|
|
 الى عشة بت فاطمة، احكى لينا انطباعاتك عن السودان
|
حمدالله على السلامة يا بت فاطمة
انشاء الله لقيتى الاهل تامين ولامين وقضيتى اجازة طيبة كما فى احلامك
اتمنى لو لو لقيتى زمن تحكى لينا انطباعاتك عن السودان
احساسك بيهو
الشوارع
الناس ورائحة الدعاش
العصيدة بالويكاب لمن تمطر
لسة لرائحة الدعاش محنه
لما ريحة القش المبلول تقتحم خياشيم الحنين وتلتهمنا بحنية
لسة الناس بتركض ولاهثة ذى ما خليتهم بداية السنة دى؟
احكى لينا
عن الشجر
والناس
وبائعات الشاى
وما تنسى طرقات تسكع فيها العاشقات والعاشقيين قبل ان تبتلعهم مدن العولمة
ترى هل بقيت آثارنا وآثارهم
ما سمعتى وقع خطوات خالد عبدالله لمن كان عاشق للبت السمحة
فى انتظارك يا بت خالتى
وصباحاتك خير
اصلى صاحية ومليانى حنية
والله تتبرعوا لى اسافر حسع السودان وأجىء احكى ليكن وليكم
يالله انفضوا الجيوب
ام واصل ومرافىء
|
|
 
|
|
|
|
Ishraga Mustafa
ودقاسم
فيس بوك
تويتر
انستقرام
يوتيوب
بنتيريست