|
|
 حيا على الجهاد
|
أرمو قدام وراء مؤمن..
ومن جهزّ غازي فقد غزا..
الناقصكم شنو ورقبتنا سدادة، أي والله من دولار لي 100 دولار  الكاكي والسلاح من الحكومة، والزوادة مننا نحنا، نجاهد معاكم بمالنا، والميَّة دولار دي تعمل ليها زاد مجاهد سياحي ، ما تعملو لينا خوتَّة ساكت، البشير ما محتاج لي نضمي وكواريك، شدو الضراع، وما تشيلو هم، أحياء كنتم أم شهداء، الداير عرس شهيد نعرس ليهو، والدايرنا نعرس مرتو بعد يموت يكلمنا، ما بنقصر تب..
___
البوست تحت رعايّة في ساحات المنابر، يقدمه المجاهد بميّة دولاره ود طيفور..
|
|
 
|
|
|
|
|
|
|
 Re: حيا على الجهاد (Re: Marouf Sanad)
|
Osman, Haider, and Marouf
Welcome to the holly war against Ocambo
___
I will get back to you separately tonight..
so till then, injoy the weekend..
| |
|
|
|
|
|
|
|
|
|
Re: حيا على الجهاد (Re: najma)
|
نجمة..
نجمة نجمة،
الزاد نعدو..
والجهاد بالمال مُفضل،
إلا بس،
بالنفس بعدو..
__
ما تقصري بالله، ساعدينا في تجهيز المجاهدين، ولو عندك أغنيَّة لشنان، بالله شنينا بيها
| |
|
|
|
|
|
|
|
|
|
Re: حيا على الجهاد (Re: Yassir Tayfour)
|
جاهزين جاهزين وحنكسر اوكمابو للدين....
اديني المايكرفون ده بالله يا شيخ ياسر....!!!
اف اف اف
الله اكبر الله اكبر
تكبير
تهليل
ان هذا الارجيتني الرعديد وهذا الاستعمار الانجلوسكسوني الجديد
سنخش معه في حجرا ضبا وسنضرب عنق اوكامبو وعنق كل القاضيات العاريات
وعنق المرة العملت موتمر صحفي ديك...!!!
| |
|
|
|
|
|
|
|
|
|
Re: حيا على الجهاد (Re: محمد الجيلى)
|
محمد..
| Quote: تجهيز مسافر مابنفع |
السفر علي وين؟؟ وهل السفر ده بقصر الصلاة، وبجهجه رمضان؟؟؟
___
المسافر عينو قويَّة، لا سلام منك وما منك تحيَّة، للوراك خليتو عايش في الأسيَّة، ما حرام يا العسكري ما تسيب وصيَّة.. شفت كيف بالله الحصل لي عمر، اول زول داير يموت ووصيتو مكتوبة بغير رضاه..مِحّنْ!
| |
|
|
|
|
|
|
|
|
|
Re: حيا على الجهاد (Re: عبدالكريم الامين احمد)
|
Najma and Kiki
stay with Omer, the Artist, till i get back to you after i finish my shift..
__
Behind the wall there is a hungry wild lion, but compared to Ocambo the President sees it as a cat
| |
|
|
|
|
|
|
|
|
|
Re: حيا على الجهاد (Re: عبدالوهاب علي الحاج)
|
يا وهبة يا أجمل فردة رهط..
إنت اليومين ديل نفسك تجاهد لكن، النكلمك ضحى يا قول الجريفاوي، ما بنعمل ليك عرس شهيد، لأنو بنعزك معزة حقيقية، وعرس الشهيد ده بعملوه للشهداء الكشى مشى ساكت، ابراهيم شمس الدين كان صاحب حظوة عند البشير، وكان معزوز عنده أيما عزة، لذلك حينما سمع بهلاكه أو قل إستشهاده، بكى عليه البشير بدمع من دمٍ، ولكن لم يقيم له عرس الشهيد، لأنو عارف الشغلانة دي ترضيَّة لأهل الهالك او الشهيد..
___
وكان مُصِر تجاهد، سوق معاك حاج العوض، لكن الوصيَّة بالمهلة خليكم صفوف خلفية، ودعم لوجستي، وخلو كرعيكم رقاق، وبيني وبينكما، الجهاد فيه منفعة لكليكما، تتخلصو من الشحوم الزائدة، إن وُجِدت، وكمان عشان مستقبلاً ما تصيبكم أمراض الناس المسرورة، من قاوت و(شوت في الآوت)، ما بين القوسين مُشفر ولكنه لا يفوت على فطنتك
| |
|
|
|
|
|
|
|
|
|
Re: حيا على الجهاد (Re: عبدالكريم الامين احمد)
|
كيكي..
شفت بالله الدنيا دي بت لذينا كيف، وشفت كيف تاريخ بعيد نفسو بسرعة ضوئيَّة كيف! نفس الشعب الساذج، شحنو الترابي بمفاهيم القرن السابع، ووعده بجنان، وحور عين، ووظائف لمن يعد سالما، وعرس في الدنيا لشهداء على بنات حور، ضد من؟ ضد مواطن يريد أن يحيى بأرضه بكرامة، وفي رمشة بصر أصبح الشهداء فطايس، والعدو رمزاًً يتوددون للقاءه وعقد الوثائق والعهود معه، ولكن للشعب ذاكرة أخرب من ذاكرة "جدادة" رجع بنفس الكفاءة العقليّة ليبايع نفس النظام ليجاهد ضد من علمهم السحر، بإعتبار خليل والترابي في صف أوكابو..
___
كيف ما تكونوا يُوَلَّ عليكم، شفت كيف كلام ربنا سبحانه وتعالى ينطبق على هؤلاء الرعاع..
| |
|
|
|
|
|
|
|
|
 Re: حيا على الجهاد (Re: Yassir Tayfour)
|
كتائب الجهاد الالكتروني بقيادة المجاهد الاسفيري صلاح غريبة قامت اليوم بعدة طلعات
ناجحة استطاعت خلالها كشف اعداد كبيرة من الخونة و المارقين كما استطاعت ايضا نقل
اجواء النفرات الكبرى التي اقيمت في سفارات السودان في عدة دول خليجية و نهنئكم
بتحقيق كتائبكم المجاهدة لرقم قياسي جديد في مشاهدة القناة الفضائية السودانية
و العرضة على انغام المجاهد الكبير قيقم و لا نامت اعين العملاء و الطابور الخامس
و السادس و حتى العاشر.
| |
|
|
|
|
|
|
|
|
|
Re: حيا على الجهاد (Re: Nagi Ahmed)
|
ناجي احمد..
غايتو عمر دفع الله نجَّض الريِس نجاض قبورة، يُخيَّل لي، الفنان عمر دفع هو أكثر معارض أوجَّع النظام.. الله يديهو العافيّة..
| |
|
|
|
|
|
|
|
|
|
Re: حيا على الجهاد (Re: سيف النصر محي الدين محمد أحمد)
|
انت قاصد احييي من الجهاد اظنك؟
تعرف بيكونو بيقولو:
اوكامبو ده نتفو تف
ومعاها هز اليد المغزوزة في النص و الفنسة
جهاد وين مع الحسابات الملانة ايرو و دولار و استرلينى في سويسرا و ماليزيا و الكييمان ايلاندز
باقي ليك جضوم و " مؤخرة" عمر و قوش دى بتاعت جهاد؟
الجهاد بيلزو ليهو الطير و العبطا و الما "اولاد ناس"
واخرتا يطلعوهم فطايس
انقوم ناخد لي جيهيدة سااااقطة و جيك
كيزان منحطين و سفلة
يا مناااااااايا
| |
|
|
|
|
|
|
|
|
|
Re: حيا على الجهاد (Re: Adil Hamza)
|
عادل..
إبراهيم شمس الدين كان عارف البشير بعرس مرتو، كان تفتكر ركب الطيارة!؟
__
ولَّ حتى كان إشترك معاهم في الإنقلاب من بدايتو!؟؟
| |
|
|
|
|
|
|
|
|
|
Re: حيا على الجهاد (Re: سارة علي)
|
Quote: ********
+++++++++
.......
،،،،،،،،،،،
////////
....
%%%%%%%%%%%
######### |
سرو..
الأيامات دي دي عندك vـايروس إسمو "عوج الدرب"، قدر ما تعمل مداخلة يجي وراكي..
___
اعملي Full scan..
| |
|
|
|
|
|
|
|
|
|
Re: حيا على الجهاد (Re: esam gabralla)
|
يا ود جبرالله..
| Quote: الجهاد بيلزو ليهو الطير و العبطا و الما "اولاد ناس" |
الجهاد بمشو ليهو نفرين:
واحد زي ما قلت عبيط وطيرة، والتاني إنتهازي ما عندو مؤهلات تخليهو ينافس في الحياة بشرف، و النوع الأخير ده ما بيطع من المعسكر؛ ولكن المرة دي العدو خارجي ويمكن الشهادة تكون مقبولة، عشان كده أي زول شايف أوكامبو ده عدو لوطنه والبشير يمثل له السيادة، باب الجهاد فاتح، ونتمنى لهم الحسنين..
__
والناس دي لو جادة، اليبدو جهادهم من المنشيَّة ويضربو رأس الحيَّة، وبذلك يكونو كفروا عن بعض سيئاتهم..
| |
|
|
|
|
|
|
|
|
|
Re: حيا على الجهاد (Re: سيف النصر محي الدين محمد أحمد)
|
دكتور سيف..
ما غريبة إلا الشيطان، تعرف يا دكتور، غريبة مؤهلاتو ضعيفة ومعاولو الإنتهازية باليَّة، بالرغم من توفُر العزيمة و قِلة الحياء وتخانة الجلد؛ لكن مشكلتو يفتقد سِمة الحرفنة..
___
غريبة ممكن بكل بساطة يقول ليك: موتى مقابر شرفي وفاروق يبايعون الرئيس، دون ان يرمش له جفن..
| |
|
|
|
|
|
|
|
|
|
Re: حيا على الجهاد (Re: Marouf Sanad)
|
المعروف..
| Quote: انا غايتو ممكن اساهم في تجهيز غازي صلاح الدين |
الأيوبي!
__
يا معروف طريت ليك حضارة سادت فخانت شيخها، فأصابتها اللعنة ثم بادت، الراجل ده كان اخير ليهو أيام شيخو، الجماعة ديل مهمشنو شديد، لو في مكانو بِنضمَّ للسودان الجديد بتاع المستهمشين داك..
| |
|
|
|
|
|
|
|
|
|
Re: حيا على الجهاد (Re: osman righeem)
|
رغيم..
Quote: رقم الحساب يا مجاهد
ومناديب المناطق الجغرافيه |
مافي رقم حساب ولا منادين، وعشان ما نضيع زمن كتير، كل واحد ميسور يملك ميَّة دولار زائدة عن حاجته، يتبنى بيها مجاهد..
___
وأنا مطلع ألف دولار، وداير إتبنى عشرة مجاهدين دفعة واحدة، أهو منها نطهر ونختن أموالنا، وممكن نلقى بيها تصاديق تجارة في المستقبل..
| |
|
|
|
|
|
|
|
|
|
Re: حيا على الجهاد (Re: Yassir Tayfour)
|
| Quote: وأنا مطلع ألف دولار، وداير إتبنى عشرة مجاهدين دفعة واحدة، |
ود طيفور
وكت عندك الف دولار زايده وما محتاج ليها
بدل ترسله تكتل بيها اولاد الناس ويبقو فطايس
رسله لي وليك علي السنه الجايه اديك ليها عشره اضعاف
وكان انا غلبني السداد ضمان ميه الميه تلقاها في ميزان حسناتك
اها رد لي سريع عشان نرسل الحساب و كده
| |
|
|
|
|
|
|
|
|
|
Re: حيا على الجهاد (Re: Nader Abu Kadouk)
|
نادر..
| Quote: رسله لي وليك علي السنه الجايه اديك ليها عشره اضعاف |
أنا داير اجاهد بالمال وإنت داير توكلني الربا!؟ معقولة يا فردة داير ترابي والشعب سيادتو بين قوسين أو أدنى من الهلاك!؟
__
يا نادر سيادة البلد في محك حقيقي، يا تمشي الجهاد يا كمان تطلع الفيها النصيب، ما تبقى لي زي كيكي طابور خامس، حلو لسان وقليل إحسان..
| |
|
|
|
|
|
|
|
|
|
Re: حيا على الجهاد (Re: Yassir Tayfour)
|
ايمانا منا بالدور الجهادي المقدس الذي يلعبه اخواننا مجاهدين الكلمة الاشاوس ..
ولمعرفتنا ان ما يعوقهم عن الكر والفر في ميادين الوغى هو قلة الزاد ..
قررت مجموعة خيرية التبرع بعدد 112 علبة تونه خالية الدهون للمحافظة على رشاقة المجاهدين..
و عدد 68 خنجر مسموم كاBonus
تهليل ..لا الله اله الا الله ..تكبير ...الله اكبر ..
| |
|
|
|
|
|
|
|
|
|
Re: حيا على الجهاد (Re: Nader Abu Kadouk)
|
والله يا شيخ ياسر ويا اخوان سبقتونا بي خطوة كبيرة
لكن عوجات مافي تب انحنا بنسد الفرقة ونقضي الجانب
التانى وح نعمل (نفرة لاهاي) ونجهز إي مجاهد تم اسره
من قبل الفرنجة والفرنسيس والانجلو ساكسون ومرجعنا في
ذلك أن المجاهد يجاهد في كل المواقع حتي ولو كان حبيساً
فلنجاهد في نفرة لاهاي ومن وضع مثقال ذرة له اجر جبل من
المغفرة والرحمة ومن وضع قنطار فملك الدنيا ومن فيها .
ونفرة لاهاي من اجل نصرة الجهاد
| |
|
|
|
|
|
|
|
|
|
Re: حيا على الجهاد (Re: العوض المسلمي)
|
ياود طيفور
صباحك بقدونس
انا عاجباني اغنية النار ولعت
وفي النار ولعت مقتنع بي حاجة جميلة فيها بتقول
وروني العدو واقعدو فراجه
من هذا المنطلق ياحبيبي ياهوو دااااك العدو اشكع عليهو بعد ماتخلص اعمل لي مس كول لووول يكه
والجهاد فرض كفاية لكن ممكن يكون فرض عين في حالات
تحياتي
زاتوووو
| |
|
|
|
|
|
|
|
|
|
Re: حيا على الجهاد (Re: ALZOLZATOO)
|
ياسر
مشتاقين
انا علي الجبهة الاسترالية
كلهم يدفعوا ..
مهاجرين واوزو .. وابوريجنال زاتم يدفعو!
واعدننا مؤونة عام من لحم الكنغر!
بس منتظرين فتوى شرعية
| |
|
|
|
|
|
|
|
|
|
Re: حيا على الجهاد (Re: خالد العبيد)
|
ود العبيد..
الكنغر ده لحمو حلال ولا بيلعب الميسر؟؟؟
غايتو للضمان كده رسل لينا عشرين فروَّة خروف إسترالي ضنبو قصير التيلة، عشان الصلاة وكده، لكنmake sure الخرفان مزبوحة بالطريقة الإسلاميَّة القوميَّة..
| |
|
|
|
|
|
|
|
|
|
Re: حيا على الجهاد (Re: ALZOLZATOO)
|
ذاتوو..
| Quote: وروني العدو واقعدو فراجه |
فراجَّة وين؟؟
لو إنت مع السيادة الوطنية ورمز الدولة، إذن الجهاد فرض عين عليك، حتى لو كنت أعشى، ولكن لو كنت من جماعة العدالة الدولية، وبتحب الكرة الأرجنتينيَّة، إذن النضال عليك فرض كفاية، إذا قام به أوكامبو سقط عن الباقين
__
ذاتو، إنت مُرطب، أدفع متين، وجزاك الله خير..
| |
|
|
|
|
|
|
|
|
|
Re: حيا على الجهاد (Re: العوض المسلمي)
|
العوض..
| Quote: اها ياياسر المائه دولار يستلموها منك كيف ؟؟؟؟ |
العوض أخوي، إنت الـrecession ضرب الكرين ولَّ شنو؟؟ إنت مفروض تستقبل المجاهدين الجايين من برة في المطار، توديهم على قندهار، عشان يأكلوا الشيَّة الأخيرة، وتصورهم، وتستلم وصاياهم، و ننتظر معتصم محمد صالح يجيب خبرهم، عشان نوزع ليهم النتائج والشهادات والعمل الصـ/طالح..
___
سوق معاك وهبَّه، لو إحتجت ليك لي مشورة أوخط رجعة، بحول ليك رصيد..
| |
|
|
|
|
|
|
|
|
|
Re: حيا على الجهاد (Re: سفيان بشير نابرى)
|
النابري..
ياأخوي إنت يساري، لا دين ولا مال..
يعني: لوجاهدت بي رقبتك ما اظن تلم في الجنة خليك من الفيها من أنهار وحور؛ ويساري مفلس ما عندك طريقة تجاهد بمالك، لكن عشان معزتك عندي خليك قريب، البفضل من زاد الشهيد بنلفو ليك في خرتايَّة كمؤلفة قلوبهم
___
سوفي، ياخ مشتاقين!
| |
|
|
|
|
|
|
|
|
|
Re: حيا على الجهاد (Re: Nader Abu Kadouk)
|
يا ود أبوكدوك..
الجماعة الإستشهدو أيام الترابي، ما فيهم زول رجع عشان يورينا حقيقة الحور العين، وكيف الزول يحنك ليهو حوريَّة عيناويَّة ولَّ إن شاء الله من رأس الخيمة، واحد من الشهداء الترابي عقد ليهو على واحدة حوريَّة وربطو ليهو القسيمة في طرف الكفن، ما عارفو يا ربي هسي لمَّ فيها و لَّ لقاها عرست ليها واحد من شهداء بدر..
____
كوز شهيد دخل الجنة، جاتو حوريَّة، ما عرف (يكلما)، قال ليها دي كديستكم؟؟
| |
|
|
|
|
|
|
|
|
|
Re: حيا على الجهاد (Re: حسين نوباتيا)
|
نوباتيا..
تتذكر القرود الكانت بتجاهد في الجنوب مع أخوانا المجاهدين؟
المرة دي دايرين قرود أرجنتينيَّة بتجضم الكفر عشان تكشف لي عمر طريقة لعب أوكامبو..
____
يازول إنت عليك البلح؛ قالو المجاهدين الليل كلو متغتيين تحت بطاطينهم ويقرشو في القنديلة والبركاوي، الليل كلو كرش كرش كرش..
| |
|
|
|
|
|
|
|
|
|
Re: حيا على الجهاد (Re: osman righeem)
|
| Quote: غريبة ممكن بكل بساطة يقول ليك: موتى مقابر شرفي وفاروق يبايعون الرئيس، دون ان يرمش له جفن.. |
لوووووووووووول والله أصبت المجاهد ده في مقتل يا ياسر طيفور، مبالغة لكين، أناعن نفسي وتجاوباً مع مشروعكم الحضاري هذا، بتبرع أجهز جماعتنا الهنا، ومنهم صاحبك غريبة ده ومعاهو ودالباوقة ومجموعة طيبة من الدبابين ممكن تنفذ عمليات حسب الطلب في العمق الآسيوي وأطراف أوربا حتى تخوم هولندا لكن ما بقدر أضمن ليك الجامعة ديل بالرغم من ذلك يصلوا لاهاي لأنو جوازاتهم ما مؤشرة، فلو حليتو لينا مشكلة التأشيرات حتشوفو شغل نجاض.
تكبير
| |
|
|
|
|
|
|
|
|
|
Re: حيا على الجهاد (Re: نادر)
|
جيناك تاني يا ياسر بي خبر عاجل للتنسيق مع الجماعة ديل
Quote: أهدار دم «أوكامبو» و«خليل» و«عبد الواحد»
الخرطوم: آخر لحظة
أعلن تحالف الحركات الجهادية الإستشهادية عن تنفيذ 250 عملية جهادية استشهادية ضد الدول الداعمة لقرارات المحكمة الجنائية الدولي في عقر دارها وخارج التراب السوداني، وبشّر التحالف ربائب الإمبريالية العالمية وعملاء الـ «C.I.A» في فرنسا وبريطانيا وأمريكا بـ11 سبتمبر أخرى .
وأهدر التحالف في بيان أصدره أمس دماء لويس مورينو أوكامبو مدعي عام المحكمة الجنائية الدولية ود.خليل إبراهيم رئيس حركة العدل والمساواة المتمردة وعبد الواحد محمدنور رئيس حركة تحرير السودان المتمردة ووصف الأول بالذميم والأخيرين بعملاء الصهيونية والخارجين، وأوجب ملاحقتهم وتنفيذ حكم الله فيهم أينما حلّوا .
وأوضحت الحركات الاستشهادية والجماعات الجهادية الموقعة على البيان والمتمثلة في جماعة الشهيد أبو قصيصة الإنتحارية والتي وقّع عنها محمد أحمد أبو قصيصة، جماعة أنصار الله الجهادية السلفية، التي وقع عنها ابو مدين علي الشيخ، جماعة الباحثين عن الشهادة عنها الطريفي عبد الرحمن خالد .
جماعة لواء الشهيد علي عبد الفتاح عنها يوسف عبد الرحمن مرفعين ولواء أسود دارفور عنهم موسى هلال، أوضحت أنها اجتمعت عقب صدور قرار الجنائية التي وصفتها بمحكمة الظلم العالمية وأصدرت التوجيهات التي تضمنت تكوين ألوية مشتركة تحت قيادة موحدة لإدارة الجهاد وتطهير دارفور من دنس ربائب الاستعمار الجديد والتنسيق مع كل الحركات الجهادية والتحررية في العالم أجمع لتنفيذ الأهداف الجهادية والتحررية، وبدأ التحالف بيانه بالآية القرآنية (وقاتلوا المشركين كافة كما يقاتلوكم كافة وأعلموا أن الله مع المتقين). - البقرة - وأعقبها بالآية (واقتلوهم حيث ثقفتموهم وأخرجوهم من حيث أخرجوكم والفتنة أشد من القتل) - التوبة . |
في البوست ده مجموعات جهاديّة تعلن عن إستعدادها لتنفيذ «250» عمليّة إ...ة ضد داعمي الجنائيّة
شوف ليك طريقة توقع معاهم ملحق من بيانهم ده عشان تنسيق الجهود وكده.
| |
|
|
|
|
|
|
|
|
|
Re: حيا على الجهاد (Re: نادر)
|
ياسر طيفور
جازاك الله ،، موتنا من الضحكـ
شايفاك مهمش اخوات نسيبة ، اخوات نسيبة ياجماعة دورهن شنو ،،
تضميد جراح///جاهزين
..
دفع معنوي///جاهزين
..
تجهيز شنط المجاهدين///جاهزين
///////////// آآآآآى جاهزين
| |
|
|
|
|
|
|
|
|
 Re: حيا على الجهاد (Re: Shamael Elnoor)
|
ههههههههههههههههههههههههه
ياسر ياخ إنت زول جميل جداً
ياخ جهجهت باكات غريبة بالجد
___________________
ماذا عن إخوتكم المجاهدين من جنوب الوطن؟ههههههههه
| |
|
|
|
|
|
|
|
|
|
Re: حيا على الجهاد (Re: الفاتح يسن)
|
| Quote: يازول إنت عليك البلح؛ قالو المجاهدين الليل كلو متغتيين تحت بطاطينهم ويقرشو في القنديلة والبركاوي، الليل كلو كرش كرش كرش.. |
دي بالغت فيها يا ابتفة.....
| |
|
|
|
|
|
|
|
|
|
Re: حيا على الجهاد (Re: حنين للبلد)
|
حنين للبلد..
حنين إنتي مرتاحة وما قاعدة تدفعي ضرائب لحكومتنا الرشيدة، فعليك كفالة شهيدين، وتجهيز تالت إحتياطي، مع كامل نفقات زواجهم..
___
التصوير علي سرو
| |
|
|
|
|
|
|
|
|
|
Re: حيا على الجهاد (Re: الفاتح يسن)
|
الفاتح يسين..
كمان يا الفاتح ما تقول الصيف على الأبواب..
__
إيه رأيك تلحِن لينا "في حماك ربنا في سبيل ديننا" وتوزعها لينا في سلم تُلاتي!؟
| |
|
|
|
|
|
|
|
|
|
Re: حيا على الجهاد (Re: شول اشوانق دينق)
|
شول يا جلابي..
مرة ناس الجيش الشعبي قبضوا ليهم واحد أسير من أخوات نسيبة، وقعد يتجرس، أنا والله جابوني غصباً عني، وأنا خدمة وطنيَّة، أنا مجبور، وطبعاً الدِقينة ما دقينة زول جايبنو بالغصب، ديقينة زول يا شهادة يا وظيفة، أها واحد من الجيش الأحمر قال ليهو: -بلهجلة عربي جوبا- مالي أراكي تكرهين الجنَّة | Quote: ماذا عن إخوتكم المجاهدين من جنوب الوطن؟ |
أجي يا شول! إنت ما عارف أوكامبو مسيحي! وداير تجاهد في أخوك في الدين؟؟ كمان داير تبقى زي ناس الجبهة يجاهدوا في أخوانهم في الدين؟؟؟
| |
|
|
|
|
|
|
|
|
|
Re: حيا على الجهاد (Re: Shamael Elnoor)
|
شمائلنا..
أخوات نسيبة الله يطراهن بالخير، ما قصرن في جهجهة المشروع المتأسلم الحضاري، كانت المرأة حينما تذهب للجهاد، تذهب بمعيَّة محرمها، ولكن أخوات نسيبة ذهبن إلى جنوب البلاد في رِفقة أمينة، ولكن بالرغم من ذلك رجع بعضهن بلا أمان، والله ينتقم من الكان السبب.. لكن المرة الجهاد حول العاصمة، لا بتحتاج مُحرِم ولا رفقة أمينة..
__
هسي إنت يا شمائل معانا ولا مع أوكاندا أقصد كامبو؟؟؟
لو معانا جهزي خبيز عرس الشهيد، ولو مع التانين تعالي يدينكن فاضيات..
| |
|
|
|
|
|
|
|
|
|
Re: حيا على الجهاد (Re: نادر)
|
جهاد مين يا نادر،
المتأسلمين السودانيين ديل اكثر ناس تعلقاً وتشبثاً بالحياة، دينهم لإقصاء الآخر حتى تخلى لهم الدنيا بمن فيها، من حلويات -المؤمن حلوي- ومثنى وثلاث ورباع، زول جل تفكيره لإشباع شهوتي الفم والفرج، تفتكر إنو ممكن يفكر في الموت الفجائي ساكت خليك من أن يسعى له!؟
__
الأيام سوف تثبت لك أن كل هذه الجعجعة ماهي إلا -حالة هاشميَّة- غير مبررة، لا يسندها منطق ولا عقل، ونحن كدأبنا الأحداث تزيح بعضها البعض، بكرة دي لو جدَّ حدث جديد، الناس تمسك فيهو وتنسى البشير وأوكامبو، عقولنا مساحاتها محدودة لا تسِع أكثر من حدث at the time..
| |
|
|
|
|
|
|
|
|
|
Re: حيا على الجهاد (Re: نادر)
|
أبا محمود، نادر..
عمك غريبة يُخيَّل لي فكرة الرجل الآلى مأخوذة منو، الرجل لا يتأثر بمن حوله من أشياء (بيئة وطقس وكائنات)..
__
عليك الله يا نادر إتمعَّن في عضويَّة الجبهة الإسلاميَّة ومسمياتها في المنبر ده وطلِع لي واحد ما فيهو/ عندو defect.. ربنا سبحانه وتعالى خصَّاهم بقصور بائن لكل ذي مقدرة على فك الخط؛ قبل فترة في واحد ذكر إنو مافي كوز مبدع، ولو نظرت لمن حولك من كيزان، لن تجد منهم مبدعاً أو متفرداً -في أي مجالٍ كان-، إلا البلادة ومشتقاتها، فنحمد الله الذي عافانا من ما إبتلاهم به وفضلنا عليهم تفضيلاً، وحقاً أنهم أهل البلاء والوباء والنقائص..
| |
|
|
|
|
|
|
|
|
|
Re: حيا على الجهاد (Re: osman righeem)
|
رغيم..
Quote: موتانا في الجنه
واحياءهم في لاهاي |
وشهدائهم أحياء يرزقون ولبنات الحور حاضنون..
__
واحد بلدياتنان، إستشهد وعلملو ليهو عرس شهيد التقول مغترب، خطب الوالي في الحضور وأقسم بالله أنه ليلة البارحة رأى بلدياتنا في الجنة، وأنه الشافع لكم، أفرحوا، وهنيئاً له الشهادة، والعبطاء يهللوا ويكبروا، والعبيطات يزغردن، المهم إنفض المأتم/العرس وتفرق المعزيين والمهنين، كل على قدر حزنه وجهله، بعد إسبوع بالكمال والتمام يرجع بلدياتنا المابيغباهم، اول زول لاقاهو، يازول إنت حي! إتحمدن ليهو السلامة، وقال ليهو الوالي قال شافك في الجنة، ثم أردفَّ، يازول نعل ما أكلت من الشجرة الأكلت منها أمنا حواء .. شوف بالله كمية السخريَّة دي، هسي بلدياتنا ده مسؤول كبير في ولايَّة نهر النيل..
| |
|
|
|
|
|
|
|
|
|
Re: حيا على الجهاد (Re: Tabaldina)
|
شيخنا ومولانا
وزعيم تمردنا على نفسنا
المجاهد الجسور
ياسر طيفور
أبو شعفور ..
اقصد(ابو مرزوق) بتاع الشفاتة.. والرزق من الله
أنا زعيم تنظيم القيامة قامت بالسودان
أحذرك وكل رعاياك السائبة وخلاياك النائمة
من تدنيس الدعم المعنوي واللوجستي
الذي يستمتع به السودانيون هذه الايام
وأحذرك من ورعياك من العبث بالمجاهدين في السودان
أو لمس شعرة واحدو من تراب وطن الدبابين (افهمها باي طريقة عليك الله)
وإلا سنسخر دباباتنا لتمشي على راسك المحفر
فتجعل شعره كالجبن المضفر
وقد أعذر من أنذر
ولك العتبى أوالطوفان .
أخوك في الجهاد
ابو طايوق اللايوق
| |
|
|
|
|
|
|
|
|
|
Re: حيا على الجهاد (Re: الزنجي)
|
الزنجي..
الزنجي، بصراحة كده مداخلتك تشيئ بأنك أعددت العدة لتفجير نفسك، فأرجوك كأخ في الله وفي المنبر بأن لا تُفجر نفسك بهذا البوست، نسبة لوجود بعض الحناكيش، وأنا ذاتي لا أطيق رؤيَّة الأشلاء البشريَّة
| |
|
|
|
|
|
|
|
|
|
Re: حيا على الجهاد (Re: داليا حافظ)
|
Quote: النابري..
ياأخوي إنت يساري، لا دين ولا مال..
يعني: لوجاهدت بي رقبتك ما اظن تلم في الجنة خليك من الفيها من أنهار وحور؛ ويساري مفلس ما عندك طريقة تجاهد بمالك، لكن عشان معزتك عندي خليك قريب، البفضل من زاد الشهيد بنلفو ليك في خرتايَّة كمؤلفة قلوبهم
|
ياعمك سبدارات وناس كتااااار تحت قبة البرلمان ده وامس كانو مالين هيكوتا وفورتو وبارنتو وما يدوك الدرب هسي يافطاتهم تقول يا غربتي بقت علي أنا ده ؟!
اتصلح معانا ياخ وبطل دلقنه يا كُهنة والا بنادي ليك عسيكرك داك يدرشك !!
ـــــــــــ
| Quote: سوفي، ياخ مشتاقين! |
قوم لف كده والا كده قال مشتاق قال
ياخ قلنا ليك انشر الكلام داااك عملته
في عوير المنبر !
| |
|
|
|
|
|
|
|
|
|
Re: حيا على الجهاد (Re: سفيان بشير نابرى)
|
غايتو يا اب تفه ..
قطعت مصاريني بالضحك ..
ياخ اسمع ..
انت مش معارض برضو ؟
اشمعنى ما بيجوك ناس الامن الالكتروني ؟
اتفق مع وهبة ده يجوط ليك بوست يا عمك عشان ترفع اسهمك شوية
شمايل :
| Quote: ///////////// آآآآآى جاهزين |
تجي نطلع الغارة دي سوا ؟
| |
|
|
|
|
|
|
|
|
|
Re: حيا على الجهاد (Re: ابراهيم عدلان)
|
إبراهيم عدلان..
يا شقيق، بإعتبارك طيّار، إنت أكتر زول ممكن يساهم في الدفاع عن الرئيس بطريقة فعالَّة، لأنو الحرب المرة دي، حرب جو وطير أبابيل..
__
لكن مشكلت طابور خامس..
| |
|
|
|
|
|
|
|
|
|
Re: حيا على الجهاد (Re: حمور زيادة)
|
حمور زيادة..
الشقيق حمور، إنت خليك مع التوجيه المعنوي، لأنو لسانك طاعم، وعسى أن يهدي بك الله someone..
__
وكمان جابت ليها تايفويد، يا زول توجيه معنوي، ومن منازلهم كمان..
| |
|
|
|
|
|
|
|
|
|
Re: حيا على الجهاد (Re: سفيان بشير نابرى)
|
سفيان بشير نابري..
سوفي إنت حاكد يا قول رحمة، ومُضِر كمان، داير تخرب لي علاقاتي، وموضوعك داك لو رسلتو بالبريد، بجيبوهو ليك راجع لأنه أكيد حيخرب علاقة البريد بالمستلم ويفقد بذلك البريد زبوناً، قطع شك، وبالله بطل حقارة، أنا مازلت عند رأيي، جهادك ما دايرنو، تماشياً مع رأي الأئمة حول التعاون مع الشيوعي
| |
|
|
|
|
|
|
|
|
|
Re: حيا على الجهاد (Re: عمر التاج)
|
عمر التاج..
عمر يا صاحب إنت داير تحسِن وضعك، وحركات الجيش دي ما بتنفع معانا، لو داير تجاهد وتستشهد عن جد، ممكن نساهم معاك بي طلقة لا يتعدى ثمنها شِلِن قديم..
| |
|
|
|
|
|
|
|
|
|
Re: حيا على الجهاد (Re: عزاز شامي)
|
عزاز شامي..
خمسة دولار يا مفتريَّة، هسي عليك خمس ضورارك دي بتعالج الفار العضاهو الترابي في السجن؟ إنت مُرطبة، فعليك كفالة وتجهيز شهيد واحد-من قوت البلد- من مجاميعو(زوادة وعرس وكفن وكرفته) مع تذكرة بالباخرة one way من جدة لبورتسودان..
| |
|
|
|
|
|
|
| |
Yassir Tayfour
osman righeem
حيدر حسن ميرغني
Marouf Sanad
عبدالكريم الامين احمد
محمد الجيلى
عبدالوهاب علي الحاج
سارة علي
saif massad ali
Adil Hamza
Nader Abu Kadouk
حسين نوباتيا
سفيان بشير نابرى
العوض المسلمي
ALZOLZATOO
خالد العبيد
شول اشوانق دينق
الفاتح يسن
عمر التاج
داليا حافظ
الزنجي
حمور زيادة
ابراهيم عدلان
فيس بوك
تويتر
انستقرام
يوتيوب
بنتيريست