هل تصدق أن نشيد العلم السوداني لا يحمل إلا معاني (الحرب) ولا مكان للـ.....

شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 12-08-2022, 07:39 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-31-2008, 05:46 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
هل تصدق أن نشيد العلم السوداني لا يحمل إلا معاني (الحرب) ولا مكان للـ.....

    بالرغم من أن كلماته قوية ..
    ومعانيها سامية ..
    إلا أن النشيد كله حرب ودماء ..

    ألم يأن أن نجد للعلم وللبناء والعمل والحب والإخاء مكان بين هذه الكلمات ؟

    Quote: نحن جند الله جند الوطن
    إن دعا داع الفدا لن نخن
    نتحدى الموت عند المحن
    نشتري المجد بأغلى ثمن
    هذه الأرض لنا
    فليعش سوداننا علماً بين الأمم
    يا بني السودان هذا رمزكم
    يحمل العبء ويحمي أرضكم...

                  

12-31-2008, 05:56 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    انا غايتو مابصدق
    ماياهو النشيد قدامنا كلو تعهد وقسم

    بعدين فيهو ان دعا داع الفداء ح تقعد تتفرج ولا ح تدافع
    نشيد قوي وجميل ماشايف فيهو معاني للحرب بقدر ماهي معاني للدفاع والحماية

    تسلم يا اخوي مع انو والله الكاتب كلماتو زاته ماعارفو منو

    تحياتي

    زاتوووو
                  

12-31-2008, 06:08 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: ALZOLZATOO)

    Quote: انا غايتو مابصدق
    ماياهو النشيد قدامنا كلو تعهد وقسم

    بعدين فيهو ان دعا داع الفداء ح تقعد تتفرج ولا ح تدافع
    نشيد قوي وجميل ماشايف فيهو معاني للحرب بقدر ماهي معاني للدفاع والحماية

    تسلم يا اخوي مع انو والله الكاتب كلماتو زاته ماعارفو منو

    تحياتي

    زاتوووو


    يا زاتووووو

    تحياتي وسلامي ..

    مافي شك ولا إعتراض على كلمات النشيد ..
    كلمات قوية وحماسية ..
    وأجمل بيت البيت الأول بلا شك ..
    لكن القاصدو إننا في حاجة لتربية أجيال للعلم والبناء والرفعة ..
    وإذا دعا الداعي الفداء يهبوا ..
    يكون في توازن ..
    عارف شعار سلاح الموسيقى السوداني شنو ؟

    (في السلم نغم .. في الحرب لغم )

    .. ونحن دايرين في السلم عِلم (بكسر العين واللام) ..

    ..
                  

12-31-2008, 06:19 AM

عبدالغني كرم الله
<aعبدالغني كرم الله
تاريخ التسجيل: 07-25-2008
مجموع المشاركات: 1323

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    عزيزي خالد..

    صباح خلاق..

    بالحيل، نشيد كئيب، ولا أحس أنه يمثلني شخصيا على الإطلاق.. وياريت يجي وقت يكون في نشيد للسلام ،.. للمحبة، وبلحن فيه سلام، وبإيقاع فيهو سلام، وبروح فيها سلام.. ومكتوب بالقلب السوداني العظيم، الذي يحب السلام بفطرته، ..


    ده قرع حرب مع عدو، هو المواطن السوداني ذاتو..


    اعمق محبتي...
                  

12-31-2008, 06:30 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: عبدالغني كرم الله)

    Quote: عزيزي خالد..

    صباح خلاق..

    بالحيل، نشيد كئيب، ولا أحس أنه يمثلني شخصيا على الإطلاق.. وياريت يجي وقت يكون في نشيد للسلام ،.. للمحبة، وبلحن فيه سلام، وبإيقاع فيهو سلام، وبروح فيها سلام.. ومكتوب بالقلب السوداني العظيم، الذي يحب السلام بفطرته، ..


    ده قرع حرب مع عدو، هو المواطن السوداني ذاتو..


    اعمق محبتي...


    عبد الغني .. سلام عليك ..

    و يا سلام عليك ..

    مذقتنا الحروب .. والعنصرية .. والجهل .. والفقر .. والمحسوبية .. وحب السلطة ..

    هؤلاء هم أعداءنا ..

    نحتاج لرمز يبذر بذور في نفوس أجيال الغد ..

    بذور تنبت .. سلام .. ومحبة .. وإخاء .. وعلم .. وأمن .. واستقرار ..

    مع إبقاء روح الحماس .. والاعداد والاستعداد .. عند اللزوم ..

    عاطر الود والمحبة والسلام ..

    ..
                  

12-31-2008, 06:23 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    ياحبيبنا ،،
    ناس سلاح الموسيقى كضابين اللغم ده تبع ناس سلاح المهندسين لوووول
    بعدين الوقت الاتكتب فيهو النشيد كان لازم توري العين الحمراء عشان المستعمر مايعمل خلف دور ويجيك راجع تاني ده مابيمنع انو الدولة يكون نشيدها شرس لكن من جوه تهتم بالعلم والعمل

    اسع لو عملوا مسابقة لي تأليف النشيد الوطني 90% من الاناشيد ح تتكلم عن الوحدة والسلام

    وبعد خمسين سنة ح يجي ولدك ويقول وحدة شنو وسلام شنو الناس بقت تمشي القمر تشرب شاي وقهوة وتجي لووول يكه

    كل زمن ليهو نشيدو

    تحياتي

    زاتوووو
                  

12-31-2008, 06:43 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    يا .. زاتوووووو

    طلوع القمر ده زاااااتو ما من العلم والتعلم ..

    يعني نشيد العلم الوكت داك كان ما مطلوب العلم والمعرفة والرفعة والإخاء ؟؟؟؟

    إنت النشيد ده عاملو للمستعمر بس ؟

    حسي رأيك شنو في النشيد ده:

    أمتى يا أمة الأمجاد والماضى العريق
    يا نشيدا فى دمى يحيا ويجرى فى عروقى
    أذن الفجر الذى شق الدياجى بالشروق
    وطريق النصر قد لاح فسيرى فى الطريق
    قبلة الأنظار يا أرض الهدى والحق كنت
    ومنارا فى دجى الأيام للعالم عشت
    أنت مهد النور .. مهد الفن والعرفان أنت
    وستبقين ويبقى لك منا ما أردت
    لا تبالى إن أساء الدهر يوما لا تبالى
    قد صحونا لأمانينا .. صحونا لليالى
    لك يا أرض البطولات ويا أم الرجال
    ترخص الأرواح فى يوم الفدى يوم النضال
    للغد المشرق يندى بالأمانى والعطور
    أمتى .. سيرى إلى المجد و جدى فى المسير
    حققى بالعمل البناء أحلام الدهور
    و اصعدى بالعلم والأخلاق للنصر الكبير

    اصعدى يا أرض أجدادى وأمى وأبى
    اصعدى يا قلعة يحرسها كل أبى
    اصعدى يا مشرق النور لأغلى مأرب
    اصعدى للقمم الشماء فوق الشهب
    أمتى يا أمة الأمجاد و الماضى العريق
    يا نشيدا فى دمى يحيا ويجرى فى عروقى
    أذن الفجر الذى شق الدياجى بشروق
    وطريق النصر قد لاح فسيرى فى الطريق
                  

12-31-2008, 06:45 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    صديقي الساخر جدا (ياسر مبارك)

    قال لي :

    مفروض تكون :

    أمتي يا أمة الأمجاد والركشة !!
                  

12-31-2008, 07:08 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    ياخالد نشيد امة الامجاد ده طويل مابينفع نشيد علم
    يعني اسع لو في مباراة بين السودان وتنجانيقا
    قاموا ناس سلاح الموسيقى طال عمرهم عزفوا نشيد تنجانيقا وبعد داك عزفوا امة الامجاد
    الشوط الاول مابيكون انتهى لوووول بعدين هشام هباني ح يقيف ليك نص ساعة .

    كدي بالله نتمنى يجي الكتب لينا نشيد العلم او اي زول عندو خلفية يورينا النشيد اتكتب بالصورة بتاعتو دي لي شنو اكيد مبرراتو ح تكون 100%

    بعدين امة الامجاد ما حاشرين ليك الحرب حشوة في النص لووول

    انت رايك شنو في جدودنا زمان وصونا على الوطن على التراب الغالي الماليو تمن

    مش برضو ممكن يكون نشيد

    زاتوووو
                  

12-31-2008, 07:38 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: ALZOLZATOO)

    Quote: ياخالد نشيد امة الامجاد ده طويل مابينفع نشيد علم


    أنا ما قاصد ليك أمة الأمجاد يكون نشيد العلم

    أنا قصدت الفكرة والمضمون

    النشيد متوازن في معانيهو

    يجمع ما بين كل المعان السامية ..

    بما فيها الدفاع والإعداد والاستعداد ..
                  

12-31-2008, 07:14 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)


    الأخ خالد ..

    أذكر إنو قبل فترة كُتب بوست بنفس هذا المعنى، يدعو كاتبه لتبني نشيد يحمل معاني (حب) الوطن.

    أولاً: أود القول أن النشيد في الأساس عرفناه بإسم "السلام الجمهوري"، بعدها، وفي السبعينات، كان بيطل علينا في الإذاعة كل يوم الساعة 7:45 صباحاً سيئ الذكر "جعفر نميري" ويقول كلام كده بيختمه بي ... أو أموت دونها" ويجي صوت طفل يقول "نشييييد ال..علم"، وتعزف الفرقة السلام الجمهوري. الحكاية دي، وبتكرارها اليومي خلت تعبير "نشيد العلم" هو الساير.

    الشئ التاني، الكلمات القوية ناتجة لأنو في الأساس النشيد كان إسمو "نشيد الجيش" وكان في النص بيقول: يا بني السودان ** هذا جيشكم.... تغيرت إلى هذا رمزكم عندما تم اختياره كسلام وطني أو سلام جمهوري (National Anthem).

    على كل حال، شخصياً أحس أنه جزء من الهوية، وأتمنى أن لا يتغير (رأي شخصي)
                  

12-31-2008, 07:33 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: محمد أبوالعزائم أبوالريش)

    الأخ الكريم/ محمد أبو العزائم

    السلام عليكم ..



    Quote:

    ويجي صوت طفل يقول "نشييييد ال..علم"، وتعزف الفرقة السلام الجمهوري. الحكاية دي، وبتكرارها اليومي خلت تعبير "نشيد العلم" هو الساير.



    حتى نحن لما كنا في الإبتدائي .. وفي طابور الصباح ..

    كان الأستاذ ينادي : (نشيد العلم) ..

    وبعدو نحن نردد النشيد ..

    ولا أذيعك سراً : لو قلت ليك أكثر الطلاب كانوا يرددوا (نشتري النجدة) بدلاً عن (المجد)


    Quote: الشئ التاني، الكلمات القوية ناتجة لأنو في الأساس النشيد كان إسمو "نشيد الجيش" وكان في النص بيقول: يا بني السودان ** هذا جيشكم.... تغيرت إلى هذا رمزكم عندما تم اختياره كسلام وطني أو سلام جمهوري (National Anthem).



    من الطبيعي وجود كلمات قوية وحماسية في الجيش (جلالات) لرفع الروح المعنوية.

    و لا مانع من أن يحتوي (نشيد العلم) أو (السلام الجمهوري) على شئ من الحماس والقوة.

    ولكن ..

    لماذا لا يحتوي النشيد على معاني أخرى تضاف لهذه المعاني كما ذكرت من قبل ؟


    Quote: على كل حال، شخصياً أحس أنه جزء من الهوية، وأتمنى أن لا يتغير (رأي شخصي)


    إحترامي الكبير لك أخي الكريم ..

    ولكني لا أعتقد ان (الحرب) يجب أن تكون هي كل هويتنا ..

    هناك جوانب هامة من الهوية أغفلها النشيد...

    مع فائق الإحترام والتقدير
                  

12-31-2008, 07:23 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    Quote: أمتي يا أمة الأمجاد


    طبعاً "أمة الأمجاد" شاعرها غير سوداني
                  

12-31-2008, 07:39 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: محمد أبوالعزائم أبوالريش)

    Quote: طبعاً "أمة الأمجاد" شاعرها غير سوداني


    يا جماعة الخير ..

    ما طلبت إنو أمة الأمجاد يكون نشيد العلم ..

    لكن وضعتو كنموووووووووذج فقط..

    لما فيه من كلمات ومعان تحمل جزء كبير من التربية التي يحتاجها الجيل القادم ..

    (عدل بواسطة khalid fahmi on 12-31-2008, 07:49 AM)

                  

12-31-2008, 07:46 AM

سناء عبد السيد
<aسناء عبد السيد
تاريخ التسجيل: 03-29-2008
مجموع المشاركات: 2093

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    حتى نشيد العلم بقى عندكم فيهو راي
                  

12-31-2008, 07:53 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: سناء عبد السيد)

    الأخت الكريمة سناء

    سلام عليكم



    Quote: حتى نشيد العلم بقى عندكم فيهو راي


    و شايفك إنتي زااتك (عندك راي) في (رأينا) في نشيد العلم ّ!


    في النهاية كلها آراء ..

    تقديري
                  

12-31-2008, 07:48 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    الاخ خالد ،،
    اها يامعلم الموضوع طلع نشيد جيش معناها الكاتبو ليهو حق 100%
    والشخص الاختارو تكون ماكان في خيارات قدامو او الظروف الزمن داك كانت عايزه كده

    انا شخصيا لا اعترض ان تم تغيير النشيد الى نشيد قومي وطني انشاء الله يعملوا بتاع ربوع السودان
    من امدر ياربوع سودانا

    كل عام وانت والسودان بخير

    زاتوووو
                  

12-31-2008, 07:49 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    من الكلمات القويــة (نموذج فقط) وليس مقترح لأن تكون هي النشيد الوطني ...

    أنا سوداني أنا ........ انا سوداني أنا..
    كل أجزاءه لنا وطن إذ نباهي به ونفتتن
    نتغنى بحسنه أبداً دونه لا يروقنا حسن
    حيث كنا حدت بنا ذِكر ملؤها الشوق كلنا فداه
    نتمنى جماله لنرى هل لتقييم عيشه ثمن
    غير هذه الدماء نبذلها كالفدائي حين يمتحن
    بسخاء بجرأة بقوى لا يلين جدها ولا تهن
    تستهين الخطوب عن جلد سكة الهانوا وهي تتزن
    .........................................
    أيها الناس نحن من نفر عمّروا الأرض حيث ما قَطَنوا
    يذكر المجد كلما ذكروا وهو يعتز حين يقترن
    حكموا العدل في الورى زمناً يا ترى هل يعد ذا الزمن
    ردد الدهر حسن سيرتهم ما بها حطّة ولا درن
    نزحوا لا ليظلموا أحداً لا ولا لاضطهاد مَن أَمِنوا
    وكثيرون في صدورهم تتنزل الأحقاد والإحن
    دوحة العُرْب أصلها كرمٌ وإلى العُرْب تُنسَبُ الفِطَنُ
    أيقظ الدهر بينهم فتناً وكم أفنت الورى الفتن
    ................................
    يا بلادي
    يا بلاداً حوت مآثرنا كالفراديس فيضها منن
    قد جرى النيل في أباطحها يكفل العيش وهي تحتضن
    رقصت تلكم الرياض له وتثنت غصونها اللدن
    وتغني هزارها فرحاً كعشوق حدا به الشجن
    حفل الشيب والشباب معاً وبتقديسك القمين علو
    نحن بالروح للسودان فداء فلتدم أنت أيها الوطن..
                  

12-31-2008, 08:31 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    يتغير نشيد العلم ..؟
    أنا غايتو ما موافق ..
    أول حاجة اضربو لينا بيبان القصر الجمهوري بوهية بنفسجية .. وادو الحيطان بتاعتو طرطشة .. وأعلموا البيبان قزاز .. بدل بيبان الخشب المربوطة بالجنازير دي ..
    ..
    بلاي حسع النشيد دا مالو العيب فوقو شنو..؟
    يعني الدفاع وتمجيد الوطن والزود عنو بقى دعوة للحرب..؟
    يعني ناس مهيرة وبنونة وبقية الشباب ديل ما كان عندهم موضوع ناس بتاعين بارتيات ساكت ..؟
    بعدين برتكولياً كدا ما شايف لي نشيد وطني مدتو دقيقتين إلا في تشيكوسلوفاكيــــــا لانو اسمم طويل ..
    يعني ما ممكن يكون عــوض الجاز ماشي السكـــا.. يجيب لينا تلاجات يقومو يوقفوهو في البرد داك عشرة دقايق علشان يقولو ليهو إنت سوداني ومنقو قال لا عاش من يفصلنـا .. كدا بتجيهو رطوبـة طوالي ,, وهو من يومو مرطب .

    النشيد الوطني لازم تتوفر فيهو حاجات محددة ..
    تمجيد الوطن .. والدعوة لحبو.
    اظهار البطولات وفرد العضلات .
    ارهاب اي زول يفكر في إنو يحاول يعمل أي حركة كدا واللا كدا ..
    والتحدث عن النفس ..
    في بلدان كتيرة جدا بعدما يمجدوا الوطن .. بيدخلو شمال في الملك يا رئيس الدولة .. يعني يا خالد فهمي كان جابو اسم رئيس في نشيد العلم بتاعنا دا .. كان ح تقول شنو..؟

    بعدين ياخ هو بيعزفوهو عساكر والبيعزم الناس للنشيد عسكري ليهو ضل .. ما شفتوهو بينهر الرؤساء كيف .. وشايل سيفو ..
    بعد دا كلو عايزنو يكون براحة كيف ..؟
                  

12-31-2008, 08:47 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: tmbis)

    العزيز/ تمبس

    سلام عليك ..


    Quote: يتغير نشيد العلم ..؟

    ..
    بالله حسع النشيد دا مالو العيب فوقو شنو..؟
    يعني الدفاع وتمجيد الوطن والزود عنو بقى دعوة للحرب..؟



    المشكلة شنو في التغيير الإيجابي ؟

    زمان لما كنا بنقرا في المطالعة القصة الخبيثة بتاعت :

    الإمام تحت الشجرة ... والإمام كان في القصة كلب .. !!

    وجات الحكومة وحذفتها من المنهج .. ده ما كان تغيير إيجابي .. المشكلة شنو ؟؟

    لا مانع من الزود عن الوطن والدفاع عنه ..

    لكن المانع شنو من أن يحتوي النشيد على معاني سامية أخرى ؟؟؟؟

    ما دايرين اسم رئيس ولا ملك ولا غيرو ..

    ((كدي أسأل ليك أي طالب أساس من إحساسو شنو لما ينشد النشيد الجمهوري ؟ ))
                  

12-31-2008, 09:54 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    معليش يا خالد ما سلمت عليك ودخلت طوالي شمال ..
    مليون سلام ..
    Quote: وجات الحكومة وحذفتها من المنهج .. ده ما كان تغيير إيجابي .. المشكلة شنو ؟؟
    .. معليش تاني يا خالد لكن خليني احبطك وأقول ليك مافي ايجابيات وما عايز احصر ليك الحذف من الاضافات من التعديلات التمت لكن لو اخدنا نظرة موضوعية للحذفان وكمية الموية الكبوها في السلم التعليمي بالذات بنلقى حاجات غريبة جدا اريتو كان خلوها في مكانته وما هبشوهـا ..
    مثلا ..
    - امسك تجييش الزي المدرسي .. من الابتدائي لي الثانوي:
    زمان في شارع الدكاترة لما (اللبني) يشق الشارع كان الواحد الرحمن بدخل قلبو والمقررات كانت صعبببة .. وعادي جدا الواحده ممكن تطلع ليك حق المواصلات من شنطته كان ما عندك حق مواصلات .. حسع دي الواحده بتلقى في شنطته ( نشانكو ) أو (قرنيت) يا (فتيل بمبان) وبالميت كدا (مطوة) قرن غزال .. يعني بدل يدوك حق المواصلات احتمال يشلخوك ( نقرابي )..
    - في الطابور الصباحي زمان كنا بنبتديهو بي:
    أشرقت شمس الضحى في السمائي في السماء .. وهي تعطي من صحا صحة وعافية ..
    الآن ..:
    في حماك ربنا في سبيل ديننا يا كمان .. اماما .. اماما جنود الفداء بتاعت شنان ديك ..
    - مرحلة الاساس القطعوها من راسم دي :
    الطالب / (ة ) لما يوصلو الجامعة لحدت سنة تانية جامعة بيتموا في (حرينــا) في الحرم الجامعي .. عاملين زي جداد السعودية الواحدة تلقاها قدر الضربة لا بتكورك ولا بتصيح وكان لكزتها .. تصوصو زيها وزي اي سيسيوو في (قنب الأسد) زمان لما يقولو اربعة من الكنبة الوراء يشيلو الزول دا .. بتصلي صلاة الحرب في الدرج بتاعك وتقرا راتب سيدي المهدي وتختم بالتشهد والصلاة على سيدنا النبي حتين بعداك تقول ليهم شيلوووووني وتاخد الفيها النصيب.
    - خرتمية جامعة وكلية .. والبخت ضايع .. مية مليون خريج طب .. والملاريا والتايفويد واليرقان شغالين قرش ونص .. تلتمية خريج اقتصاد وجالون البنزين بالشئ الفرتكاني .. مليار خريج زراعة والمنقة في ابو جبيهة تبني فيها (الأرضة) ورطل اللبن باليورو ما تقدر تشتريهو .. والخ.
    Quote: ((كدي أسأل ليك أي طالب أساس من إحساسو شنو لما ينشد النشيد الجمهوري ؟ ))
    بتفق معاك شديد جدا إنو احساسو غير .. لكن الاتفاق ما في صالحك
    عارف كيف ؟؟؟
    ح يغيرو لكن ح يدخل ليك فوقو دبابات وناقلات جنود والأمم المتحدة وترعتي كنانة والرهد وطريق الانقاذ الغربي وكان جاملك بيقتبس ليك بيتين تلاتة من اناشيد فرقة الصحوة ..
    عارف ليه..؟
    لانو زمان كان لما يطرشق جمب بتاع الاساس دا لستك عربية كان بقول مع الخلعة ( أمــك ) ..
    حسع دي مع الخلعة بتاعين الاساس ديل الواحد بقى يقول ( الله اكبر ) بتاعت (السودان الجديد ) ما الله اكبر بتاعت (السودان القديم) .. لانها اترسمت في المخ بصورة (بغبغائية) واحتمال كبير جدا يفتح شنطتو .. ويجر ليك الاجزاء بتاعت الكلاشنكوف ويدور ليك مجموعة تحت كرعينك ..
    علشان كدا .. قبال ما نغير النشيد الوطني .. نلبس (شفــع الإبتدائي ) كحلي بلبني .. وبنات المتوسطة مرايل مارون ونرجع الساعة الاتسرقت من عمر الناس سمبله ساكت .. بدون اي مبرر توقيتي ليهو علاقة بالواقع ..



                  

01-01-2009, 05:55 PM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: tmbis)

    Quote: معليش يا خالد ما سلمت عليك ودخلت طوالي شمال ..
    مليون سلام ..


    وعليك السلام والرحمة والبركة ..

    Quote: علشان كدا .. قبال ما نغير النشيد الوطني


    كويس إنك إتفقت معاي في إمكانية تغيير النشيد ..

    وأنا معاك في تغيير أي سلبيات تانية ..

    بعد مناقشة مفصلة لكل (تغيير) لتحديد إن كان تغيير سلبي أم إيجابي ..

    و ده كلو عشان يطلع جيل جديد أحسن مننا ..

    وأفهم مننا .. كلنا كسودانيين في الساحة حالياً ..

    على أمل أن ينجز ما عجزنا عنه نحن .. ومن قبلنا .. من الأجيال .

    تقديري
                  

12-31-2008, 08:04 AM

ود العجمى
<aود العجمى
تاريخ التسجيل: 09-21-2002
مجموع المشاركات: 1595

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    نشيد ؟
    دا مجرد جلالة من جلالات الجيش . شخصيا لا اشعر تجاه بشىءغير انه يضايقنى


    أقترح ان يتم تغييره ويا ريت يكون المقطع الاول من (انا سودانى انا) لأنها فعلا كما
    قلت تعبر عن مشاعر كل سودانى
                  

12-31-2008, 08:32 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: ود العجمى)

    ود العجمي

    سلام عليك ,,

    للأسف أغلب الأناشيد الوطنية العربية على هذا النسق ..

    ما عدا قلة منها ..

    مثل النشيد اللبناني:

    كُلُّنـا للوطـنْ ... للعُـلى لِلْعَـَلْم
    مِلْءُ عَينِ الزّمَنْ ... سـيفُنا والقَـَلمْ
    سَهْلُنا والجبَـلْ ... مَنبتٌ للرّجـال
    قَوْلُنا والعَمَـلْ ... في سبيلِ الكَمال
    كُلُّنـا للوطـنْ ... للعُـلى لِلْعَـَلْم
    كُلّنا للوطنْ
    شَيْخُنـا والفَتَـى ... عنـد صَـوْتِ الوَطَنْ
    أُسْـدُ غـابٍ متى ... سـاوَرَتْنا الفِــتَنْ
    شَــرْقُنـا قَلْـبُـه ... أبــداً لبـنان
    صانَـهُ رَبُّــُهُ ... لـمـدى الأزمــان
    كُلُّنـا للوطـنْ ... للعُـلى لِلْعَـَلْم
    كُلّنا للوطنْ
    بَحْــرُهُ بَــرُّهُ ... دُرَّةُ الشّـرقَـيْـن
    رِفْــدُهُ بــرّهُ ... مـالـئُ القُـطْبَين
    اسْـمُـهُ عِـزُّهُ ... منـذ كـان الجُدود
    مَجْــدُهُ أرْزُهُ ... رمـزُهُ للخـلــود
    كُلُّنـا للوطـنْ للعُـلى لِلْعَـَلْم
    كُلّنا للوطنْ
                  

12-31-2008, 08:44 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8009

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    استاذ خالد
    سلامات
    وعساك طيب
    بالمرة رايك شنو في النشيد الوطني الاسرائيلي

    Quote:
    Kol od balevav P'nimah -
    Nefesh Yehudi homiyah
    Ulfa'atey mizrach kadimah
    Ayin l'tzion tzofiyah.

    Od lo avdah tikvatenu
    Hatikvah bat shnot alpayim:
    Li'hyot am chofshi b'artzenu -
    Eretz Tzion v'Yerushalayim.


    وترجمته:

    Quote:
    طالما في القلب تكمن ،
    نفس يهودية تتوق ،
    وللأمام نحو الشرق ،
    عين تنظر إلى صهيون.


    أملنا لم يضع بعد ،
    حلم عمره ألفا سنة ،
    أن نكون أمّة حرّة على أرضنا ،
    أرض صهيون والقدس.


    قاتلهم الله......بقدر كل آآآهه ودعوة كل مظلوم وجريح وام شهيد
                  

12-31-2008, 09:08 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: mayada kamal)

    الفاضلة د. ميادة

    سلام عليك ..



    Quote: بالمرة رايك شنو في النشيد الوطني الاسرائيلي



    الصهاينة حتى في نشيدهم محددين هدفهم ..

    و بيغرسوا في صدور أبناءهم هذا الهدف .. لتحقيقه ..


    فرق كبير بيننا وبين بني صهيون ..

    إنهم بحددوا أهدافهم بدقة .. وبيخططوا لتنفيذها بدقة وصبر ..

    و بيسيروا إلى أهدافهم بنظام بناء على الخطط ..

    ناس بتخطط وبيعملوا بناء على خططهم لتحقيق أهدافهم ..


    نحن محتاجين لشئ من التخطيط والبناء السليم لأجيال الغد ..

    إخاء و علم ومعرفة وقوة ..

    النشيد السوداني به القوة

    لكنه يفتقد البقية


    تقديري


    اللهم إكفيناهم بما شئت ...
                  

12-31-2008, 09:57 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    مثلاً:


    نحن جند الله جند الوطن
    بالعلم والبناء نعبر الزمن
    بالعدل والإخاء نتجاوز المحن

    و إن دعا داع الفدا لن نخن
    نتحدى الموت عند المحن
    نشتري المجد بأغلى ثمن
    هذه الأرض لنا
    فليعش سوداننا علماً بين الأمم
    يا بني السودان هذا رمزكم
    يحمل العبء ويحمي أرضكم...

    (عدل بواسطة khalid fahmi on 12-31-2008, 10:00 AM)

                  

01-01-2009, 11:49 AM

Elsiddig A. Ahmed
<aElsiddig A. Ahmed
تاريخ التسجيل: 10-28-2006
مجموع المشاركات: 309

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    الاخ خالد سلام

    فكرة جميلة مناقشة معاني النشيد الوطني لمعرفك اهدافه القريبة والبعيدة وكثير من الشعوب عندما تكتب اناشيدها الوطنية بضعوا فى الاعتبار اشياء مهمة لها علاقة بمكونات الشعب الوجدانية والتنوع الجقرافي
    والثقافي والاثني حتى يشعر كل فرد فيه الانتماء والفخر للذود عنه

    واضافتك لبعد السطور محاولة نبيلة لترميم هذا النشيد
    واضيف ليهو

    نحن جند الله جند الوطن
    بالعلم والبناء نعبر الزمن
    بالعدل والإخاء نتجاوز المحن
    ما شمال بدون جنوب
    ومافى جنوب بدون شمال
    كلنا اخوان
    و إن دعا داع الفدا لن نخن
    نتحدى الموت عند المحن
    نشتري المجد بأغلى ثمن
    هذه الأرض لنا
    فليعش سوداننا علماً بين الأمم
    يا بني السودان هذا أرضكم
    يحمل العبء ويحمي عرضكم...
                  

01-01-2009, 01:48 PM

Nazar Yousif
<aNazar Yousif
تاريخ التسجيل: 05-07-2005
مجموع المشاركات: 12465

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: Elsiddig A. Ahmed)

    نحن جند الله...
    جند الوطن...
    إن دعا داعي الفداء لم نخن...
    نتحدى الموت عند المحن...
    نشتري المجد بأغلى ثمن....
    هذه الأرض لنا...
    فليعش سوداننا...
    علماً بين الأمم...
    يا بني السودان... هذا رمزكم...
    يحمل العبء ويحمي أرضكم...
    ==========

    نحن أسد الغاب أبناء الحروب...
    لا نهاب الموت أو نخشى الخطوب...
    نحفظ السودان في هذي القلوب...
    نفتديه من شمال أو جنوب...
    بالكفاح المُرُّ والعزم المتين...
    وقلوب من حديد لا تلين...
    نهزم الشرَّ ونجلي الغاصبين...
    كنسورٍ الجوِّ أو أُسْد العرين...
    ندفعُ الرّدَى... نصدُّ من عدا....
    نردُّ من ظلم...

    Quote:

    تعرف يا نزار

    دي مناسبة كويسة لرد الحق لأصحابه و إذا سمحت لي التنبيه لأمر هام و هو أن الموسيقار السوداني العظيم السيد عبد القادر عبد الرحمن هو من قام بإعادة ترتيب و توزيع السلام الجمهوري و جاءذلك مثلا في:

    1/ صوت التنبيه الممتد في مقدمة النشيد.

    2/ السلم الملون (الكروماتيك) و الذي يصاحب و يعبر عن: (نحن جند الله)... معبرا عن التعددية و التباين في الشعب في السوداني...و مثبتا المواطنة كحق أساسي.

    3/ العظمة و الفخامة و التي تظهر في المتابعة الموسيقية ( الخلفية المصاحبة للحن الأساس) لاحظ العظمة و القوة و الشدة في التعبير المصاحبة قبل و أثناء و صول اللحن إلى:
    (هذه الأرض لنا فليعش سوداننا......)

    الموسيقار عبدالقادر عبدالرحمن هو من أعظم الموسيقيين السودانيين علما و فنا
    عاش عليه الرحمة غنيا بعلمه و متواضعا......
    الزميل جمال عبدالقادر عبدالرحمن عازف الأكورديون الشهير و الذي يعيش في مدينة نيويورك الأميركية هو إبن الموسيقار الراحل...
    و أيضا يعيش معه في مدينة نيويورك حفيده عبده السر عازف الإيقاع المتمكن...

    http://sudaneseinoxford.com/topic.asp?TOPIC_ID=195
                  

01-01-2009, 02:55 PM

Muhammad Elamin
<aMuhammad Elamin
تاريخ التسجيل: 09-20-2007
مجموع المشاركات: 901

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: Nazar Yousif)

    الإخوة الكرام

    السلام عليكم

    كما قال أحد المناقشين فالنشيد في أصله كان نشيد الجيش السوداني وهذه المعلومة سمعتها من والدي أطال الله عمره.

    أحببت أن أرفق لكم النشيد الوطني التونسي للمقارنة كذلك:


                  

01-01-2009, 06:24 PM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: Muhammad Elamin)

    الأخ محمد الأمين .. وعليك السلام



    بالفعل هو نشيد الجيش .. والجيش جزء من الشعب السوداني لذا فالنشيد لا يحمل كل سمات الشعب السوداني وطموحه



    أطال الله عمر الولد ومتعه بالصحة والعافية ..

    تقديري

    (عدل بواسطة khalid fahmi on 01-01-2009, 06:29 PM)
    (عدل بواسطة khalid fahmi on 01-01-2009, 06:33 PM)

                  

01-01-2009, 06:14 PM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: Nazar Yousif)

    Quote: نحن جند الله...
    جند الوطن...
    إن دعا داعي الفداء لم نخن...
    نتحدى الموت عند المحن...
    نشتري المجد بأغلى ثمن....
    هذه الأرض لنا...
    فليعش سوداننا...
    علماً بين الأمم...
    يا بني السودان... هذا رمزكم...
    يحمل العبء ويحمي أرضكم...
    ==========

    نحن أسد الغاب أبناء الحروب...
    لا نهاب الموت أو نخشى الخطوب...
    نحفظ السودان في هذي القلوب...
    نفتديه من شمال أو جنوب...
    بالكفاح المُرُّ والعزم المتين...
    وقلوب من حديد لا تلين...
    نهزم الشرَّ ونجلي الغاصبين...
    كنسورٍ الجوِّ أو أُسْد العرين...
    ندفعُ الرّدَى... نصدُّ من عدا....
    نردُّ من ظلم...



    الأخ نزار

    سلام ..

    نشيد قوي جداً وحماسي لا إعتراض على كلماته او ألحانه ..

    و لكن أجد فيه نقص لمعان أخرى نحتاجها ..

    تقديري
                  

01-01-2009, 06:06 PM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: Elsiddig A. Ahmed)

    الأخ الكريم / الصديق

    وعليك السلام ورحمة الله

    نحتاج فعلاً ليس فقط لتغيير نشيد العلم ..

    بل لزرع هذا الإحساس في نفوس أبناءنا ..

    من أجل غد أفضل ..


    تقديري ,,
                  

01-01-2009, 02:52 PM

fadlabi
<afadlabi
تاريخ التسجيل: 12-13-2004
مجموع المشاركات: 4116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    و الله يا خالد وقعت لي في جرح

    بعدين النسوان وينهم في النشيد ده

    و السلام و الوحدة و التعدد العرقي

    ده كله دايرنو في النشيد الجديد
                  

01-01-2009, 06:42 PM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 7022

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: fadlabi)


    الأخ خالد والمتداخلين
    سلام وكل عام وأنتم بخير

    قبل حروب هذا الزمان الإلكترونية والريموتية، كانت الحروب التقليدية من أهم ثوابتها الراية التى تفتدى بالأرواح لتظل عالية خفاقة. فهى رمز مرتبط بحب الوطن والفداء.

    النشيد الوطنى السودانى كتبه الشاعر السودانى الكبير المرحوم أحمد محمد صالح. ولنقارن مع الأناشيد الوطنية لناطقى اللغة العربية فهى فى مضمونها مرتبطة بالفداء. خاصة التى مرت بكفاح مقدس لنيل الحرية:

    النشيد الوطني لمعظم الدول العربيه

    ღ♥ღ... النشيد الوطني التونسي .. ღ♥ღ

    حُماةَ الحِما يا حُماةَ الحِما هَلُمّوا هَلُمّوا لمجد الزمان
    لقد سارعتْ في العروق الدما نموتُ نموتُ ويحيا الوطن
    إذا الشعبُ يوما أراد الحياة فلا بدّ أن يستجيبَ القَدَر
    ولا بُدّ للّيلِ أن ينجلي ولا بدّ للقيد أن ينكسر
    لِتَضْوِ السماواتُ برعدها لِتَرْمِِ الصواعقُ نيرانَها
    إلى عِزّ تونسْ إلى مجدها رجال البلاد وشُبّانُها
    فلا عاش في تونسَ مَن خانها ولا عاش ليس من جُنْدِها
    نموتُ ونحيا على عهدها حياةَ الكِرامِ ومَوْتَ العِظام

    ... النشيد الوطني الليبي .. ღ♥ღ

    الله أكبر الله اكبر
    الله أكبر فوق كيد المعتدي
    الله للمظلوم خير مؤيد
    أنا باليقين وبالسلاح سأفتدي
    بلدي ونور الحق يسطع في يدي
    قولوا معي قولوا معي
    الله الله الله أكبر
    الله فوق المعتدي
    يا هذه الدنيا أفيقي واسمعي
    جيش الأعادي جاء يبغي مصرعي
    بالحق سوف أرده وبمدفعي
    وإذا فنيت فسوف أفنيه معي
    قولوا معي قولوا معي
    الله الله الله اكبر
    الله فوق المعتدي
    قولوا معى الويل للمستعمر
    والله فوق الغاصب المتكبر
    الله اكبر يا بلادى كبرى
    وخذى بناصية المغير ودمرى
    قولوا معى قولوا معى
    الله الله الله اكبر
    الله فوق المعتدى.


    .... النشيد الوطني اليمني ... ღ♥ღ
    رَدّدي أيتها الدنيا نشيدي .........رَدّديهِ وأعيدي وأعيدي
    واذكُري في فَرحتي كلَّ شهيد .........وامنحيه حُللاً من ضَوءِ عِيدي
    يا بلادي: نحن أبناءُ وأحفادُ رِجالِك..سوف نحمي كلَّ ما بين يَدَينا من جَلالِك
    وسيبقى خالدُ الضَّوءِ على كلِ المسالك....كلِ صخرٍ في جِبالك، كلِ ذَرّاتِ رِمالِك
    كل أنداء ظِلالك .. مُلكنا
    إنها ملك أمانينا الكبيرة .. حقّنا
    جاء من أمجاد ماضيك المثيرة
    رَدّدي أيتها الدنيا نشيدي .........رَدّديهِ وأعيدي وأعيدي
    واذكُري في فَرحتي كلَّ شهيد .........وامنحيه حُللاً من ضَوءِ عِيدي
    وَحدتي .. وحدتي
    يا نشيدا رائعا يملأ نفسي.... أنتِ عهدٌ عالقٌ في كل ذِمّة
    رايتي .. رايتي
    يا نسيجا حكْتُهُ من كل شمس.... اخلدي خافقةً في كل قِمّة
    أمّتي .. أمّتي
    امنحيني البأس يا مصدر بأسي... واذخريني لك يا خير أمّة
    عشتِ إيماني وحبي سرمديّا... ومسيري فوق دربي عربيّا
    وسيبقى نبضُ قلبي يمنيّا... لن ترى الدنيا على أرضي وصيّا
    رَدّدي أيتها الدنيا نشيدي .........رَدّديهِ وأعيدي وأعيدي
    واذكُري في فَرحتي كلَّ شهيد .........وامنحيه حُللاً من ضَوءِ عِيدي


    ღ♥ღ... النشيد الوطني المصري .. ღ♥ღ

    بلادي بلادي بلادي...لك حبي وفؤادي
    مصر يا أم البلاد...أنت غايتي والمراد
    وعلى كل العباد...كم لنيلك من أياد
    بلادي بلادي بلادي...لك حبي وفؤادي
    مصر أنت أغلى درة...في جبين الدهر غرة
    يا بلادي عيشي حرة...واسلمي رغم الأعادي
    بلادي بلادي بلادي...لك حبي وفؤادي
    مصر أولادك كرام...أوفياء يراعوا الزمام
    سوف تحظي بالمرام... باتحادهم واتحادي
    بلادي بلادي بلادي.. لك حبي وفؤادي

    ...النشيد الوطني السوري ... ღ♥ღ

    حُماةَ الديارِ عليكمْ سلامْ ... أبَتْ أنْ تذِلَّ النفوسُ الكرامْ
    عرينُ العروبةِ بيتٌ حَرام ... وعرشُ الشّموسِ حِمَىً لا يُضَامْ
    ربوعُ الشّآمِ بروجُ العُلا ... تُحاكي السّماءَ بعالي السَّنا
    فأرضٌ زهتْ بالشّموسِ الوِضَا ... سَماءٌ لَعَمرُكَ أو كالسَّما
    رفيفُ الأماني وخَفقُ الفؤادْ ... على عَلَمٍ ضَمَّ شَمْلَ البلادْ
    أما فيهِ منْ كُلِّ عينٍ سَوادْ ... ومِن دمِ كلِّ شَهيدٍ مِدادْ؟
    نفوسٌ أباةٌ وماضٍ مجيدْ ... وروحُ الأضاحي رقيبٌ عَتيدْ
    فمِنّا الوليدُ و مِنّا الرّشيدْ ... فَلِمْ لا نَسُودُ ولِمْ لا نشيد؟

    النشيد الوطني لمعظم الدول العربيه
                  

01-01-2009, 06:45 PM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: fadlabi)

    فاضلابي .. سلام

    Quote: و الله يا خالد وقعت لي في جرح

    بعدين النسوان وينهم في النشيد ده

    و السلام و الوحدة و التعدد العرقي

    ده كله دايرنو في النشيد الجديد



    رأي برضو ..

    منتظرين أهل الخبرة ..
                  

01-03-2009, 06:18 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    Quote: كويس إنك إتفقت معاي في إمكانية تغيير النشيد ..
    وأنا معاك في تغيير أي سلبيات تانية ..
    بعد مناقشة مفصلة لكل (تغيير) لتحديد إن كان تغيير سلبي أم إيجابي ..
    و ده كلو عشان يطلع جيل جديد أحسن مننا ..
    وأفهم مننا .. كلنا كسودانيين في الساحة حالياً ..
    على أمل أن ينجز ما عجزنا عنه نحن .. ومن قبلنا .. من الأجيال .
    تقديري
    ..
    Quote: يتغير نشيد العلم ..؟
    أنا غايتو ما موافق ..
    ..
    Quote: علشان كدا .. قبال ما نغير النشيد الوطني
    يا خالد ..
    لا النشيد خلوهو زي ما هو .. انا ما اتفقت لسه ..
    كلامي الفوق داك معناتو شروط .. ما اتفاق .. دايرين تغيرو .. أول حاجة رجعو لينا اشرقت ضمس الضحى .. وجيبو لينا اللبني والمارون
    النشيد دا تغييرو ساهل مش على الكلام ..؟ أنا القدامك دا حسع دي كان فطرته وضربت لي كباية شاي بكتب ليكم نشيد جديد ..
    كنت متمني اسمع رايك في الكلام الكتبتو ليك فوق داك ..
                  

01-04-2009, 09:27 AM

khalid fahmi
<akhalid fahmi
تاريخ التسجيل: 04-07-2008
مجموع المشاركات: 1218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: tmbis)

    العزيز تمبس

    سلام عليك .. وصباحك خير

    Quote: أنا القدامك دا حسع دي كان فطرته وضربت لي كباية شاي بكتب ليكم نشيد جديد ..


    دايرين نشوف نموذج بس .. ممكن يكون شكلو كيف النشيد الجديد ..

    يا ريت تورينا حاجة .. طال ما إنو موضوع النشيد ساهل خلينا نبدأ بالساهل ..

    Quote: كنت متمني اسمع رايك في الكلام الكتبتو ليك فوق داك ..


    معقولة بس .. ؟

    أي حتة من المواضيع الأثرتها دي دايرا ليها 10 بوستات براها ..

    أقوم أدخلها ليك هنا .. وأضيع الموضوع الأساسي !!

    خلينا في موضوع نشيد العلم .. وأفتح بوستات تانية لنقاطك ديك بالدور ..


    ******
    ... نحن جند الله و في حماك ربنا ..

    تقديري
                  

01-04-2009, 10:14 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    صباحك زين يا خالد ..
    Quote: دايرين نشوف نموذج بس .. ممكن يكون شكلو كيف النشيد الجديد ..
    يا ريت تورينا حاجة .. طال ما إنو موضوع النشيد ساهل خلينا نبدأ بالساهل ..
    والله يا خالد إنت يا اما طيب .. يا اما طيبان .. وفي الحالتين إنت ضايع .. يا ابوي كان المسالة بالسهولة دي وبالمفردات البتنجرو فيها هنا دا وفاكرين المسالة ساهلة والله كان كل يوم نغير في نشيد العلم .. المسالة ما رص مفردات وشيل دي وخت دي علشان ترضي الذوق العام .. يا تتماشى ليها مع سياسات جهة محددة .. المسالة طويلة وشايكة وملولوة .. ولو لما ذلك ما كان كلام جميل زي دا وبسيط ومعبر صامد لحدت الآن علشان نجي نقترح ليهو في عام الفين وتسعة للتغيير في موقع سودانيزاونلاين الالكتروني ..
    Quote: معقولة بس .. ؟
    أي حتة من المواضيع الأثرتها دي دايرا ليها 10 بوستات براها ..
    أقوم أدخلها ليك هنا .. وأضيع الموضوع الأساسي !!

    خلينا في موضوع نشيد العلم .. وأفتح بوستات تانية لنقاطك ديك بالدور ..
    ايوة معقولة وليه لا ..؟
    طالما اتكلمت إنت عن التغييرات الائجابية وقلتها بي عضمة لسانك في نفس طريق الحوار اديناك وجهة النظر الخاصة بي الاتجاهات الشايفنها سلبية ,,
    بعدين المانع شنو إننا نتكلم في تعديل النشيد وفي نفس الوقت نجيب معانا ترزي هنا دا يفصل لينا؟
    الفكرة دي ما كتبتها هنا دا إلا بعدما لقيت ناس كتيرة جدا بتتوافق معاي في نفس وجهة النظر دي .. ودي مشكلة جيل كامل اتغيب من بداية الانقاذ إلى تاريخ كتابتي لهذه السطور ..
    وانا بشوفه انها اهم من تغيير الشعار القومي نفسها .. نقوم نحصره هنا وتساهم لينا على الاقل بي رايك قبال ما نشمي ونفتح لينا عشرة بوستات ..
    لانو البيت لما يتبني بقوم من تحت ولي فوق ,.

    تشكر يا خالد
                  

01-03-2009, 06:52 AM

شهاب الفاتح عثمان
<aشهاب الفاتح عثمان
تاريخ التسجيل: 08-27-2006
مجموع المشاركات: 11937

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    Quote: هذه الأرض لنا
    فليعش سوداننا علماً بين الأمم

    نشيد واضح وقوي كشموس بلادي ..
    نشيد شهم وحار وجميل ..
    واجده تعبير راق لبلاد مقام ترابها نور عيوننا !.

    وموسيقى هذا النشيد عالم من العبقريه ,
    بدايته فقط بكل اناشيد الارض قوة وشموخ وضياء
    وفخر وصلابه..

    عزيزي خالد والاخوه
    حباب ارائكم ..
    عندي راي دائم ان السودان والفرق القوميه وخلافه بحاجه لعشرات من
    الاناشيد والاغاني والكلمات والجمال ..
    نعم للجديد و لا الف لتغيير النشيد.
    انه الرمز انه الوسام..

    حبابكم
    ونحن جند الله جند الوطن.

    ___________________________________________________________

    ليتهم يعلمون ان عمر اللحظـه في بعـدك يا خـرطـوم سنين طـوال.
    د شهـاب الفاتح ـ كـوالالمبور
                  

01-04-2009, 09:07 AM

شهاب الفاتح عثمان
<aشهاب الفاتح عثمان
تاريخ التسجيل: 08-27-2006
مجموع المشاركات: 11937

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: شهاب الفاتح عثمان)

                  

01-04-2009, 08:43 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    Quote: علشان كدا .. قبال ما نغير النشيد الوطني .. نلبس (شفــع الإبتدائي ) كحلي بلبني .. وبنات المتوسطة مرايل مارون ونرجع الساعة الاتسرقت من عمر الناس سمبله ساكت .. بدون اي مبرر توقيتي ليهو علاقة بالواقع ..


    تمبس .. ياخ مرات مرات بتكون زول كويس خلاص ..... خليك ضابط على المحطة دي بالله. مع إني شايفك مكسّر في اللبني والماروني.

    أما فيما يخص اللحن، فهو إبداع موسيقي في ميلوديته وهارمونيته توظيف آلاته.
                  

01-04-2009, 09:51 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: محمد أبوالعزائم أبوالريش)

    Quote: تمبس .. ياخ مرات مرات بتكون زول كويس خلاص

    يا ابو الريش ..
    والله انا كويس لكن ما شغالين بي يعني إلا الواحد يعمل ليكم بروفات هنا دا حتين تصدقو..؟
    Quote: خليك ضابط على المحطة دي بالله. مع إني شايفك مكسّر في اللبني والماروني.
    والله يا ابو الريش نحن اكتر شعب بيشيل صباعو يطبظ بيهو عيونو الاتنين .. زمان قالو في مقرر الانقليزي كان في الجونيور والريدرز قام واحد من الشباب ديل زهج ليك منها .. قام جاب لينا نايل كورس والاغرب من كدا .. المدرس يجيك داخل شايل النايل كورس في نيد .. والجنيور في يدو التانية .. وشايل معاهو ريدر كم كدا ما عارف ويديك منو تمارين ..
    طيب ياخ كان في داعي من الأول ..؟
    حسع ينفس الطريقة .. لمو ليك في الجماعة كلهم بالكاكي دا .. لا تقدر تفرز البوليص من البوليصة .. لبس شين وقبيح وما بيدي اي هيبة للطالب .. بالمقابل يا سماحة اللونين ديل في شفع الروضة والمدارس الخاصة ..
    Quote: أما فيما يخص اللحن، فهو إبداع موسيقي في ميلوديته وهارمونيته توظيف آلاته.
    .. الله يفتح عليك يا ابو الريش ..
    لكن بالاختراعات الفوقانيه دي .. والله كل الجمال دا كان ما لحقوهو ليك اللبني والمارون انا ما تمبس
                  

01-04-2009, 11:48 PM

شهاب الفاتح عثمان
<aشهاب الفاتح عثمان
تاريخ التسجيل: 08-27-2006
مجموع المشاركات: 11937

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل تصدق أن نشيد العلم السوداني لا يحمل إلا معاني (الحرب) ولا مكان للـ..... (Re: khalid fahmi)

    Quote: لكن بالاختراعات الفوقانيه دي .. والله كل الجمال دا كان ما لحقوهو ليك اللبني والمارون انا ما تمبس


                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de