|
|
 كل حول وانت طيب ياود شيقوق وعقبال الشمعة العاشرة هيييييع
|
Quote: الملف الشخصي ل الطيب شيقوق
اللقب: الطيب شيقوق
: .
عدد البوستات: 11725
تاريخ التسجيل: 31-01-2005
محل الاقامة: سلطنة عمان
عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=211
اكلات مفضلة: السريعة
الاسم الحقيقى: الطيب مضوي شيقوق عبد الغني
التلفون: 0096892543361
الجامعة/المعهد: بكلاريوس القوانين (مرتبة الشرف) جامعة الخرطوم
الحالة الاجتماعية: Married
العنوان الدائم:
الفنان المفضل: كل من تغنى للوطن
اللون السياسى: اتحادي ديموقراطي
النوع: Male
الهوايات المفضلة: الاطلاع - تصفح الانترنت - البستنة
الوظيفة: مستشار قانوني - سوق مسقط للاوراق المالية
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....: الحوش - الجزيرة
درست المرحلة المتوسطة فى ......و سنة....: الدندر
شاعرك المفضل: أبو الطيب المتنبئ
عدد الاطفال: نعمة والحمد لله
معلومات اضافية:
مكان العمل: سوق مسقط للاوراق المالية
مكان الميلاد فى السودان: الدندر - ولاية سنار
صورتى:
Yahoo Instant Messenger:
|
غدا يكمل اخوناالطيب ود شيقوق عامه الثالث من تاريخ تسجيله بالمنبر
وقد بلغت مداخلاته حتي الان 11726بواقع 12 مداخلة في اليوم
وقد حفلت مداخلاته بالطرفة وخفة الدم
ويرتكز اخونا ودشيقوق في مداخلاته علي الارث السوداني الاصيل
ويمثل في نهجه شخصية ودالبلد الاصيل
وهي شخصية نادرة الوجود في زمننا هذا ومهدده بالانقراض
واشتهر بتعليقاته الظريفة من قاموس العامية السودانية
مثل هييييييييييييييييع
فالنبارك له
ونقول له كل عام وانتم بالف خير
|
|
 
|
|
|
|
|
|
|
 Re: كل حول وانت طيب ياود شيقوق وعقبال الشمعة العاشرة هيييييع (Re: الطيب شيقوق)
|
بسم الله نبدأ يا مجدي اخوى
الفصل الاول
(تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدين من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة
(ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم
أعزائي / أهلنا الطيبون كانوا زمان بيعتقوا ليك بت عمك من تتأتى ( المتاتاة هى اول حركة للطفل على رجليه) بقولوا دى من الآن حقت فلان وتانى مافي حد بيقرب ليها وكانت بت عمك دى تحبس معاك الطير في البلدات وتطلع معاك في الحاحاية ( الحاحية لاهلنا الما بيعرفوها راكوبة صغيرة بيعملوها جوة البلاد بعد العيش يلبّن عشان يطلعوا فيها الوليدات والبنيات ويحاحو الطير من العيش اما بالصياح او بالفرطاق والفرطاق بيعملوهو من الزعف يشبه سوط العنج عندما تضربه بيعمل صوت زى الصاقعة بهوّب الطير) وعادة تمشى انت ومعاك اخواتك وبنات عمك حتى المعتوقة ليك لمحاحات الطير وبنكون شايلين لينا مخلاية فيها كسرة حامضة وحلوة معاها زيت وبصلات بس ودى في الخلاء الحاجات دى احلى من البيتزا والكنتاكي ليها طعم لذيذ يا اهلي . مرات أنا بشيل معاى كراس المذاكرة بحب دائما اشيل الاناشيد بتاعة الجغرافيا البتقول :-
في القولد التقيت بالصديّق انعم به من فضل صديق
ووكذلك - من هناك قمت للجفيل ذات الهشاب الناضر الجميل
وطوالى انا بنشد وصوتى حلووو زمان حتى كنت بلحن الأناشيد لاخواني في المدرسة ولا انسى أن اجمل لحن قدمته هو لانشودة ( طائر يشدو على فنن .....)
كنت بحب سورة الفجر وليال عشر والضحى والليل إذا سجى وحفظت سورة الإنسان ذات الإيقاع الجميل قبل أن تدرس و كنت أرتل بصوت عالي وأنا في الحاحاية واخواتي يتلون خلفي و كنّ يحفظن القران بدون مدرسة .
وا حسرة الجيل الذي لم يدرس من تلك المناهج الحلوة . كنا نترنم بالاناشيد في الخلاء بصوت عالي وأخواتي وبنت عمي( معتوقتي) بيشيلوا معاى كورس وهم في الحاحاية والصوت بهوّب الطير وبيطير من الزراعة بيمشى بعيد ويعود تاني تاني .
بعد الدنيا تبقى عصر بنمشى نجمع العنكوليب والتبش والبامية ونشيلها في المخالي ومرات نلقى لينا حميضات قايمات بروس عشان نفرّح الاطفال و يتلقونا مــن طرف الحلة مبسوطين وفرحانين . بس الاطفال كانوا ما بطلعوا من طرف الحلـــــــــــة بعيد لانهم سامعين في الدماسات ( الزمن بين المغرب والعشاء) السوابح والشواطين بيطلعوا .
بطرف حلتنا في عرديبة كبيره من زمن جدودنا الزمااااااااااااااان بسموها المدقة عشان بالليل قالوا بسمعوا الشواطين فيها بيدقوا حاجة زى البن والعرديبة دى انا لحدى هسه ما بقدر امشى تحتها بالليل . وقت الصبان ( انقطاع المطر) ناس حلتنا بتجمعوا بالنهار تحت ظل العرديبة دى وبيتلوا القران وبسوا كنيش كنيش ( بليلة عيش) وبيعملوها كيمان كيمان للاطفال عشان ربنا يجيب المطر.
اها يا اخواني انا كبرت شوية وشامة بت عمى كبرت شوية . انا بقيت في رابعة اولية في السلم التعليمي الزمان ( يا حليل زمن رابعة اولية زمان الخريج منها افهم من حامل شهادة الدكتوراة اليوم وخطاطين الواحد اكان كتب ليك سطر تعاين ليهو يمين وشمال من جماله) . فزت في الامتحان وقالوا بودونى مدينة القويسي (ده اسم مدينة الدندر القديم الموجود الان على خريطة العالم وبتلقوهو في القوقل ايرس حاليا ) وكمان قالوا بسكنوني الداخلية مع اولاد البندر النضاف كانت الداخلية بتجمع اهلنا اولاد قبيلة رفاعة ومعاهم اولاد السوكى وكركوج بلد الشريف محمد الامين وكساب السكن فيها زمان الشاعر اسماعيل حسن ايام كان بيعمل في مشاريع ناس ابو العلاء عندنا هناك . اتحزمت واتلزمت وابوى حاج مضوى اكان عنده عربيه تيمس . قال للسواق دور اها ركبنا انا وابوى وعمى ابو شامة – معتوقتي- بقدام ودورنا . العربية أكان فيها لحافي الجديد وملاية جديدة واشتروا لى اول مرة في حياتي صباعين معجون ابو وردة وزمان كنا في الحلة بنسوك بالشاو والاراك مسواك الرسول (ص) . المسافة كانت كلها عشرة كيلو من حلتنا البردانة لمدينة القويسى وكانت عيون الاهل تزرف الدموع على فراقي وامى اسبوع ما أكلت وخالاتى وعماتي واقفات جنب العربيه يبكن ويعصرن لى بحنية الريال و الشلن في جيوبي والحبوبات الكنت بنــوم معاهن بهبابي الصغير المفروش بالبرش الدقة برضو بيبكن لانى كنت اكثر الاطفال سماعا لحجاويهن واكثرهم رعبا من بعض احاجيهن متل ود النمير وود ام بعلو والدودو وكنت بترسل ليهن في الهجعة للدكان اجيب ليهن زيت المسوحة وجاز اللمبة والكبريته .
السواق زمان كان نضيف ومهندم زى مدير الجامعة اليوم وما بجالس الا الموظفين الكبار . اها دور وانا بعاين ليهو بدور كيف وبعشق كيف وبفرمل كيف واتمنيت لو بقيت سواق كمان . السائق زمان كان ما بدوهو الرخصة الا يشتغل مساعد عربيه عشرة سنوات حتى يتعلم يفك الماكينة ويحل ويربط اى جهاز في العربية وكمان يتعلم كيف يجامل الناس . رخصنا زمان في الخارج ببدلوها طوالى بدون تردد .
اها وصلنا المدينة وقالوا يفطرونى ويودونى الداخلية فطرنا زيييييييييييييين ومشينا على الداخلية . بوابة المدرسة كبيرة ومحروسة وما بخلوك تدخل الا بعد إبراز شهادتك الدخلت بيها . طلعت الشهادة والحارس عاين فيها وعاين لى وعاين في ابوى وعمى وابتسم وقال اتفضلوا معاى . تبعناهو ودانا مكتب المسجل (زمان المدارس الوسطى فيها مسجلين زى الجامعات هسه )
المسجل قرا الاسم ولقيناهو عنده قوائم لتوزيع الطلاب على الداخليات التلاته (الدندر والرهد وعطبرة) ولقيت نفسي في داخلية الرهد و اى داخلية كان عندها رئيس وهو عادة اكبر طالب فيها . المسجل نادى رئيس الداخلية وقال ليهو استلم عندك الطالب ده وقال لابوى وعمى انتظروا هنا ولدكم بيمشى وبيجيكم . مشيت الداخلية و كان في داخلية كل حاجة جاهزة لحافي رجعوهو لاهلي وادونى سرير سمّح مفروش ومعاهو بطانية انجليزية من الصوف ودولاب ملابس ومكتبه . رجعت لابوى وعمى وودعتهم وانا ابكى (كلها عشرة كيلو)
كان من ضمن الطلاب الذين تم قبولهم معى من اهلي اخي ابن عمي دكتور البدرى بابكر احمد (امبلي) والذى لديه مسيرة حياته الخاصة من البادية الى لندن حيث يعمل الان طبيبا للنساء والتوليد ببريطانيا . كنا كابناء قرية واحدة نمثل مجموعة تتميز بثقافة فريدة داخل المسرح المدرسي . كنا نحاول ان ننأى بانفسنا عن ابناء المدينة الذين يقيمون معنا في الداخليات وكان لدينا راى في طريقة حديثهم وملبسهم وسلوكهم . كان هاجسنا الوحيد ان نكون في غرفة واحدة وقد كانت بداية المواجهة مع ادارة الداخلية هو كيفية ايجاد غرفة تجمعنا لوحدنا .
لم تبدا الدراسة وقتها بصورة منتظمة في بداية العام الجديد لان الحشائش كانت تغطى مساحة كبيرة جدا من حرم المدرسة وقد جرت العادة علـــى ان تستنفر طاقات الطلاب للنظافة في بداية العام وكان لايسمح لاى طالب ان يخرج من سور الداخليات الا بعد الحصول على اذن من الرئيس العام للداخليات ولفترة زمنية تحدد من قبل الرئيس . كان همنا في الايام الاولى هو الذهاب الى السوق لشراء ملابسنا وكانت المتعة في الخروج تتمثل في امكانية مقابلة بعض من الاهل الذين ياتون للسوق اما للتسوق او لعلاج مريض في مستشفى المدينة او للحصول على عمال للعمل في مشاريع اهلنا الزراعية ومجموعة من اهلنا تاتي المدينة لشربة عبار او عبارين من المريسة وعادة تعود هذه المجموعة الأخيرة الى القرية في العصريات وكنا نجلس تحت سنطة ظليلة في لحظة عودتهم الى القرية مرورا بمدرستنا لنشاهد هولاء وهم عائدون يترنحون يمينا ويسارا ونجد فيهم ، رغم انهم هكذا ، حنان الأهل وربما يتبدد جزء من مآسي الغربة بمشاهدتهم وربما يكونوا وقتئذ مادة للحديث عنهم إلى أن يتوارون عن أنظارنا .
كنا ننظر لعصافير الخريف تشقشق على اغصان الشجر ونلومها في البقاء هنا في المدينة طالما لديها الحرية والحركة للذهاب الى الريف .
في الساعة الثامنة مساء يوم الجمعة الموافق للأول من يوليو لعام 1969 م رن جرس الصفرة إيذانا بحلول ساعة وجبة العشاء . كنا وقتئذ لابسين( كاجوال) عراقي ساكوبيس شفاف بلون ابيض ناصع و سراويل طويلة وطواقي مطرزة باليد . كان أبناء المدينة يلبسون الأردية والقمصان الجميلة وأحيانا بناطلين مصنوعة من مادة الترلين الأملس خالص . كان هاجسنا هو كيف نتعلم لبس الأردية ورباط الأحزمة بل حتى كيف نكشف عن ساقينا .
كانت وجبة العشاء دسمة للغاية فيها الخبز وفيها العدس وفيها الفول وفيها الجبنة وفيها الطحنية والمربة . حسبناه يوما لاستضافتنا ولكننا أدركنا أخيرا أن الحال ستبقى هكذا . كانت بالفعل لحظة فرحة يبدد سعدها تارة العودة بذاكرتنا للريف وللوالد و الأم كيف لهما ان يجدا من ينش أغنامهما من الصباح الى المدرسيب ( محل تجمع أغنام القرية ) من سيرسلا صباحا لشراء السكر والبن ومن سيجدا ليحمل الماء على ظهر الدابة إلى عمال الزراعة ومن يحمل الكورة (نعومة) وهى مليانه بالسمن النقي لشيخ الطريقة ليعود بها مليانة محاية تكف العين وتدفع الاذى وتفتح الذهن ومن يلحظ ناقتهم الولودة وهى ترعي باطراف القرية ومن يسجل لهم اسماء النساء اللائي يشترين الزعف- تجارتهم الرئيسية منذ اكثر من خمسين عاما وحتى يومنا هذا – ولا يدفعن كل أو بعضا من القيمة ومن ومن ...
بعد العشاء مباشرة عدنا لعنابرنا التي كان تضاء بالفوانيس وقتذاك . كانت حركتنا ليلا مابين العنابر والحمامات لكثرة الثعابين في ذلك الموسم (الدرت) فالارض طينية سوداء عادة يتصدع صطحها محدثا شروخا دافئة تمثل بيئة ممتعة للثعابين لا سيما الوشاش وابي درقة وغيرها من الحيوانات السامة ولهذا كنا نلزم اسرتنا في انتظار الساعة العاشرة مساء حيث يرن جرس النوم ليحرم بعد ذلك اى طالب من التحرك من سريرة الى اى موقع اخر . انتابنا احساس بكراهية للمدرسة وللمدنية وللتمدن وكان كل همنا محاولة الهروب ( الفزيز) من هذه البيئة لنعود لحياتنا الطبيعية في الريف حيث لا قيود على الحركة ولا تحديد لساعة النوم . تعودنا في الريف ان نسهر مع اخواننا نلعب هو لبب وشليل وين راح والرمة الحباسة دقوها في راسها لنعود بعد ذلك للنوم مع حبوباتنا في عناقريب القد الوهيطة .
فاصل ونواصل
| |
|
|
|
|
|
|
|
|
 Re: كل حول وانت طيب ياود شيقوق وعقبال الشمعة العاشرة هيييييع (Re: الطيب شيقوق)
|
Quote: بسم الله نبدأ يا مجدي اخوى
الفصل الاول
(تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدين من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة
(ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم
|
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: Magdi Ahmed Elsheikh)
|
Quote: أعزائي / أهلنا الطيبون كانوا زمان بيعتقوا ليك بت عمك من تتأتى ( المتاتاة هى اول حركة للطفل على رجليه) بقولوا دى من الآن حقت فلان وتانى مافي حد بيقرب ليها وكانت بت عمك دى تحبس معاك الطير في البلدات وتطلع معاك في الحاحاية ( الحاحية لاهلنا الما بيعرفوها راكوبة صغيرة بيعملوها جوة البلاد بعد العيش يلبّن عشان يطلعوا فيها الوليدات والبنيات ويحاحو الطير من العيش اما بالصياح او بالفرطاق والفرطاق بيعملوهو من الزعف يشبه سوط العنج عندما تضربه بيعمل صوت زى الصاقعة بهوّب الطير) وعادة تمشى انت ومعاك اخواتك وبنات عمك حتى المعتوقة ليك لمحاحات الطير وبنكون شايلين لينا مخلاية فيها كسرة حامضة وحلوة معاها زيت وبصلات بس ودى في الخلاء الحاجات دى احلى من البيتزا والكنتاكي ليها طعم لذيذ يا اهلي . مرات أنا بشيل معاى كراس المذاكرة بحب دائما اشيل الاناشيد بتاعة الجغرافيا البتقول :-
في القولد التقيت بالصديّق انعم به من فضل صديق
ووكذلك - من هناك قمت للجفيل ذات الهشاب الناضر الجميل
وطوالى انا بنشد وصوتى حلووو زمان حتى كنت بلحن الأناشيد لاخواني في المدرسة ولا انسى أن اجمل لحن قدمته هو لانشودة ( طائر يشدو على فنن .....)
كنت بحب سورة الفجر وليال عشر والضحى والليل إذا سجى وحفظت سورة الإنسان ذات الإيقاع الجميل قبل أن تدرس و كنت أرتل بصوت عالي وأنا في الحاحاية واخواتي يتلون خلفي و كنّ يحفظن القران بدون مدرسة .
وا حسرة الجيل الذي لم يدرس من تلك المناهج الحلوة . كنا نترنم بالاناشيد في الخلاء بصوت عالي وأخواتي وبنت عمي( معتوقتي) بيشيلوا معاى كورس وهم في الحاحاية والصوت بهوّب الطير وبيطير من الزراعة بيمشى بعيد ويعود تاني تاني .
|
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: Magdi Ahmed Elsheikh)
|
Quote: الدنيا تبقى عصر بنمشى نجمع العنكوليب والتبش والبامية ونشيلها في المخالي ومرات نلقى لينا حميضات قايمات بروس عشان نفرّح الاطفال و يتلقونا مــن طرف الحلة مبسوطين وفرحانين . بس الاطفال كانوا ما بطلعوا من طرف الحلـــــــــــة بعيد لانهم سامعين في الدماسات ( الزمن بين المغرب والعشاء) السوابح والشواطين بيطلعوا .
بطرف حلتنا في عرديبة كبيره من زمن جدودنا الزمااااااااااااااان بسموها المدقة عشان بالليل قالوا بسمعوا الشواطين فيها بيدقوا حاجة زى البن والعرديبة دى انا لحدى هسه ما بقدر امشى تحتها بالليل . وقت الصبان ( انقطاع المطر) ناس حلتنا بتجمعوا بالنهار تحت ظل العرديبة دى وبيتلوا القران وبسوا كنيش كنيش ( بليلة عيش) وبيعملوها كيمان كيمان للاطفال عشان ربنا يجيب المطر.
اها يا اخواني انا كبرت شوية وشامة بت عمى كبرت شوية . انا بقيت في رابعة اولية في السلم التعليمي الزمان ( يا حليل زمن رابعة اولية زمان الخريج منها افهم من حامل شهادة الدكتوراة اليوم وخطاطين الواحد اكان كتب ليك سطر تعاين ليهو يمين وشمال من جماله) . فزت في الامتحان وقالوا بودونى مدينة القويسي (ده اسم مدينة الدندر القديم الموجود الان على خريطة العالم وبتلقوهو في القوقل ايرس حاليا ) وكمان قالوا بسكنوني الداخلية مع اولاد البندر النضاف كانت الداخلية بتجمع اهلنا اولاد قبيلة رفاعة ومعاهم اولاد السوكى وكركوج بلد الشريف محمد الامين وكساب السكن فيها زمان الشاعر اسماعيل حسن ايام كان بيعمل في مشاريع ناس ابو العلاء عندنا هناك . اتحزمت واتلزمت وابوى حاج مضوى اكان عنده عربيه تيمس . قال للسواق دور اها ركبنا انا وابوى وعمى ابو شامة – معتوقتي- بقدام ودورنا . العربية أكان فيها لحافي الجديد وملاية جديدة واشتروا لى اول مرة في حياتي صباعين معجون ابو وردة وزمان كنا في الحلة بنسوك بالشاو والاراك مسواك الرسول (ص) . المسافة كانت كلها عشرة كيلو من حلتنا البردانة لمدينة القويسى وكانت عيون الاهل تزرف الدموع على فراقي وامى اسبوع ما أكلت وخالاتى وعماتي واقفات جنب العربيه يبكن ويعصرن لى بحنية الريال و الشلن في جيوبي والحبوبات الكنت بنــوم معاهن بهبابي الصغير المفروش بالبرش الدقة برضو بيبكن لانى كنت اكثر الاطفال سماعا لحجاويهن واكثرهم رعبا من بعض احاجيهن متل ود النمير وود ام بعلو والدودو وكنت بترسل ليهن في الهجعة للدكان اجيب ليهن زيت المسوحة وجاز اللمبة والكبريته |
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: Magdi Ahmed Elsheikh)
|
Quote: السواق زمان كان نضيف ومهندم زى مدير الجامعة اليوم وما بجالس الا الموظفين الكبار . اها دور وانا بعاين ليهو بدور كيف وبعشق كيف وبفرمل كيف واتمنيت لو بقيت سواق كمان . السائق زمان كان ما بدوهو الرخصة الا يشتغل مساعد عربيه عشرة سنوات حتى يتعلم يفك الماكينة ويحل ويربط اى جهاز في العربية وكمان يتعلم كيف يجامل الناس . رخصنا زمان في الخارج ببدلوها طوالى بدون تردد .
اها وصلنا المدينة وقالوا يفطرونى ويودونى الداخلية فطرنا زيييييييييييييين ومشينا على الداخلية . بوابة المدرسة كبيرة ومحروسة وما بخلوك تدخل الا بعد إبراز شهادتك الدخلت بيها . طلعت الشهادة والحارس عاين فيها وعاين لى وعاين في ابوى وعمى وابتسم وقال اتفضلوا معاى . تبعناهو ودانا مكتب المسجل (زمان المدارس الوسطى فيها مسجلين زى الجامعات هسه )
المسجل قرا الاسم ولقيناهو عنده قوائم لتوزيع الطلاب على الداخليات التلاته (الدندر والرهد وعطبرة) ولقيت نفسي في داخلية الرهد و اى داخلية كان عندها رئيس وهو عادة اكبر طالب فيها . المسجل نادى رئيس الداخلية وقال ليهو استلم عندك الطالب ده وقال لابوى وعمى انتظروا هنا ولدكم بيمشى وبيجيكم . مشيت الداخلية و كان في داخلية كل حاجة جاهزة لحافي رجعوهو لاهلي وادونى سرير سمّح مفروش ومعاهو بطانية انجليزية من الصوف ودولاب ملابس ومكتبه . رجعت لابوى وعمى وودعتهم وانا ابكى (كلها عشرة كيلو)
كان من ضمن الطلاب الذين تم قبولهم معى من اهلي اخي ابن عمي دكتور البدرى بابكر احمد (امبلي) والذى لديه مسيرة حياته الخاصة من البادية الى لندن حيث يعمل الان طبيبا للنساء والتوليد ببريطانيا . كنا كابناء قرية واحدة نمثل مجموعة تتميز بثقافة فريدة داخل المسرح المدرسي . كنا نحاول ان ننأى بانفسنا عن ابناء المدينة الذين يقيمون معنا في الداخليات وكان لدينا راى في طريقة حديثهم وملبسهم وسلوكهم . كان هاجسنا الوحيد ان نكون في غرفة واحدة وقد كانت بداية المواجهة مع ادارة الداخلية هو كيفية ايجاد غرفة تجمعنا لوحدنا .
لم تبدا الدراسة وقتها بصورة منتظمة في بداية العام الجديد لان الحشائش كانت تغطى مساحة كبيرة جدا من حرم المدرسة وقد جرت العادة علـــى ان تستنفر طاقات الطلاب للنظافة في بداية العام وكان لايسمح لاى طالب ان يخرج من سور الداخليات الا بعد الحصول على اذن من الرئيس العام للداخليات ولفترة زمنية تحدد من قبل الرئيس . كان همنا في الايام الاولى هو الذهاب الى السوق لشراء ملابسنا وكانت المتعة في الخروج تتمثل في امكانية مقابلة بعض من الاهل الذين ياتون للسوق اما للتسوق او لعلاج مريض في مستشفى المدينة او للحصول على عمال للعمل في مشاريع اهلنا الزراعية ومجموعة من اهلنا تاتي المدينة لشربة عبار او عبارين من المريسة وعادة تعود هذه المجموعة الأخيرة الى القرية في العصريات وكنا نجلس تحت سنطة ظليلة في لحظة عودتهم الى القرية مرورا بمدرستنا لنشاهد هولاء وهم عائدون يترنحون يمينا ويسارا ونجد فيهم ، رغم انهم هكذا ، حنان الأهل وربما يتبدد جزء من مآسي الغربة بمشاهدتهم وربما يكونوا وقتئذ مادة للحديث عنهم إلى أن يتوارون عن أنظارنا .
كنا ننظر لعصافير الخريف تشقشق على اغصان الشجر ونلومها في البقاء هنا في المدينة طالما لديها الحرية والحركة للذهاب الى الريف |
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: Magdi Ahmed Elsheikh)
|
Quote: في الساعة الثامنة مساء يوم الجمعة الموافق للأول من يوليو لعام 1969 م رن جرس الصفرة إيذانا بحلول ساعة وجبة العشاء . كنا وقتئذ لابسين( كاجوال) عراقي ساكوبيس شفاف بلون ابيض ناصع و سراويل طويلة وطواقي مطرزة باليد . كان أبناء المدينة يلبسون الأردية والقمصان الجميلة وأحيانا بناطلين مصنوعة من مادة الترلين الأملس خالص . كان هاجسنا هو كيف نتعلم لبس الأردية ورباط الأحزمة بل حتى كيف نكشف عن ساقينا .
كانت وجبة العشاء دسمة للغاية فيها الخبز وفيها العدس وفيها الفول وفيها الجبنة وفيها الطحنية والمربة . حسبناه يوما لاستضافتنا ولكننا أدركنا أخيرا أن الحال ستبقى هكذا . كانت بالفعل لحظة فرحة يبدد سعدها تارة العودة بذاكرتنا للريف وللوالد و الأم كيف لهما ان يجدا من ينش أغنامهما من الصباح الى المدرسيب ( محل تجمع أغنام القرية ) من سيرسلا صباحا لشراء السكر والبن ومن سيجدا ليحمل الماء على ظهر الدابة إلى عمال الزراعة ومن يحمل الكورة (نعومة) وهى مليانه بالسمن النقي لشيخ الطريقة ليعود بها مليانة محاية تكف العين وتدفع الاذى وتفتح الذهن ومن يلحظ ناقتهم الولودة وهى ترعي باطراف القرية ومن يسجل لهم اسماء النساء اللائي يشترين الزعف- تجارتهم الرئيسية منذ اكثر من خمسين عاما وحتى يومنا هذا – ولا يدفعن كل أو بعضا من القيمة ومن ومن ...
بعد العشاء مباشرة عدنا لعنابرنا التي كان تضاء بالفوانيس وقتذاك . كانت حركتنا ليلا مابين العنابر والحمامات لكثرة الثعابين في ذلك الموسم (الدرت) فالارض طينية سوداء عادة يتصدع صطحها محدثا شروخا دافئة تمثل بيئة ممتعة للثعابين لا سيما الوشاش وابي درقة وغيرها من الحيوانات السامة ولهذا كنا نلزم اسرتنا في انتظار الساعة العاشرة مساء حيث يرن جرس النوم ليحرم بعد ذلك اى طالب من التحرك من سريرة الى اى موقع اخر . انتابنا احساس بكراهية للمدرسة وللمدنية وللتمدن وكان كل همنا محاولة الهروب ( الفزيز) من هذه البيئة لنعود لحياتنا الطبيعية في الريف حيث لا قيود على الحركة ولا تحديد لساعة النوم . تعودنا في الريف ان نسهر مع اخواننا نلعب هو لبب وشليل وين راح والرمة الحباسة دقوها في راسها لنعود بعد ذلك للنوم مع حبوباتنا في عناقريب القد الوهيطة .
فاصل ونواصل |
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: salee)
|
ناهد السمحة بت خالي بشير
Quote: لكن مابنقدر عاد نقولو شىء
مهماعمل و قام ودقش البوست
ووداه حته تانية |
وحياتك انا اخو ما بحبو واخت ما بريدها لله والرسول بوستو/ها ما بهبب ليهو
عليك الرسول تخلي اخوك يقدل ساى بالفي والمافي وخلي اخوك يخرمج العبرة يا السمحة بانك تقول لعزيزك/تك صاحب/بة البوست I am here وبس
ود الشيخ لقيتني كيف؟
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: الطيب شيقوق)
|
Sale
ووووب منك يا ود الشيخ بوستك جلب دحين تعال سريع لبنات البندر البلوكن الحكي ديل انا ما عندي ليهن مروة حكي زى حكيهن دا
ود الملك
Quote: الشي ديناصور يا ود اشيخ
لك وله أجمل الأماني وخير التبريكات ..
فعلا ود شيقوق شخصية فرائحية متواضعة ودوده متعه الله بالصحة ..
وكم أنا سعيد بمعرفتي له . |
وحياتك كلو من فيضك يا ود الناظر والله خربانة ام بنايا قش البتخليك انت تتاوق للسودان بقدود الغربة
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: الطيب شيقوق)
|
يا زول وحاة الرسول ود المحرب اتصل فيني قال لي مجدى ده اصلا ما من الحلفاية قلت ليهو كيف؟ قال الزول بطلاق كلامو ده كلام بطانة - قلت ليهو نان كلام السودان ده كلو مو بطانة بس ناس البندر بلوكوهو وخرمجوهو وخربوهو كلو علا مجدى ود الشيخ ده لا عرف اللوكة ولا العلكة .
هيييييييييييييييييع ود الشيخ اقدل ساى انا معاك لا بكرة
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: عبدالعزيز الفاضلابى)
|
الحبيب ود شيقوق
كل سنة وانت وكل افراد الاسرة الكريمة بخير وعافية
وان شاء الله يمتد بيك العمر وبسودانيز اونلاين لتصل ببوستاتك الي رقم تريليون × ترليون.
أعزائي
فعلا الصديق العزيز ود شيقوق له نكهته الخاصة في الكتابة يجمع ما بين التاريخ والجغرافيا والادب والثقافة في حلة من الطرافة التي تجعلك تتابع قراءة الموضوع حتي نهايته بجانب ادخال القانون في الموضوع ان دعا الداعي.
له التحية ولصديقه العزيز الاستاذ الجليل ود الخضر محمد احمد الخضر.
وشكرا للاخ مجدي صاحب البوست .
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: الطيب شيقوق)
|
خالي حسن طه
| Quote: كل سنة وانت وكل افراد الاسرة الكريمة بخير وعافية |
والجاية يا خالي اقوم ابني لي قطية سمحة واخت ليك في قنبورا فوق بيضة نعام والقى عروسة رطانية وهييييييييييييييع
عزيزاتي نسيتهن يا يا با الحق اتلافى
| Quote: فعلا الصديق العزيز ود شيقوق له نكهته الخاصة في الكتابة يجمع ما بين التاريخ والجغرافيا والادب والثقافة في حلة من الطرافة التي تجعلك تتابع قراءة الموضوع حتي نهايته بجانب ادخال القانون في الموضوع ان دعا الداعي. |
يطول عمرك و.....تاني واحدة تحت فيها الشيب
| Quote: له التحية ولصديقه العزيز الاستاذ الجليل ود الخضر محمد احمد الخضر. |
والله عندو حلاة قراصةيوم داك عزمنى ليها تلحس ملاحها لحس
التحية عبرك للاستا>ة نفيسةام اولادو التي تحملته طيلة مشوار مهنة التدريس وكل يوم كان برجع ليها ملان طباشير زى الحمل الابرق
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: Magdi Ahmed Elsheikh)
|
سلامات يا دكتور مجدى
Quote:
وقد حفلت مداخلاته بالطرفة وخفة الدم
ويرتكز اخونا ودشيقوق في مداخلاته علي الارث السوداني الاصيل
ويمثل في نهجه شخصية ودالبلد الاصيل
وهي شخصية نادرة الوجود في زمننا هذا ومهدده بالانقراض
واشتهر بتعليقاته الظريفة من قاموس العامية السودانية
مثل هييييييييييييييييع
|
شكراً لكم على هذه الإشادة التى يستحقها ود شيقوق ... وهى مكملِّة لمعرفته المهنية والقانونية.
نتابع معكم.
| |
|
|
|
|
|
|
|
|
|
Re: كل حول وانت طيب ياود شيقوق وعقبال الشمعة العاشرة هيييييع (Re: ناهد بشير الطيب)
|
Quote: لقوك كيف........ ولا لقيتك كيف ....
والله انت بقيت خبير فى فكفكة البوستات
وزحزحتها من مسارها ...شغال بالنظرية
التفكيكية المعاصرة |
نعم يا بت البشير انها بروستوركا تنفيس الاحتقانات الحسية والعاطفية التي تمثل الاجندة الخفية لبعض البوستات المنتشرة في اروقة المنتدى .
قالت الجريف واللوبيا قالت
امشى بلا سواقي ولا تسالي
وووب انا عواطف صديقتي محارباني عديل كده عليك ربك يا بت الجريف حاولي كونى لجنة لرأب الصدع بيني والمؤسسة الاعلامية طوفي فما عدت احتمل تواريها عن بوستاتي والعكس .
اها يلا كدا لقيتيني كيف ؟
اتوقع تكونى لقيتيني طاهر السريرة ولا هيك؟
| |
|
|
|
|
|
|
| |
Magdi Ahmed Elsheikh
محمد على طه الملك
الطيب شيقوق
ناهد بشير الطيب
salee
فى اثراءها
فيصل محمد خليل
عبدالعزيز الفاضلابى
حسن طه محمد
أبوبكر أبوالقاسم
ممدوح أبارو
فيس بوك
تويتر
انستقرام
يوتيوب
بنتيريست