محمد المرتضى حامد!

Quote: شرحو!!

Quote: نفتقد قلمك الرشيق بشدة كن بخير انت واسرتك أيها الجميل جني

Quote: يا محمد المرتضى حامد عد بنفرح بيك فرح البعيد العاد

.
.
..........
...
...
...... كل واحد فيكم ... واحده ..بالله
..
..

Quote: حقا مثله يفتقد و الليلة الظلماء يفتقد البدر

Quote: عد بنفرح بيك فرح البعيد العاد

فيصل عزيزنا،

مصداقا لمقولة رئيس سابق (أصلو نحن السودانيين قلبنا رهيف زي الآبري)
كلام زي دا تاني كان كررتو إحتمال كبير أستقيل من عملي وأشتغل في المنبر ده ..
بدوام كامل ..
الأوصاف..
بس إنت اتلهَّم لي صاحبك الطيب شيقا بايت دا..

Quote: التقول لابِد ليها رئيس نادي،

Quote: وخاصة انه كان في اجازة للسودان طالت قليلا

Quote: مكلف بي مهام فنية غاية في الدقة..

DKEEN
المهمة الفنية الفوكرز دي إلا نخبِت بيها الأرض عشان تفتح.
ياخ راجيك في مسقط وكان قلت داير foam في المدرج برضو إندي ..

Quote: أعاني من إحساس بايخ برتبة مشير بأني ليس لدي ما أكتب ، حاجه كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت الخمسه في الإتنين ونمتع النفس بالدهشة

Quote: أساهر الليل.. برايا برايا براي برايا..

Quote: لولا القلب الذي يحبّك والقلب الذي تحبّه لكنت هباء منثوراً. (جبران ) حيدر محجوب (جني).. من نِعَمِ الإله علينا أن قيّض لنا أناسا أحببناهم دون أن نراهم في زمن لانرى فيه المصائب وحسب بل نقتاتها ونتجرع من جرادلها حد القرطعه وفي هذا بيان عملي كاف لقول المولى (إن مع العسر يسرا ). أعزيك في ذهاب الجنوب العزيز وهي تعزية متأخرة في حدث قديم جديد ليس هنا وقت أو مكان الحديث عنه لكن برضو اقبل تعزيتي لأنك يا (جني) كنت سيد وجعه جد وكما تقول العرب النائحة الثكلى ليست كالمستأجرة . ما رحلت عن المنبر وما غبت عن المشاركة ، والأخيرة ، وأنت سيد العارفين ، ليست بالضرورة أن تكون بالكتابة بل بمجرد القراءة وهي ، في ظني ، العنصر الأهم، فالذين يكتبون هنا حتما سيتوقفوا إذا لم يجدوا من يقرأهم ، والقـــــــــراء هم الوقود المخصَّب للإبداع والحافز للكتابة . كنت أطالع المنبر متى ما أتيح ذلك سيما وأني لست من الكتاب الراتبين ولا أجيد فعل الكتابة رغم عشقي الهذيان ، أضف إلى ذلك أني ، ومنذ مدة ليست بالقصيرة ، أعاني من إحساس بايخ برتبة مشير بأني ليس لدي ما أكتب ، حاجه كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت الخمسه في الإتنين ونمتع النفس بالدهشة. .. والله صحي .. صدقني، ظللت على تواصل مع المنبر وكثير ممن جمعني بهم أو عرَّفني إليهم وبصاحب الحوش الباشمهندس بكري ( أبو done )، مش كده وبس بل ظللت أتصل بكثير من حَمَلة الأقلام المكرَّبه أعتب عليهم غيابهم عن رفد المنبر بالحروف المكهربه الصاهرة للشاشات والمعاني المنظفة لزجاج النفس ، ولا أغالي إن قلت لك شغَّال تحنيس مع عدد منهم حتى بلغُت شفير الاستجداء مرددا مع حنان بلو بلو : تعال لي وما تشمِّت الناس علي.. وما من مجيب ، لكن ليك علي أجيبم واحد واحده حتى لو تعلقوا بأستار الفيسبوك وتمترسوا خلف التويتر أو تخندقوا في المسنجرات واحتموا بقبائل الدوت كوم ومضارب بني إسكايب. شكرا إنك إتذكرتني وأشكر شمس الدين السنوسي وسعادة عمر علي حسن وممكونه، والأخيرين ديل عارفين البي والعلي ويقدروا ظرفي الممحوق وجسمي المنحول وزمني الخاين، أها يا سيد أبوك ما تخاف علي كلو كلو ، بس ما تنسانا من صالح الدعوات وركِّز لي على حسن الخاتمة. وبرضي ليك المولى الموالي. --- العاصفة لا تكسر من الأغصان إلا يابسها. برضو جبران

Quote: ونتمنى أن يرجع سريعاً فالبورد فعلاً يفتقده.

Quote: نفقده معكم ونتمنى أن يكون بألف خير

Quote: الزول الجميل المرهف الاستاذ ود المرتضى

Quote: أهل الزمن الأخضر - رغم فارق السن - لصالحي طبعا .. فأنا الأسن