|
|
 الكلمــه دي ليك يا(قمــر)ليك وبـــس
|
اجمل حبا ذاك الذي يبقى في القلب مهما بعدت المسافات ومهما فرقت بيننا الظروف
كلمات حزينه ومؤلمه ارددها كل لحظة وكل ثانيه وكل رمشة عين
وخاصه عندما ابحث عن قلبي فلا اجده الا بقربك وبين يديك رغم بعد جميع المسافات
حبيبي عندما يأتي الليل ويسدل ستائره
وتنير النجوم سماءه ويبدأ القمر في البحث والتجوال بين الطرقات وفي الممرات بين المحبين
هل سيجد احدا سواي يبكي فراقك وبعدك وحنانك ؟
وعندما يأتي الصباح وتبدى الشمس بخيوطها الذهبيه ترسل اشارات توقظ النيام
هل ستدرك بان هوب فول لم ينم ليلته بحثاً عمن يحب في كل اركان الأرض ... هل ستدرك بان عذاب سنين شعر به هوب فل بين ليله وضحاها
وعندما تبدأالطيور في البحث عن رزقها
وتبدأ الازهار تتفتح لتنادي من يقطفها
لحبيبه أو حبيب هل سيكون لي نصيب من هذه الزهور اقطفها لحبيبا ابعدتني عنه مسافات القهر الطويله الظالمه
رغم عشقنا وحبنا ان قلبي يقطر دما لبعدك حبيبي
هل تعرف السبب لانني احبك واعشقك حد الجنون ولا اطيق فراق
حبك يجري في عروقي مجرى الدماء في الشرايين
حبيبي احس بعشقي وحبي لك رغم بعادك اللا خياري
الا انني احبك والي الأبد
|
|
 
|
|
|
|
|
|
|
 Re: الكلمــه دي ليك يا(قمــر)ليك وبـــس (Re: Raja)
|
الدوام لله
أمانها ما وقع راجل
إهداء إلي من ملكت قلب أخانا جمال
لما عرفتك اخترتك سعيد البال
وختّ شبابي متيقّن عليك أمال
لا جيتك قبيلة
ولا رجيتك مال
ولا مسحور
ويوم ما كنت في عنيّ
أجمل من بنات الحور
جيتك عاشق أتعلم
من الأيام
ومن سأم الليالي البور
ومن أسر الولف كتال
لقيتك في طشاشي دليل
وفي حر الهجيرة مقيل
ركزت علي ضراك عصاي
لقيتك في حياتي جزور
بنية إتلفحت بالنور
مهجنة من غنا الأطفال
ومن سعف النخيل والنيل
ومن وهج الشمس موال
وانا إخترتيني إنسانا
عزيز النفس بتمني
وبسيط الحال
عليّ حرمت زرعا
ما سقيتو حلال
وما فصد حصادو قفاي
وبيني وبينك الضحكة
ورحيق الشاي
وطعم الخبز والسترة
ومساء النور
وعمق الإلفة
بين النهر والنخلة
وغنا الطنبور
وصدق العشرة بين الأرض
والإنسان
وبيني وبينك الفكرة
وجمال الذكري
والنسيان
وحسن الظن
ومشوار الحياة اليوماتي
(من السنبلايه )
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: HOPEFUL)
|
هوبفل
كيف حالك
ألمتك الغربة
وقمرك وطن واسع يمتد في قلبك بلا حدود
قمرك ود الزاكي
وشمسها تغسل رملها الطهور
قمرك ينعكس على وجه الماء الصافي في النيل الأبيض
هوبفل من يوم ما ختيت صورتك وغيرت اسمك بقيت مازي زمان
الله يديك الفي مرادك
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: ودقاسم)
|
الحبيب ود قاسم
يا ابن منطقتي الجميله
كأنك تقرأ افكاري
بالتأكيد من حباهو الله بالانتماء لهذه المناطق
حتماً لن يطيق فراقها
وسياخذه الحنين بين الحين والآخر
ويبكي اقماره
وربنا يردنا سالمين غانمين اليها
ويطفئ ما تأجج من حنين
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: بت قضيم)
|
هوب فل
الشوق الجاري عليك
اول حاجة مشتاق ليك جدا يا صديق بنكهه الود
ثانيا
غني أيها العاشق
غني ولا تابه من ينصت لك ؟؟؟
أشتعل علي جذوة الفرح / اعشق
امنح الضياء لنا نحن المترقبون صدي القادم من جمالاتك
ففي زمن يحترف الأسي لا نجد سوي المحبة ظلال تقترح علينا القليل من التنفس ثم نعاود بعدها الاستغراق في حاصل الحاصل يوماتي
...............
بعدين بعد الصورة الوجيهه دي منو الممكن ما تتكسر
ياخ هو انا اتكسرت
والريد نيلين
| |
|
|
|
|
|
|
|
|
 Re: الكلمــه دي ليك يا(قمــر)ليك وبـــس (Re: زوربا)
|
حبيب الناس
طيب الأحساس
زوربا
دوما تصطف يا صديقي مع الجمال
ايها الرجل الشفيف
مثلك من نستشف منهم الألق لنضي دروبنا في المحبه
لك الود صديقي ممزوجا بالشكر علي منحك اياي
قصاصات اتعلم منها ابدجيات هذه المسالك التي لم نخبرها من قبل
فهلا طمعنا في المزيد
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: Raja)
|
رجاء
يا بت عمي الملافظ سعد (مودكين) دي شنو إنت ما سمعتي بي(الشجر الكبار فيه الصمغ)بعدين الودك سمح بسوا من الكركار وبتمسحوا بيه في الشتا حماية من الشقيق وفي الأول فيه ربيت يستاهل خشيمك ،، كدي نشوف أب قوتا يجيب الراجل ولا يرجع خالي الوفاض يعدين برجع ليك
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: Rawia)
|
يابنات
الجنا..جننتن جن ترا القمر دى سوت عوسا
انا مشيت ليه فى غرفته ما لقيته
بعدين انتن اصبرن شوية كل الناس بتفك اخره
لكن لو بقيت فى الحلوق ..مافى زول بفت تانى
راوية صبري اخوك شوية..انت عارفه ضرب الشاكوش..بقد النافوخ
وتسلمن ياظريفات
| |
|
|
|
|
|
|
|
|
|
Re: الكلمــه دي ليك يا(قمــر)ليك وبـــس (Re: hala guta)
|
هوب فل
دقيقة بس عن اذنك
هالة قوتة
الله يديك العافية والله الاغنية ردت لي الروح لكن انا خايف علي هوب فل بعد الاغنية دي محل ما يمشي ما يلقي
والا اقول ليك ياهوب فل
تعال لي بي جاي
اخوك تقريبا كدا نفس الملامح والجرس
بس نحنا غايتو قاعدين نتستر شوية وما بنتجرس قدام ناس ابا ديل عشان ما يشيلوا حالنا
لكل من وقع علي هذا البوست
دعوا العاشق يهمس لنا وانصتوا حتما سيودع فيكم كل الجمال
أما انا
أحبكم جدا
والريد نيلين
| |
|
|
|
|
|
|
| |
HOPEFUL
Raja
aba
Rawia
doma
ودقاسم
بت قضيم
زوربا
abuguta
بدرالدين شنا
فيس بوك
تويتر
انستقرام
يوتيوب
بنتيريست