|
|
 الكيزان وحكومة من عقيق...!!!
|
منذ 89 تاريخ وصول الذين وصفوا انفسهم باصلب العناصر لاصلب الواقف
19 عام ونيف منذ وصولهم الموشح بانقلاب اذهب البشير الي القصر والترابي الي كوبر
وصلوا الي مسرح الاحداث وشاسة الساحة السودانية البلورية وبداء عرض الفيلم الهندي
(كيزانيس اونلاين)....
قتل ببشاعة تنكيل بالمعارضين وتشريد
خطاب استقطابي حاد وحمات جهادية ولغة مشحونة بالذاتية الكيزانية والمكابرة
ثم انشطار اكزوموي الي شعبي ووطني
ثم انشطار واحتراق دارفوري
ثم احتراق في الشرق...
طائرات تقع والبلاغ ضد مجهول
الزبير
ابراهيم شمس الدين
واخريين
في كل لحظات عرض هذا الفيلم الكيزاني طل ممثلين وقبع في الشاشة ممثلين لمدات طويلة..
عبد الرحيم محمدحسين
بكري حسن صالح
الطفل المعجزة عاشق وزارة الخارجية
علي كرتي الباكي علي شتيمة الشهداءء
....
|
|
 
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
اقوي العروض والضرب الركبي الذي صار يتكرر ما بين الفينة والاخري
هو الفليم المثير...
كيزان تاكل كيزان..!!!
الملاحظ بانهم يضربون بعضهم بقوي وحقد دفين ومتراكم...
الترابي يوتي بها ضاحكا ضحكته الشهيرة عقب كل خناقة كيزانية في الجزيرة
وكانه يردد يا فارات ح اجننكم جنون قبورة..واكرهكم الكوزنة التي انا هو شيخكم الذي علمكم سحرها...
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
| Quote: منذ وصولهم الموشح بانقلاب |
موشح دى مفردة بتشبه الغنا اللى بتسمعوا
وبتشبه الشعر البتقراه
بتشبه روحك الحلوة
بتشبه لمعة عيون ناسنا- ناس الكمبو
موشح وانقلاب دى ماراكبة عدلها
يبدو انك سلمت من مفردات العنف اللفظى- هنئيا لك ياصاحبى فى المحبة ويبدو انى مليانة بادونيس اللى رافقنى ليلة امس- قصيدة الوقت- الوقت يا لوقت البلاد المهدر!!!
| |
|
|
|
|
|
|
|
|
|
Re: الكيزان وحكومة من عقيق...!!! (Re: Ishraga Mustafa)
|
| Quote: بتشبه لمعة عيون ناسنا- ناس الكمبو |
هلا يا اشراقة وغلا..
وناس الكمبو يا اشراقة مسكوهم وقبقبوهم ودقوهم دق المشك
واتهموهم بتقديم المرايس للجيوش الغازية
وفعلا يا اشراقة موشح دي مفردة شفافة وسابحة في الرقة
واهو بنتكبها عشان تجونا انتو ديل ناس الروح الموشحة بالدهشة والفن والرقي....
وبدل الكلام كلو يكون دشمان في دشمان قلنا اهو نجدع لينا موشح موشحين
لزوم ناس اشراقة وعاشقي الوطن وادونيس..!!
لك اغنية وزهرة حمراء في زمن الاقتتال والحرب
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
Quote: العقيق هو البوص
وفي زمان ماضي كان يقال هذه بت عقيق عقيق
اي بنية مصنوعة من البوص يلعب بها الاطفال ولاتغني او تسمن من جوع...
ويقال ايضا هذا سيف من عقيق اي سيف لا يهش او يرش... |
شكرا والله على شرح الكلام ده
كدى مفهومة تماما ليه السياسة السودانية مأزومة
وعرفت ليه بيكتفى {قادتنا} بزغرودة النساء
النساء اللى مضوا الاتفاقيات بدمهن واحلامهن
كتر لينا بالله من الكلام ده لانو بيفتح شهية البحث- خزنتها فى مسودة البحوث والتمييز فى {الكمبيوتر} اللى شكى وبكى من مفردات وأمثلة التمييز
| |
|
|
|
|
|
|
|
|
|
Re: الكيزان وحكومة من عقيق...!!! (Re: Ishraga Mustafa)
|
| Quote: كدى مفهومة تماما ليه السياسة السودانية مأزومة |
الناس ديل جونا يا شراقة ذات ليل
وقالوا ياجماعة دايرين نعيد صياغة هذا الشعب
نعلموا الاكل
الشراب..ونمنعو من الشراب
دايرين نعملوا المشي في الاسواق نسوان يربطوا راسهم ويلبسوا (جونتيات في اياديهن)
دايرين نعملو كيف ينوم بالليل....براهو او مع زولة
مشروع حضاري اعادة صياغة وتاصيل وترشيد وتاديب...!!!
حفظوا الشفع اناشيد الموت..!!
قتلوا الطلاب في معسكرات الالزامية
جاطوا التعليم العالي والواطي
ديك عدة حقيقي...ولمن القصة طارت ليهم في راسهم قعدوا يقبقوا بعض ويطاقشوا..
والاخريين فريجة ومحللين لمسرح الكيزاني الهزلي..
مسرح الحزب الواحد (مسمار جحا الازمة السودانية)
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
اكثر مشاهد العقيق عقيقية في الماضي الانقاذ التليد هي صيحتهم الشهيرة امريكا وروسيا قد دنا عذابها علي ان لاقيتها ضرابها..
كلام جميل وشعر عربي موزون بالمسطرة..
ولكن من الف لفة من لفات مكافحة الارهاب الامريكاني كانت الملفات والاسرار والمعلومات تهطل كالمطر الي الدولة الامريكية من حكومة العقيق الغوشية...!!!
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
Quote: انه دموع التماسيح صديقي كيكي
نعم انهم الذين شردونا الي المنافي والرطوبة وذل الكفيل والاقامة
انها ليست من عقيق انها اوهن من بيت العنكبوت |
نعم ياخلي انها حكومة العقدين من الكتلوك ولا جوك جوك
سنة وراء سنة وشهر في خلف شهر والبلد لازم كعة شكلة ودواس وخرمجة تقيلة
المنافي تئن يا خليل بابناء وبنات البلد والبوم الكوزي يواصل النعيق
.....
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
اكبر عقيق في حكومة الاجندة الامنية والتي تم صرف كل قروش البترول والزراعة التي توزع الي ثلث شالو الطير واخر لقفه الزبير والاخير هو الاسبير..
حكومة فاخرت كثيرا بقوي ومتانة جدارها الامني ومقدرة اجهزتها القادرة علي الاتيان بلبن الطير من الباقير هو ذلك الاختراق الامني الواضح وسونامي اللدنكروزرات الاتية من مسافة الف كيلو نيف...
ابنص في ابنص
فرملة في العودة وفرملة في قلب امدرمان
والكل نيام نيام...
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
عقيق عقيق اخر في تداعيات الازمة والتعامل العنصري البغيض الموجه ضد الاثنيات الاتية من بقعة جغرافية تشابه في ملامحها ملامح اهل سونامي اللاندكروزر..
قرعاني اقبض
زغاوي اقبض وفطس
فوراي اقبض واخنق..
فلاتي اقبض
حبشي من الحبش السود برضو اقبض واخنق وفطس..
.......
هدم لنسيج بلد
فشل امني ثم ممارسة فشل في الحفاظ علي النسيج الاجتماعي
والهدف هو ان يبقي الصوت الكيزاني العقيقي عاليا خفاقا علي منصات اللعلعة في منصات المايكروفونات
والتلفاز...وان يكون المنشقين من اصلب العناصر قابضين علي العباد والبلاد..
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
عقيق عقيق في التهافت علي الادانة المتهافتة من اعداء الامس واصدقاء اليوم والاحتفاء بها وبدون ذاكرة...
الجبهة الوطنية غزت الخرطوم...ونميري اسماهم مرتزقة
والجبهة الوطنية كانت..
حركة اسلامية.. اين عثمان خالد مضوي
حزب الامة ..ورحم الله عمر نور الدائم..
اتحادي رحم الله الشريف...
السياسة السودانية ما كينتها تدار بدون ذاكرة...
فمرتزقة الامس(كما اسماهم نميري ) هم من يدينون مرتزقة اليوم...
ومرتزقة تاكل مرتزقة
والبقاء للذي يجيد اللعلعة واستخدام موجات الاسير السوداني......
عقيق كشف وازاح قناع ومارس البزق علي التاريخ...
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
Quote: لم نسمع حتي الان رايك في ضرب امدرمان
نعم الحكومة سيئة ولكن امدر دي لازم تقول ليها كلام |
هلا ياخلي وقبل ما نركب ليك مكنة (ماجد الفلسطسيني) كما واكبس ليكم انتو واحمد تجاني...
نقول ام مدر مدينة للكل وروح ودم البلد وتشكلت بجهد اهل السودان بكل انواهم في مناصرتهم للمهدي
وما فيها لعب ...مثلها من كل بقعة في السودان ...
انا ضد الحرب ياخليل وضد ضرب المدنين..العزل الذين لاناقة ولا جمل لهم في افلام وتابلوهات الكيزان دي...
اول مرة اتفق من شيخ حسن في نموذج الادانة (اتفاق خالي ضحكة) فمثل ضحكة الترابي دي عايزة ليها عرفة
الحكومة هي من ازمت الموقف وفاقمت الوضع في دارفور و التسوي بايدك يغلب اجاويدك)
....
الحكومة مطالبة بتقديم حلول لحل هذه الازمة المزمنة
وخليل ايضا عليه تقديم حلول سياسية وليست عسكرية لموضوع دارفور ولا يزج بالمدنين هنا وهناك في
هذه المعمعة
وشكرا
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
عبد الكريم سلام
العقيق هو البوص؟؟؟؟
قبلت زرقة العقيق فى عيونها........
العقيق ده دحين مش حجر كريم ازرق؟؟؟
ويكبيديا
العقيق تعبير لا يصف معدن معين ولكن يطلق على مجموعة من الأشكال المختلفة للسيليكا، وخصوصا الخلقدوني Chalcedony.
والعقيق من الأحجار الكريمة يوجد في أستراليا في وادي العقيق بالغرب من نهر روبرتسون وفي أمريكيا في منطقة اوريجون ومونتانا وكاليفورنيا ويونغ وواشنطن والبحيرات العظمى وفي البرازيل في المناطق الجنوبية وفي أوروجواي في المنطقة الشمالية من البلاد وفي تشيكوسلوفاكيا وفي ألمانيا وفي اليمن وفي الهند وفي الصين.
ينتمي العقيق إلى أحجار السلكا ويعد من الفصيلة غير المتبلورة منها يتألف كيميائيا من ثاني أكسيد السلكون SIO2 ويشوبه أكسيد الحديد وأحيانا بعض النيكل كما قد تكتنفه فقاعات ماء أو غاز فيسمى علميا حينذاك أنهدروس ENHDROS وهو يتكون من ترسب محاليل مائية ويتواجد في الحمم البركانية فيملأ التجاويف التي أحدثها انبثاق الغازات أثناء أنجماد الصهارة كما يعثر عليه في الصخور الرسوبية وبين الحصى وهو ذو ألوان متباينة وبريق شمعي شفاف أو نصف شفاف أو معتم.
ينتسب العقيق إلى أنظمة التبلور السداسية ووزنه النوعي ما بين (2.60 - 2.65 ) ومعامل انكساره ما بين ( 1.544 – 1.553).
| |
|
|
|
|
|
|
|
|
|
Re: الكيزان وحكومة من عقيق...!!! (Re: Tagelsir Elmelik)
|
| Quote: العقيق هو البوص؟؟؟؟ |
هلا يا تاج السر
مشتاقين والله
والعقيق يا تاج السر في العامية الكردفانية بالتحديد هو البوص..
ويقال هذا الشي معمول من عقيق اي انه مصنوع من البوص
وهنالك لعبة شعبية للصغار تصنع من البوص تمسي بنت (العقيق عقيق)
اي بنت البوص...
والمقصود هنا يا التاج بالتحديد هو العقيق باللهجة الموغلة في الكردفانية
وليس بالتاكيد العقيق الذي ورد مرادفا للاحجار الكريمة,,,
ويا التاج كيزان شنو البشبهو الزمرد واللولو والمرجان
شتان ما بين عقيق وعقيق
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
Quote: كريم
لم نسمع حتي الان رايك في ضرب امدرمان
نعم الحكومة سيئة ولكن امدر دي لازم تقول ليها كلام |
دى ذكرتنى سؤالك لماجد الفلسطينى عن رائه
فى الانتفاضة وهو بيحضر معانا فى حفلة زواج فقام
كبس ليك دين لما عرفت حاجة
انا كمان عايز اعرف رايك فى ضرب البقعة عشان تكبس لينا سوا
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
| Quote: ام تصدق مقولة علي ابندرق ( من اخري لو تسقط الحكومة دي) |
مقولة ابندرق صادقة صادقة
فكل الاحزاب الاخري (شيخ بيش) تقيل
القصة دايرة شغل ياخلي ودعك ومكابسة الكيزان في كل مكان بدون تردد
ومقالعتهم في الاصوات والعين الحمراء...
ولكن الموتمر الوطني حينزل بامكانيات دولة لذا اردد ماقال ابوندرق وقال اهل الشام هنا
من (@@@@@) لو الكيزان ديل سقطوا بالطريقة الاحنا شايفنها دي
| |
|
|
|
|
|
|
|
|
|
Re: الكيزان وحكومة من عقيق...!!! (Re: عبدالكريم الامين احمد)
|
Quote: ولكن الموتمر الوطني حينزل بامكانيات دولة لذا اردد ماقال ابوندرق وقال اهل الشام هنا
من (@@@@@) لو الكيزان ديل سقطوا بالطريقة الاحنا شايفنها دي |
تعرف يا صديقي كيكي
الناس الشفتهم في السودان لا اعتقد انهم يسقطون الموتمر الوطني
اهتماماتهم صارت مختلفة وكل السودان السودان عاوز احول رصيد
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
| Quote: اهتماماتهم صارت مختلفة وكل السودان السودان عاوز احول رصيد |
والكل عاوز يعمل مس كول ورسائل يا خليل..
الحكومة شغلت الناس بالموبيايل وهي كالسمبر تاكل تحت تحت
والشعب يمارس في فنون الهلووووووو
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
| Quote: وخدعونا الساسة بان هذا النظام يحمل بذور الفناء داخله وما زلنا نتظر الفناء |
نعم ياخلي
وشايف ابو كلام خلاص جاء في التايم
وشكلو كده لقي معاهم ميكرفون مطرف...
وهاك يا سندكالية وراديكالية مخلوطة بتكبير وتهليل كيزاني....
ده الفيلم الجديد
السندكالية علي الطريقة الكيزانية في عصر اللاندكروز
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
| Quote: ما برضي بمنصب وزير الداخلية |
ارتيريا ما بتوافق كمان
....
الكيزان ديل يا خلي احسن شي يرجعوا لبيت الطاعة الفي المنشية
ويخلي الترابي يسوي ليهم ترتيب بعد ان يزجرهم كويس
| |
|
|
|
|
|
|
|
|
|
Re: الكيزان وحكومة من عقيق...!!! (Re: khaleel)
|
| Quote: شيخ حسن يستطيع ان يرتب البيت الانقاذي ويقول لهم بعضكم يذهب للسلطان وبعضكم يذهب للقران |
ايوه ويتالق كما تالق في ندوة الميدان الشرقي
والا التقي الفرعونان واذا التقي الفرعونان خسفت الارض...
يرهبهم ويديهم ضحكة ضحكتين تنفعهم للدبس ده
| |
|
|
|
|
|
|
|
|
|
الله يطمنك... (Re: عبدالكريم الامين احمد)
|
عبد الكريم ازيك ياخى
| Quote: الكيزان وحكومة من عقيق...!!! |
أنا جيت من هناك شايلة هم...وقلت الزول دة اوعى يكون داقى طار للحكومة
وقاصد العقيق ود عم الزمرد وكدة
Quote: العقيق هو البوص
وفي زمان ماضي كان يقال هذه بت عقيق عقيق
اي بنية مصنوعة من البوص يلعب بها الاطفال ولاتغني او تسمن من جوع...
ويقال ايضا هذا سيف من عقيق اي سيف لا يهش او يرش... |
الله يطمنك ياخى!!!
| |
|
|
|
|
|
|
|
|
|
Re: الله يطمنك... (Re: أيزابيلا)
|
| Quote: وقاصد العقيق ود عم الزمرد |
هلا يا ازبيلا هلا
والله ضحكت جنس ضحك يادكتورة..
البدقدني طار انا دي للحكومة دي شنو عليك الله..
جنيت ولا يكون ياربي الحصل علينا شنو.....
دي يا ازبيلا سلطة لو قاسو المسافة بينها وبين الزمرد حيكون مسافة قياسية تفوق كل المسافات في الدنيادي
من عمايلها وقبحها وتاريخها الدموي والاستبداد
...
وكل الود ونشكر حضورك الي حافة كرنفال العقيق الكيزاني ده
| |
|
|
|
|
|
|
| |
عبدالكريم الامين احمد
Ishraga Mustafa
khaleel
Tagelsir Elmelik
احمد التجانى احمد
NGABY AJOOZ
أيزابيلا
فيس بوك
تويتر
انستقرام
يوتيوب
بنتيريست