدأ شكل الكراسي في الحفلات...تفرتق اي بوست بي كلمة..ان بشوف انو بكري تاني مفروض يحصرك بس في بوستاتك وتاني ما تدخل نهائي في اي بوست..هسه ما جلبو اسم دينا خلاااااص الدنيا حتقعد وتقوم؟؟هي دينا ذااااتا ما حتكون شغالة الشغلة بي قصة التعداد دي..ويمكن ما تكون فتحت البوست من اصلو..جيت انتا شايل وش القباحة ومعاك كرسيك..هسه الخلاك شنو متاكد انو اماني دي لوت بوذها..يلوي صلعتك دي.. ياخ كترتها وما بيعدل ليك راسك دة الا ايقاف لمدة كم شهر كدة..النتعتبر انو اماني دي كارهه دينا في الله لله وما خاتاها في نهاية بالا وما دايرة تجيب اسمها مش من حقها.. هسه الزولة دي شغالة تشكر فيني وكنتا مأملة انها تزيد الشكر لمن اطلع لي بي عريس جيت انتا فرتقتا القصة..اشوف فيك يوم.. ولو سمحتا امشي رتب لستتك دي ..وما برضي اقل من.. 1.الاولي (عزاز الشامي) ولا علي كيفك يا عزاز.. 1.الاولي مشترك(سارة علي) ومن بعدنا الطوفااااااااااان.زالطوفان دة داخل فيها دنيا وشمائل النور وحنين للبلد
الاهداء دة خاص ليك.. ود خالة العريس الفي الفيديو دة بيشبهك خلقة وطبع.. بس متاكدة انك ما بتشرب عشان ما تجي تجنني في راسي دة..
02-10-2010, 08:01 PM
سارة علي سارة علي
تاريخ التسجيل: 07-08-2008
مجموع المشاركات: 4413
اسمارت انا.. بصراااحة عمر دة ما برضي فيه.. اشاكلو انا..لكن ما برضي زول تاني يشاكلو:) :) ..حتي اماني ذاااتا ما برضي منها كلمة فيه.. اماني ياخ انا ما بعرف اشكر لكن كتر خيرك..ولو سمحتي اديني مساحة كافية اتكلمي عني فيها..ما برضي اقل من مداخلة ذات عشرة اسطر..
اسمارت ياخ ما تتجاهليني رسلتا ليك في الخاص..ردي علي وبطلي حركات النسوان دي.. (هسه حركتي دي هي حركة نسوان بالجد بالجد).. معليش يا سمارت استخدمتك نموذج..
ــــــــــــــــــــــــــــــــ
أها يا عمر كدة كويس يعني..هسه والله يتلموا فيك يبقوك كفتة..
02-10-2010, 08:22 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سروره...ازيك? يا زوله ! انت اللى ما هببتينى فى الخاص. ( شوفى اخر رسالة منى و اعملى القلت ليك عمليه). ما بترضى فى عمر ? خلاص...ازعلوا سوى. ______________________ انا عارفه انه ما ح يزعل...لكن ح يختها لى. و فى اول دقسه منى ح يجى ينتقم.
02-10-2010, 08:32 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
تحياتي وعميق احترامي العزيزة ( الأخت) دومة تحفظ لك الأسافير أنك ( الرائدة ) التي اعترفت بالتطور البيولوجي واستخدمت لقب ( ماما ) .
Quote: يا عاطف يا وليدي انا والله ما اعتبرتها من الخالات بل استنكرت وضعهن معي في كاتقوري واحده
والله أعرف هذا بل كنت أتونس معاك وأوكد على كلامك في مداخلتك اللطيفة الأولى تانياً يا ستهم إنتي متأكدة من حكاية ( يا وليدي ) دي ؟؟ ما ( يخمك ) إسم عاطف دا أخوك قد تجاوز بفضل الله ( نصف قرن ) من الزمان
Quote: اما حكايه تلحق روحك دي ما فهمتها ؟؟!!
قلتها في شكل دعابة لكن بعيداً عن روح الدعابة المقصودة فيها أقول برضو ( وبمنتهى الجدية ) إحساس المرؤ أن المتبقي من العمر ليس قدر الذي مضى يدفعه لمراجعة نفسه خاصة في ما يخص تقصيره أمام خالقه العظيم وتقصيره في حق نفسه فيلزم نفسه و ( يزجرها ) إن لزم الأمر فـ للسن أحكامها ووقارها . هى أمور كما قلت أذكر بها نفسي الأمارة بكل سوء
وتاني بقول ليك إنتي إسمك ينور أى محفل يا ستهم وأى مجموعة تتمنى تواجدك ضمنها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الماجد الصايم
عمر عشاري
ممدوح أبارو
عفاف الصادق بابكر
ازهرى بدوى
عاطف عمر
السمؤال بدرالدين
محمد كابيلا
Elawad Eltayeb
Hussein Mallasi
طارق جبريل
البدري عبد الله
مريم بنت الحسين
وليد عبد اللطيف
SHIBKA
عمر الفاروق
doma
Faris Mohamed
نجوان
فادية اليمني
معاوية عوض الكريم
ليلي عثمان عبيد
داليا حافظ
د.محمد حسن
سارة علي
شمائل النور
رشا بابكر
الجندرية
محمد حيدر المشرف
smart_ana2001
Dania Elmaki
فيس بوك
تويتر
انستقرام
يوتيوب
بنتيريست