بوست متفرع من بوست ويصب في بوست كبير ما شاء الله يا أخي ما تدي نفسك فرصة بتاعة قراية ياخي
____ عمر البشير عمرو هسه نواحي الستين امو تقريبا نواحي التمانين تفتكر حجة قدر دي تؤاخذ على كلامها انا اتخيل لي في قضايا اهم ناقش لينا مثلا موضوع (كيف الرئيس يحافظ على رتبته العسكرية وهو على قمة الحزب السياسي الحاكم ) مثلا. يا اخوي فكنا من كلام النسوان دا الله يرضى عليك
02-02-2009, 08:37 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
الوالدة حاجة الهدية اطال الله عمرها وامدها بالصحة والعافية هي امنا وخالتنا وجدتنا ولا اعيب عليها الاساءة في حقي وحق معارضي ابنها وهم ضحايا اجرامه وظلمه ومن حقها ان تدعو لصون وحفظ ابنها ولكن العيب في هذا الاعلام القذر الذي ينشر مثل هذا الهراء جالب الاساءة لهذه السيدة الوالدة المحترمة وما كان لديهم الحق في نشر هذا الكلام المستفز والجارح والقادح في نسب الناس وهوذات الاعلام الرسمي الحقير النذل منتوج ابن خالتنا (الهدية)اي السفاح المجرم اللص عمر البشير وقد تخصص في هذا النحو من التجريح وفي ذات الوقت يعيب كلاب السلطة على الاخرين الرد على ظالميهم بذات اللغة الجارحة وبالمناسبة اهدي والدتي وخالتي (حاجة الهدية) هذه الكلمات الناصحات التي سبق ان نشرتها مرارا في هذا الموقع وهي افضل رد في مقارعة الاساءة بالحسنى!
تعظيم سلام واجمل كلام ليك يمّة يا حاجة الهدية رمضان كريم والله اكرم ومقبولة صومتك يا رضيّة ومني ليك أبرك تحية اديك صحة واديك عافية و حجة لمكة العليّة
وهناك تطوفي بالكعبة الشريفة وتدعي لينا يا شريفة ويا عفيفة الله افكنا من ولدك عمرهذا التليفة دلدول الخوازيق وكمان عامل خليفة وكمان افكنا من ملة الجبهة الجليفة ملة الدين المزوّر والخرافات السخيفة وافكنا من كل التوالي و الدلاقين الحليفة وافكنا من حالة العدم المخيفة وحالة الناس الشلش عدمانة حق الرغيفة
و قولي لي ولدك عمر اب عصاية عمر الكرور عمر العرور عمر الطرور يا هوي يا وليد خلاص وقف كفاية وخاف الله في ناسا تعافر مدفونة حية للرزق يا دوب تدافر مضبوحة بشرع المجازر مكشوشة في دين الكوامر ومضروبة في جو المخافر ومظلومة في جوف المقابر ومطرودة في كل المهاجر ومنهوبة بالدجل المشاتر ومذلولة بصلف العساكر ومغدورة بشرع الخناجر ومرهوبة بكضب العناتر
قولي لولدك عمر هذا العرور المعتبر الكنت قايلاهو انضف من قمر وكنت قايلاهو مهدينا المنتظر أوكنت قايلاهو المك نمر لكن يمـّة المولى ما قسملك ابدا ولد ربما خلوا التبيعة عكس قانون الطبيعة ودفنوا في الارض الولد وجانا من سرق البلد لم يلد ولم يفد هذا الكرور المستبد هذا الجبان المرتعد
عمر المشير المعتبر عمر البشير الما بشر عمر العساكر والكجر عمر المفاسد والغجر
قولي ليهو يا وليد وقف كفاية الوطن ماهو حوش بهايم للسعاية وارواحنا ماها لعبة هواية ودم الناس ماهو موية سقاية يا وليد يا هوي كفاية
قولي ليهو: ماعافية منك ماني امك وابرا منك وكيف تداري الليلة ذنبك يوم تموت وتلاقي ربك وماني قايلاك سفاحا محنك وماني قايلاك سراقا وليك فنك يا ضنايا قايلاك راجلا زول مكارم شايل الناس في الحنايا بفرح الايتام بعطفو وبديهم الحب والعناية وقايلاك راجلا بشبع الناس الجعانة بستر الناس العرايا وقايلاك راجلا حقاني في ساعة المظالم بدي للمظلوم حماية وقايلاك راجلا ما بتكضب ما بتنافق دينو اصلي مو دعاية وقايلاك راجلا في كلامك في سلامك فنجريا فضلو باين بالعطايا يا ضنايا
ضاع شقايا وطال اذايا ووب عليك من دم الضحايا وحق يتيما انت شارب دم ابوهو وانت اشنع من عدوهو شوقو للعيد والهدايا فاقد الريد والمحنة فاقد الحب والرعاية وبكرة برسب في القراية ولكن ماهو ناسي دم ابوهو وتارو والع في الحنايا
ووب عليك يا جنايا من حق معذب في سجونك بالوشاية ما بخلي حقو ابدا في النهاية وحق مشرد بفنونك في الخطايا وبكرة جاي من جمر المنافي زعلو وافي وكيلو وافي وديمة قادل في المنايا يا هوي يا وليد وقف كفاية ما عافية منك ماني امك وابرا منك وماك طالع من حشايا
واسأليه يمة عن كتلة الشفع صغار في العيلفون وكيف دمعة ام فقدت حشاها شويفعا دريفون والدمع سال مطر دافق هتون مالي العيون وكيفن ولدك كتال الرقاب عامل حنون اهدى للشفع حلاوة حلاوة من طعم المنون هذا المشير هذا الحمار رصاصو ولع في الدرافين الصغار باسم الله كبر وجاهد عمر الحمار وسال الدم ركب والبحر زاد احمرار واليوم قد كان عيد الضحية وكانوا شفعنا الضحية وليدك عمر اهدى للشفع ودار شان رفضوا الحرب رفضوا الدمار
والليلة عامل فيها حمامة للحب والسلام ونافش ريشو في نيفاشا فاروقنا الهمام وصدق انو صانع الحب والوئام بعد ماكان بشجع لعبة الموت الزؤام يا سلام من كضب جاب الطمام ويا سلام من دجل ساكن النظام ويا سلام من عفن راكز تمام ويا سلام يا سلام من هذا السلام قولي ليهو : ماني امك ما عافية منك وابرا منك *** اسمعيني يمّة الهدية انت عارفة الدنيا فانية ولينا مكتوبة النهاية والله عارف والله شايف كل ما كان في النوايا والدين يا يمه قالوا النصيحة والسترة ديمة بارياها الفضيحة واتى يمة بتعرفي الله وبتخافي الله وبترضي بالكلمة الصريحة وتب ما بترضي بالفعلة القبيحة والليلة عندي ليك اخبارا ما مريحة في دولة وليدك عمر هذا التليحة دولة الدين المخستك والشعارات القبيحة وفي كل يوم تغرب شمس وفيها تسمع كم من فضيحة
وان شاء الله يمّة متابعة اخبار السياسة؟ وعارفة حالة البلد الليلة زي صاج العواسة والشغلة لا طايوق لافهم كسرة شايطة وحالة زايطة جايطة زي كوم كناسة ولا زلنا في سوق النخاسة باعونا في كل المواسم بالاحابيل والخساسة والفساد والعفن الليلة قد طال السياسة ونظام الزفت الليلة زايد في ا لنجاسة عايز ليهو مشاطة وصندوق برنجي وناس فايقة للحكي والكواسة
ويا ما ناس غنت عابدة للجاه والقروش وبالسحت والربا الليلة عبوها الكروش نهبوا العباد سرقوا البلاد اكلوها بوش ناس والله من صنف الوحوش وديل يا يمة شلة ولدك عمر الفشوش *** واظنك يمة سمعت بالبتاع اب ريالة عبدو البتاع سقط المتاع عبدو الحتالة عبدو الوزير عبدو الحقيرفاقد الرجالة بعد ما سرق ونهب البتاع بكل سفالة ومن فضيحتو البتاع قدم عديل استقالة والليلة وزيربتاعنا في الزمن الزبالة وده وليدك عمرالبتاع رقاهو بكل هبالة والليلة البتاع وزير دفاع وكمان زايد خمالة وزير دفاع في بلد شبعت عمالة بلد منكوحة بقوات اجانب في جنوبها وفي شمالها *** وبدور اسألك فد سؤال امي يا حاجة الهدية دحين (صراصر) نقلوها لكافور الغنية؟؟ وقالوا البنيات رطبّن فوق العمارات الجبهجية والوليدات طاروا فوق العلالي و المقامات المنجهية وقالوا اللبع اصبح حلال بالفتاوي المنهجية وده كلو في جاه وليدك فاروقنا بعدالتو الهمبتية عدلو بس للاقارب والبطانات والمعية والشعب ياكل نارو ( سنة سنتين شوية)* ( ويا بلال عليّ النار والضيق عليّ) ### وليك سلامي امي يا حاجة الهدية واعفي عني ماني قاصدك يا هدية و يا رضية بدور افش غبينتي الجوّه في الجوف والطوّية وماني راكب دبابة وشايل بندقية شايل قولة الحق والصدق بحسن نية وشايل في كلامي ملامح من قضية قضية ظلم واضحة فاتت الحد بل عصيّة والصدق يا يمة ضايع الليلة في خوف الرعية ما عمر العرور شايل عصا وقنبلية والبفتح خشمو ما ليهو حق في الشكية والشكية يمة قالوا لي ابو ايدا قوية لكن ما في زول مات قبل يومو في الدنيا الدنية والبقولو الحق قلال والله ما بخافوا الاذية وكم شهيدا بدمو ناضل وهو ناضل للقضية وكم مناضل في سجنو كاتل شامخ النفس الابيّة وكم مهاجر في المنافي لسه ماسك في الهوية وحواء والدة جابت التاية الشهيدة السمهرية واقدلي وتلّي ايدك ياشهيدة يا عنيدة يا بنيّة
وسلام عليك امي يا حاجة الهدية ودعتك الله واديك صحة واديك عافية وحجة لمكة العلية وقولي للمجرم وليدك ماني امك وابرا منك وانت سفاحا محنك وانت لفاحا محنك ماني امك وابرا منك وابرا منك يا اذيّة
* هي السيدة الوالدة الحاجة الهديّة والدة السفاح عمر البشير * مقطع من اغنية شعبية سودانية.
02-02-2009, 10:43 PM
rosemen osman rosemen osman
تاريخ التسجيل: 06-06-2008
مجموع المشاركات: 2916
بعيدا عن أزقة السياسة..التى لا أحبذ تعاطيها بتلك الطريقة.. لم أرى سوى سيدة سودانية كلل الوقار محياها , تشبه فى ملامحها جدتى. ويلهج لسانها بدعوات صادقات لأبنها..كما تفعل والدتى وجدتى وبنفس المفردات وداعة الله وأمنتك الله استمعت لدعوتها مرارا ولم اسمعها تقرن أو تصف المعارضين بالحاسدين أو أولاد ال.... ولكن كانت تستعمل واو العطف بين كل جملة والثانية ..وامنتك بالله من الحاسدين ومن الراصدين ومن ومن الى آخره... مع احترامى للجميع..
02-02-2009, 11:15 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
وهذا ابنك يا امي يدافع عن الفسطينيين واهل غزة الذين قتلهم الصهاينة المجرمون ناسيا انه اجرم من الصهاينة لانه قاتل ومعذب وناهب اشعبه وهذا مالم يفعله الصهاينة مع اهلهم ولكنهم يظلوا مجرمين ولكنهم اقل اجراما من ابنك العزيز قاتل ومعذب ومشرد وناهب اهله وايضا اكبر من اساء الى الاسلام بتقديم هذا الانموذج الاجرم والافسد والاسلام بريء مما يفعلون وهذا الامر لا يفعله حتى ( اولاد الحرام)!
02-02-2009, 11:20 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
الباسل هشام هبانى.. أنى لاستغرب لمن جاءو ليبررو لما تفوهت به والدة السفاح عمر البشير فأبنها فى موقع عام جاء اليه بالدبابة ومن آجل ان يصبح رئيس قام بقتل وسحل غالبية اهل السودان فعندما تدعو للله ان يحفظه من الحساد واولاد الحرام ويأتى من يدافعون عنه فتصبح مشكلة يجب التوقف عندها فهى ظاهرة تدعو لاعادة الكثير من الحسابات لهذه الاجيال التى تم تضليلهافنحن هنا لا نتحدث عن والدة تدعو لابنها نحن نتحدث عن والدة شخص مجرم ومطلوب للعدالة الدولية لما اغترفه من جرم فى حق الشعب هنالك 28 ضابط من خيرة ابناء السودان اعدمهم هذا المجرم من دون محاكمات، هنالك قضية جرجس ومجدى محجوب، كان من العرف الدبلوماسي ان يطلع لنا مسئول ويعتزر من هذا الهراء والاستقلال لوسائل الاعلام من قبل اسرة هذا المجرم أنه لشئ مؤسف ان نرى ركاكة فى الحوار الذى تتحدث به زوجة الرئيس وهل يعقل ان يكون الشعب السودانى هؤلا من يقودونه ويفكرون له حسبي الله ونعم الوكيل.
02-03-2009, 07:03 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: بهذه الجملة اعلاه ادخلت نفسك يا عزيزي (التمبس) في ورطة شديدة
اهداء الى (تمبس) حتى ياخذ بثار ابنة عمه الشهيدة التاية ابو عاقلة! شايفك الايامات دي ماخد راحتك لقيتني مافيش .. رجعت لي الكضب بتاعك ولسه قاعدتراوغ وتتحرقص .. وما عايز تدينا الاكيدة .. إنت قايلني بسيبك مش كدا ..؟ يللا اطلع لينا بي عنوان الدكتورة بتاعتك ديك .. وورينا كمان البوستات الانشطارية حقتك النارية دي .. انا مش قلت ليك لو ما كسرت ليك رقبتك كش كدا دا لي كضبك دا ما تديني يدك ..؟
Quote: عاد للمنبر زمن الانحطاط .. وسيرة نساء الرئيس السوداني .. وكالعادة .. انتظرك حتى تعلن عن اسفك في رجولة السوداني التي عرفناها .. فمازال عـار الكذب والنفاق .. وساقط المفردات .. والتلفيق ، والتلاعب بالصور .. يتبعك ..
أين ملفي الذي صنعه لك أحد صبية المعارضة الضاربين الطراوة ..؟؟ اعلن عن اسمه هنا لتكتمل سعادتي بمقدمك .. أو فليعلن عن اسمه هنا امام الجميع .. فبعودتك آن وقت الحساب .. وحسابك العسير يا هذا الطكاسي ..
ملحوظة: قلت ليك قبل كدا البورد دا ما بشيلنا الاتنين .. بعدما عرفت أن ليس لسقوطك قاع .. هل ما زلت تمارس السقوط وتأجير بعض الصبية للتلاعب بالصور أم أنك ارعويت وعدت لتعتذر ..؟
وسير .. سير يا الرئيس السوداني عمر حسن أحمد البشير ..
.. بقيت تنط من بوست لي بوست والكلام المكتوب ليك عااادي تجي ماشي فوقو بي مية وتمنين ..؟
ما قلنا دا زمن الانحطاط عاد من جديد .. بقيت شغال تاجر شنطة قلت كدا احسن ليك .. مرت الرئيس وأم الرئيس ..؟ وين كارلوس .. ما قال المرا حامل ..؟ يعني انت متخصص امو .. وكارلوس متخصص مرتو ..؟
دا نضالكم مع الرجال القاعدين يفرتقو الدبابات ..؟
خليني اخلص فطور وقهوة وحاجات تانية حامياني واجيك بي مهلة .. سخن بالبطاطير الفوقانية دي .. بس اوعك تجري .. الليلة يوم حوبتك .. وحوبة الدكتورة صاحبتك
02-03-2009, 07:14 AM
nazar hussien nazar hussien
تاريخ التسجيل: 09-04-2002
مجموع المشاركات: 10409
لا زالوا يرددون ذات الاسطوانة المشروخة حول القيم والاخلاق و احترام التابوات لالجام الخصوم وتدجينهم! وهي محاولة احراج الخصم بحجج وهينةكانما الخصم مطلوب منه الاصغاء وان يكون فاقدا الشعور والاحاسيس في مواجهة اي استفزاز وعليه ان يقبله لانه صادر من كبير وان نحترم الكبير مهما انزل بنا من اساءات..للاسف هذه هي الثقافة السائدة اليوم التي ارادت الانقاذ الشعب السوداني ان يخضع لها وبالفعل من يهن يسهل الهوان عليه وله الحق ان يرقص السفاح عمر البشير ويعتبره الشعب رمز سيادة وبطلا قوميا وهو الذي يحكم وطنا تحتله القوات الاجنبية واراضيه محتله و95% من شعبه تحت خط الفقر وملته تعيث الناس قتلا ونهبا وفسادا ورغم ذلك فهو بطل في نظر الكثيرين.. ورغم ذلك لا زلنا نحترم كبارنا وامي حاجة الهدية واحدة منهم احترمها ولم اتعرض اليها ابدا ولكن تعرضت للاعلام القذر الذي يستثمر هذا اللقاء المستفز معها كانما هي ام البطل المفدى وستبقى هي امنا وايضا ام السفاح المجرم اللص عمر البشير والذي هو احقر انسان الان في هذا الوطن اي ادنى من ابناء الحرام.!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
عبدالوهاب علي الحاج
العوض المسلمي
إبراهيم سليمان
rosemen osman
Saifeldin Gibreel
tmbis
nazar hussien
Nazar Yousif
Hassan Makkawi
هضيبي علي سعيد
وليد محمد المبارك
Abdlaziz Eisa
فيس بوك
تويتر
انستقرام
يوتيوب
بنتيريست