|
|
|
 Re: المريخ يعلن عن شعاره الجديد والشركة الراعية لخوض موسم 2009 (Re: zico)
|
مدام المريخ ما عاجبك وشمتان فيهو كده مسمى نفسك zico ليه؟
ياخى رواكيب الهلال ما كتيرة إختار اى اسم من أسمائهم
بعدين يا اخ زيكو انت هنا عضو من متين ،انا هنا لى قرابة ال5 سنة يشهد الله انا اول مرة أشوفك
يظهر انت ما بتجيبك الا الفارغة.
كدى خلينا من بطولة أبطال العرب دى اصلو دى الفيفا ما معترفة بيها ، أها انت عندك لينا شنو جديد فى بطولة الاندية الأفريقية؟
صدقنى لو ده حال الهلال مصيرو يكرر الإنسحاب
بدل ما تقعد تبارى لى الفارغة أفتح ليك بوستات ترفع من روح لعيبة الهلال المعنوية.
عشان ما تجو بعيدن تتبكو.
انا،،،
| |
 
|
|
|
|
|
|
|
 Re: المريخ يعلن عن شعاره الجديد والشركة الراعية لخوض موسم 2009 (Re: walid taha)
|
زيكو الغالي
كل سنة وانتو طيبين وبالف هنا وسعادة
فاقدنكم ياخ شديد
سلامنا لهوزي الغالية
__________________
وليد طه سلامات
ياخ زيكو دا مابقولو ليهو كدا
اولا راجل فاضل جدا ومحترم
وهو من الناس القدام فعلا
كونه يكتب ولا تلاقيهو ولا ماتلاقيهو ولا ماشفتو قبل كدا دي مامشكلته
زيكو في المنبر دا واتزوج زميلة من المنبر هنا
الاتنين ليهم الاحترام والتحية
أي نعم السبعة حارات لكن ماللدرجة دي
شخصيا لو مابعرفك كويس ياوليد مابقول ليك الكلام دا
حاجات كتيرة بتجصل في البورد وقلة قيمة من البعض تجاه البعض الاخر لكن مابتدخل فيها
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: zico)
|
حبيبنا عباس اسد الجات
كل عام وانت بخير والقابلة حاج انشاء الله
ياحبيبنا وليد زيكو ده من زمن البورد كان بيشتغل بالفلوبي دسك لووول يكه بعدين ابو الزيك ده كان الناطق الرسمي باسم بورداب الامارات ومتحالف مع قطر لووول بس بعد العرس بقى شعب واحد جيش واحد.
يازول ا نا مريخابي والمريخ مابطال بس الحارس احبط اللعيبه ويسدوها من هنا يقدها من هنا الله غالب
بعدين زيكو مسمي نفسو على زيكو البرازيلي مازيكو بتاعنا
يا ابو الزيك بالله تحياتي الخاصة لي جارك في المكتب
زاتوووو
| |
|
|
|
|
|
|
|
|
 Re: المريخ يعلن عن شعاره الجديد والشركة الراعية لخوض موسم 2009 (Re: ALZOLZATOO)
|
| Quote: لووول بس بعد العرس بقى شعب واحد جيش واحد. |
وإنت بالطريقة دي بقيت قوات هجين .. يكــه.
يا وليد .. روح بدخـانك ...
..أبو الزيك .. وليد دا من عندينا في الرياض .. بنعرف بعض من (سبعة)  سنة شفت كيف..؟ التحايا لي هوزي ..
عباس ... ياخ خلاص ما تحكوهــا مع اخوانكم ديل .. خليكم إنتو الكبار
رايوة ..
وين يا شينة..؟
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: abas)
|
أولا لا بد من تسجيل حقيقة
وهي أنّ المريخ مهزوم بفارق هدف واحد فقط
النتيجة في الخرطوم 3-1 لصالح المريخ العظيم وفي عمان 7-4 لصالح الوحدات في ميدان المستنقعات
يعني الحصيلة 8 -7
بعدين لو على الشعارات الجديدة أنا أنصح فريق الزريبة أن يسعى قصارى جهده لنيل دعم لجنة GROUND ZERO الجديد بنيويورك لتكون الشركة الراعية
او شركة مسحوق الغسيل هذا
You Running, You Running AWAY But You Can't Run Away From Your Destiny
الجري دا ما حقّ المريخ حقّه النزال في الميدان وحديد يلاقي حديد
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: محمد البشرى الخضر)
|
محمد البشرى وكل الرشاشة خلو الفصاحة من تحت الملاجئ والملاذات
تعرف لو ما كان قتل النفس حرام كان قلت ليكم أي واحد يمسلك ليهو مسدس ويصوّبوا على راسو
وطااااخ
يا أخي الهروب يوم اللقاء دا ما في أجبن منو ولا أخذى منوا وعاااااااااااااااااااااااار عديل كدا
اما المتحاربين فديل ناس فر وكر والنزال دول يوم لك ويوم عليك
لكن توموا جاريين جرى الجبان من القط ... يا رويتو لو أسد
دي كتيرة شديد
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: Frankly)
|
| Quote: يا أخي الهروب يوم اللقاء دا ما في أجبن منو ولا أخذى منوا وعاااااااااااااااااااااااار عديل كدا |
كلام سمح شديد
مقروءاً مع داQuote: أي واحد يمسلك ليهو مسدس ويصوّبوا على راسو
وطااااخ |
يلّا يا ابو الشباب إنت و كل السبيعاب تدونا الطااااخ دي
يا عزيزي أظن ما وقع ليك كلامي الفوق عن زيكو تمام
ما مشكلة أعيدو ليك حبة حبة
قاليك يا معلم سنة 96 - أظن - في الدوري الممتاز الزعيم طقطق السبيع 4/1 في الدورة الأولى كانت فضيحة طبعا
اها الدورة التانية في استادكم و حالتكم شلش لدرجة زيكو راس الحربة اليوم داك لعب سيرباك - تصور
دا كلو عشان يمسك المرحوم والي الدين
اها يا داب ما الحكم صفر و لسة الناس ما قعدت في كراسيها النتيجة كانت إتنين للزعيم
بعد شوية قوم يا زاهر مركز ادخل بالكورة منطقة جزاءكم
وهاك يا مراوح و حي ووب بي ناس حاتم محمد أحمد , ما لقوا طريقة غير ضربوه الحكم حسبها بلنتي
لا حظ بلنتي في نص الشوط الاول و الزعيم متقدم باتنين يعني فكرك دي كانت ح تقيف على السفن آب
دي شكلها كانت حتكون سيك راسو عديل
المهم يا عمك قوم يا زيكو راسو والف سيف ما يتشات البلنتي, يا ود الناس , لأ ستين يمين , يا عمك كدي روق , لا علي الطلاق , يا حاج .... و هكذا
بعد شوية قوم يا زيكو وشيل الكورة و اتقدل امرق بيها و الحكم يعاين و اللاعبين و الجمهور و جهازكم الفني و إدارتكم
اها يومها ظهر و للمرة الأولى - أعتقد - هتاف واي واي ما دايرين
اها يا حبيب إحنا وإن جرينا من الجزائري يكفينا فخرا إننا جرّيناك من قدامكنا عديل كدا و في ميدانك
في مذلة و عار أكتر من كدا
بالجد حالة سبعة - سوري - صعبة
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: zico)
|
| Quote: كدى خلينا من بطولة أبطال العرب دى اصلو دى الفيفا ما معترفة بيها ، أها انت عندك لينا شنو جديد فى بطولة الاندية الأفريقية؟ |
هههههههههههههههههه
انتا زعلتا يا دكتور
عليك الله يا ابو الزيك ادي وليد طه دا تاني اتنين من النوع دا خليه يجي يبرطم هنا
و الله يا وليد ذكرتني كلامك الجم البحر يوم العيد و شابكني المريخ بقي شنو و المريخ وصل شنو و المريخ بل بل بل بل
لاعبينكم بلعوك كلامك بي السباعية دي موش
قال الكورة السودانية بقت احادية القطب قال
| |
|
|
|
|
|
|
|
|
|
Re: المريخ يعلن عن شعاره الجديد والشركة الراعية لخوض موسم 2009 (Re: خالد عبد الله محمود)
|
ما مشين ..ولو قالولنا ..
هلالكم ما شبه اتنين
ما ماشين ..ولو نرمى البلد
فى الطين
ما مشين ..وبي الطياره ما مسافرين
مع سطيف..لا نتلم فى ميدان
ولا يجمعنا يوم ...انسان
وما دايرين
ما نحن ارباب.. ونحن عباب
ينخر فى البحر كوره
نجوط اللعبه ما عارفين
نتغلب ..فى البلد عادي
بس ما مشين
حلفنا طلااااق..وحاتكم كان الارض
تنشق ..والفضيحه تجلجل فى السما العربي
لو سألونا ليه منسحبين
ما نحنا اسياد حق
منو البقدر يغالطنا
وحرم ..ما بنلعب
رجاله ..ولا حناسه
ما بنلعب
وهاكم دى اسبابنا .
نحن كنا مفتكرين
انو الغلب كان فى الايد
وكنا .. مرتاحين
فى القهوه شيشنا
اصلوا سطيف كان مضمون
واتسنفكنا ..بى قونين
واتفاكرنا مجتمعين
وقلنا . فى معلبنا
كان الكان
اخير يا الهلال تقعد
وما تمشي..تشوف الويل وغلب كمكان
وما ماشين
__________________
| |
|
|
|
|
|
|
| |
ALZOLZATOO
walid taha
Rawia
abas
Zomrawi Alweli
tmbis
Frankly
محمد البشرى الخضر
حمد فتح الرحمن
خالد عبد الله محمود
Maawya Hussein
فيس بوك
تويتر
انستقرام
يوتيوب
بنتيريست