|
|
 يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!!
|
أصلها بايظه وخربانه ...... قلت أخير نفرق معاكم بعد ما بكرى قص البورد وخلاهو ( جكسا فى خط سته)
قلت أخير أفتو .....
رايك شنوه يا أستاذ السنى ....
د. نجاة محمود لم تكن كوزه لكنها كانت صديقة للمكوزه
سلمى الشيخ سلامه كانت تقدمية ديمقراطية لكنها كانت ....أقول
كارلوس ....ما كان شيوعى ولا حاجه ولا كوز لكنه كان مستقل ...والمستقلين هم الخستقو بالمعهد
.....
أنا كنت كوز كبير ومعفن لسنة واحده..........
السر السيد كان كوز لكن مقدود...........
أواصل
|
|
 
|
|
|
|
|
|
|
 Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: HAMZA SULIMAN)
|
| Quote: انت متأكد انك كنت كوز لمدة سنة واحدة ؟؟؟؟؟؟؟ |
حمزةسليمان الفنان
ازيك وتانى ازيك
مشتاقين ياخ
عارف قور دا بقى زى كوزالكنافة
شفت كوزالكنافة عامل كيف ؟
مش مخرم
اها دا قور
يا قور ياخ فكنا بلاكوز بلا بتاع
هسى انت دا شبهك دا شبه كوز ؟
والله لو كانوا الكيزان زيك كان كلنا بقينا لامؤاخذة كيزان
ياخ امشى ياخ
ربنا ياخدك وياخد الكيزان معاك
ما زعلانة لكن محتارة فى (الفته ) القلتها دى
بعدين يا كوز اقصد يا قور
متين كنت تقدمية ؟
عليك امان الله متخلفة (بمظاج) زى مابقول صاحبنا هشام هبانى رده الينا سالما
المهم ياقوراحكى لينا الحاجات الفاتتنا خلال الكم سنه
بدل الدواس الداير تدوسنا ليهودا
ياخ مشتاقة لربيع (السمح) والسر السيد الجمالى
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Abuelgassim Gor)
|
اما سوزوكى فهى الهام بابكر الرشيد
زوجة اخونا مصطفى احمد الخليفة
وسبب التسمية انها
كنا معا انا وهى نقف فى باب المعهد قدام قسم الموسيقى
وتلك الايام يا قور لم تكن انت بعدطالبا فى المعهد
كان زميلنا وصديقنا محمد مصطفى او الطيب ابراهيم بانقا
او او بليغ
ايهم تشاء
كان يريد ان يرتبط بالهام
وما كانت تعبره العبرة
(مكجناهو )
بالعربى
اليوم داك الح عليها ان تكون صديقة حتى
لكنها قالت بالصوت الكبير (صوتها طبعا ضخم جدا )
ـ يا اسمك شنو انت ياخ ابييييييييت مادايرة معاك
لحظتها جاء مبارك المراسلة فى المعهد وكان عنده موتر سوزوكى
قام محمد مصطفى او ايا كان اسمه فى تلك الايام قال ليها
ـ امشى القصيرة دى
فردت عليه
ـ مالك ومالى انشا الله ابقى طول موتر مبارك السوزوكى دا
ومن يومها لبس الاسم الهام بابكر الرشيد
اها محمد مصطفى دا كمل المعهد بتلاته اسماء
كل مرة بمشى المحكمة يغير اسمه
دا خارج القوس يا قور
اما سوزى
فهو جمال محمد احمد الذى اشتهر فى المعهد بسوزى
(كنت مربته )لمن دخل سوزى المعهد
ولمن جا المعهد
كانت اول مرة يجى فيها الخرطوم من بلاد الواق واق فى غرب السودان
ولا يعرف فى الخرطوم مثقال ذرة
المهم يا سيدى كان بجى من الثورة لغاية المعهد
كدراوية
شفت كيف ؟
لمن جينا لامتحانات الدبلوم
مش دفعتنا الدفعة الكانت متخرجة حينها
ديل ناس دفعتى
(يحى فضل الله ، شادية مغازى ،طارق فريجون ، الناظر عبد الرحمن قسم الله
عادل السعيد، حياة طلسم ، عوضية منير ، مريم على التوم ، النجاشى صلاح الدين ، محجوب محمد احمد ،احسان محمود اول طالبة تتخصص ديكور ، الهام بابكرالرشيد ، جلال بلال )معليش خانتنى الذاكرة
المهم يا سيدى كنا كونا مجموعة عشوائيا تصادف اننى كنت فيها
بنوم فى السطوح
بنستحم فى حمامات المعهد
شنطنا محشية هدوم ومذكرات ونصوص
بنوفر للخريجين كل الديكورات
معانا احمد النجار والترزى (نسيت اسمه )
وكنا بالاضافة لطلاب كلية الفنون والمطاليق من ناس جامعة الخرطوم
رحمة الله على عادل سليمان
المهم تانى يازول
بجيب لينا عبد الحكيم الطاهر العشا (عشا الدبلوم )
مابنوم لغاية ما نتاكدبزعامةسوزىان الديكورات انظبطت
والازياء انظبطت
ياخ كانت ايام بطعم حقها براهو
اطرف موقف ما زال سائرا بين الخريجين
ان الناظر فى احد بروفاته
كان شاغل معاهو (طارق فريجون ، يحى فضل الله ، )ومجموعة تانية
المهم البروفة كانت سمحة عجبت ليك الناظر ايما عجب
لمن خلاس غلبوا الصبر قال ليهم
ـ اها خلكم فى مودكم النشربلى كاس واجيكم
ومن طرائف الناظر ايضا
انه كان رئيس للاتحاد وفى يوم كان فى حفل استقبال
طلع المسرح (وما كان متزوج حينها )
ـ يا طلاب على الطلاق باكر مافى مدرسة (هكذا )
ولمن جينا الصباح لقينا المعهد فاضى عدمان اسم الزول
ـ فى شنو ؟
قالو لينا الناظر عبد الرحمن قسم الله صرف لينا اجازة
عالم جميل كان يا قور
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: سلمى الشيخ سلامة)
|
يا سلمى
كيف أمسيتى ايتها الهطولة
التى تكتبنى حتى النخاع المستجاب
Quote: ـ يا اسمك شنو انت ياخ ابييييييييت مادايرة معاك
لحظتها جاء مبارك المراسلة فى المعهد وكان عنده موتر سوزوكى
قام محمد مصطفى او ايا كان اسمه فى تلك الايام قال ليها
ـ امشى القصيرة دى
فردت عليه |
صآآآآآآآآآآآآح تستاهلى جائزة فته...انتى التفاصيل دى بتحفظيها كده أصلو ريكوردر
ما تقولى البقارى سحرنى ....لكن عليكو النبى دا مخ دا ولا كميرا ديجيتال
طيب ( (
من الكجانه .....
طبعا هناك فرق بين الكجانه والمشك
دى خليها لحاتم ...أصلو هو زول خندريز وكتاب وشبطو بلاستيك وبنطالو بتاع جينز بقيف براهو من الوسخ
Quote: (يحى فضل الله ، شادية مغازى ،طارق فريجون ، الناظر عبد الرحمن قسم الله
عادل السعيد، حياة طلسم ، عوضية منير ، مريم على التوم ، النجاشى صلاح الدين ، محجوب محمد احمد ،احسان محمود اول طالبة تتخصص ديكور ، الهام بابكرالرشيد ، جلال بلال |
عليكم ألله دى دفعه دى ولا اقوم جارى
Quote: اما سوزى
فهو جمال محمد احمد الذى اشتهر فى المعهد بسوزى
(كنت مربته )لمن دخل سوزى المعهد
ولمن جا المعهد
كانت اول مرة يجى فيها الخرطوم من بلاد الواق واق فى غرب السودان
ولا يعرف فى الخرطوم مثقال ذرة
المهم يا سيدى كان بجى من الثورة لغاية المعهد
كدراوية
شفت كيف ؟ |
يعنى زى حالى ....أنا كان بمشى من بركس جامعة الخرطوم لغاية المعهد كدارى
بعدين يوم كنت راكب برنس ( بوكس شكل حافلة صغيره حينها)
طبعا أنا كوارعى طوال ...قامت ركبتى هبشت ليها واحده حلوه
بس طوالى قامت قالت يا تافه ...يا مجنقر يا مقطع
وأنا احترت : قلت ليها : أنا كوارعى طوال وما قاصد
قالت لى : أبلعهم
من اليوم داك ما ركبت برنس
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Abuelgassim Gor)
|
Quote: تستاهلى جائزة فته...انتى التفاصيل دى بتحفظيها كده أصلو ريكوردر
ما تقولى البقارى سحرنى ....لكن عليكو النبى دا مخ دا ولا كميرا ديجيتال |
سحار وعينك حارة
الله واكبر عليك
لكن يا قور لو كنت معانا
كنت حتحفظ كل لحظة
عارف لمن كنا فى سنة اولى
حقت التربيته
المهم كان معانا الفاضل كباشى
قام عباس احمد الخليفة نسى (الكى ) المفروض يقولو لعبد الوهاب بوب
المعروف ببوب (الغذر)
قوم يا بوب ارمى الصولجان (كان شغال دور كريون)
والقصة جاطت
الفاضل كباشى طبعا كان (عمنا) فى الدفعة
اول كلمة قالا
oh we lost afriend
طبعا حصلت ربكة من كل ناحية
ابو الفصل والدفعة كان استاذ السنى
قمناانا والسنى مشينا دكان عمك طلسم عليه الرحمة
وجبنا ليك عدد كم جردل مليانه عصير
وبعد شوية الحالة هدات
ورجعت الناس للمود
والقصص كتيرة
لكن اهم قصة قصة قاسم نصر
دا تاريخ يا حبة
قاسم نصر من اهم الشخصيات التى التحقت بالمعهد
وكذا سلمون الاريترى
واحمد ربشة وخليل اسماعيل
عليهما الرحمة
وعلى ذكر من رحلوا
كناانا وعثمان النو دايما بنقول
وتربة خيرى
خيرى رحمه الله كان مسجل المعهد
اهاجينا من الاجازةلقينا خيرى فعلا رحمه الله
النو دا بقى اسم خيرى زاتو ما بجيبو فى خشمو
يلا تانى كان فى حليفة
ناس السر السيد كجماليين
كانوابقولو
وشامةخالدة الجنيد
كان عندها شامة جميلة جدا (هسى شالتا )
النحكى ليك قصتا بعد العملية
مشت السودان
قامت لاقت السرالسيد
طبعا مافى شامة ولا فاطنة
السر داكان زعلان عديل
قال لخالدة
ـ هسى الزول يسلم عليك كيف بدون الشامة ياخ ؟
وبجيك لحكايات قاسم نصر كان الله طلق
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: سلمى الشيخ سلامة)
|
Quote: سحار وعينك حارة
الله واكبر عليك
لكن يا قور لو كنت معانا
كنت حتحفظ كل لحظة
عارف لمن كنا فى سنة اولى
حقت التربيته
المهم كان معانا الفاضل كباشى
قام عباس احمد الخليفة نسى (الكى ) المفروض يقولو لعبد الوهاب بوب
المعروف ببوب (الغذر)
قوم يا بوب ارمى الصولجان (كان شغال دور كريون)
والقصة جاطت
الفاضل كباشى طبعا كان (عمنا) فى الدفعة
اول كلمة قالا
oh we lost afriend
طبعا حصلت ربكة من كل ناحية
ابو الفصل والدفعة كان استاذ السنى
قمناانا والسنى مشينا دكان عمك طلسم عليه الرحمة
وجبنا ليك عدد كم جردل مليانه عصير
وبعد شوية الحالة هدات
ورجعت الناس للمود
والقصص كتيرة
لكن اهم قصة قصة قاسم نصر
دا تاريخ يا حبة
قاسم نصر من اهم الشخصيات التى التحقت بالمعهد
وكذا سلمون الاريترى
واحمد ربشة وخليل اسماعيل
عليهما الرحمة
وعلى ذكر من رحلوا
كناانا وعثمان النو دايما بنقول
وتربة خيرى
خيرى رحمه الله كان مسجل المعهد
اهاجينا من الاجازةلقينا خيرى فعلا رحمه الله
النو دا بقى اسم خيرى زاتو ما بجيبو فى خشمو
يلا تانى كان فى حليفة
ناس السر السيد كجماليين
كانوابقولو
وشامةخالدة الجنيد
كان عندها شامة جميلة جدا (هسى شالتا )
النحكى ليك قصتا بعد العملية
مشت السودان
قامت لاقت السرالسيد
طبعا مافى شامة ولا فاطنة
السر داكان زعلان عديل
قال لخالدة
ـ هسى الزول يسلم عليك كيف بدون الشامة ياخ ؟
وبجيك لحكايات قاسم نصر كان الله طلق |
أها شوف الرجاله
الما خمج
على الطلاق
تكتبى مذكراتى دى
نحن فى مركز السودان لأبحاث المسرح
نطبعها ليك كتاب عديل
عيع أنا الككو الفجغ الطين
أنا الشافو خلوا
أنا الكلب اللغه القزازه
أنا شنو داك
اتى اكتبيها ونحن نطبعها
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: شول اشوانق دينق)
|
يا شول
| Quote: والله إلا كان لقيت ليك شليل... تعرف الموضوع ده؟ |
والله يا شول أنت زول طيب
يا خوى داخلية المعهد لما الليل يدخ القمر ذاتو ما بتشاف
تسمع
كعععععع كع
جررررررررر
قرطع قرطع
ونوع هذا الحوار
- يا خى ما تفك الزفت دا
- one for Road
- قال قور قال ---كوز معفن ساك
( يدخل قور كشششششششششش فى السطوح)
- يا شيوعية يا أولاد ال...
- يا كوز يا ........
- حسى انتو بتعملوا فى شنو
- ماشايفنا بنعمل فى شنوه
- والله سامه جرررررررر
- بنقرأ فى راس المال
- أدينو معاكم راس
- راسك بالفلقه
- ياقور ما تقوم تشوف لينا فته
- فته يفتكم البعاتى
- البعاتى!
( يدخل حاتم)
- أها أنا جيتكم البعاتى ظاتو
بعد شويه ( خورررررر خوررررر )
عند الصباح يجى الباص
نزول من السطوح
- عليكم بشقة اليمين الرجعى
( فيصل أحمد سعد يقف بين المجموعه والدولاب )
- ياخى ما تفك المعجون دا
- المعجون دا معجون الكيزان واليمين الرجعى
- المعجون دا معجون ثورى فنان تقدمى
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Abuelgassim Gor)
|
يا لثأرات المعهد .......يا لثأرات العهد.....يا لثأرات المعهد....عشيرى و ابو حمار يلعلع فى السماء.....ثم الكوارع حاجة امنة...و الفول القوى و عاششششششه ووكر تؤامان, على سيدون و دراج, وناظر كبوشية فى حاله....و ما ادراك ما ساحرت ماكبث,و ذلك البائس المنكوب.....النجاشى...يأكل من خشاش الارض....و يبيع كلب ناصر الشيخ الى الكوريين. ليشووه و ياكلوه على انغام كيم ايل سونغ, فى كوريا ما جايب خبر , و هل اذكركم بأقبح فعلة من ذلك ....جلال بلالين جلال بلال بالتنوين , و ما ادراك ماهو , و هل عبد الحميد حسن خيرا منه لا و الذى نفسى بيدة, و اناحاتم هذا كنت ارداءهم خلقا و ابشعهم خلقة, و ما فاقنى فى ذلك الا محمد المصطفى شريف, و ما قولكم فى هاشم جولى غلفان, و فائزة عمسيب ام ما قولكم فى خالد عبدالله و من لف لفه من شيعته و تابعيه الا ترون فيهم العجب العجاب و الجعب الجعاب, و لا يفوتنى ان اذكر فى سوء العمل و المعاملة حماكم الله ان اذكر محمد محيى الدين, و مجذوب العيدروس لا رطب الله خفهم .......... و انا اردد الاترنمة الشهيرة
( قبيلتى قبيلتى انت انت ياقبيلة المعهد....
.ذكرتك و النهار يطول و ينتصف
فى انتظار ان تمغرب للخندريس ياتى
طريقة من اى مكان ...فحكى لنا كارلوس قصة قبيلة, تفوقت علينا و ان اهلها ينتظرون غروب الشمس قرب تلة هم و اطفالهم و نسؤهم شيبا و شبابا, و حيواناتهم ....ليصفقوا للشمس عند المغيب
لماذ؟؟؟؟؟؟؟؟؟؟؟؟؟؟ ليبدأوا السكرررررررررررررررررررررررررررررررررررر
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Mohamed Ahmaed Olyesh)
|
يا عليش
كيفك وليل الغربة
عموما أنت قلت
Quote: السني.....
اسيا ربيع...
قور.....
فتوهو كان باقي شي فتوهو يفتو بله....
عليش زاتو |
طيب هاك الفت دا
أنا جيت جديد بعد ما خلصت الدكتوراة بجامعة الخرطوم
بعدين عملت فيها طالع فى الكفر وكدا
وعميد المعهد هو زولك أحمد عبد العال
بجاى ...جاى
تحت ....تحت شربكت ليك حاجات كده وشنوه شنوه
طلعت فى النهاية خلطة اسمها مشروه ( الدراما من أجل ثقافة السلام)
بعدين قامو نا ساليونسيف دعموا المشروع بوحدة كمبيوتر
أها دا كان أول كمبيوتر يدخل المعهد
عموما كانت المسالة دى أصلوا ما واقعه لحاج ابا
وسمعنا بنقول فايروس ...
تاخ طقتنى ليك نزله شديده
رقدت فى البيت اسبوع كامل
حاج أبا مشى قال للعميد أحمد عبد العال
شفت زولك قور ....قدر ما منعناهو من الكمبيوتر رفض
لغاية ما أصيب بعدوة الفيروس بتاع الكمبيوتر
حسى مشروعى داك بقى مركز ثقافة السلام
وحاج أبا بقى المدير
وأنا طلعت أونطجى ساى
مع تحياتى عمك قور
الفت الجد جد بجيك من حبوبتك فايزه عمسيب
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Mohamed Ahmaed Olyesh)
|
يا عليش
النحكى ليك عن النجاشى صلاح الدين
يوم طبخ لينا
كان يوم جمعة
يوم الخميس كان فى حفلة فى الدار بتاعة الطلبة
فى باقى عيش ومافى حاجة تانية
وفتشنا الدكاكين كلها مافى دكان فاتح
جينا راجعين بخفى اى زول كدا
المهم كنابنذاكر جماعة
قوم ياالنجاشى ادخل المطبخ
واطبخ
واعمل لينا فتة
الفتة لذيذة لمن غلط
واكلنا اكل من لايهاب الموت
وبعد الاكل سالنا النجاشى
ـ اسمع نحنا اتغدينا بشنو
ـ اكلتونجيلة
ـ نجيلة شنو ؟
ـ النجيلة الواحدة دى
وما عرفنا نمشى وين ؟
شفت ليك جنس حالةزى ؟
ويا قاسم قور
متذكر (قصرية سوزى )
سوزى كان عنده قصرية بشرب بيها وبياكل فيها
ولا مارب اخرى
يوم كنا ماشين فى بانت
معاى عزة بتى
قريب من داخلية بانت
عزة قالت انها عطشانة
فكلمنا الغفير قلنا ليهو دايرين موية
قام مشى نادى لينا سوزى باعتبار انه الوحيد الموجودفى الداخلية
وسوزى جاناشايل قصريتو
ولا زول ماشرب قطرة
شفت كيف ؟
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: حاتم محمد محمد صالح)
|
يا حاتم
أيها الغجرى الضارب فى الابداع والفوضى الجميله
| Quote: و اناحاتم هذا كنت ارداءهم خلقا و ابشعهم خلقة |
حاتم هذا كان مدرسه . عمرى العامر بمعهد الموسيقى ، لم أرى حات الا وهو مبتسم بسخرية ( البير كامويه) ....حاتم كان بنطال الجينز ، والكتاب والشبط البلاستيكى
كان أنيقا حتى القبح ....
كان ابعد من الخيال
فشلت كل الايدلوجيات فى احتواء هذا الكائن الخرافى
يأتيك باردا لكنه صهيل
يا حتم
كم نحن هنا نموت شوقا اليك
مخلصك قور
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Abdulbagi Mohammed)
|
Quote: يا سلمي الشيخ لازم تجيبي الجنرال قاسم نصر
او على الأقل بعض من الكركتيرات اللي عملها
|
بقة
وين انت ياخ فى السودان ولا وين بالظبط كده؟
نرجع لموضوعنا قاسم نصر
اخر ايميل رسل لى شغل عامله لمنظمة
لكن ما بعرف انزل الصور ام جهل على وزن ابو جهل
اطرف طرايف قاسم نصر
قلت ليهو انت يا قاسم ما تخش لى فى المسنجر
قال لى
ـ مسنجر دى كلمة سمعتها اول مرة من خالدة الجنيد
لكن بجيب لى مسنجر جالوص صغير وبجيك
ويوم اتصل من السويد محل اقامته
كلمنى عن الناس كلهم وكيف انه كاتب الاسماء فى كراس
قال عشان ما ينسى !!!
شفت الزول دا امين وصادق كيف؟
لكم حبى
·
| |
|
|
|
|
|
|
|
|
|
Re: يا ناس معهد الموسيقى والمسرح ....أحسن ليكم تجمعوا هنا قبال ما أفتو !!!! (Re: Abuelgassim Gor)
|
يا بق بق
كيفك
يا أخوى د.نجاة دى عمرها ما بقت كوزه
ولا هم الكيزان جاهم شعور عشان تبقى كوزه
دا كوم ...انشاء الله الكيزان يطيروا
أصلوا مافى شيئ أسموا كيزان فى معهد الموسيقى والمسرح
الحكاية بداها أخونا السر
كم فكاها فينى أنا ....
يا بق بق أحسن ليك حركتك الشعبية دى
وكان لقيت فيها فرقه قول لى عووووك
عليك النبى حسى أنا بسمتى الحلوه دى على الرغم ما أعتلاه م صدى الكبر
بسمة كوز ......
لك حبى وتقديرى
وأنا براسى الناشف البقارى عملتها مكاواة للجبهة الديمقراطية
حسى أنا قاعد فى السودان
عاوز لى كوز كده من عشرين سنه
يجينى يقول لى ات معانا
على الحرام أكان أمشى معاهو
وأتلغمط ليهم فيهم فى حاجاتهم
آكلها كلها .......
أما اليوم
| |
|
|
|
|
|
|
| |
Abuelgassim Gor
شول اشوانق دينق
ترهاقا
محمد عثمان محمد طه
somia gassim
سلمى الشيخ سلامة
عصام عبد الحفيظ
محمد سنى دفع الله
اسيا ربيع
HAMZA SULIMAN
عزيز
Mohamed Ahmaed Olyesh
الفاتح يسن
Abdulbagi Mohammed
فيس بوك
تويتر
انستقرام
يوتيوب
بنتيريست