|
Re: كلنا نحبك يا على السفورى (Re: mohmmed said ahmed)
|
يا سلالالالالالالالالالالام علي السفوري خفيف الظل المرح الوجيه؟
غالبية الناس الذكرتهم هنا ديل تقاطعت حياتي معهم مرة مع بيرق وعشة ومرة مع زوجي حيث جمعتم كلية الاداب والاهتمامات وبينهم وبين زوجي معزات ومودات...
من سنوات طويلة لم نقابل على السفوري ونتسقط اخباره من الاصدقاء المشتركين
يا ريتك ترسل ليناتلفونو
محمد سعيد انت تقريبا بتعرف اي زول انابعرفو... غربية لم تتقطاع حيواتنا.. لك التحية ولعلي السفوري عاجل الشفاء
_________
كتبت كلام كثير طار
| |
|
|
|
|
|
|
Re: كلنا نحبك يا على السفورى (Re: د.نجاة محمود)
|
الاخت د نجاة يسعدنى انك بتعرفى حبيبنا على السفورى هو بيذكر ابراهيم كتير بشكل ايجابى وبيصفه بالمثقف الكبير
بيرق وعشة المبارك ما قابلتهم لكن هم دايما فى احاديث اصدقائى
انا ذاتى مستغرب ليه ما اتقابلنا انا دراس للنقد المسرحى
لكن فى القاهرة اكاديمية الففنون وسنوات طويلة خارج السودان
سوف ارسل لك تلفون على فى الماسنجر
| |
|
|
|
|
|
|
Re: كلنا نحبك يا على السفورى (Re: abubakr)
|
Quote: حبينا وصديقنا وشيخنا على السفورى يرقد فى مستشفى الخرطوم بعد اجراء عملية جراحية له حبنا وامانينا بالشفاء |
الفاضل محمد سيد أحمد
امنيات صادقة بعاجل الشفاء لعلي السفوري..
ورجاء أن تنقل له تحياتي
سيف بشير
| |
|
|
|
|
|
|
Re: كلنا نحبك يا على السفورى (Re: saif basheer)
|
Quote: انا ذاتى مستغرب ليه ما اتقابلنا انا دراس للنقد المسرحى
لكن فى القاهرة اكاديمية الففنون وسنوات طويلة خارج السودان |
عرفت الرهط دا في بداية الثمانيات
يبدوان سنواتك خارج السودان لم تتح الفرصة
مادام شغالين في نفس الحاجات يوم ما بنتلاقى..
والتحية للناس الذكرت هنا مرة اخرى
| |
|
|
|
|
|
|
Re: كلنا نحبك يا على السفورى (Re: د.نجاة محمود)
|
يا سلام عليك يا محمد سيد أحمد كتابة جميلة عن صديقك علي السفوري.. ليتك خصصت بوستاً عن رفاق اليمن السعيد.. نتمنى لشيخنا علي السفوري الشفاء العاجل.. اللهم أشفه وعافه وألبسه ثوب العافية..
| |
|
|
|
|
|
|
Re: السفوري الكائن النقي ... (Re: سليمان الرفاعي)
|
علي السفوري ....يا سلام .. الانسان الجميل ، أخي وصديقي ، حين ياتي هو وعلي بابكر ، كانت تضحك الدار ويفرح الصغار ، ويحتد النقاش ويصمت الصمت و يضج ، يا الله يا السفوري لقد كنت حياة مفردة ، ما زالت ملامحك وابتسامتك البريئة حاضرة في الخاطر ، لقد ودعنا زمنا ممتلئ كنا نظنه غير ذلك ، لشد ما نفتقدك أنت وعلي بابكر ، ومحمد عبد الحميد وحواء بشير وسليمان وبقية العقد الفريد ، لماتنا في صحن الفول المجلوب من ناس نوسة ولمتنا حول النار والهبابة والكانون وكبابي الشاي ساعة يحلو الحديث حول تقسيم العمل وقضايا المرأة والبؤس السياسي الذي ما زال يشد قبضته حول رقابنا ...لقد جمعتنا الايام والاجازات انا وعلي بابكر وزوجته اماني آبنة آختي في رفاعة ، وسالته عنك كثيرا يا علي .. ولكن اجازاتنا الخاطفة لم تمكني من ملاقاتك يا صديقي ، حين فتحت هذا البوست كنت اظنه ترحيب بك فدلفت رغم عزوفي عن الاسافير ، واتمني من الله ان يجمعنا من جديد ويرحمنا من الغربة ، وان يشفيك الله وانشالله كفارة يا سفوري وفعلا كلنا نحبك يا السفوري وشكرا يا علي سعيد لهذا الحديث عن حبيبنا السفوري ولمن لا يعرف السفوري فهو بحر من المعرفة وقلب من ذهب يفيض طيبة وجمال ... سليمان الرفاعي كلنا معك ندعو لعلي بالشفاء السريع نجاة محموة زاكرة الزمن الجميل التحية ليك وللعيال واستاذ ابراهيم شد وتزول يا علي
| |
|
|
|
|
|
|
Re: السفوري الكائن النقي ... (Re: عشة بت فاطنة)
|
العزيز سليمان
اعرف من على ومحمد عبد الحميد كثير من الحكاوى عن رفقتكم الطيبة
كتبت عن رفقة على فى اليمن
اتمنى ان تكتبو عن ايام السودان واسماء اعزاء يحبهم على كثيرا سليمان الرفاعى عثمان عامر محمد بيرق ابراهيم محمد زين صلاح محد ادريس عشة المبارك
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
Quote: اتمنى ان تكتبو عن ايام السودان واسماء اعزاء يحبهم على كثيرا |
سنكتب يا محمد حتي يجف حبر الكتابة لأن من يحبهم علي وتحبهم ونحبهم يحبون القرأءة
رأت مثل هذا المنبر من قبل لكن بطريقة مختلفة ..سأحكي عنها بالتأكيد
لنا عوده..
ولعلي عاجل الشفاء..
| |
|
|
|
|
|
|
Re: السفوري الكائن النقي ... (Re: عشة بت فاطنة)
|
ابننقا تو ابوبكر
زى على نوع نادر من البشر
تجلس معه تجد المعرفة الثقافة والادب الطرفة والتعليق الذكى ودا كلو مع تواضع جم
يوم الخميس عند حضور سفورى من ذمار الى صنعاء
تتسابق بيوت الاصدقاء مشرعة لاحتضان على
| |
|
|
|
|
|
|
Re: السفوري الكائن النقي ... (Re: هشام هباني)
|
عشة يا بت فاطنة دائما الايام ديك هي الاجمل... قربك دائما هو الاجمل لا يوجد في الدنيا اجمل من اصدقاء مخلصين محبين
الزول لما يلاقيكم عمرو بينقص ربع قرن...
حنجيكم ان شاء الله قريب..
نتمنى الشفاء العاجل لعلي,,,
| |
|
|
|
|
|
|
Re: السفوري الكائن النقي ... (Re: Rawia)
|
Dear Mohamed Wish a speedy recovery to Ali. and glad to read your recollections of some mutual friends of 1970s, and 1980s in Iraq, and Sudan. Itis also good to read the comments of my niece Aisha Bit Fatima, Najat, Rawia and others. I have been relocated to Beirut, Lebanon, and Beirut still is Beirut full with life,beauty, cultures, and contardictions. I am planning to make a tour around the Eid in Qatar, UAE visiting our mutual friends Yassir Shibeika, and Abubakr Sidahmed. Please send me your contact numbers at my e.mail [email protected] . You will be also welcomed to visit us in Beirut , Lebanon. Regards to your family/B]
| |
|
|
|
|
|
|
Re: السفوري الكائن النقي ... (Re: Abubakr Osman)
|
سيف بشير ان شاء الله نوصل تحاياك لسفورى
د نجاة اكيد نتقابل وانت تعرفى كل الناس الجميلين ديل
نصر الدين كيفك يا صديقى ياريت نقدر نكتب عن رفاق اليمن عند مرض والدتى كتبت بوست بعنوان هدايا امى واخر بعنوان مقولات امى النوبية
زمرض سفورى حفزنى للكتابة هى كتابة خوف من الزمن والنسيان
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
أخي محمد سيد أحمد
كل النعوت الجميلة التي تداعت وتدافعت من ذاكرة الاصدقاء في بوست الوفاء هذا بحق ود السفوري الإنسان الهادىء النبيل شيىء قليل من فيض كبير ينضح بمحبة الرجل عند كل من عرفه عن قرب، وتعود الذاكرة بي للوراء قليل حيث النيل الأبيض الثانوية وبحر الزراف الداخلية وبحر أبيض النيل الواسع الكبير الذي يمثل كل القواسم مع (أولاد السفوري) ومن تالاهم شرقاً وغربا، وأعود بـ علي لردهات بحر العرب ونهر الرهد وكل مسميات ينابيع الخير والبركة التي كانت تسبح فيها جزيرة البركس بجامعة الخرطوم,
دعوات صالحات ببحجم قطرات مياه هذه الأنهار وكل الأكف مرفوعة للسماء بإمتداد بحر أبيض تسأل الله الشفاء العاجل لعلي ود السفوري
اللهم رب الناس ، اذهب الباس اشف أنت الشافى، شفاءً لا يغادر سقما
الطيب عبدالرحيم
| |
|
|
|
|
|
|
Re: السفوري الكائن النقي ... (Re: الطيب عبد الرحيم خلف الله)
|
شكرا محمد ياجميل عن كتابتك عن الجميل علي السفوري. على السفوري بخير وسيكون كذلك دوما.. سعدت كثيرا بصوته الواثق في مكالمتي معه يوم امس. سيخرج معافي باذن الله تعالي من المستشفي، وسنتسمع جميعنا كثيرا برفقتنا الجمليةفي قادم الايام باذنه تعالي.
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
الغالي محمد سيد أحمد وأهلي الجدد ناس اليمن..
شفا الله الكريم علي السفوري وأعاد له صحته كاملة بإذن الله..
ألف لا بأس عليك يا سفوري..
وفعلا يا محمد بعتبر نفسي محظوظة لوجود الناس الحلوة دي كلها..
رجــــا
| |
|
|
|
|
|
|
Re: السفوري الكائن النقي ... (Re: سليمان الرفاعي)
|
Quote: اسامة عبد الجليل زامل على فى التدريس فى جامعة ذمار وكانت بينهم جيرة وكلام فى السياسة والتعليم والشعر والادب |
مابيني وبين علي أكثر من ذلك بكثير ياصديقي.
أرجو له تمام العافية وموفورها.
لقد كنت أقضي معه في شقته الليالي والأيام
قبل أن ألتحق بجامعة زمار .. بيننا الصداقة بكل تفاصيلها..
ثم أن الصداقة هي التي أنجبت الجيرة.
شكرا لك على هذا الوفاء يا صديقي
وتحياتي لك ولكل من ورد ذكره في هذا البوست.
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
الخال محمد سيد أحمد ... أخبارك ....
قبل يومين كنت انا و الوالد في سيرة صلاح عمي و أصحابو ......و قام جاب سيرة دكتور سفوري .....و حكى عنو كتير ..... ربنا يقومو بالسلامة .... صلاح حاليا مؤجز في السودان ....
تخريمة : ما معقول أجي و أقرب أرجع و ما ألاقيك .................
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
سلام يا محمد والله انت زول جميل سفودي ده انا لاقيتو طشاش طشاش لانو كان جارنا في ناصر وبتذكروا جدا جدا زول رايق وهادئ وانيق ياريت يتذكرني بعد كل هذه السنوات التي مرت وزي ما قلت انت : على السفورى مثقف وقارىء مجيد وصاحب بديهة حاضرة يا سفودي اتمنى ليك شفاء سريع
وسلام ليك يا محمد
| |
|
|
|
|
|
|
Re: السفوري الكائن النقي ... (Re: mohmmed said ahmed)
|
شكرا يا صديقي تحدثت معه أيضا
وهو في معنويات عالية جدا..
وطلب مني أن أشكر نيابة عنه كل الذين سألوا عنه
وتداخلوا في شأنه عبر هذا الموقع..
وقال أنه يتهيأ لمتابعة العلاج يالقاهرة..
بت أبّو ومهاب أيضا قاما بزيارته وطمأنونا عليه.
دعواتكم له.
وشكرا ياصديقي..
| |
|
|
|
|
|
|
Re: كلنا نحبك يا على السفورى (Re: mohmmed said ahmed)
|
محمد :حياك الله وبارك الله فيك وباهتمامك بهذا الامر المفعم بالانسانيه والتضامن الاخوى النبيل كل ما نوده الاطمئنان عليه ونرفع أكفنا بالدعاء له وبالشفاء لكل مريض يعاني ويتاوه. نامل في مدنا بالتفاصيل وجزيت كل خير.
| |
|
|
|
|
|
|
|