هذا البوست سوف يكون توثيقا لكل ماكتب عن امدرمان من شعر ونثر وقصة وابت نفسي الا ان تزيينه هذه القصيدة لعاشق امدرمان الشاعر سيف الدين الدسوقي ابن حي العرب الاصيل
< width="425" height="344">
07-03-2008, 06:59 AM
Mutwali Malik Mutwali Malik
تاريخ التسجيل: 12-08-2005
مجموع المشاركات: 2720
الشاعر الفاتح حمدتو عشقنا ترابا يا سودان زرعنا أمامنا في الأركان رسمنا حروفا بالألوان و كنا وكانت أم درمان عزيزة و غالية يا أم درمان
شعار شلناهو جيل عن جيل شعار ما بقبل التأويل سلام ممزوج بموية النيل بنور قرآنا و الإنجيل كتبنا فصولو في أم درمان
بديتي الوحدة بالأرحام و كنتي منارة الإسلام قبايل نحن عشنا كرام مع الأقباط هنود و شوام قسمنا اللقمة في أم درمان
و نهر النيل سعيد لاقاك وكان يا أم در بدايتو معاك نتوه في الدنيا ما بننساك و نرجع تاني ليك نرعاك نصون العشرة يا أم درمان
شتات الفرقة طعمو مسيخ أريت لو يرجع التاريخ تقيد نيرانا قبة و شيخ هلالنا يعانق المريخ نقول للدنيا دي أم درمان
تكون جلستنا جنب النيل تدق النوبة حمد النيل نشيل ألواحنا للترتيل و نمشي هناك نقيم الليل نضوق العافية في أم درمان
حضنتي خليل وود بطران وفيكي كرومة عاش فنان طربتي مع الأمين برهان و صوتك عم كل مكان إذاعة تقول هنا أم درمان
سلام للرقدو في البكري أمان في شرفي من بدري تروم ارواحنا ما بندري و ريدتك في العضام تسري محبة شديدة يا أم درمان
سلام يا أم در عظيمة الشان سلام يا أم در أرض شجعان سلام يا أم در كرم حيشان سلام يا أم در عشا الضيفان سلام يحميكي يا أم درمان سلام ينجيكي يا أم درمان سلام يا درة السودان
07-03-2008, 07:05 AM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
الشكر موصول للاخوان احمد عبدالله علي قصيدةالشاعرة سعدية عبدالسلام الجميلة نحبك والله يا امدرمان وطبعا مافي ليك بديل وزي ماقيل زمان فيك هو امدرمان تخش بي حمار تسوي حصان هو امدرمان تنوم بردان تقوم دفيان يهل سعدك ويدوم مجدك ولا قبلك ولا بعدك ام الدنيا امدرمان ام الدنيا امدرمان وكذلك الاخ عادل سهل
Quote: فهل سنقرأ قصيدة أم درمان تحتضر للشاعر الدكتور محمد الواثق
ومن اروع ماكتب عن امدرمان قصيدة عمي المرحوم الفنان احمد عمر الرباطابي امدر ياربوع سوداننا نحييك وانت كل امالنا في غربك عروس الرمال وفي شرقك اية جمال جنوبك واسع مجال ياحلات رطبك في الشمال اهديها لكم بصوت فرقة عقد الجلاد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutwali Malik
Ahmed Abdallah
عادل سهل
فيس بوك
تويتر
انستقرام
يوتيوب
بنتيريست