|
|
|
 Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
مـنع دخـول القطط، خوفا من إنفلونزا الخنازير!..
سمعنا أن انفلونزا الخنازير تنتقل من الخنازير للإنسان، أو من إنسان لآخر، لكن من الخنازير للكدايس، أو من الإنسان للكدايس، أو العكس، فدي لسه ما أدونا ليها.. كان من باب أولى إذن أن يتم منع السيدة وقططها معا، أو السماح لهم بالدخول كلهم وفحصهم للتأكد من سلامتهم.. مش ناس الحكومة فالوا الدوا متوفر؟، يبقى المفروض برضو يكون تشخيص المرض متوفر.. تحية يا شبكة..
| |
 
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
والله انتي فعلا شبكة،،
=
هسي قلنا المدام رق قلبها لحظات السفر ،،
زي أهلي في كريمة: جوة القطر يبكو ، والواقفين في الرصيف يبكو،،
=
يعني الموضوع كلو كديستين؟؟
=
يستاهلو الخواجات ديل : تلات مطارات كلو مرة ياخدو مني (قنينة) عطر بمبلغ
وقدره بحجة منع السوائل في الطائرات ، والطائرات كلها كحول وزجاجات تباع
على عينك ياتاجر،،
=
تعاطفي هنا مع القطتين فقط : تغيير الجو وكهرباء ود الباوقة،،
الباقي كلو مايهمنا : تنفلق:
وسلامنا ليك شبيكة!!!
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
شبكة سلام
كامل تضامني مع كدايس الأمريكية
و مع دموع الأمريكية التي لن تجد أنيسا في الخرطوم إلا هاتين الهرتين .. و حلِّك لغاية ما تلقى ليها جارة تونسها و تتونس معاها.
تنويه : منع الكديستين من دخول أراضينا هو إجراء إحترازي متقدم جدا .. فهاتين الكديستين ربما كانتا على علاقة بخنازير ( جيراناً ليهم ) ... أو أكلتا من طعام القطط المعلب و المصنوع من لحم الخنازير علما بأن طعام القطط هناك تكون Smoked يعني الجراثيم ما بتموت بسهولة ...
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: ابو جهينة)
|
هوووي ياشبكه
كدي اصبري النحدسك بالثاء
ولااا يجيبو ليك
الكدايس ديل هنا السوا البسوها علي بالايمان وزير الثروة الحيوانيه مايسوا
الكدايس هنا ياشبكه اريتن كدايس السرور لايفوتن لايموتن
الاكل المنظم
اللبس الملون الماخمج
السلسله في الرقبه مابتلقاها في شيله عريس موظف
ده غير المهارات الالبكتونية وفتح التلفزيون واستخدام الريموت
هسي يابتي كان الجماعه ديل فكرو سويه كدي
كان استفادوا من الكدايس دي لاكتساب كدايسنا المحليه من خبرات الاجانب دي
وزي الاغنيه لتقول:
احيي متين اشوف كدايس الخرتوم
المشكله في الاخلاق ياشبكه
شكرا للمتابعه
مراسلكم من واشنطن
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: ابو جهينة)
|
شبكة
سلام
لو كانت الكديستين نازلات في ماليزيا او اندونيسيا لكان فرشوا ليهن بساط أحمر..
الناس بيحبوا القطط بشكل غريب..
الأمريكان بيحبوا الكلاب.. زي ما شفنا كيف كلب ناس اوباما وجد الإهتمام عند دخوله البيت الأبيض..
يا ريت يلقو ليهن مخارجة قبل البيت الأبيض يصدر بيان بشأنهن وغلاة دموع هذه السيدة..
تحياتي
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: ابو جهينة)
|
الغريب ان الامريكان ديل ما بتعظوا
احنا مش قلنا كديسة ما بنسلمها لاي زول
ليه جايبين كدايس؟؟
عالم ما بتفهمش؟؟
تبكي كديستها تبكي روحها انشاءالله
يقال ان الامريكيين قاعدين يبنوا هيئة دبلوماسية جنوب الخرطوم على مساحة 40 كيلومتر مربع
يعني زي 9 افدنة وبعد كدا حيجوا خاشين بكل حيواناتهم بطائراتهم الخاصة واحتمال يبنوا ليهم جوانتناموا خاص بينا كمان.
يا شبكة حقوا نكلم المرا دي عشان تنتظر كم سنة عشان تجينا بغوريللا كمان
وساعتها لن يمنعها أحد.
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: ابو جهينة)
|
Quote: و مع دموع الأمريكية التي لن تجد أنيسا في الخرطوم إلا هاتين الهرتين .. و حلِّك لغاية ما تلقى ليها جارة تونسها و تتونس معاها.
|
طيب ما كويس انها ما تلقى ونيس
عشان تتونس مع جارتها على الاقل تساعدها وتساعد اولاد جارتها في تعليم اللغة الانجليزية
لمحو اثار التعريب
Quote:
تنويه : منع الكديستين من دخول أراضينا هو إجراء إحترازي متقدم جدا .. فهاتين الكديستين ربما كانتا على علاقة بخنازير ( جيراناً ليهم ) ... أو أكلتا من طعام القطط المعلب و المصنوع من لحم الخنازير علما بأن طعام القطط هناك تكون Smoked يعني الجراثيم ما بتموت بسهولة ...
|
لكن كدايس تنقل انفلونزا الخنازير ما اظن انها بتتنقل عن طريق اي حيوان خلاف الخنزير
شكرا استاذي
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: صديق الموج)
|
Quote: ما كانت تقدم لوترى للكدايس ديل عشان يدخلوا السودان.
|
دا كلام ناس المطار زاتو ...
انو الدخول للكدايس ديل بفيزا او زيارة او بالعدم لوتري
وما تكون مزورة يعني ما تكون فيزا (راعي) معليش قاصدة فيزا كديسة
ويدخل بيها خنزير (دكتور)
| Quote: بعدين البلد كلها تماسيح المرة دى ماشة بالكدايس وين؟؟ |
دا كلام ناس سودانيز اون لاين من امس في الموضوع دا
لكن تقول شنو ناس زي ما قلت ما بتعرف النظام
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
Quote:
عشان كدا انا خايفة على العلاقات بين البلدين من البوظان بسبب الكديستين ديل
|
العزيزة الأخت/ شبكة
سلام
الصين في إشارة ود لتطبيع علاقاتها مع تايوان بعثت بدبين جميلين إليها..
يبدو أن القطتين ديل هن سفيرات فوق العادة لتطبيع العلاقات, بس الخطأ تحركن قبل صدور قرار تفويضهن
من البيت الأبيض..
مودتي
عبدالعزيز
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: Abdlaziz Eisa)
|
Quote: يبدو أن القطتين ديل هن سفيرات فوق العادة لتطبيع العلاقات, بس الخطأ تحركن قبل صدور قرار تفويضهن
من البيت الأبيض..
|
انت عارف بعد شوية حنلقى انو القصر الجمهوري بقى حديقة حيوانات
لانو كل دولة عايز تعمل تطبيع علاقات ولي تقوي علاقات حترسل حيوان او اتنين
اها القصة حتجر بعد شوية
لكن كويس لانو احنا اصلا ما عندنا حديقة حيوان
شوية شوية بنعمر لينا واحدة
بالله عاين جنس المحنة البقينا فيها
بالمناسبة :
الدبين هسة عايشين في ياتو قصر قلت لي؟؟؟؟
شكرا عبد العزيز على المعلومة اللي اكيد هي مفيدة للمعرفة
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
إنت زول شبكة جد جد ..
هسه جايب سيرة كدايس الديم فوق كم ؟
.....
الصورة أعلاه لكديسة ديامية : بُرّه بت فِس ( بريسلي ) .
و هي كديسة ناس مبارك الباشا ..
خلاسية من أب ديامي و كديسة من حي بروكلين النيويوركي ، عباس أخو مبارك جابا معاهو لما كان شغال بحار - الوكت داك كان في وباء ( زِكمة القعونجات ) - و السفير الأمريكي كان راجل ضكر صاحب كلاب ..
و لم تكن أمريكا قد دنا عذابها .. كانت ياداب داون داون يو إس إيه .
بالله شوف نُبل الملامح و الوجاهة الأفرنجية ..
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: Emad Abdulla)
|
Quote: إنت زول شبكة جد جد ..
|
والله انت زول تستاهل يتشبكوا معاك
تجيني في مكتبي وتشرب شايي وتنكرني
وتتكلم معاي بصيغة الولد
Quote: هسه جايب سيرة كدايس الديم فوق كم ؟
|
ناس حلتنا ما بندور غيرهم
على وزن ناس معزتنا ما بنريد غيرهم
Quote: و لم تكن أمريكا قد دنا عذابها .. كانت ياداب داون داون يو إس إيه .
|
ياخي من الزمن داك
Quote: بالله شوف نُبل الملامح و الوجاهة الأفرنجية ..
|
واضح من الملامح الخاتف لونين من السمار والبياض وشناة المناخير
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
نعم والف نعم....
تمنع من الدخول بكدايسها....
ولو عايزه كدايس البلد مليناه....
ولو سمحوا ليها بالكدايس المرةالقادم سوف تاتي ومعاها فيل...
برضو يسمحوا ليه ولا شنو؟؟؟؟؟
بعدين الناس ديل كلهم جاين عشان يتكلوا عن دارفور...
وبدخول الكدايس سوف يزيد عدد الذين يتكلموا عن دارفور ...
لذا يجب منهم من الدخول ولو ممكن تمنع هي ايضا من الدخول...
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: حسن عبدالله)
|
Quote: نعم والف نعم....
تمنع من الدخول بكدايسها....
ولو عايزه كدايس البلد مليناه.... |
يعني انت تدين وتشجب وتقر بان الفعل دا غير محمود من قِبل الولية
Quote: ولو سمحوا ليها بالكدايس المرةالقادم سوف تاتي ومعاها فيل...
|
ياحسن ياخوي
كل ما زاد حجم الحيون(الله يعزك) زادت اواصر القوة بين البلدين دي معلومة عرفناها مؤخراً
Quote: بعدين الناس ديل كلهم جاين عشان يتكلوا عن دارفور...
وبدخول الكدايس سوف يزيد عدد الذين يتكلموا عن دارفور ...
لذا يجب منهم من الدخول ولو ممكن تمنع هي ايضا من الدخول... |
تتكلم عن دارفور ولي كردفان
هي داخلة داخلة
بس الكلام دا لكترة الكلام ليس الا
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
Quote:
انت عارف بعد شوية حنلقى انو القصر الجمهوري بقى حديقة حيوانات
لانو كل دولة عايز تعمل تطبيع علاقات ولي تقوي علاقات حترسل حيوان او اتنين
اها القصة حتجر بعد شوية
لكن كويس لانو احنا اصلا ما عندنا حديقة حيوان
شوية شوية بنعمر لينا واحدة
بالله عاين جنس المحنة البقينا فيها
|
شبكة الشبايك..
معذرة, كنت عايز أقول شبكة الشبيك لكن لساني شبك
يا أستاذة..
حديقة حيوان عديل كده.. دي فكرة رائعة جدا..
ساحة القصر الكنا نستمتع لما ود اللمين يقول ليها: يا حقل النار.. اها مع الشبك دي حتتحول الى
انترناشيونال زوو.. ما شعبنا المثقف مفجر الثورات ذهب بلا رجعة وما محتاجين لشغب وانتفاضات..
وفي الحديقة دي طبعا كل حيوان لازم يرفع علم بلده.. وفي الحتة دي عايزين تمثيل سوداني أيضا.. بس ما من كدايس الديم لانه حسب علمي طبعها زي الدبابين.. تقتحم السفارات الحيوانية الأجنبية وتسبب لينا عقد دبلوماسية جديدة.. هذا اذا اكتفت بإستدعاء حيواناتنا الممثلات لديها ولم ترفع لينا بلاوي جنائية جديدة في لاهاي..
وبعدين تمثيلنا الدبلوماسي ده يكون في حدود القائم بالأعمال يعني قطط بس ونحن عندنا تماسيح من النوع العشاري..
وعندنا ورلات (جمع ورل) ودي قناصل في البلاد الفيها تمثيلنا أقل من درجة تمساح.. عشان يقدل طبعا..
طبعا لازم نتحرى المؤهلات الدبلوماسية لسفرائنا وسفيراتنا.. يعني الأسود والنمور تمثلنا في افريقيا ونرسل الغزلان الى الدول الإسكندنافية.. وشوية سحالي الى الدول العربية..
وعايزين حرباء ماكرة في نيويورك..
Quote:
بالمناسبة :
الدبين هسة عايشين في ياتو قصر قلت لي؟؟؟؟
شكرا عبد العزيز على المعلومة اللي اكيد هي مفيدة للمعرفة |
نحن محظوظين نتابع أخبار الدبين.. أكل وشرب, نوم وصحة.. وهذه لزوم اكتساب الخبرات الأجنبية في غربتنا هذه.. خاصة أن هذين الدبان يعيشا رغد العيش والرضا الشئ الذي يعكس قوة العلاقات بين الشعبين..
مودتي
عبدالعزيز
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: Abdlaziz Eisa)
|
والله ياعبد العزيز
عملت تصور واضح وجميل للمكان وللحالة المتوقعة وبالتالي حاكون لجنة
للنظر في المطلوب لتاهيل المكان ولتاهيل الحيوانات(الله يعزك) عشان يكون التمثيل يكون بالشكل المطلوب
ليقابل المرحلة الجاية الحيوانية
بالله دي حالة دي؟؟؟
Quote: نحن محظوظين نتابع أخبار الدبين.. أكل وشرب, نوم وصحة.. وهذه لزوم اكتساب الخبرات الأجنبية في غربتنا هذه.. خاصة أن هذين الدبان يعيشا رغد العيش والرضا الشئ الذي يعكس قوة العلاقات بين الشعبين..
|
يازول احنا مغتربين عشان نعلم واحد من عشرة من القصر القاعدين فيهو الاخوة الاجلاء ديل
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: Tabaldina)
|
تنوى سفارة بلد الكديستين برفع شكوى ضد سودانيزاونلاين ممثلة فى بكرى ابوبكر فى القبض على شبكة الشبيكة على شيل حس الكديستين, وما زالت المحاولات جارية لثنيها من المضى قدما نحو رفع القضية.
احتمال التراضى فى ان تحتضن الدوحة الكديستين مع الزام شبكة بتغطية نفقات الاقامة من ماكل ومشرب
وعلى كدة نطلب من الجميع التبرع لشبكة والا فسوف بنخرب.............ميزانيتها
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: حامد محمد حامد)
|
حامد
Quote: تنوى سفارة بلد الكديستين برفع شكوى ضد سودانيزاونلاين ممثلة فى بكرى ابوبكر فى القبض على شبكة الشبيكة على شيل حس الكديستين, وما زالت المحاولات جارية لثنيها من المضى قدما نحو رفع القضية.
|
هو بالعكس هسة عايزين بمساعدة اخونا عبد العزيز نقلب القصر الجمهوري الي حديقة حيوانات
عشان الكديستين ديل ما يحسوا بالغربة في بلد كلها ناس زرق وغبار وحر
وهم ما متعودات على كدا
Quote: احتمال التراضى فى ان تحتضن الدوحة الكديستين مع الزام شبكة بتغطية نفقات الاقامة من ماكل ومشرب
|
الدوحة تطير عيشتها
الدوحة تراضي ناس غزة
ولي تراضي خليل
ولي تراضي ناس دارفور
تسوي شنو هي الدوحة
| Quote: وعلى كدة نطلب من الجميع التبرع لشبكة |
في دي كلم الناس كلهم لكن في
| Quote: والا فسوف بنخرب.............ميزانيتها |
ما تكلم زول
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
Quote:
والله ياعبد العزيز
عملت تصور واضح وجميل للمكان وللحالة المتوقعة وبالتالي حاكون لجنة
للنظر في المطلوب لتاهيل المكان ولتاهيل الحيوانات(الله يعزك) عشان يكون التمثيل يكون بالشكل المطلوب
ليقابل المرحلة الجاية الحيوانية
بالله دي حالة دي؟؟؟
|
العزيزة شبكة
اووه لجنة...
دي مشكلة كبيرة..
وربما نجلس سنين حتي نصل لمن يكون في اللجينة, ثم سنينا أخرى لنعرف مهمام اللجنة.. ثم ننتظر سنين لنعرف مقترحات اللجنة..
ومنها نكون لجان لدراسة مقترحات اللجنة..
ثم نكون لجنة لبحث آلية تنفيذ المقترحات..
ةقتها تكون كدايس أمريكا قد حبلت من رفيقاتها السودانيات.. وندخل في دوامة القرين كارد والإقامة..
وعندما تعود قططنا ذات القرين كارد لأمريكا نكون وقتها قد حققنا هدف: يا أمريكا لمي جدادك..
بس حكاية الآذان في الفاتيكان دي عايزا ليها مخارجة
مودتي
عبدالعزيز
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: Abdlaziz Eisa)
|
عبد العزيز
Quote: دي مشكلة كبيرة..
وربما نجلس سنين حتي نصل لمن يكون في اللجينة, ثم سنينا أخرى لنعرف مهمام اللجنة.. ثم ننتظر سنين لنعرف مقترحات اللجنة..
ومنها نكون لجان لدراسة مقترحات اللجنة..
ثم نكون لجنة لبحث آلية تنفيذ المقترحات..
|
تكوين اللجان عندنا عادة
ومن خلا عادتو قلت سعادتو
دا مثل مهم عندنا
Quote: ةقتها تكون كدايس أمريكا قد حبلت من رفيقاتها السودانيات.. وندخل في دوامة القرين كارد والإقامة..
|
بالعكس
كدا كدايسنا طوالي بياخدوا الجنسية
وكل سيد كديسة بدخل امريكا ويقيم مع كديستو عشان يراعيها
وبالتالي هو زاتو بياخد الجنسية
ياخي دا رزق كتير جاي
اصبر بس
Quote: بس حكاية الآذان في الفاتيكان دي عايزا ليها مخارجة
|
دايرة مخارجة شديد
وحنكون لجنة تبحث دخول بابا الفاتيكان المسجد في الاردن بشبشبو
لما سالوه ليه
قال اللجنة المشرفة على الزيارة ما كلمتو انو دا ما صاح
اها دي لجان جديدة ومخصصات جديدة
رزق رزق رزق
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
| Quote: كدايس الديم تلتقي بقطط واشنطون |
الخلى ( الدياميات ) كدايس و ( الواشنطونيات ) قطط شنو ؟؟
مخير الله في حكمو
نظرية الرجل والكراع
سلامات يا شبكة
تذكرت قصة صديقنا ( .. )
كنا نسكن معاً في داخليات الجامعة في النصف الأول من ثمانينات القرن الماضي ( التاريخ مهم ستعرفي ذلك في سياق القصة لاحقاً )
صديقنا هو إبن أخت المرحوم البروف عبدالله الطيب
طلب البروف ذات مرة من صديقنا أن يقيم بمنزله لمدة إسبوع بسبب سفره لحضور مؤتمر خارج السودان ترافقه زوجته .
أوصوه الوصايا الروتينية الخاصة بالمسكن وأعطوه مبلغ ( 40 ) جنيه ، منها ( 25 ) جنيه للأكل الخاص بكلب السيدة الفضلى حرم البروف وأعطوه Menu بالمأكولات المفضلة للسيد الكلب ومبلغ ( 15 ) جنيه مصاريف لصديقنا .
أتى صديقنا للداخلية حزيناً لهذا الوضع وهذه القسمة غير العادلة . حاولنا أن نهون الأمر عليه وقلنا له
" ياخي هسع الجامعة بتدينا إعانة في الشهر ( 5 ) جنيهات وهو مبلغ كاف لـ ( نغنغتنا ) الشهر كله"
أجاب صاحبنا في ألم حقيقي
" يا أخوانا أنا عارف الـ ( 15 ) جنيه ما شوية ، لكين الغايظني أنو نصيب الكلب أكتر من نصيبي ، طيب هسع لو خالي دا ساواني مع الكلب والله ما كنت بزعل "
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: SHIBKA)
|
Quote: اها دي لجان جديدة ومخصصات جديدة
رزق رزق رزق |
شبكة
سلام
لجان جديدة..
ونخاف ان تنبثق منها لجان ولجان.. غير الشعبية, الأهلية, الحزبية.. الإقليمية وهلماجرا..
يعني البابا الجديد ده لو زار السودان المرة هذه ستكون هنالك لجان لتصميم الصليب..
لأن صليب البابا الراحل ما دخل موسوعة جينيس::
وحتكون في لجان لإختيار الخشب
لجان لإختيار المقاييس
وأخرى للمسامير
وأخرى
وكلها ارزاق يا شبكة
تحياتي
عبدالعزيز
| |
|
|
|
|
|
|
|
|
|
Re: زوجة الدبلوماسي الأمريكي تجهش بالبكاء في مطار الخرطوم! (Re: مها عبد الله)
|
| Quote: مياو مياو مياو SHIBKA |
والله يامها اليومين ديل الثقافة بقت كدايس ساي
الله يستر علينا بس
لكن كان بقت قطط هينة القصة
Quote: تضامني الكامل مع القطط المسكينه لو دخلت القصر الجمهوري وخوفي عليها من ( فئران ) القصر
الجمهوري
|
اكيد حتكون في استراتيجية والية للحد من شراسة الفئران مع هذه القطط ذات الجنسية الامريكية
خليك قريبة يامها
عشان تعرفي الاليات شنو
| |
|
|
|
|
|
|
| |
SHIBKA
Hassan Makkawi
الفاتح شلبي
حامد محمد حامد
ابو جهينة
عليش
Abdlaziz Eisa
Zomrawi Alweli
Mushal Allam
مها عبد الله
محمد الطيب حسن
صديق الموج
سيف اليزل جعفر عبد الرحمن
وليد محمد المبارك
Emad Abdulla
حمزه بابكر الكوبي
الامين جبارة الله التوم
محمد سنى دفع الله
وليد الطيب قسم السيد
Ahmed Yousif Abu Harira
عاطف عمر
فيس بوك
تويتر
انستقرام
يوتيوب
بنتيريست