|
|
|
 Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: محمد حسن العمدة)
|
ورد في هذا البوست يا ود العمدة:
داخل معسكر الهلال في مدينة الانتاج الاعلامـــــي بالقاهرة :
Quote: أخبار اليوم والدار تزوران معسكر الهلال بالقاهرة وتلتقي مدير الكرة والاعبين
أمير عبد الوهاب: المعسكر كان ناجاً والمباريات الإعدادية أدت دورها المطلوب
القاهرة :بهاء عيسي
أكد السيد أمير عبد الوهاب مدير الكرة بنادي الهلال السوداني سلامة جميع اللاعبين بالمعسكر الإعدادي بفندق ماجيك لاند بمدينة السادس من أكتوبر ضاحية القاهرة المصرية الشمالية. وأضاف السيد عبد الوهاب أن الإقامة في الفندق كانت مريحة والمعاملة طيبة والخدمات ممتازة، الأمر الذي انعكس إيجاباً علي سير المعسكر والتمارين والتي كانت تجري بانتظام صباحاً ومساءً. ولقد أشاد مدير الكرة بالتجارب الإعدادية والمباريات التجريبية التي خاضها فريق الهلال بالقاهرة. وقال إنها كشفت مواقع القوة والضعف في الفريق، وكشفت كذلك مدي استيعاب اللاعبين للخطة. ويعتبر المعسكر خير إعداد للفريق وهو يواجه مباريات صعبة في دور المجموعات بدوري أبطال الأندية الأفريقية البطولة المحببة للهلال والتي وصل من قبل لمباراتها الختامية ويسعي هذه المرة لنيل شرف البطولة.
وبرغم حذر اللاعبين من الحديث للصحافة والإعلام الذي يبدو أنه إلتزام بتعليمات صارمة لإدارة المعسكر إلا أن اللاعبين جميعاً أبدوا سعادة وترحيباً بزيارة صحيفتي (أخبار اليوم) و(الدار) لهم بالمعسكر وحرصوا علي التقاط صور تذكارية مع مندوب صحف دار اليوم لتحية القراء والمعجبين في السودان. ولقد أوضح كابتن الفريق هيثم مصطفي الحالة المعنوية والبدنية العالية للاعبين. وسوف تعود البعثة لأرض الوطن فجر السبت القادم 11/7/2009م بإذن الله تعالي اتنخرط في إعداد داخلي للمبارة الأولي مع المريخ السوداني في افتتاح دوري مجموعات أبطال القارة الأفريقية |
1- إبتداء من العنوان كلمة اللاعبين كتبت الاعبين ..
2- إسم السيد أمين عبدالوهاب كُتب أمير عبدالوهاب ..
3- ناجحاً كُتبت ناجاً ..
4- التمارين كتبت في الصياغة كانت في حين أن المعسكر لا زال جارياً ..
5- كتب مندوب الصحيفة عن زيارته مع مندوب جريدة الدار ثم دمجهما في كلمة واحدة صحف دار اليوم ..
6- لاعبي فريق الهلال (حرصوا) علي أن يلتقطو صوراً تذكارية مع مندوب صحف دار اليوم ( الاتنين ) ؛ ماشين يحرصو عشان يلتقطو ..
7- أتنخرط دي غايتو غلبني الاقي ليها مخارجة الا الملوخية ..
8- جماهير الهلال عبر الشاشة ماف ليهم أي تحايا و لا تذكارية ...
9- ...
_
شامبيون بس الليلة 
| |
 
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: عمار نجم الدين)
|
يا زول البوست ده الا ود البلال يشوفو
عشان يعرفو نوعية الصحفيين من منازلهم
زول ما عندو (قيد صحفي) يجي يقشر بينا بهاء عيسي مندوب صحيفة أخبار اليوم و أخبار الغد
و المصيبة ما داير يعترف بغلطو و لامن يعترف بغلطو معاهو لماضة و أنا من غير الناطقين بها
لمن إنت من الغير الناطقين بها تكتب ليه ؟
و لامن الصحيفة أدتكـ حرية إنـ تكتب و تنزل الخبر قبل ما الصحيفة تنزله و قبل ما يخضع لرئيس التحرير
يبقي الصحيفة تتحمل النتيجة بتاعت تسريب الاخبار منها قبل الصياغة و المراجعة
_
و سلمي ليكم يا عمار يا أخوي ..
| |
|
|
|
|
|
|
|
|
 Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: فيصل نوبي)
|
الأخ فيصل نوبى
تحياتى
نعم هنالك أخطاء عديدة فى ما أورده بهاء عيسى..
ولمثل هذه الأخطاء هناك محررون ومصححون لغويون بالصحافة الورقية..
الكتابة فى السايبر تفضح كثير من (الصحفيين) لأنها تعكس إنتاجهم دون تدخل من آخرين مهمتهم التصحيح والتحرير والإخراج..
ولكن الخطأ الأكبر هو فى نفس الوقت خطر أكبر على الصحافة السودانية. وهذا ملخصه أن الصحافة أصبحت مهنة مسترخصة ومستسهلة ومنتهكة من كثيرين لاعلاقة لهم بها سوى شجاعة الإدعاء واستسهال المهمة وانتفاء المسئولية..
وهنا لاأتحدث عن بهاء عيسى ولكن أتحدث عن الظاهرة عموما..
نعم هناك صحفيون لم يدرسوا صحافة كالسلمابى وقد كانت بمقالاته تتزين بها الصحف وتتزى. وآخرون كانوا أدباء وشعراء أضافوا للصحافة وأصبحوا من أهم أعمدتها..
فحسن ساتى مثلا أصلا خريج كلية الصحة ويفترض أن يكون ضابط صحة ولكنه أصبح ضابط كلمة ومحللا استراتيجيا بعض تحليلاته كانت كالنبوءات الصادقة..
عليه فالصحافةأصبحت موبوءة ومريضة وعلاجها بيد القائمين عليها إذ يتوجب عليهم علاجها وتحصينها..
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: حيدر حسن ميرغني)
|
حيدرنا
واحد صاحبي في تلفون حكي لي قصة
قال في واحد ماشي في الشارع لقي ليو شافع شالو فوق بيد و لطشو باليد التانية و نزلو في الواطه أداو شلوت و قال ليو أمش
ود الصايم
الزول ده لايوق شديد ياخ ياخ يدكـ معانا
_
البوست ده إنتهي عشان الحنكوش شال كورتو و مشي قال للمعلم دقوني
المعلم قال لينا خلاس شتتو من هنا أو أتنخرطو من هنا
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: حيدر حسن ميرغني)
|
يا صديق يا نوبى ....
اولا انت مشترك مع بهاء عيسى فى غير الناطقين بها...
ثانيا ..امسك اى صحيفه فى السودان مع وجود جيش من المراجعين ...توجد اخطاء لا تغفر ....
بهاء عيسى راجل مجتهد من منازلهم كم ذكرت ..ويكتب ايضا دون وجود مراجع ..واشياء اخرى ؟؟؟
بهاء يصرف من جيبه الخاص لتغذيه المنبر بالاخبار الطازجه ...من موقع الحدث ..
مراسل صحيفه فى السودان ليس فخر..ولا منجهه ...ياما فى ناس ما بتعرف الواو الضكر وعندها صحف وبتكتب وبتحلل وبتكفر..
لو عايز تشوف فضائح الكتاب الكبار ...راجع اصغر مراجع فى اكبر صحيفه ..عشان تعمل كل يوم خمسين بوست من الصباح ...والصباح لو لاح..
يا بهاء هاردلك ... تانى اكتب احسان عبد القدوس من القاهره ونحن بنفهم ...ياخ قوم بلا صحافه زلط
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: Esam El-Khawad)
|
نعم هنالك أخطاء عديدة فى ما أورده بهاء عيسى..
الاخ بلة
تحياتي وتقديري
ما ذكرته هو عين الصواب .. وهذه هي مأساة الصحافة السودانية .. حيث اصبحت مهنة يمكن دخولها بالشهادة الجامعية وامتحان القيد .. وكل هذا مطلوب ولكن اين الموهبة اين المقدرات اين المسئولية ? كل هذه مهارات لا تكتسب بالدراسة وحدها فامتلات الصحافة بمن لا يحسنون اللغة كتابة وقواعدها .. وبمن هم اسوأ بالمتكسبين من الصحافة .. ممن اساءوا الى المهنة الشريفة ومن باعوا اقلامهم
والمؤسسات الصحفية نفسها ضالعة في الجريمة .. حيث ما يهمها هو الخبر والذي قد يكون اعلانا مدفوع الاجر .. ولكن المؤسسة لا تستطيع الوفاء بكل متطلبات الصحفي فيلجأ الى مثل هذه الاساليب
وليس كل من يكتب في البورد صحفي .. والاخ بهاء معذور .. فالكتابة في المنبر لا تتطلب اجادة للغة.. وهذا شئ مؤسف ومحزن ولكنه صحي .. وفي الصحيفة هناك من يصحح المادة وحتى بعد المراجعة هي لا تخلو من الاخطاء بعد ان وصل التعليم الى مستويات متردية
لكن احكي ليك دي قوية شوية: سمعت بي صحفي امي يعني لا يكتب ولا يقرأ .. مرة عندي صاحبي من ناس الصحافة الرياضية لقيت معاهو واحد عمك بتاع 50-60 سنة .. لابس جلابيتو وبتكلم معاهو وداك يشيل ويكتب .. لما مشى قال لي تصور دة صحفي امي.. كييييييف? بقعد ينقل ليهو تفاصيل المباراة زي ما حصلت .. والاخ يصلحا ويكتبا
ولكم التحية
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: Esam El-Khawad)
|
شكرا اخي عصام
فقد اصبت كبد الحقيقة
الاخ نوبي رغم انني
لا اعرف عنك الكثير الا ان اسمك ينبئ انك
من اندينا
كان يكفيك مجرد النقد البناء
اما المبارزة بهذه الصورة اظنها بعيدة
عن روح الاخوة التي تجمع البورداب في اي
مكان.
بهاء اجتهد واخطأكان عليك تقويمه بالكتابة اليه
في بريده
او بلفت نظره في البوست نفسه اما ما يحدث فقد تجاوز تصحيح
الخطأ.ارجو منك اخي فيصل ايقاف هذا البوست.....
ولتعود للنفوس صفائها
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: عبد الحكيم نصر)
|
الاخوان عصام وعبد الحكيم .. كنت قررت ان لا اتداخل في هذا الحوار الغير
مجدي للقراء والزملاء خاصة وان الحوار اخذ منحا لا اريد الخوض فيه ابـدا
ولكن الاخ فيصل ضخم الموضوع وجعل الامر شخصي ؟ واصل الحكاية ان الخطأ في
كلمة(اتنخرط)بدل(لتنخرط) الالف بدل اللام واسم مدير الكرة امير بدل امين
وغير ذلك لا اخطاء في المقال .. والحصل انا بدل حفظ المقل الذي تم ارساله
بعد المراجعة حفظت المقال الذي كتبته في حينه قبل المراجعة .. فهل فتح
بوست لهذا السبب مجدي او مفيد لاحد غير العداوة واعطاء الامر حجم ابر من
مايستحق؟ نوبي للاسف دخلت معه قبل اعوام في جدال اخذ هذا الامر في نفسه
حتي الان ؟ وهو الدافع له وراء كل هذه الزوبعة ..
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: baha eassa)
|
الاخ الكريم نوبي
مسكاقمي
انتقادك للاخ بهاء لا علاقة له بالنقد البناء
للاسف روح التشفي و الانتقام واضح في هذا البوست و في البوست الذي تم حذفه
و الدليل علي ذلك انك بدات انتقادك للاخ بهاء بحجة انه لا يعرف اسماء اللاعبين قبل ان تنتبه للاخطاء الاملائية
و ايضا اصرارك علي فتح بوست جديد بعد حذف البوست الاول
و كما قال الاخ عبد الحكيم كان بامكانك تنبيه الاخ بهاء في بوسته
و لانتهي الامر عند ذلك الحد
اخي الكريم
متابع مشاركاتك في المنبر ( و طبعا الاسم جاذب ) و لم أقرأ لك ما يشين
فأرجو انك تستمع الي كل من ناشدك بالتوقف
عافيلقو
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: baha eassa)
|
سلامي للحضور جميعاً
كنت في بوست الأخ بهاء من نبه الى أن مدير الكرة هو أمين وليس أمير إلا ان البوست بتاع معسكر الهلال أخذ منحى من قبل الأخ فيصل بشكل يدي الزول إنطباع بأنو في أشياء بينو وبين بهاء خاصة بعد فتح بوست براهو، عموما يا فيصل الصحافة عندنا قد هجم عليها قوم لا علاقة لهم بالصحافة وتفاصيلها (زيها زي بقية مؤسسات الدولة) وده بحتاج لي نقد يهدف في المقام الأول تصحيح الصحفيين العندنا طريقة نلقاهم هنا ديل ويحمد لي بهاء إنو ممكن نلم فيهو هنا في مجموعة من الصحفيين فاقعننا فقع وما بنلم فيهم.
بشرى
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: فيصل نوبي)
|
نادية عثمان و نبيل
بهاء قال دي تصفية حسابات و جدال قديم
يله يا سي بهاء تعال جيب لينا الجدال القديم ده و تعال
_
يا نبيل
للأسف الموضوع لا تشفي ولا شيء لكن ممكن نقلبه تشفي
أديني شيء واحد يدل علي إنه الموضوع تشفي ؟
شايفني ماسكـ بهاء من رقبتو و بهاء لسانو مارق بره مدلدل ؟
شايفني ناطي ليو من بوست لبوست ؟
بهاء قال هو صحفي و بيكتب في جريدة أخبار اليوم
يتحمل النقد سواء كان قليل أو عظيم أو حتي سجم و رماد و لا داير يشتهر بدون ما يدفع ضريبة ؟
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: فيصل نوبي)
|
Quote: أديني شيء واحد يدل علي إنه الموضوع تشفي ؟
|
Quote: بهاء يا عيسي
معلم يا باشا
|
| Quote: اها إنت مطالب تجيب لي الجدال ده هنا و الا فأنت كاذب أشر و من اليوم سوف أنعتكـ بالكاذب الأشر و سوف أتتبعكـ في كل بوست الي تأتي بالبينة |
| Quote: تاني بنعمل بوست ماف مشكلة و الخرفان يبقن تلاته برضو |
اخي فيصل الكلام الفوق ده مش كلامك ؟
و بعد كلامك ده بتطلب مني اجيب ليك دليل انو كلامك فيهو تشفي و انتقام؟
ما افتكر شخص هدفو النقد الهادف يخاطب الاخر بهذا الاسلوب
فاذا بهاء انتقدك من قبل مستحيل يكون انتقدك بهذا الاسلوب
لاني متابع كتابات بهاء في المنبر و اعرف اسلوبه جيدا
و انت ايضا لم يحدث ان قرات لك بوست بهذا المستوي
فيا اخي قل اعوذ بالله من الشيطان الرجيم و انهي هذا البوست
عافيلقو
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: ombadda)
|
كان بإمكان الاخ بهاء تقبل النقد والاعتراف بالخطأ من الاول
ويادار مادخلك شر
كما قلت في البوست المحذوف
سبق ان انتقدنا هنا صحفيين كبار
وصل الامر بالجهات التي يعملون فيها الى فصلهم لفداحة الاخطاء التي ارتكبوها
والاكثر لمكابرتهم وتوجيه الفاظ خارجة عن الذوق لما كتبناه هنا
واحد فيهم يحمل الدكتوراة
الكل يخطي .. لكن الافضل من يعترف بالخطأ
وتمنيات بمشوار مهني طيب للاخ بهاء اذا كان بالفعل صحفي
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: حيدر حسن ميرغني)
|
الاخ حيدر .. .. يااخي من البداية قلنا ان النسخة الكوبي ليست هي
التي نزلت في الصحيفة وجبت الموضوع من الجريدة وهي كما ارسلتها ..
والاخطاء هي عبارة عن (اتنخرط) بدلا (لتنخرط) وكان المعسكر ناجا بدل
كان ناجحا .. ودي اخطاء كتابية وليست مخلة بالموضوع ولاتفوت علي
فطنة القاريء العادي واسم مدير الكرة بدل امين كتب امير ..
Quote: والاكثر لمكابرتهم وتوجيه الفاظ خارجة عن الذوق لما كتبناه هنا
|
ولم يحصل ان قلنا كلاما خارجا عن الذوق العام اخي حيدر
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: نصار)
|
يا نبيل
الاقتباسات دي ردود بعد ما بهاء قال هو (قبل أعوام) كان عندو جدال معاي
(قبل أعوام) دي متين وهو مسجل في نهاية شهر سبعة 2007 يعني لسة ما تم عامين في المنبر
يبقي بهاء كاذب اشر أو كان عندو إسم تاني في المنبر ده
يثبت كلامو ده و الا نشوف لينا حل تاني معاو و ياهو دي إقتباساتكـ الفوق دي
اها يا يجري لي بكري يسحب البوست ده لكن برضو ما بيحلو ..
معاوية حسين
السيد المسلمي
محمد علي حسن
تصدقو إني ما عندي موضوع ساي و قاعد عامل بهاء ده موضوع خميس و جمعة و سبت نهاية إسبوع
اها من باكر الاحد بأخليو ينوم ماف مشكلة لكن برضو بنديو هبشة هبشتين مستقبليات ما هو قاعد يغالط في روحو
سمارت يا (صاحبتي) انا
ياخ والله لمن كتبت البوست ده كنت مبسوط و ميت من الضحكـ و لي هسي قاعد أضحكـ
بهاء ده تحفة و أصدقائه الواضحين أعلاه تحفة أكتر منو زول غلط يقولو ليو انت غلطان و لا يقولو للطرف التاني إنت إتحاملت عليهو ؟
غايتو في المنبر ده بنشوف العجب .. ما ياهو ديل أصحابي فوق قالو لي نوبي أقيف مالهم ما قالو بهاء ما غلطان
صدقي البيفقع المرارة ما عينة بهاء ده بالعكس عينة أصحابه ( أسامة الخواض و عبدالحكيم ) ديل
غايتو البوست ده جميل و مليان مواعظ و حكم برغم ما فيه من لخوخة كان من بهاء كان من نوبي
أسامة الخواض
يا زول من متين بقيتني صديقكـ ؟
لا صديقكـ و لا شيء زميل منبر عاااادي هنا ده بس .
الناس القاعدين يكتبو لي صديقي ديل أصدقاء حقيقين بيعرفو معني ( أنصر أخاكـ ظالماً أو مظلوماً)
اها إنت راجع مداخلتكـ دي و قول لي بهاء حاول تعدل أخطائكـ بدل ما تقول ليو إنت غلطكـ صغير و إنت مبتدي و من منازلهم عشان تحمل معني كلمة صديق دي
حيدرنا
الزول ده الا يشيل كورتو يجري بيها تاني لي بكري
دكتور أمبده
سلامات ياخ
_
بهاء يا عيسي
Quote: نوبي للاسف دخلت معه قبل اعوام في جدال اخذ هذا الامر في نفسه
حتي الان ؟ وهو الدافع له وراء كل هذه الزوبعة .. |
اها إنت مطالب تجيب لي الجدال ده هنا و الا فأنت كاذب أشر و من اليوم سوف أنعتكـ بالكاذب الأشر و سوف أتتبعكـ في كل بوست الي تأتي بالبينة
و الزوبعة دي ما بتنتهي .
| |
|
|
|
|
|
|
|
|
 Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: smart_ana2001)
|
أصلاً الخطأ وارد
وتحديداً الأخطاء الأملائية
دي ما أختلفناعليها تب
لكن يا عمك
في ناس موهوبين في حاجات كدة ما عندها تفسير
وما عندها علاقة بالتحصيل الأكاديمي
وكوم الشهادات المردومة في الدولاب
والأنتاج الأدبي بالذات
بفسر الجزئية دي
هسة انت يا نوبي
مشاركاتك هنا كتيرة
تاريخ التسجيل: 16-09-2005
مجموع المشاركات: 10892
يا تري دي كلها كانت أكتشافات علمية و براءات إختراع!
البوستات دي كانت فيها بوستين عن علم الفلك
أديني رابط البوست البتتكلم فيهُ عن علم الوراثة او علم الذرة
...
المحصلة
مفيش
وتيب يا عمك
عشان كدة ما تعاين للجانب المظلم
وتشتغل بي سياسة المادايرك
في الضلمة بحدر ليك!!
كان تفتح عينك
لي المجهود المقدر الذي بُزِل
عشان المادة دي توصل
وبعدين انت مش فهمت لي درجة أنك نصّبت نفسك سيبويه قسم حلفا
وتيب !!!
| |
|
|
|
|
|
|
|
|
|
Re: مهزلة صحيفة أخبار اليوم و بهاء عيسي (اتنخرط) مثالاً (2) (Re: حبيب نورة)
|
حبيب نورة
في فرق بين إنكـ تسوط في البورد و تعمل لخوخة
و بين إنكـ تكتب في البورد كصحفي ممتهن
نحن قاعدين في البورد ده نتعلم من الصحفيين ديل و من الاطباء و من خبراء علم الفلكـ
و في نفس الوقت نسوط سواطتنا و نشوف حبيب نورة لامن فرتق خطوبة البنت ديكـ
و نتونس ونستنا كبورداب يفتقدون السودان و يجدونه في هذا الوطن المصغر
اها كمان بعد خمسة ستة سنين ممكن نكتب عن علم الذرة و الفضاء و الهندسة و الكمبيوتر ( إذا كان ده مجالنا)
يله السي بهاء ده ما ياهو من زمان قاعد يكتب و ينزل صور
في زول هبشو ؟ في زول داس ليو علي طرف ؟ ما ياهو ده قاعد يفنجط ساااااااااااااااااااااي
لكن يكتب علي أساس إنه صحفي .. و ينزل خبر صحفي مليء بالاخطاء (الأسماء و الإملاء) ما بنخليو يمر
بعدين قالو أسمع كلام الببكيكـ و ما تسمع كلام البضحككـ
( اها نوبي ناوي يبكي بهاء ده عشان يسمع كلامو كان ما بهاء بكي لي هسي )
بعدين تعال هنا إنت قريت البوست داكـ ؟ زول كاتب خبر صحفي (إعلامي رياضي)
أبسط قواعد المهنة ما بيعرفها ( أسماء اللعيبة) في صحفي بينزل خبر رياضي ما بيعرف أسماء اللعيبة ؟
إسم الفندق غلط .. إسم مدير الكورة غلط و فرحان كاتب جنبهم ( صحيفة أخبار اليوم)
اها ما دام ده الحال يخُم و يصُر
_
إنتو (أنت و من هم علي شاكلتكـ) ما دايرين تعترفو إنه بهاء غلط (كصحفي) ليه ؟
| |
|
|
|
|
|
|
| |
فيصل نوبي
عمار نجم الدين
وليد محمد المبارك
حامد محمد حامد
وليد الطيب قسم السيد
محمد عبد الماجد الصايم
حيدر حسن ميرغني
Esam El-Khawad
elfadl abdellatif
عبد الحكيم نصر
baha eassa
nabielo
بشري الطيب
Maawya Hussein
محمد على حسن
ombadda
smart_ana2001
نصار
حبيب نورة
فيس بوك
تويتر
انستقرام
يوتيوب
بنتيريست