|
Re: البروفسور القرشي تكفيرى اساء لكل فناني السودان! (Re: هشام هباني)
|
ابو الشوش يا خي انت الليلة طالبني مغايس؟
Quote: القرشي وتحديدا في اخر حلقة اجراها مع احد رواة المديح وهو راوي المديح عمنا الحاج عبدالبخيت وسمعت في اثناء حواره مع عمنا عبد البخيت قد تطرق الى سيرته قبل المديح اي انه كان يتعاطى الغناء وان الله تاب عليه عندما انتقل الى المديح مثل كثير من المداحين الذين بداوا حياتهم كمغنين ولكن الله تاب |
عمك دا متصالح جدا مع نفسه وهو عارف انو الغناء حرام و جريمة مفروض يعاقب عليها القانون .... عمك الدكتور دا ابدا ما مشكلة لكن اقول ليك وين المشكلة (بس ما ريدك) ...والله يا هشام اموت و الله يسألني يوم الموقف العظيم فنانة قدر الدنيا و كرعينا مكسرين حتي البنات ....الفنانة دي جابوا معاها هرطقة كدا في العيد ...المزيعة سألتها و كان الحوار زيو و زي اي قعدة نسوان مع احترامي الشديد لنساء بلادي .... المهم الحوار فيه سؤال محدد و اجابة محددة المذيعة: يا استاذه فلانة الدنيا عيد و كدا ... ممكن تقولي لينا امنيتك؟ الفنانة فلانة: والله اتمني من الله السنة الجاية احج و اتوب من الغناء... انتهي
بالله شوف تقول ليك عمك الدكتور
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: حافظ حسن ابراهيم)
|
Quote: عمك دا متصالح جدا مع نفسه وهو عارف انو الغناء حرام و جريمة مفروض يعاقب عليها القانون .... عمك الدكتور دا ابدا ما مشكلة لكن اقول ليك وين المشكلة (بس ما ريدك) |
حافظ
سلامات لا اعتقد ان الامر يمر هكذا لنجد العذر له فالرجل بروفسور ولا يمكن ان يطلق الكلام هكذا على عواهنه والا لما قال تعالي في منزل تحكيمه ( انما يخشى الله من عباده العلماء) حيث خشية العلماء لله نابعة من وعيهم وعلمهم بالخطأ والصواب والحق والباطل ولذلك خشيتهم مؤسسة على العقل والمعرفة...فاذا كان يعني ما يقول فهذا عطب كبير واذا كان لا يدرى ما يقول هنا اس العطب في وعيه وشهاداته. ولكن هذه هي العقلية التي تدير الامور في بلادنا التعيسة بهؤلاء الاقصائيين. فلا ادري ماذا ستكون اجابته اذا راي شريط البشير ( يسكسك) في اثيوبيا هل سيصمت ولا يملك اجابة لان الامر يمس حاكم البلاد ويتهيب الخوض في هذا وهنا الصمت على الحق نقيصة كبيرة افضل منها الغناء والهجيج ولن يكون اشرف من المغني اذا كان صاحب المغنى انسان مواقف ومباديء مثل الفنان ابو عركي او اي واحد من رموز الغناء الوطني العظام! فالذي يحب مدح النبي عليه التمثل باخلاق النبى ومن ضممن اخلاقه الشجاعة والصدق فالنبي غير محتاج لمن يمدحه وكفى يل محتاج للذين يتمثلون اخلاقه وصفاته.
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: Elmosley)
|
العزيز الدكتور الموسيقار والفنان الموصلي
تحياتي ومشتاقون
مدرك لما تقول وكان لدينا قريب في قريتنا يحب ويطرب للمديح جدا وتاتيه حالات نشوة من الطرب حتى تجدنه احيانا مغمى عليه في وسط الحلبة ولكن عندنا ظريف في القرية دوما تجده يضحك من هذا المشهد حين يعزيه الناس الى ان فلان في حالة روحية ويسمونها ( شالو الدين) ويرد عليهم الظريف: على بالحرام فلان غمران هجيج ساكت مطول من السكسة مما خلاها اهو ده الحال من طار لي طار! لك التحايا والود
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: هشام هباني)
|
السلام عليكم ...... حمد لله على السلامة والمرة دي شايفك فكيت ناس الحكومة ومسكت في ناس المديح أها بروفيسر إبراهيم القرشي لم يأت بجديد فهؤلاء المادحين هم الذين يقولون ذلك في مديحهم ولو أخذت حاج الماحي كمثال ، فتكاد لا تخلو قصيدة له من ذكر توبته من الغناء وأسفه على عمره الذي قضاه في ذلك يقول حاج الماحي في بالفور والدلك الماحي قال خايف الهتك *** كان في الشباب تارك ترك تاب لي الله ودق الطار هبك *** واقع وراك لا ينشبك وقال في صلاة الله ما هب ريحو يقول الماحي في حالة الجهالة *** جوارحي السبعة عاملات الفسالة وقيعاً جيتا يا صاحب المقالة *** بخاف من ذنبي تالاك الحمالة وفي الدينو قاما عبيدك الماحي نفسو لاما *** في الشباب ما ختا الغشامة والأمثلة لا حصر لها .... وبعدين عملت الزول ده تكفيري طوالي كدي الكفر الجابو هنا شنو؟ ولّ لا بد من المحسنات اللفظية التي تعجب الجمهور الزول قال عبد البخيت تاب من الغناء معناها كفر الناس البيغنو؟ أنا ممكن أتوب من السفر ممكن أتوب من شتم الناس ممكن اتوب من الإفتراء على الناس ممكن أتوب من الكذب ممكن أتوب عن الخمر أتوب دي صلتها بالكفر شنو؟ .... لغاية ما قايم على الراجل التكفيري الأقصائي ، المتخلف غايتو لو رجوعك لزي دي يا هباني أحسن ترجع مكان ما كنت
....
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: الزوول)
|
Quote: وبعدين عملت الزول ده تكفيري طوالي كدي الكفر الجابو هنا شنو؟ ولّ لا بد من المحسنات اللفظية التي تعجب الجمهور الزول قال عبد البخيت تاب من الغناء معناها كفر الناس البيغنو؟ أنا ممكن أتوب من السفر ممكن أتوب من شتم الناس ممكن اتوب من الإفتراء على الناس ممكن أتوب من الكذب ممكن أتوب عن الخمر أتوب دي صلتها بالكفر شنو؟ |
لا يفتى ومالك في المدينة سلامات حبيبنا الزوول
حمداً لله على سلامة العودة أستاذ هشام
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: عاطف عمر)
|
وبعدين عملت الزول ده تكفيري طوالي كدي الكفر الجابو هنا شنو؟ ولّ لا بد من المحسنات اللفظية التي تعجب الجمهور الزول قال عبد البخيت تاب من الغناء معناها كفر الناس البيغنو؟ أنا ممكن أتوب من السفر ممكن أتوب من شتم الناس ممكن اتوب من الإفتراء على الناس ممكن أتوب من الكذب ممكن أتوب عن الخمر أتوب دي صلتها بالكفر شنو؟
الزول
سلامات
والله كلامك يعدل الراس
وقهوتك تعدل المزاج
لك الود يا صاحب
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: صلاح شعيب)
|
Quote: يقول حاج الماحي في بالفور والدلك الماحي قال خايف الهتك *** كان في الشباب تارك ترك تاب لي الله ودق الطار هبك *** واقع وراك لا ينشبك وقال في صلاة الله ما هب ريحو يقول الماحي في حالة الجهالة *** جوارحي السبعة عاملات الفسالة وقيعاً جيتا يا صاحب المقالة *** بخاف من ذنبي تالاك الحمالة وفي الدينو قاما عبيدك الماحي نفسو لاما *** في الشباب ما ختا الغشامة |
الزول سلامات خارج عن موضوع البوست تفسيركـ للتوبة كـ (تعبير سوداني لازم للرجوع الي الله) مافيهو كلام لكن نماذج المديح دي جَت عليها ماعندها علاقة بالتوبة من الغنا, كلها بتشير لي مُختلف المعاصي و الجهالات وِفق فكرة و مخزون ابونا المادح حاج الماحي الروحي.
هباني سلامات و حمدلله علي السلامة يا راجل
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: خدر)
|
السلام عليكم ...... خدر حبابك
Quote: لكن نماذج المديح دي جَت عليها ماعندها علاقة بالتوبة من الغنا, كلها بتشير لي مُختلف المعاصي و الجهالات وِفق فكرة و مخزون ابونا المادح حاج الماحي الروحي. |
. ... كلامك صحيح تماماً أن ما أتيت به لا يدل على تخصيص الغناء ولكن المتتبع لسيرة حاج الماحي يجد انه كان يربط معظم أثامه ومعاصيه قبل "التوبة" بالغناء لذلك البديهة تفترض أنه كان يرى الغناء وكل ما يتعلق ذلك به إثماً يستدعي الندم والتوبة...
Quote: وِفق فكرة و مخزون ابونا المادح حاج الماحي الروحي. |
طيب هاك دي من أم قزَازْ الماح رطابا كنا في غرق الشبابا *** في هوى وصفقة وربابة الرجع لله تابا *** ما بيقولوا رجاهو خابا ..... غايتو يا خدر يا خوي ذكرتني بالجماعة البيقولوا ليك الخمر ماها حرام ، كدى جيب لينا دليل من القرآن على أن الخمر حرام تقوم تجيب أقوى أيات التحريم (يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ) (90) (المائدة) يقول ليك التحريم هنا وينو ..ربنا قال اجتنبوها ما قال حرمتها عليكم وممكن يسند كلامو بأنو ربنا قال فيها منافع وأنوقال بس ما تقربوا الصلاة وأنتم سكارى ..... تحياتي عاطف عمر وأخونا العوض ودكتورنا القناوي ...اللى قندهار ناوي
...
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: هشام هباني)
|
Quote: قبل ايام كنت اشاهد في تلفاز السودان البائس ذلكم الدكتور والذي يبدو متخصصا ومهتمابجمع قصائد(المديح النبوى) وتقديمها من خلال برنامج خاص به اعده خصيصا لهذا الشأن واعني دكتور.... القرشي وتحديدا في اخر حلقة اجراها مع احد رواة المديح وهو راوي المديح عمنا الحاج عبدالبخيت وسمعت في اثناء حواره مع عمنا عبد البخيت قد تطرق الى سيرته قبل المديح اي انه كان يتعاطى الغناء وان الله تاب عليه عندما انتقل الى المديح مثل كثير من المداحين الذين بداوا حياتهم كمغنين ولكن الله تاب عليهم عندما انتقلوا الى رحاب المديح النبوى الشريف وارى في هذا القول تجريما وتكفيرا لكل المبدعين السودانيين من المؤدين للغناء والاناشيد وهذه للاسف عقلية تكفيرية اقصائية متخلفة لا ينبغي ان تمكن من هذه الوسائل الاعلامية الخطيرة لانها تنشرا افكارا تناقض سياق هذه المرحلة والتي يزعم روادها انها مرحلة التسامح والاخاء في وطن هو وطن الجميع لكل السودانيين بمختلف معتقداتهم والوانهم وادين بشدة هذه الروح الاقصائية المتخلفة التي يحملها هذا الدكتور التكفيري والذي عليه ان يقدم اعتذارالكل الفنانين السودانيين وفيهم عمالقة نكن لهم كل الود والاحترام |
المحترم هشام هباني
ما لي أراك متحاملاً علي الرجل وهو لم يخطئي في حق المغنيين والمنشدين
وعلي حسب قولك أن المادح ود البخيت هو من زكر أنه تاب عن الغناء؟
بروفيسور القرشي رجل عرفته ساحات الادب والادب النبوي علي وجه الخصوص
وهو الاديب والشاعر والمفكر الناقد ولا أجد سبباً لوصفك إياه بالمتطرف أوالإقصائي !!!!
يمكنك مراجعة هذا الخيط بروفيسور إبراهيم القرشي الرجل( الموسوعة)
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: ممدوح أبارو)
|
وهل تعلم يا اخ هشام هباني ان كثير من المادحين كانوا من فناني السودان بس ما مسجلين في نقابة الفنانين ولم يرفع احد عليهم سيفا او عكاذا ليتحولوا من الغناء ولكن النهج الصوفي القائم علي السماحة والذي ميز تعامل السودانيين مع بعضهم البعض جعل الفرد حر في اختياراته من غير اكراه
وانا متاكد انه في ذللك الزمن لو جاء واحد شهر سيف امام حاج الماحي لحرمنا من الدرر الغالية التي نستمتع بها اليوم ولكن حاج الماحي حدد خياره بنفسه وقال:
عيب شبابي الراح في هوي الطمبور ومن قبله قال الشيخ ود حليب: ود حليب زمن الطرب شايل الرباب ام عصب
وحتي التعامل مع الفنانين لم يكن فيه تكفير كما فعل الشيخ قريب الله ابوصالح وهو يستمع الي كرومة في دمعة الشوق كبي فبكي في هذه الا غنية ومن قبل قال الشيخ فرح ود تكتوك اغني المغني وكل حد علي هواه فانا من وجهة نظري اري ان وصف هذا التحول من الغناء الي المديح بالتوبة لا يحمل اي توجهات تكفيرية
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: الشامي الحبر عبدالوهاب)
|
سلامات الشامي عبدالوهاب أرجو سماحك أن أصحح لك هذه المعلومة
Quote: وحتي التعامل مع الفنانين لم يكن فيه تكفير كما فعل الشيخ قريب الله ابوصالح وهو يستمع الي كرومة في دمعة الشوق كبي |
فالقصة كما نظن أنها كانت كالتاليQuote: بينما كان كروان السودان الفنان المرحوم كرومة يؤدي أغنيته الشهيرة
يا ليل أبقالي شاهد على نار شوقي وجنوني
في أحد الحفلات في أمدرمان ، وبعد إنتهاء الحفلة أتاه من يخبره بأن الشيخ قريب الله يريده والآن . فتلجلج الفنان الكبير كيف يذهب للشيخ العابد وهو في ( حالته ) تلك وطلب تأجيل الزيارة ليوم غد فأصر عليه من أتى يطلبه بأن الشيخ يريده الآن وبـ ( حالته ) الراهنه .ذهب الفنان الكبير للشيخ العابد ، فطلب الشيخ من الفنان أن يعيد له غناء الأغنية المذكورة ففوجئ الفنان بالطلب وأدى الأغنية كما لم يؤدها من قبل . فكان الفنان يؤدي الأغنية والشيخ العابد يجهش في البكاء . في نهاية المقابلة كان طلب الشيخ من الفنان أن يأتي إليه كلما وجد سانحة ليسمعه هذه الأغنية .
|
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: عاطف عمر)
|
Quote: سلامات الشامي عبدالوهاب أرجو سماحك أن أصحح لك هذه المعلومة
|
شكرا اخ عاطف للتصحيح
فهي فعلا اغنية يا ليل ابقالي شاهد
واختلط علي الامر لان دمعة الشوق فيها حكم حبي ارعي نجم الليل فالليل هو الذي يثير الشجن عند كل عاشق وعند المتصوفة بشكل خاص
لك شكري مجددا
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: حذيفه ابراهيم الكباشي)
|
عزيزى هشام هبانى .. مرحبا بعودتك وسلامى لكل الاخوه الذين مروا من هنا.. دعونى افتح هامش ليس بعيدا ً عن الموضوع العلاقه الجنينيه بين الغناء والمديح , فالاواصر بين الضربين فى التغنى والانشاد لم تنفصم ولا اعتقد انها ستفعل ذات يوم والنظر فى تاريخ الضربين بائن للناظر والقارئ الجيد للتاريخ , فحين هبط الغناء وافلست مفرداته اسعفه شعر المديح ووجد فيه الشعراء اطيب معين نهلوا منه واصلحوا حال الغناء , وحين تجف أضرع المديح موسيقيا ً يستحلب ضرع الغناء ويغنى شاعرنا محمد المكى للرسول الكريم عليه افضل الصلاة والسلام مدينتك الهُدى ويغنى بذات اللسان .. من اشتراك اشترانى يا خُلاسيه ويمدحنا مغنينا الرائع .. خضر بشير له الرحمه جل جلاله لالو شريك ولالو مثالو كما يُغنينا بذات التطريب عسعس الليل وناما واكتسى الوادى ظلاما .. .. كما يتحكر فينا القدال منشدا ً شعره القبرو واشنطون يا حاج نوينا
. خالص الود .
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: khatab)
|
الاخ العزيز المبدع خطاب حسن احمد
تحياتي
تشكر على هذا الربط العضوى الموفق بين الغناء والمديح وهما توامان في السودان يرفدان بعضهم البعض في كثير من المعاني والتطريب وقد انتشرت في الاونة الاخيرة استلاف الالحان الغنائية للمديح النبوى بل حتى بعد المنشدين الشباب اليوم صاروا يتزيون في اناقة الفنانين ويتمايدون في طرب المغنين ويمسكون ( المايكات) على ذات طريقة المغنين... بل صارت اوركسترا الغناء وراء المداحين... ولكن ما احزنني طريقة البروفسور القرشي الذي اراد من تعبيره غير الموفق احداث قطيعة ما بين هذين التوامين وعندما اعنى الغناء والذي هو توام المديح اعنى الغناء الملتزم بالمفردة الانيقة الثرة بالمعاني النبيلة مصحوبا باداء فيه حضور الفنان الملتزم صاحب الرسالة. شكرا خطاب
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: هشام هباني)
|
Quote: غايتو البلد ملوثة بكمية هوس غير معقولة والقلم ما بزيل بلم. |
سلامات عزيزي هشام قد لا نختلف إن البلد الذي هو السودان قد أعترته موجة هوس ( غير معقولة ) وفي ذلك أرى صدقاً ألا مخرج من هذا الهوس إلا الرجوع بالإسلام إلى منابع صفائه ومصادر حقيقته وهو الصوفية . لا أمل أبداً من تكرار قالة الأستاذ الطيب صالح في أحد لقاءاته التلفزيونية " أن لو أراد الله تعالى للإسلام إنتشاراً في الغرب فسوف ينتشر وفق الفهم الصوفي "
لم أدر من هو المقصود بأن ( القلم ما بزيل بلم )
لن أختلف معك إن كان المقصود هو شخصي الضعيف فما أجهله أكثر بكثير مما أعرفه، وحتى ذاك القليل الذي أعرفه قد غفلت كثيراً عن العمل به.
أما إن كان المقصود هو بروف إبراهيم القرشي
فلا أملك إلا أن أقول لك ظلمت الرجل وظلمت نفسك كثيراً كى لا أعيد نفسي وأكرر مقالتي أرجو أن ترجع لرابط البوست الذي أرفقه الحبيب العوض أعلاه .
| |
|
|
|
|
|
|
Re: البروفسور القرشي تكفيرى اساء لكل فناني السودان! (Re: عاطف عمر)
|
صديقي العزيز عاطف
تحياتي
عفوا صديقي لم اقصدك بالعبارة بل بالفعل قصدت بها الاستاذ القرشي الذي اعتبره غير موفق فيها حين نطق بها واكدها على لسان عمنا عبد البخيت واستشهد هو بنفسه بامثال اخرى لمداحين ( تابوا) عل حسب زعمه عن الغناء وهنا مربط الفرس وهو السبب الذي دعاني لفتح هذا الخيط لا تشهيرا بالرجل بل لنقده لان كلمة تاب لا تحمل تاويلا غير معنى التوبة في معناها الديني المحدد اي الرجوع من الباطل الى الحق والبروفسور رجل يتقن اللغة لا اظنه يقصد المعنى السوقي العامي والا عليه ان يوضح هذا الامر في مقال منفصل ردا على قولي.
لك محبتي واحترامي
| |
|
|
|
|
|
|
| |