|
|
|
 Re: هدية خاصة جدا جدا للاخ سيف مساعد علي (صورة) بركاتك يا شيخ خليل (Re: ود محجوب)
|
إسو !
كل سنة إنت والعيال طيِّبون..
يا ربي دي القزازة التي تسبّبت في هجوم أمدرمان وخلّت الجماعة يهتفوا: كل القوة الخرطوم جوّة؟ تستحضرني نكتّة الذبابة -الضُبانة-، وقعّت في كاس وسكي، وطارت، بقت تهتِّف: الصقُر جاكم، الصقُر جاكم..
أديك النجيضة: تقريباً القزازة دي أتى بها أحد الزائرين للمعسكّر من دول الغرب والإستكبار، شربها وخلى ليهم الفاضي، وجماعتّك ديل مستكترين علي القزازة السمحّة دي "قطع الجُمار"، و-القناني- جمع قني..، ليهِن الله، والدراب والخلاء والمناضِل الفسِل، لوول؛ ولكن، القزازة دي قد تكون إحدى خدائع شيخ حسن، و فتاويه، بأنّ الصورة مع القزازة قد تبعد عنهم شُبهّة العلاقة مع جماعة الشعبي، وسوف تقربهم من اليسار والعلمانيين بصورة أشمّل..
سيف مساعّد ده أهدي ليهو سبحة لالوب، ولا سبحة بعّر جمّل - بعير- عشان خيالكم ما يسرّح بعيد، سيان! وسيف ده لو ضرب ليهو كأس وحيد، من بيرة شعير خاليَّة من الكحول، والله إلا يقول ليكم أنا جبريل عليه السلام..
لو عِندّك موز، أديهو سبيطة..
| |
 
|
|
|
|
|
|
|
|
Re: هدية خاصة جدا جدا للاخ سيف مساعد علي (صورة) بركاتك يا شيخ خليل (Re: Yassir Tayfour)
|
ياسر طيفور
Quote:
يا ربي دي القزازة التي تسبّبت في هجوم أمدرمان وخلّت الجماعة يهتفوا: كل القوة الخرطوم جوّة؟ تستحضرني نكتّة الذبابة -الضُبانة-، وقعّت في كاس وسكي، وطارت، بقت تهتِّف: الصقُر جاكم، الصقُر جاكم.. |
قلت لي كيف دي القزازة التي تسببت في هجوم امدرمان ابدا لا هجوم امدرمان تسبب فيهو المؤتمر العام
في شهر 9 سنة 2007 وبعدو بي خمسة شهور
Quote:
أديك النجيضة: تقريباً القزازة دي أتى بها أحد الزائرين للمعسكّر من دول الغرب والإستكبار، شربها وخلى ليهم الفاضي، وجماعتّك ديل مستكترين علي القزازة السمحّة دي "قطع الجُمار"، و-القناني- جمع قني..، ليهِن الله، والدراب والخلاء والمناضِل الفسِل، لوول؛ ولكن، القزازة دي قد تكون إحدى خدائع شيخ حسن، و فتاويه، بأنّ الصورة مع القزازة قد تبعد عنهم شُبهّة العلاقة مع جماعة الشعبي، وسوف تقربهم من اليسار والعلمانيين بصورة أشمّل.. |
لالا الزائرين كيف احتمال دعم من دولة تشاد مش هي بتدعم الحركة عالم وهم
ليش ينفوا علاقتهم بي شيخ حسن ,شيخ حسن كل الناس بتقعد معاهو وبتتفق معاهو
اهو سيدك الميرغني قال سلم تسلم سلموه الاراضي واموالي البشير سلم منو
وجيش الفتح راح شمار في مرقة
Quote:
سيف مساعّد ده أهدي ليهو سبحة لالوب، ولا سبحة بعّر جمّل - بعير- عشان خيالكم ما يسرّح بعيد، سيان! وسيف ده لو ضرب ليهو كأس وحيد، من بيرة شعير خاليَّة من الكحول، والله إلا يقول ليكم أنا جبريل عليه السلام..
لو عِندّك موز، أديهو سبيطة.. |
ليش اقول ليهم انا جبريل بس اقول ليهم انا جدي صاحب رسول الله سيدي ابوبكر الصديق
عشان تاني السيد محمد عثمان مايقول ادوني انا جدي الرسول عليه الصلاة والسلام
نقول ليهو ماعندك ورثة كل المال العندك مسروق من الغلابة
| |
|
|
|
|
|
|
|
|
|
Re: هدية خاصة جدا جدا للاخ سيف مساعد علي (صورة) بركاتك يا شيخ خليل (Re: saif massad ali)
|
اساسي كتب
Quote: مجاهدات الحركة توصلها الي الفرح المعبأ في قناني (مستوردة)
دا التهميش ولا بلاش |
وحواء والكوبي شككوا في ايه الدليل ديل جماعة العدل والمساواة
وبعضهم شكك في انها تكون (خمرة)
وسيف جاء (يكحلها) قام (قدا) ليها (عينها)
فبدل ان ينفي التهمة عن (حركتهم) باي رد (دبلوماسي)
قام شال (السكر) وقشاهو في طرف (الحزب الشيوعي)
في (صمة) خشمو
| Quote: عشان تاكد معلومة انو داخل الحركة عدد لا يستهان به من القادميين من الحزب الشويعي |
يا سيف في واحد في الحلة مابيعرف الرد الظريف تب ...ومرة ركبو بوكس
ماشين لعزاء في قرية تانية...في النص البوكس خسر بيهم في طرف قرية تانية
والدنيا سخانة... وكمية من رجال تلك القرية مروا بهم ولم (يعبروهم) وبعد ساعتين ..جاءت
مرة من نفس القرية شايلة (جردل) موية...وسقتهم وحلفت تعمل ليهم (فطور) وصاحبنا
حلف ماتعمل ليهم حاجة ... وبعد المرة رجعت وفي قمة (زعله) من رجال الحلة وتقديره
لكرم هذه المراه وهو يكن لها الشكر...التفت لجاعته وقال ليهم..
(علي الطلاق حقو المرة دي يركبو ليها ب...ت)
يا سيف قلنا ليك ناس العدل ديل انت بتغطس حجرهم
والود محفوظ
ودالبشرى
| |
|
|
|
|
|
|
|
|
|
Re: هدية خاصة جدا جدا للاخ سيف مساعد علي (صورة) بركاتك يا شيخ خليل (Re: أبو الحسين)
|
المتضرر الوحيد من البوست بكون مصطفي محمود طبعا
عنده اكوله شديده ويتحاوم ما عارف يجي يفتي يقول شنو
غايتو عافين ليك يا عمك لانه ليس عليك حرج
تعال اعمل كم كوبي بيست واتخارج مافي زول سائلك
اما سيف مساعد العوير مشي فتح ليه بوست قايل نفسه توم كروز وشبكنه الصور وهجم النمر والبتاع
نظام تشتيت للكوره ومشكلته النوع ده ما اظنه لبس ليه كداره قبل كده
غايتو البوست ده حيكون قاااعد ليك كده لي يوم القيامه بي قزازه وجركاناته دي
ــــــــــــــــــــــــــــــــــــــــــــــــــــــــــ
اساسي ياخ كل سنة وانت طيب وكتر ليهم من الحاجات الزي دي وحفظ الله هذا البوست من الارشفه
| |
|
|
|
|
|
|
| |
اساسي
فيصل نوبي
عبدالوهاب علي الحاج
saif massad ali
Mustafa Mahmoud
حيدر حسن ميرغني
mayada kamal
Frankly
وليد محمد المبارك
محمد عبد الماجد الصايم
ALZOLZATOO
معتز القريش
abuguta
الصادق ضرار
ود محجوب
معاوية الأرباب
Yassir Tayfour
حمزه بابكر الكوبي
حواء سليمان ابراهيم
خالد العبيد
saadeldin abdelrahman
سارة علي
قلقو
أبو الحسين
Faisal Elrasheed
جلال جبريل
على محمد على بشير
فيس بوك
تويتر
انستقرام
يوتيوب
بنتيريست