|
Re: بالمعـزَّة .. (Re: Alsa7afa_30)
|
Quote: بالَمَودَّة البينَّا بي أغلى الصِّلات بالهَوى العِشناهو بأعصابنا خَمسة سنِين وَمات بالعَذاب الشُّفتو والسِّر الكَتَمتو وباقي الطيِّبات أستَحلِفَك أَترُك سَبِيلي وسيبني َوحدي أقاسي وأبكي مُرّ الذِّكريات |
كر علي يا ود امي
صغير وجاهل,, اتصبر النبي ما تجزع يا حسام
اها والكلام دا حصل في ياتو مرحلة؟؟
| |
|
|
|
|
|
|
Re: بالمعـزَّة .. (Re: Rasha Hatim)
|
استاذة / رشا مساء الخير
Quote: كر علي يا ود امي
صغير وجاهل,, اتصبر النبي ما تجزع يا حسام
اها والكلام دا حصل في ياتو مرحلة؟؟ |
وحاتك الزول ده اكان ماكتل ليه زول يوم بي جنس الغنا البجيبو ده....انا ماود ابوي.
حسامو.....
ده ماسيك في القبول وبي مربوطة كمان .
تسلموا الاتنين هارون دياب
| |
|
|
|
|
|
|
Re: بالمعـزَّة .. (Re: Alsa7afa_30)
|
طبعا انا عارف المقصود منو.....!
انا شلت من اجلك هموم الدنيا قاسيت من جراحه وكلو ضيقة لسعادتك انت كم ضحيت واتغربت ماخليت طريقة ....
| |
|
|
|
|
|
|
Re: بالمعـزَّة .. (Re: Alsa7afa_30)
|
بالمعزة .. بالمودة البينا بي أغلى الصلات بالهوى العشناهو بأعصابنا خمسة سنين ومات بالعذاب الشفتو .. والسر الكتمتو .. وباقي الطيبات استحلفك .. أترك سبيلي وسيبني وحدي .. أقاسي وأبكي مر الذكريات
أنا بحناني الغالي خصيتك .. وحبيتك .. بكل جوارحي وعواطفي العميقة وأنا شلت من أجلك هموم الدنيا .. قاسيت من جراحها وكل ضيقها لسعادتك إنت كم ضحيت .. وإتغربت .. ما خليت طريقة وفي مسيري المضني من أجل الحقيقة
كل طائر مرتحل .. عبر البحر .. قاصد الأهل .. حملته أشواقي الدفيقة ليك ياحبيبي للوطن .. لترابو .. لشطآنه .. للدار الوريقة لكن حنانك لي .. أو حتي مشاعرك نحوي .. ما كانت حقيقة كانت وهم ... كانت دموع مسفوحة بي أحرف أنيقة ما بإيدي .. لو ضباب الغيرة أعماني .. وزيف لي الحقيقة
إنت نبع حناني إنت كياني إنت الدنيا بهجتها وشروقها وإن حصل زلت خطايا معاك .. أو ضلت طريقها هل تصدق تنـتهي قصتنا .. يا أجمل حقيقة نحن عشناها بدموعنا .. وبالضنى .. في كل دقيقة ياحبيبي لم تزل قصتنا .. قصة حب أقوى من الحقيقة
. . .
| |
|
|
|
|
|
|
Re: بالمعـزَّة .. (Re: الملك)
|
ما عارف والله أقول شنو يا صحافه ،،،
طيرت النوم من عيوننا فى ليلتك دي ،،،
يااااااخ حرام عليك ،،، إنت قاصدنا ولآ شنو ،،،
عملنا ليك شنو ،،، قولينا يا فنان ،،،
حقيقي تسلم على اللحن والكلمات ،،،
حقيقي إختيار لآ ينبع إلا من أصحاب الإحساس المرهف ،،، والمشوكشين كمان ،،،
ولآ أنا غلطان ،،، دلونا يا حبان ،،، مع محبتي .
| |
|
|
|
|
|
|
Re: بالمعـزَّة .. (Re: salma subhi)
|
Quote: كل طائر مرتحل .. عبر البحر .. قاصد الأهل .. حملته أشواقي الدفيقة ليك ياحبيبي للوطن .. لترابو .. لشطآنه .. للدار الوريقة |
حسومي ،، أنا الآن في الوطن 00 يعني طرت وعبرت البحر .. وبالتحديد في الصحافة ( مع الأهل ) ... يلا ورينا أشواقك وأماناتك عايز توصلها لمنو ؟ ياخي إنت دايما مبدع وأصيل .. تسلم وواصل إبداعك
| |
|
|
|
|
|
|
Re: بالمعـزَّة .. (Re: عادل جبارة)
|
أ.عادل جبارة
سلامات و تحايا ..
و حمد لله على سلامة الوصول لأرض الوطن ..
بالله تحياتي لمحطة 7 و آخر الصحافة و الحجة سكينة و كل من يسأل عننا بدون فرز
كل الود و التقدير..
| |
|
|
|
|
|
|
Re: بالمعـزَّة .. (Re: Alsa7afa_30)
|
مساء الأنوار يا فنااااااااااان ،،،
هااااااااك دى عشان تذكرك بواحد مسكين منتظر من غير ميعاد سنين وسنين ،،،
ولو كان الموضوع ده طالبو زول تااااني كنت سمعتها زماااااان ،،،
ولآ أيه رأيك ،،،
| |
|
|
|
|
|
|
Re: بالمعـزَّة .. (Re: لؤى)
|
مراحب يا لؤي
ياخي الزول الفوق ده واقف لي في حلقي و داير أغنية " من غير ميعاد" بالعود
و ما لاقي ليهو تسجيل كويس ..
يدك معانا
______________
خلاص كلمتو يا ساني
| |
|
|
|
|
|
|
Re: بالمعـزَّة .. (Re: Alsa7afa_30)
|
واقف لى فى حلقي !!!!!
عليك الله ما لقيت غير الكلمه دي ،،،
أعمل أيه ح أسامحك ،،،
وما بيدي حيله ،،،
فى الإنتظار يا لؤي ،،،
وبرضو ،،،
| |
|
|
|
|
|
|
Re: بالمعـزَّة .. (Re: Alsa7afa_30)
|
الحبيب / حسام
رحل صوت المغني حزيييييييييييييين ورحل من كنت تطربنا بانغامه ورحل من شكل وجداننا جميع الرحمة والمغفرة للهرم الراحل المقيم عثمان حسين
| |
|
|
|
|
|
|
Re: بالمعـزَّة .. (Re: haroon diyab)
|
Quote: بالَمَودَّة البينَّا بي أغلى الصِّلات بالهَوى العِشناهو بأعصابنا خَمسة سنِين وَمات بالعَذاب الشُّفتو والسِّر الكَتَمتو وباقي الطيِّبات أستَحلِفَك أَترُك سَبِيلي وسيبني َوحدي أقاسي وأبكي مُرّ الذِّكريات |
لاحول ولاقوة إلابإلله ياحسام !
لم أسمعها الآن ولن أسمعها , حتى لا يغشى علي !!!
( إنا لله وإنا إليه لراجعون )
| |
|
|
|
|
|
|
Re: بالمعـزَّة .. (Re: Alsa7afa_30)
|
وإن حصل زلت خطايا معاك .. أو ضلت طريقها هل تصدق تنـتهي قصتنا .. يا أجمل حقيقة نحن عشناها بدموعنا .. وبالضنى .. في كل دقيقة ياحبيبي لم تزل قصتنا .. قصة حب أقوى من الحقيقة
سكت الكلام ..حقيقى الكلمات رائعة شكرا حسام
| |
|
|
|
|
|
|
Re: بالمعـزَّة .. (Re: Alsa7afa_30)
|
على أبو عفّان رحمة الله وواسع مغفرته
إنّا لله وإنّا إليه راجعون اللهم أرحم عُثمان حسين وأسكنه فسيح جنّاتك اللهم باعد بين عثمان حسين وبين خطاياه كما باعدت بين المشرق والمغرب اللهم نقّ عثمان حسين من الخطايا والذّنوب كما يُنَقّىَ الثّوب الأبيض من الدّنس اللهم أغسل عثمان حسين بالثلج والماء والبرد اللهم أبدل عثمان حسين داراً خيراً من داره وأهلاً خيراً من أهله اللهم أجمعنا وعثمان حسين في مستقرّ رحمتك اللهم إنّا نسألك بإسمك الأعظم أن توسّع مدخل عثمان حسين اللهم آنس في القبر وحشة عثمان حسين اللهم ثبّت عثمان حسين عند السُّؤال اللهم لقّن عثمان حسين حجّته اللهم باعد القبر عن جنبات عثمان حسين اللهم أكف عثمان حسين فتنة القبر اللهم أكف عثمان حسين ضمّة القبر اللهم أجعل قبر عثمان حسين روضةً من رياض الجّنّة ولا تجعله حفرة من حفر النار اللهم إن كان أبو عفّان محسناً فزد في إحسانه ، وإن كان مسيئاً فتجاوز عن سيّئاته اللهم ألحق عثمان حسين بالشُّهداء اللهم أفتح على عثمان حسين نافذة من الجّنّة وأجعل قبره روضةً من رياضها عزائي الحار وصادق مواساتي للوطن
(( لـيـه تـسـيـبـنـا يـا حـبـيـبـنـا ))
| |
|
|
|
|
|
|
|