|
|
 تختخ , لوزة , عاطف , نوسة , محب
|
شوف بالله كيف سنوات العمر تمر !
اصلع خايب
وسط حطامك , راقد قايم
ماركس , انجلز
ميشيل عفلق
فقه الدولة , شكل الدولة
معنى الدولة
سارتر , هيجو , فولتير , توفلر
(50) مرجع فى المهدية
(60) مرجع فى الحركات الفاشستية
ولما لقيت اللغز بكيت
تختخ , لوزة , عاطف , نوسة , محب
اتذكرت ابوى وامى
اتذكرت محمد صحبى .. كنا بنكره حصص العربى
تحت الكنبة بين فخذينا كنا نخت اللغز ونقراء
والاستاذ مسكين شغال
فى اخلاص مسكين عرقان
نايب الفاعل والمفعول
اخوات (أن) رفضوا عريس فى الزمن الماضى عشان سجمان
شغاااال , عرقاااان
واحنا الجيل الكان مفروض يبنى السودان
تحت الكنبة بين فخذينا كنا نخت اللغز ونقراء
بلا سودان بلا امدرمان بلا وجع الراس
(60) مرجع فى الحركات الفاشستية
ولما لقيت اللغز بكيت
وين استاذ العربى الان ؟؟؟
هل ما زال لسع شغال
ولا اتوفى
وتحت القبر مع الثعبان الاقرع
مسكين عرقان .
شاهين .
(عدل بواسطة shaheen shaheen on 02-10-2006, 09:04 AM)
(عدل بواسطة shaheen shaheen on 03-23-2006, 02:10 PM)
|
|
 
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
hi
الاستاذة الرائعة منى
اتابع كتابتك وذكرياتك السلسة , you are a great writer realy ( انجليزى يا مرسى )
شكرا على المرور شرف وفخر مرور حضرتك
كل سنة وانتى بخير
انا اكبر من مرحلة فضولى بكتير . يعنى ميكى وسمير والمغامرين الخمسة والشياطين ال13
ثم مباشرة الى احسان عبد القدوس ( ابن ثقافة بهية ام طرحة وجلابية ) والحمد لله لم اتتلمذ على يد الثقافة البترودولارية الفاخرة
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: saadeldin abdelrahman)
|
شباب وين المفتش سامي ؟؟؟
و موزة ..مجلة ماجد
وعثمان الشيطان رقم اتنين
ودنجل وبندق وبطوط والعمة وزة وسوسو ولولو
ألتالت نسيتو وعبقرينو وميكي وميمي وعم دهب وقرش الحظ
ومحظوظ ..والجريف واللوبيا وشر هدوم في رمالو
اها ناس مجلة سمر معانا ولا برة
اخي شاهين ..شكرأ علي فلاش الذاكرة هذا
| |
|
|
|
|
|
|
|
|
 Re: تختخ , لوزة , عاطف , نوسة , محب (Re: محمدين محمد اسحق)
|
في سنة 1978 كنت في منزلنا تحت شجرة اللارنج
ناداني والدي العائد لتوه من خارج المنزل
هرعت مسرعة فلا بد من أشياء مفرحة لطفولتي
مد لي يده بمجلة ماجد
العدد رقم [1]
بغير كثير حماس أخذتها
ورددت في سري"كمان زول لابس عقال"؟؟؟
وبعدها صادقت موزة الحبوبة و شقيقها رشود
والنقيب خلفان و المساعد فهمان
أما الألغاز فحدث ولا حرج
المغامرون الخمسة
لغز القفاز الاحمر
لغز القصر الاخضر
لغز اللص الشبح
لغز الفهود السبعة
لغز عصابة التزييف
لغز زعيم العصابة
لغز الألف وجه
لغز الشاويش فرقع
لغز المنزل رقم 98
لغز أم الشعور
المغامرن الثلاثة عامر و عارف و عالية والمغامرون الثلاثة الذين كنت أعتبر دمهم أتقل من المغامرين الثلاثة الأول
محسن و هادية و ممدوح
الله من ذكريات الطفولة
مالك علينا يا شاهين؟؟
محبتي وتقديري
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
hi
سعدالدين انت برضه عجوز ؟ الله لا مرقك , تتذكر الشاويش فرقع ( فرقعوا من هنا ) يا حليل الايام ديك يا سعدالدين يااااه . بالمناسبة اللغز البتكلم عنه هو لغز ( الامير المخطوف ) ما عارف لو بتتذكره , وبالجد بكيت لما لقيته محشور وسط كتب الكلام الكبار كبار . تتذكر المفتش سامى . وبعد كده كان فى الاخوان التلاتة ( محسن ) و ( هادية ) و ( ممدوح ) وبعدين ناس ( فلفل ) كانت بتعمل شعرها افرو ما بتذكر البقية. ايام يا ابو السعود . بالمناسبة انا كنت بحب نوسة . والله العظيم كنت بحبها عديل .
كل سنة وانت بالف الف خير اتمنى ان نكون اصدقاء يا عجوز لو انت بالجد عجوز
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
لـولـو وطـبـوش..
الجـدة بطـة وعبقرينـو..
الـخــنــازيــر الثــلاثـة..
طـيب ايـه رأيـك أنـا كـنت مـواظـبـة علي قـراءتهم حـتي قرب خـروجـي مـن السـودان علي الرغـم مـن كـبر عمـري!
دلـوقـتي اسـتمتع بأفـلام الكـرتون وخـاصـة تـوم آنـد جـيري!
شـكرا علي كـلماتـك الرقيقـة..أسـعـدتني كـثيرا..
مـني
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
محمدين محمد . تعرف الذ حاجة فى المفتش سامى انو بيظهر فى النهاية وهو عامل انه متابع من البداية , الشياطين كانت مرحلة برضه لذيذة شديد وهم بالمناسبة لنفس الكاتب محمود سالم . اجاثا وهيتشكوك برضه كانت ايام ولما الواحد عمل فيها مثقف رجعت للاعمال دى باللغة الانجليزية حاجة ممتعة جدا . مجلة ( سمر ) كانت تدشين المراهقة واى صورة فيها (قبلة ) كانت بتحوم المدرسة . نسيت تان تان . زى ما قلتا لمنى خوجلى انا ما حضرتا ناس ماجد وموزة يعنى لما دخلت فى ناس الديالكتيك والمادية التاريخية ( الكلام البيخلع ) كان يا دوب ناس ماجد ظهروا
كل سنة وانت طيب يا عسل واتمنى ان نكون اصدقاء وتعيش وتفتكر يا حبيب
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
أخوي سعد الدين
و
اها الكبر بين فينا ..
اها تذكروا عنتر ؟؟
كلب ناس هادية ومحسن وممدوح ؟؟
أختي لنا مهدي شنو الذاكرة الموسوعية دي ؟؟؟
لغز الفهود السبعة هو من اروع الالغاز عندي
واضيفي ليهم لغز وادي الملوك والرجل الأزرق
ووادي المساخيط والعقل الألكتروني ..وفي لغز
جميل جدأ كان بيتحدث عن مشاركتهم في المقاومة
في حرب 1873 نسيتو ..
ناس عارف ديل اتذكر ليهم لغز هو بحيرة قارون
والتلاتة اللي قلتي دمهم تقيل
ممدوح كان زول عضلات تبش ..محسن تؤمه كان زول علم ساكت
مختبرات ونظارات طبية ..هادية كانت العقل المدبر للتيم
جندرة تفتيحة لمن غلط 
أختي مني خوجلي
Quote: لـولـو وطـبـوش..
الجـدة بطـة وعبقرينـو..
الـخــنــازيــر الثــلاثـة..
طـيب ايـه رأيـك أنـا كـنت مـواظـبـة علي قـراءتهم حـتي قرب خـروجـي مـن السـودان علي الرغـم مـن كـبر عمـري!
دلـوقـتي اسـتمتع بأفـلام الكـرتون وخـاصـة تـوم آنـد جـيري! |
توم اند جيري ديل ما فيهم كلام ..لكن رأيك شنو لو قلت ليك الاسبوع الفايت قريت
عدد ميكي ماوس الخاص بأعياد الميلاد .. 
أخوي شاهين شكرأ ليك كتير علي البوست الفضفضة دا
تان تان ما بيتنسي ..ما هم كاتبين عليها من سن 7 الي 77
مجلة ماجد أذكر أنني فزت في أحد مسابقاتهم الاسبوعية
ووصلتني الدراهم للمدرسة وبالبريد المسجل ..
ومعها خطاب رقيق مكتوب بالألة الكاتبة ..
كم كانت تلك الايام جميلة ..
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
نعم كان متخصصاً في مشاغبة الشاويش فرقع عند حضوره لفيللا لوزة و عاطف بحثاً عن المفتش سامي
واتذكر انه كان يزعج تختخ عندما يجري أمامه في أي مطاردة و تختخ نفسو يتقطع
الشاويش فرقع تصالح مع المغامرين في "لغز الشاويش فرقع" وأتذكر آخر عبارة في اللغز:"اكتشف أنهم لم يكونوا فقط مغامرين من طراز رفيع، بل أصدقاء أوفياء"
وبعده رجعت حليمة لقديما
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: lana mahdi)
|
يا اخوانا/تنا
انا قريت الحاجات دي فى التمانينات..مجلة ماجد يمكن 84 وبعدها المغامرين..
و يا شاهين بتذكر اسم اللغز ده لكن ما متأكد من القصه..
مش زي امير اجنبي و حاجه بالشكل ده ?
طبعا المؤلف كان محمود سالم..
لنا اختي
اها اتم ليكي:
اول لغز لهم : الكوخ المحترق
قصر الصبار
جاسوس السويس
بجيك راجع بالباقي ههه
طيب كليله ودمنه و الف ليله و ليله و الحاجات دي كيف ? تنفع?
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: saadeldin abdelrahman)
|
Quote: لنا اختي
اها اتم ليكي:
اول لغز لهم : الكوخ المحترق
قصر الصبار
جاسوس السويس
بجيك راجع بالباقي ههه |
صح يا سعد
اول لغز لهم الكوخ المحترق
وتاني لغز البيت الخفي
والتالت العقد المفقود
ومن بين الألغاز لغز بلا نهاية
تتذكروا؟؟
الفيهو "سماء" اتخطفت من السينما و استدل المغامرون الخمسة على طريقها بواسطة الرسالة الكتبتها في تذكرة السينما بواسطة حبة فول سوداني محروق..
ولغز اختفاء الخنفس
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
الرائعة لنا مهدى بعد ما طلعت من البورد رجعت تانى عشان خاطرك . هى مجلة ماجد بدات سنة كم ؟ شايفك اتكلمتى عن 1978 , انا كنت مفتكرها احدث من كده . يعنى انا من مواليد 1966 مفروض اكون صادفتها لو هى فى التاريخ ده وانا كنت مدمن مكتبات . فى قايمة الالغاز الكتبتيها كلهم للمغامرين الخمسة ما عدا لغز ام الشعور ده كان لناس ممدوح وهادية ومحسن
انتى انسانة رائعة حتى فى مشاغباتك لليساريين الذين احبهم
سعيد ان تكون انثى سودانية منتمية لحزب سياسى هذا يحمل معنى كبير عندى
كل عام وانتى بخير وربنا يحقق ليك كل امنياتك الشخصية والعامة
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
| Quote: الرائعة لنا مهدى بعد ما طلعت من البورد رجعت تانى عشان خاطرك . هى مجلة ماجد بدات سنة كم ؟ شايفك اتكلمتى عن 1978 , انا كنت مفتكرها احدث من كده . يعنى انا من مواليد 1966 مفروض اكون صادفتها لو هى فى التاريخ ده وانا كنت مدمن مكتبات . فى قايمة الالغاز الكتبتيها كلهم للمغامرين الخمسة ما عدا لغز ام الشعور ده كان لناس ممدوح وهادية ومحسن |
أخي الحبيب شاهين
شكراً ألف شكر لمداخلتك الجميلة
مجلة ماجد صدرت في صيف 1978
واتذكر تاريخ صدورها جيدا لان والدي قال لي الاسبوع المقبل المدرسة يعني ح نقلل قراية خارجية و تسلية غير المدرسة
والعام الدراسي كان في الانجيلية يبدأ 2/8
لغز أم الشعور كان للمغامرين الخمسة حتى تتذكر اللغز احداثه اثناء اجازتهم مع قريب زول فيهم في منطقة بريمة بترول
| Quote: انتى انسانة رائعة حتى فى مشاغباتك لليساريين الذين احبهم |
,أنا كمان أحبهم و فيهم أصدقاء رائعون فصديقتي القريبة جداً و التي درست معي في مصر وفي كليتي إيمان الحلو و كان في تلك الفترة صلاح ابو جبر "طبعاً صلاح من السابقين الأولين" و أمال عباس و زهير غندور وغيرهم
| Quote: ان تكون انثى سودانية منتمية لحزب سياسى هذا يحمل معنى كبير عندى |
ومن هنا الدعوة لتمكين النساء في العمل العام"بس ما تمكين الجبهة"
لك محبتي و تقديري ووعدي بالاستمرار في هذا البوست خزينة الذكريات
لنا
| |
|
|
|
|
|
|
|
|
 Re: تختخ , لوزة , عاطف , نوسة , محب (Re: shaheen shaheen)
|
| Quote: لنا مهدى كده نحن طلعنا قرايب عديل , ما دام الموضوع فيهو زهير غندور وامال عباس وصلاح ابو جبر الحاج , انا درست فى مصر وكنت كادر خطابى للجبهة الديمقراطية وعضو الاتحاد العام 87 88 تحياتى وحبى |
دقيقة دقيقة
لقيت زول جنبي بيعرفك
يعقوب زوجي بيقول ليك اتذكرك
هو كان في نفس الدورة عضو مجلس اربعيني للاتحاد العام
وسكرتير اجتماعي لاتحاد اسكندرية
ياخ و الله صحي رب صدفة
انا جيت الجامعة 1989
كنت برلومة ايمان الحلو
ومن ناس الجبهة الديمقراطية العزاااااااااز جداً
حاتم حسان أب سن
وحيدر الفكي
ونجاة حواية الله
وغادة الرقيقة ديك
أيوة غادة طه
وغادة جواري
ومنتصر القدال
ومتذكرة المخضرمين ناس اسكندريةمعاوية الوكيل و صلاح ابو سبح
يعقوب بيسألك عن "عثمان محمود" ان كنت تعرف له عنوان او تليفون
يا حليل مصر و أيام مصر
خالص المحبة و التقدير
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
معتز تروتسكى لك حبى واحترامى شكرا على المرور
كل عام وانت بخير يا عسل
اتمنى ان نتجاوز سخافة البوست الفات ok
اسف جدا جدا جدا لو حدث اى تجاوز . اسف جدا جدا . واعتذر لو استخدمت عبارات سخيفة
الحب والود والاحترام يا غالى , واكيد اكيد سنكون اصدقاء . ولو عايز اعتذر فى البوست داك , انا تحت امرك .ولتنداح ذكريات الطفولة ويخرج عواجيز البورد من جحورهم
لك الود
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
يا الله
من زمان 1974 وانا بفتش في لغز ورقة الكوتشينة وللان روحي متشحتف عليه
اخر لغز قارته رقم 90 وكان اسم الزجاجة الصفراء
ومنها انتقلة الي مجلة سمر ومحاولة حب بت الجيران
يا رب مكتبة سعيد الفي السكة حديد الخرطوم موجود ولا اتت عليها طفرات الانقاذ
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
تروتسكي اخوي
سلامات = (دي شكرا بالفلبيني بالمناسبه)
يا اخوي انت عندك نظارات و حاجات و قريت خرتمية شهاده وتقول لى ما قدري 
ههه انت لوقلت نحن قدر بعض بقوم جاري 
مكتبتي الصغيره لا زالت تحتل دويليبها في ديوان الوالد.. والعهده على خالتي
العايز يستلف كلو يتفق معانا ننزل سوا السودان
بس ننزل و لا نطلع ما عارف
| |
|
|
|
|
|
|
|
|
 Re: تختخ , لوزة , عاطف , نوسة , محب (Re: saadeldin abdelrahman)
|
خالص التحايا
العزيز شاهين
ياعزيزى الكلام الفات داك لو ماحديثك لو ماحديثك ده زاتو ما كنا متذكرين . .
ابو السعود خلاص طلعتنى انا الكبير ياعجوز. .
ننزل السودان سوا مالو ولا ماعاجبك نطلع. .
بعدين لو تصدق ياشباب عمرى المفرهد فى السكه كده. .
وتسلمو ويديكم العافية والشكر اولا واخيرا للاستاذ شاهين..
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
شاهين سلامات
انت عارف اني لسه بقرا القصص دي ومحتفظة بجميع النسخ بتاعتها
كمان مجموعة المكتبة الخضراء...كنت بحب منها قصة عقلة الأصبع
والمكتبة الذهبية وقصة الأنف العجيب كانت رهيييييييبة عديل
وحذاء الطنبوري..
ورحلات جلفر..وغيرو وغيرو
بالمناسبة أنا برضو فزت مرتين في مجلة ماجد..
ومرة نشروا لي نكتة عوييييرة....هاها
ورسلوا لي بطاقة المندوبين..وأيامها كرهت معلماتي في المدرسة عدييييل كده
مافي أحلى من الأيام ديك..أيام عدم المسؤولية وعدم الهم..
ربنا يديك العافية على الموضوع اللذيذ ده وعلى البسمة الأديتا لينا.
ودمت بخير سعادة
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: saadeldin abdelrahman)
|
تختخ لوزة عاطف نوسة محب
انهم اشقائي الذين عشت معهم ايام الطفولة و الصبا وما احلى تلك الايام ونحن نشرب الليمونادة المثلجة في حديقة منزل عاطف في ضاحية المعادي في ظهيرة الايام الصيفية ..وبعدها نتجول بالدراجات الهوائية في شوارع المعادي بحثا عن خيط يقودنا الى لغز جديد بعد انقضاء العطلة الصيفية ... ودائما ما يبداء اكتشاف بداية اللغز بقوة ملاحظة شقيقتي الصغرى لوزة ....
كنت اجيد فن التنكر مثلما يفعل شقيقي (توفيق ) او تختخ وقد تسلقنا الشجرة سويا خروجا ودخولا الى غرفته عن طريق النافذة ... وكثيرا مالعبت مع زنجر في الحديقة او اصطحبته معي على ظهر الدراجة الى اطراف المعادي او على سفح جبل المقطم ....
الشاويش فرقع يجول في الشوراع بحثا عن المجرمين وعندما يجدنا يصيح بصوت عالي هيا فرقعوا من هنا ...
كبرت ولم يكبر اشقائي المغامرين الخمسة ...
بفعل فاعل (ساجور ) كبير بعاد بيني واشقائي ومازال الحنين الجارف يشدني اليهم ..
ميكي سمير تان تان طرازان ثم ماجد هم من اعز الاصدقاء :
عبر ميكي تعرفت على معنى الشجاعة و الصداقة وتعرفت على اصدقاء اخرين بندق ميمي بلوتو كوكا ابو طويلة عبقرينو عم بطوط زيزي عم دهب و الجدة بطة لوز سوسو لولو توتو دنجل وعصابة القناع الاسود 176 671 761 نونا و المقشة وسونيا و الخنازير الثلاثة تعلوب ودبدوب و التعلب المكار وسعدت كثيرا بمعرفة عمدة مديمة البط وكنت جالس بالقرب منه في اعياد المدينة السنوية احتفالا ببطوط الاكبر مؤسس المدينة ...
سمير سميرة تهته تهتهه كراوية جحا ابو سنة عشت معهم في وسط المدينة المصرية الحديثة تجولنا على مراكزها التجارية وتعلمت السباحة علي يد تهته في مسبح النادي وايضا الموسيقى... كراوية ابن بلد شجاع يحتفظ لي بنسختي من الصحف الصادرة اهرام جمهورية وكل المجلات روزاليوسف صباح الخير الكواكب اخر ساعة المصور .... اعتى المجرمين وخاصة مهربي الاثار يكشفهم كراوية وصديقه فلفل ...
ماجد ... بفضله توحد الشباب العربي من المحيط الى الخليج تكونت الروابط في كل البلدان جميعنا اصدقاء لماجد ... ونحب موزة وشقيقها رشود و النقيب خلفان و المساعد فهمان وشمسة ودانة وسلمى ومنصور وحبوبة وكسلان جدا وشقيقة نشيط ...
لابد ان اتوقف هنا.... فانا أرى بابا نويل (سانتاكلوز) بردائه الاحمر يخرج من بين السحب يغطى جزء من القمر وسط الثلوج بزلاجته ترجها مجمموعة من (الأيل) يحمل على ظهرة زكيبة مليئة باللعب و الاشياء الجميلة لعلي احظى بواحدة منها .... ساخبره عنكم يا اصدقائي وسيمر عليكم واحد واحد فقد ترقبوه عبر النوافذ و الشرفات وقد ياتيكم عبر المداخن فلا تضعوا الحطب و النار على المدفاء رغم الصقيع وبرودة الجو على يجد بابا نويل طريقه الى المنزل عبر المدخنة .....
حتما سنعود ...
جمال حسين
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: gamal elsadig)
|
الاخ شاهين شكرآ علي هذه النافذة علي الماضي البهيج ـ
الواحد قديم شوية ـ وكنت مدمن المجلات المصورة وأشهرها سوبرمان البطل الجبار ـ الرجل الوطواط ـ البرق ـ طرزان ربيب القرود ـ بونانزا ـ تان تان (من سن 8 الي 80 ) ـ و قليلآ من ميكي وسمير ـ
ولمن فاتتهم قراءة مجلات سوبرمان في تلك الفترة الذهبية اليكم هذا الرابط لتكملة متأخرات الصبا ــ
Superman's Online Comics
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: على احمد على)
|
الاخ شاهين لك التحية و الود
ذكرتني ايام كنا فيها ناس حلوين و الدنيا حلوة
الغامرين الخمسة
في اول مغامرة الكوخ المحترق غيروا اسماءهم لي اسماء حركية
تختخ : توفيق خليل توفيق خربوطلي
محب : محبوب ابراهيم
نوسة : سنية ابراهيم
عاطف
لوزة نسيت
الكلب زنجر يا حليلو
في واحد سال من لغز ورقة الكوتشينة هو عندي و حالف اخلي الالغز دي لمن تكبر بنتي
لين عشان تقراهم....
والله ذكرتنا بي عارف عاليةو ..... و ناس محسن و ممدوح وهادية
و بعدين كنت بزعل في الشياطين ال13 لمن معظم الفضل يرجع لي رقم واحد احمد
و دائما بتخيل انه حقيقة
اه من الزمن اليوم و الملطشة يا ريت اولادنا يتربو زي ما اتربينا
.................... د. والي
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
تحياتي أخي شاهين والمتداخلين
ايام جميلة قضيناها في طفولتنا بين مؤلفات هي كالاحلام جعلت خيالنا خصبا,صاغت أحلامنا الوردية,فيها الكلمة الطيبة والفكر المستقيم
وجدت من أسما ماقرأنا(...)
كتب محمود سالم
لغز الكوخ المحترق
لغز طائرة باريس
الكعكة الصفراء
رجل بلا وجه
لغز البيت الخفي
لغز العقد المفقود
لغز المنزل رقم 98 .
لغز الألغاز
لغز الأمير المخطوف
لغز اختفاء الخنفس
لغز سرقة البنسيون
لغز الوثائق السرية
لغز الجزيرة الملعونة
لغز الحقيبة السوداء
لغز الغابة الملعونة
لغز الرسالة الطائرة
لغز ورقة الكوتشينة
لغز الشارع المسدود
لغز الساق الخشبية
لغز الموسيقار الصغير
لغز كلب البحر
لغز جزيرة المرجان
لغز عصابة التزييف
لغز الثعبان الأعمي
لغز عين السمكة
لغز الساحر العظيم
لغز الفانلة الحمراء
لغز الهارب الصغير
لغز صواريخ الليل
لغز الضباب الغامض
لغز البيضة المجوفة
لغز شحنة الماس
لغز الكلب ذو الرأسين
لغز وادي المساخيط
لغز العملاق
لغز الزائر الغامض
لغز بلا نهاية
وأضيف لغز عباس الأقرع وكاتبه مصطفي أحمد
وقد كتب أيضا
لغز الفراشة المفقودة
لغز مدينة الآلهة
لغز عباس الأقرع
لغز نور القمر
لغز فندق الرعب
الأثنين الأخيرات ديل مامرن علي الظاهر كبرنا وكبرت أحلامنا,بالطبع كنت انتظر كل خميس لقراْة مجلة ميكي ,في ايام الطفولة .كانت رائحتها طازجة,كانت مرحلة الكتب المصورة كانت الرسومات تشدني,كيف من خط يستطيع أن يعطي إحساس البعد الثالث للمتلقي! ؟.
ثم جاءت مرحلة المؤلفات والقصص ,وكنت قد إشتريت الألغاز مسبقا,أي قبل أن أبدأ في قرائتها,وأنا أسكن بحري,كنت أذهب إلي أمدرمان, السوق واقابل أبو دقن,استبدل منه مجلاتي المكررة بأخري,ويوم لا أجد بديلا كنت أشتري الالغاز التي لم أبدأ في قرائتها في ذلك الزمان.ثم جاء دور الالغاز والكتب القصصية الأخري ,وبالطبع احتلت سلسلة روائع الأدب العالمي جزء كبير من إطلاعاتي,كانت جنتي تلك السلسلة.هربلت جورج ويلز ربما كانت له آلة الزمن,وهناك الف قدم تحت الماء,وحول العالم في 80 يوم-كيف الحقد ذهب بأحدهم ليتابع بطل القصة ويعوقه في رحلته-إستفدت منها منهجا في حياتي الا ياخذني رد الفعل .
وهناك قصة روبنسون كروزو وكيف عاش بمهارة وكيف تغلب علي وحدته وحصن نفسه وبني ربما مدينة .
ثم جاءت مرحلة أخري .قصص الأنبياء.( أفحسبتم إنما خلقناكم عبثا و أنكم إلينا لا ترجعون ) .
ورد عن رسول الله (ص) قوله: (قلب ليس فيه شيء من الحكمة كبيت خرب، فتعلموا وعلموا، وتفقهوا، ولا تموتوا جهالاً، فإن الله لا يعذر على الجهل) .
تحياتي أخي شاهين.وجعل الله قلبك معافا ينبض بالحياة واطال عمرك خيرا وجعل الجنة دار خلدك.
(عدل بواسطة Eng. Mohammed al sayed on 12-28-2005, 03:52 PM)
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
يا سلاااااااام على الهندسه!
تأسس الشغل
وجدت أيضا
لغز نادر الوجود
لغز كلب البحر
مجلدات سوبرمان والوطواط والرجل البرق
أما مجلة صباح و ابطالها فنجاط و زوجته و عجيب الرباط الدوبااااي
والذي دوبى مره :
يوم الخميس الفات
طلعن تلات نجمات
الأولى في الخرطوم
و الباقي في شمبات
قام واحد(اظنو فنجاط أو احد الماره) قاليهو انت ما عندك غير دي ?
قام حدر ليهو كده وقال :
يوم الربوع الفات
طلعن سبع نجمات
سته في الخرطوم
و السابعه في شمبات
فقام داك قاليهو : لحنتها يعنى
| |
|
|
|
|
|
|
|
|
 Re: تختخ , لوزة , عاطف , نوسة , محب (Re: shaheen shaheen)
|
يا سلام
بالله تختخ المتفلسف والمغامرين الخمسةوالشاويش فرقع...يا حليييييل زمان
وما تنسوا المغامرين الاربعة فلفل وطارق وخالد ومشيرة ..
بس صراحة ما حبيت الشياطين ال 13 وزعيمهم رقم صفر .. وما عارفة منو قيس من لبنان وعثمان من السودان ... نهائييييييي ما كنت بفهم كلامهم
لكن صدقوني ليوم الليلة دي بقرأ الالغاز دي وبحس براحة عجيبة لما اقراها
وكمان بقرا ميكي والجدة بطة وفطيرتها بتعت التفاح وبندق وعبقرينو ( الغياظ)
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
يا سلااااااااااااااااااااااااااااااااااااام
المغامرين الخمسة
والمغامرين الثلاثة
والشياطين ال 13
وسوبر ميكي
وميكي جيب
وكابتن سمير
وووووووووووووووووووووووووووو
لما كنا بنقراهم كنا بنحس بمتعة حقيقة ونعيش الروايات والالغاز دي
يا سلام امبارح لقيت لغز البيت الخفي للمغامرين الخمسة وقريتو
شكرا شاهين ذكرتنا بالايام الجميلة دي
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
الاستاذ شاهين
تحية طيبة،
بوست لطيف جدا.
فى صغرى كنت مدمنة للقراءة و كنت احب قراءة الغاز المغامرين الخمسة و الاربعة (و بدرجة اقل الشياطين ال13.
حين سافرت للقاهرة للدراسة كنت و احدى صديقاتى حين نمر باحد شوارع المعادى، نبدأ بالمزاح بحثا عن حديقة منزل عاطف، و الكوخ الخشبى و تساءلنا ايضا عما اذا كان هناك مقهى او كازينو اسمه "كازينو الجود شوت"، و اذا ما كنا سنقابل الشاويش فرقع على دراجته.
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: nada ali)
|
ما عارفين نقول مالك علينا ولا نقول شكرا لك يا شاهين ... في هذا الزمان الصعب رجعتنا لوطن حلو جميل عشناه ونحن أطفال ... زكرتنا الكوخ المحترق والبيت المحترق والشبح الخفي ووادي الملوك وكمان عارف وعامر وعالية والشياطين ال13 ومجلة سمر وكتب إحسان عبدالقدوس ويوسف السباعي وجرجي زيدان ومجلة الصبيان وميكي وسمير وماجد ... الغريبة كل جيلنا وبأمر غير مرتب له كان في الإبتدائية يقرأ نوعا معينا وموحدا من الكتب ويستمر بهذا الإنتظام في كل المراحل ... يحيا شاهين وتحيا الذكريات وحليل أيام زمان
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
الى الجميع فردا فردا عواجيز مثلى , وشباب فى عمر ابنائى واخوتى الاصغر , شكرا على المداخلات كانت رائعة استمتعت بها . الماضى الجميل هروب من حاضر بشع لا احبه مطلقا . اسكن الكلاكلة صنقعت منذ الصغر , فى عز الهجير والشمس فى الراس كنا نذهب حتى نهاية الكلاكلة الوحدة ( من يعرف الكلاكلة سيعرف بعد المسافة ) فقط من اجل احضار لغز من فلان وعلان . ايام لن تعود وشباب يتسرب من اليد . شكرا لكم تابعت المساهمات والتدفق الرائع ايام جميلة لابنائكم مثلما كانت لنا . كل سنة وانتوا طيبين , واصلوا ولا ( تفرنقعوا من هنا )
شاهين
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: Adil Osman)
|
كتب محمدين محمد اسحق
(شباب وين المفتش سامي ؟؟؟
و موزة ..مجلة ماجد
وعثمان الشيطان رقم اتنين
ودنجل وبندق وبطوط والعمة وزة وسوسو ولولو
ألتالت نسيتو وعبقرينو وميكي وميمي وعم دهب وقرش الحظ
ومحظوظ ..والجريف واللوبيا وشر هدوم في رمالو
اها ناس مجلة سمر معانا ولا برة
اخي شاهين ..شكرأ علي فلاش الذاكرة هذا)
يا محمدين
عليك بس ورينا (العمة وزة) ياتا فيهم، الكلام بتاعك ما فيهو أدنى درجة من العلمية والدقة، كان إسمها (زيزي) ها ها ها
وبالمناسبة ياشاهين أنا كنت من محبي الألغاز وتان تان ومغرم بمجلة صباح السودانية ناس عجيب الرباط وفنجاط واولاد الحلة والكوتش وفالكونى.
الصادق
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: الصادق اسماعيل)
|
التحية لكم وشكرا على هذا البوست الجميل
والتحية للمبدع محمود سالم بقدر ما امتعنا وعلمنا متعة الاكتشاف
وحب المغامرة
ولا انسى اننى قد بعت حلة الالمونيوم العتيقة والوحيدة فى التكل
عشان احصل على ما يكفى لشراء نسخة لغر القرد
ولم يخيب القرد ظنونى واستمتعت بالكتاب غير عابى بسير المحفضة
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: ابوعسل السيد احمد)
|
Quote: كتب محمود سالم
لغز الكوخ المحترق
لغز طائرة باريس
الكعكة الصفراء
رجل بلا وجه
لغز البيت الخفي
لغز العقد المفقود
لغز المنزل رقم 98 .
لغز الألغاز
لغز الأمير المخطوف
لغز اختفاء الخنفس
لغز سرقة البنسيون
لغز الوثائق السرية
لغز الجزيرة الملعونة
لغز الحقيبة السوداء
لغز الغابة الملعونة
لغز الرسالة الطائرة
لغز ورقة الكوتشينة
لغز الشارع المسدود
لغز الساق الخشبية
لغز الموسيقار الصغير
لغز كلب البحر
لغز جزيرة المرجان
لغز عصابة التزييف
لغز الثعبان الأعمي
لغز عين السمكة
لغز الساحر العظيم
لغز الفانلة الحمراء
لغز الهارب الصغير
لغز صواريخ الليل
لغز الضباب الغامض
لغز البيضة المجوفة
لغز شحنة الماس
لغز الكلب ذو الرأسين
لغز وادي المساخيط
لغز العملاق
لغز الزائر الغامض
لغز بلا نهاية |
كانت والدتي تقول احمد ما يمشي معاي لسوق الزنكي بالخرطوم!لانو بمشي المكتبات ويخليني!!وانا اتوه في المكتبات وما زلت والحمد لله! ورغم زلك لم اترك لغزا الا وقراته وكانت والدتي تدفع رغما عنها برضا !
لا انسي كنت اتبادل واستلف من شاهين واقول لك اغفر لي شاهين واعفو ان لم ارجع لك لغزا استلفته ولم ارده لك !!ومازلت ازكر انني داومت و قرات سمير وميكي في بيتكم(ربما لاننا لم نكن نملك مايمكننا من اقتناؤها حينها)...
فتحتم لنا بابا نتنفس فيه من الماضي
قفا نبكي من زكري !!
ما زلت (جاهلا علي كبر )ولن اتواني في قراءة لغز وميكي وماجد مع بنتي دانية!
اخوتي في الالغاز !
لكم التحية
مني خوجلي
توم اند جيري قاسم مشترك لك التحية
شاهين
شكرا علي حفرك في زاكرتنا في زمن صعب
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: Ahmed El Gasim)
|
شاهين
و الله الواحد رجع اظن دشليون لحظة زمنية للوراء
كنت من المدمنين جدآ على الألغاز الخاصة بالمغامرين الخمسة و اى مؤلف لهم كنت التهمه التهامآ .
انا كنت من النوع البيمشى يركب مواصلات الكلاكلة لحدى المحطة الوسطى الخرطوم عشان اشترى لغز واحد و اركب نفس البص الذى اتيت به من الكلاكلة لأرجع به و كنت لا أتصفح اللغز ابدآ فى البص و على نار كنت اتمنى ان يصل البص سريعآ حتى انزل فى محطة واحدو منها الى منزلنا مباشرة و ادخل الغرفة و اقفل الباب و لا افتح الباب لغداء او عشاء الا و اكون قد قرأت آخر سطر فى اللغز.
و اذكر ان من احب الالغاز التى قرأتها هى : ورقة الكوشتينة ، و كلب البحر ، و الكوخ المحترق .
علمت مرة ان هنالك مجلدآ يحوى كل الغاز المغامرون الخمسة .. فيممت شطرى وجه والدى العزيز و طلبت منه احضار هذا المجلد .. و ذكرت له انه يوجد بمكتبة الجامع الكبير .
و يبدو ان صاحب المكتبة لم يستوعب المطلوب من الوالد فأعطاه " المنجد فى اشعار العرب " ... و لا ادرى ما العلاقة بين الأثنين حتى اللحظة اللهم الا ان يكون " الغموض " كل .
تسلم شاهين لهذه السياحة " اللغزية " المحيرة .
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
المغامرون الخمسة ديل رهيبين ولغاية اسة لو لقيتهم بشتريهم ولما امشي السودان بمشي مخصوووص الفرّاشة حقين المحطة الوسطى ديك الببيعو الكتب المستعملة وبشتري منهم بالكميات
ناس تختخ، ونوسة، وعاطف، وحب، ولوزة ام شعيرات طايرات...
روايات بوليصية جميلة، واكثرمايعجبني فيها الذكاء البميز ابطالها الأطفال، بتديني احساس اني وبالرغم من عمري السغير لكني برضي ذكية زي ناس نوسة ولوزة ديل وممكن برضو احلحل المشاكل واكشف المجرمين واساعد ناس البوليص، حتى لو السيد الوالد والسيد حرمه قصقصو لي كِرِعاتي...
وكان ما اخاف الكظب ظنيت انو دة الهدف من الالغاز دي، انو يفهو الاطفال ديل انو اي نعم انتو سغار لكن الله اداكم مخ تفكرو بيهو وتستعملوهو في الاوكات الحرجة، وطالما انو نيتهم سليمة وعايزين يعملو خير فاكيد الله معاهم وهينتصرو في الآخر، وكونهم ناس اطفال دة ما يمنع انهم يفكرو ويتصرفو صح...
وطبعا كنت بحب محب شدييييد، لانو كان حنيييين على اختو (نوسة) وكلبهم (زنجر) وطبعا من شدة حبي للكلب دة بقيت بحب ساندوتش بعملوهو ناس الـ KFC
اما الشياطين الطلطاشر ورئيسهم الزعيم رقم صفر، الشخصية المجهولة التي كثيرا مافشل الاعداء في كشف شخصيته...
واكثر واحد نشيط فيهم كان احمد (مصري طبعا)
وعثمان الود الاضنينو طايرات وشعرو قُرقُدي (سوداني) النبي عثمان دة ما بذكركم بأنور كنج؟
وخالد ابو دقن (كويتي كان ما أخاف الكظب)
وعالية (دي طبعا ضرتي لانها كانت مُجكسة احمد)
والباقين نسيت اسمائهم (الكبر دخل)
قصص حلوة خلاس، وبتفرق من باقي الالغاز انو ديل بستعملو حاجات ناس كبار ناس مسدسات وقنابل واسلحة بيلوجية و...يمكن عشان كدة ماكنت بحس بالمتعة الشدية لاني بحس بيها خيال خيال...
دة طبعا غير ناس ميكي وسمير وادهم صبري وأجاثا كريستي و...
بريتكم موش...
ست البنيـــــــــــــات
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
الأخ شاهين أنحنا المفروض نشكرك وأنت بتطلع لني اهؤلاء الأطفال الكامنين في دواخلنا والذين أصدأتهم غبار السنين. بس تصدق ما كنت عارف إنو الأطفال ديل حلوين كده أبداً . . . يمكن عشان شايف الصورة من بعيد؟!!! الصورة دائماً بتبقى أوضح من بعيد . . . بعيد (بعد زماني) وكل عام وأنت بألف خير
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
ميادة ( ست البنيات )
| Quote: اتخيلو هي من زمان بايخة لكن اسة إزدادت بياخةً... |
عارفه يا ميادة أول أعداد للمجلة دي في الثمانينات كانت جميلة جدا
لو قريتيها حتعجبك جدا
لكن الحالية اهتمت أكتر بالشكل والصور , يمكن علشان تجذب جيل الديجيتل أكتر
تحياتي ليك
الأخ هشام آدم
| Quote: أدفع نص عمري بس ما يكون بقا راجل عجوز |
لسه مابقى راجل عجوز نحن حنعجز وهو حيفضل زي ماهو
الأخ شاهين
عذرا على الدخول المتكرر
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(shaheen shaheen)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
Quote: نسيت اذكر أرسين لوبين اللص الظريف
وهركيل بوارو المفتش الذكي ...
واجاثا كريستي ..
والمرعب الفريد هتشكوك ..
وعييييييييك ..
سوبرمان والوطواط والبرق وطارق .. |
شكرا شاهين وشكرا للجميع
على هذه الرحلة على قطار الذكريات .
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: AMNA MUKHTAR)
|
شاهين سلام
كان في زمان مجلة اسمها ود النمير المذكرة منو
اخر حاجة بذكرة في المجلة دي في واحد كان لابس جلد الدب
ودخل وسط الدببة وبهكذا طريقة استطاع ان يقضي علي الدببة
اتحدى اي واحد فيكم مذكر المجلة دي
شاهينوف مع السلامة
فيصل محمد خليل
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: فيصل محمد خليل)
|
فيصل
سلامات
انت مجلة ود النمير دى كانت بعد ما عمك جوتنبرج اخترع المطبعة ولا شنو ؟؟؟
انا ما عجوز للدرجة دى
احنا ناس الصبيان وكده يعنى
غايتو اى زول عندو معلومات يا ناس دار الوثائق عن هذه المجلة فليتقدم
تحيات حبيب على المرور
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
و الله يا شاهين عليك حاجات تحير ...
رجعت العالم دي كلها سنين و سنين ...
و عايز اقول ليك لاني ما بدخل البورد كثير.. فبالتالي ما بدخل علي بوستات كتيرة ..بنتقي واحد او اتنين وخلاص .. و الشخص البلقي كتابته جميلة وراقية تاني بمر علي بوستاته ما اسعفني الزمن ...و الكتابته و أسلوبه زي ما بيقولوا (تقرف) ليس لاختلاف الفكر و الفكرة.. و انما فقر الكلام..ده تاني ما بفتح ليه بوست.
أول بوست ليك انا افتحه و أقراه كان قريبا بعنوان: أهي ديك البت النطت جوه جنينتك سرقت
عجبتني شديد ..وعجبني سهولة العبارة ..وقوتها ..وبعدها بديت اشوف بوستاتك حتي الاقدم ..
أما تختخ..لوزة..لوزة..عاطف..محب و نوسة ..مجرد ما قريت عنوان البوست قبل ما اشوف منوا الكاتبه قلت إلا اقراه ..و قلت في نفسي يا ريت يكون عنهم و ما يكون عنوان خاع ...و فعلا طلع زي ما اتمنيت ...... و أحلي
و الله أيام يا زمان ..
ببكي و أتحسر عليك..
شكرا ليك ... ولكل الناس المثلك
-------------------
الاخ محمدين ..كنت عايز أقول ليك الرابع توتو.. لكن سعدالدين سبقني
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
.
.
يا سلام على ناس تختخ ديل اكتر حاجة كانت بتعجبنى
كباية الليمونادة اللى كانوا بقدموها للمفتش سامى
في الكوخ الخشبي في بيت ناس عاطف و لوزة
وبعدها لازم يشرب فنجان قهوة مضبوط ويحكى ليهم اللغز و يمشي
و ما يظهر الا في آخر اللغز
لكن شايفاكم نسيتوعالم ( روايات مصرية للجيب ) الجميل
أدهم صبري رجل المخابرات المصري
الذي يجيد كل انواع و فنون القتال
و منى توفيق و قدرى
و المقدم ممدوح وناس ملف المستقبل
نور و سلوى و رمزى و محمود
و مغامرات عماد وعلا التوأم
الي كانوا بعرفوا حل اللغر مع بعض في نفس اللحظة
أنا لحد هسه بقرا روايات مصرية للجيب
مغامرات العجوز رفعت اسماعيل في ماوراء الطبيعة
و الدكتور علاء عبد العظيم في سفارى
و مغامرات عبير في فانتازيا
عالم جميل و ساحر فعلا
شكرا ليك لانك ذكرتناالزمن الجميل
زمن ماقبل الهموم والمسئوليات
.
.
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: منى أحمد)
|
والله ياشباب دكرتونا ايام جميله جدا جدا كنا نلتهم فيها هذة الكتب
التهاما وهى قد افادتنا كثيرا فى القراءة وتعلم اللغه العربيه وهى ايضا
تجعل الخيال خصبا والذاكرة قويه وتحسرت لان اولادى وبناتى مع دوامة الحياه لم اهتم
بالبحث لهم عن مثل هذة المغامرات المسليه فمنهم من كبر ولكن لازال هناك من الصغار ساحاول ان ابحث لهم عن تلك الألغاز او قصص مشابهة الشكر للأخ شاهين فحقيقة عاد بنا سنوات الى الوراء له التحيه وعلى فكر لن انسى لغز الساق الخشبيه لأن لدى ابن خاله كان يجلس بالقرب منى بحكم انى اكبرة بسنوات حتى افرغ من القراءة ليأخذ دورة مع بقية الأخوان فسال عن اللغز قائلا خلصت لغز الساق الشخبيه بدلا من قول الخشبيه فضحكنا كثيرا
لك التحيه يااخ شاهين .
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: الحارث سرالختم عبد الله)
|
العزيز شاهين
وزوار بوسته الجميل ككل بوستاته
هذا البوست قرأته اول ما نزل
وفكرت في التداخل فيه ولا اعرف ماذا شغلني
ودخلته اكثر من 5 مرات وكل مرة لم اوفق ان اسطر كلمه.
استمتعت به جدا,وفعلا ناس تختخ كانوا اول الغيث في عالم الاطلاع
اذكر كنت احب محب ايضا لانه رقيق,واتعاطف مع تختخ عندما يضحكون على ثقل وزنه.
اول ما زرت مصر كنت احلم ان ارى المعادي ايضا
لارى البقعه التي حفظها لنا محمود سالم شارع شارع الله يطراها بالخير.
احببت ايضا ارسين لوبين لانحيازه للفقراء
واجاثا كريستي وتلميعها للعجائز
كنت اقرأ مجلة طبيبك الخاص ايضا ومجلة العربي تعجبني سياحتها وكتابتهم عن الدول
وعادات الشعوب, باكرا ايضا في خامسه انتقلت لمجلة سمر لانه عندي اخوات /اخوان اكبر مني
كنت آخر العنقود .
وتعلمت منهم ان اقرأ لنزار قباني,ويوسف السباعي ولازلت اذكر رواية العمر لحظة و الرصاصه
لا تزال في جيبي,ولاحسان احببت بئر الحرمان ولا انام و الوساده الخاليه.
انتقلت لنجيب محفوظ ولكني لم احب طريقته في السرد, احبت الكتب التاريخيه باكرا
استمتعت جدا بكتاب محمد حسنني هيكل عن ايام مع عبد الناصر, يبدو ان اهلي
كانوا ناصريين كمعظم الشعب السوداني انذاك.
وقرأت وانا في الثانوي (هذا عمك جمال يا ولدي) بقلم السادات....
قبل نهاية الثانوي دخلت اختي الكبرى للجماعه وكانت جبهة ديمقراطيه
تعلمت منها الاطلاع على الادب الروسي
بصراحه لم يعجبني وربما كنت صغيره
لكن مافي طريق اقول بغم...طوالي حتقول لي ما بتفهمي حاجه....
اظرف حاجه مره رجعت في اجازة ومعاها كتاب اسم اللامنتمي لجان بول سارتر
ما فهمت فيه التكتح ومكنكشه فيه شهر في النهايه قلت ليها ده راجل وهم.
بعد شويه بقت تجيب لينا سيمون دي بفوار برضه في العمر داك مافهمتها عايزه تقول شنو؟؟؟
اجمل ما قرأت من مذكرات سياسيه شخصيه واتمنى ان تقراؤها:
كتاب انيدرا غاندي حقيقتي قرأته وانا في ثانيه جامعه ولا زلت احلم باعادته.
وانا صغيره قرأت كتاب رسائل نهروا الي انديرا وهو مراسلات نهروا لابنته ايام
كان مسجونا.
هنالك كاتب لبناني لم اعد اذكر اسمه اسمه بيار.... كان كاتب رائع كمان.
ايام المراهقه تعلمت ان احب البيرتوا مورافيا الايطالي واعجبتني روايته
لوليتا.. الآن لا اذكرها لكنها كانت من الكتب التي نخبئها من الاهل...
الغريبه لم تشاركني اي من صديقاتي ايام الثانوي حب المطالعه
لكني مؤخرا سعدت في الجامعه بمعرفة آمنه مختار وجمعنا حب الاطلاع
كانت معنا في الثانوي لكنها كانت وراي بسنه.
من الكتب التي اتمنى اعادتها كتاب (النبي ) لجبران خليل جبران
ايضا قرأته صغيره ولم افهم شيئا... ربما افهم الآن.
وانتو يا جماعه نسيتو مجلة حواء كان فيها قصص رائعه اجتماعيه.
ومن مجلة الموعد نتفرج على الطبقه المخمليه اللبنانيه وهم يدبكوا
بمناسبه وبلا مناسبه.
لم انسى العازة زوجة عمك تنقو كانت مغلابه غلبه شديده.
حضرنا زمن ماجد يا شاهين انت ما كبير لكن يبدو نضجت باكرا وفوت عليك
حاجات ظريفه.
اظرف حاجه عم دهب وقرش الحظ بتاعه, ولا عم بطوط وفواتيره المتراكمه طوالي.
تراجي.
| |
|
|
|
|
|
|
|
|
|
Re: تختخ , لوزة , عاطف , نوسة , محب (Re: shaheen shaheen)
|
ياااااااااااااااااه
دا انت طلعت دفعه يا شاهين ؟
وكمان الاميره لنا بالله ؟؟
محمدين!
تراجى !
دا فى واحد من الاعياد (الجلك’) قال ما بشترى لى هدوم العيد
إتخيلو بعد داك!!!
بنطلون وقميص (تحرمنى منك) وجزمه لكن ما كموش (الكموش كانت نار)
من شنو ؟ من قروش كرته وشنطونتين الغاز!! مجلات سمر وميكى جيب
وشياطين 13 المحطه الوسطى امدرمان.! سوق ليبيا عدل وكان العيد
واسوأعيد لانى ندمان لليوم .!!!
يااااااااااااااااااه دا إنتو طلعتو فرد
اطلع منها يا معتز ولا اقول ليك جيب لدفعة خالك مويه!
شكرا شاهين .
انتظر الحلقه القادمه على احرٍمن المسلسل
المسلسلالالالالالالالالالات!!!
رايكم شنو؟
| |
|
|
|
|
|
|
| |
shaheen shaheen
Muna Khugali
saadeldin abdelrahman
محمدين محمد اسحق
lana mahdi
معتز تروتسكى
عمار عبدالله عبدالرحمن
wadda7a
حسام يوسف
gamal elsadig
Munir
Waly Eldin Elfakey
luai
انعام عبد الحفيظ
nada ali
Adil Osman
الصادق اسماعيل
Ahmed Osman
ابوعسل السيد احمد
Mayada
هشام آدم
فيصل محمد خليل
محمد الامين محمد
Muhib
الحارث سرالختم عبد الله
Tragie Mustafa
الملك
فارس موسى
فيس بوك
تويتر
انستقرام
يوتيوب
بنتيريست