|
|
|
 Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: اساسي)
|
حوميدة !
علاقتك مع الفيس بووك دى مريبة ، كلو كلو ما عاجبانى !!
Quote: عادل عبدالعاطي
* العوض الطيب
* عزة جعفر
* Thon Garang Bior
* Cecilia Adeng
* رانيا المصري ( حبيبة سودانية ) ..
|
عليك دينك هسه ديل بورداب الرياض ؟
ــــــــــــــــــــ
جد جد ياحميدة غلبنى اسجل فى بوكك دا ! بعدين دايرا لى
تكتيكات مع التسجيل بتاعت قفل الناس ومافى زول يجيك الا انت عايزو وكدا
شايفا لى ايميل فوق اسمو حميدة اونلاين ؟ لو ما وهمى خلينى التقيك فيهو .
| |
 
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: Tabaldina)
|
..
.
| Quote: الصفحة قيد الانشاء .. واتمني ان اي زول يساهم معانا بفكرة .. |
*
ياخى عليك اله يا مان ما تخمنى هى الصفحة ما جاهزة
شنو قيد الإنشاء دى !!؟
هم ناس بل غيتس ديل خلو ليكم حاجة تبتكروها
يا نوبي .. فك السيرفر تعال شوف تجدع حميدة
وكمان شوف بجاوب براهو :
Quote: تحتوي الصفحة علي صور وفيديو لمناسبات بورداب الرياض ووصلات لجميع المواضيع المتعلقة بالبورداب في المنبر العام
الانضمام للمجموعة علي الانترنت متاح للجميع فقط يتطلب تسجيلك في موقع الـ Facebook |
..
..
Quote: اتمنى ان يكون لكل تجمع من تجمعات البورداب .. صفحة خاصة به علي موقع الـ Facebook ..
عمل الصفحة بسيط جدا .. |
بختلف معاكـ .. ياخى يا ريت لو لميت الناس كلها
تحت مسمى وكيان واحد .. ودانيز اون لاين .. قروب
___________
برضو بحترم الفكرة .. عشان ما تتضايق
| |
|
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: Tabaldina)
|
تبلدينا .. كدي اقعد النفهمك عشان ما تجي تعمل لي جوطة ..
الكيان بتاع بورداب الرياض .. حاجة منفصلة عن اي حاجة ..
ناس عندها علاقات حقيقية وبتتقابل يومي وعندها نشاط بتديره .. يعني بختلفوا عن معارف السايبر الحايمين في المنبر ..
..
..
تاني حاجة يا حبة ..
الكيان واحد .. سودانيزاونلاين .. وكل مجموعة تدير امورها بطريقتها تحت الكيان دا ..
ياخي المدرسة العلمتنا الكتابة دي .. فيها سنة اولى براها وسنة تانية براها .. وسنة سادسة براها ..
ما كانوا يلموهم في برندة كبيرة كلهم ... قسموها كدا لانه المصالح ما واحدة .. ما متضاربة .. لكن ما واحدة ..
..
..
بعدين انت وصلت فكرتك من الرد الاول .. طوالي تقطع ليك كوز موية وتدور ركشتك وتتخارج ..
وتنتظرني في الناصية .. بجيك اوريك الحاصل شنو ..
| |
|
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: humida)
|
| Quote: برضو بحترم الفكرة .. عشان ما تتضايق |
لا لا ما تحترما ..
بالجد الحتة دي ما بستفيد منها كتير ..
انا عندي حاجة معينة بعمل فيها .. ولو ما عارف الطريقة البنجحا بيها ما بعملا من الاول ..
واساسا انت ما حتقدرا تحترما اساسا .. لانك ما عارف الفكرة منها شنو .. والضرورة الخلتنا نعملا ..
..
..
طبعا يا تبلدينا انا بحب ليك جدا الناس البتجي تفطس ليك حاجات الناس ..
بخلو الزول يكون متوتر وساكيهم اليوم كلو عشان يفطس ليهم حاجاتهم ..
يعني بيكون في منافسة شريفة ..
| |
|
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: humida)
|
(مسدار (الفيس بوك
Tarig Elkhidir Elsayed
بـسـم الله إبتـديـت باسـويـردي و الإيمـيـل
قال لـي حبـاب مرحـب طولتـا عـاد بالحيـل
وعنـدي ليـك رسايـل... قاطعـة الفيـن ميـل
امسـك تعـال جاوب...اهلـك صِحابـك ديـل ؟؟
٭٭٭٭٭
لقيت اسامي في صفحـة... كتيـرة جـد بِالكٌـوم
فيهـا نـاس مـن لنـدن امريكـا و الخـرطـوم
وال مـن زمـن الجهـل... كٌنـا بنكٌـد الــدوم
والسمحـة الحنينـة الحمـت عيـونـي الـنـوم
٭٭٭٭٭
تجيك في لحظة رمشـة عيـن ال (Notification)
لا تتـعـب تـلــف لا تنـتـظـر بـعـديـن
فلان كتب لفلانة...و باقـي الكـلام بـي ويـن؟؟
تلقـي الشـمـار الـزيـن بـس تعمـل(Click)
٭٭٭٭٭
شوف عامـل الزمـن خلانـا كيـف فـي حيـرة
المشاطـة الزمـاآآآن جايبـة الخبـر و السـيـرة
وشيخبـيـط الحـيّـط بالفحـمـة و الطبشـيـرة
!!! ابو تكنلوجيا خطيرة ... سموّه قال (Facebook)
٭٭٭٭٭
جابولنـا القديـم فـي شكـلآ حـديـث (Delux)
قالوا فـي كرسيـك لـو دايـر تسـوق (Hilux)
بالـمـاوس عـديـل تغيـيـر الجـربـوكـس
وإن بقـت للخلف...المـرايـا فــي ال (Inbox)
| |
|
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: سارة عمر)
|
Quote: آدم ..
قلت لي الهلباوي دي جات من بني هلبة .. الكلام دا بقى فيهو شك ..
لاقاني جارك في الموردة .. قال لي آدم ذا موردابي اصيل حتي سميناهو آدم الهلباوي نسبة لهلب المودرة ..
قلت ليهو .. هلب الموردة .. ولا حلب الموردة .. !! .. قال لي الاتنين .. !! |
يا حميدو ذكرتنى جارنا ود الموردة ده ما عصام ود الحبشية أصلا أبوه حلبى عند دكان
فى شارع العدنى أم درمان بتاجر فى الشى !! وبعد ما نميرى حرم المسألة وكسر القوارير
ودفق الشى فى البحر قام أبوه هاجر لكندا .. طبعا غنت عارف أمور الحلب الواحد لأنو مضيع
بفتكر الناس كلهم ما عندهم أصول .. الجماعة قالوا كل من ضيع أصله قال أنا ( جعلتى )
سيبك منو يا صحبى أصلا ديل ما عارفين المثل القول ( العارف عز مستريح ) برضو وصل تحياتنا
ليه ولك أنت المودة والاخاء الجميل ومحبة فى الله والوطن ليس لها مثيل !!
أخى حميدة بدون زعل عندى اقتراح ارجو توجهه للاخوة بورداب الرياض :
نطالب بمؤتمر عام وجمعية عمومية لتكوين كيان قوى ومتماسك لبورداب الرياض ايه رايك !!
لأنو أناشايف المسالة كدة جايطة وبدون مؤسسية وأنا أقترح المؤسسية لأننى فى ندوات كثيرة
يقوم واحد يتحدث بإسم بورداب الرياض سودانيزانلاين وخير شاهدة لذلك ندوة الصحفيين التى
أقيمت لمناقشة ( ظلم المرأة ) رغم أن هنالك رئيس البورداب إلا أن أحد أخر خاطب الجمع
بإسم بورداب الرياض مما جعلنا نندهش لهذا التصرف !! يجب أن يكون الحوار بهدوء وبدون
إندفاع مع تحياتى وفائق إحترامى ..
| |
|
|
|
|
|
|
|
|
|
Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر .. (Re: humida)
|
آدم ( الحلباوي الهلباوي الحلفاوي )
تحياتي
Quote: لأننى فى ندوات كثيرة
يقوم واحد يتحدث بإسم بورداب الرياض سودانيزانلاين وخير شاهدة لذلك ندوة الصحفيين التى
أقيمت لمناقشة ( ظلم المرأة ) رغم أن هنالك رئيس البورداب إلا أن أحد أخر خاطب الجمع
بإسم بورداب الرياض مما جعلنا نندهش لهذا التصرف !! يجب أن يكون الحوار بهدوء وبدون |
حضرت الندوة و معي نفر كريم من البورداب .. و غادرت الندوة لظرف طاريء و كلفتُ الأخ يوسف السماني بإلقاء الكلمة نيابة عني.
هذا ما لزم توضيحه ..
أما تكوين جسم متماسك .. فأقول لك بأننا حاولنا من قبل عمل دستور و نظم و قوانين تحكم البورداب ... و لكن في كل إجتماع تكون الغلبة للطريقة الحالية ..
يبدو أن قوة البورداب هو في هذه الطريقة ( الأخوية ) ...
و رغما عن هذا لا نمانع في أي إقتراح يجمع عليه البورداب ...
دمتم
| |
|
|
|
|
|
|
| |
humida
Elawad Eltayeb
اساسي
دينا خالد
nadus2000
ادم الهلباوى
Rihab Khalifa
سارة عمر
ابو جهينة
فيس بوك
تويتر
انستقرام
يوتيوب
بنتيريست