|
|
|
 Re: لمحمد احمد غنوا (1/10/2010) (Re: زهير الزناتي)
|
لقرفة الرحمة
فلقد وجدت عددا من اصدقائه هنا
احمد مصباح
امال مصطفى
وصادق شيخ الدين
احمد عبدالوهاب
امنة ناجى
تعزينا
وبكينا
ضحكنا من ارثه الفكاهى اللطيف
بكينا فراقه الذى ما بعده
كان حاضرا بيننا بضحكه الخفيض
وروحه الهامسة
اتمنى ان يكون حاضرا فى القلب
فمثله لايموت يا صديقتى
| |
 
|
|
|
|
|
|
|
|
Re: لمحمد احمد غنوا (1/10/2010) (Re: سلمى الشيخ سلامة)
|
Quote: لقرفة الرحمة
فلقد وجدت عددا من اصدقائه هنا
احمد مصباح
امال مصطفى
وصادق شيخ الدين
احمد عبدالوهاب
امنة ناجى
تعزينا
وبكينا
ضحكنا من ارثه الفكاهى اللطيف
بكينا فراقه الذى ما بعده
كان حاضرا بيننا بضحكه الخفيض
وروحه الهامسة
اتمنى ان يكون حاضرا فى القلب
فمثله لايموت يا صديقتى |
ياااااا سلمى قرفة لم يمت هو معنا
معنا بروحه الجميلة الطيبة
نعم مثله لا يموت يا سلمى
ليتك كنتِ حاضرة معنا
| |
|
|
|
|
|
|
|
|
|
Re: لمحمد احمد غنوا (1/10/2010) (Re: زهير الزناتي)
|
| Quote: نتمني أن يخرج التأبين بقامة محمد أحمد ... وأن تري الاقتراحات النور .... |
يا زهير سلامات
أكيد سيخرج اليوم بقامة عزيزنا قرفة وذلك بفضلكم جميعاً
وسيجتهد كل أصدقائه ومعارفه لكي ترى هذه المشاريع النور
في إنتظار مساهماتكم الرجاء الإتصال بابراهيم الماحي
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
Quote:
غنو بس
او..
لمحمد احمد
غنو
راجلا بيملى
العين
فارس السمِح
والشين
دخرينا يا محمد
سمادنا
ياقرفه
حين للزراعه
نمش
نسامنا يا
صاحب
حين للسخانه
نَهِش
نسمه بتبق
العطر
واديك شايفو
مِطِر ,
للعينه غنو معاى
النتره ياصاحب
ونقاقه
يالمطره
كيفن اخوي
يبيت
هاالمطره
بره
البيت
لا شارعا ضويت
بي نورك
الباري
قلم
الليالى
بري ..
لا فهمك السارى
هداي مراكبنا
فوق المحيط
القيف
يا قرفه ياخى
اقيف
نوع الفراق ده مُخيف
واستنا حبانك , قد ضاقو حنضل غير ..
ارجانى انا بالذات , كما اعتدت ترجانى
كل الصحاب جايين .. القاصى والدانى
كل الهواتف طق
ماجبروا لى
لي كسرك ,
كل الهواتف
رن
رنات
البكاالمُعلن
ضربن وناحن
نوح
حين صعود
الروح
عارفين رحيلك
حق
لاكين
اقيف
ياخى
طمناعليك فى
الموت
.
.
|
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
Quote:
الولد الدمعة
الروح الغنوة
الكلمة الضحكة
الدنيا العاجة الراجة
الرقصة الروح الابت
الا تفارق
وين بتروح ياسيد الروح المرقت تلفاك
وين بتروح يا العالى سماك
احى ياامى اليوم ابكيك والولد القال للناس
انى معاكم فى الازمات
ياامى
الولد الزين القبل وفات
قالت امى
محمد تراهو حداى
بسمع فيك
غنيهو
اكتبيهو
وحجى الاولاد بمعانيهو
سيد الضحكة التشبه يوم العيد
احى يا روح الزول الراحت
وين القاك ؟
|
سلمى الشيخ سلامه تغنى محمد احمد
على طريقتها
او تسقط دمعتها على قاموس الوداع
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: Amin Mahmoud Zorba)
|
العزيز زوربا السودانى
لنقف جميعاً فى هذا اليوم فى اماكن تواجدنا
كادوقلى .. تهاميم .. الانقسنا .. واو
وجوبا .. اسيوط .. جورجيا والحجر الاسود
فى السعوديه كنا او الاراضى المنخفضه
لنقف ذات اللحظه .. باختلاف تواقيتنا
لنتحرك جميعا ذات الخطوه
من استراليا او خليج المكسيك
نشعل شموعنا او صالح الدعوات
ونغنى لمحمد احمد قرفه
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
لوت الضفيره البت .. عقدت شعورها على المروق
هاتفها الصباح من فجاتاً بعيده .. ردت عليهو باحتشام
والتزام الفرحه اصعب من جخانين الحزن .. دربنى ياهذا الزمن
فعل القفز فوق اسوارو , ورينى كيف النطه دون احترق بي نارو
فعل المرور بى دارو دون البُكا على اطلالو .. اهدينى ناعم ظلالو
علمنى اسرار الرياح .. من وين بتمرُق ولى وين تمش وكيف تهش , متساقط
اوراق الشجر وكلملى الشعرا المطاليق .. كيف ازغرد والبكا كما خبيز
العيد مفتوح , انجينى من نشاف الجلد وريحك والدنيا شتويه فى العتمور
كلملى محمد مدنى .. عاطف خيرى , اهمسلى لي يحيى وقاسم وود الرضى وود
البشرى عثمان وود سلوم ابراهيم , اعفينى من صفعة الحزن اللئيمه بي توب
ساكوبيس بدل القنجه , ما الفجه حزنانه اساسًاً .. ليه نزعجها بحزن اكبر
من طاقتها ونورطها فى حزن اكبرمن فعل الرحيل الغياب القاسى ..
ياخى شيل منى العنا واهدينى اسرار الغنا للراحلين بدل النويح
يانى مارقه الليله شان اغنى لمحمد احمد.. قرفه , يانى مارقه الليله
عشان اغنى .. عارفه كيف اخلطو فرحى وحزنى فى نمه صاعده للسما ..
شاحده ربى عليك تشد اعضاي تسندنى , تيقنى وتلقنى ما قد يهرب منى تلك اللحظه
من حروف .. اسندنى بي طمى الجروف العادله دون هدام والنيل حريف وبعاين اضانو
اسمع من محيط .. والأذن نديانه وحصيفه .. كاسياها سِعده ونال .. الرياحين بساطا
الواطا.. تلك التى وطا كل من خطا وغبش نعالو بالجمال والاتربه , خليها حانيه
وفُل مولع .. ضاجى قاجى بالرحيق , والموسيقى معاي تمش .. تهش نبضات القلوب وتروب
عكران النبوض فى الورايد والشرايين
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: سلمى الشيخ سلامة)
|
مااروعك يا
عمر الحاج
وانت تزيننا بكل هذه السماحه
لك الورد يا صديق
لك كامل البستان
والحدائق المجاوره
لك ابو سته
وابوعشره وابوعشرين
لك الكنار والتُرع
لك الوُد من قبل
ومِن بعد
وسيظل مشروع الجزيره
يتحفنا بقطنه طويل
التيله
وحُلم محمد احمد ان
تعود السكك الحديديه
الى سابق مجدها التليد
ومترو القُرى
حُلماً
على التحقق
ليس بالبعيد
لذا نرفع لصديقنا
هذا النشيد
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: عبد المنعم ابراهيم الحاج)
|
Quote:
ميتين أبوا الدنيا
إختاروا شبر
الارض ..
إتوسدوا الجالوص
والطينة عند
الحد..
لحد البلد
دامس
لا ضو سراج
لا ند ..
والفرقدين غابوا
قرفة وعميري
الجد ..
غنينا فوق راسن
لامن غنانا
همد ..
ناهمنا مجدي
النور
يامجدي
وين ياود ..
باريت مسار
الغيب
حاقب عليك
اليد ..
الخشبة مالت ميل
والفصل
إظلام ليل ..
خيل الفجر
حرنن
بيناتنا
فاضل ميل..
وحالتنا ياها الحال
يعقب يجيها
السيل..
مطموسة بالمطرة
وزنقة حوافي
النيل..
|
هكذا يسخط شعراً الصديق
عبدالمنعم ابراهيم الحاج
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
Quote:
غايتو البعرفو لو كان معانا
كان ضحك ملء شدقيه
وطلب إنو فعلاً نغني ليه
عاش حياتو ذي ما عايز
بساطةمعقدة
شر ضلو في العالم
كلو
نحن قايلنو مؤطر في قلوبنا
اتفاجأنا بأنو ملكية عامة
ذيو وذي الوطن
شايف قدر الدموع الذرفتها القلوب الحبتك دي كلها
عارفك حتقول والله حقو الزول يموت تاني
في عليائك ليك هيبة مذهلة
ساعدنا عشان نقراك من جديد
هباني قال لي بين بتاع الروبابيكا وقرفة إلفة غريبة لي هسه ما قادر يفهمها
والشاذلي ما عارف يبكي كيف
خليت الأسئلة الصعبة بدون إجابات
اللهم تقبله كا تتقبل الشهداء والصديقين وهو أهل لذلك
|
هذا ما خطه صديقه اسامه الكاشف
وهى كتابه صادقه تشبه قرفه كثيرا
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: Rabab Elkarib)
|
Quote:
يا اصدقاء قرفة
فلنغنى مع قرفة تلك الاغنية الاسطورة التى كتبها بسنين عمره القصيرات
فلغنى عاليا جدا حتى تملأ اصواتنا كل زمان ومكان
لكم التحايا
|
التحيه ليك يارباب بالانابه
كيفك والبلاد البعيده
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
Quote:
لو تعاين ياجنا عتمان
فى المواعيد تلقاهو جاي
لو تغتى العيون بي كفك
من ضو الشمش
تلقاهو ماش
الرقاريق
التناوش الضو
تلقاهو خاش
مرات كتيره تشُمو
عِز الصهد
مرات تلاقيهو
والدعاش
فى بواكر الصُبحِ
خاش
ضولو راكوبه
مركوبه
اكبر من جلود
الفهود
والعصا
من طوله
يا دي
الميضنه
يرمى
ضُلها من هنا
لي عِن هناك
.
.
|
عن .. بوست .. قرفه فى راس المراكب
للصديق عثمان موسى .. وعتمان اوعثمان
هو ياخذ منحيين للدلاله ..عثمان موسى مفترع الخيط
وهو ايضا الاسم الاخير للصديق محمد احمد قرفه ..
ولقد كان اثناء تواجده بامريكا ينادى به كماهومعروف
فى الغرب ..لذا وجبت الاشاره
| |
|
|
|
|
|
|
|
|
|
Re: لمحمد احمد غنوا (1/10/2010) (Re: Amin Mahmoud Zorba)
|
لكل الاصدقاء نقول .. بخصوص الاول من اكتوبر
يوم الاحتشاد الكبير لتحية .. صديقنا محمد احمد قرفه
كان اجتماع الامس ناجح بكل المقاييس وكان جميع من شارك
افعل مايكون
وسنوافيكم بشكل البرنامج ذاك المساء الموعود
وتفاصيله الحيه والمتنوعه
فى اقرب سانحه
لكم الورد
.
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
الم اقل لك انه سيغنى لك الجميع
( نحن اهل الفرحه جينا .. )
وسيتغنى مع من يعزف ويغنى
الحضور ..
وسيتبادر السؤال
هل تاّخت الدمعة والبسمه !!
فى الاول من اكتوبر .. وسيوثق
فعل السؤال ..
وستمضى به الركبان أنى مضوا
وسيتساءل من لم يعرفك بعد
عنك !
من هو محمد احمد العربى ؟
قرفه ده منو ؟
وسيذهبون بعيدا فى تقصى سيرتك
واحوالك العاديات
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
يامحمد احمد ياخ
تتخيل الاّن
بالطبع شكل النقاش
بين بحر الجبل
والقاش
بين الرخام فى جبال الشرق
وموليته الخلا
فى انقى مواسما
ياخ شيل مضابط احوال
النقاش ..
وأهدينا ماتراهو
اوسما
انتخب لينا ماتخططو
من نجوم
واي الطيور ممكن
ممكن تحوم
وكيف يكون شكل السما
وما ينمو فى القلوب
من بذرة محبه
وسط ظروف .!
اقل ما توصف بيهو انها
مُجحفه .. مرات كتيره
بتكون سخيفه و..
ياخى سيبك كما قال
حريفك لي حليفك
وغنت البت البورِق
صوته للخدره
وهى مازالت نديه
فوق فروعه
علي الحقول
ياخى قول اوتجمل
بالابتسام والمراقبه
من هناك
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
قرفة………….عصفور مخضوب الحلم في حادث مشؤوم
Saturday, September 25th, 2010
خالد عبد الله
بسيميائيته الفارعة جاء إلى هذا العالم … رقما حقيقيا يضاف للإنسان… كان طفلا للنهروالخضرة الموجعة في قرية ( الشيخ طلحة) التي شهدت مجيئه كمولود ، وكان صبيا متماسك الحلم في” سوكي “النيل الأزرق الذي علمه الكثير من الموج والأناشيد والفراشات الملونة … مثلما كان سامقا في مواقفه كشاب يزرع الأرض ليدرس في مصر ،ويعود ليعمل في مناجم الكروم والمنجنيز في جنوب النيل الأزرق بشرق السودان قبل أن تأوى خطواته بنزف الغربة الذي ما يزال يرسم خارطة شتاتنا العظيم والمتسع لجرح، فيذهب إلى العربية السعودية ثم إلى الولايات المتحدة.
ولأن الطمي الأول الذي اغترفه من النيل كان شامخا، النبض في دمه وملامحه ..عاد إلى السودان مرة أخرى فأعاد لنا ابتسامة الأرض وشهق الرياحين البرية . ولان النيل هو النيل في جزعه وروافده اختار هذه المرة أن يخلد إلى ضفافه في (جوبا) ،ليصنع تاريخا جديدا للورد وليؤسس مع بعض أصدقائه هناك رحلة للعرق الذي يمسح عرق الفقراء ويضمد نحورهم.
(قرفة) كان عصفورا أبيض الريش لذا كانت كل الطيور تألفة وتغرد في سربه … ولأن سميائيته الفارعة كانت مولعة بفسيفساء التعدد في السودان ،لم تكن أحلامه في الجنوب إلا امتدادا لأحلامه حين كان في الشرق مع شركة ارياب للتعدين ..وفي ( فادمية) بجنوب النيل الأزرق … وسنار الوسط… وكادقلي الغرب … ومرايا عديدة تحمل ملامحه في الشمال .
ومنذ عرفته في العام 1981م وحتى رحيله عنا، كنت طيلة هذه السنين أجوب قلبه الكبير لأصل فيه إلى حدود … كان يشعرني برنين خاص، لا يهتز بعصبي إلا حين أقرأ ملامح المسيح … ولا أذكر أني قابلته عند أي فاصلة بين زمان الأفتراق والتلاقي إلا ووجدته ذات الشخص … كالذهب …لا يصدأ ولا تشوبه شوائب الأحوال … كان جديرا ببطاقة الإنسان … وبطوق من الاحترام يوضع حول عنقه الذي لم ينحني يوما … إلا للأطفال .
هذا هو (قرفة) لمن لا يعرفه أو يلتقيه – ولا فرق – فمن عزمه أو ألتقاه لا يستطيع – وليس بمقدوره – أن يرسم له وصفا كاملا – تماما مثل من لم يعرفه أو يلتقيه … لذا صار محتما أن نلتقي جميعا في ليلة تأبينه ببيت الفنون بالخرطوم بحري في الحادي من أكتوبر القادم لنحاول معا رسم لوحة لهذا الراحل العظيم .
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
| Quote: هذا هو (قرفة) لمن لا يعرفه أو يلتقيه – ولا فرق – فمن عزمه أو ألتقاه لا يستطيع – وليس بمقدوره – أن يرسم له وصفا كاملا – تماما مثل من لم يعرفه أو يلتقيه … لذا صار محتما أن نلتقي جميعا في ليلة تأبينه ببيت الفنون بالخرطوم بحري في الحادي من أكتوبر القادم لنحاول معا رسم لوحة لهذا الراحل العظيم . |
| |
|
|
|
|
|
|
|
|
|
Re: لمحمد احمد غنوا (1/10/2010) (Re: محمد المرتضى حامد)
|
Quote: معكم بالقلب،
ليتنا كنا هناك |
يا ود المرتضى
هنالك أناس يمرون علينا في حياتنا يدخلونها كما الأنسام
ويرحلون عنا دنيانا سريعاً سريعاً كما دخولهم قلوبنا
ويتركون أكبر الأثر وأعمقه بمعاني جميلة وعظيمة
ويخلدّون أنفسهم بيننا ويتركون أرواحهم تتقافز حولنا
هؤلاء لا نملك تجاههم الا الوفاء لهم
ولكل اللحظات الحلوة التي قضيناها في معيتهم
رحم الله محمد احمد وأسكنه فسيح من جنانه
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
يمكن يا خطاب يبرم شعرو
ويرفع شفته العليا
يجرجر رجليه مثيراً غباراً من المحبة والألق
ثم ينصرف
تاركاً أسئلة بحجم قامته الفارعة
بثينة أختو ما سألتني إنت منو
قالت لي خلي الخط مفتوح وخليني أبكي
وأشم ريحتو فيكم
كل الأحزان تبدأ كبيرة ثم تتضاءل
إلا حزننا على فراق قرفة السريع
قرفة علامة فارقة في العلائق الإنسانية
وحب الوطن
لو غبنا بالجسد دون شك قلوبنا هناك في الأول من أكتوبر
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
ان تأتى النصوص الشعريه
الى هُنا .. هذا مهم
اعنى قبل اطلاق صافرة
بداية وقفة التحية
والوداع ..
هذا مهم ... لا اسمى أحداً
منكم, حتى لانميل
لناحية التشويق والاعلان
لكننى من ناحية التنسيق
فقط ..
ارجوكم ان تفعلوا ...
حتى يطالعكم من لا
يسطيع
للحضور سبيلا
وللمطالعين هنامتعة
المتابعه
لواجب علينا نحن جميعاً
القيام به ,
لطقسٍ ما يعنى تحية الوداع
ستحيله روح .. راحلناالجميل
من خلا ل عارفى احوال عشقه
لهذه الارض والانسان
فى كل الامكنه , التى توفرت
لناعلى وجه البسيطه ..
لمهرجان
محمداحمد قرفه
السودانى والمعقد
فى ذات الوقت
سيكون
سيدالوقت
والاوقات
المتناغمه
فهلا فعلتم ايها
الشعراء ..
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
كان إجتماع الأمس ببيت الفنون بحضور عدد من أصدقاء قرفة وأقاربه
ودار النقاش وإستفاض مواصلة له حول الترتيبات اللازمة لإقامة البرنامج
ووزعت التكليفات الجديدة للحضور وظهرت الملامح الأخيرة لشكل البرنامج
والذي يحتوي على كلمات - شعر - غناء - مكالمات من أصدقاء قرفه من خارج السودان
في الكلمات كلمة أسرته عنهم عبد الرحمن المدني
وكلمة أصدقائه بالجامعات المصرية عنهم بدر الدين علي عبود
وكلمة أصدقائه بأمريكا
ويأتي الشعر من خطاب حسن احمد ويحى فضل الله وخالد عبد الله
وفي الغناء شمت محمد نور وهشام كمال
وعلاء الدين سنهوري والهام عبد الخالق وابراهيم الماحي
ويتحدث في البرنامج عبر الموبايل أصدقاء قرفة من خارج السودان
من السعودية ومن امريكا وأستراليا وبريطانيا وأمريكا وكندا
وسوف يتم الإعلان عن مشروع مركز تقدم من خلاله خدمات مختلفة
ثقافية وتعليمية وخدمات أخرى وسيتم طرح التصور المبدئي له في نفس اليوم
هذا البرنامج سيقام ببيت الفنون ببحري الساعة 7 مساء الجمعة 1/10/2010
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
| Quote: هذا البرنامج سيقام ببيت الفنون ببحري الساعة 7 مساء الجمعة 1/10/2010 |
الله يوفقكم يا نعومة ..
ولقرفة .. الرحمة والمغفرة .. فعليه ان يهنا فى داره .. فله شهداء الله فى الارض ..
يذكروا كل افعاله الطيبة واعماله الجميله وروحة الودوده ..
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
كمساعد للجنة المنظمه
فهناك متسع للمساهمه ,
على صعيد الشعر والغناء
انه
محمد قرفه .. صديق الجميع
فالللاو بامكان المرأة والرجل
الارتداء
وكذا الجلابية .. العمه والفُستان
فى حالة المرأه . كما كذا الجلباب
فى حالة الرجل
.
فتعالوا ايها الاحباب بما احتقبتم من هداياله
لنا .. تعالوا بما اعتزمتم من نشيد
ولكم المعزه
لكم الورود البريه , طازجةً
ومعلبه فى ادق اكياس الشعور
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: khatab)
|
Quote: كمساعد للجنة المنظمه
فهناك متسع للمساهمه ,
على صعيد الشعر والغناء
انه
محمد قرفه .. صديق الجميع |
وكمساعدة أيضاً لـ اللجنة المنظمة أويد ما قاله خطاب
هنالك متسع للمساهمات من الأصدقاء والأقارب
فقط عليهم الإتصال بأحد أعضاء اللجنة
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
للذين يهاتفون القلب من البعيد
لامال وسلوى
لمنتصر
وزوربا
لبلقيس
ولصلاح اللامين
لمدنى وهو يحتضن القصايد الشدايد ولايبوح بها
لازهرى الحاج وهو يساسق بين السيده الوالده ومريد
لخالد عبدالله
لعاطف خيرى
لمحمد عركى
لحسن مبارك
لعثمان موسى
وعبدالمنعم ابراهيم الحاج
للشازلى واسامه الكاشف
لبُقه ولسبت وهجو
ليحيى وقاسم ابوزيد
لبانقاوجعفر وبثينه
ولكامل اسرته
ولمن لم اذكر اسماءهم بعد
من صديقات واصدقاء
وللجنة المنظمه وللجنة الظِل
حالتى وانعام عبد الحفيظ
وهمُ كثر ...
لكم جميعاً
يقام و..
يرفع هذا النشيد
| |
|
|
|
|
|
|
|
|
|
Re: لمحمد احمد غنوا (1/10/2010) (Re: tayseer alnworani)
|
Quote: نعوم
كم حزينةانا لاننى لن اتشرف بحضور تابين قرفة
لكنى اقول لكم اثق فى انكم سوف تعملوا ما بوسعكم كى يكون كما كان قرفةيرحمه الله
قلبى معكم كل اصدقاءه وربنا يقدركم على تحمل فراقه |
سيفتقدك الجميع كثيراً يا تيسير وسأفتقدك انا أكثر
يا ريت لو كنتي معانا
| |
|
|
|
|
|
|
|
|
|
Re: لمحمد احمد غنوا (1/10/2010) (Re: الطيب شيقوق)
|
شكرا شكرا اصدفاء الاستثانى قرفة
هنيئا لك يا جروف السوكى باحتضان
ملحك النبيل
شكرا انعام رغم الوجع الراسخ فى
نفس الاصدقاء
شكرا كتير لرحم نفيسة من اهدتنا ذلك
المحمد قرفة
مزيدا من الصبر ال فرفة بثينة وبانقا وجعفر والنور
والفاتح والنبيل مبارك وابنائه
شكرا رفاق الداخل والشتات شكرا رفاق اسيوط
شكرا النبيلة (هى)
| |
|
|
|
|
|
|
|
|
|
Re: لمحمد احمد غنوا (1/10/2010) (Re: انعام عبد الحفيظ)
|
Quote:
فلنغنى لقرفة
سنكون معكم
|
ستكونين يارباب
من حضر الامسيه
من هاتفنااو لمن
لم و لن يتمكن ,
لبعد المسافه وقربها
او لاسباب أُخريات
من باح بالشعر
او عزف على مايشتهى
من موسيقى
انهاليلة الوقوف احتراماً
لصديقناالجميل
محمد احمد .. قرفه
فتعالوا هاتفونا
نهاتفكم
من القلب قبل الأُذن
هذا الحين
اوقدوا شموعكم او ارفعوا فى وجه الريح
اخضر الاغصان
سيروا فى موكب وداعه يكللكم الصمت
او تحفكم المهابه
المهم هو الوقوف واحد وستون ثانيه
نترحم عليه وهو فى ظل رب رحيم
ونغنى له من على البسيطه
كما تتغنى الملائكه
.
.
.
| |
|
|
|
|
|
|
|
|
|
Re: لمحمد احمد غنوا (1/10/2010) (Re: Amin Mahmoud Zorba)
|
الصوره
فى المُجسم المصمم لاستقبال ووداع الواقفين على شرف الوداع
يكون مجسم محمداحمد .. بكامل هندامه الانيق ومحياه الطليق
يقف الشاعر قاسمابوزيد
والنورعبدالرحمن عثمان شقيق محمد احمد
والصديق يحيى فضل الله
وفى جانبها
تجلس السيده بثينه عبدالرحمن عثمان
هناك وهى تكابد حزنها على فقده
لكنها تتعزى بوقوف
الاصدقاء
على مقربة
منها ومنه
فهو
اخ وصديق
الجميع
.
.
شكراً زوربا وشكراً للمصور الفنان
اتحفونا ايها الاصدقاء
بالمزيد من التصاوير
| |
|
|
|
|
|
|
| |
انعام عبد الحفيظ
محمد عكاشة
زهير الزناتي
سلمى الشيخ سلامة
khatab
معاوية عبيد الصائم
Amin Mahmoud Zorba
omar alhag
Rabab Elkarib
محمد المرتضى حامد
اسامة الكاشف
عفاف الصادق بابكر
السمؤال بدرالدين
سيف بخيت موسي
الطيب شيقوق
عوض عبدالله طه
فيس بوك
تويتر
انستقرام
يوتيوب
بنتيريست