|
|
 فنيات ركوب الفيل عند (عباس كلتش) واخريين..!!!
|
لم يكن يدري عباس عند وجوده الاولاني في تلك المنطقة الصناعية الضاجة بالصناعية والمعلمين والاسطوات
والصبية الصغار ..لم يكن يدري الاسرار التي تتيح لمعلمه (ود البر) الكشف السريع علي الطرمبات من نوعية
الزيت والموية ومقدرته علي تحديد الاعطال الداخلية للعربة من اول نقرة نقرتين للاستاتر.....ولكن سرعان
ماتكشفت له تلكم الصقعة النص يومية عندما ترسل اشعة شمس المدينة لهبها اللاذع ..فلاحظ ما لاحظ اختفاء
المعلم الكبير ود البر داخل كراكير ورشته (ليشفط سجائر او شي من هذا القبيل) نفاذة هي رائحته ولكن
شوية شوية راقت الي عبس واصبح الشباك الوحيد في تلك الورشة هو مجلسه في عز القايلة متجاوزا لسعات الشمس القليلة
التي تتسرب من خلال افرع شجر النيم التي هي ايضا يبدو فيما يبدو تهف بكل عروقها وفروعها لاستنشاق
ذلك النبات العجيب الذي يرسل دخانه المعلم (ودالبر)....!!!
.....
|
|
 
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
وشهور عديدة صار ود البر يشفط ويمارس التحليق في زبدة (نبات الكايا) وعباس والنيمة الظليلة يشفطان الدخانين
بمزاج عالي ليستمخ عباس ويعمل بمزاج في ربط (الاوشاوش وفك الصواميل والسخي العالي في الحضور عند مناداته
من معلمه يا ولد جيب مفتاح بلدي 17
يا ولد جيب النكي 10
وياولد جيب حبة 20
ويا ولد جيب الشاكوس داك وناولني استاندر ..كم كده ماعارف..!!!
واما النيمة فقد كانت الدخانين الاتية من سيجارة المعلم يبدو هي من تجعلها ترسل الظل الوفير وتيتح به للجميع الجلوس
والعمل تحت ظلالها المصقوعة
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
تلكم الجلسة الشباكية ام نيمة هي اولي السحابات التي تظلل عقلية (عباس) وخياله الخصب وهو الان صار حريفا
ولفيفا يجيد برم (البرنسيس) واصبح صاحب (اصبع) وبزاق قادر علي تنضيف كل الاصناف جيدها وبيشها
وما من طلعة فيلية ومهما كانت المدارات او الازمنة التي يركب فيها فيلا الا وردد وبصوت شبه مسموع..
الله يا زماااااااااااااان النيمة وود البر الاسطي العجيب..
ونعود
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: Emad Abdulla)
|
Quote: يا زول .. !!!
الفيلة عديييييييل ؟
........
السترة و الفضيحة متباريات يا كيكي ياخوي .
|
هلا ياعمدة وموتني ياخي من الضحك..
ولكن ياعماد ديل ناس (كلتش) البقولو كده
فيل..ونجوم منكير والسماء جير...
وبوبا العجلاتي زاااتو كان بقول معاهم كده
كامل تضامني مع روحي في البوست ده
(وحذاري من خدر وكوجان)
ولكن االله في
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: Saifeldin Gibreel)
|
هلا ياابو السيوف وحبابك ياخي..
وده يا ابو السيوف الظاهر عليهو من (الحبوب دي) صنف عجيب مرة واحدة
والمعلم الوضب (الجديع بتاع) الحبوب ونضف الصنف الظاهر عليهو معلم كبير خلاص..
نجي لقدام ومع عباس ممكن نشوف (الحبوب) لمن تكون ما موضبة صاح السيجارة البحصل فيها شنو؟؟
والفرقعة التي يقول ناس عباس بانها بتحدث كركبة في الراس ....
ابو السويف هوووي الصنف ده جبتو من وين يازول ..؟؟؟
يشوفو ناس (عبس) حرم باقي اليوم ده يصبحوها معاك في امريكا
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: زهير الزناتي)
|
Quote: البوست دا بيجيب هوا ، ويوقع تحت طائلة القانون الجنائي
عشان كده اعمل حسابك من الطاره |
هلا يا زهير وماتشيل هم يازول..
وبوجود عباس هنا القصة محلولة تب...
ناس عباس كلتش عادي لمن يداهمهم بوليس ببلعوا (الصنف) زي الماحصلت حاجة
البوليس يفتشو ب(x-ray) مايلم في السيجارة..
اها لو داهمو البوست ده مع التقمص وسيرة (عبس) ياني بالع البوست ده وتاني البوليس وبكري زااتو بقوقل ما يلم فيهو
فاجدع لينا بالله حكايات 83 دي وحلق معانا في الاجواء الفيلية
واعتبر البوست مبلوع 
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالناصر معتصم)
|
Quote: ركوب الفيل , ريحة الند , رش الرمله , لفليف الشعر , المكنكه شنو العلاقة بينهم؟
سؤال برى و الله.................. ليه ركوب الفيل بالتحديد؟ |
هلا يا عبدالناصر وحبابك
والاشياء الذكرتها انت دي فيها دلالة طقوس كبنغية يعمل الغالبية وليس الكل علي توفيرهم قبل كل طلعة فيل
ولو لاحظت
ركوب الفيل
ريحة الند
وبريم الشعر
الثلاثة دي معاول الاولي للتحليق عاليا بامر صعب المنال وهو ركوب الفيل.. لتواجده في الوعي الشعبي بالضخامة وانو حاجة عالية ونادرة وقريبة من السماء..
ريحة الند ترسل اجواء هدوء وتذون في عطر الند الشجي السحب التي يلامسها راكب الفيل
وبريم الشعر..دلالة للتركيز والتامل والتوحد في حضرة الشغل الرهيب البكون عاملو (الكايا) جووه الدماغ
المكنكة ده امر اعتقد بانه مربوط بالجد بانتشار الجهل بالمخاطر الصحيةفي المناطق شعبية الزي دي
ودي كارثة كبيرة يا عبدالناصر ودايرة شغل كثير من المختصين
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
عبس الان بعد رحلة سنين وشفط كميات تجارية من (الكبنغة)
بيشها (وما بطالها) وممتازها وارد كراكير الصعيد صار هو المعلم
والاسطي الكبير في حضور شلة الكبار في فريق ورا عثمان حبة
وحيدر هبشة ومنفلة...هذا الرباعي المدرب تدريب ابن لذينة علي معافرة الحديد والصواطة المحترفة في كل خجانين( اي حديدة صنعها الخواجة جون وقال ليها فرتقي في الزلط) كانو قادرين علي فكفكتتها صامولة صامولة واعادة تركبيها (زي الما حصلت حاجة).....
وجودهم كرباعي محترف و(حريف صنف) جعل منهم صانعين
لطقوس وترتيبات لاتشابه في هذا الكون اي شي سواهم...
تبداء اولي المحطات لتوفير (الكايا) من محطة المنبع فصنف لم يختم عليهو (ابوكرنك) زابونهم صاحب( الطبلية العاملة ميتة) ولكنها عامرة في كراكيرها باجود انواع (الكايا)...
ويصنفها ابوكرنك الي ثلاثة درجات....
ونعود الي الكرنكيات
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
النوع الاول هو البيش وبيش البيش وهذا لايبيع منه الا للاشبال
والناس القاعدة علي( الهبشة) ويحس بفطنته وحسه الامني بان راسهم خفيف (ريشة ووزن الريش)..ولذا يعمل علي مطايبتهم بان يبيع لهم هذا الصنف (الخربان) الذي لا يفرق كثيرا من اي سيجارة (برنجية) قليلة (النيوكوتين) وقادرة علي احداث شعشعة كده علي خفيف....وحتي يقفل نفاجات الهواء البارد في حالة الرفوعات الجنينة.....
النوع الثاني وهو نوع وسطي التاثير ويعتمد علي العضة وقليل من تماسك الراس وبه نعنشة تحت السيطرة واكثر سعرا من النوع البيش وهذا النوع ايضا كان ابو كرنك لا يبيعة الا للافندية الذين يعتقد بانهم نعم راسهم قوي ومساخيت ولكنهم يحتاجون لعناية خاصة حتي لا يرفعون جنينة ان ذهبوا الي الصنف (دلتا)
المخصص للرباعي الخطير المثير للجدل والدهشة وهذا ما سنعود اليه
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
Quote:
ياخ دى فكرة مبالغة ياكريم وبصراحة يازول ومانى خايف حسيت انك خاطبت فينى طقوس واْن كانت مخيفة بسبب الحبيبات البتعمل كركبة دى
لكن ................هههههههههه جميل واصل ياباشمهندس |
هههههههه
هلا ي يا منتصر وحبابك ياخي
وعبس قال لي زماااان لمن يادوبك كيشة وسيجارتو فرقعتها تقول ياليل
قال الفرقعة بتاعة الحبوب دي لمن تحصل التقول راسك ده مفرقعين جنبو ديناميت
ومن الزمن داك بقي سيجارة لو ما نضفها وعدمها نفاخ النار وبقت زي الجابنها سيف جبريل دي
كلو كلو مابجر فيها نفس
| |
|
|
|
|
|
|
|
|
|
كيكي (Re: عبدالكريم الامين احمد)
|
كيكي
والله عباس مسكين
عمرو لا ركب فيل ولا حمار حتي
من المسجد للبيت ومن البيت للمسجد
مالك علي يا ولد الحلال
انا سويت ليك شنو
قال كبنقا قال
| |
|
|
|
|
|
|
|
|
|
Re: كيكي (Re: abas)
|
Quote: والله عباس مسكين
عمرو لا ركب فيل ولا حمار حتي
من المسجد للبيت ومن البيت للمسجد
مالك علي يا ولد الحلال
انا سويت ليك شنو
قال كبنقا قال |
هلا ياعباس وحبابك ياخي
وياخي اعفي لينا نعمل شنو مع ناس (عباس كلتش) المساخيت ديل.
وبعدين ياخي انت عباس سليقة كده
وزولنا داك عباس (كلتش)..ولو مشيت فريق ورا وقلت (كلتش ساكت) اي زول بعاين ليك من فوق لتحت وبفتكر حريف
ولكن بعد ده بوصف ليك واحتمال يوصلك هو زاااتو
وكل التقدير والاحترام يا عبس
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
يا كيكي الحبيب
ممكن ناس ما يعرفو عباس ساي كده وعباس كلتشات
يقوم يتلخبط الاختساس عليهم
وياخي اعفي لينا نعمل شنو مع ناس (عباس كلتش) المساخيت ديل.
وبعدين ياخي انت عباس سليقة كده
وياخ انا عافي ليك
لكن عاوز تجيب لينا اسم هنا بي عباس سليقه دي
في ناس قاعدين هنا لي خطف الاسامي بس
تسلم سا امير
| |
|
|
|
|
|
|
|
|
|
Re: كيكي (Re: abas)
|
Quote: وياخ انا عافي ليك
لكن عاوز تجيب لينا اسم هنا بي عباس سليقه دي
في ناس قاعدين هنا لي خطف الاسامي بس
|
هلا ياعبس
وسليقة دي يازول ما تشيل همها سموني انا القدامك ده ليها هنا زمممممماان
وبقت حصرية..ولو سمعت تحت تحت سموك بيها ياني الفاتح فيكم انت والسماك بلاغ 
التسمية هينة الكلام في لخبتتة الاختساس دي
| |
|
|
|
|
|
|
|
|
|
Re: كيكي (Re: abas)
|
جابت ليها افيال يا هندسة كمان
هههههههههههههههههههههههههه
بكرة حا تطلع لي بي حسن جربك الركب الورل
| |
|
|
|
|
|
|
|
|
|
Re: كيكي (Re: طارق جبريل)
|
| Quote: بكرة حا تطلع لي بي حسن جربك الركب الورل |
هههههه
تقول شنو ياخي من صحبانك ناس فريق ورا ديل..!!
ابوعلي ده بكون رهيب ياخي الركب الورل ده
لكن لقدام لو لقينا طريقة ممكن نشوف حكايات (عطا برنتة)*
البرنتة ده نوع من انواع الورلة كده
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
كيكي
شكلك زمان كنت شرامي
اجمل ما في بوستاتك المفردات التي تستخدمها و هي تعيدنا الى الوراء .. لي كم سنة ما سمعت كلمة ( فيل ) بهذا المصطلح عدا خواطر فيل حين يستمع اطفالي للنور الجيلاني .
و انت سيد العارفين
ايش العلاقه بين خواطر فيل و بريم شعر الجيلاني و الفيل ؟
| |
|
|
|
|
|
|
|
|
|
Re: كيكي (Re: الصادق ضرار)
|
Quote: كيكي
شكلك زمان كنت شرامي
اجمل ما في بوستاتك المفردات التي تستخدمها و هي تعيدنا الى الوراء .. لي كم سنة ما سمعت كلمة ( فيل ) بهذا المصطلح عدا خواطر فيل حين يستمع اطفالي للنور الجيلاني .
و انت سيد العارفين
ايش العلاقه بين خواطر فيل و بريم شعر الجيلاني و الفيل ؟ |
هلا يا الصادق وتحياتي ياخي
وبالعكس يا الصادق اخوك كان الكورة الجامع والبيت والمدرسة وبالعكس
ولو شافوك واقف جنب حقة صعوط سااكت بالغلط حيكون جاك بلا
الاسر كانت صعبة وقاسية بالحيل
ومرة اخدنا جلدة كاربة ما بنساها حتي الان بتهمة الاكل في مطعم وعندنا ود خالنا كده خشمو خفيف
مشي وشي بينا بدعوي انو (الناس ديل وقعو مطعم)
فده المطعم كان حالو كده فلك ان تقيس بقية الاشياء
طرزان فنان متفرد ومميز وبوب مارلي بتاعو تاريخي
لو عباس لقي ليهو شعر بسويهو طوالي
.وخواطر فيل حقو نعملها الاغنية الراعية الرسمية للبوست ده
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
انت الشي فريق ورا دا
جراب حاوي؟
و ما فيهو زولا ضو؟
كدي ادينا واحد فلت منه و بقي حاجة
ولا يا ربي البلاوي الماسكة البلد دي جاية منه
لا اكيد جاية من وراه كمان
| |
|
|
|
|
|
|
|
|
 Re: كيكي (Re: صلاح أبودية)
|
Quote:
ولّعوا ليكم ند ياجماعة !!
البوست ده ريحتو فاحت !! |
الناس الهنا ديل احسن يتخارجوا بسلامتهم يا ابودية
| |
|
|
|
|
|
|
|
|
|
Re: كيكي (Re: صلاح أبودية)
|
Quote:
ولّعوا ليكم ند ياجماعة !!
البوست ده ريحتو فاحت !! |
الناس الهنا ديل احسن يتخارجوا بسلامتهم يا ابودية
| |
|
|
|
|
|
|
|
|
|
Re: كيكي (Re: محمد المعتصم ابراهيم)
|
| Quote: الناس الهنا ديل احسن يتخارجوا بسلامتهم يا ابودية |
هلا يا معتصم
ويازول انت يابرلوم البجيبك حتات زي دي شنو زاااتو
لكن مادام جيت فما تخاف يا زول
اي كركبة وبوليس (كلتش ببلع الصنف) الجابو سيف جبريل ده
وانا ببلع ليكم البوست (اها قصرنا معاكم انا وعباس في جاجة)
| |
|
|
|
|
|
|
|
|
|
Re: كيكي (Re: صلاح أبودية)
|
طبعا يا كيكي قريت العنوان(فتيات ركوب الفيل!!) لوووول
ولامن دخلت جوه لقيت ليك ناس كبنكه مدورين والمخخنجيه ريحتم تملا المكان ,,
اكون انا راكب فيل مع الصباح ولا شنو ؟؟؟
مسخوت انت يا كيكي
مسخوت والله
متابع بس الواحد بعد ما يقرا البوست دا يقول واحده برنجيه تفك الموضوع بتاع فتيات .... والله أعلم
| |
|
|
|
|
|
|
|
|
|
Re: كيكي (Re: ibrahim kojan)
|
Quote: اكون انا راكب فيل مع الصباح ولا شنو ؟؟؟
|
هلا يا كوجان...
وبيني وبينك النون الكبيرررررررة دي مافي زول بقراها (تا) الا يكون راكب ليهو فيل
من خجانين فريق ورا بتاعة لندن ...
اجدعو لعبس المسكين ده معاكم حبة يا اهل المحبة
| |
|
|
|
|
|
|
|
|
|
Re: كيكي (Re: صلاح أبودية)
|
Quote: ولّعوا ليكم ند ياجماعة !!
البوست ده ريحتو فاحت !! |
حالتو لسع يا باوصلاح
يادوبك ناس عباس في طريقهم لاستلام الصنف (دلتا)
وكدي اخد ليك مشوار مشوارين وتعالنا بجاي
| |
|
|
|
|
|
|
|
|
|
Re: كيكي (Re: نصار)
|
Quote: انت الشي فريق ورا دا
جراب حاوي؟
|
هههه
هلا يا نصار وحبابك ياخي
وياخي فريق ورا مو هين تب وطلع ناس كثااار يشار ليهم بالبنيان
وميزة فريق ورا اي زول فيهم يمسك شغلة بجضمها للاخر...يعني زي صاحبنا (عبس) ده في الصعقة دي
مافي زول بفوتو..
عند يعقوب فرعون اشهر سواق لوري سفري ومافي زول في البلد ديك بعرف يدوس ابنص زيو
وهكذا فالفريق ملان يازول حتي في القراية دي (ادم قلم) لمن ختا راسو فيها مشي ليها لبلد الخواجات وجضمها وجاء
ورا يا نصار ناسو صعاليك ومساخيت لكن نبلاء وطيبين
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
كيكي المسخوت
إنت عارف جماعة الافيال ديل
بقولوا إلا تجرب الشغلانه دي
شان تقدر توصف المشهد كويس
اها دحين ياخوي إنت ركبت ليك فيل
ولا شغال فينا جعجعه ساكت
| |
|
|
|
|
|
|
|
|
|
Re: كيكي (Re: Nader Abu Kadouk)
|
Quote: اها دحين ياخوي إنت ركبت ليك فيل
ولا شغال فينا جعجعه ساكت |
هلا يا ابوكدوك
وبيني وبينك سؤالك ضحكني وجهجهة باكاتي جهجهة باكات المريخ..
وكدي خلينا نحكي الموضوع في رحلته كلها ولك ان تقيس بعدين وانت كلك نظر وخبرة
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
اسمها قانجا في فريق حلة ورا في لندن والمثقفين بيقولو ليها إبليف spliff#
والاسم التاني ويد(
weedانت عايز ياتو؟؟؟
ومرات كدا للناس القدام كايا..وطبعا انت منهم ؟؟؟ يا بتاع الكايا
المهم الواحد لامن يكون مصطول بيقولو ليهو إستون stoned
إختلفت الاسماء والتأثير واحد فييييييييييييييييل
| |
|
|
|
|
|
|
|
|
|
Re: كيكي (Re: ibrahim kojan)
|
نزل لينا عباس في محطة (ويد) دي شكلها من الاسم كده بكون فيها (استون) ابن لذينة
ابليف دي بتكون انت عارف سطلة بتاعة خواجات (لليف)
وكلام زي ده ناس كلتش ماعندهم ليهو رقبة ولا برنسيس زااااتو
weed
وممكن نباصيها لعبس يجربها ويدينا التقرير
| |
|
|
|
|
|
|
|
|
|
Re: كيكي (Re: الصادق ضرار)
|
هلا يا الصادق
والتباكو بتاع السيجارة ده لو لقي عليهو كوريك بتاع (كايا)
ولفو وضب من قبل المصيبتين العاملين زي (الجاينيس) ديل... يكفي فريق ورا كلو لمدة شهرين
| |
|
|
|
|
|
|
|
|
|
Re: كيكي (Re: khaleel)
|
يا سسسسسسلام يا ابوخليل
حرم ما اقول كلمة غير يا سلاااااااام يا بت الشيخ
وده الكلام البربط الحكايات بجيب سيرة فريق ورا من قرونها
| |
|
|
|
|
|
|
|
|
|
Re: كيكي (Re: khaleel)
|
كيكى ازيك
ياخى الشغلة معلمة ومقدرات
عباس دة ياما صاحبتو كتير
بالله اتوصى بيه شديد
كن بخير
| |
|
|
|
|
|
|
|
|
|
Re: كيكي (Re: حامد محمد حامد)
|
كيكي اقصد عبس ومن لف لفه
عبس يظهر وهو يحمل البازوقه في المؤخرة والكايا دوما في المقدمه
والوسيط بينهما الاخ البرنسيس
يستعد للتعمير
ويتواصل التحضير
الاشراف والتاكد من التوزيع بالتساوي
واصبح جاهزا للضرب
بالهنا ياااااااااااااا عبس
| |
|
|
|
|
|
|
|
|
|
Re: كيكي (Re: ياسر عدوي)
|
هلا ياعدوي ومرحب
وام لهب دي يا ياسر سيدها الشرفان ده ما بفضل لينا فيها نفس معاهو..!!!
طبعا حسب افادات عبس السيجارة البتقوم (لهب زي دي)
بكون شافطها ام زول شرفان وبجر نفس شديدددد
او الشكة بتاعة الصنف مع البرنجي ما مظبوطة فالسيجارة بتجر هواء وبتكمل سريع
| |
|
|
|
|
|
|
|
|
|
Re: كيكي (Re: ibrahim kojan)
|
| Quote: كيكي الكاموت الفي خشمك دا كم كرت؟؟ |
كاموت...صدقني يا كوجان كلمة شاعرية جدا كاموت او كواميت
ودي يا دكترة ساكس لو صاحبنا عبس ادانا دفرة من الفي راسو ده
كان مع الصورة دي حتسمع (جيمس لاست)علي الهواء مباشرة
| |
|
|
|
|
|
|
|
|
|
Re: كيكي (Re: محمد الطيب حسن)
|
| Quote: بالهنا ياااااااااااااا عبس |
هلا يا ود الطيب
وتمام والله وضبت لي دورة حياة الكايا من طق لطرق..
لكن ياعمك ناس الجاينيس ديل لو لفينا ليهم واحدة من البشفطوها ناس عبس ديل
عيونهم الصغار دي ح تتلحس مرة واحدة حرم الا يطلوعها ليهم بمنقاش
ما تشوفوهم طالعين ومارقين وشايلين تقول قبتهم فيها فكي
ديل عبس بلفة ثلاثة كروت فور ويل درايف يفرطقهم ليك صامولة صامولة
| |
|
|
|
|
|
|
|
|
|
Re: كيكي (Re: حامد محمد حامد)
|
| Quote: بالله اتوصى بيه شديد |
هلا ياحامد ومشتاقين ياخي
وعبس في الحفظ والصون وحرم حنوضبوا ليك وضيبة عمر جكس
| |
|
|
|
|
|
|
|
|
|
Re: كيكي (Re: Yassir Tayfour)
|
هلا ابو اليسر
وتسلم علي البوب مارلي(وصعتقو تقول يا ليل ياخي)
ولكن يا فردة في الفيديو بتاعك ده في بدايتو اول مرة اعرف انو (الكايا) دي بتورم الشلاليف
كنت قايل الوريم عيوووووون وبس..
(كدي كشف للزول البدخن في بداية الفيديو)
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
يامعلم كريم لكن بصراحة نصار دة كفى واوفى لاحظت الزول دة ماقال اى حاجة بس دخاخين وشحتفة للقراء المعلمين
ياريت لو اى معلم كتب خواطرو واحساسو بفيديو نصار دة
| |
|
|
|
|
|
|
|
|
|
Re: كيكي (Re: منتصر ابراهيم الزين)
|
Quote: يامعلم كريم لكن بصراحة نصار دة كفى واوفى لاحظت الزول دة ماقال اى حاجة بس دخاخين وشحتفة للقراء المعلمين
ياريت لو اى معلم كتب خواطرو واحساسو بفيديو نصار دة |
اقصد ياسر طيفور معليش على (اللبشة دى )
| |
|
|
|
|
|
|
|
|
|
Re: كيكي (Re: Faisal Al Zubeir)
|
سنعود الي الجميع وسيرة عبس العجيب
فلايزال ليل هذا البوست طفلا يهبو وليس يحبو كما يقولون...
مع التحايا للجميع..
وفعلا البوست دخانيو بقت في السماء فوووق
والله يتسرنا غايتو من تشغيل (الية البلع العباسي)
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
ترتيبات وطقوس النوع الخطير (الدلتا) كان منفلة هو الجالب المعتمد عند (كلتش ) وشلته (لما لا) فمنفلة يمتلك موتر (فيسبا)
من النوع الابو كديس موتر به جخانين ودهاليز وكراكير قادرة علي اخفاء الصنف من اعين وانوف اكثر البواليس شمشمة في فريق ورا وحتي لو تم استعمال الكلاب البوليسية فهي قد تكون عاجزة عن (نكت) الكايا التي كان يصبنها(منفلة) في مكان (هنووووك) في الموتر لا يستطيع الا افراد شلة الصنف (دلتا )الوصول اليه تحسبا لحالات قبض (منفلة) بالاشتباه...
وصول منفلة الي طبلية (ابوكرنك) كان يعني اعلان حالة (كتل حيل) وطواري كرباوية حتي يستطيع ابوكرنك تسريب الصنف دلتا الملفوف في ورق سمني اللون حتي لا يحس الفارات ورواد الاصناف الثانية...
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
الرباعي الدلتاوي الحريف كل واحد منهم له مقدرة علي (اللف)
يعتمد عليها في جلساتهم المشتركة...ولكن دوما ريادة عباس تاتي في (اللف اللولبي) وهو السيجارة ذات الكروت الثلاثية وما فوق وهذا النوع كما افتي عباس ذات ليل يحتاج الي مباصرة
وتوضيب الخلطة السحرية (حتي تتماشي كميات الكبنغة مع كميات البرنجي الذي يوضع بمقادير معينة ومدورسة ومنقوشة تماما عند كلتش) كتبريدة .......
دلتا ذلك الصنف الذي يبدا تميزه ومنذ منطقة الزراعة والعناية والدلع الخاص الذي يجده من المزارع المجازف كونه يدر القروش المطيرة... نوع ومنذ الشمة الاولي له وهو في ارفف بيعه يمكن ان وجد راس خفيفا يجلس علي الهبشة ان يقوم به ويعمل فيه العمايل..ويحذر الخبراء مثل كلتش واصحابه من شفطه وهو في حالة صاموتي فالصاموتي هو التحليق وضرب السيجارة وهي منفردة دون كميات تباكو ودفاراتها المساعدة..
هذا النوع ان ضرب صاموتي فهذا يعني الرفوع الجنيني الاكبر
ودون تردد او شك وستحلق فورا كما قال (كلتش) ذات يوم في نصيحته لحيدر هبشة....سيلحق بك الصاموتي (بادريس جنينة) وعثمان فلكبة وهم اشهر مجنونين في فريق ورا
تراهم دوما في حالة زهول حاد وهيجان مفاجي وشعرهم صار اتوماتيكي مسرحا بوب مارلي... فقد ذهب صاموتي دلتا بعقولهم وذهب بها الي مالات غنم زهرة..
ونعود
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
مسطول شال كرسي طلع بيهو شجره قالو ليه دا شنو ؟
قال مالكم ?? عاوز ابقى مدير فـــــــــرع !!
........................................
تاجر بانقو اتقدم لى بت ...اهلها سالوه شغال شنو?
..........قال ليهم : فني تكييف !!
يا كـــــيكي ..أصحابك ديل ألذ ناس !!
| |
|
|
|
|
|
|
|
|
|
Re: كيكي (Re: Abd Alla Elhabib)
|
كيكي
قال ليك واحد مشي لنجار ..
والنجار يا قريبك نهائي ما بنزل من الفيل .
قال ليهو اعمل لي كرسي وطربزتين
النجار عمل طربيز ه وكرسيين !!
متابعين ..
الفــــــــــــــــــــــــــيل
| |
|
|
|
|
|
|
|
|
|
Re: كيكي (Re: Abd Alla Elhabib)
|
Quote: تاجر بانقو اتقدم لى بت ...اهلها سالوه شغال شنو?
..........قال ليهم : فني تكييف !!
|
مساطيل ساكنين سوي ويومي بحكو لبعض نكت من كل الانواع فقامو زهجو وملو من النكات دي
واقترحوا ان يرقموها وبدل يقولو النكتة يقولو رقمها وهاك ياقرقرة..
مرة عزموهم عرس ولمن الحفلة ما عجبتهم جرو كراسي ورا قريب من صيوان النسوان وقالو يدورا نكات
وكل واحد بقول رقم والباقيين بضحكوأ
في واحد نحل فكر برضو يشارك ويضحك الامة دي
فقام قال 17...
اتهجمو وهرشوا هرشة شديدة
قالو ليهو يا وهم 17 دي ما بقولها قدام العوائل
| |
|
|
|
|
|
|
|
|
|
Re: كيكي (Re: هشام كمال)
|
جابتنى أصوات عربات النجدة أظن فى زول بلغ الشرطة
شنو ياهندسة أنت غيرت التخصص ولا شنو. عندك شخصيات
عجيبة وغربية بجيبه من وين ماعافه. وحكايتك شنو مع حى
وراء؟ أوع تكون راكب الفيل وتبرم فى شعرك . تحياتى
لاصحابك الهاى .
| |
|
|
|
|
|
|
|
|
|
Re: كيكي (Re: هشام كمال)
|
Quote: يا باشمهندس
الاسم الحديث بقى (جونى)
ومتابع بإستمتاع وفى انتظارك يا حبيب |
هلا يا هشام
وحبابك ياخي
وبعضهم يسميه ايضا (الاسكوني فروني)
| |
|
|
|
|
|
|
|
|
|
Re: كيكي (Re: منتصر ابراهيم الزين)
|
Quote: يامعلم كريم لكن بصراحة نصار دة كفى واوفى لاحظت الزول دة ماقال اى حاجة بس دخاخين وشحتفة للقراء المعلمين
ياريت لو اى معلم كتب خواطرو واحساسو بفيديو نصار دة |
ههه
منتصر فيديو ياسر طيفور ياعمك
متين يا فردة (الصنف دلتا) لسع ما لفينا زاااتو
والله عالم راسها خفيف بشكل هههه
وتسلم يا منتصر ياخي..
وشايف ماشاء الله المعلمين علي قفا ما يشيل ونتمني انو لو في فت
يفتو هنااا ده ما يمشو بيهو محل تاني ههههه
| |
|
|
|
|
|
|
|
|
|
Re: كيكي (Re: عبدالكريم الامين احمد)
|
أصحابي.. رواد فضاء سودانيين, إنضم لهم مؤخرا فني تكييف سعودي !!
ياجماعة الصاروووخ جاهز ??..يجيبه آخر : دقيقة واحــــــــدة
ويكون في منصـــــة الإطــلاق .. بعدها تسمع..خمـسة..أربعـة
تلاتة.. صفر : فجـــــــر ياحـــسان .. لا والله تفجر إنت ده !!!
لبرهة حسبت أن السعودى جندهم فى القاعــــــــــــــدة !
| |
|
|
|
|
|
|
|
|
|
Re: كيكي (Re: Abd Alla Elhabib)
|
Quote: أصحابي.. رواد فضاء سودانيين, إنضم لهم مؤخرا فني تكييف سعودي !!
ياجماعة الصاروووخ جاهز ??..يجيبه آخر : دقيقة واحــــــــدة
ويكون في منصـــــة الإطــلاق .. بعدها تسمع..خمـسة..أربعـة
تلاتة.. صفر : فجـــــــر ياحـــسان .. لا والله تفجر إنت ده !!!
لبرهة حسبت أن السعودى جندهم فى القاعــــــــــــــدة |
دي ياعبدالاله
علي وزن السوداني السطلي وكسلان..
وقالو ليهو تجي معانا القاعدة
قال ليهم علي طول ولكن خلوني خلية نايمة ههههههه
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: Azhari Nurelhuda)
|
Quote: يا أخي عندي سؤال برئ و خالي من الغرض
إنت قهارات المعلم الكبير أبوالبرابر دي (إستريو) و لا شنو
لأني شايف المعلم الصغير عبس كلتش شغال بالسماعة (اللفت) يا جوك!!!!
يصفق الكبير و يخلف الصغير....
و لا شنو؟؟؟؟؟؟؟ |
ابو الزهور
ياخي تحياتي ومشتاقين يعلم الله
وانت قاعد تمشي وين يا زول..؟؟؟
وكلامك الفوق ده يا ازهري بصراحة ما وقع لي ويبدو انو الدخاخين الفي البوست ده خلاس قامت باخوك
والشوف كلو بقي لفت
فدحين يا صديق ادينا طلة ووقع لينا
باقي راسنا شكلو كده جري هواء ههههه
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
كيكي يا حبيب
مشتاقين
يحكى في الأثر أن هنالك قهارات (إستريو) تنتشر في أوساط معينة تنمو فيها علاقات معينة كتلك التي أوردتها في المثال أعلاه بين المعلم الكبير(ود البر) و المعلم الصغير (عباس كلتش).
و قد أرخ لها العلماء بحادثة شهيرة وقعت في طريق أم درمان - الدويم الغربي و العلاقة هنا ما بين سائق لوري (المعلم الكبير) و المساعد الكبير ( المعلم الصغير).
و كان من المتبع أن لا يبيت سائقي اللواري في أم درمان أبدا مهما كان السبب خوفا من بوليس الحركة و الذي كان يملصهم زندية. و كانت هنالك قهاوي في شارع الدويم بالفتيحاب توفر لهم ما يحتاجونه من مأكل و مشرب و إمكانبة مبيت.
المهم:
مرة الجماعة شحنوا قبل المغرب كده و إتخارجوا ليك من أم درمان عصرا بدري خوفا من لبط بوليس الحركة و حنكهم البيش من أمثال : وين العاكس؟؟؟ و الخطر اليمين الورى ما شغال....و مكنات من هذا القبيل لزوم الملص و العصير.
و قعدوا في واحدة من قهاوي شارع الدويم في الفتيحاب و ظبطوا العشاء الماخمج و أتبعوه بقهارات و شدايد ثم حبسوها بشاي صاموتي و إتوكلوا.....
تعاشيق و سايرين, نور طويل ونور قصير, فوق و تحت, عالي واطي, قوز و وادي... بعد مسافة... النور الطويل ضرب في شجرة هشاب ناشفة و بدون لحاء لونه أبياض, و فيها فرع مارق لبره كده.... عامل علامة ٌٌقف.....زي بوليس الحركة
المعلم الكبير و حسب الشديدة, شاف ليك شجرة الهشاب ديك بوليس حركة بالزي الرسمي في نص الخلاء داك... و لمن وصل عند الشجرة ضرب فرملة شديدة و الكترابة قامت....و عندما أدرك أنها مجرد شجرة ناشفة إستعاذ و إتحوقل و دور طلع تاني....دون أن يتكلم مع المساعد الكبير...
بعد مسافة العربية شدت و مسكت الدرب قام المساعد الكبير نزل من الدندة بالجنب كده يمين السواق و سأل المعلم:
شنو يا معلم الأمباشي ده قال ليك شنو.......؟؟؟
و قعت ليك يا هندسة....؟
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
ياجماعه الناس ديل عذبونا
وبقينا نشتهي الحاجات البيقولوافيها دي
واحد بهناك عمليهوا بوست زوول خرمان تمباك يشهيك الخرمه
وبي جاي الجماعه راكبيين الفيل و بيفتشوا في الطحنيه والباسطه
ماعرفنا ننسطل ولا نسف الطحنيه المتأبطه شر
لكن
السؤال ياكيكي
الله يالله انا كنت داير اسأل من شنو
السؤال اتلحس
ايوا....الجماعه ديل مالم نظيفيين كدا
وعندهم راي في الزوول الزي زوول الزيناتي الخرمان البهناك
وبيقولوا لي ناس الجقيم ديل ناس عولاق ساكت
بالله قول لعبس بتاعك دا فك المحبوسه الزوول ساجنه
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: Shazaly Magzoub)
|
Quote: السؤال ياكيكي
الله يالله انا كنت داير اسأل من شنو
السؤال اتلحس
ايوا....الجماعه ديل مالم نظيفيين كدا
|
هلا يا الشاذلي وحبابك ياخي
ويبدو انه اسبوع (المزاج الدولي) الزناتي بهناك ماسك عم امين معدمو السفة
ومجهجة لينا راس الزول جهجهة شديد
وبهنا عباس ومن لف لفه دخاخينهم في السماء والحالة صعبة شديد
وزول السيجارة يا شاذلي دائما فنجري ونضيف وبتاع احداثيات ودائما كلو حاجاتو مرتبة
ومنظمة فيبدو لي القصة دي لزوم التامل والرومانسية والتحليق..
واما جماعتنا بتاعين الطشمة فديلك ياخي موضوعهم بايظ
والعرقي لانو عجيب وحسود فبعمل فيهم عمايل جايطة شديد
وتحياتي
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
عودة الي مدارات كلتش
الذي الان هو في وسط الرباعي الذي يجد قمة المتعة في الجلسات المشتركة الموضبة ومرتبة ترتيب عالي
من ناحية التامين ضد البوليس او (البمبا) وبجانب تجهيزات العضة والمكان الذي يختار اليه )عبس اوضة
مطرفة تطرف كرباوي والتهوية فيها هوائية وهي اوضة اوصي عبس البنا التاريخي (عمر طوبة) ان يعمل ليها
شباااك فوقاني هناااك بجانب تمتعها بسقف عالي ومميز...
في كل الجلسات يعمل هذا الرباعي بالية وفنيات عجيبة ومميزة...
ويبداء الدولي هبشة بلف اربعة سيجارات ذات كروت واحدة...يمسك كل فرد من هذه المجموعة العجيبة
سيجارته ذات الكرت الواحد ليحلق بها في تسخينة استعدادا وانتظارا للمعلم عباس الذي هو الان
من يوضب الشديدة ذات الكروت اللولبية حتي يقوم التيم العامل عل ركوب الفيل لتناولها في شكل
كورالي (تخميس رهيب وسيجارة في لفها قادرة علي ضرب الحيطة ثم العودة بسلام)
ونعود
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
الاعزاء
باشمهندس عبدالكريم
بخصوص أصحابنا بتاعين النواشف
أثناء الدراسه في مدرسه المؤتمر الثانويه كان لي صديق يسكن قريباً من المدرسه يعني حوالي نصف كيلومتر من المدرسه و كان إسمه....... راستا وده براهو كفايه و أهلنا بيقولو الجواب باين من عنوانو ( يعني لو كان إسمو ----- البرير مثلاً كان كل يوم ح نفطر ملح ), المهم مره و أنحنا راجعين كداري شله من المدرسه و كان معانا صاحبنا راستا و كعادتنا في (التكيل) وقفنا جنب الدكان القريب من منزلهم و بعد شويه جاء واحد من أولاد حلتهم و يلبس نضاره زيتيه و قابله صاحبنا هاشاً باشاً و عرّفه لنا تعريف لم أنساه رغماً عن طول السنين حيث قال بفرح: ( ده ربكم رب السوس أخصائي ماده الكلوروفيل ).
و ود حلتهم صححه بهدؤ غريب: ( ماده اليخضور لو سمحت ) و هو ينظر إلي خط وهمي في الهواء لا يحيد عنه يعني زي تمثيل ناس الهادي صديق أيام زمان, و واصل الشاب في طريقه.
أها ضيف عندك المفردات العلميه دي.
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: محمد حيدر)
|
Quote: ( ده ربكم رب السوس أخصائي ماده الكلوروفيل ).
|
هلا يا محمد حيدر وحبابك شديد والله..
ورب السوس واخصائي الكلورفيل- اقصد اليخضور ده بكون عجيب ياخي ورهيب
وبكون الصقعة دخلت فيهو وهمة في شكل (اله يوناني قديم) مثل الاله باخوس ههههه
ياخي رب اليخضور ده رهيب وصحبي عباس كلتش زااتو لو لاقاهو ممكن يضاير منو
وتحياتي يا محمد
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
تعرف يا كيكي مرة داخل البيت كابسني ليك ولدي 3 سنوات وقتها يبكي بهستريا قال ايه ؟ : عاوز يركب الفيل
يا شقي انعل ابو الديمقراطية ذاتو ! تركب فيل دي حرية . . . لكن تصارح ابوك و تطلب منو يشاركك بي كدا دي المصيبة !!
تعرف بيت الشعر داك بتاع اخو الجهالة ما عارف شنو داك . . .
اها عدم القراية ساي بتخلي الاولاد ديل يجيبوا افكار ركوب الافيال في نص النهار . . .
في المطار مكتوب بالخط العريض " حكومة المملكة تنفذ عقوبة الاعدام على المتعاملين في المخدارات . . . و الكواميت و وكل الصنف . . . "
لما استغفرت و استعنت بخبير اجنبي لفك الشفرة اكتشفت ليك اصلاً مافي شفرة و لا يحزنون و انو الطلاب ما فيهو اي رمزية و عرفت ليك انو الشافع دا شاف في التلفزيون شفع تايلانديين راكبين فيل جدجد . . . و عكلت ليك في الشغلة . . .
ان بعض الظن اثم . . .
يا من اشترالوا من حلالو علة . . . كلو من التلفزيون دا
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: قيقراوي)
|
Quote: لما استغفرت و استعنت بخبير اجنبي لفك الشفرة اكتشفت ليك اصلاً مافي شفرة و لا يحزنون و انو الطلاب ما فيهو اي رمزية و عرفت ليك انو الشافع دا شاف في التلفزيون شفع تايلانديين راكبين فيل جدجد . . . و عكلت ليك في الشغلة . . .
ان بعض الظن اثم . . .
يا من اشترالوا من حلالو علة . . . كلو من التلفزيون دا |
هههه
هلا ياقيقا وابو الشباب حيرك قلت لي وعاوز يركب الفيل
وتقول شنو ياخي مع وعينا الكلو حرقص وبراهو يرقص ده..
تخيل يا قيقا اكثر دولة زرتها وشفت فيها اعلانات تنادي بعقوبات ضد المخدرات هي السعودية
الميناء والحدود وكل ما تلتفت تلقي اعلان رهيبة يخليك تهرش زاااتو
وتقول ياربي الناس ديل ما يجو يشفطو من راسنا ده كمان حكاوي ناس عباس كلتش دي
ويقطعو لينا الراس المدوقس ده ساكت
وحبابك ياقيقا
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: عبدالكريم الامين احمد)
|
عندما تصل السيجارة ام كرت عند كل الرباعي الي مرحلة (انفاس الشحتفة) وانفاس الشختفة هي الانفاس الوداع الاخيرة في كل سيجارة مهما كان نوعها عند نهايات ويحتاج اخذه الي مهارة فائقة كون السيجارة المشفوطة تتحول الي جزء صغير (اقل من اسنتي متر)..وتوخذ بين الاصعبين دون ان يتاثرا بالنيران..
عندما تصل هذه المجموعة الموهوبة الي هذه المرحلة يكون عبس قد وضب البابور الرسمي والاول
ويكون الصاروخ الاصلي المنضف بعناية ودقة عالية جاهزا للانطلاق الي تحليقات الكبنغة الرهيبة....
وحتي توليعه له طقوس معينة يوضع الكبريت او الزناد بوضع كرباوي في الكوخ الذي تصنعه الايادي
العباسية المدربة سنين طويلة علي هذا العمل...
سنعود الي عباس ليحكي لنا تحليقات السيجارة والتامل في عمايلها التي تفعلها في المخ المخيخ
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: محمد الطيب يوسف)
|
تعرفي يا كيكي
امس الفجر اسمع ليك صوت زناد في البص
اعاين القي ليك ود عم افريقي بولع في طرف
طينة بنية و يفتفت منا في يده
بعد شوية طلع سجارة فتاها مع حتحات الطين
كور كفتين ايديهو و كفاهن فوق بعض و خجاهن خج
مموسق و ايقاع مضبوط
طلع ورق البرنسيس الطويل الشفاف المخصص
للشغلانة دي
و قلب الخليط بحركة رشيقة في الورقة
برم ورقة مقوي استخدمها كفلتر
و برم السجارة بحركة بهلوانية
ايد في طرف و التانية في طرف
و اتلصقت الاطراف في لمح البصر
يعني صاحبك موش دخل البغلة في الابريق
دا دخل فيل في البص
و الجمه و اسرجة
و علي طول من ضهر البص لضهر الفيل
دي افيال عنيدة و ما بتخاف من البوليس
| |
|
|
|
|
|
|
|
|
|
Re: فنيات ركوب الفيل عند (عباس كلتش) واخريين..!!! (Re: نصار)
|
Quote: و علي طول من ضهر البص لضهر الفيل
دي افيال عنيدة و ما بتخاف من البوليس |
هلا يا نصار
وناسكم ديل صعبين ياخي البدخلو الفيل في البص ديل
وكمان جابت ليها عدم خوف من البوليس كمان
انت عارف سطلية السودان ديل اكثر ناس في العالم بلاوزو من البوليس
واتخيل لي كل البواليس البصقعو بخافو من روحهم كمان ههههههههههه
لكن لقيتو حريف وابو سريع ود عمنا الافركانو ده
| |
|
|
|
|
|
|
| |
عبدالكريم الامين احمد
SHIBKA
Emad Abdulla
أحمد الشايقي
زهير الزناتي
Saifeldin Gibreel
عبدالناصر معتصم
منتصر ابراهيم الزين
شول اشوانق دينق
abas
طارق جبريل
الصادق ضرار
نصار
صلاح أبودية
ibrahim kojan
Nader Abu Kadouk
khaleel
Yassir Tayfour
حامد محمد حامد
محمد الطيب حسن
ياسر عدوي
Faisal Al Zubeir
Abd Alla Elhabib
عبدالله كع
هشام كمال
Azhari Nurelhuda
عزيز عيسى
Shazaly Magzoub
محمد حيدر
قيقراوي
فيس بوك
تويتر
انستقرام
يوتيوب
بنتيريست