|
|
 ان ينصركم الله فلا غالب لكم!
|
بس كان ربنا نصر عبده الفقيراوكامبو حتمشوا وين وتقبلوا وشكم وين والصاح منو انتو ولا اوكامبو
لحد الان اوكامبو ملصقين ليكم6/صفر!؟
|
|
 
|
|
|
|
|
|
|
|
Re: ان ينصركم الله فلا غالب لكم! (Re: هشام هباني)
|
بعد قريب من سبعين سنة شابكننا المشروع الاسلامي والدستور الاسلامي وجبهة الميثاق الاسلامي والجبهة القومية الاسلامية وهاك يا جهاد وهاك يا زاد الشهيد وهاك يا قنطار دهب لدعم القوات المسلجحة وهاك يا امان السودان وهاك يا انقلاب تلاتين يونيو وبعد عشرين سنة من الحكم المطلق جيتوا انبرشتوا في النهاية قدام الحركة الشعبية( المشركة الكافرة) في نيفاشاووقعتم صاغرين على قبول دولة المواطنة وهي الدولة العلمانية الصريحة واجزتم دستور2005 وهو دستور علماني صريح مش اسلامي... وبيهو بقى (الذمي المشرك) سلفاكير النائب الاول لامير المؤمنين عمر الفاروق.. وخلال العشرين سنة دي لا سمعنا بزول اقيم عليهو حد السرقة ولا حد الزنا ولا حد الحرابة ودي حدود الله المنصوص عليهاوالطبقتوها في زمن امامكم جعفر نميرى وسميتوها قوانين الشريعة الاسلامية... اذن وين الشريعة الاسلامية الكانت عند نميرى لايه خليتوها ولا العندكم هسع دي الشريعة!؟
| |
|
|
|
|
|
|
|
|
|
Re: ان ينصركم الله فلا غالب لكم! (Re: هشام هباني)
|
ولو واحد سالكم وقال ليكم لايه يا طويلي العمر طيلة العشرين سنة دي من الحكم الاسلامي
ما اقمتوا ولا حد واحد من حدود الله... هل ممكن تقولوا ليهو حمدا لله ما عندنا لا زول سرق ولا زنا ولا قطع طريق!
عشان كده بسبب امان البلاد ما طبقنا ولاحد....بس ما حيقتنع الزول ده وحيقول ليكم دحين يالاخوان دار المايقوما دي والشفع الفيها ديل جوا دحين باكل ملاح التقلية ولا العمارات الشاهقات والسيارات النوق العصافير والنساء مثنى وثلاثا دي تكون جات بشختك بختك!؟
| |
|
|
|
|
|
|
|
|
|
Re: ان ينصركم الله فلا غالب لكم! (Re: هشام هباني)
|
معقولة مع النميرى لمن كنتوا بس شركاء قطعتوا الناس من اياديها ومن خلاف ولمن تجيكم في بيتكم وحقتكم براكم تقوموا تنفنسوا ولا حد من حدود الله ولو (كشكرة) بس عشان تضللوا الناس المساكين وتقولوا ليهم طبقنا الشريعة الاسلامية ولمن تجيكم نيفاشا على طول توافقوا على دولة المواطنة وهي دولة علمانية صريحة وكمان تقبلوا دستور 2005 الانتقالي وهو كمان دستور علماني عديل....والله حيرتونا يا الكيزان وبعد ده دايرين ربنا انصركم على امريكا والغرب واوكامبو... لا والله عشان بحبكم بعد ما كضبتوا عليهو وباسمو مارستم اشنع الجرائم والمفاسد وبعد ده دايرنو انصركم على الاعداء ناسين انو انتو فعلا اعداء الله اكتر من الاخرين وعشان كده ما تعشموا في نصر الله لانو الله عادل وما هو غافل ولا بنغش ليكم يا سجمانين....تففففففففففففف عليكم في القبل الاربعة لصوص مجرمين تجار دين!
| |
|
|
|
|
|
|
|
|
|
Re: ان ينصركم الله فلا غالب لكم! (Re: هشام هباني)
|
المصيبة لو حاولتوا تطبقوا حدود الله حتجدوا انكم انتو المتضررين منها
لانوالناس الحيقيموا عليها حد السرقة بكونوا تسعين بالمية من ناسكم حراميتكم والبقيموا عليهم حد الرجم ولا الجلدحيكونوا غالبيتن من ناسكم..عشان كده صهينتوا من حكاية الحدود لانكم المتضررين منها وقلتوا الباب البجيب الريح سدو واستريح!
| |
|
|
|
|
|
|
| |
هشام هباني
فيس بوك
تويتر
انستقرام
يوتيوب
بنتيريست