بعدالأرشفة.. بمرور عام ونصف علي استبدال تاج الدين المهدي بكرار التهامي.. ماهي مكاسب المغتربين ؟

(عدل بواسطة السيد أحمد إبراهيم on 12-23-2009, 01:08 PM)

Quote: العزيز يوسف الخضر النتيجة صفر كبير اكبر من صفر الهلال الدولى ولا توجد اي نتائج ملموسة علي المغترب البائس محاولة كثير تلج 000او لفت انباه لصديقك القديم!!!

Quote: هذا خيط نحاول فيه المقارنة بصدق ووعي وموضوعية..

Quote: أو من تحدث عن اللغة والبيان والجمع ما بين الرياضة والثقافة وكاننا في مسابقة فرسان في الميدان أو شاعر العرب..

Quote: صورك مع الدكتور في مكتبه وجيهة خالص ... وتستحق فتح البوست لرفض اصحاب التحاملات الشخصية اولاً واقصاؤهم من البوست ثم فتح باب البوست لهم على مصراعيــه .. شكراً شكراً لك ..

Quote: شكراً لك إنت يا حيدر دائماً زول حقاني ودوغري شاركت بمداخلة في هذا البوست إعتقاداً مني بصحة نوايا كاتبه .. أي أن الهدف هو فعلاً النقاش الحقيقي .. لا كسير التلج .. والتباهي بالعلاقة الخاصة التي تربط كاتب البوست بـ كرار التهامي الذي صار ( وزير قد الدنيا ) !!!!!!!!!!!!

Quote: أول حاجة لأنو حيدر قراءته لما أكتب مبنية علي أسقاط لبوستات سابقة .. أختلفنا فيها حد الأختلاف وأديتهم فيها 6/صفر..

Quote: اخجل ليك خجلة بس يا يوسف الخضر ..!

Quote: Quote: اخجل ليك خجلة بس يا يوسف الخضر ..! سآخذها بنوايا حسنة..

Quote: لافوق لامين نجيك بالمهلة،،،

Quote: أخيــراً صورك مع الدكتور في مكتبه وجيهة خالص ... وتستحق فتح البوست لرفض اصحاب التحاملات الشخصية اولاً واقصاؤهم من البوست ثم فتح باب البوست لهم على مصراعيــه .. شكراً شكراً لك ..

Quote: حين تكون تلك الحالة الدافعة لصاحب الرأي ذاك ( متحاملا /أو مجاملا).. مبنية ومقدمة لنا علي أسس موضوعية لا مجرد رأي فقط علي نسق الهتاف.. ذلك مذكور حيث فات عليك أن تقتبس الجزء المكمل لاقتباسك الأخير وهو..

Quote: كيــف تصنف شخص بالتحامل أو بالمجاملة إذا كان يستند على حقائــق منظورة ؟! الا تنتفي صفة التحامل اذا جاءك بحقيقة وبموضوعيــة .. انت لغة العربي دا غيروها والا شنو ؟!

Quote: يعني ناس زي ما ورد في بوست اسماعيل عباس يعتبرو الدفتر الجديد بتاع التأشيرة.. يعتبروهو انجاز وتنظيم وكده.. ناس تانيين يعتبروه أبدا.. مجرد صرف علي طباعة بدون فائدة للمغترب..وبدون جدوي لانو ما فارق معاهو يكون اورنيك او مغلف.. وممكن يتحاملو اكتر وامشو في اتجاه اتهامات تبدأ بجدوي هذا الاجراء.. ولا تنهي به.. أها يلا ممكن صاحب الراي ده معروف هنا اورد اكتر من راي في بوستات تانية وكان متحامل وطلع مع كرار خارج اطار وظيفته الي شخصه وحصل بينهم (دواس) غير موضوعي ابدا..

Quote: يلالا قام الزول المتحامل دا جاب ليــك مثال انه انطبعت تذكارات ونتائج تحمل صور كرار التهامي بعمل ليس به جدوى وصرف من ميزانية المغتربين ساى وعمل ليك اسكنر للنتائج دي دي عشان تكون حقيقة ( منظورة ) وقارن بينها وبين دفتر التأشيرة وانهن ما بيختلفن بتبديد مال دافعي الضرائب.. والبدد الشوية بيسخت الكتير ... دا هنا بيكون مرحب بيهو ولا دخل قضايا تانية في قضيتك الموضوعية الهادئة دي..؟!

Quote: فهمت يا حيدر؟؟؟

Quote: فهمتني يا يوسف طلبك المن البداية شلت بيهو وش الكعوبية كان ممكن تتجاوزو فقط بطلب موضوعية النقاش من ناحية المتحاملين وما تجيب سيرة لمكسري التلج ولا زوارو في مكتبو بالمغتربين لانك في النهاية طلعت من ضمن الزوار ديل الممكن يجو يكسرو تلج بالصور ويهشّو عنه المتحاملين .. وقع ليك والا لسع !!

Quote: كدي أقرا مداخلتي الكاتب ليك ف آخرها الفورة مليون .. معليش نزلت فوق.

وانا كمان معليش .. طلعت يادوب من المكتب وجيتك من جهاز البيت لبس الهفاف وللصباح ..

Quote: ديك بنرد ليها في محلها الهي فيهو لانو موضوعها غيـــر .. والفورة معاك صدقني ما بتحصل المليـــون اقل كتير من 10% منها

Quote: وبطريقتك دي اعمل حسابك.. هسة المو فيك الناس القارشين ملحة الجهاز.. وأقولو عليك غواصة جاية تبوظ البوست وتشتتو..!!

Quote: الخلوق اسماعيل عباس،، عساك بخير،،، والله لو أي واحد تاني كلتب البوست ده.. أكيد كنت حا أقول كسير تلج طوالي من قولة تيت.. وده طبعا ثقافة اجتماعية تربي عليها كل الشرقيين.. في مدح من هو في موقع المسئولية ولا جدال.. لكن عندما يكون أنت الكاتب.. لا يكون البوست الا لخير ونية صافية.. فقد عرفناك بهذا المنبر ومن خلال ما تكتب.. تهدأ لكلماتك الانفاس اللاهثة والمتصارعة وهي تتامل.. كل ذلك الوقار والاحترام للجميع بلا استثناء.. ضف الي ذلك انا نشهد بدماثة الاخلاق وحلو المعشر.. للدكتور كرار.. شكرا أخ أسماعيل .

Quote: هي دعوة لكل الموضوعيين لأعادة القراءة وترتيب أفكارهم.. للمساهمة في هذا الخيط في الربع الجديد.

(عدل بواسطة mahmed alhassan on 12-24-2009, 08:00 AM)

Quote: الاخ يوسف الخضر الســـلام مطبـــوق عنــدما نتنــاول جهاز المغتربين قدحـا أو مدحـا كونه المعني بشئوننــا كمغتربين يجــب أن نعــي جيــدا سقـــف الصلاحيات الممنوحــة لامينــه العــام بموجب قانون الجهاز ومــدي امكانية تحقيقهــا لتطلعــات وامــال المغترب 0 تختلف حقبــة الامين السابق عــن الامين الحالي اختلاف كبير مـن حيث المهــام والمتغيرات الاقتصاديــة ودوافع الهجــرة نفسها رغم أن الهــدف النهائي واحــد 0 الامين السابق تحمــل عبئا أكبر بحكم المرحلة و(شال وش القباحة ) كما يقولون انابة عــن الحكومـــة التي جمعـت كل اداراتها ذات الصلة بالمغترب داخل حوش الجهاز ( ضرائب -- زكاة -- خدمــــة الزامية -- الخ ) وكلها تنظر لجيب المغترب 0 وكانت تلك الايرادات ضمــن منظومــة الموازنة المالية للدولــة منذ أوقبل عام 1980 قبل أن يفتح الله علي السودان بموارد بترولية اخري علي قلتها ساهمت قبل خمســة سنوات في اسقاط الضرئب عــن أغلب قطاع المغتربين 0 عندمــا جاء الامين الحــالي الدكتور كرار التهــامي بدأ يطبع العلاقــة لحــد مــا لوصــح التعبير بين المغترب والجهــاز وذلك لضيـــق حـــدة الصراع السياسي بين الحكومة والمهاجرين بحسبان أن الجهــاز كان جمرة العقبــة الكبري التي يرميها المغتربون بحصيهم (الاكثر مــن سبعـة ) 0 بعــد مرور عام ونصف لللامين الجديد وهــي فترة كانت كافية للوقوف علي المشاكل المتعددة والمعقـــدة يتطلع المغترب الان لجني ثمار ماقدمــة للدولة ولوقوفــه داعما لاقتصادها في أيام العســر 0 العســر الذي بدأ يزحــف ويطبق علي حياة معظم شرائح المغتربين الذين لاتتجاوز أعلب طموحاتهــم ســترة الحــال وســكن يأوي العيال 0 (القصــة طالت ) اقترح علي الجهاز تبني شعار رائعة ثنائي العاصمــة (بعــادك طــال --كفايــة تعــال )0 ولي عودة للمكاسب المتوقعة للمغترب (عنوان البوست ) مــن خــلال مجموعات المغتربين الاستثمارية برعاية الجهاز ومدي جدواها 0 للدكتور كرار وصاحب البوست والمتداخلون القراء أطيب المني والامنيات وبوطــن يسوده الاستقرار والسلام 0

Quote: تبالغ عديل كدا ...دا سؤال دا يا يوسف الخضر يااااخي : اولا : اعادة المغتربيين السودانيين في ليبيا بدون اي حل لمشكلاتهم داخل الوطن . ثانيا: صفحة واحة المغتربيين كل اسبوع تضج بصور الرحالة البروفسور كرار التهامي. ثالثا: حفلات وسهرات ولو مكضبني شاهد قناة زول . رابعا : التواجد المستمر بالصحف اليومية وبالصورة والقلم واللقب اهم حاجة دا اللقب. خامسا : الجاليات واقتسام الثروة بينها والجهاز. سادسا سابعا ثامنا تاسعا مليوناً ................................؟؟؟!!!! ازيدك واللا كفاك ... عالم حاسدين بشكل . يوسف بالله ما تزعل والله مرور للتحية والتقدير والسؤال عنكم شخصياً خلينا من المغتربيين وجهاز تعذيبهم. ............................................................حجر.

Quote: لافوق لامين نجيكم بالمهلة،،،

Quote: انت ماسمعت بالمثل البقول من جرب المجرب حاقت به الندامة،،،

هو دي القصة ومافيـــها

Quote: سلام للأجلاء يا ليون بعيداً عن أي صراع أو تشتيت للكورة، وفي إجابة مباشرة للعنوان أقول: 1. أن المكسب الحقيقي للمغتربين من التهامي أو تاج الدين أو غيرهما أن يسافر المغترب من المطار مباشرة دون المرور بالجهاز لدفع الجبايات. 2. أن يهتم الجهاز بطرح مشاريع استثمارية -اختيارية - للمغتربين ومتابعة قضاياهم بالخارج وطرح مشاريع تساهم في جذبهم للاستقرار بالوطن. والله من وارء القصد..

Quote: انت ياحيدر خلي ليهو البوست ده يكمل فيهو الصور وفي الربع الجديد نجي ونحاكم (او نحاول) كما قال في اول مداخلة له كرار التهامي .. ماهي مكاسب المغترب قال !! انت بس ما تكون مكاسبك الصور الفي المكتب السمح ده

Quote: وبعد ذلك يقول لي من قارش ملحة جهاز المغتربيــن سيعتبرني اشتت البوست ( النقدي الموضوعي ) .. بالجد صحي !!!

Quote: يا حيدّر، بدل النقة الكتيرة دي، شيل ليك كاميرا وأمشي سلم على -الأمير- العام لشئونكم..