|
|
 مبروك للمهندس كيكي
|
اخيرا،
قرر ان يحول الفكرة الى ورق ، ليصبح"كمبو الري" اول انتاجه الادبي.
وقديما قيل : الكتاب خير جليس في الزمان
و"كمبو الري" خير جليس
كامل دعمنا للفكرة.
واقترح ان يكتب المقدمةالكاتب الساخر جعفر عباس
او هاشم كرار بقلمه الرشيق .
فالاثنان لغتهما في مس من جنون الابداع الممتع والسخرية المحببة.
|
|
 
|
|
|
|
|
|
|
 Re: مبروك للمهندس كيكي (Re: Faisal Al Zubeir)
|
شكرا يا فيصل..
وكمبو الري تاخر كثيرا في زحمة المشغوليات في الخروج ككتاب
واعتقد بان زمنه الان قد اتي...وقريبا باذن الله سيري النور ...
وفخور تماما ان قدم اليه اي واحدمن الاستاذة اعلاه
| |
|
|
|
|
|
|
|
|
|
Re: مبروك للمهندس كيكي (Re: عبدالكريم الامين احمد)
|
الزميل : المهندس : كيكي:
تستحق التهنئة،فالكتابة في هذا الزمن لا يقدر عليهاإلا الاقوياء.وبالتأكيد سيج رواجا وخاصة ان مقدمته في المنبر سجلت ارقاما قياسية في القراءة.
نامل ان يرى النور قريبا
| |
|
|
|
|
|
|
|
|
|
Re: مبروك للمهندس كيكي (Re: عبدالكريم الامين احمد)
|
أهو ده الكلام اللى بيرد الروح
عقبال لمن نشوف كمان {حكايات الديم الغميسة}
وبكدى يكون لىّ الشرف اعمل تحليل بين كمبو الرى والحكايات الغميسة { تحت تحت من زمن ومن المتوفر هنا عملت خطوط عريضة للدراسة ومشيت فيها كمان}
ماحاتطلع الاّ لمن نطمئن على كمبو الرى وعوالمنا الحميمة
شكرا يافيصل على الاخبار الحلوة
ومبروك ياكريم لينا
| |
|
|
|
|
|
|
|
|
|
Re: مبروك للمهندس كيكي (Re: Ishraga Mustafa)
|
Quote: وبكدى يكون لىّ الشرف اعمل تحليل بين كمبو الرى والحكايات الغميسة { تحت تحت من زمن ومن المتوفر هنا عملت خطوط عريضة للدراسة ومشيت فيها كمان}
ماحاتطلع الاّ لمن نطمئن على كمبو الرى وعوالمنا الحميمة |
وده كمان يا اشراقة حيكون كتاب جديد ومكسب لكل قوي البسطاء والغلابة واهلنا الغبش
ومعاك نمد حتي نشوف حكايات الديم الغميسة....
وكمان (ادم) للزول المسخوت كوجان
| |
|
|
|
|
|
|
|
|
|
Re: مبروك للمهندس كيكي (Re: Badreldin Ahmed Musa)
|
Quote: مبروك يا عبدالكريم
نسختي محجوزة من هسع |
الله يبارك فيك يا بدر الدين ياخي...
ولكن انت يا قريبي بعد (احداث اي سليمان تلك)
بحكم القانون الودهاشمي لازم من حسع تجهز مية دولار ثمن النسخة بتاعتك
تسلم يا بدرالدين وبتجيك في امريكا باذن الله
| |
|
|
|
|
|
|
|
|
|
Re: مبروك للمهندس كيكي (Re: عبدالكريم الامين احمد)
|
شكرا فيصل الزبير
فكتابات كيكي عن كمبو الرى جديرة بالاحتفاء قبل اعدادها للنشر
اتوقع ان تكون هذه الرواية منصة انطلاق لروايات كيكي (الهامشية) في المستقبل
كما (مائة عام من العزلة) و (موسم الهجرة للشمال).
لكما تحياتي
| |
|
|
|
|
|
|
|
|
|
Re: مبروك للمهندس كيكي (Re: Imad Khalifa)
|
Quote: فكتابات كيكي عن كمبو الرى جديرة بالاحتفاء قبل اعدادها للنشر
اتوقع ان تكون هذه الرواية منصة انطلاق لروايات كيكي (الهامشية) في المستقبل
كما (مائة عام من العزلة) و (موسم الهجرة للشمال). |
مرحب يا عمدة والف شكر علي كلماتك الجميلة
ومثل مساندتكم تلك هي من تجعل من الاشياء ممكنة
ودمت يا عماد يا صديقي
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
مبروك لنا
بالتأكيد سيكون فتحآ في الرواية السودانية
وميلادآ لكاتب لن يشق له غبار
يمتاز بقدرة هائلة على الحكي الحميم
وقدرة أهول على رصد وملاحظة الناس والإنفعالات
وصياغة الأحداث والوقائع
ثم
مبروك يا عبدالكريم
| |
|
|
|
|
|
|
|
|
|
Re: مبروك للمهندس كيكي (Re: haroon diyab)
|
Quote: والله انا سعيد بهذا الخبر الجميل
وياريت يافيصل نعمل تدشين للكتاب
بمنتدي الحروف وجاهزين لكل شي.
اخيرا.....
حنيت علينا ياكيكي |
هلا ياهارون
وبالله خلي عنوان الجلسة
اي اي سكورتا
كمبو الري سكورتا
والله ياهارون اخوك زااااتو حاني علي روحو من حكاية كتاب وما كتاب دي
| |
|
|
|
|
|
|
|
|
|
Re: مبروك للمهندس كيكي (Re: أبو ساندرا)
|
Quote: مبروك لنا
بالتأكيد سيكون فتحآ في الرواية السودانية
وميلادآ لكاتب لن يشق له غبار
يمتاز بقدرة هائلة على الحكي الحميم
وقدرة أهول على رصد وملاحظة الناس والإنفعالات
وصياغة الأحداث والوقائع
ثم
مبروك يا عبدالكريم |
هلا يا كبير وحبابك
ووقوفكم معنا يا ابو ساندرا وتشجيعكم المستمر للكمبو ومن بداياته الاولي كان
من اهم الاسباب التي جعلت الان قاب قوسين او ادني من ماكنة الطبع
وكلام يكبر الراس يا ابو ساندرا
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
مــــــــــ1000ــــبروك
مقدما ياكيكى
كامبو الرى راوية سوف تكون اضافة حقيقية
للادب السودانى وسوف تسير على درب الحكى الذيذ
لمشوار روايات الاديب الطيب صالح فى بساطة وسلاسة
اللغة السودانية لاهلنا البسطاء وانك تمتلك هذة القدرات
المدهشة . شكرا فيصل
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
| Quote: إذااجتهد الزميل :المهندس : كيكي :من الممكن ان يكون الكتاب احد عناوين معرض الدوحة للكتاب وهو على الابواب |
هلا يا فيصل
والمعرض يوم 24 في هذا الشهر وما نقدر نلحق السوق
ولكن باذن الله في ضمن فالياته ستكون هنالك اخبار مفرحة لكمبو الري
| |
|
|
|
|
|
|
|
|
|
Re: مبروك للمهندس كيكي (Re: ممدوح أبارو)
|
العزيز كيكى لديه قدرات عالية فى تصوير الأشياء , ويستطيع أن ينقلك بمهارة فائقة
لتعيش فصول ما يحكيه من أحداث , وكأنك أحد سكان تلك الأماكن النائية التى دارت فيها
تلك القصص , ل درجة الواحد فينا فكر يطلب عضوية لحسن ماكردا , اضافة لروح مرحة
وقلب عامر بحب الخير للآخرين , تلحظه من خلال مواقفه المتعددة فى هذا المنبر وهذا أمر
داعم لنجاح المبدع , لك الحب ياكيكى , وصادق الأمنيات بالتوفيق فى مشاريعك الأدبية .
وشكرا ليك أستاذ فيصل لهذه المساحة لنعبر عن أكيد حبنا للعزيز كيكى .
| |
|
|
|
|
|
|
|
|
|
Re: مبروك للمهندس كيكي (Re: فيصل عثمان الحسن)
|
| Quote: وشكرا ليك أستاذ فيصل لهذه المساحة لنعبر عن أكيد حبنا للعزيز كيكى . |
الف شكر اخي فيصل عثمان
ولك من الحب والود التقدير اضعاف اضعاف
والف شكر علي كلماتك النبيلة التي اتمني ان انالها
وسلام كثير يا فيصل
| |
|
|
|
|
|
|
|
|
|
Re: مبروك للمهندس كيكي (Re: ممدوح أبارو)
|
Quote: كمبو الري وروائح المشك والحطب
وتشابه جركانات الماء والبتاع
ودياليكية الشخصيات وتناقضات البئية |
هلا ابارو وحباب العريس النفض الكيس
وايوووه يا ممدوح ده الكمبو ذااااتو...انت منت مدسي وين يا زول في الكمبو
اعترف سرررررررريع
تحياتي يا ممدوح وكن حيين حنتلاقي في مدني الوديعة باذن الله
| |
|
|
|
|
|
|
|
|
|
Re: مبروك للمهندس كيكي (Re: Safia Mohamed)
|
Quote: نصيبنا في السلطة خليناه دايرين نصيبنا في الثروة
|
هلا يا دكترة
وليك يازولة نصيب في السلطة والثروة
بس شوفي نيفاشا بتقول شنو في الجزئية دي...
ومادام القصة فيها هامش وما هامش اكيد القسمة بتكون مكوعة
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
دائما مفرح يا صديق بخبرك وخباراتك
سعيد جدا باكتمال الحلم
وارى صديقينا كيكي بانه سيكون ضمن قائمه الكتاب وبالتالي يكون له الحق بالتوقيع على
مذكراتهم ،، بس يخلي مبارات خليل البتوديهو لكوشة العرس رقم 4
مبروك خااااااااااااااااالص
| |
|
|
|
|
|
|
|
|
|
Re: مبروك للمهندس كيكي (Re: فيصل عباس)
|
عزيزي تحياتي....
لا شك تمتلك كل متطلبات الكتابة و الرصد الجميل .... بس (فك) كوم المفاتيح المعلقها فوق رقبتك دي و طوالي (الساجور) حينفكه... مرة تانية مبروك و الي الامام دوما يا باشمهندس
| |
|
|
|
|
|
|
|
|
|
Re: مبروك للمهندس كيكي (Re: فيصل عباس)
|
Quote: وارى صديقينا كيكي بانه سيكون ضمن قائمه الكتاب وبالتالي يكون له الحق بالتوقيع على
مذكراتهم ،، بس يخلي مبارات خليل البتوديهو لكوشة العرس رقم 4 |
هلا يا فيصل
ولا لتوقيع قد اتينا ونحن للكمبو فداء
عنقالي عنقالي حتي النخاع هو شعارنا القبيل قلناهو سوي سا فيصل
| |
|
|
|
|
|
|
|
|
 Re: مبروك للمهندس كيكي (Re: طارق جبريل)
|
السمي الباشمهندس كيكي
من زمان قلنا ليك لقد ضللت طريقك في الجامعه من الآداب الي الهندسه ولكن إصرارك علي أن الهندسه هي مفتاح الادب الراقي ,, في إنتظار الإصدار والإصدارات القادمه ,, فالقامات الساميه لاتحدها التخصصات العلميه..
** إهداء الي كل المظلومين والمُهمشيين وكل من فقد مصدر رزقه وعيشه بحُجة عدم الإنتماء الي الاحسبون نهديهم سفر الباشمهندس / عبدالكريم ود الامين ود أحمد .
(ابو محمد فؤاد)
| |
|
|
|
|
|
|
|
|
|
Re: مبروك للمهندس كيكي (Re: عبدالكريم أحمد الامين)
|
| Quote: إهداء الي كل المظلومين والمُهمشيين وكل من فقد مصدر رزقه وعيشه بحُجة عدم الإنتماء الي الاحسبون نهديهم سفر الباشمهندس / عبدالكريم ود الامين ود أحمد |
نعم استاذ عبدالكريم
سيكون الامر مسافرا لكل البسطاء والفقراء فهم ملح الارض وسادتها
| |
|
|
|
|
|
|
|
|
|
Re: مبروك للمهندس كيكي (Re: طارق جبريل)
|
| Quote: كدة شجعتني اطلع البت الشديدة في شكل رواية |
هلا يا دكترة
وايييييي بالله علي الاقل نبقي اولاد دفعة..
والبنات الشداد يستاهلو كتب بالحيليا طارق
| |
|
|
|
|
|
|
|
|
|
Re: مبروك للمهندس كيكي (Re: nourelhadi awad)
|
الله أكبر ..
ده الكلام .
قلنا ليك سيبك من الهندسة و لغاويسها يا مواطن ..
إنت زول يقعد يفلفل حال الناس الغلابة و يشرح و يكشف عن المخبؤ و المضارى ..
ده هو المفتاح عشان الناس تشوف قدر شنو هي مظلومة و مهضوم حقها و مغلوبة على أمرها ..
تمليك الناس معطيات كربتهم و تسليط الضوء على أحوالهم المنسية في ضل الخطابات و الكواريك الصنجا هو اللي ح يصحي الـ ( لا ) جواهم ..
المغلوبين و مقهورين مسلمين للحال المايل و كأنه قسمتهم و لسان حالهم : ربك عايز كده .. لا اعتراض .
قسمة الناس الغلابة و حقهم ياخدوهو على داير المليم من بين فكي السلطان و الغول و الهوس و الهوى و الأطماع .. بس كيف يعرفوا إنه داااااك حقهم ..
و يسيبوا التسليم و الإنهزام و القنوع ..
أهو إنت قاعد تنقل أدب الأزقة و حكاياها البواطن و الغلب الكبير الحاكم الناس ..
على رغم من الطعم الأدبي في الحكي و القص .. و رغم تجميلك للبؤس المشرور حدادي مدادي .. لكن الحزن و المرارة طالعة بين السطور ..
و القهر المكتوم على حيوات منهكة من مكابدة حياة ما متوفرة فيها أدنى شروط اللياقة بالكائن الإنساني .
أهلنا تعبانين يا صاحب ..
لا الساسة ح يرفعوهم .. لا الكلام المعبأ في النوايا و الأيديولوجي و العقائد و الكضب و الوعود أمات ذمم بلاستيك ..
ما ح تملكهم النور إلا مرايا يشوفوا فيها قدر شنو هم في بؤس و قدر شنو مظلومين .. و جميلين .
تحريضهم هو المفتاح .. تحريضهم على رفض الخنوع و التسليم ليهو .. على رفض القبح البيحاولو هم يجملوهو لكن اليد قصيرة و البصيرة أناخت للتعب و التعب و التعب .
أكشف يا صاحبي عن حالنا ..
ورينا مظلومين قدر كم .. و جميلين قدر كيف و نستحق الحياة ياخ .
.....
و وحاة سيدي الحسن زول غيري يرسم الكتاب ده مافي ..
مبروك لينا ..
| |
|
|
|
|
|
|
|
|
|
Re: مبروك للمهندس كيكي (Re: nourelhadi awad)
|
Quote: عبد الكريم(كــيكي)
تلتصق دائما بذاكرة الحكي
و يسكن سردك التفاصيل والملامح
هو الوعد إذا
نفترش الانتظار حصباء وجد |
كل الود يا نور الهادي
ووعيد سعيد
وشكرا علي المساندة وحتما سنري كمبو الري قريبا
وهو لكم جميعا
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
Quote: الساسة ح يرفعوهم .. لا الكلام المعبأ في النوايا و الأيديولوجي و العقائد و الكضب و الوعود أمات ذمم بلاستيك ..
ما ح تملكهم النور إلا مرايا يشوفوا فيها قدر شنو هم في بؤس و قدر شنو مظلومين .. و جميلين . |
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
| Quote: قرر ان يحول الفكرة الى ورق ، ليصبح"كمبو الري" اول انتاجه الادبي. |
الف مبروك يا عبد الكريم
خطوة موفقة إن شاء الله
ونتمنى ان نرى باقى الروايات الأخرى
مع خالص مودتي
| |
|
|
|
|
|
|
|
|
|
Re: مبروك للمهندس كيكي (Re: noon)
|
| Quote: و وحاة سيدي الحسن زول غيري يرسم الكتاب ده مافي .. |
وبالمرة يا عماد ارسم لينا (اورورا) فى كتاب
راجيينك
ــــــــــ
دة كلام عظيم يا كيكى
| |
|
|
|
|
|
|
|
|
|
Re: مبروك للمهندس كيكي (Re: معاذ حسن)
|
الاخ الاستاذ فيصل الزبير لك التحايا
قلنا قبل كده ان اخبارك دايما جميلة
الف الف مبروك الباشمهندس كيكي
وانا من اشد المعجبين لكتاباتك
حاجزين اول نسخة
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
تستاهل يارائع أن يكون لك فوقنا درجات ،، نحن هنا
نكتب الخبر وماجاوره فلا ننحت الدقنوس كثيرا فيأتي
كيفما أتفق ولا نعبأ كثيرا،، أما أنت فتناكف في كل باب
بلغة لها سحرها ولها قبول مهما عبرت فيها عن غضبك
أو إختلافك في الرأي،،،
لك موقع فريد في قلوب كل البورداب!! تجاوط أهل الهامش
وأنت منهم ، تغالط ناس البرج العالي وأنت منهم وتقهر الظالم
بعنف وأنت منه براء،،،
كل الأمنيات الطيبة أن يأتي كمبو الرأي بداية لكنابي تتبعها أخريات،
ولنا شرف أن يكون لنا فيها أثر مارأيت ذلك،،
شكرا كيكي ، وأهنئك أخي فيصل الزبير على هذا السبق
| |
|
|
|
|
|
|
|
|
|
Re: مبروك للمهندس كيكي (Re: عبد اللطيف بكري أحمد)
|
كيكي سلام
ألف مبروك
حتطبع وين؟ أنا اليومين دي آخر مزاج، بقرا الكتب سخنة من الفرن
أبنوس، ثم حمور زيادة وهشام آدم....
وفي زيارة مكوكية سأحصل على أحمسة تاج الملك.
أها بس ورينا طبعت في العالم العربي ولا وين؟ وأدينا اسم زول كده عشان نجننه لغاية ما نلقى الكتاب. إحنا وكيلنا في القاهرة سفيان نابري.
تسلم يا كيكي، وأسعدني الخبر.
إيمان
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
Quote: وكمبو الري تاخر كثيرا في زحمة المشغوليات في الخروج ككتاب
واعتقد بان زمنه الان قد اتي...وقريبا باذن الله سيري النور ...
|
.
.
الاخ/ كرمة
الف مبروك مقدما.. وكنت بتمنى انه الفكرة دى تكون من زمان
لكن القدم ليهو رافع
....
حاجة تانية.. والله يا عبد الكريم .. لو وافق الاخ احمد الامين انه يشيل
نص ( كمبو الري ) انا بشيل النص التاني. ودي حتكون هديتنا لبرلوم الهندسة
...
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
دا الكلام
يا كيكي خلي صوت العوالم السفلية وإيقاعات قاع المدن و الناس المدانين و منسيين تلعو فوق صخب زيف العالم الفوقاني
حدثتنا النبوات انو ح يجي يوم يهبوا و يهدوا عمائد الفوقاني و جوة الجب ح يرموا العارض . . . و غناهم سيدنا مصطفى
في انتظار كمبو الري " جسم " مادي نمسك فيهو نتمسك بيهو
و نقابلو بحفاوة تليق
شكرن كيكي . . . و كتير حب
| |
|
|
|
|
|
|
|
|
|
Re: مبروك للمهندس كيكي (Re: Hatim Salih)
|
.
.
الزميل الجميل كيكي
الف مبروك وفي إنتظار الكتاب على عنواني البريدي وعليه إهداء بخط كاتبه 
دعواتي وأمنياتي لك بالتوفيق أيها الكريم المفضال .
تحياتي وتقديري
.
.
| |
|
|
|
|
|
|
|
|
|
Re: مبروك للمهندس كيكي (Re: WadAker)
|
Quote: وكمبو الري تاخر كثيرا في زحمة المشغوليات في الخروج ككتاب
واعتقد بان زمنه الان قد اتي...وقريبا باذن الله سيري النور ...
|
تهانينا يا كيكي.،
| |
|
|
|
|
|
|
|
|
|
Re: مبروك للمهندس كيكي (Re: وائل طه محى الدين)
|
مبروك حبيب الكل ودى خطوة فى الاتجاه
الصحيح لانو نحنا شعب شفاهى وثقافتنا
سماعية ومثل حكايات كيكى تستحق
ان تكتب لتبقى سفرا بين الناس وما تخاف
من هكر ونا ولا ابكرونا
شكرا صديقى فيصل على الخبر الجميل
| |
|
|
|
|
|
|
|
|
|
Re: مبروك للمهندس كيكي (Re: Faisal Al Zubeir)
|
العزيز فيصل لك التحية
العزيز عبد الكريم كيكي
مشروع اخراج (كمبو الري) في كتاب فكرة موفقة جداً نتمنى ان تنجز سريعا لانه عمل ابداعي يجب ان لا يكون حبيس البورد و الصحف .
اما بالنسبة لي شخصيا قد عشت اجزاء من هذا الابداع عند زياراتي المتكررة لابي نعامة باعتباري المهندس المسئول عن صيانة اليات CASE انذاك و كان الكناف من ضمن مجموعة الشركة، لذلك كمبو الري يظل من الذكريات الجميلة التي لن يمحوها الزمن و في الواقع قصة كمبو الري هو توثيق ليس لكمبو الري فقط بل لمشروع الكناف و ما حوله من قري و تجمعات سكانية.
مشتاقون لان نري كمبو الري علي ارفف مكتباتنا.
بالمناسبة يا كيكي ايه اخبار باخوس لي زمن ما سمعت عنه شئ نرجو الافادة اذا كان عندك خبرو.
لكم الودو كل عام و انتم بخير
مباك محمد الحسن
| |
|
|
|
|
|
|
|
|
|
Re: مبروك للمهندس كيكي (Re: مبارك الدومة)
|
| Quote: بالمناسبة يا كيكي ايه اخبار باخوس لي زمن ما سمعت عنه شئ نرجو الافادة اذا كان عندك |
يا سسسسسسسلام ياخي..
فليعزرني الاخوة والاخوات اعلاه لتحية الاخ المهندس مبارك محمد الحسن حتي اعود للجميع بكل تقدير وامتنان..
وتحياتي الشديدة يا مبارك ومعقول انت بيننا في هذا المنبر ونحن اخر من يعلم...!!
باخوس بخير وعافية والتقيته في السودان في اجازتي الاخيرة ولايزال كما هو في زماننا ذلك
ملهما شاعرا ومرتبا وباخوسا كبير...
مشتاقين بالجد يا هندسة وشوق كثيف الي ايامات الكناف الرائعة تلك والي كل الذين عبروا في ساحته الرائعة وشوق اكثف للاسطوري عادل عشميق وكروز والسماني صالح وكل الاخوة والاصدقاء الرائعين
وحبابك يا مبارك وفي انتظارك طويلا علي صفحات هذا المكان
| |
|
|
|
|
|
|
|
|
|
Re: مبروك للمهندس كيكي (Re: عبدالكريم الامين احمد)
|
يا كيكي تحياتي
طبعا الكناف دور و دور و رجع للحكومة تاني و لك ان تتخيل ما حل به.
عادل عاشميق رجع الدمازين ، كروز بجياد السماني صالح معانا برئاسة الشركة بالخرطوم كان جارى بالحيطة بودنوباوي لكنه رحل لحي الواحة بامدرمان.
| |
|
|
|
|
|
|
| |
Faisal Al Zubeir
عبدالكريم الامين احمد
شول اشوانق دينق
Ishraga Mustafa
Badreldin Ahmed Musa
Imad Khalifa
أبو ساندرا
haroon diyab
Safia Mohamed
ممدوح أبارو
بابكر التوم
محمد عبد الماجد الصايم
فيصل عباس
hamid murahid
طارق جبريل
عبدالكريم أحمد الامين
Emad Abdulla
ناهد بشير الطيب
noon
أيزابيلا
معاذ حسن
كمبورة
مكي ابراهيم مكي
إيمان أحمد
sumah
khaleel
نجوان
ثروت سوار الدهب
محمد سنى دفع الله
قيقراوي
هند محمد
احمد الامين احمد
Adil Osman
ibrahim kojan
Hatim Salih
ALazhary2
إسماعيل وراق
زهير الزناتي
وائل طه محى الدين
عامر تيتاوى
عبد المنعم سليمان
ريهان الريح الشاذلي
محمد عبدالرحمن
mohmed khalail
ودرملية
Alsa7afa_30
حمور زيادة
فيس بوك
تويتر
انستقرام
يوتيوب
بنتيريست