|
|
|
 Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
اخي ثابت .. الافراج المؤقت افضل من التاجير وتكلفته اقل . ضف اليها مسالة العامل النفسي بخصوس السيارة المؤجرة . اما سيارتك انت فلا خوف عليها مثل سيارة الايجار في حالة حدوث مكروه للسيارة لا سمح الله .. اعرف مجموعة من الاصدقاء ذهبوا بسيارتهم للسودان في اجازاتهم معهــــــم عوائلهم وكانت جميع نتائج رحلتهم ايجابية .. بعني لو معاك عائلة توكل على الله واركب الزلط ..
ود الباوقة
| |
 
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ود الباوقة)
|
| Quote: توكل على الله واركب الزلط .. |
ود الباوقة خوالص المودة
لما قريت توكل على الله دي .. للوهلة الأولي حسيت أني مجنون
أنا أعمل في إدارة شركة بالمنطقة الشرقية وأستخدم سيارات المؤسسة
لكي أذهب من الأفضل شراء سيارة
سعر السيارة بحالة جيدة يتراوح بين ( 20 - 30 ألف ريال )
من ناحية عائلة وكده أنا عزااااابي
لكن ممكن تحسبني عائلة عشان شقيقتي وشقيقي في زيارة للمملكة
وسوف يسافرون معي
أها أشتري السيارة على مسئوليتك بالسعر أعلاه يا ود الباوقة
ولا أحسن التأجير ؟؟
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nazar hussien)
|
نزار حسين
ما تكون سمسار والعربية ما حقتك
وتبقى علي أنا ميتة وخراب ديار
بعدين مادام بشتري ما أشتري من هنا سيارة نضيفة
وتحت تحت كده 
سيارتك نوعها موديلها حالتها وسعرها ؟؟؟
لا حولاااااااااا قرّبت أنسى
رأيك شـنو يا نزار تأجـِّر لي سيارتك وتقبض مقدم ؟؟؟
والله الموضوع جاد يا جماعة شاركونا
ما خاب من إستشار
خالص المودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: محمد خالد ابونورة)
|
Quote: أها أشتري السيارة على مسئوليتك بالسعر أعلاه يا ود الباوقة
ولا أحسن التأجير ؟؟ |
اخوي ثابت كدا شغلانتك واضحة . يا اخوي انصحك لوجه الله طالما انك عزوبي السيارة لا تفيدك في شيء
بعدين العشرين الف او الثلاثين الف دي ممكن بدل ما تشتريها في سيارة جايبالك قطعة ناصية في ام القرى او ام ضريوة ايهما ارخص ..
بعدين معليش انت في الخرطوم ولا خارجه عشان نشوف ليك مخرج ....
ود الباوقة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ود الباوقة)
|
| Quote: قطعة ناصية في ام القرى او ام ضريوة |
ود الباوقة
سـلام من تاني
عليك الله سحائي من تلتلة المواصلات في الخرطوم وسخانة شارع مدني الخرطوم
لو أدوك مقابلها أم القرى وام ضريوة كلها بترضى ؟؟
أنا والله لا داخل الخرطوم ولا خارجها
سأقضي إجازتي مناصفة بين رفاعة ومدني من جهة والخرطوم من جهة
بعد كده أنا منتظر وجهة نظرك
إنت الوحيد الحسيت بالجدية في مشاركتك
شوف لينا مخرج
خوالص المودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: معتصم دفع الله)
|
الشفيف معتصم دفع الله
مساء الجمال
والله لما شفتك آخر مُشارك في البوست قلت فُرِجت
تقوم تقول لي شوف ليك ليها شوارع وهناي وبتاااع ؟؟
يااخ بالغت .. يعني نمشي كداري ( خ 11 )
إنت زول راجع من البلد وبتصلح أجهزة
ست الريد وبيت البكاء والخرطوم القلقالة وما عارف شنو كده
ده كلو يطلع بطيخ أبيض ؟؟
مفروض تكون عارف أسعار التاجير يا حبيبنا
عموماً أنا شارع مدني الخرطوم عن طريق المطار
بغشى الخرطوم (2) والمعونة حتى شمبات ودي شوارع نضيفة
إنتا قايلنى بفتش لي قطعة في ام ضريوة ؟؟
عموماً الفييك عرفناها .. بتجونا متين ؟؟
خوالص المودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
Quote: نزار حسين
ما تكون سمسار والعربية ما حقتك
وتبقى علي أنا ميتة وخراب ديار
بعدين مادام بشتري ما أشتري من هنا سيارة نضيفة
|
يا ثابت الدنيا دي كلها انقلبت سماسرة بس بقت علي انا يعني...؟؟؟
ويا زول نصيحتي ليك الشخصية ...لا تشتري ولا تآجر ...الرقشات هناك
ما تديك الدرب...وكان قحتك جلت من قح قح وسربت وبقت قش فش بقيفن قدامك
رقشتين تلاتة...والمواصلات بين الحصاحيصا والخرطوم ساااااهلة ...وبين
الحصاحيصا وبنطون رفاعة سااااهلة وبين بنطون رفاعة والحلة الجديدة ساااهلة
العربية داير بيها شنو...؟
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: Mamoun Ahmed)
|
ثابت كيفك
ايجار عربية اتوس لمدة طويلة (اكتر من شهر)حوالى 50 او 60 الف لليوم
الجياد اكسنت ما بين 60 او 75 الف لليوم
الكامرى 2003 حوالى 150 الى 200 الف جنيه لليوم
فى عربية اسمها سفرليت ما عارف موديلها كم لكن عموما من الموديلات الجديد دى فى حدود 100 الف لليوم
لو جبت معاك عربية هونداى اكسنت او فيرنا موديلات الالفينات ممكن تبيعها لو باسمك فى حدود13 الى 17 مليون حسب نظافة العربية(لانو البشتريها بدفع الجمارك والترخيص)
الكامرى 2003 ممكن تجيب ليك فى حدود 25 مليون(بدون حمارك وترخيص طبعا)
لو عايز الراى تعال بعربية لكن تكون موديل جديد ونظييييييييييييييييييييفة .. لانو الاجازة بدون عربية ممكن تخليك تكره السودان ... وانت ماشى بيعها او ارجع بيها
يلا اخد القرار
منعم
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: Mamoun Ahmed)
|
Quote: مافي احلي من عربية في يدك في السودان
بعد تخلص بيعها
وهم شداد بعرفو يدبروها
بس انا بريء من
ذنوبك |
مامون أحمد
سلام من القلب
والله فكرتك جميلة
الغريبة قالو بشتروها منك من بداية الإجازة
كمان بدوك عربون مقدم نظام حجز وكده
بس يا الحبيب الذنب مشترك
مش إنت السنيت السُـنة دي ؟؟ ليك أجرها وأجر من يعمل بها
وبرضو عليك ذنبها وذنب من يعمل بها
لو ما إلي يوم القيامة فحتى إنتهاء إجازتي 
| |
|
|
|
|
|
|
|
|
 Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
اخوي ثابت
سلامات
شوف يا فردة ود الباوقة دا اوعك تسمع كلامو
اولا هو لم يخض ايا من التجربتين
ومعلوماته سمعية
لأنو كاسر امية في الرياض ليهو سبعه سنين
اولا :
بدون اي مقارنة احسن ليك الأيجار في السودان
ثانيا :
التعب والأرهاق .. والرسوم .. والجبايات .. والدفع يبدأ معاك
من قبل تركب الباخرة ..
ورسوم طريق .. وعبور كباري .. ومحليات .. وعييك
ثم ثالثا
نصيحة ليك اوعك تركب عبارات السلام
وبواخر باعبود .. في الأيام دي
لأنها كلها خردة .. واحتمال كارثة وارد بنسبة اكثر من 70%
عليك الله سافر بالسعودية
واستمتع بأجازتك
نحن ما عاوزين نشوف البورد متشح بالسواد
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
أسمع يا ثابت
لما تمشي السودان بي عربيه خت في بالك
انها حا تتعبك برضو ، يعني بي بساطه كده انت حا تقضي
مشاويرك ومشاوير الناس، وخاصة انك حتقضى اجازتك في الأقاليم
اجازتك لما تنتهي حا تلقى انك قضيته ورا الدركسون سواق بس.
وطول ما العربيه واقفه قدام البيت، اي زول هفت ليه يمشي الخرطوم
حا يقول ما نكلم ود محمد يودينا أصلو قاعد ساكت في البيت، وبى كده
في ايام حلوه شديد حا تروح عليك. اجازه زي دي لازم تطلع منها أيام كده
لي نفسك ما يكون عندك فيها اي برنامج ، عشان تلقى فيها نفسك شويه ترتب فيها افكارك
تقيّم فيها الفات كلو وتبرمج للجاي وترجع لي عملك بي افكار وروح جديده.
أقول ليك يا ثابت
العربيه مهمه شديد شوف لما تكون عاوز تحجز وتمشي
تدفع الضرائب، المشوار بتاع المغتربين ده في الشمس ديك،
وانت زول اتعودت علي الكندشه والتكاسي هناك ما فيها تكييف
وكمان مكلفه، وقس على ذلك الفواتح والبكيات الراجياك ديك ده كلام
ما بتقدر عليهو في سخانة شهر خمسه وسته، عشان كده لازم العربيه،
ايوه دي مهمه شديد ولا شنو..
شوف يا ثابت
الكلام الفوق ده، أقراهو وقلبو كويس كده وشوف الكويس
فيهو واعملو، وادينا النتيجه بعد ترجع، تكون ريحتني من
الهواجس -أعلاه- بتاعت زميلي في الغرفه، زد عليها انو ممكن يعرس
في الاجازه دي اذا لقى العروس.
ثابت
ماتنسى الزول ده كل يوم مساهر بي في الموضوع ده.
أمنياتي بقضاء اجازه سعيده ب/غير عربيه.
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: Osama Ahmed)
|
أسمع يا ثابت
لما تمشي السودان بي عربيه خت في بالك
انها حا تتعبك برضو ، يعني بي بساطه كده انت حا تقضي
مشاويرك ومشاوير الناس، وخاصة انك حتقضى اجازتك في الأقاليم
اجازتك لما تنتهي حا تلقى انك قضيته ورا الدركسون سواق بس.
دى المتعة الواحد راجع علشانها السودان
أقول ليك يا ثابت
العربيه مهمه شديد شوف لما تكون عاوز تحجز وتمشي
تدفع الضرائب، المشوار بتاع المغتربين ده في الشمس ديك،
وانت زول اتعودت علي الكندشه والتكاسي هناك ما فيها تكييف
وكمان مكلفه، وقس على ذلك الفواتح والبكيات الراجياك ديك ده كلام
ما بتقدر عليهو في سخانة شهر خمسه وسته، عشان كده لازم العربيه،
ايوه دي مهمه شديد ولا شنو..
كلامك صاح(ولا شنو)
مسألة انك تشترى عربية من السودان مكلفة بمعنى انو الفيرنا مثلا لو اشتريتها من السودان مجمركة ومرخصة بتكون فى حدود24او25 مليون( يلا عادلها بالريال)
ونسبة انك تربح فى عربية اشتريتها من السودان ضعيفة جداًًبسبب السماسرة اولا وثانيا عنصر الزمن لانك بتكون عايز تبيع وتتخارج لانوالاجازة خلصت
اما لو جبتها معاك ممكن تبيعها قبل سفرك باسبوع او اسبوعين على ان تسلمها للمشترى يوم المغادرة ... ثانيا لو كانت نظيفة واستعملتها كويس فى السودان وكانت فيها ميزة (اللون او مكشبها)بيكون سعرها اعلى
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: abd elmniem musa)
|
عبد المنعم موسى
سلااام ومحبة
أنا مشيت قبل سبع سنوات إفراج مؤقت وكانت مريحة
بس قلنا نسأل يمكن الحال تبدل
وعارف كل مشاوير الأهل والذي منو
المغترب هناك بفتكروهو ( حنكوش ) وناس السودان ناس صحيان بدري
تقوم تعمل فيها نايم وتتحرك بعد صلاة الضهر
وبرضو بتلقى ناس لابدين ليك 
| Quote: ميزة (اللون او مكشبها)بيكون سعرها اعلى |
يعنى أعلق ( دبدوب ) خلف الكراسي
وأعمل ليها لمبات ( زينون ) وبتاع إنتبه السيارة ترجع للخلف ؟؟
حااااااااااضر
تسلم
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: Osama Ahmed)
|
Quote: شوف يا ثابت
الكلام الفوق ده، أقراهو وقلبو كويس كده وشوف الكويس
فيهو واعملو، وادينا النتيجه بعد ترجع، تكون ريحتني من
الهواجس -أعلاه- بتاعت زميلي في الغرفه، زد عليها انو ممكن يعرس
في الاجازه دي اذا لقى العروس. |
عثمان أحمد
سـلام ومحبة
أول ما أرجع بكتب ليكم واحد من البوستات التالية :
مذكرات مُسافر بإفراج موقت
مذكرات مُسافر قام بتأجير سيارة
أو مذكرات مُسافر شارك في ليموزين المُهاجر 
وخليك معانا ومش ح تقدر تغمض عينك
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
أخوي ثابت
و الله أنا عارف أهمية العربية في السودان و ما تؤديه من خدمات لكن دايرك تعمل إكسل شيت عشان تشوف الناحية المادية في الاول وده بشمل تكاليف سفرك بالطيارة ذهاب وعودة و عودة بس لأشقائك و لو سافرت من الرياض حتكون التكلفة 2400 + 3400 تقريبا يبقي المجموع 5800 ريال.
أها تكاليف العربية كم؟؟
غير السعر تذكرة الباخرة ليكم إنتو (....... ريال) + (تذكرة العربية و رسوم السودان في واحد قال لي حوالي 3000ريال بدون البنزين بتاع طريق بورسودان). من الناحية المبدأية هنا في شوية توفير لكن حسب كلام أخونا عبد المنعم و أنا بايدو فيهو إنو الايام دي طالعة موضة الأكسنت و الفيرناطيب حتشتريها بكم في السعودية و لو بعتها زي ما قال باسوأ الفروض بي 14 مليون يعني تساوي 23650 ريال شوف خسارتك كم في السعر و أضيفها للتكلفة بتاعة سفر البر.
بعدين شوف تكلفة إيجار العربية في السودان نفترض شهرين يعني 60X60000 = 3/600/000 و دي تساوي 6000ريال اضيفها لسفر الطائرة بعد دة المقارنة اظنها جاهزة إنو سفر السودان بالطيارة مع الإيجار قد يكلف 12000 ريال و قارنها بالطريق.
أنا في رأي أن السيارات الصغيرة المخاطر فيها عالية بالطريق فضلا عن محدودية العفش المحمول بها طبعا لو كنت شايل شيلة فانسي الموضوع.
أنا بأقترح ليك إنو تشتري هونداي من السودان فور و صولك و تستعملها و بعدين تبيعها و مهما كانت الخسارة في السعر ستكون محدودة لو إشتريت عربية أحفظ مالك و دايرها السوق.
إجازه سعيدة.
أخوك
وليد محمود
الرياض
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: abulinah)
|
الأخ وليد محمود ( أبو لينا )
كل الســلام وكل المــودة
| Quote: أنا في رأي أن السيارات الصغيرة المخاطر فيها عالية بالطريق فضلا عن محدودية العفش |
عشان كده أنا قلت كريسيدا أو كامري
| Quote: أنا بأقترح ليك إنو تشتري هونداي من السودان فور و صولك |
والعفش الإشتريتو ده أوديهو وين أبيعو برضو ؟؟
والله حق الشحن براهو يجيب سيارة
يازول الفيها خير ربنا يسويها
كل المــودة والإحترام
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
سلام يا ثابت
التايوتا مرغوبة خاصة الكامرى والكورلا 2004 و2005 وبتجيب مكسب
لكن ميزة الهونداى انها متحاحة لعدد كبير من الموظفين واصحاب الاعمال البسيطة، بمعنى هى عربية الطبقة الوسطى (اذا جاز التعبير ) علشان كده ما بتقعد بتنباع على طول
الالوان ابعد من الاسود والاحمر والاصفر
الكشب يعنى عجل الحديد ،الفرش مثلا .
مشغول شوية .. لكن راجع ليك تانى
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
ثابت تحياتي
..غايتو شوف في نضمي كويس قالوا ليك الاخ عبدالمنعم موسى فوق
كديه شوفه كويس واتاكد من كلام الزول دا ..
اشتري ليك اكسنت موديل 2004 اليومين ديل بتلقاها في الرياض ب 17 الف واقل
وهي سيارة كويسة ونضيفة وجديدة واقتصادية (والله تاني الا كان داير الجنة ذاته )
انزل بيها الاجازة وقبل ما تخلص الاجازة بامكانك تبيعه ...
وتتم اجراءات الجمارك هناك ..
ويمكن تجيب ليك في حدود 16 مليون (يعني تكسب كمان ) ..تقوم تكرفس مليوناتك ديل وتحولهن لعملة صعبة وتاني تجي راجع بيهن
ولو داير تعرس بعرسن ليك (ثلاثه)
تحياتي
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: luai)
|
Quote: Quote: إجازة لمدة ( شهرين أو ثلاثة )
هل الأجدى والأفضل إفـراج مؤقت أم تاجير سيارة من السودان ؟؟
مع الإفادة بأسعار التأجير ونوع وموديل السيارة إن أمكن .
فتح الاخ ثابت البوست بالمضمون المنسوخ أعلاه وبما لدي من تجربة ثرة مع ليموزين المهاجر التابع للمهاجر العالمية فإنني أنصحك وأنصح كل من يقرأ هذا البوست بالاتي :
أولاً يا أخ ثابت تقوم تتصل على هذا الرقم 461816 أو 0912356099 كمال خليفة مدير ليموزين المهاجر وتقوم تقول ليهو أنا عايز أجيب عربية جديدة تشغلوها معاكم في ليموزين المهاجر وبعد ما يوريك النوع والمواصفات المطلوبة تقوم على الفور بشراء العربية وشحنها للسودان وموافاة شركة الليموزين بذلك وهم على الفور سيرسلون لك اعفاءً جمركياً مائة بالمائة وما عليك شي غير دفع رسوم التخليص والترخيص وتمشي ليهم في الشركة توقع معاهم عقد مضاربة لتشغيل العربية ومن دخلها يكون نصيبك 70 % و30 % للشركة مقابل تشغيلها وصيانتها وحسب تجربتي معهم فإن السيارة تصفي نهاية كل شهر في حدود ثلاثة ملايين وطريقة تشغيلها بالعداد وبسجل بيانات شهري ويمكنك توجيه العائد للمحافظ الاستثمارية في الشركة أو دفعها مصاريف للاهل أو لدراسة الابناء أو تحويلها لك في الخارج ،، وللعلم وليس للدعاية فإن القائمين على أمر ليموزين المهاجر من كبار المسئولين وحتى السائقين يولون جل اهتمامهم بسيارات المغتربين وقد نجحت هذه الفكرة في إراحة المغتربين من شراء السيارة وإرسالها للاخوان أو الابناء او احد الاقارب بعد دفع جماركها وفي الاخر يا كسروها ولا اكلوها ولا تسببت في المشاكل العائلية مابين ود الخالة وود العم وبين الزوجة واهل الزوج ،، وبدل وجع الراس الواحد أحسن يتجه لهؤلاء أقل شيئ لو حدث اخلال ببنود العقد بتكون عينك قوبة وتقيف معاهم تربيزة لا في أجاويد بيتدخلوا ولا يحزنون حقك محفوظ وقرشك في جيبك يتلتل كل بداية شهر وياما ناس اشتروا من دخل عربية واحدة عدة عربات .
نصيحتي ليك يا ياثابت يا خوي تمشي في هذا الاتجاه وأسال اصحاب التجربة وماراح تندم وممكن تستعمل عربيتك في اجازتك ولمن تجي ماشي تسلمها ليهم ،، توكل على الله وقول بسم الله وكل حركة معاها بركة ولمن تستفيد وتعرس أذكرنا بالخير وان جابوا ليك وليد سميه على عمك سيد النصيحة دي وما تنسانا من صالح الدعوات .
أها فتك عافية وخلي بالك وانت سايق عربيتك الجديدة من الشرقية للغربية وربنا يوصلك بالسلامة إنت واهلك الزايرنك في السعودية. |
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: luai)
|
لــــــؤي
مليـون سلام مربع
| Quote: ويمكن تجيب ليك في حدود 16 مليون (يعني تكسب كمان ) |
غايتو حتة ( 16 مليون ) دي أنا بمسك فيها كويس
وأي فروقات في السعر بتلقاني توووش في بروفايلك
| Quote: ..تقوم تكرفس مليوناتك ديل |
كدي النقبضن بعد داك كان بِقت على الكرفيس سااااهل
تعرف يا حبيب أنا فكرتي كرسيدا أو كامري عشان الحجم وكده
لكن شايفكم عاوزني أشتري هونداي أكسنت
الناس في السودان التايوتا دي عندهم زي المراعي والكبسة في السعودية
يكون إتغيروا يا ربي ؟؟؟؟؟
جميل المــودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: بلدى يا حبوب)
|
Quote: لو جبت معاك عربية هونداى اكسنت او فيرنا موديلات الالفينات ممكن تبيعها لو باسمك فى حدود13 الى 17 مليون حسب نظافة العربية(لانو البشتريها بدفع الجمارك والترخيص)
الكامرى 2003 ممكن تجيب ليك فى حدود 25 مليون(بدون حمارك وترخيص طبعا)
|
انا مع الراي ده جداً ....
و ما تنسى انو الهونداي مرغوبة جدا في السوق السوداني ..
و السماسرة مشركين ليها عديييييييييل ..
ولما تقلب قريشاتك ما تقلبهم ريال طوالي ...
شيلهم دولار ... هيعمل معاك فرق كويس في الايام الفاتت دي .... لأنو الدولار نزل و قيمته في السعودية لسة ثابت على ما اعتقد ..!!!
و اجازة سعيدة ...
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ود الباوقة)
|
| Quote: انت وين نحن هس قاعدين للفطور حق يوم الخميس |
ود الباوقة
مالك مستعجل ؟؟
يازول إنت سيد البيت وأنا برد على الناس بالصف
والله ما غبت كتير .. بس الدور لسه ما وصلك
طوِّل بالك بس
بعدين شايفك بقيت تقابض في حق السمسرة
أنا البيعة بتاعة ( ناهد ) بتمها في الماسنجر الداخلي
عشان ما تعرف نسبتك كم
حكاية الأسكلا دي شيلها من رأسك
أنا يا أمشي بسيارة من هنا أو تأجير سيارة من هناك
خليك عافية وبرجع ليك تاني
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
الاخ ثابت سلامات
واجازة سعيدة (اسمع كلام مجرب (صاحب تجربة يعني ماتقول الزول ده جربان)
انا جيت من السودان يادوب لي اسبوع ورغم انني من بورسودان لاكن نزلت بي سيارة عشان ما انزل بي قروش وتروح شمارة في مرقة المهم اشتريت سيارة كورلا موديل 2004 بي 30الف ريال +تكاليف التربتيك وكله ممكن تقول كلفت معاي زي 2700 ريال قضيت بيها اجازة جميلة وشحنتها الخرطوم (اوعك تمشي بيها الشارع كله دقداق ) ولما خلصت الاجازة بعتها ب26مليون جنيه من غير ما ادفع الجمارك طبعًا
معلومة الكورلا مرغوبة جدا اليومين دي (م2004 و2005)
| |
|
|
|
|
|
|
|
|
 Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: خالد العطا)
|
اخونا ثابت محمد
اجازة سعيدة
السودان شمس وحر وغبار وكتاحة شديدة واسعار التكاسي والامجادات غاليةوالرقشات خطرة وكلهم ما عمليات يعني مافي راحة وقروشك ضايعة
نصيحتي ليك اشتري هونداي اكسنت او اي موديل مناسب (واحد قال في حدود 17 الف ريال) وبشتريها منك انا ب 15 الف ريال وبديك نص المبلغ مقدم والباقي بشيك قبل سفرك باسبوع وبستلمها منك يوم سفرك في المطار قلت شنو؟؟؟
بس تكون نضيفة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nahid elbadawi)
|
Quote: نصيحتي ليك اشتري هونداي اكسنت او اي موديل مناسب (واحد قال في حدود 17 الف ريال) وبشتريها منك انا ب 15 الف ريال وبديك نص المبلغ مقدم والباقي بشيك قبل سفرك باسبوع وبستلمها منك يوم سفرك في المطار قلت شنو؟؟؟
بس تكون نضيفة
|
ناهد خلاص انا لي حق السمسرة لانو اول واحد قلت ليهو انزل بي عربية ..
بس هو وينو من امس قال ماشي يتغدي وتاني ما جا ...
ود الباوقة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nahid elbadawi)
|
أول شىء ياناهد ســلام
تاني شىء مرحب بأول إمراة في عالم الإفراج المؤقت
Quote: هونداي اكسنت او اي موديل مناسب (واحد قال في حدود 17 الف ريال)
وبشتريها منك انا ب 15 الف ريال وبستلمها منك يوم سفرك في المطار قلت شنو؟؟؟
بس تكون نضيفة |
والله كاتلاك جنس شطارة
الناس كلها تقول لي أنزل بي سيارة وبيعها وبتربح
إنتي من هنا مسفراني بالخسارة ؟؟
| Quote: وبديك نص المبلغ مقدم |
دي تمام معاي
| Quote: والباقي بشيك قبل سفرك باسبوع |
ياتو سفر فيهم من هنا ولا من هناك ؟؟
والله قربت أنسى
تالت شىء راجعي ماسنجرك الداخلي عشان نتفق
كامل المــودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: خالد العطا)
|
Quote: سيارة كورلا موديل 2004 بي 30 الف ريال + تكاليف التربتيك وكله
ممكن تقول كلفت معاي زي 2700 ريال قضيت بيها اجازة جميلة |
Quote: ولما خلصت الاجازة بعتها ب 26 مليون جنيه
من غير ما ادفع الجمارك طبعًا |
خالد العطـا
بعد الســلام والذي منو من المطايبة
ده الكلام ياااخ الأنا بفتش ليهو
زول طالع طاازج لنج من إفراج مؤقت
وتجربتك ناجحة ومريحـة وربحانة كمان
والله ما عاوز أحسب ليك إنت ربحان كم عشان ما تقول حاسد
لكن بيني وبينك بقران
أرقد عافية
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
والله وصلتك الدلالة للبيع كان يقولو ليك
ياخ دي عربية مضهبة...العربية دي مصنوعة للخليج...جونا دا مااااا بتنفع فيه...كدي آ جنا شدها
علي الباقير دي مشوار مشوارين حرم كان تجيبا تناهد...وتفتشها ليك عشرين عمة وطاقية:::والعجب كان
جيتهم نضيف وشايل ليك جريدة...ولا بجو عليك...ويقولو دا خليه ياخد اسبوع جريدتو دي ويلاقيلو سفاية
سفايتين...حرم بي عشرة يبيع...وانت ما يمر عليك سيد شرايط وعلا تاخد منو سيد ترمس برضو تاخد منو
وست الشاي ديك اسكت خليها ساكت...كبايتين و....لالا الباقي خليه معاك...والعجب كان سمحة...شاي
وقهوة وشاي وقهوة...لامن واطاتك تمغرب...ويجيك زول................................................ اسمع العربية دي سمعت فيها كم...تقول ليه
اي رقم حتي لو قيمة اقل من تكلفتها يقول ليك...جاز والله بنزين...تقول ليه جاز يقول ليك والله
لو كانت بنزين...تقول ليه بنزين يقول ليك الجاز مالو عيبو لي آ ناس الخليج انتو لاقين البنزين
رخيص...وأخر النهاية اجازتك تقرب وتمشي ترفعها...والشفع يسووها ليك بيت لعب...طبعا الجداد
في زمن الانفلونزا دي ما في ليه طريقة لكن كان اتلقت....بس حب جدادكم بلقطوه من العربية
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nazar hussien)
|
Quote: تقول ليه جاز يقول ليك والله لو كانت بنزين...
تقول ليه بنزين يقول ليك الجاز مالو عيبو لي
آ ناس الخليج انتو لاقين البنزين رخيص |
الحبيب نزار حسين
والله دي قصـة ..
يعني كده كده عاوزين يطلعو ليك عيب في العربية
وبنتظروك لما تفلس
إنت عارف علامات الفلس عند ناس الإفراج المؤقت شنو ؟؟
أول حاجة بقول لييك بعتَ السِّـبَتْ ؟؟
لو قلت بعتو معناها إنت دخلك الفلس
ناس شديدين كييف تفتيحة ألف ..
لكن نحنا ماخدين تجارب وما بنتاكل بي أخوي وأخوك
أنا المرة الفاتت العربية رجعت بعتها في جدة
والله ربحانة معاي
كامـل المــودة
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
| Quote: إجازة لمدة ( شهرين أو ثلاثة ) |
يابختك يا خي ... شهرين تلاته دي ولا في الأحلام (أفضل وقت تبدأ فيه الإجازة النصف الثاني من يوليو عشان تلحق الخريف واللواري تقيف.
آخر رحلة لي بالسيارة في العودة لم أرى الشمس وكنت أسير تحت رزاز من المطر الخفيف في يوم 7/8/2004 من مدني وحتى كسلا لدرجة أني ما كنت عاوز الرحلة تنتهي وتمنيت لو طال النهار وإمتد الطريق أميالاً وأميال، الجو كان في منتهى الروعة.
Quote: هل الأجدى والأفضل إفـراج مؤقت أم تاجير سيارة من السودان ؟؟
مع الإفادة بأسعار التأجير ونوع وموديل السيارة إن أمكن . |
بطريقة عملية/
التأجير ما عندي تفاصيل كثيرة عنه ولكن حسب معلومة أحد الأخوة في الصيف الماضي استأجر سيارة كورية لا أذكر ماركتها ولكنها من حيث السعة كما ذكر لي لا تتحمل أكثر من 4 أشخاص بما فيهم السائق، وأجرها لمدة أسبوع (اليوم 55000 جنيه) وبالمناسبة خلال هذه الفترة حرقت طارة كلتش وتم إستبدالها بعد أن ضاع عليه نصف يوم وأستعان فيه بالتاكسي لإكمال مشاويره؟؟؟
الإفراج المؤقت:
بالتأكيد أفضل بكثير لأن العربة خاصة بك وتعرف ما بها وما عليها والتكلفة التقريبية إلى أن تصل ميناء عثمان دقنة بسواكن:
1. دفتر تربتك 800 ريال
2. شحن (ذهاب وعودة) 900-1100 حسب نوع وحجم السيارة.
3. رسوم في سواكن 550 ريال.
هذا غير البنزين من الشرقية إلى جدة (حوالي 1400 كيلومتر) والبنزين من سواكن إلى الخرطوم 1110 كيلو (حسب تجربتي تعبئة تنك اللآندكروزر 92 ألف جنية أي بسعر اليوم حوالي 150 ريال) وعلى هذا أحسب؟؟؟
كذلك تحتاج إلى المبيت في سواكن أو درديب لآن السفر في الليل ممنوع وغير آمن وإذا خرجت من الميناء قبل المغرب بتلاثة ساعات يبقى الأفضل أن تبدأ الرحلة وتتخطى العقبة وتبيت ترديب على بعد حوالي 250 كلم (غرفة مكيفة بـ50 ألف) أو عنقريب في السهلة جوار السيارة (بصراحة ما عارفه بكم)، والغرف في سواكن بنفس السعر.
هذه بعض المعلومات التي قد تفيدك ، زأتمنى لك رحلة موفقة وإن كنت مسافر في نهاية الأسبوع الأول من يونيو ممكن نترفق في الطريق.
الشايقي
_____________
فاوضني بلا زعل
| |
|
|
|
|
|
|
|
|
 Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nahid elbadawi)
|
Quote: رايك شنو نزيد النسبة في السمسرة وعليك تطفش الزبون الجديد وتخليهو يتم البيعة سريع؟
|
..
.
يا ناهد البدوي .. وود الباوقــة ..
كدا بتضيعوني انـــا .. شغل السمسرة دا لينا منو سنين ولغة السوق دي نسيناهــا ..
عندنا مفاوضات بي تحت تحت .. عربية بي حالة جيدة ما كركعوبة خالص عايزين نتعشى فيها
والزبون دا دايخ .. قرب يقع
حقكم محفوظ
يا ثابت .. أنت نطيت والا شنو ؟
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: nahid elbadawi)
|
| Quote: هات صورة العربية اول |
ياناهــــد:
العربية ما صورناها ..
المسالة ( شختك بختك ) ـ أو (حمدو في بطنو) .. خليك زولة بتاعت سوق ومفتحة
..
غايتو كنت ملاوز منك .. لكن بعد كدا ما في منك خوف
في ادبيات السمسرة لما الزبون يجي دايخ .. بيقولوا ليك موت بيهو
اها انا ثابت دا ميت بيهو لي شهر
.
.
المفاوضات ماشه كويس معاهو
من مصلحتك وود الباوقة .. (تعربنوني) من حسع
نسبتكم دي بنتفاهم فيها بعدين
عندي بيعة بتاعت سيخ .. واسمنت اعتبروها مسح طريق ليكم
بس الله يرضى عليكم ما تخربو لي البيعه دي
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: tmbis)
|
(غايتو كنت ملاوز منك .. لكن بعد كدا ما في منك خوف)
خلاص اكشف الورق وببيع ليك ود الباوقة تب
(عندي بيعة بتاعت سيخ .. واسمنت اعتبروها مسح طريق ليكم)
ياخي دي وقعت لي في الطبطاب (اختك واقعة مباني) عطبرة ولا سي بلك؟ جياد ولا اوكراني؟
شكلنا كدة ضيعنا ود الباوقة والله يستر على ثابت ذاتو (وجه مبتسم متفائل)
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
سـلام
نسـبةً لتواجدنا بصـالات الشـراء نأسف لتغيبنا عن صـالة البيع
ناهـد
السماسرة ديل كترو مالم ؟؟
أنا غايتو بسـتلم كاش نضـيف والسمسرة على المُشْتَرِي
( بعد ما شكلناها كده مايجي واحد يقول العمولة على البائع )
سنقوم غداً بإجراء كل الإتصالات اللازمة
وياصاحب الماسنجر الداخلي العاوز تضيع السماسرة إنتظر مني تلفون
| |
|
|
|
|
|
|
|
|
|
Re: بغرض الإجـازة .. أيهما أفضل إفراج مؤقت أم تاجير سـيارة ؟ (Re: ثابت محمد)
|
يا ثابت ياخي اصلك بتفتش في اليخت الرئاسي
ما قلنا ليك تعال نبيع ليك عربيتي ...وامانة
ما تريحك راحة...بس ما زي الصور الانت جبتها دي
بولو موديل 99 ...مكندشة...وملية التنك بتوديك
مدني الخرطوم وتجيبك...وتلففك ام بدات والكلاكلات
والله بادلني بي سيخ والله نعاج والله اي حاجة ياخ
قصرت معاك...والداير حق السمسرة يحرر السوق
ويقيف في النص...
ولأني لمست جدية في لسان صاحبي تمبس ومقدرته
علي الماسينجرات الداخليه...فهو اول من يستحق
السمسرة كان دوخناك بالعربية دي...واذا عايز صورة
انتظرني الخميس ااجز وانكتا ليك من الكاميرا
| |
|
|
|
|
|
|
| |
ثابت محمد
nazar hussien
معتصم دفع الله
Mamoun Ahmed
abd elmniem musa
banadieha
ahmed haneen
Osama Ahmed
عبدالرحمن عبدالله أبوشيبة
luai
بلدى يا حبوب
Sobajo
Al-Shaygi
tmbis
فيس بوك
تويتر
انستقرام
يوتيوب
بنتيريست