|
. ♥ مصطلحـات الكوتشـينة ♣ .
|
تنويــه : إلى كل الناس الجادين والجادين أوي والأخوة المناضلين وأخص منهم الشرفاء والناس المهمين والعاملين فيها مقددنها وأصحاب المبادئ والقيم والمثل والأخلاق أنوه بأن هذا البوست : بوست إنصراااااااااافي والمقصود منو طبعاً هو صرف الأعضاء والقراء عن القضايا الجادة ويصب في اطار التعتيم على القضايا الهامة والمصيرية في هذه المرحلة الحرجة والمفصلية التي تمر بها البلاد . الداير يجينا هنا حبابو والداير يستنى دورو برضو حبابو والمستعجل والداير يقضي مشاويرو ويرجع يتفضل يسجل اسمو لمن يجي إلقى دورو جا اهاااااا بعد كلامي دا كلو نخش في الجد ... انا بسمي مربوطــة
_______________________ ماهي اصول ومصادر تلك المصطلحات ؟ من أين جاءت كلمة كوتشينة نفسها ؟ أيه يعني سمبهار ؟ لماذا سمى البايظ بايظا على الرغم من انو يمكن الاستفادة منو ومرات ممكن ينزّل ويفتح للخصم كمان؟ شنو يعني التعريجة؟ كونكان ؟ الخمسين ؟ الآتو ؟ الخ الخ
|
|
|
|
|
|
|
|
Re: . ♥ مصطلحـات الكوتشـينة ♣ . (Re: عبدالوهاب علي الحاج)
|
تحياتي يا عبد الوهاب أنا لا أعرف عن الكوتشـينة
لكن هذا اللفظ من لغة الباريا "هقر" من قبائل أرتريا وقد سمعتها تقال في سياق الشتم . عدد من المفردات المستخدمة في عناوين المنبر العام خادشة للحياء جدا في لغات بعض القبائل عندنا.
| |
|
|
|
|
|
|
Re: . ♥ مصطلحـات الكوتشـينة ♣ . (Re: Mohamed E. Seliaman)
|
محمد الحسننا الذي بالشرقية وعليكم السلامQuote: لكن هذا اللفظ من لغة الباريا "هقر" من قبائل أرتريا وقد سمعتها تقال في سياق الشتم . |
دا كلام كويس جدا ياريت لو وريتني نوع الشتيمة (حتى لو في الخاص) وحكاية الفاظ الشتائم المتعلقة بلعب الورق كثيرة خد عندك كلمة (الآس) دي هسه ماكارثة عديل
| |
|
|
|
|
|
|
Re: مصطلحـات الكوتشـينة (Re: عبدالوهاب علي الحاج)
|
الحمد لله .. أخيرا ربنا استجاب لدعائي , ولقيت زول يشرح لي الكلام الغريب البتقال هنا في البورد, من عينة سيك, وقبول وماعارفه شنو..
فسّر لينا الألغاز دي ياوهبه, عشان لما يكون في نكته "بالألفاظ" دي نضحك زي الناس ..
وأعمل حسابك, قبل يومين كان عندنا بوست "ليدو" في أمانة الله, هسي قاااااعد في الخور بيلعبوا بيهو الجماعه هناك, الظاهر الألعاب ممنوعه هنا
--- متابعه لصيقه :)
| |
|
|
|
|
|
|
Re: مصطلحـات الكوتشـينة (Re: Amany Elamin)
|
والله يا عبد الوهاب كتبتك ليك ماسنجر طويل ونسخة اسمك في خانة The recipient جاني الرد دا : The recipient is unknown
طوالي استنتجت إنه الماسنجر وسيلة غير آمنة للتواصل أو إنك ما مضمون
_________________________ شايفك رفعت الراية البيضاء بهناك لو دايرني اتوسط ليك ما عندي مانع
| |
|
|
|
|
|
|
Re: مصطلحـات الكوتشـينة (Re: Amany Elamin)
|
ادين واشجب بشدة تثقيف السيدات والانسات عن اللغة السرية لمجتمع الرجالة
ان قبلنا مثل هذه الانصرافية فنقلبها حريق احسن
كدي يا وهبة ارمي البيلية عشان نشوف احنا قاعدين يمين منو
ـــــــــــ رجاء مافي اي واحد يوري اماني دي معنى البيلية
سلام للجميع وخاصة وهبة
| |
|
|
|
|
|
|
Re: . ♥ مصطلحـات الكوتشـينة ♣ . (Re: Adam Mousa)
|
Quote: يا جماعة دامة الهارت الفي كرت دي الجابها ورقي شنو ؟! |
دي حتكون واقفه ليك كده زي المره المطلقه من الصباح ..اجدعه تحت الطربيزه ياخ
ــــــــــــــــــــــــــــــ يا وهبه احسن تقول دك
| |
|
|
|
|
|
|
Re: . ♥ مصطلحـات الكوتشـينة ♣ . (Re: HAIDER ALZAIN)
|
Quote: أيوة كدة يا زميل أدينا أفكارثعالبية نسيك الناس دي.. خاصة ما تقول العوض الله اعلم يعد الورق..ههه |
يا حيدر دي طربيزة ما مضمونه ..مافي حل غير تجيب ورقك معاك في جيبك .. الناس دي نايمه اوي اوي فما تشتغل بي حتت الغلاط دي
| |
|
|
|
|
|
|
Re: . ♥ مصطلحـات الكوتشـينة ♣ . (Re: Faisal Elrasheed)
|
Quote: يا جماعة دامة الهارت الفي كرت دي الجابها ورقي شنو ؟ |
عندنا صاحبنا دايما باليل بقفل على دامة هارت !! ولمن يجرك بيها خمسين يطلق ضحكه مجلجله ويقول: يا جماعه ما قلت ليكم ورو زولكم ده البت الحمراء ما بفكوها بليل..!!!
| |
|
|
|
|
|
|
Re: . ♥ مصطلحـات الكوتشـينة ♣ . (Re: Adam Mousa)
|
حيدر:
Quote: يا جماعة دامة الهارت الفي كرت دي الجابها ورقي شنو ؟! ــــــــ الورق كدة فراملة لو مطبقين القانون دا |
قبل ما تدوروا لينا قيم هنا, خلوا وهبه يشرح المصطلحات بصوره جاده عشان نفهم انتو بتقولوا في شنو في البورد ده,
هسي زي كلامك ده عايز ليهو دكشنري عديل :)
أما لو دي لمّة عذّابه فودعتكم الله .. :)
| |
|
|
|
|
|
|
Re: . ♥ مصطلحـات الكوتشـينة ♣ . (Re: Amany Elamin)
|
Quote: لحمد لله .. أخيرا ربنا استجاب لدعائي , ولقيت زول يشرح لي الكلام الغريب البتقال هنا في البورد, من عينة سيك, وقبول وماعارفه شنو..
فسّر لينا الألغاز دي ياوهبه, عشان لما يكون في نكته "بالألفاظ" دي نضحك زي الناس .. |
يا اماني الاميننا التي ببحري السيك : المصطلح نفسو مامعروف مصدرو لكن المعنى بتاعو (في لعبة الويست Whist ) هي انك في ماتكسب اي حاجة او بلغة الجماعة ما تاكل اي حاجة والحاجة دي اسمها (اليد) واليد دي مكونة من اربعة كروت والكوتشينة كلها فيها 52 كرت 13 لكل لاعب وبالتالي فيها 13 يد على مدار الشوط .. لو ما اكلت اي يد في الشوط دا او التوزيعة كدا انت بتكون اتسيكت . اما القبول دا متغير في اتجاه دوري من جهة يسار اللاعبين (يعني clockwise )... وصاحب القبول هو من يقرر من يلعب ولو قرر ان يلعب الخصوم واتسيك ياهادي فضيحة السوااااااد واللواد . الباقي بتمو ليك بالتلفون والموضوع طويل او تابعي هنا يمكن تطلعي بحاجة
| |
|
|
|
|
|
|
Re: . ♥ مصطلحـات الكوتشـينة ♣ . (Re: Adam Mousa)
|
العزيز / محمد سليمان
سلاميّ -----------------------------
في كلام التجرنجة = وطن هقراوي = وطني , مكّينة = عربية , حّّراى = أشي / حاضر منقستي =حكومة .... كتير من مفردات الارتريين وتجرنيتهم المخفّفة تطابق تجرينية تجراى الهضبة الأثيوبية فان فاتك الكثير الذي تفهمه منهم تكن بستخدام الكلام الارتراوي على الاقل مفهوم لديهم
لك ولهم كل الاعزاز والتحية ----------------- 13 من التسميات المهاترة لانو يد بتسقطه ( مالاقاني حريف قاعد يسمي 13 )
| |
|
|
|
|
|
|
Re: . ♥ مصطلحـات الكوتشـينة ♣ . (Re: عبد الناصر الخطيب)
|
لما ترفع ورقك لو عندك اى نيه تسمي حتشوف البوهية المتوفرة عندك كم ونوع مع شويه تخمينات بتوفره عند الزميل وده البتقوم تحدد الاتو يكون هارت ولا شيريا ولا أسود ولا ديناري
حسب ورقك
--------------------------- مرور لتحية أخينا عبد الوهاب الذي بالشعبية الجم الخرتوم
| |
|
|
|
|
|
|
Re: . ♥ مصطلحـات الكوتشـينة ♣ . (Re: عبد الناصر الخطيب)
|
Quote: والمقصود منو طبعاً هو صرف الأعضاء والقراء عن القضايا الجادة ويصب في اطار التعتيم على القضايا الهامة والمصيرية في هذه المرحلة الحرجة والمفصلية التي تمر بها البلاد .
|
-------------------------------------------------------------- طبعا نسيت في الاول أسجل كامل شجبي وادانتى للبوست الانصرافي
**
| |
|
|
|
|
|
|
Re: . ♥ مصطلحـات الكوتشـينة ♣ . (Re: عبد الناصر الخطيب)
|
Quote: السيك : المصطلح نفسو مامعروف مصدرو لكن المعنى بتاعو (في لعبة الويست Whist ) هي انك في ماتكسب اي حاجة او بلغة الجماعة ما تاكل اي حاجة والحاجة دي اسمها (اليد) واليد دي مكونة من اربعة كروت والكوتشينة كلها فيها 52 كرت 13 لكل لاعب وبالتالي فيها 13 يد على مدار الشوط .. لو ما اكلت اي يد في الشوط دا او التوزيعة كدا انت بتكون اتسيكت . |
... وأزيدك يا أماني من الشعر نص بيت: السيك دي بتعمل للشخص الإتسيّك حمة عديل، وبيفضح زميلو وسط القبائل! وبيصبح زي الحرامي المسيرنو والأطفال بيجدعوا فيهو بالحجارة!
إنتوا دامة الأسود - والعياذ بالله - الفي الهارت البيتجيب الهارت أتاك ناسينها مالكم؟
يا جماعة معاي أربعة دبل وجوكرين... دكا دكا!
| |
|
|
|
|
|
|
Re: . ♥ مصطلحـات الكوتشـينة ♣ . (Re: عبد الناصر الخطيب)
|
يا اخوانا هوي ..
وهبه قال جايي يشرح لينا مصطلحات الكوتشينه,
وقفّوا القيم المدّور ده وأدوهو فرصه يتكلم معاكم,
دي ما طريقه أصلو والله ..
البوست ده عنده مهلة عشرة دقائق, استعدل ورجع لمساره الصحيح, كان بها,
أزر وايس بلحقوا ليكم بوست الليدو طوالي ..
| |
|
|
|
|
|
|
Re: . ♥ مصطلحـات الكوتشـينة ♣ . (Re: Amany Elamin)
|
ميرسي ياوهبه ..
Quote: السيك : المصطلح نفسو مامعروف مصدرو لكن المعنى بتاعو (في لعبة الويست Whist ) هي انك في ماتكسب اي حاجة او بلغة الجماعة ما تاكل اي حاجة والحاجة دي اسمها (اليد) واليد دي مكونة من اربعة كروت والكوتشينة كلها فيها 52 كرت 13 لكل لاعب وبالتالي فيها 13 يد على مدار الشوط .. لو ما اكلت اي يد في الشوط دا او التوزيعة كدا انت بتكون اتسيكت . اما القبول دا متغير في اتجاه دوري من جهة يسار اللاعبين (يعني clockwise )... وصاحب القبول هو من يقرر من يلعب ولو قرر ان يلعب الخصوم واتسيك ياهادي فضيحة السوااااااد واللواد . الباقي بتمو ليك بالتلفون والموضوع طويل او تابعي هنا يمكن تطلعي بحاجة |
ماعدمناك .. واصلوا علي هذا المنوال ..
ونشكرك علي البوست أوي أوي ..
| |
|
|
|
|
|
|
Re: . ♥ مصطلحـات الكوتشـينة ♣ . (Re: Amany Elamin)
|
عزابة ما عندهم شغلة في رمضان غير الكوشتينة ... قبل الفطور كوشتينة وبعد الفطور كوشتينة ... مدورين كده طوالي ... الملتزم فيهم بيمشي الصلاة ومجرد ما .... الامام يسلم يجي طاير يحصل دورو في الاقيام ... واحد منهم ربنا تاب عليهو .. بدأ يحاول يقنع الجماعة انهم يمشوا معاهو صلاة التراويح ... المهم واحد منهم اقتنع بالموضوع ومشى معاهو .. اثناء التراويح لاحظ انو في ناس بتصلي وتكب الزوغة ... البيزوغ بعد ركعتين والبيزوغ بعد اربعة ... الزول اتلفت لصاحبو وسألو : البطلعوا ديل شنو ؟ صاحبنا الربنا تاب عليهو : ديل خلاص حرقوا ...
| |
|
|
|
|
|
|
Re: . ♥ مصطلحـات الكوتشـينة ♣ . (Re: awad okasha)
|
فى الوست تسمية ال 10 بيقولوا ليها ريال مدريد فى غرب السودان حسب علمى ريال بلغة الدينكا معناها عشرة فى الهارت فى تمييز ضد المراة كل الناس وراء بت السوداء وليه بت اسود ما كان تكون بت دينارى وليه بت ما كان يكون رواء ولا بال (وراها حت نراها) عشعش لما تشوت فى الهارت عشوائى ما مقدم بوهية فى الديس
| |
|
|
|
|
|
|
Re: . ♥ مصطلحـات الكوتشـينة ♣ . (Re: awad okasha)
|
مرحب بكل الناس الحلوة المرت من هنا الجونا وزارونا وونسونا الوزعنا ليهم ولعبو السموا منهم والقالوا بااااص نواصل بإذن لله في هذا البوست الهام في احوال الكوتشينة (هكذا) قبل ان تلحن بها السن العوام والسوقة الذين يقدمون الشين على التاء للتخفيف أو الجهل باسمها : كما اسلفت ساتحدث عن اللعبتين الشهيرتين بالسودان وهما : 1/ الكونكان بشقيه الحريق وبالزمايل وسنتعرض فيه للمصطلحات ومحاولة حصرها وتقصي مصادرها ما امكن ذلك وايضا سأتحدث عن : النزول - اسباب النزول - طرقه - مبطلاته - الغطا وقريبه - البايظ واحكامو - الخمسين واحوالو الفتوح - الدك بشقيه (عدم الفتوح او بالاتفاق) المخالفات : - الورق الزايد والناقص واحكامه - السرقات الفورة
| |
|
|
|
|
|
|
Re: . ♥ مصطلحـات الكوتشـينة ♣ . (Re: ممدوح أبارو)
|
Quote: 1/ الكونكان بشقيه الحريق وبالزمايل وسنتعرض فيه للمصطلحات ومحاولة حصرها وتقصي مصادرها ما امكن ذلك وايضا سأتحدث عن : النزول - اسباب النزول - طرقه - مبطلاته - الغطا وقريبه - البايظ واحكامو - الخمسين واحوالو الفتوح - الدك بشقيه (عدم الفتوح او بالاتفاق) المخالفات : - الورق الزايد والناقص واحكامه - السرقات الفورة |
وما تنسى التعريجة.
| |
|
|
|
|
|
|
Re: . ♥ مصطلحـات الكوتشـينة ♣ . (Re: ارصد محمد جلال)
|
ودي نكتة كوتشينية قديمة لنج
رباطابي قال للجزار اديني نص كيلو لحمة ... الجزار كل مرة يقطع حته ويجدعها في الميزان ... الجزار قال الميزان دا ما داير ينزل مالو ؟ الرباطابي قال ليهو ينزل كيفن عاد وانت بتجدع ليهو في الدوهات من قبيل
| |
|
|
|
|
|
|
Re: . ♥ مصطلحـات الكوتشـينة ♣ . (Re: خالد الجبل)
|
وأواصل في هذا البوست الإنصرافي الهام ... والمقصود منو كما ذكرت هو صرف الأعضاء والقراء عن القضايا الجادة والذي يصب في اطار التعتيم على القضايا الهامة والمصيرية في هذه المرحلة الحرجة والمفصلية التي تمر بها البلاد .
_____ وشكرا لكل من مر من هنا
| |
|
|
|
|
|
|
Re: . ♥ مصطلحـات الكوتشـينة ♣ . (Re: حمور زيادة)
|
Quote: يا عمك دك الورق ده و تعال سريع ألحق مولد سيدي ابوالريش ده. داير تطلعنا بسطاء و محدودي ثقافة و كمان بتوع كوتشينة ؟ |
ياحمورنا الذي ببلاد اولاد بمبة مشتاقين كتير والله تعرف كلام ابوالريش دا قريتو امس عمل لي هبوط .. وقررت تاني الاسمو ابوالريش دا اجيب لي مسطرة واحرس بوستاتو لمن يقول وااااي
| |
|
|
|
|
|
|
|