اليوم في غمرة الاحداث كحلت اسم في المنبر يكاد يطابق اسمي لو اجريت لاسمينا القليل من التعديلات شوية تباديل وحبة توافيق سيصبح الاسمين سيم سيم بالكربون..وفركت عيني وقلت ياربي انا ده رحلت بحري ولاشنو ولا الزغللة حصلت يا جماعة.. ليطل علينا الاخ العزيز عبدالكريم احمد الامين عضوا جديد في هذا المنبر نتمني له اقامة سعيدة ورحلة وريفة بين صفحاته..
08-06-2008, 02:08 PM
سارة علي سارة علي
تاريخ التسجيل: 07-08-2008
مجموع المشاركات: 4413
Quote: لكن بالطريقة دي بنتعب انحنا..تاني الا يفرزوكم بي تاريخ التسجيل... ولا شنو يا كيكي؟؟؟
هلا يا سارة وحبابك الف في مدارات تشابه الاسامي وكلو هين يا سارة الخوف اقوم اردم بوستات الاستاذ عبدالكريم احمد(باعتبارها بوستاتي) بالنقة التقيلة واخش فيها لفت واشبكها (موغل ودهشة) والفرمالات بتاعة اخوك دي كمان غير التركيز الشديد مافي حلا ليكم تاني.. كثير في المنبر ده تمت كتابة اسمي علي انه عبدالكريم احمد الامين
08-06-2008, 02:15 PM
محمد يوسف الزين محمد يوسف الزين
تاريخ التسجيل: 02-08-2008
مجموع المشاركات: 1968
Quote: مرات كتيرة اقول يا ربي انا غير اسم الدخول ولا شنو
تعرف يازهير انا لمن شفت اسم الاخ عبدالكريم احمد بالتحديد في بوست مدينة بحري اولا شي اتخلعت خلعة شديد نفس الاسم الما بغباني داك وفي بوست نعم انا معجب به ومتابعه لكن انا ما اون لاين. فهنا طوالي عملت ساتر وجدعت كل شي من يدي وخشيت في البوست واتكشفت ان القصة تشابه شديد ومفاجي..ز عموما الاشياء الذي بتسهل تعارف الناس وحصل لاقيت شخص بنفس الاسم اتمني ان يكون هو الاخ عبدالكريم احمد الامين
08-06-2008, 02:28 PM
سارة علي سارة علي
تاريخ التسجيل: 07-08-2008
مجموع المشاركات: 4413
Quote: اتخيل واحد زعلان منك وجا محموق رد على عبدالكريم (الما كيكي) في بوست حقو
ولا المصيبة يا كيكي يقوم يكبع ليهو كوز واخوان نسيبة يقوموا يشتكوا لي بكري وبكري يكون قايم من النوم دابو يلقي الاسم عبد الكريم يقوم راميك الخور الله يستر .
ارحب بالاخ عبد الكريم احمد واتمني ليه اقامة جميلة بيننا
08-06-2008, 04:10 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: ولا المصيبة يا كيكي يقوم يكبع ليهو كوز واخوان نسيبة يقوموا يشتكوا لي بكري وبكري يكون قايم من النوم دابو يلقي الاسم عبد الكريم يقوم راميك الخور الله يستر
هلا يا نقابي ولو ابوعبده كبع ليهو كوز ينجوط راس بكري جوطة شديد لاني انا زاتي ح اركب معاهو سرج واحد وبكبع معاهو من طرف نخلي ليك بكري ما يعرف يودي مين الخور,,,وتروح عليهو وعلي الكيزان الفرصة
08-06-2008, 03:43 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
Quote: نحن ناقصين ؟؟ كيكي واحد مجهجهنا بكري يقوم يجيب لينا واحد تاني؟؟
هلا يا ابوالخلد وانا حسع ياخالد عملت شنو ياخي ماياهو قاعد مسسسسسكين لابجدع لا بجيب طوب وبالتاكيد عبدالكريم التاني سيكون اضافة ثرة للمنبر ولو بقي بتاع شبك ودواس اسفيري ياها السيجة وتمت حنشكل فولترون ونجنن ليك البشرية دي جنون قبورة امسكوا قطاع ملاسي وانا امسك قطاع بشاشا غرب
08-06-2008, 04:03 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: يا هندسة بالله بطلوا حركات الجيش دي نحن برانا كبرنا وغالبنا نركز
اووووووووووووه بالجد مشتاقين يا طارق وانت يا زول مشيت السودان ولا مشيت فولتا العليا لاشوفة تبل الريق ولاخبر يطمئن فقدناك كثير والعوض الليلة الله يفتح عليهو عمل باص للغايبن مشينا فقدناك هناك واهديناك اللحن الفكيتو فينا وكسحت خليتنا عكس الهواء وحمد السلامة يادوب كده الاركلوجيا احلوت وسيرة العذابات حتدور دويرة صاح بس بالله براحة علي خالك باقي الايامات دي بقي رهيف شديد ودفاعو راقد سلطة
08-06-2008, 04:31 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
مرور لتحية الاخوين عبدالكريم الامين احمد القديم والجديد ياخي دي بقت زي حكاية الجنيه ...... ولا شنو ------------------------------------------------------------------------
كيكي تحية وسلام
تقديري
08-06-2008, 04:58 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: اقترح انو بكري يديك نك نيم باسم الشهير كــــــــــيكـــــــــــــي ونعمل حملة مطالبة وكدا
هلا يا ابوالسيم وحبابك وجبت خبرية شطبت الراس والله... وبيني وبينك كيكي اسم تاريخي ولي معاهو زكريات ووقع خاص شديد لكن ياخي كمان انت ما تديها دفرة كده صوب كرومة- كرمة - كريمو_كرمة البحر برضو ما بطالة مع اخوك علي الاقل نواكب العولمة دي شوية... وممكن نفكر لكن بكري دائما قاعد يسحب الرصيد من الشريحة بتاعة الاسم وانا شريحتي داقة في ال11 الف دي لو لقيتها ريالات كان حسع اخوك سعو ليهو رقشة برااحة... وشكرا يا سامي علي كلامك الجميل واخجلتم تواضعنا يارجل
08-06-2008, 05:16 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18012
انتهيت يا كيكي الحبيب .. عارف ايام كنت شغال في جريدة نجوم الرياضة ربنا يرجع اياما اخدت جائزة لاحسن تغطية في اولمبياد رمضان كانت عاملاها جريدة قون الناس كلها باركت لطلحة الشفيع وأنا ما اشتغلوا بي الشغلة .. ومرة دخلت المستشفي الناس كفرت برضو لي طلحة الشفيع وانا راقد في المستشفي ولا زول هببو لي .. اها مرة الاستاذ طلحة دا لاقاني في مناسبة كدا فقام قال لي يا طلحة يا خوي انت والشهرة الشحمة والنار عشان كدا اعمل سماية جديدة وسمي نفسك اية حاجة انشالله شافة وحق السماية علي , وبي ضحكة عجيبة ضربني في كتفي دا وواصل مشيهو وهو يضحك ولا كأنو فقع مرارتي . اها ياخوي كيكي السماية متين ..
08-06-2008, 05:25 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا طلحة وطلحة الشفيع كيفني جنس كيف...عافي منو الهلالابي الكبير وده كلو يا طلحة لانك مريخابي ..حسع لو كنت هلالابي كان علي الاقل يكون اسمك عبدالكريم عبدالله يا اخوي انا ذاتي كده احسن لي البد والقي لي حجة اغالط بيها وانكر انو ده ماانا يازول الحكاية قالو فيها جلد يا صحبي
08-06-2008, 05:20 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
انت ياكيكي ما عندك خبر ريسنا بقي شيخ كبير قالوا دخلتو الامتداد كده الطقس قلب واصبح اروبي بعد الكتاحة والرماضه البتفسخ الضهر ديك عايز تمسخو لينا وترجعو للسهر وشنو ما عارف .
ود جبريل مشتاقين يا حبيب وحمدالله علي سلامة الوالد منتظرين جديد الصور
08-06-2008, 05:40 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
Quote: انت ياكيكي ما عندك خبر ريسنا بقي شيخ كبير قالوا دخلتو الامتداد كده الطقس قلب واصبح اروبي بعد الكتاحة والرماضه البتفسخ الضهر ديك عايز تمسخو لينا وترجعو للسهر وشنو ما عارف
هلا يا نقابي ورئيسكم ده بالله كلمو ياخي. الراجل ده لمن يجي بولع فينا جمر الحي بحاجاتو البجيبها دي واحنا ناس قاعدين في السهلة دفاعنا اخير منو دفاع البشير في لاهاي
08-06-2008, 05:59 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
قاعدين هنا يا حيدر يا فردة نمشي وين يا زول.. في الاول نسلم البضاعة (لاهاي) الميناء الجوي حتن بعدين نمشي عكس الريج نجدع وننداح شوية ونرتاح من الكوماج الهنا ده
08-06-2008, 06:29 PM
khaleel khaleel
تاريخ التسجيل: 02-16-2002
مجموع المشاركات: 30134
خلاص يا عبدالكريم إنت تكتب في نهاية مداخلاتك (كيكي) وعبدالكريم التاني يكتب في نهاية مداخلاته (الكيك) وبكدا نقدر نفرق بيناتكم وتكون المشكلة إتحلت.
مسألة تشابه الأسماء دا برضو عامل لي قلق.. إسمي عزيز عيسى وبرضو في أخ إسمه بالإنجليزي Abdlaziz Eisa وبنشترك الإثنين في كتابة إسم عيسى بالإنجليزي Eisa والأغرب من ذلك درسنا الإثنين في مدرسة السني بمدني. يا ربي دا يكون أنا ذاتي وما جايب خبر؟
الأخ عبدالكريم الأمين أحمد نتمنى لك إقامة طيبة.
08-06-2008, 08:57 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: انا لقيت لي زول في جوبا ما اسموا زي اسمك دا بشبهك عديييل كدا لمان قلت ليهو يا كيكي
___ يعني شنو طلع اسموا زي اسمك انا اسمي ما زي اسم عبدالمنعم التاني بس بصراحة انا مستفيد اخدت منو الفحولة انشاء الله زولك يديك الرجوله انت كمان آمين
اووووو بيجو 555 ياخ مشتاقين يعلم الله..ووينك يا زول مختفي انت اصلك مشيت جوبا ولا مشيت (لاهاي) ... وبعدين فعلا زول جوبا ده انا ذااااتي بس انت خفت وماجيت لي كنت ناوي امشي افسحك في خور كده اسمو خور (باعو)...وناوي اعزمك كانجي مورو في سوق رجال مافي وبعد داك كنت حتشوف حلو يافارة ياخ مشتاقين وكدي كلمنا عن جوبا دي شوية يا مندكرو
08-06-2008, 09:10 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
اووووووه منعم يا صحبي انت ده خلاص ورت معاك وره رهيبة سلفاكير للتغيير شخصيا... بيجو يا زول انت تاني الواحد يلاوز ذااتو لو عاوز يشدها معاك قرض في المنبر ده غايتو ايامك ساكوبيس يا فردة
08-06-2008, 10:14 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
يازول كوستاوي شنو... انا تاني فردتك انت وبس شايفك بقيت بتاع كلام كبار كبار شي نوبل وشي هوليود ولو عصرنا عليك شوية احتمال تطلع لينا صورة مع اوباما ذااتو بصراحة يا مان بقيت منك جفلة
08-06-2008, 10:47 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
Quote: يا عبد الكريم والاعزاء عبد الكريم الجديد ده ود عمتي!!!! اعملوا حسابكم لانو لو عاينت بالجمبه حتشوف الوجاهه والصلعه المنوره اها هو
اوجه مني وبدون صلعه... قلت كيف؟؟؟؟؟؟؟؟؟
هلا ومرحب اخي طارق... ود عمتك وجيهة تب وماعندو عوجة وده كلام شوف عين في مدارات اديس.. ولذا اطالب الجمهور بالتركيز فقط علي عبدالكريم القديم وعبدالكريم الجديد... لانو كلام والوجيهة وما وجيهة دي بدخل اخوك في امرا ضيق
08-07-2008, 09:48 AM
hammama hammama
تاريخ التسجيل: 12-19-2002
مجموع المشاركات: 296
سلام للجميع ومرحب بالاخ الجديد (ملاحظين اني ذكرتو من غير اسم ) لاني بقيت ملخبت فيهم هو منو الجديد ؟ عبد الكريم الامين احمد ام عبد الكريم احمد الامين ياخ المنبر دا عذبنا عديل كده دي يحلوها كيف يعني
خلاس واحد كيكي اسم تمام موغل في الدهشة والتاني كرم اسم موغل في البسكويت
تحياتي
08-07-2008, 10:38 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: اليوم في غمرة الاحداث كحلت اسم في المنبر يكاد يطابق اسمي لو اجريت لاسمينا القليل من التعديلات شوية تباديل وحبة توافيق سيصبح الاسمين سيم سيم بالكربون..وفركت عيني وقلت ياربي انا ده رحلت بحري ولاشنو ولا الزغللة حصلت يا جماعة.. ليطل علينا الاخ العزيز عبدالكريم احمد الامين عضوا جديد في هذا المنبر نتمني له اقامة سعيدة ورحلة وريفة بين صفحاته..
** الباشمهندس عبدالكريم
الشكر أجزله علي ترحيبك بي وكنت أتوقع منك أن تراسلني قبل سنتين عند إلتقائنا بفندق مرديان بشارع بولو بإديس أبابا وكان ذلك في اول أيام عيد الاضحي وكان الخبر الرئيسي في ذلك الصباح هو إعدام صدام حسين ..
** خوفاً من حصول لبس في الموقع هذا اسمي كاملاً ولكن المتداول هو عبدالكريم الامين ولق آثرت عدم إستعماله حتي لاأتعدي علي حقك الادبي في الموقع وخوفاً من التعويضات التي قد تُطالب بها ,, ولك شكري وتقديري ومحبتي إذ أنني ظللت مُتابعاً لما يجود به فكرك من مُشاركات...
08-07-2008, 10:16 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: الشكر أجزله علي ترحيبك بي وكنت أتوقع منك أن تراسلني قبل سنتين عند إلتقائنا بفندق مرديان بشارع بولو بإديس أبابا وكان ذلك في اول أيام عيد الاضحي وكان الخبر الرئيسي في ذلك الصباح هو إعدام صدام حسين ..
** خوفاً من حصول لبس في الموقع هذا اسمي كاملاً ولكن المتداول هو عبدالكريم الامين ولق آثرت عدم إستعماله حتي لاأتعدي علي حقك الادبي في الموقع وخوفاً من التعويضات التي قد تُطالب بها ,, ولك شكري وتقديري ومحبتي إذ أنني ظللت مُتابعاً لما يجود به فكرك من مُشاركات...
ياااااااااا استاذي الكبير عبدالكريم والله زمان ومشتاقين بالامس ذكرت هنا بانني التقيت نفس الاسم في مكان ما وكنت اعني تماما فندق مريديان ومدارات اديس وجمالها الاخاذ وفعلا لازال كرتك الشخصي قابع في ذلك الجذلان الاديسي الي منحني له سوق مركيتو الجميل ولازالت تلك الايام الرائعة تعشعش في الوجدان وتمنحنا سيرة اجمل المدن واروع الناس... اعذرني علي عدم التوصل لمشاغل الدينا ام قدود ولكن نشكر الزمان وهذا المكان الذي جلبك الينا هنا حتي نسعد مرة اخري بلقاكم والف مرحب .... لاتعويضات يا عبدالكريم فانت قانوني ضليع قادر علي امتصاص دفوعاتي D وكن بالف خير وحبابك عشرة والف مرحب
08-07-2008, 10:31 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
وهــذه شيمة من كانوا أهلاً لإكتساب عضوية هذا المنبر المُميز ,, فشكراً مرة أخرى للباشمهندس بكرى إبن بحري ست الهوى والطراوه ,, وشكراً لاعضاء المدونه وشكراً لصاحب هذه الدانقه الصغيره (السمي) والتي تتوسط هذه الدانقه الكبيره روعة وإبداعا...
08-07-2008, 11:17 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: وهــذه شيمة من كانوا أهلاً لإكتساب عضوية هذا المنبر المُميز ,, فشكراً مرة أخرى للباشمهندس بكرى إبن بحري ست الهوى والطراوه ,, وشكراً لاعضاء المدونه وشكراً لصاحب هذه الدانقه الصغيره (السمي) والتي تتوسط هذه الدانقه الكبيره روعة وإبداعا...
مرحب يا سمي وحبابك والله.. ونتمني ان يطيب لك المقام بين هذه المجموعة التي جمعها صديقنا الجميل بكري ابوبكر حول الوطن وحلملنا به الذي نرنو اليه جميعا...ومتابعين معاكم الكتابات الحميمة حول مدينة بحري وناسها الرائعين وفي انتظار الكثير وكل الود
Quote: واحد يلبس طاقية وبنطلون و التانى نضارة و عراقي
يا كيكي نفس الاسم و تتقابلو "بالصدفة" في اديس في نفس الفندق
الاخوة مخابرات و لا حاجة؟
ايو وبعد ده اعمل حسابك..!! الاخ عبدالكريم ماسك قطاعات ثانية لكن انا ماسك قطاع الشيوعيين والشيوعيين المتمردين بالذات ديل ح انجضهم نجاض قبورة تاني ياعصام وتقارير الف
08-07-2008, 10:58 AM
NGABY AJOOZ NGABY AJOOZ
تاريخ التسجيل: 10-14-2003
مجموع المشاركات: 1997
هلا يا عبود وحبابك ياعمك وغايتو انا كنت هلالابي لحدي يوم امس وقبل الدقيقة 44 من الشوط التاني ولكن بعد طمبلكو ده تاني حنقرض علي تشجيع الحكام وبس وحبابك الف يا عبود وكن بالف خير
08-08-2008, 09:39 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: هو المشكلة مش في دا المشكلة أنا قلت عبد الكريم مالوا برحب بنفسه لأن عارف عبد الكريم الجديد نال العضوية من يومين
لكن حركة ظريفة منك للتفريق بين المتشابهين
هلا ابوصلاح وحبابك في مهرجان الترحيب بالاخ عبدالكريم والامر الجميل هو انني التقيت به قبل سنتين في اديس فوجدته اخا شهما اصيلا نتمني ان يطيب له هذا المكان والف مبروك له العضوية
08-08-2008, 06:51 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
كيكي و كرم زي ما دلعوكم هنا سلامات وبركه الفرقتوا لينا الفيلم .
اتخيل يا كيكي انا قايله اخوك احمد ولدوا له ولد وسماه عبد الكريم وقال داخله ابارك تخيل؟؟!!
ويا عبد المنعم سليمان بالغته لكن في الصورة مع الممثله ميا فراو معقوله بس....دي صورة تتصورها يا اخي؟؟؟ ما فضل الا تديها ضهرك....يا اخي مفروض تحتفي بيها وعلى الاقل يا رحعته شويه لجوارها يا ختيت يدك في كتفها...من باب التقدير و الجنتل مان بهفير مش عامل لي انصار سنه وزاحي منها زي المجربه!!
دي صورة غايتو تنفع للعالم الثالث بس...اوعك تفكر تقشر بيها لناس كستاوي.
08-08-2008, 10:25 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: كيكي و كرم زي ما دلعوكم هنا سلامات وبركه الفرقتوا لينا الفيلم .
اتخيل يا كيكي انا قايله اخوك احمد ولدوا له ولد وسماه عبد الكريم وقال داخله ابارك تخيل؟؟!!
هلا يا تراجي وحبابك والله وياريت والله ابوحميد يجيب لينا كيكي صغيروني كدي نفرح بيهو كلنا وصحبي عبدالمنعم شايل ليهو صورة (انصار سنة) وحايم فرحان بيها في الاسافير وصورة زي دي حرم (الطقي ) ما يتصور زيها في زمن التقارب الانساني ده لكن نقول شنو مرمي الله ما بترفع
08-08-2008, 09:58 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: what if Aldama alheart (waga3at) in one of his posts?LOL
هلا يا راوية وساعتها ستكون الدامة هي (ابيي) نيفاشتنا وساتحول الي موتمر وطني وسيكون عبدالكريم الثاني هو الحركة الشعبية واحتمال اصعد الموضوع المحكمة الدولية في لاهاي لو الخرخرة حصلت
كل شي ولا الدامة دي يا راوية هوووي
08-08-2008, 10:32 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: برضو أنا أتخلبطت لما لقيت بوست بإسمك قلت متين عبد الكريم نال عضوية بحري وشتت...
تحياتنا ليك ولي عبدالكريم ولدنا.. أها قصرنا...
هلا ابوكمال حبابك وحباب ناس بحري الطراوة الملانين دعاش وظرافة ويعلم الله يا ابوكمال انني زائر دايم لبوستكم العامر عن زكرياتكم في تلكم المدينة العامرة ونسعد الان ان يكون الاخ عبدالكريم اضافة ثرة حتما ستدفع بالجمال والروعة البحرية.. وما قصرت تب معانا ومع ولدكم وانشاء الله ياناس بحري نجيكم في السمح والزين
08-08-2008, 10:46 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18012
باللخبطة الواحد نسي ظاطو يرحب بالأخ الزميل الجديد عبدالكريم أحمد الامين .. مرحب بيك كتير يا عبدو .. الاخ صاحب البوست زميلنا القديم ما وريتنا الأسم الجديد ياخ . مفلس واللا شنو ..
08-08-2008, 11:40 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: يا كيكي إنت اليومين دي حكاية التباديل والتوافيق شنو معاك؟ إن شا الله عبدالكريم الجديد يطلع مريخابي وهنا أكيد لخبطة تب ما حتحصل
هلا يارجا وحبابك في مهرجان تباديلي وتوافيقي والاحتفاء بالاخ عبدالكريم احمد الامين.. وديل ناس بحري يا اختي هلالاب بالتاكيد من زمن ابراهومة وجعفر عبدالرازق وكدوس والبرنس واكيد كريم حيكون هلالابي ..والا ستكون حسرة كبيرة خلاص..
واليومين دي يا رجا حابين نغير اللوك شوية والقصة كلها ماشة تباديل وتوافيق قبل هلال مريخ كنت مكجن صلاح ادريس وبعد المباراة حصلت توافيق مسمارية فكجنت معاهو فلان طمبل بتاعكم الكيشة ده.. وبرضو كنت مكجن البشير وحصلت تباديل في قناة الجزيرة وجابت لقاء مع غازي العتباني فحصل التوافيق وكجنت مع البشير غازي صلاح الدين... كجنت برضو كوستاوي وعبدالمنعم..وهكذا كل الاشياء اثنين اثنين وانت ياكيكي حبيبك وين
08-09-2008, 09:56 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
هل يعقل لشخص يحمل هذا الاسم الثلاثي بتباديله وتوافيقه "ودا طبعاً بلغتكم الهندسيه" أن يكون دمه يحمل غير اللون الازرق ,, اللون الذي يعشقه اللوردات والملوك والامراء وذوى الصفاء النفسي ومحبي البهجه والحياه ..
أنه الهلال يوجد منه في السماء واحد فقط ,, وما أكثر جوالين شل في السماء فهي لاتُحصي ولاتُعد..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
سارة علي
محمد يوسف الزين
زهير الزناتي
العوض المسلمي
NGABY AJOOZ
خالد عبد الله محمود
طارق جبريل
Azhari Nurelhuda
طلحة عبدالله
حيدر حسن ميرغني
khaleel
عزيز عيسى
عبد المنعم سليمان
ريهان الريح الشاذلي
hammama
عبدالكريم أحمد الامين
Adam Mousa
كمال سالم
صلاح شكوكو
عبود عبد الرحيم
Kostawi
Tragie Mustafa
Kamal Karrar
Rawia
Raja
فيس بوك
تويتر
انستقرام
يوتيوب
بنتيريست