قربان النسيان

قربان النسيان
قربان النسيان ..... للكتابة الانسانه الفنانه شموس الامين شقت طبلة اذني اصوات الزغاريد في الحي ايوووووووووووووووووي ايوووووي ايوووووي دقت الدلاليك معلنة شارات الفرح, ,اخلاص مرت عبد الكريم تسوي في البدع,,شغالة بي دلوكتين وارتفعت الصفقات و ساد الهرج وتعالت الضحكات تاوقتا بي فوق الحيطة,,انا ماشة بعد كدا,, امتلا الشارع بالبشر و الضجيج,,الحي كله خارج للبهجة لبست فستان العيد الجديد,,, وجريت لي بيت الطربانة الرجال خارج المنزل صفوا الكراسي,, والضباح يجهز خروف سمين النسوة في الداخل,,,اخر قشرة فشخرة شديدة خاتم البوبار,, وتوب حرب الخليج,, طالعات موضة كنت شخصية مهمة في ذلك اليوم,,حال وصولي تم تكليفي بالمهمة الاولي الذهاب لعثمان سيد الدكان,انا وسلمي,,وشحدة مسجلو,,شرطا معاو سماعاتو الكبيرة عمكم عثمان يحب الفن الاصيل,,رسلو ليهو ولدو حسين,,اول مغترب في الفريق كان المسجل من المقتنيات العظيمة ,,عم عثمان لايخرجه الا في المناسبات القومية وبعد ان يتاكد- بسماع الزغاريد- انه ليس مقلب من شباب الحي ليسمعوا به الاغاني الهابطة,,,حسبما صرح ذات يوم المشوار تكلل بالنجاح بعد ان اسمعت سعدية زغاريتا القوية لعم عثمان عدنا بالكنز الثمين وانطلق صوت الغناية في مياعة (ياعديلة يابيضا ياملايكة سيري معا),,وانطربت النسوة ,وبدا الرقص ودخلنا للغرفة الكبيرة في المنزل,,والابتسامة تشق طريقها امامنا ,,حظها,, العروس دي و الغرفة غارقة في البخور,,وهي غارقة في الفركة الكبيرة,, والضريرة تملا شعرها والحنة تتشعب علي كفيها,,هناك اسورة ضخمة وحرير وخرز وخاتم كبير وو ,,عروس جميلة,,حظها ,,,ه وعندما خرجنا من اندهاشنا من غابة الالوان هذه ,,اخيرا نظرنا لها كانت تسبح في بحيرة من الدموع,,تتسايل انهارا سوداء من الكحل ذهلنا, ,ندي مالك؟ في شنو؟,,ظلت دموعها تهطل,,وظلت تساؤلاتنا عالقة وكبيرات الحي يطردننا الي الخارج : ,ديل شنو الجابن هنا,,امرقن قوام ,ندي تصرخ مستنجدة : ليلي ,,سلمي,, غطي الضجيج صوت الصراخ,,وارتفعت المسجل بالغناء :- (مبروك عليك الليلة يانعومة,,ياحليل ناس ديل الزمان بجونا)ه نظرت لسلمي, : هو في شنو يابت ؟ انا امي قالت لي الليلة ندي, حاتكون عروسة سعمبروتية كدا,,هسي بتبكي مالا سلمي هزت راسها في بلادة معروفة عنها - - انا امي قالت لي ندي مابتمشي معاكم المدرسة كم يوم. امكن بتبكي خايفة الحصص تفوتا,,؟؟؟ه اممممم ,سبب وجيه بردو,,سلمي دي اول مرة تقول شئ مفيد نسينا الموضوع,,ودخلنا حلبة الرقيص,,والصفقة فوق,,, فوووووق ,, ها ااا هااا ,,يابلالي تعال لي,,البلوم نزل ياعيني في عز الفرحة انطلقت زغاريد طويلة معلنة الخبر الهام وخرجت امراة ضخمة في ثوب ابيض. مكللة بابتسامة الانجاز ربما فتحت عكا او حررت فلسطين ؟ الارتياح طلي وجوه النسوة .وبدان في المباركات لي ام العروس,,ومن غبانا باركنا بي وراهن وهرولنا ناحية الاوضة,,لنطمن ندي انو نحنا حاننقل الاناشيد والتمارين كويس كانت ملقاة علي سريرها وغاطسة في فركتها وتنظر الي الفراغ ندي !!!!!! مبروك ؟مالك بتبكي؟؟ه واصلت دموعها الانهمار,كلعنة سحائبية علي الارض ,,كانت فتاة اخري غير رفيقة الطفولة تلك,,كنا ثلاتنا صديقات لانفترق بيت ندي في البداية,, بعداك سلمي واخر شئ بيتنا, ,من بابنا بشوف بيوتم,,, واراقب كل المستجدات كانت تبكي بخجل ولوعة وحرقة , تفيض بالمرارة, الغريب تماما,,ان النسوة من حولنا لايابهن سعيدات والفرح يكسو الوجوه,,زي الجابوليهن توب هدية من السعودية كلتوم جارتنا قالت : ياحليلا البنية تبكي ساكت,, اخلاص ست الدلوكة حدرت ليها : ياسلام ماتبكي ولا تكورك,ماكلنا بكينا كنت وسلمي نتبادل النظرات عما يحدث هنا, كل هذا القهر,,,وكل هذه اللامبالاة ,هذا الفرح الحزايني او الحزن الفرايحي المخدة تعلو وتهبط بفعل الايادي المانحة,,طرادات وجنيهات وام ندي.. عين مع ندي ,,وعين علي مخدة ندي,,ه ,تقارن وتحسب,,ياربي فاطنة وبدور ختن ليها زي يوم واجبتهن في بناتن؟ه ولا مستهبلات ساي النسوان ديل,, نحن عينا مع عيون ندي,,ندي مالك يابت عايني لينا, ,لم تكن هي,,ه غادرت الطفولة البريئة مقلتيها مخلفة وراءها عاصفة من القهر وحفر الالم اخاديدا في وجهها,,واصلت التوغل فيهما,,عينيها ,,فراغ عميق اجوف,,بلا حياة وقفت مرتبكة امامها,,طاشت يدي لالتقط يدها مودعة, ,بدت مسافرة الي صحراء بعيدة,,,خرجنا والتساؤلات تملانا,, امام منزلها,,توزعت الموائد,,الجميع في سرور طاغي ماعدا حسن,,اخوها الكبير,,انزوي في ركن قصي في المنزل,,كا اقصي ما استطاع من رفض ومن بين صحانة الشطة والمرارة ارتفعت عقيرة حاج عبد الكريم راجل اخلاص ست الدلوكة - هو الجني الاسمو حسن دا مالو,,عامل فيها فاهم اكتر علينا عليم الله ياحاج مساعد..الجنيات البنصرف عليهم في القراية دي اخير عدمن ,,الواحد يحفظ كلمتين يجي يلاويك بيهن,, داكي الليلة بنوت قاهرات كدي جن وقالن كمان دايرات يعملن ندوة عن العادات الضارة ول شنو داك مابعرف,,انتن الضرقتليهن وحات الله وقفتلن بي عكازي دا داير اقطع خبرن,,طردناهن بره الحلة قلتلين عملتكن دي ماعملت بنات ناس,,امشن غادي مننا, ,شوفن حلة غبيانة سون فيها فسادكن دا وصلت منزلي وصوته يخترق الفريق مع وصلة من اللعنات بذهابهن للجحيم * * *** عاودتها غدا,, والتساؤلات اكبر,,ندي.. ندي ,,ردت بصوت كانه الذكري,,اتية من غياهب النسيان عيناها المرفوعتين الي بقهر كامل,,تقول شيئا ما,,الحمي تغطي جبينها كان قهرها وحزني اكبر من طاقات البوح _عدي لي قروشي,,,اشارت الي اسفل مخدتها ,بشبح ابتسامة علي زاوية فمها,استطردت : امي قالت لي بدق ليك بيهن حلق دهب الجدة تضع الحجبات والبخرات,,وتنده لي شيخا هوي ياب شره,, تاني مابصلك كان ماعافيت لي البنية دي التعاويذ السرية والطلاسم القديمة لم تقهر هذا القهر ,,,انا ماقصرت وديتا البحر الصباح, البت دي ادوها عين اردفت الجدة :,انا ماقتليكم اربطوليها الحجاب في المخدة * ه* ادوها عين يعني شنو,,هي عيونا زاتا مافي,, المرة دي خرفت اكيد ,قلت في سري,, ام ندي لها نظرية اخري : لا دي ماعين يما ,دي علوية,, امبارح جات داخلة من بيت البكا قبل المغرب ه - سجمي علوية شافت الجنازة ؟ وخليتووها تخش علي ندي كيفن ,,عشان كدا الحمي جاتا,,اسبارنا دي بتغتس حجركم شان مابتحترموها ** عاودت التحديق في ندي نظرت الي ككاهن يلقي نبؤة حزينة,,و وراقبتني باشفاق مثير للشفقة همست,,النسوان ديل عملوا حاجة ماكويسة,,ازداد صوتها اختفاء : حاجة عيب وتواصل نزيف عينيها من جديد,,كان هناك نزيف اخر لم افهمه اشارت الي اللاشئ وصمتت,,,ماعارفات الراجيكن.. ابتلعت كلماتها افلت يدي بصعوبة من يدها الدافئة,, :- بكرة بجيك راجعة احسست ان هذا الشئ اكبر من طاقة الكون علي الاحتمال ابتسمت بوهن : انقلي كويس عشان لمن انزل اكتب منك ,,وكجندي خائف يفر من ساحة المعركة, وكغيمة جدباء تترك ساحة الهطول ,,هربت وتركتها,,لم افهم مابها,,كانت تحتاجني,وكان الخوف يعصف بي, ,الخوف من المجهول وانا خارجة سمعت الجدة تصرخ : البت دي ميرودا شديد ..زول امشي انادي اسيا الداية سريع ااااه,,,المراة الضخمة ذات الثوب الابيض هناك شئ في قرارة نفسي اخبرني انها المسؤولة عن القهر والحمي ماذا تفعل,,تساءلت بحرقة ندي قالت انه ضرب من الحاجات الماكويسة,,اااي شكلو حاجة ماكويسة عدت الي البيت وانا اختبئ في ذاتي, وفشلت شجاعتي ان تخرج السؤال الي امي * * * وفي الليلة دييييك,,شق صراخ ارجاء الفريق صراخ اعلي من كل اصوات الزغاريد والدلاليك,, ,ووووووبعلي ووووبعليييي واااااااااااي ندي مااااتت,,ندي مااااتت ,,ندي ماتت؟؟ماتت؟؟كيف يعني؟؟ هطلت حمم حارة علي وجهي,,,الحزن العميق لايسمح اقصاه الا بالبكاء ,واحسست بغتيان ..ونار تشتعل في قلبي تدفق الالم في ارجائي,,وهدر في اذني صراخها يومئذ الاسئلة كمطارق الحداد تتهاوي فوق راسي تتعدي حدود عقلي,,تتشنج فوق لساني سمعت كلام كتير حمي مرتفعة,, نزيف شديد,,المستشفي,,نقل دم,,,جروح ملتهبة ووو ووجدتني اصرخ واجري بلاهدي في الطرقات المظلمة وصلت بيت العرس,,اقصد بيت البكا نشيج,, صراخ,,عويل,,تسللت ووقفت,,الجميع في ذهول حتي هي ,,اسيا الداية,,كانت تقف مع النسوة في حوش البكا وجدتها تقف بثوبها الابيض,,تنوني ,,كعادة النساء لمجاملة البكا,, احسست بغضب هائل : تكتلي الكتيل وتمشي في جنازتو اندفعت نحوها بعنف واوقعتها ربما كانت ندي تريد ان تقضي عليها لولا عجزها,, انتقمت ليك ياندي صرخ الجميع ,,اسيا,,اسيا,, وقعت اسيا, ,هربت بسرعة اصوات تهتف باسمي واقدام تعدو خلفي,,, وابتلعني الظلام ليلتها ** اتمني الا شئ من هذا حدث,,تفاوضني الامنيات وتوقع الاحلام علي شيك مفتوح الفيني مرة اخري العب معهما تحت الشجرات بين البيوت الثلاثة كانت سلمي تحب الكمبلت والحجلة,,اما ندي فرقيقة,,تحب الفات الفات وام حفرة اما انا فكنت احبهما,,صديقتا الطفولة ندي ..تشبهين الحقول حين تزهر فيكما الحياة يستعيد الصباح اشراقه ,,ويستعيد الليل صفاءه,, حين تبسمين برحيلك اختفت الفرحة,,وكسي الكون العذاب الشوارع تنزف الما,,الشجيرات مكان لعبنا,,رفضت نشر الظلال توقفت الطيور عن المرور بفريقنا حتي مسجل عم عثمان يغني الطرب الاصيل :- فريقنا الكان منور بيك وعاش روعة تلاقينا صبح حزنان ومامصدق,,في يوم ترحل تخلينا * * لم اعد العب,,تركت الشارع والشجرات وعم عثمان كنت استرق النظر,,بي فوق الحيطة,,حين اشتاق اليها حتي سلمي,,لم اعد اهتم بها,, حتي حين غابت يومها عن المدرسة,,,,لم اكترث يومها.. رايت تلك المراة ,,تتجول في ارجاء الفريق مرة اخري تحت مباركة الجميع,,واحترام الجميع اااه...النسيان كاس هذه الفريق,,يتجرعه حتي الثمالة هذه القرية قررت ببساطة ان تتناسي رايتها يومها كجرادة تتجول بين الحقول بحثا عن محصول جديد تحمل حقيبتها,,, كالمعصية علي وجه المجرم تابعتها بنظراتي ,,دخلت منزل سلمي ,,وانطلقت الزغاريد,, مرة اخري * * * تمهيد متاخر قديما تقدم الفتاة ,,كقربان للنيل وتزف كعروس كاملة الزينة الي خضم الماء,,تحت مباركة الجميع بكل الحب ندي هنا,, كانت قربانا للتقاليد و ضحية النسيان في جميع الازمان..تقدم القرابين للالهة عروس النيل وندي وذلك الخروف السمين المتن توفيت قبل عدة ايام من معارفنا ,, فتاة في مستشفي الرصيرص الرابعة التي تنقل نازفة الي تلك المستشفي نتيجة استخدام ادوات جراحية غير معقمة خلال عملية ختان وحشية استدراك الذي يحتاج لتطهير حقيقي,, هي هذه الموروثات القميئة ,,,والعقول المتحجرة

01-22-2010, 10:53 AM

بدر الدين اسحاق احمد

بدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قربان النسيان (Re: امجد البصيرى)

Quote: استدراك

الذي يحتاج لتطهير حقيقي,,

هي هذه الموروثات القميئة ,,,والعقول المتحجرة

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]