|
Re: ومن البطاطس يستخرجون كهرباء.... (يوجد فيديو)!! (Re: عبدالناصر معتصم)
|
الاخ عبد الناصر
سلامات
نحن من الشعوب التي تصنع من الحبة قبة ومن الكضبة هبة ومن الهبة ربة! لاننا من اكثر الشعوب المضخمة لذاتها والمحصلة في الواقع صفر كبير ومرات بقولوا اهلنا اليمانية رغم التخلف العندهم اهل حكمة واديك نكتة عنهم بمناسبة التعارف معاك واهلا بيك لقيتني التاكسي مليخ وقلت اتونس مع الزول الظريف ده!
عارف زمان بحكي لي واحد قريبي كان شغال باليمن انو في نكتة بتقول انو في اخونا يماني ماري بالشارع وكان في عيادة ويبدو عيادةطبيب عربي من النوع المحتال مالي اللافتة بتاعة العيادة اي تخصص في الدنيا من امراض الانسان حتى امراض الحيوان يعني بشري وبيطري! فقام اليمني البدوى واهلنا اليمانيةاهل حكمة بعد تعب من قراية اللافتة الطويلة وما قدر اكملها قام اتلفت على صديقو المعاهو ( والله يا خبير لو انو هذا الدكتور كتب على اللافتة وانه على كل شيء قدير كان اكون افضل من كل هذه الانشاء!
| |
|
|
|
|