|
|
|
 Re: مرحبا بالجميل عصام حسين...إضافة حقيقية لبورداب الدوحة (Re: Masoud)
|
سلامات
وعوافي
نادوس الجميل
طبعا عصام رحبتا بيهو بي هناك وتحرشت بصديقي الحبيب كيكي فقلت لعصام :-
Quote: سلامات
وعوافي
مراحب عصام حسين ..
ان كانت السماء في اسافيرنا ينقصها وميض نجم "اليق" ومتأنق بثوب "الصباح" فهاهو يسرد المسافات نحو الضوء ويشرح البون بين الليل الاليل والصبح البهيج .. نجم رقيق يضحك كل يوم عند الغروب "فتبرز اسنانه بالضياء" ليشق عتمة المساء .. وما المساء ان لم تتراص علي صفحته مباهج الانوار السرمدية ..
وعصام حسين هو ذا النجم وذاك الضياء ..
مليون مرحبا عصام والمقام ضاقت عرصاته ليتسع حفاوة وتباشير ..
كن هنا .. نكن هنا .. نكون جميعنا الي جوار الجمال .. |
والف مليون مرحب بيك ياعصام والدار دارك يا "ابوالنسب"
| |
 
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: nadus2000)
|
العزيز عبد الجليل
لك التجلة وأنت ترحب بصديق وأخ عزيز
مرحب بالأخ عصام حسين عضواً في بورداب الدوحةوبعد أذن عبد الجليل وأذن عصام حسين أقول :
الاخ خالد كودي
ياهو عصام حسين حسن أبن المربي الجليل حسين حسن ود السناهير ود مدني صحبك وبالمناسبة كان لمتابعة كتاباتك في المنبر الدافع الحقيقي لطلب عصام الدخول .. وحيجك بي رواق فقد تحدث عنك كثيراً حتى بت أعرفك عن طريقه برغم عدم لقيانا .. تحياتي للأمورة الصغيرة والدكتورة ندى.
الأخ أبو ماهر
عصام الدين باسطة ياهو بتاع الاسكندرية وبتاع الطائرة وبتاع القانون .. أهو واحد من الدفعة أمتطى صهوة سودانير أون لاين .. شدو حيلكم معاه
ياسر
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: بهاء بكري)
|
التحية لكم جميعا وللاخ عصام حسين الاسكندرانى ود مدنى الظريف.
التحيةوالتقدير لهذا المنبر وللاخ بكرى ابوبكر الذى جمعنابعد طول زمن وغيبة طويلة ولقد حاولت جاهدا فى بضع سويعات قضيتها فى الدوحة ان اجد عصام حسين ولم اتمكن
عصام حسين رجل فريد واخ صديق وراجل مرح ومصدر سعاده وبشاشة زاملته فى اسكندرية ومعه الاخ مجدى سنجر وعبدالسلام وعصام ود النعمة وعماد الدندراوى وعوض صقير وحجر وابوالناس وعصمت وعماد الصايغ ولقمان واحمد تية ومعاوية الوكيل والاخ الرشيد عثمان السيد عبدالباقى وفكارى و قريبه عبدالرحمن سنهورى وصديقه ياسر سيد الامين و جمعتنا الكرة الطائرة منذ المرحلة الثانوية اناوهو والدكتور احمد الريح سنهورى صديقى العزيز ومامون سنهورى واسماعيل الازهرى والدكتور قاسم وعصام قوزة واحمد سليم.
لك التحايا ياعصام ومزيدا من الاضافات لهذا المنبر ولنبتسم نحن فى الاسكندرية بكل جمالها وهاهو اسم معاوية الوكيل يتصدر المنبر
تحياتى للجميع وارجو ان نسمع بالدكتور احمد الريح سنهورى عضوا فى هذا المنبر وكذلك الدكتور واصل الهادى والدكتور فيصل عوض حمور والزميل الشاعر ابن المسعودية على الخضر والاخ نبيل وبقية العقد الفريد
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: Tragie Mustafa)
|
الأخوة الأعزاء
الفنان الجميل يوسف الموصلي
الفنان الثائر خالد كودي......واعرف تماما جوهرية مسألة الشوف عندكم...والبصيرة ليه ريشة يا صديقي.
الأخ إبراهيم علي
أستاذنا الجميل مسعود ...
أتصورك دائما رزيقي متأبطا عكازته يتسكع بالأزقة الأمريكية، ويزيد للرطانة الانجلوكانية حلاوة وعمق. (وش بيقول شوفو العريبي اللقاها).
المتأبط عودا بلا غناء ود رملية
عصام يستحق ان نحييه هنا وهناك وفي أي حتة.
صديقي الجميل أبو مهيار
وها هو عصام يتمدد خط التقاء، وتأكيد لما سبق.
الصديق العزيز ياسر حامد
أعلم سعادتك بعصام، واليوم السعيد الليلة جابو، ولا أزيد.
الأخ علي محمد علي
شكرا للتحية
الأخ والصديق بهاء الحق
أعلم أنك توافقني تماما بأن الاحتفاء بعصام حسين دين مستحق، وواجب يؤدى.....
الأخ ضياء
لن اقول لك سوى اقيف هنا مستقبل المهنئين، فأنت اولى.
الأخ الصادق سلمان
الشكر لك "ابا فتحية"
الاخت العزيزة رندا حاتم
شكرا لزغرودة الفرح، وعصام يستحق أن يستقبل بالزغاريد.
المناضلة الجسورة تراجي
عشتي..وشكرا لتحيتك لصديقي عصام.
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: nadus2000)
|
العزيز نادوس ، لك مني بعظمة جمالك التحية فأنت كما عودتنا دائماً يكفيك طيب أصلك وأدبك الذي رضعته كما فعل ذلك أسامه الذي أعرفه جيداً وأشهد بأن الأمر بيتي لا مكتسب ، لم يكن لي الخيار في سرعة الرد فكما تعلم أنني وأنت من لهم أسرة في مواقع العمل ، فلك مني العذر ، وأرحب بكل من قال كلمة ببوستك ، فكما هم لك فهم في قلبي أمتلئ بهم ن فلك ولتلك النصف معزتي ومودتي وربنا يحفظكم .
الأستاذ الموصلي فأنت شاهد على جيلنا الذي كان يرى فيك النموذج المثالي ففي فترة بداية الثمنينات كان لنا من يددن بأغانيك هو الأخ عادل ديلي أحد المبدعين السودانيين في منشط الكرة الطائرة فكان هو والأخ الباشمهندس محمد المجمر ( وهما من أبناء السجانة ) يجعلون منك رقم أساسي في المعسكرات والسفرات ، ثم كان إحترام الأستاذ مصطفى سيدأحمد لك عنوان كبير في دواخلنا وإن لم نلتقيك فتكفينا سيرتك ومساهماتك في رؤية جديدة للأغنية السودانية ، مع التقدير لكم .
الأخ المبدع خالد كودي تصور ياهو عصام حسين بتاعكم ، بس المسألة قلبت ذي ما بقت فداسي في ظل العهد الجديد للسودان عاصمة مدني ، فأنت برؤية الشرق الأوسط الجديد أصبحنا بتاعينكم بعد أن كنتم بتاعيننا ، فاقدك ومشتاق ليك شديد جداً ومبسوط لك بنجاحاتك وذي ما قال ليك ياسر حامد فإنني فخور بك أناطح بك مواقع الجمال أين ما حلت بس من دفعتك ولي تحت لأني ما بقدر على عماد عبدالله وعادل سيدأحمد ومحمد ود الشيخ أعمدة كلية الفنون الجميلة القبل والبعد ، ومشتاق لأسامة خليفة وأسامة حسن خليفة فلم أسمع عنهم خاصة وأنني إتهبلت وطلعت من السودان في 1994 بعد ما صارت إستراتجية قلب الموازين واضحة ، تحياتي للكل من حاجة فوزية مروراً بجبران إلى فهمي وحتى آخر العنقود وحأواصلك بطرق أخرى
صديقي إبراهيم علي إبراهيم يا أنت يا هذا الجمال مشتاق ليك شديد جداً وأمارس هذا الشوق من خلال صفية المتواجدة معنا بالدوحة وستكون في أعيننا ، لي لك عودة خاصة ، أتمنى حضورك للدوحة كما سمعت
أستاذي وولي أمري وأبي الروحي مسعود أنت من زرع فينا الجمال افتقدتك الدوحة كثيراُ وأصالتك خلقت في ذلك الزمن الذي مضى إضاءة مميزة تفتقدها الدوحة الآن يا أجمل من رأيت فلك حبي وودي ولعائلتك الكريمة أقدم فروض ولاء وطاعة مطلقة .
ودرملية يا ملك الجمال أحذر مؤامرة ياسر حامد خاصة وأن كيكي قد توعدكم في حالة الرد ، وتعال نجهز لينا رد قانوني فأنا أشتم رائحة توريطة .
أسامة عبدالجليل ود رفاعة التي لن ترضون بها بعد اليوم غير أنها ولاية أمريكية أو أحد الأحياء في لندن حيث إسماعيل التاج سؤال برئ ماذا تريدون من محافظ رفاعة في إستراتيجية العودة الطوعية هل يرضيكم إنضمام كريعات إلى خرطة المدينة ،بالمناسبة ده مخطط الأستاذ الفاضل عبدالله الفكي أحد أجمل وجوه الشرق لدينا ،
العزيز علي محمد علي بشير لو ما أخاف الضياع أقول بجه بجه ذلك الجميل المميز من منبع العمق قد ناولتنا لك المدينة سأواصلك في مسار آخر ياجميل .
بهاء الدين بكري لك الود يا جميل .
ضياء الدين كرار يا جمال الصدفة أنت لم تنزل من هذا العلي يا حبيب لك ولكل المدينة تحياتي تلك المدينة تصور يا ضياء عندما كنت في مدينة الأبيض مع الأخ محمود كشولة في بداية الثمانينات لم أتمكن من مقاومة نوبة البكاء الحادة التي داهمتني عند لحظة السفر حالتو ولا واحد من الذين ذكرتهم لم يكن موجوداً ، تلك المدينة الحانية بحنية أهلها لها مني ألف ألف ولاء وحب .
الأخ الفنان عمر عبدالخالق سعيد اشكرك على الحفاوة اللوحية الرائعة فلك مني أجزل الشكر .
العزيز الصادق ود أختي الحنينة فتحية لك مني وللأخوان بالسعودية التحايا حتى لقاء آخر
الأخت رندا سمعاُ وطاعة لكم فأنا تحت طلب الإدارة وحاضر لكافة التكليفات من أجل بورداب الدوحة
الأخت تراجي كل مناضل له إحترام ، ولكم إحترامين وأنتم مهمومين بقضايا مزدوجة بإزدواج السلطة أو فلنقل بضياعها والسودان له مشاكل خاصة معقدة نتمنى أن يكون هذا المنبر فاتحة لثقافة تكوين جديدة بعيداً عن ممارسة السياسة عن طريق إستراتجية الترف والأنانية ، والإنتقال إلى إستراتجية حل لمعالجة بعيدة عن ذاتية منتهجة بإتقان تمارسها تلك القابعة بدون أن يكون لها حق الإعتلاء
نادوس لك حبي وتقديري
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: nadus2000)
|
مرحب عصام حسين
يا ياسر حامد عشان تعرف اننا "اولاد" صغار شغفنا بالكرة الطائرة سببه ناس عصام ديل, هو قد يكون جيل مامون ودعمى لكن انحنا كنا جمهور hardcore fans ,
ما تتعقد يا ياسر,الطائرة دى ما عندك ليها طريقة الا يدبلوك راسيا و يقسموك بعدها النص
غطست حجرى انا و شقرور عاوز تلحق اخونا عصام كمان؟ انت ناس مدنى ديل ما عاوز تفك دربهم؟
يا عفاض
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: esam gabralla)
|
الحبيب عصام جبر الله
سلام من هنا لود مدني
"أولاد" صغار يا بشكة كلنا... أها نحن عصام حسين ده ما شفناه بلعب طائرة بس تتخيل هو دفعت المرحوم خالد جبرالله ،، بس حرفنة الطائرة ركبتو الطائرة ودخل المنتخب في سن مبكرة..
موضوع الانصاص ده عايز ليهو شوية حسبة .. ياتو نص أنت قاصد .. وبعدين نص من وين ما حددت عشان نعرفي بكفي ولا في فزع ..
حقو موضوع الانصاص ده نرحلو بوست خليل سكر السمار والخمار في "حادي" الغرام .. أفتكر خلي قاصد "معادي" مش حادي
بعدين بعد سعر الصرف الجديد وانفخاض الجنيه المصري ياهو ذاتو السعر ولا المسألة فيها شوية زيادات .. حقو نشوف بهاء توفيق يعمل لينا تنوير سريع ... عشان نعمل حسابنا لو في زيارة سريعة كدة للقاهرة... لأنو سمعت أنو على اتصال دائم وعندو خط ساخن مع القاهرة ..
كمان لازم تحدد نص أتي ولا الشول عشان الفرق في الـ quality
كدي أنت خليك مصنقع مع الكرة الطائرة وانا بهتم ليك بموضع الانصاص ..
سلامي للحلوين تبعك
وشقرور له وحشة كبيرة حبي له ولأسرته الكريمة
وأحييييييييييييييييييييييييييييييييييي أنا من مدني فيها جنس .................. ولحمة رأس
عليك بالحلة الجديدة ...
أسمع مسألة عفاض بالضحك تورت نفسي إلا يسترنا ما تكتب في البوست الجاي "وش كبير" تهيج علينا رفاقنا الأولين ...
| |
|
|
|
|
|
|
|
|
|
Re: مرحبا بالجميل عصام حسين...إضافة حقيقية لبورداب الدوحة (Re: adel abojgado)
|
العزيز عصام جبرالله الجميل الممتليء بجمال المدينة في مرحلة كان إيقاعها بنبل أخي عصام جبرالله وأبناء العم محمد سيداحمد ، تصور تلك الأيام التي معايير صدقها أمين محمد سيدأحمد ذلك الجميل ، وتلك الشلة التي كانت تأطر دار الزراعي وتمنحه الرونق والتي أصبحت تشكل ميزان القوى في الإستقطاب وسقط نادي الجزيرة لأن الجمال تباعد وأستكان عند المشرع القديم، أنت عزيز جداً وياسر حامد لاقاني بعد إستوى العظم ، وهو جزء من مدني ، بس كل الكلام بأنه إختار عائلتك في إستقطاب ناس مدني .
| |
|
|
|
|
|
|
| |
nadus2000
Elmosley
Khalid Kodi
ebrahim_ali
ودرملية
Abomihyar
على محمد على بشير
بهاء بكري
Dia
عمر عبد الخالق سعيد
الصادق صديق سلمان
Tragie Mustafa
عمران بابكر بدري
،
ابوبكر الامين يوسف
فيس بوك
تويتر
انستقرام
يوتيوب
بنتيريست